‘సినిమా క్విజ్’కి స్వాగతం.
పాత కొత్త తెలుగు హిందీ సినీ అభిమానులను అలరించే ఈ శీర్షిక తమ సినీ అవగాహనను, విజ్ఞానాన్ని పాఠకులు పరీక్షించుకోదగిన ప్రశ్నలతో అందరినీ అలరిస్తుందని ఆశిస్తున్నాము. శ్రీ శ్రీనివాసరావు సొంసాళె ఈ ‘సినిమా క్విజ్’ శీర్షికను నిర్వహిస్తున్నారు.
ప్రశ్నలు:
- కమలాకర కామేశ్వరరావు దర్శకత్వంలో, కె.ఎస్. రవికుమార్, జయప్రద, గుమ్మడి, బి. సరోజాదేవి తదితరులు నటించిన ‘సీతారామ వనవాసం’ (1977) చిత్రంలో శబరి ప్రాత్రలో నటించినదెవరు?
- బెంగాలీ చిత్రం ‘సన్యాసిరాజా’ ఆధారంగా తెలుగులో వి. మధుసూదనరావు దర్శకత్వంలో రీమేక్ అయిన సినిమా ‘రాజా రమేష్’ (1977). అక్కినేని, జగ్గయ్య, శ్రీధర్, వాణిశ్రీ నటించిన ఈ చిత్రంలో థామస్ పాత్ర పోషించినదెవరు?
- పరుచూరి వెంకటేశ్వరరావు రచయితగా తెలుగు సినిమా రంగంలోకి ప్రవేశించిన ఈ చిత్రానికి దేవదాస్ కనకాల దర్శకుడు. రాళ్ళపళ్ళి, ఎస్.పి.శైలజ, నూటొక్క జిల్లాల అందగాడు నూతన్ ప్రసాద్ నటించిన ఈ చిత్రం పేరేమిటి?
- స్వీయనిర్మాణంలో ఎన్.టి.రామారావు దర్శకత్వం వహించి, కథ స్క్రీన్‍ప్లే అందించిన ‘చాణక్య చంద్రగుప్త’ సినిమాలో ఎన్.టి. రామారావు, అక్కినేని, శివాజీ గణేశన్, జయప్రద, మంజుల తదితరులు నటించారు. ఈ సినిమాకి సంభాషణలు సమకూర్చినదెవరు?
- మలయాళ చిత్రం ‘తీక్కనల్’ (1976) సినిమాని, కె. రాఘవేంద్రరావు దర్శకత్వంలో తెలుగులో రీమేక్ చేశారు. కృష్ణంరాజు, మురళీమోహన్, జయసుధ, సత్యనారాయణ నటించిన ఈ సినిమా పేరేమిటి? (క్లూ: ‘నా జీవన సంధ్యాసమయంలో ఒక దేవత ఉదయించింది’ పాట ఈ సినిమాలోదే)
- పి. లక్ష్మీదీపక్ దర్శకత్వంలో చంద్రమోహన్, శరత్‍బాబు, ప్రభ, జయమాలిని నటించిన ‘వింత ఇల్లు సంత గోల’ (1976) చిత్రానికి సంగీత దర్శకులు ఎవరు?
- బి.ఎస్. నారాయణ దర్శకత్వంలో మాధవి, రాళ్ళపల్లి, సత్యేంద్రకుమార్ నటించిన ‘ఊరుమ్మడి బ్రతుకులు’ (1976) చిత్రానికి జాతీయ అవార్దులలో ఏ అవార్డు లభించింది?
- వి. మధుసూదనరావు దర్శకత్వంలో ఎన్.టి.రామారావు, కృష్ణకుమారి, నాగయ్య, రేలంగి, రమణారెడ్డి తదితరులు నటించిన ‘లక్షాధికారి’ (1963) చిత్రంలో సీతయ్య పాత్రధారి ఎవరు?
- బోళ్ళ సుబ్బారావు దర్శకత్వంలో ఎన్.టి.రామారావు, దేవకి, కాంతారావు, రాజనాల, మిక్కిలినేని తదితరులు నటించిన ‘దేశద్రోహులు’ (1964) చిత్రంలో సిబిఐ ఆఫీసర్లుగా నటించిన ఇద్దరు నటులెవరు?
- కె. ప్రత్యగాత్మ దర్శకత్వంలో ఎన్.టి.రామారావు, జమున, జగ్గయ్య, గుమ్మడి తదితరులు నటించిన ‘మంచి మనిషి’ (1964) సినిమాకి సంగీతం అందించినదెవరు?
~
ఈ ప్రశ్నలకు జవాబులను 2025 ఫిబ్రవరి 18 వ తేదీ లోపు puzzlesanchika@gmail.com కు మెయిల్ చేయాలి. మెయిల్ సబ్జెక్ట్ లైన్‌లో ‘సినిమా క్విజ్ 128 పూరణ’ అని వ్రాయాలి. గడువు తేదీ దాటాకా వచ్చిన పూరణలు పరిశీలించబడవు. సరైన సమాధానం వ్రాసినవారి పేర్లు, కొత్త క్విజ్‌తో బాటుగా 2025 ఫిబ్రవరి 23 తేదీన వెలువడతాయి.
సినిమా క్విజ్ 126 జవాబులు:
1.ప్రదీప్ శక్తి 2. సి. ఆనందారామం గారి మమతల కోవెల 3. రాజనాల 4. డా. ఎం. ప్రభాకర రెడ్డి 5. ముక్కామల 6. డా. ఎం. ప్రభాకర రెడ్డి 7. జె. వి. రమణమూర్తి 8. టి. సుబ్బిరామిరెడ్డి 9. జమున 10. యవ్వనం కాటేసింది
సినిమా క్విజ్ 126 కి సరైన సమాధానాలు పంపిన వారు:
- సిహెచ్.వి. బృందావన రావు, నెల్లూరు
- ద్రోణంరాజు వెంకట మోహన్ రావు
- గోనుగుంట మురళీకృష్ణ, తెనాలి
- పి.వి.రాజు, హైదరాబాదు
- రామకూరు నాగేశ్వరరావు, శ్రీకాకుళం
- రామలింగయ్య టి, తెనాలి
- సదగోపన్, ఒంటిమిట్ట
- సునీతాప్రకాష్, బెంగుళూరు
- శంభర వెంకట రామ జోగారావు, బెంగుళూరు/ముంబయి
- వనమాల రామలింగాచారి, యాదగిరిగుట్ట
వీరికి అభినందనలు. జవాబులు పంపేవారు, తమ పేరుతో పాటు ఊరి పేరు కూడా వ్రాయగలరు.
గమనిక:
- సినిమా క్విజ్ ఏదైనా ప్రశ్నకు నిర్వాహకులు ఇచ్చిన జవాబు మరొక సరైన జవాబు కూడా ఉన్న సందర్భంలో – ఆ జవాబు రాసిన వారిని కూడా సరైన జవాబులు రాసినవారిగా పరిగణించాము.
- ఈ సినిమా క్విజ్‍కి సంబంధించి ఏవైనా సందేహాలు కలిగితే క్విజ్ నిర్వాహకులు శ్రీనివాసరావు సొంసాళె గారిని 9182112103 లో సంప్రదించగలరు.
- క్విజ్ ఆధారాలకు సంబంధించిన సందేహాలకు క్విజ్ నిర్వాహకులను సంప్రదించాలి. సంచిక మెయిల్ ఐడిలో ఉత్తరప్రత్యుత్తరాలకు తావు లేదు.
