రచయితగా.. మార్గదర్శనం చేసిన ఆకాశవాణి
ఒకప్పుడు రేడియో అంటే సామాన్య ప్రజానీకానికి అందని ద్రాక్షపండే! ఎవరో ధనవంతుల ఇంట్లో రేడియో ఉంటే చుట్టుపక్కల వున్న ఔత్సాహికులు వారి ఇంటి చుట్టూ చేరి రకరకాలైన కార్యక్రమాలతో పాటు, ప్రాంతీయ, జాతీయ వార్తలను వినడం చూసేవారికి ఒక వింతగా ఉండేది. అది ఒకప్పటి సామాజిక చిత్రం. ఇప్పుడు మనకు అందుబాటులోనికి వచ్చిన ‘మొబైల్’లో లేనిదంటూ లేదు. దానికి రేడియో అతీతం కాదు. అందుచేత ఇప్పుడు స్మార్ట్ ఫోన్ ఉపయోగించని వారు బహు అరుదు.
ఆకాశవాణి ఎంబ్లమ్
రేడియో వినగల సౌలభ్యం ఇప్పుడు అందరికీ అందుబాటులోనూ వున్నట్టే. అయితే ఎంతమంది వింటున్నారన్నది వేరే విషయం కానీ ప్రతి కారులో సైతం (కొన్ని బస్సులలో కూడా) ఈ రోజు రేడియో శ్రోతలకు అందుబాటులోనికి రావడం వల్ల, ఎంతోమందికి ఇప్పుడు మళ్ళీ రేడియో అతి చేరువగా వచ్చే అవకాశం కలిగింది. మామూలుగా చెప్పాలంటే సమయం వృథా కాకుండా రేడియో ద్వారా ఇష్టమైన కార్యక్రమాలు వింటూ తమ తమ పనులు ఆహ్లాదకరమైన వాతావరణంలో ఆనందంగా చేసుకునే అవకాశం నూటికి నూరు శాతం ఆకాశవాణి కల్పిస్తున్నది. అందుచేత టి.వి. ప్రసారాలు అందుబాటులోనికి రావడం వల్ల రేడియో వినేవాళ్ళ సంఖ్య తగ్గి పోయిందనే అపవాదుకు ఇప్పుడు అసలు అర్థం లేదు
ఇక నేను పుట్టిపెరిగిన ‘దిండి’ అనే గ్రామంలో, అంటే నా బాల్యంలో నాకు రేడియో గురించి అసలు తెలీదు. ఎవరి ఇంట్లోనూ నాకు రేడియో చూసే అవకాశం రాలేదు. కొన్ని అనారోగ్య పరిస్థితుల వల్ల చదువుకు మధ్యలోనే స్వస్తి పలికి, హైదరాబాద్‌లో ఉంటున్న మా పెద్దన్నయ్య దగ్గర వుండవలసి వచ్చినప్పుడు రేడియో (ఫిలిప్స్) చూసే అవకాశం మొట్టమొదటిసారి నాకు కలిగింది. అది కూడా విద్యుత్తుతో పనిచేసే రేడియో. అప్పటికి ఇంకా బ్యాటరీలతో పనిచేసే ట్రాన్సిస్టర్లు ప్రాచుర్యం పొందలేదు. ఈ నేపథ్యంలో నాకు రేడియోతో గొప్ప అనుబంధం ఏర్పడింది. ఎక్కువగా ‘రేడియో శ్రీలంక’ కేంద్రం ద్వారా హిందీ సినిమా పాత పాటలు, ప్రతి బుదవారం బహుళప్రాచుర్యం పొందిన ‘బినాకా గీత్‌మాల’ కార్యక్రమం గొప్ప ఆసక్తితో వినేవాడిని. ఇక మన ఆకాశవాణికి సంబంధించి తెలుగు కార్యక్రమాలను బాగా వినేవాడిని. అందులో అతి ముఖ్యమైనది ప్రతి ఆదివారం ప్రసారమయ్యే ‘సంక్షిప్త శబ్ద చిత్రం’. వీటిని చాలాకాలం శ్రీ వాడ్రేవు పురుషోత్తం గారు రేడియో పరిచాలన చేసేవారు. శ్రోతలు ఈ సినిమాలు వినడానికి ఆదివారం కోసం ఎదురుచూసేవారు. ఈ సినిమాలు వింటే, ప్రత్యక్షంగా సినిమా చూస్తున్న భావన కలిగేది
దీని తర్వాత నేను కార్మికుల కార్యక్రమం చాలా ఇష్టపడేవాడిని. చిన్నక్కగా శ్రీమతి రత్న ప్రసాద్, రాంబాబుగా ఉషశ్రీ, శ్రీ డి. వెంకట్రామయ్య, శ్రీ జీడిగుంట రామచంద్రమూర్తి గార్లు; ఏకాంబరంగా శ్రీ సత్యనారాయణ చక్కని సంభాషణలతో సహజ ధోరణిలో కార్యక్రమం ఎంతో రక్తి కట్టించేవారు. వారి సంభాషణల్లో ఏదో సామాజిక సందేశం తప్పకఉండేది. ఈ నేపథ్యంలో చిన్నక్కగా వ్యవహరించిన శ్రీమతి రత్న ప్రసాద్ గారికి నాటి ఉమ్మడి ఆంధ్రప్రదేశ్ రాష్ట్రంలో అనేక అభిమాన సంఘాలు ఉండేవంటే ఆశ్చర్య పడనక్కరలేదు.
తర్వాత శనివారాలు రేడియో నాటకం సీరియల్‌గా వచ్చేది. నా అనుభవంలో ఒక మంచి సీరియల్ నాటకం వినే అవకాశం నాకు కలిగింది. అది ‘కాలకన్య’ అనే సీరియల్ నాటకం. అది నండూరి విఠల్ గారు రచించారు. హీరో హీరోయిన్లుగా శ్రీ నండూరి విఠల్, శ్రీమతి శారదా శ్రీనివాసన్ అద్భుతమైన స్వరాలతో నటిస్తుంటే కళ్లెదుట ఆ సన్నివేశం కనిపిస్తున్నట్టుగా ఉండేది. ఆ సీరియల్ నాటకం కోసం శనివారం ఎప్పుడొస్తుందా అని ఎదురు చూసేవాళ్ళం.
అప్పట్లో నేను మెచ్చిన, నాకు నచ్చిన కార్యక్రమం విజయవాడనుండి ప్రతి శుక్రవారం ప్రసారమయ్యే కార్మికుల కార్యక్రమంలో ‘వినోదాల వీరయ్య’ అనే కార్యక్రమాన్ని శ్రీ ప్రయాగ నరసింహ శాస్త్రి నిర్వహించేవారు. అది చాలా ప్రత్యేకమైన కార్యక్రమంగా వుండేది. ఆయన దానిని వార్తలతో కూడిన సంగీత రూపకంగా మలిచేవారు. అందులో బుర్రకథ ఉండేది, హరికథ ఉండేది, లలిత సంగీతమూ ఉండేది. అలా అది జానపద, లలితగీతాల మిశ్రమ కార్యక్రమంగా శ్రోతలను అమితంగా ఆకట్టుకునేది.
డి.వెంకట్రామయ్య గారు, కథారచయిత, న్యూస్ రీడర్ (రిటైర్డ్)
అంతమాత్రమే కాకుండా, మహిళాసమాజం, బాలానందం, ఈ మాసపు పాట, వార్తావాహిని వంటి అమూల్యమైన కార్యక్రమాలు ప్రసారమయ్యేవి. అవి ఎంతో విజ్ఞాన దాయకంగానూ, భారతీయ సంస్కృతీ సాంప్రదాయాలను ప్రతిబింబించేవి గానూ ఉండేవి. పాత సినిమా పాటల విషయం ప్రత్యేకంగా ఇక్కడ చెప్పవలసిన పనిలేదు. ప్రాంతీయ వార్తలు కూడా వినసొంపుగా ఉండేవి. శ్రీ తిరుమలశెట్టి శ్రీరాములు, డి వెంకట్రామయ్య, శ్రీ ఆంజనేయ శాస్త్రి, వై. రాఘవులు వంటి వారు, వసీం అక్తర్ ఉర్దూ వార్తలు చదువుతుంటే మళ్ళీ మళ్ళీ వినాలనిపించేది. ప్రముఖులను పరిచయం చేయడంలో జ్ఞానపీఠ అవార్డు గ్రహీత శ్రీ రావూరి భరద్వాజ ఇంటర్వ్యూలు ఎంతో గొప్ప సమాచారాన్ని అందించడమే కాకుండా శ్రోతలను బహుదా ఆకట్టుకునేవి.
స్వర్గీయ శ్రీ జీడిగుంట రామచంద్ర మూర్తి
ఇక రేడియోతో నా ప్రత్యక్ష సంబంధం 1975లో మిత్రులు డా.సత్యవోలు సుందరశాయి ద్వారా జరిగింది. అప్పుడు మేము బి.ఎస్.సి. మొదటి సంవత్సరంలో సహాధ్యాయులం. శాయికి బావ వరుస పెద్దలు శ్రీ జీడిగుంట రామచంద్ర మూర్తి గారు ఆకాశవాణి హైదరాబాద్ కేంద్రంలో ప్రోగ్రాం ఎగ్జిక్యూటివ్ (పెక్స్)గా పనిచేసేవారు. ఆయన ద్వారా సుందర శాయి నన్ను ఆకాశవాణికి పరిచయం చేసి యువవాణి కార్యక్రమాలలో పాల్గొనే అవకాశం కల్పించాడు. డిగ్రీ మొదటి సంవత్సరంలోనే నాకు దంతవైద్యంలో ప్రవేశం లభించడంతో నేను సుందరశాయికి చదువు వల్ల దూరం అయినప్పటికీ రేడియో ద్వారా మా స్నేహం ఇప్పటికీ సజావుగానే వుంది.
మిత్రుడు సత్యవోలు సుందర శాయి (హైదరాబాద్)తో.
అలా యువవాణి లో నాటికలు వేయడం, దంతవైద్యం గురించిన ప్రాథమిక సమాచారం గల చిన్న చిన్న వ్యాసాలు రాసి చదువుతుండే వాడిని. అలా వ్యాసాలు రాయడంలో అనుభవం సంపాదించుకోగలిగాను. పరోక్షంగా ఇది కథలు రాయడానికి ఉపయోగపడింది. యువవాణి కార్యక్రమాలలో వ్యాసాలు రాసి చదవడమే ఉండేది. ఇంటర్వ్యూలు ఉండేవి కాదు. అందుచేత వ్యాసాలు పదే పదే రాయడం మూలాన రచనా వ్యాసంగంలో పట్టు దొరికినట్టు అయింది. అదేవిధంగా రేడియోలో మాట్లాడడం వల్ల బయట నిర్భయంగా ఉపన్యాసాలు చేసే అనుకూలత కూడా ఏర్పడింది. అప్పుడు యువవాణి విభాగాన్ని ప్రయాగ వేదవతి, భీమయ్య వంటివారు చూస్తూండేవారు. వ్యాసం ఏమాత్రం బాగోకున్నా తిరిగి రాయించేవారు. ఒక వ్యాసాన్ని అలా మూడుసార్లు నా చేత తిరగ రాయించిన ఘనత స్వర్గీయ శ్రీమతి తురగా జానకిరాణి గారిదే!. అది నాకు తర్వాతి కాలంలో ఎంతగానో ఉపయోగపడింది.
యువవాణి…. నాటికలలో పాల్గొన్న మిత్రుడు మురళి (హైదరాబాద్)తో
యువవాణి నాటికలలో పాల్గొన్న మిత్రబృందం, కూర్చున్న వారిలో ఎడమ చివర డాక్టర్ మధుసూదన్. కానేటి
నేను దంతవైద్యంలో పట్టా పొందిన తర్వాత వ్యాసాల స్థానే ఇంటర్వ్యూలు మొదలయ్యాయి. ఫోన్ -ఇన్ – ప్రోగ్రామ్‌లు అందుబాటులోనికి వచ్చాయి. తర్వాత కథలు రాసి చదివే అవకాశాలు వచ్చాయి. ఆకాశవాణిలో ఇంటర్వ్యూ లు పరోక్షంగా ఎంతో మంది సాహితీ ప్రముఖులను వైద్యులను ఇంటర్వ్యూల ద్వారా పత్రికలలో పాఠకలోకానికి పరిచయం చేసే అనుభవం లభించింది. అలా ఇప్పటివరకూ ఎంతో మందిని ఇంటర్వ్యూ చేసే అవకాశం నాకు లభించింది. అలా 1975 నుండి ఆకాశవాణిలో నా అనుబంధం ముడిపడి వున్నప్పటికీ, కొన్ని సాంకేతిక కారణాలవల్ల గత కొద్ది సంవత్సరాలుగా ఆకాశవాణికి దూరంగా ఉండిపోయాను. అంతేకాని రేడియో వినడం మాత్రం మానలేదు. ముఖ్యంగా ఆకాశవాణి -వరంగల్ ఎఫ్.ఎం. కేంద్రం రాత్రి పది గంటలనుండి పదకొండు గంటలవరకూ ప్రసారం చేసే పాత తెలుగు సినీ గీతాలు తప్పక విని ఆ తర్వాతనే నిద్రకు ఉపక్రమించడం నా జీవన శైలిలో ఒక ముఖ్య భాగం అయిపొయింది. ఎప్పుడైనా కొన్ని ఊహించని ప్రత్యేక కారణాల వల్ల రేడియో కార్యక్రమం వినని రోజున చెప్పలేని వెలితి ఏదో మనసును కలవర పెడుతుంటుంది.
రేడియోకు పరిచయం చేసిన మిత్రుడు డా.సత్యవోలు సుందర శాయి, రిటైర్డ్ ప్రోగ్రాం ఎగ్జిక్యూటివ్, దూరదర్శన్ హైదరాబాద్.
ఇలా నా జీవితం రేడియో (ఆకాశవాణి)తో ముడిపడి ఆ అనుబంధం ఇప్పటికీ కొనసాగుతూనే వుంది. అనుకోని కొన్ని ప్రత్యేక కారణాలవల్ల నేను నా కార్యక్రమాల కోసం ఆకాశవాణి – హైదరాబాద్, విశాఖపట్నం, విజయవాడ, కొత్తగూడెం, వరంగల్-రేడియో కేంద్రాలను వినియోగించుకునే గొప్ప అదృష్టం దక్కింది. ఇది ఏ కొద్దిమందికో దక్కే అవకాశమూ, అదృష్టమూనూ. ఈ విధంగా ఆకాశవాణికి నేనెంతగానో రుణపడి ఉంటానని చెప్పడం ఏమాత్రం అతిశయోక్తి కాబోదు.
ఆకాశవాణి (వరంగల్) రికార్డింగ్ రూమ్‌లో కథ చదువుతూ…
కొసమెరుపు ఏమిటంటే, మా చిన్నన్నయ్య డాక్టర్. మధుసూదన్ కానేటి ఆకాశవాణిలో అనౌన్సర్ (విశాఖపట్నం)గా పదవీ విరమణ చేసారు. నా డార్లింగ్ డాటర్, నిహర కానేటి, ఆకాశవాణి -వరంగల్ కేంద్రంలో ప్రస్తుతం ప్రోగ్రాం ఆఫీసర్‌గా పనిచేస్తోంది.
(మళ్ళీ కలుద్దాం)
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.
ప్రతి వారం ఎదురుచూస్తా కొత్త ఎపిసోడ్ కోసం. Ravi C.*
44 Comments
డా.కె.ఎల్.వి.ప్రసాద్
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—-డా కె.ఎల్.వి.ప్రసాద్
హన్మకొండ.
Sagar
రేడియో గొప్పతనాన్ని వివరించి ఆనాటి రోజులను గుర్తుచేసిన మీకు ధన్యవాదములు సర్. రేడియోతో మీ అనుబంధం జీవితాంతం కొనసాగాలని అభీలషిస్తున్నా సర్.
Bhujanga rao
ఈ ఎపిసోడ్ రేడియో గొప్పతనాన్ని మీకు రేడియోతో ఆకాశవాణి కేంద్రంతో ఉన్న అనుబంధాన్ని,మీరు పొందిన అనుభూతిని కొనసాగిన వైనం చక్కగా వివరించారు.రేడియోలో దంత వైద్యం గురించి మీ కార్యక్రమం వినే అవకాశం లభించింది.45 సంవత్సరాల క్రితం జరిగిన విషయాలు మరియు సంబంధిత అధికారుల ఫోటోలతో మాకు పరిచయం చేసిన మీకు ధన్యవాదములు సర్.
డా.కె.ఎల్.వి.ప్రసాద్
రావు గారూ
ధన్యవాదాలండీ.
డా.కె.ఎల్.వి.ప్రసాద్
ధన్యవాదాలు సాగర్.
neelimak4455@gmail.com
డాక్టర్ గారికి నమస్కారం..
రేడియో తో మీ బంధాన్ని చాలా చక్కగా వివరించారు..
ఇప్పుడు FM లు వున్నా ఆనాటి రేడియో కి సాటి రాదనే చెప్పవచ్చునేమో..
డా.కె.ఎల్.వి.ప్రసాద్
నిజమేనమ్మా
మీ స్పందనకు ధన్యవాదాలు
Shyam Kumar chagal
డాక్టర్ కె.వి ప్రసాద్ గారి పుణ్యమా అని మొత్తం రేడియో కార్యక్రమాల మీద విహంగ వీక్షణం జరిగింది. ఆ రోజుల్లో రేడియో అంటే అదొక అంతులేని ఆనందానికి నిచ్చెనలు. గుప్తుల స్వర్ణ యుగం అని మనము చరిత్రలో చదువుతూ ఉంటాం అదేవిధంగా ఆ రోజులు రేడియోకి స్వర్ణయుగమని చెప్పాలి. ఆ రోజులు మళ్లీ రావాలని కోరుకుంటున్నాను. రచయిత గారు ప్రస్తావించిన మహామహులు ఎందరో వ్యక్తులు కలిస్తే కానీ కార్యక్రమాలన్నీ అంతా మధురంగా తయారు కాలేదు. ఆ రోజుల్లో వార్తలు చదువుతున్న వారి కంఠం శ్రావ్యత మరియు గంభీరం ఇప్పుడు ఎక్కడా కానరాదు. మన జీవితంలో మనం గమనించని విషయాలమీద ఆసక్తికరమైన కోణంలో ఆవిష్కరిస్తున్న రచయిత వారికి నా యొక్క అభినందనలు.
.
డా.కె.ఎల్.వి.ప్రసాద్
ధన్యవాదాలు
శ్యామ్. నీ స్పందన బాగుంది.
Anwar
చిన్నప్పటి నుండి రేడియో వింటూ పెరిగాము.
ఇప్పటికీ రేడియో అంటే చెప్పలేనంత వల్లమాలిన ప్రేమ. మీ మాటల్ని, విషయాల్ని చూస్తే, గమనిస్తే ఒక నదీ ప్రవాహం లాంటి సారవంతమైన ప్రయాణం మీ జీవితం. ఒకవైపు ఉద్యోగం, మరోవైపు రేడియోతో మీ అనుబంధం విడదీయరానిది.
పూర్తిగా మరిచిపోయిన అప్పటి రేడియో మహానుభావులను పరిచయం గొప్పగా ఉంది సర్. మీకు హృదయపూర్వక నమస్సులు
డా.కె.ఎల్.వి.ప్రసాద్
అన్వర్
మీ సహృదయ స్పందనకు
ధన్యవాదాలు.
Rajendra+Prasad
Happy to know your exposure to radio programs to write essays and acting in dramas which helped you as writer. It’s a great begining at your age
Rajendra Prasad
డా.కె.ఎల్.వి.ప్రసాద్
Thank you prasad garu.
It’s TRUE.
డా.కె.ఎల్.వి.ప్రసాద్
రేడియో శ్రీలంక పాత పాటలు, బినాకా గీత్ మాలా, ఆదివారం సంక్షిప్త శబ్ద చిత్రం, రత్న ప్రసాద్, ఉషశ్రీ, వెంకట్రామయ్య, జీడిగుంట రామచంద్రమూర్తి, తిరుమలశెట్టి శ్రీరాములు, వెంకట్రామయ్య ….ఈ పేర్లు వింటేనే ప్రాణం లేచి వస్తుంది. ఆనాటి స్వర్ణ యుగపు అద్భుతమైన జ్ఞాపకాలు.
కాలకన్య…. సీరియల్ నాటకం ? ఎంత ప్రయత్నించినా గుర్తు రావడం లేదు. నేను విన్నట్టు లేదు.
ఆనాటి రేడియో విశేషాలు మరికొంత రాయవచ్చు కదా! లేదా మరోవారం cont.. చేయవచ్చుగా!
—డా. సి.హెచ్. సుశీల
హైదరాబాద్ (గుంటూరు )
డా.కె.ఎల్.వి.ప్రసాద్
మీ స్పందన కు ధన్యవాదాలండీ
డా.కె.ఎల్.వి.ప్రసాద్
రేడియో ఒక తియ్యటి జ్ఞాపకం.హనుమకొండ పబ్లిక్ గార్డెన్ లో కూడా సాయంత్రం రేడియో వినిపించేవారు రాత్రి 9 గంటలకు వార్తలు ప్రసారంకాగానే రేడియో బందయ్యేది.చాలామంది అప్పుడు ఇళ్ళకు తిరిగి పొయ్యేవారు.సంక్షిప్త శబ్ద చిత్రాలు,నాటకాలు ,నాటికలు ఈమాసపుపాటలు ,అలనాటి ఆపాతమధురమైన సినీగీత్లు ,కార్మికుల కార్యక్రమాలు,బాలానందం…..ఎన్నో.సంస్కృథపాఠాలు ,ఈపాట నేర్చుకుందాం లు ఎన్నో.ఒకరోజుల్లో రేడియో లక్జరీ.ఆనంతమైన జ్ఞాపకాలు .సమూహంలోని మిత్రులందరూతమ జ్ఞాపకాలు బాగా వివరించిన్రు అందరికీ నమస్సులు—రామశాస్త్రి
డా.కె.ఎల్.వి.ప్రసాద్
శాస్త్రి గారు
మీ స్పందనకు ధన్యవాదాలు సర్.
డా.కె.ఎల్.వి.ప్రసాద్
మంచి విషయాలు చెప్పారు. మాకు చాలా కాలం వరకు రేడియో సొంతంగా లేదు. తర్వాత బాగానే ఎంజాయ్ చేశా.వరంగల్ కేంద్రంతో మంచి అనుబంధం ఏర్పడింది. కృతజ్ఞతలు.
—-ప్రొఫెసర్ ఎర్రగట్టు స్వామి
హన్మకొండ.
డా.కె.ఎల్.వి.ప్రసాద్
ధన్యవాదాలండీ
డా.కె.ఎల్.వి.ప్రసాద్
నేటికీ వన్నె తగ్గని ఆకాశవాణి ప్రత్యేకతల గురించి వివరించే క్రమంలో రచయిత గారు పాఠకులను పాత స్మృతులోనికి తీసుకెళ్లారు .అలనాటి విశేష ప్రతిభ గల ఆకాశవాణి నటీనటులు, వ్యాఖ్యాతలు ,ముఖ్యంగా వార్తలను చదివే ప్రముఖులను పేరుపేరునా వివరిస్తూ ఉంటే ఒక్కొక్కరి ఉచ్చారణ ,కంఠ స్వరము ఇప్పుటికీ గుర్తుకొస్తున్నాయి. ఇతరత్రా ఎటువంటి వినోద కార్యక్రమాలు లేని సమయంలో రేడియోకు మించిన సాధనం మరొకటి లేదనిపిస్తుంది . ఆ రోజుల్లో పేద ,ధనిక వయోబేధం ,మరియు సామాజిక భేదం లేకుండా అన్నివర్గాల ప్రజలను దగ్గరకు చేర్చి ,వారిలో స్నేహ భావాన్ని పెంపొందించిన సాధనము ఒక రేడియో మాత్రమే అనే విషయం నగ్నసత్యం.
—-బి.రామకృష్ణా రెడ్డి
సఫిల్ గూడ /సికింద్రాబాద్
డా.కె.ఎల్.వి.ప్రసాద్
ధన్యవాదాలు
రెడ్డి గారు.
Sambasiva+Rao+Thota
Prasad Garu!
Ee episode chaduvuthunte chinnaappati Radio programs annee gurthu kochaayi..
Mana intllo oka chinna transistor radio vundedi..
chuttupakkala Vaallu vachi vintundevaaru..
Radio gurinchi chaalaa chakkagaa vivarinchaaru..
Dhanyavaadaalandi
డా.కె.ఎల్.వి.ప్రసాద్
ధన్యవాదాలు
సాంబశివ రావు గారూ.
డా.కె.ఎల్.వి.ప్రసాద్
[14/11, 07:34] Suryanarayana Rao_ Hyd: Gd Mng Doctor garu,
Mee valla naaku kooda “Akashavani, Warnagal” kendram nunchi rendu saarlu maatalade avakasam vachhundi.
Oka saari Education loan, rendava saari Housing loans gurinchi cheppanu.
డా.కె.ఎల్.వి.ప్రసాద్
ధన్యవాదాలండీ
బాగా గుర్తు చేసారు.
డా.కె.ఎల్.వి.ప్రసాద్
డాక్టర్ గారు దిండీ నుండి హనుమకొండ వరకు సాగిస్తున వీూ ప్రయానం అద్బుతం సార్.
—-సత్యం
హన్మకొండ.
డా.కె.ఎల్.వి.ప్రసాద్
ధన్యవాదాలండీ.
డా.కె.ఎల్.వి.ప్రసాద్
మీ రేడియో కథ చాలా బాగుంది.
—-డా. డి.సుజాత.
డా.కె.ఎల్.వి.ప్రసాద్
ధన్యవాదాలండీ
Sarasi
బస్సొచ్చి బండిని, సినిమా వచ్చి నాటకాన్ని, టీవీ వచ్చి రేడియోని వెనక్కి నెట్టాయి. అయినా
వాటి విలువ తరగదు. అవి ఎప్పటికీ తీపి జ్ఞాపకాలే. వార్ధక్యం వచ్చినవారికి బాల్యం ఒక తీపి జ్ఞాపకం కదా. అలాగ. మీతో స్నేహం వికసించేక నిహార నన్ను రేడియో ఇంటర్వ్యూ చేసింది ఓ తీపి జ్ఞాపకం. అలాగే మంచి మిత్రుడు రాంబాబు గారిని పరిచయం చేశారు. రేడియో కార్యక్రమాల మధురిమ అయితే ఎన్నటికీ తరగని జ్ఞాపకల వెల్లువే.
డా.కె.ఎల్.వి.ప్రసాద్
బాగా చెప్పారు సరసి గారూ
మీ స్పందనకు ధన్యవాదములు.
డా.కె.ఎల్.వి.ప్రసాద్
జ్ఞాపకాల పందిరి 84 లో ఆకాశవాణితో మీకున్న అనుబంధం గురించి చక్కగా వివరించారు. మన తరంలో ఆకాశవాణితో అనుబంధం విడతీయరానిదే. రేడియో గురించి చదువుతుంటే గతంలోకి పయనించిన అనుభూతి కలిగింది. అభినందనలు
—–జి.శ్రీనివాసాచారి
కాజీపేట.
డా.కె.ఎల్.వి.ప్రసాద్
ధన్యవాదాలండీ చారి
గారూ.
డి. వి. శేషాచార్య
ఆకాశవాణి వరంగల్ కేంద్రం తో మీ అనుబంధాన్ని ప్రత్యేకంగా రాయాల్సిన అవసరముంది డాక్టర్ గారూ.
డా.కె.ఎల్.వి.ప్రసాద్
అవును
బాగా గుర్తు చేసారు.
డా.కె.ఎల్.వి.ప్రసాద్
పూర్తిగా రేడియోతోమూడిపడ్డ 84 వ సంచిక చదువుతుంటే పాత జ్ఞాపకాలలోనికి పోయిన.1970 లో నా పెండ్లికి మామిత్రులు బుష్ ట్రాన్సిస్టర్ ను కానుకగా ఇచ్చినారు .ఎవరియింటి కన్నా పోతే రేడియో వినటమే తప్ప రేడియో వినే అవకాశాలూ తక్కువ నాకు.మీజ్ఞాపకాలన్నీ నాజ్ఞాపకాలే దాదాపు.నాకూన్న రచనా వైదుష్యం తప్పించి. వరంగల్ రేడియోతోచాలా నాళ్ళనుంచి సత్సంబంధమే.కాళోజీతో ఎన్ని సార్లు పోయిన్నో వరంగల్ రేడియోస్టేషన్ కు.కాళోజీ ముచ్చట్లు మూడు వారాలు చెప్పటం ఒక మధురానుభూతి.అట్లాగే కాళోజీ కవితలను రోజూకొక్కటి చొప్పూన ఒక నెల రోజులపాటు చదివి వినిపించటమూ ,దానికి విల్సన్ గారి సిగ్నేచర్ గానం. అన్నీ గిర్రున తిరుగుతున్నై మనసులో . అవ్వన్నింటినీ గుర్తుకు తెచ్చిన 84 వ సంచిక బాగున్దనీ విశిష్టమైనదనీ ప్రత్రేకంగా చెప్పవలెనా.
నమస్సులు డాక్టరుగారూ
—–నాగిళ్ల రామశాస్త్రి
హన్మకొండ .
డా.కె.ఎల్.వి.ప్రసాద్
శాస్త్రి గారు ధన్యవాదాలండీ
డా.కె.ఎల్.వి.ప్రసాద్
Radio nenu modataga vinnadi maa పల్లెటూరిలో ప్రెసిడెంట్ intinundi andariki vinapadetluga pettaru .
Oka lions club meeting ku ఆలస్యంగా vellithe maa cousin “emiti “chinnakka inta ఆలస్యం annadu avunu yekambaram maa varu nannu lift lo marichipoyi vacharann
Hall antaa navvulu chaala సరదాగా ippatiki chinnakka antadu
Ikkada radiolo kadhalu chadavatam naa jeevithamlo అద్భుతమైన అవరోహణం
——-డా.అంజనీ దేవి
హన్మకొండ.
డా.కె.ఎల్.వి.ప్రసాద్
ధన్యవాదాలండీ
డా.కె.ఎల్.వి.ప్రసాద్
మీజ్ఞాపకాల పందిరి…
. కోరాడ.
అందమైన అక్షర సుమాలతో
గుభాలిస్తోంది
డా.కె.ఎల్.వి.ప్రసాద్
ధన్యవాదాలండీ
నరసింహారావు గారు.
డా.కె.ఎల్.వి.ప్రసాద్
Excellent write-up on Radio programs. Happy to know that you took part in such programs regularly.
—Ravulapati sitaramarao
Writer&Rtd.DIG
HYDERABAD
డా.కె.ఎల్.వి.ప్రసాద్
Thank you somuch sir.
Dr.Harika
Good morning sir,
Glad to know that you have a
great association with tha Radio.
I don’t have much exposure to radio, but your experiences and fine stories regarding this creating zeal to have a look at it.
Thank you sir for letting us know many things.