‘సినిమా క్విజ్’కి స్వాగతం.
పాత కొత్త తెలుగు హిందీ సినీ అభిమానులను అలరించే ఈ శీర్షిక తమ సినీ అవగాహనను, విజ్ఞానాన్ని పాఠకులు పరీక్షించుకోదగిన ప్రశ్నలతో అందరినీ అలరిస్తుందని ఆశిస్తున్నాము. శ్రీ శ్రీనివాసరావు సొంసాళె ఈ ‘సినిమా క్విజ్’ శీర్షికను నిర్వహిస్తున్నారు.
ప్రశ్నలు:
- హిందీ లోని ‘ఇంతెకామ్’ సినిమాని, పి. రామచంద్రరావు దర్శకత్వంలో 1971లో హరనాథ్, శారద, గుమ్మడి, రాజనాల గార్లతో తెలుగులో రీమేక్ చేశారు. బొల్లిముంత శివరామకృష్ణ మాటలు అందించిన ఈ తెలుగు రీమేక్ సినిమా పేరు ఏంటి?
- కె.వి.రెడ్డి గారు చివరిసారిగా దర్శకత్వం వహించిన ‘శ్రీకృష్ణసత్య’ (1971) చిత్రంలో ఎన్.టి.ఆర్., ఎస్.వి.ఆర్., జయలలిత, దేవిక, కాంతారావు తదితరులు నటించారు. పెండ్యాల నాగేశ్వరరావు సంగీతమందించిన ఈ సినిమాలో జాంబవతిగా నటించినదెవరు?
- కమలాకర కామేశ్వరరావు దర్శకత్వం వహించిన ‘శ్రీకృష్ణవిజయం’ (1971) చిత్రంలో ఎన్.టి.ఆర్., జమున, జయలలిత, దేవిక, కాంతారావు తదితరులు నటించారు. పెండ్యాల నాగేశ్వరరావు సంగీతమందించిన ఈ సినిమాలో బ్రహ్మగా నటించినదెవరు?
- కమలాకర కామేశ్వరరావు దర్శకత్వం వహించిన ‘బాలభారతం’ (1972) చిత్రంలో బేబీ శ్రీదేవి, మాస్టర్ ప్రభాకర్, అంజలీదేవి, కాంతారావు తదితరులు నటించారు. యస్.రాజేశ్వరరావు సంగీతమందించిన ఈ సినిమాలో ద్రోణాచార్యుడిగా నటించినదెవరు?
- 1953లో అక్కినేని, సావిత్రి, ఎస్.వి.ఆర్., నటించిన ‘బతుకుతెరువు’ చిత్రాన్ని మళ్ళీ 1972లో తాతినేని రామారావు దర్శకత్వంలో అక్కినేని, జయలలిత, కృష్ణకుమారిలతో ‘భార్యాబిడ్డలు’ అనే పేరుతో తీశారు. ఈ సినిమాకి కథ అందించినదెవరు?
- పి. లక్ష్మీదీపక్ దర్శకత్వంలో కృష్ణ, శుభ, హలం, నాగయ్య నటించిన ‘గూడుపుఠాణి’ (1972) చిత్రానికి సంభాషణలు వ్రాసిన ప్రముఖ డిటెక్టివ్ నవలా రచయిత ఎవరు?
- కె.ఎస్.ఆర్. దాస్ దర్శకత్వంలో కృష్ణ, జ్యోతిలక్ష్మి, నగేష్ నటించిన ‘హంతకులు-దేవాంతకులు’ (1972) చిత్రానికి సంభాషణలు వ్రాసిన ప్రముఖ దర్శకుడు ఎవరు?
- తమిళ రచయిత ‘చో’ రామస్వామి వ్రాసిన నాటకం/సినిమా ‘మహమ్మద్-బిన్-తుగ్లక్’ ఆధారంగా తెలుగులో రీమేక్ అయిన ‘మహమ్మద్-బిన్-తుగ్లక్’ (1972) చిత్రానికి సంభాషణలు వ్రాసిన ప్రముఖ దర్శకుడు ఎవరు?
- సింగీతం శ్రీనివాసరావు తొలిసారిగా దర్శకత్వం వహించిన 1972లో వచ్చిన ఈ సినిమాలో కృష్ణంరాజు, కాంచన గుమ్మడి నటించారు. యస్.రాజేశ్వరరావు సంగీతమందించిన ఈ సినిమా పేరేమిటి? (క్లూ: ‘మాటల కందని భావాలు మంచి మనసులు చెబుతాయి’ అనే పాట ఇందులోదే.)
- దక్షిణాఫ్రికా చిత్రం ‘లాస్ట్ ఇన్ ది డెసర్ట్’ (1969) ఆధారంగా తెలుగులో రీమేక్ అయిన ఈ సినిమాలో ఎస్.వి. రంగారావు, దేవిక, కైకాల సత్యనారాయణ, నగేష్, మాస్టర్ రాము నటించారు. గొల్లపూడి మారుతీరావు స్క్రీన్ ప్లే, మాటలు సమకూర్చిన ఈ సినిమా పేరేంటి?
~
ఈ ప్రశ్నలకు జవాబులను 2025 జనవరి 14వ తేదీ లోపు puzzlesanchika@gmail.com కు మెయిల్ చేయాలి. మెయిల్ సబ్జెక్ట్ లైన్‌లో ‘సినిమా క్విజ్ 123 పూరణ’ అని వ్రాయాలి. గడువు తేదీ దాటాకా వచ్చిన పూరణలు పరిశీలించబడవు. సరైన సమాధానం వ్రాసినవారి పేర్లు, కొత్త క్విజ్‌తో బాటుగా 2025 జనవరి 19 తేదీన వెలువడతాయి.
సినిమా క్విజ్ 121 జవాబులు:
1.రంజన్ 2. లంక సత్యం 3. డి.వి. నరసరాజు 4. వల్లభజోశ్యుల శివరాం 5. మంచి చెడు 6. పసల సూర్య చంద్ర రావు 7. కె. ఎస్. గోపాలకృష్ణన్ 8. శాంతకుమారి 9. ధూళిపాళ 10. విజయనిర్మల
సినిమా క్విజ్ 121 కి సరైన సమాధానాలు పంపిన వారు:
- సిహెచ్.వి. బృందావన రావు, నెల్లూరు
- మంజుల దత్త కె., ఆదోని
- పి.వి.రాజు, హైదరాబాదు
- రామలింగయ్య టి, తెనాలి
- సునీతా ప్రకాశ్, బెంగుళూరు
- శంభర వెంకట రామ జోగారావు, బెంగుళూరు/ముంబయి
వీరికి అభినందనలు. జవాబులు పంపేవారు, తమ పేరుతో పాటు ఊరి పేరు కూడా వ్రాయగలరు.
గమనిక:
- సినిమా క్విజ్ ఏదైనా ప్రశ్నకు నిర్వాహకులు ఇచ్చిన జవాబు మరొక సరైన జవాబు కూడా ఉన్న సందర్భంలో – ఆ జవాబు రాసిన వారిని కూడా సరైన జవాబులు రాసినవారిగా పరిగణించాము.
- ఈ సినిమా క్విజ్‍కి సంబంధించి ఏవైనా సందేహాలు కలిగితే క్విజ్ నిర్వాహకులు శ్రీనివాసరావు సొంసాళె గారిని 9182112103 లో సంప్రదించగలరు.
- క్విజ్ ఆధారాలకు సంబంధించిన సందేహాలకు క్విజ్ నిర్వాహకులను సంప్రదించాలి. సంచిక మెయిల్ ఐడిలో ఉత్తరప్రత్యుత్తరాలకు తావు లేదు.
