ఇంటిముందు తుషార బిందువుల సుందరి చిందులేస్తూ- ఎదురుగ్గా పార్కు, నన్నో అల్లరుల చిన్నారిని చేసి, ఆడిస్తానని,ఆహ్వానిస్తూ- కార్లో వెళుతూ, ఇటునుంచటూ,అటునుంచిటూ చెయ్యెత్తి, ఇంద్రధనుస్సు లాంటి దేదో అలుకుతున్నట్లూపుతుంటే ఆకాశం ఉప్పొంగి, నా యెద మీద ఏటవాలుగా దిగి, వాలిపోతూ-
నదీపాయల్లాంటి రహదారుల మీద కవిత్వ విహంగ వీరంగమై విచలమై పోతూ- పొద్దెదో రాత్రేదో తెలియని అయోమయ అమాయకత్వంలో ముసురు పట్టిన మౌన దినాలతో ముసుగులో వెచ్చని ముచ్చట్ల అలజడిలో తేలిపోతూ-
ఎదురుపడే ముఖాలన్నీ ఫాస్ట్ ట్రాక్ భాషకు చిరునవ్వు సోయగ మద్దుతూ- వాహనాల మంద్రస్థాయి రాగమేదో మైదానాల కాలనీల సంచరిస్తూ, సంభ్రమాశ్చర్య తటిల్లతల్నిమేల్కొల్పుతూ- వెదజల్లిన కలల విత్తనాలు రాజ ప్రాసాదాల్లా మొలకెత్తినట్లు-
ప్రెసిడెంట్ డే, చిల్డ్రన్స్ బుక్ ఫెయిర్ డే డే లన్నీ ఏవో సాంస్కృతిక వారధుల్ని నిర్మిస్తూ, సర్ప్రైజ్ల గిఫ్ట్లు మోసుకొస్తూ- చీజ్ పూసిన బ్రెడ్డుతో, గడ్డ పెరుగుతో నన్నో రుచివంతుణ్ణి చేస్తూ-
ఫ్రీడమ్ ఆఫ్ ది స్ట్రగుల్… లిబర్టీ స్టాచ్యూకి నమస్కరిస్తూ- మహాత్మాగాంధి గుర్తొస్తున్నాడు!
దాసరాజు రామారావు సుప్రసిద్ధ కవి. “పట్టుకుచ్చుల పువ్వు”, “విరమించని వాక్యం” వంటి పలు కవితా సంపుటులు వెలువరించారు.
Your email address will not be published. Required fields are marked *
This site uses Akismet to reduce spam. Learn how your comment data is processed.
Like Us
ప్రతి ఒక్కరూ అవసరమే
గుంటూరు జిల్లా భక్తి పర్యటన – 27: తూములూరు
మహాభారతం మరోమారు
తిరుమలేశుని సన్నిధిలో – శ్రీనివాస వైభవం-1
పోస్టు చేయని ప్రేమలేఖ
All rights reserved - Sanchika™