జ్ఞాపకాల పందిరి-55

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

బిరుదులూ – సత్కారాలు..!!

ఈ మధ్య కాలంలో, బిరుదులూ – సత్కారాలూ అనే జంటపదాలు జనంలో తరచుగా వినబడుతున్నాయి. సహజంగా మనిషిని బట్టి, మనిషి వ్యక్తిత్వాన్ని బట్టి, సేవానిరతిని బట్టి, కొందరిని సమాజమే ఎదురువచ్చి,సంతోషంగా సన్మానిస్తుంది, గౌరవిస్తుంది, పేరుపడ్డ పెద్దల పేరుతో సత్కరిస్తుంది. దీనికి భిన్నంగా కొంతమంది తమ పరపతితోనూ, ధనమదంతోనూ, వీటిని బజారు వస్తువులు మాదిరిగానే కొనుక్కొంటున్నారు. కొన్ని సంస్థలకు, మరికొందరు పెద్ద మనుష్యులకు ఇదొక వ్యాపారంగా, బంగారు బాతుగా మారింది. ఇలా కాకుండా ప్రభుత్వపరంగా కొన్ని శాశ్వత బిరుదులూ – సన్మానాలూ వున్నాయి. దేశానికి – సమాజానికీ,తమ విశిష్ట సేవలు అందించిన మహానుభావులను వీటితో సత్కరించడం ఆనవాయితీగా వస్తున్నది. వీటికోసం అన్ని రంగాలను పరిగణన లోనికి తీసుకోవడం జరుగుతున్నది. వీటిల్లో కూడా నూటికి నూరు శాతం న్యాయం జరగక పోయినప్పటికీ, కొంతవరకూ మేలే అని చెప్పుకోవాలి. తమ సేవలద్వారా మరణించిన వారికి సైతం మరణానంతర అవార్డులు ఇచ్చి గౌరవిస్తున్నారు. అలాగే, విశ్వవిద్యాలయాలు డాక్టరేట్లు ఇచ్చి సత్కరించడం కూడా జరుగుతున్నది. కొన్ని విశ్వవిద్యాలయాలు కేవలం ఈ డాక్టరేట్లు ఇవ్వడానికే వెలసినట్లుగా ఈ మధ్యకాలంలో వెలుగులోనికి వచ్చిన తాజా వార్త. అంటే, డబ్బులుంటే ఎలాంటి డిగ్రీనైనా, డాక్టరేట్ నైనా కొనుక్కోవచ్చునన్న మాట. ప్రభుత్వాలు, ఇలాంటి విశ్వవిద్యాలయాల పట్ల ప్రేక్షక పాత్ర వహించడం బాధాకరమే!

ఈ మధ్యకాలంలో, సాహిత్యపరంగా, సాంస్కృతికపరంగా, సంగీతపరంగా అనేక గ్రూపులు (ఫేస్‌బుక్ & వాట్సాప్ వగైరా) ఏర్పడి, ఇష్టమైన రీతిలో బిరుదులు ఇవ్వడం, సన్మానాలు చేయడం ఒక ఫ్యాషన్‌గా మారిపోయింది. పైగా ఆ బిరుదులు మరీ అతిశయోక్తులుగా మారి, నవ్వాలో ఏడవాలో తెలియని పరిస్థితి ఏర్పడింది. ప్రస్తుతం సమాజంలో అదొక జాడ్యంగా రూపాంతరం చెందింది.

బిరుదులు ఇవ్వడం అనే దానిని నేను తప్పు పట్టడం లేదు, కానీ ఎలాంటి వ్యక్తికి బిరుదు ఇవ్వవచ్చు, ఆ బిరుదుకు ఆ వ్యక్తి ఎంతవరకూ అర్హుడు అన్నది తెలుసుకుని,ఈ బిరుదులు ప్రధానం చేసే సాహసం చేయాలి.. అయితే, అందరినీ ఇదే కేటగిరిలో చేర్చలేము. కొన్ని సంస్థలు, ఆరోగ్యకరమైన నిబంధనలకు కట్టుబడి, నిజంగా యోగ్యులైన వ్యక్తులను, బిరుదులకు, అవార్డులకు, సన్మానాలకూ గుర్తించడం జరుగుతున్నది. అయితే, వీటి శాతం చాలా తక్కువ. ఈ బిరుదులూ -సన్మానాలు గురించి నాకు ఎదురైన రెండు అనుభవాలు మీ ముందు వుంచుతాను. ఈ రెండూ ఒకదానికొకటి భిన్నమైనవి.

నేను వృత్తిపరంగా దంతవైద్యుడినని, అంతో ఇంతో సాహిత్యాభిరుచి వున్న వాడినని బాగా తెలిసిన వ్యక్తి నుండి ఒకానొక రోజు ఫోన్ కాల్ వచ్చింది. దాని సారాంశం ఏమిటంటే ఒక ప్రాంతీయ విశ్వవిద్యాలయము, మరో సాహితీ సంస్థ సంయుక్తంగా నిర్వహిస్తున్న కార్యక్రమాల్లో భాగంగా అవార్డు ప్రధానం కూడా చేస్తున్నారనీ, దాని కోసం వెంటనే నన్ను బయోడేటా పంపమని. నిజానికి నాకు ఈ అవార్డులూ – సన్మానాలూ ఇష్టం ఉండదు. నన్ను దగ్గరగా ఎరిగిన వారికి ఈ విషయం తెలుసు. కానీ,ఈ ఫోన్ చేసిన వ్యక్తికి తెలియక పోవచ్చు, అది అతని తప్పుకాదు! అందుచేత, అతనిని ఇబ్బంది పెట్టడం ఇష్టంలేక, నా సేవాకార్యక్రమాలతో కూడిన చిన్న బయోడేటా, అతను చెప్పిన చిరునామాకు పంపించాను. ఆ తర్వాత ఆ సంగతి మర్చిపోయాను కూడా! ఒక పదిహేను రోజుల తర్వాత అదే వ్యక్తి నుండి మళ్ళీ ఫోన్ కాల్ వచ్చింది. రెండు కేటగిరీలలోనూ (వైద్యం,సాహిత్యం) నేను సెలెక్ట్ అయ్యాననీ, అయితే, వాళ్ళు నన్ను వైద్యం కేటగిరీలో ఉంచి ‘వైద్య రత్న’ బిరుదు ప్రధానం చేయడానికి నిర్ణయించారని, తక్షణమే మూడువేల రూపాయలు వారికి పంపి అవార్డు కన్ఫర్మ్ చేసుకొమ్మని అతని సలహా. ఆ విషయం విన్న నాకు నవ్వు ఆగింది కాదు! ఇదేమి వింత? నేను వాళ్ళను అడిగింది లేదు, నాకు అసలే అవసరంలేదు. సేవ చేసేవాడికి బిరుదులతో పని లేదు. ఆ సందర్భంగా సన్మానానికి, ఇతర సాంకేతిక అవసరాలకు కొంత డబ్బు అవసరం కావచ్చు, దీనిని ఎవరూ కాదన్నారు. కానీ,ఇలా ఎందుకు? అందుకే, నాకు ఆ బిరుదు అవసరం లేదని వాళ్లకు సమాచారం అందించమని చెప్పాను. ఆ తర్వాత, అప్పటినుండి ఇప్పటివరకూ మా మధ్య ఎలాంటి సంభాషణలూ చోటు చేసుకోలేదు. సరే,ఆ విషయం అక్కడితో ముగిసింది.

డా. ఓ.నాగేశ్వరరావు, డాక్టర్ రావూస్ ఓరల్ హెల్త్ ఫౌండేషన్ అధినేత-హైదరాబాద్

తర్వాత కొద్దిరోజులకే అంటే 2019లో అనుకుంటాను. సోదర మిత్రుడు, నాకు జూనియర్, హైద్రాబాద్‌లో, వృత్తిపరంగానూ, ప్రవృత్తిపరంగాను అనేక ఘన విజయాలు సాధించిన గొప్ప సాహసికుడు డా. ఓగూరి నాగేశ్వర రావు ఫోన్ చేసాడు. ఇద్దరం అప్పుడప్పుడు పరస్పరం ఇలా ఫోన్ చేసుకుని పిచ్చాపాటి మాట్లాడుకుంటుంటాం. తరచుగా కలుసుకొనక పోయినా, ఇలా ఫోన్ కాల్స్‌తో సేదతీరుతుంటాం. నిజానికి సోదరుడు నాగేశ్వరరావు ఎప్పుడూ బిజీగా వుండే మనిషి. వృత్తికి సంబందించిన పనులతో పాటు అనేక సేవా కార్యక్రమాలకు తన విలువైన సమయాన్ని ఖర్చు చేసి తృప్తిపడి వ్యక్తిత్వం అతనిది. వీటికి తోడు సభలు సమావేశాలు, శుభకార్యాలలో పాల్గొని అందరినీ సంతృప్తిపరిచే సహృదయుడతడు. అంతమాత్రమే కాదు, అందరితోపాటు, తన సామాజిక వర్గ ప్రజలకు, ఎక్కడ ఎలాంటి సమస్య వచ్చినా, టక్కున వాలి, సమస్య పరిష్కారం అయ్యేవరకూ వదిలిపెట్టని మంచి మనసు అతనిది. ఈ కోనసీమ కుర్రోడు హైదరాబాద్‌లో దంతవైద్య విద్యార్థిగా, దంతవైద్యుడిగా, ఆరంగేట్రం చేసి కొత్త ఒరవడులు సృష్టించిన ఘనుడు. డా. నాగేశ్వర రావు బహుముఖ ప్రజ్ఞాశాలి. దంతవైద్యుడిగా, సామాజిక సేవకుడిగా, నటుడిగా, రచయితగా, రేడియో/టి. వి బ్రాడ్‌కాస్టర్‌గా, మంచి స్నేహితునిగా, ఒక ప్రత్యేకమైన వ్యక్తిత్వం గల వ్యక్తి, సోదరుడు ఓ.ఎన్.ఆర్. అలాంటి వ్యక్తి ఫోన్ చేసి “నీకు ‘వైద్య రత్న’ బిరుదు ఇచ్చి, రవీంద్ర భారతిలో సన్మానం చేస్తాం, ఒప్పుకోవాలి” అన్నాడు, గుండెల మీద కత్తి పెట్టి చెబుతున్నట్టుగా. నేను క్షణం మౌనంగా వుండి “నాకెందుకు బ్రదర్ – ఇవన్నీ?” అన్నాను. “లేదు, నువ్వు దానికి నూటికి నూరు శాతం అర్హుడవు, ఇప్పుడు నాకు చాన్సు వచ్చింది, తర్వాత నేను ఈ పని చేయలేను, మరి మాట్లాడకు” అన్నాడు. నిజానికి ఈ తమ్ముడు ‘డా. రావ్ ఓరల్ హెల్త్ ఫౌండేషన్’ అనే సంస్థను స్థాపించి అప్పటికే అనేక దంతవైద్య పరమైన సేవాకార్యక్రమాలు చేస్తున్నాడు. అలా మంచి పేరు తెచ్చుకున్నాడు. నిజానికి నా వంటి అనేక మంది వైద్య మిత్రులకు ఇలా సన్మానాలు చేయడం వల్ల, ఖర్చు తప్ప అతనికి వచ్చే లాభం ఏమీ లేదు. దానికి తోడు వెలకట్ట లేని శ్రమ కూడా!

అంతే కాకుండా, ఇతర వైద్యులతో పాటు, నాకు కూడా సన్మానం చేయాలని నిర్ణయించుకోవడం వెనుక చరిత్ర కూడా వుంది. సామాన్య ప్రజానీకంలో, దంతవైద్య విజ్ఞానంలో అవగాహన తీసుకురావడానికి, అనేక మార్గాల ద్వారా నేను చేస్తున్న కృషి అతనికి తెలుసు, పాఠశాల పిల్లల దంత సంరక్షణ విషయంలో, తరచుగా పాఠశాలల్లో నేను ఏర్పాటు చేస్తున్న దంత వైద్య శిబిరాల గురించి డా. రావ్‍కు అవగాహన వుంది. రేడియో/దూరదర్శన్‌ల ద్వారా, దంతవైద్య విజ్ఞానాన్ని నేను తరచుగా అందిస్తున్న విషయం, తమ్ముడు నాగేశ్వర రావుకి బాగా తెలుసును. వీటికి తోడు నేను, కవిగా, కథా రచయితగా, వ్యాసకర్తగా ఇతనికి పరిచయమే!

వీటినన్నింటినీ ప్రత్యక్షంగా తెలిసినవాడిగా, నన్ను కూడా సన్మాన గ్రహీతల జాబితాలో చేర్చే నిర్ణయం తీసుకున్నాడని గ్రహించాను. అందుకే అప్పటికి ‘సరే!’ అన్నాను.

మంత్రి శ్రీ ఈటెల రాజేందర్ గారి చేతులమీదుగా సన్మానం

కార్యక్రమం హైదరాబాద్ లోని రవీంద్ర భారతి. ముఖ్య అతిథి తెలంగాణా రాష్ట్ర ఆరోగ్య శాఖా మంత్రి శ్రీ ఈటెల రాజేందర్ గారు. డా. రావూస్ ఓరల్ ఫౌండేషన్ & ఆదర్శ ఫౌండేషన్ సంస్థలు కలిసి, సన్మానాలూ సంగీతంతో కూడిన కార్యక్రమం ఘనంగా ఏర్పాటు చేశారు. మంచి వర్షంలో కూడా జనం బాగానే వచ్చారు. ప్రత్యేకంగా నాకోసం మిత్రులు – రచయితా శ్రీ సాంబశివరావు గారు, సాగర్ మిత్రులు శ్రీ రాజేంద్ర ప్రసాద్ గారు, శ్రీ సుబ్బారావు గారు, మిత్రమణి – రచయిత్రి శ్రీమతి లక్ష్మీ పద్మజ దుగ్గరాజు రావడం ఎంతో ఆనందం అనిపించింది. హన్మకొండ నుండి సన్మానం స్వీకరించడానికి, నా సీనియర్ డా. వేణుగోపాల నాయుడు గారు కూడా రావడం సంతోష మనిపించింది. ఆ సభలో, తెలంగాణా రాష్ట్ర భాషా సాంస్కృతిక వ్యవహారాల సంచాలకులు శ్రీ మామిడి హరికృష్ణ గారు కూడా ఉన్నట్టు గుర్తు. అతిథుల ఉపన్యాసాలు పూర్తి అయినాక, మంత్రివర్యులచే, ‘వైద్య రత్న’ బిరుదు ప్రదానం, తర్వాత సన్మానం ఘనంగా జరిగాయి.

సమావేశానికి హాజరైన సాగర్ మిత్రులు శ్రీ రాజేంద్ర ప్రసాద్, శ్రీ సుబ్బారావు, శ్రీమతి లక్ష్మి పద్మజ దుగ్గరాజు

నా స్పందనలో డా. నాగేశ్వర రావుకి హృదయ పూర్వక ధన్యవాదాలు తెలియజేశాను. నా కార్యక్రమం పూర్తి అయ్యేవరకూ ఎంతో ఓపిగ్గా కూర్చుని నాకు శుభాకాంక్షలు తెలియజేసిన మిత్రమణి శ్రీమతి లక్ష్మీ పద్మజను, నాకోసం ప్రత్యేకంగా వచ్చి(మొదటిసారి కలుసుకోవడం) నాకు పుష్పగుచ్ఛం అందించిన మిత్రులు శ్రీ రాజేంద్ర ప్రసాద్ (బి. ఎస్. ఎన్. ఎల్) గారినీ ,ఎప్పటికీ మరచిపోలేను. సోదర మిత్రుడు రవీంద్ర భారతిలో నాకు చేసిన సన్మానం నా జీవితంలో ఒక మైలురాయి అనడంలో ఎలాంటి సందేహమూ లేదు. (మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
April 25, 2021 at 7:10 am
సంచిక సంపాదకవర్గానికి
ఇతర సాంకేతిక నిపుణుల కు
హృదయపూర్వక ధన్యవాదాలు.

Reply
2

Shyam
April 25, 2021 at 7:22 am
వైద్య ఆరోగ్య రంగంలో మరియు సాహిత్య వేదిక మీద మీరు సాధించిన ప్రగతి శ్లాఘనీయం. అందులో సందేహం లేదు. యే విషయాన్ని అయినా ఆసక్తికరంగా చెప్పే విధానం లో మంచి నేర్పు వుంది. ఈ నేపథ్యంలో మీకు ఇచ్చిన గుర్తింపు సరిఅయిన దె.

Reply
1. 2.1
  
  డా కె.ఎల్.వి.ప్రసాద్
  April 25, 2021 at 7:47 am
  ధన్యవాదాలు
  మిత్రమా.
  
  Reply
3

sagar
April 25, 2021 at 7:27 am
మొదటీ సన్మానం మీకు తెలియని వ్యక్తి ధనం ఆశించి చేయదలచుకున్న సన్మానం. మీదగ్గరినుంచి ధనం అందినవెంటనే ప్లేట్ పిరాయించి ఉండవచ్చుకూడ. అలాంటివారికి కొదవలేదు ఇప్పుడు. మా సిఇఒ గారికి 2000 సంవత్సరంలో అలాంటి అనుభవమే ఎదురయ్యింది. ఇక రెండో సన్మానం మీ గురించి సమస్తం తెలిసిన వ్యక్తి చేయడం మీ గౌరవాన్ని సమాజంలో పెంచింది. మీకు నా అభినందనలు మరియు ధన్యవాదములు సర్ .

Reply
1. 3.1
  
  డా కె.ఎల్.వి.ప్రసాద్
  April 25, 2021 at 7:46 am
  సాగర్
  నీ స్పందన కు ధన్యవాదాలండీ.
  
  Reply
4

Dr.Ram Sarma
April 25, 2021 at 7:39 am
జ్ఙాపకాలు‌ జీవన రథానికి ఇంధనాలు.. అందరినీ గుర్తు చేసుకుంటూ సంఘటనలను నెమరువేసుకుంటూ నలుగురికీ పంచుకుంటున్న మీరు అభినందనీయులు. రామశర్మ

Reply
1. 4.1
  
  డా కె.ఎల్.వి.ప్రసాద్
  April 25, 2021 at 8:09 am
  శర్మ గారూ ధన్యవాదాలు.
  
  Reply
5

డా కె.ఎల్.వి.ప్రసాద్
April 25, 2021 at 7:45 am
ధన్యవాదాలండీ
శర్మ గారూ.

Reply
6

మొహమ్మద్. అఫ్సర వలీషా
April 25, 2021 at 7:59 am
నమస్తే శుభోదయం సార్ 🙏ముందు గా మీకు ఎంతో శ్రమకోర్చి దంత వైద్య రంగంలో విభిన్న పధ్ధతులలో పలు సేవా కార్యక్రమాలను అందించిన మీకు “దంత వైద్య రత్న” బిరుదు ప్రధానం చేయడం చాలా చాలా సంతోషం అందుకు మీరు అక్షరాలా అర్హులు హృదయపూర్వక శుభాకాంక్షలు శుభాభినందనలు సార్ మీకు 💐💐💐💐💐💐💐💐 మీరు చెప్పినట్లు చాలా మంది డబ్బు పెట్టి మరీ కొనుక్కోవడానికి వెనుకాడటం లేదు .అన్నీ సేవలు చేసినా ఏనాడూ ఏ అవార్డు ను ఆశించక పోవడం గర్వించదగిన విషయం .మీకు సోదర సమానుడైన నాగేశ్వరరావు గారు మీ సేవలు గుర్తించి మిమ్మల్ని ఆ అరుదైన అవార్డు కు ఎంపిక చేయడం చాలా సంతోషాన్ని కలిగించింది అలాగే మంత్రి ఈటెల గారి చేతుల మీద ఆ అవార్డు పొందడం చాలా చాలా ఆనందం కలిగింది. 🙏 చాలా మంచి విషయాలను మనుషుల అవగతలను బాగా చెప్పారు. అవార్డులు ఎప్పుడూ అర్హులైన వారికిస్తేనే దాని విలువా గౌరవం దక్కేది.మిమ్మల్ని ఎంతో గౌరవించి గురువు గా అభిమానించే లక్ష్మీ పద్మజ గారు కూడా రావడం చాలా సంతోషం సార్ 👏🤝👏 మీరు మరెన్నో అవార్డులు మరింత ఉన్నత స్థానంలో ఆయురారోగ్యాలు సుఖసంతోషాలు కలిగి పొందాలని మనస్ఫూర్తిగా కోరుకుంటున్నాను సార్ మీకు నా హృదయపూర్వక శుభాకాంక్షలు శుభాభినందనలు 💐💐🙏💐🙏💐🙏💐🙏💐🙏💐

Reply
1. 6.1
  
  డా కె.ఎల్.వి.ప్రసాద్
  April 25, 2021 at 8:17 am
  అమ్మా…..
  నీ హృదయపూర్వక స్పందనకు ధన్యవాదాలు.
  
  Reply
7

డా కె.ఎల్.వి.ప్రసాద్
April 25, 2021 at 8:07 am
అలా యాదృచ్ఛికంగా ఆ బిరుదు వస్తే , ఆ ఆనందం వేరే ఉంటుంది సర్ . ఎంత డబ్బు పెట్టితే ఆ సంతోషం మనం కొనగలం చెప్పండి . 👏🏻💐🙏🏻

——డా.డి.సత్యనారాయణ.
హైదరాబాద్.

Reply
1. 7.1
  
  డా కె.ఎల్.వి.ప్రసాద్
  April 25, 2021 at 8:08 am
  ధన్యవాదాలండీ
  
  Reply
8

ఎన్.వి.ఎన్.చారి
April 25, 2021 at 8:16 am
ఇచట సన్మానాలుచేయబడును ఖర్చుమీది అవార్డు
మాది అంటూ బోర్డులు పెట్టుకోవడం వ్యాపారధోరణి గా మారింది చాలాకాలంనుండే ఈ వ్యవహారం నడుస్తున్నది దురదృష్టవశాత్తు డాక్ట’రేటు”ల అవార్డుల ఫంక్షన్ అతిథిగా పాల్గొనవలసి వచ్చింది మిత్రత వల్ల
నిజానికి ప్రతిభావంతులకు ఇది బాధాకరమే.కానీ రత్నం తనను తన ప్రకాశంతో స్వీయ గుర్తింపు కలిగి ఉంటుంది
మీలోగల ఆ స్వయం ప్రకాశక శక్తి మీకు అచ్చమైన.పురస్కారాన్ని అందించింది.

Reply
1. 8.1
  
  డా కె.ఎల్.వి.ప్రసాద్
  April 25, 2021 at 8:18 am
  చారి గారూ
  మీ స్పందన కు ధన్యవాదాలండీ.
  చాలా బాగా రాసారు.
  
  Reply
9

డా కె.ఎల్.వి.ప్రసాద్
April 25, 2021 at 8:24 am
Appropriate choice for felicitating a deserving multifaceted personality congratulations 👏

—sri Ravulapati sitarama rao
Hyderabad.

Reply
1. 9.1
  
  డా కె.ఎల్.వి.ప్రసాద్
  April 25, 2021 at 8:25 am
  Thank yo somuch sir.
  
  Reply
10

డా కె.ఎల్.వి.ప్రసాద్
April 25, 2021 at 8:31 am
సార్….నా అభిప్రాయం…..సేవకు గుర్తింపుగా బిరుదులు ఇవ్వాలి. గుర్తింపు మరింత ఉత్సాహాన్ని ఇవ్వటమే గాక, తదుపరి బాధ్యతను కూడా గుర్తు చేస్తుంది. అవసరం ఐనవారికి ఆర్థిక సహాయం కూడా చేయాలి. మనకు ఉద్యోగాలూ, పెన్షన్లు వున్నాయి కాబట్టి సరిపోయింది. సాహిత్యమే ఊపిరిగా, సొంత ఖర్చులతో సాహిత్య సేవ చేస్తూ, అంతగా సంపాయించుకొని వాళ్ళని ఆదుకోవడం, నిలదొక్కుకున్న సాహిత్య కారులు ధర్మం. గవర్నమెంట్ సంగతి పక్కన పెడదాం. అదో రాజకీయ క్రీడ. హార్ధికంతో పాటు అదే రంగంలో ఉన్న వారుకూడా పెద్ద మనస్సు చేసుకొని ఆర్థికంగా, హితోధిక సహాయం చెయ్యాలి. అలా చేయకపోతే, దుమ్ము పెట్టిన అవార్డును తుడవాలని కూడా అనిపించదు. అందరికీ మీలాంటి మనస్సు వుండాలి. ఏమంటారు సార్….?

—–మారుతీ కిరణ్
హైదరాబాద్.

Reply
1. 10.1
  
  డా కె.ఎల్.వి.ప్రసాద్
  April 25, 2021 at 8:31 am
  మీ స్పందన కు ధన్యవాదాలండీ.
  
  Reply
11

Dr.Harika
April 25, 2021 at 9:06 am
Good morning sir,
Even I experienced the same in one instance, where they asked me huge amount just to get on to the stage on awards function.
When I addressed this issue to the boss of that organization, he said that we are not doing it for our sake, you get the recognition for what you paid.
And coming to your award, as we all know you really deserve it sir and was no surprise to anybody.
And heartful thanks to Prof.O.Nageshwar Rao sir for addressing such genuine and deserving person like you.

Reply
1. 11.1
  
  డా కె.ఎల్.వి.ప్రసాద్
  April 25, 2021 at 10:28 am
  Harika
  Thank you so much.
  
  Reply
12

డా కె.ఎల్.వి.ప్రసాద్
April 25, 2021 at 9:34 am
వైద్యరత్న వర్యులకు అభినందనలు.ఎప్పుడు జరిగింది ఈ కార్యక్రమం.. నేనూ వచ్చి ఉండేవాడినే. ఈ బిరుదు ప్రదానాల పై సినిమాల్లో హాస్య ప్రహసనాలు చాలానే ఉన్నాయి. కూ టి కోసం ఇదో కోటి ఒక్కో వేషం.బాగుంది మీ జ్ఞాపకం.

—-వి.కామేశ్వర రావు

హైదరాబాద్.

Reply
1. 12.1
  
  డా కె.ఎల్.వి.ప్రసాద్
  April 25, 2021 at 9:34 am
  ధన్యవాదాలండీ.
  
  Reply
13

రాపాక అశోక్ కుమార్
April 25, 2021 at 9:36 am
మీరు అవార్డు తీసుకోవడానికి 100% అర్హత కలిగి వున్నారు మామయ్య

Reply
1. 13.1
  
  డా కె.ఎల్.వి.ప్రసాద్
  April 25, 2021 at 10:26 am
  అశోక్
  ధన్యవాదాలు.
  
  Reply
14

డా కె.ఎల్.వి.ప్రసాద్
April 25, 2021 at 9:36 am
Congratulations “Doctor Ratna” Dr KLV Prasad garu. Wish many more such recognitions. 👏👏👏

——‘surya narayana rao
Hyderabad.

Reply
1. 14.1
  
  డా కె.ఎల్.వి.ప్రసాద్
  April 25, 2021 at 9:37 am
  Thank you somuch sir
  
  Reply
15

డా కె.ఎల్.వి.ప్రసాద్
April 25, 2021 at 10:25 am
మీ వైద్యవిద్యా ప్రావీణ్యత, సాహితీ కౌశలత అద్భుతం
అభినందనీయం….
మీ లభించిన గుర్తింపు, సన్మానం
ఆనందభరితం…🌷💐💐

ఉన్నది ఉన్నట్టుగా చెప్తాను.
మీరు ముందు వ్రాసిన విమర్శ మీ వ్యక్తిత్వాన్ని దెబ్బతీసింది అనిపించింది.

ఇతరులను విమర్శిస్తూ మీ ప్రశంశలోకి ప్రయాణించే వ్యాసం
చదువరులకు మరో ఆలోచనకు తావిచ్చింది.
అని నా అభిప్రాయం.

మీరేమిటో మాత్రమే ఆవిషరించుకుంటే అద్భుతం
అనిపించింది నాకు.

నేనే తప్పు కావచ్చు.
కానీ మనిషి ఎదిగే క్రమంలో ఎన్ని సంఘటల్లోంచి ప్రతిభ పుష్పిస్తుంది.
మంచి మాత్రమే గుబాలిస్తే ఇంకా వన్నె వస్తుంది.

దీన్ని తప్పుగా తీసుకోకండి..
🙏🙏🙏🙏🌷

——వాణి గొర్తి
విశాఖపట్నం.

Reply
1. 15.1
  
  డా కె.ఎల్.వి.ప్రసాద్
  April 25, 2021 at 10:25 am
  ధన్యవాదాలండీ
  
  Reply
16

డా కె.ఎల్.వి.ప్రసాద్
April 25, 2021 at 10:55 am
డబ్బులతో బిరుదులు కొనుక్కోవడంకంటే.. మన సేవలను గుర్తించినవారు ఇచ్చిన అవార్డ్స్ గొప్పవని చెప్పారు..

—-వెంకట్రామ నర్సయ్య
మహబూబాబాద్.

Reply
1. 16.1
  
  డా కె.ఎల్.వి.ప్రసాద్
  April 25, 2021 at 10:55 am
  ధన్యవాదాలు
  మిత్రమా……..
  
  Reply
17

డా కె.ఎల్.వి.ప్రసాద్
April 25, 2021 at 11:43 am
I felt very happy about your award maruti hyderabad annatlu arthika stomatha lenivarini protsahinchi help cheyyadam manchipani ani na abhiprayam

–‘—–విజయలక్ష్మి.
హైదరాబాద్.

Reply
1. 17.1
  
  డా కె.ఎల్.వి.ప్రసాద్
  April 25, 2021 at 11:43 am
  ధన్యవాదాలండీ.
  
  Reply
18

డా కె.ఎల్.వి.ప్రసాద్
April 25, 2021 at 12:33 pm
Congratulations sir, Really you are deserve it sir.💐💐💐👍

——KJ Srinivas
Hyderabad.

Reply
1. 18.1
  
  డా కె.ఎల్.వి.ప్రసాద్
  April 25, 2021 at 12:33 pm
  Thank you sir.
  
  Reply
19

Shyam
April 25, 2021 at 12:38 pm
కోనుగోలు చేసిన సన్మానము లు, సత్కారము లు వీటి గురించి సినిమా లలో ఎన్నో ఏళ్లుగా చూశాను. ఆ తరువాత ఇప్పటివరకు కూడా అటువంటి కార్యక్రమాలు చేసే ఎన్నో సంఘాలు మన దగ్గర వున్నాయి. మా దగ్గర చుట్టాల లో ఒక పచ్చి మోసగాడైన వ్యక్తి కి ” సంఘ సంస్కర్త ” అనే బిరుదు ఏదో అంతర్జాతీయ సంస్థ ,ఇచ్చి సన్మానము చేసింది. ఇలాంటివి చోటు చేసుకున్న సమయంలో నిజమైన వ్యక్తుల కు సరి అయిన గుర్తింపు దక్కడం సంతోషం. మీరు ఎన్నో సంవత్సరాలుగా వృత్తి పరంగా కలిగిన విద్యా నిపుణత ను కూడా సాహిత్య విదానం లో పాఠకులకు పరిచయం చేశారు. చాలా కాలం తర్వాత దాని కి గుర్తింపు వచ్చింది. అభినందనీ యు లు . మా అభినందనలు.

Reply
20

డా కె.ఎల్.వి.ప్రసాద్
April 25, 2021 at 12:43 pm
సార్ నమస్కారం🙏
సమాజానికి ఉపయోగపడే ఏ పని చేసినా ,అది అన్నివేళలా ప్రశంసనీయమైన అంశమని మీకు లభించిన ఈ పురస్కారం ద్వారా తెలియ వచ్చుటే కాకుండా మీ జ్ఞాపకాన్ని నలుగురికి పంచడం వలన ఎవరైనా ఒక మంచి కార్యక్రమాన్ని తలపెట్టినా… ఈ జనాలు ఇవాల లబ్ధి పొంది రేపు మర్చిపోతారులే …అని అనుకునేవారికి ధైర్యంగా ముందుకు సాగాలనిపిస్తోంది .
అలా కాకపోతే ఎప్పుడో 10 సంవత్సరాల క్రితం ఉద్యోగ విరమణ చేసినా ,మీ సేవలను గుర్తించి ఇలా సన్మానించడం బహు ఆనందదాయకం.

—బి.ఎన్. కృష్ణా రెడ్డి
సఫిల్ గూడ
సికింద్రాబాద్.

Reply
1. 20.1
  
  డా కె.ఎల్.వి.ప్రసాద్
  April 25, 2021 at 7:43 pm
  రెడ్డి గారూ
  మీ స్పందన కు ధన్యవాదాలండీ.
  
  Reply
21

డా కె.ఎల్.వి.ప్రసాద్
April 25, 2021 at 1:10 pm
Prasad Garu!
Aa kaaryakramaaniki nenoo vatchaanu..
Mee sanmaanaanni kallaaraa choosi aanandinchaanu..
Aa roju sanghatanalatho neno manchi katha vraashaanu ..”Mankenti Laabham..?” ane katha..Manchi Katha..
Dhanyavaadaalandi 🙏

—-టి.సాంబశివ రావు
హైదరాబాద్.

Reply
1. 21.1
  
  డా కె.ఎల్.వి.ప్రసాద్
  April 25, 2021 at 1:11 pm
  మర్చి పోయాను
  ధన్యవాదాలండీ.
  
  Reply
22

డా కె.ఎల్.వి.ప్రసాద్
April 25, 2021 at 2:44 pm
Manchi article sir.Fake birudulu oka prahasananga marindi..

——డాక్టర్. డి.సుజాత.
విజయవాడ.

Reply
1. 22.1
  
  డా కె.ఎల్.వి.ప్రసాద్
  April 25, 2021 at 2:44 pm
  ధన్యవాదాలండీ.
  
  Reply
23

Bhujanga rao
April 25, 2021 at 3:01 pm
మీరు వైద్య రంగంలో రచయితగా,వ్యాసకర్తగా సాధించిన ప్రగతి అసమాన్యమైనది.అందుకు తగిన ప్రతిఫలం,డాక్టర్ రావూస్ ఓరల్ ఫౌండేషన్ మరియు ఆదర్శ ఫౌండేషన్ వారి సౌజన్యంతో,మీ మిత్రుడు ఓ.నాగేశ్వరరావు గారి నిర్వహణతో వైద్య రత్న పురస్కార ప్రధానం అద్భుతం సర్. మీ సేవలకు తగిన అరుదైన గుర్తింపు.ఆశల కోసం కాదు,ఆశయాల కోసం జీవించే వ్యక్తుల్లో ఒకరు.మీ మనస్తత్వాన్ని గుర్తెరిగి మొదటి సన్మానం సున్నితంగా తిరస్కరించారు.మీరు నిర్మొహమాటంగా, సూటిగా,నిక్కచ్చిగా చెప్పే విధానం అందరిని మీ దగ్గరికి చేర్చింది.మీ జ్ఞాపకాల పందిరిలో పాలు పంచుకునే ఆ ఆకాశం కల్పించిన మీకు హృదయాపూర్వక నమస్కారములు.

Reply
1. 23.1
  
  డా కె.ఎల్.వి.ప్రసాద్
  April 25, 2021 at 4:50 pm
  రావు గారూ
  మీ స్పందన కు ధన్యవాదాలు.
  
  Reply
24

Bhujanga rao
April 25, 2021 at 3:14 pm
మీరు వైద్య రంగంలో,మరియు రచయితగా,వ్యాసకర్తగా మీరు సాధించిన ప్రగతి అసమాన్యమైనది.అందుకు తగిన ప్రతిఫలం,వైద్య రత్న పురస్కార ప్రధానం మీ సేవల కు అరుదైన గుర్తింపు.అభినందనలు మరియు ధన్యవాదములు సర్.

Reply
1. 24.1
  
  డా.కె.ఎల్.వి.ప్రసాద్
  April 30, 2021 at 5:28 am
  రావు గారు ధన్యవాదాలండీ
  
  Reply
25

డి.వి.శేషాచార్య
April 25, 2021 at 4:18 pm
ఈ వ్యాపారం చాలా రోజులుగా సాగుతోంది సర్. బిరుదులు, సన్మానాల కోసం తహతహలాడే కవులు, రచయితలు, కళాకారులు, క్రీడాకారులు, సంఘ సేవకులు సమాజం లో చాలా మందే ఉన్నారు సర్. మీకు తెలియదేమో ఈ మధ్య డాక్టరేట్లు కూడా ఇస్తున్నారు. వీటి వల్ల మీవంటి నిజంగా అర్హులైన వారు మీలాగే ఇబ్బంది పడుతున్నారు.

Reply
1. 25.1
  
  డా కె.ఎల్.వి.ప్రసాద్
  April 25, 2021 at 4:48 pm
  మిత్రమా
  మీ స్పందన కు
  ధన్యవాదాలు.
  
  Reply
26

Jhansi koppisetty
April 25, 2021 at 6:38 pm
వైద్య రత్న శ్రీ ప్రసాద్ కానేటిగారికి అభినందనలు💐💐💐

Reply
1. 26.1
  
  డా కె.ఎల్.వి.ప్రసాద్
  April 25, 2021 at 10:13 pm
  ధన్యవాదాలు
  ధన్యవాదాలండీ .
  
  Reply
27

డా కె.ఎల్.వి.ప్రసాద్
April 25, 2021 at 7:33 pm
Mee అనుభవాల పందిరిని చూసాను ( చదివాను). డబ్బులిచ్చి సన్మానాలు. చేయించుకునే రోజులు కదా☹️🙏🏼బాగా రాశారు

——-డా.అంజనీ దేవి
హనంకొండ.

Reply
1. 27.1
  
  డా కె.ఎల్.వి.ప్రసాద్
  April 25, 2021 at 7:34 pm
  ధన్యవాదాలండీ.
  
  Reply
28

డా కె.ఎల్.వి.ప్రసాద్
April 25, 2021 at 7:41 pm
Congratulation for yourVidya Ratna BAKumar Vixag

Reply
1. 28.1
  
  డా కె.ఎల్.వి.ప్రసాద్
  April 25, 2021 at 7:42 pm
  Thank you brother.
  
  Reply
29

డా కె.ఎల్.వి.ప్రసాద్
April 25, 2021 at 10:11 pm
దంత వైద్య నిపుణులుగా సమాజానికి మీరందించిన సేవను నిజ ఆత్మతో గ్రహించి అత్యంత గౌరవ ప్రదంగా అవార్డ్ను ప్రధానం చేయడం శ్రీ నాగేశ్వర రావు గారి వంటి విజ్ఞులు చేయదగిన సత్కార్యమే.మీ వంటి వారికి దక్కవలసిన గౌరవమే. నిజంగా మనను పరిశీలించి అర్హతకు తగ్గ గౌరవం ఇవ్వడం ఎప్పుడూ హర్షించ దగిన అంశమే.ఈ రోజు ఆ నాటి మీ సన్నిహితులు మిమ్మల్ని సన్మానించిన తీరు మాకూ ఎంతో ఆనందాన్ని ఇచ్చింది చదువుతుంటే. రాసిన మీరూ ఎంతో అనుభూతి చెందుతూ ఆనాటి ఆత్మీయ క్షణాల్ని నెమరువేసుకున్నారని మీ ప్రతి అక్షరం చెబుతున్నది.మంచి జ్ఞాపకం సర్.💐💐💐💐మీరు మొదట ఉదహరించిన అలాంటి బోగస్ సంస్థల ఉనికి నిజమైన ప్రతిభకు,సేవాతత్పరతకూ గొడ్డలి పెట్టులే.ఆత్మ తృప్తినిచ్చే సన్మానాన్ని పొందిన మీకు శుభాకాంక్షలు సర్🙏

—-డి.నాగజ్యోతీ శేఖర్
కాకినాడ.

Reply
1. 29.1
  
  డా కె.ఎల్.వి.ప్రసాద్
  April 25, 2021 at 10:12 pm
  మీ స్పందన కు ధన్యవాదాలమ్మా.
  
  Reply
30

Naccaw Sudhacaraw Rau
April 26, 2021 at 7:23 am
Dr KLV Prasad gaaru, good morning. This episode on the Awards, rewards ,recognitions and felicitations is a stricture on the sorry state of selections , purpose, criteria, benchmarks and the unhealthy trends…are reflective of our fallen system.

Very few recognitions are honest and government Awards in most cases are political…

Dr ONR, no doubt ,an excellent professional dental surgeon and public spirited gentle man of social and cultural values.

Anyway, Dr ONR has done a great service in selecting you for Vaidhya Rathna Award… the presence of your gracious Friends like Thota Sambasiva Rao gaaru and others is a great time for you to enjoy. You are a great man of friendship and fellowship…

Reply
1. 30.1
  
  డా కె.ఎల్.వి.ప్రసాద్
  April 26, 2021 at 4:46 pm
  Thank you sir.
  
  Reply
31

డా కె.ఎల్.వి.ప్రసాద్
April 26, 2021 at 4:43 pm
Chandrasekhar_ Jogam:
—————————————
ఎటువంటి గొప్పలకు,హంగు
ఆరాభాటాలకు చో
టివ్వని మి కు మి ప్రతిభను గమనించి మీ కు ఇచ్చిన award meeku meeku sarigga saripotuundi.Congrats.

Reply
1. 31.1
  
  డా కె.ఎల్.వి.ప్రసాద్
  April 26, 2021 at 4:44 pm
  Thank you sekhar.
  
  Reply
32

డా కె.ఎల్.వి.ప్రసాద్
April 27, 2021 at 9:44 am
అవార్డుల మీద మీ అభిప్రాయంతొ నూటికి నూరు పాళ్ళు ఏకీభవిస్తున్నాను.కొన్ని సంస్థలు అందుకొసమే పుట్టి పనిచేస్తవి.బిరుదులలొపస లేనివి చాలా ఉంటవి. మాకు ఏదొ అవార్డిస్తున్న తప్పక రమ్మని నమలిగొండబాలకిషన్నరావుఫొన్చేసిండొక రొజు .సాహిత్యంను అభిమానించే వాడిని కనుక తత్సంూంధమేదొ ఉంటుందనుకున్న.తీరా అక్కడికి పొయిఅవార్డులు ప్రకటిమచేవరకువతెలియదు. భారతనవరత్న నొ నవభారతరత్న.ఉన్నది నేను మొహమాటానికి తీసుకున్నదే ఐతే ఆరొజు నాతొ పాటు తీసుకున్నవాళ్ళంతా కూడా అంతపెద్దబిరుదుకు అర్హులా అంటే ఒకసారిఆలొచించవలసిందే. మొహమాటానికి కూడా ఒప్పుకొవద్దని అప్పుడనిపించింది
మీరన్నట్టు డబ్బుతొ కొనుక్కున్నట్టుండేవికొన్ని.
ఎట్లా తయారైందంటే సత్కార సభ ఐనాక తనకు పడ్డ పూలగండలు లెక్కచూసుకొని. నా దగ్గర 50 దండలకు డబ్బులుతీసుకున్నారు
49 ఉన్నవేంది ?మిగిలిన ఒకదండేమైంది అనిఅడిగే స్థితి. 55 వ సంచిక బాగుంది ఒక్కొక్క సంచికలొ ఒక్కొక్క. విషయాన్ని( ఇట్లాటి సమాజంలొని డంబాలను) ప్రస్తావించి. సుతిమెత్తగా వడ్డించటం నచ్చింది నాకు .బాగుంది ఈసంచిక కూడా.అభినందనలు.
—-రామశాస్త్రి

Reply
33

Dr. O. Nageswara Raodronrao@gmail.com
April 27, 2021 at 10:54 pm
Thank you sooo much Brother
Dr.Klv prasad
I am very happy with your article includes my activity.
Really I am feeling it’s a Great apertunity to felicitated valued
personality like you.
I am sooooooooo… happy
regarding your appreciation n gratitude in your pen or mind.
Thanking you for your Gnapakam.

Reply
1. 33.1
  
  డా.కె.ఎల్.వి.ప్రసాద్
  April 30, 2021 at 5:30 am
  Thank you
  Brother Rao.
  
  Reply
34

డా కె.ఎల్.వి.ప్రసాద్
April 30, 2021 at 5:26 am
రానున్నది రాకమానదు ,కాకున్నది
కాకమానదని ఒకసామెత. అది మీ
పట్ల వర్తించింది. హిందూ మత విశ్వా
సంప్రకారం పూర్వజన్మ పుణ్యం వల్ల
కీర్తిప్రతిష్టలు కల్గుతాయట. కృషికి
తగిన గుర్తింపు రావడం కూడా అదృష్ట
మే. గుర్తిస్తే రెట్టింపు ఉత్సాహంతో
వ్యక్తి పనిచేస్తాడు. వృత్తి సేవయేగాక
దాని ప్రయోజనాన్ని ప్రచారం చేయడం
సాహిత్య రచనావ్యాసంగం మీ వైద్య
రత్న ను శిల్పీకరించాయి. అభినందన
లు.
————-వజ్జల. రంగాచార్యా
అమెరికా.

Reply
1. 34.1
  
  డా.కె.ఎల్.వి.ప్రసాద్
  April 30, 2021 at 5:27 am
  ధన్యవాదాలు సర్ మీకు
  
  Reply