గోలి మధు మినీ కవితలు-23

[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]

1. ఆనందం

మనసు కొలనులో
ఎవరో విసిరిన రాయిని
బయటకు విసిరేశాక
అల లేదు అలజడి లేదు
రాయి తడిచింది!

~

2. చీకటి

వెన్నెల రేయిలో
మనసంతా చీకటి
మనిషి జాడ లేదు!

~

3. కర్తవ్యం

నువ్వేంటి నేనేంటి
కర్మలో
కర్తవ్యమే కీలకం

~

4. దగ్గర

దూరమైన నిదురలో
దగ్గరగా ఉన్నావు
నాలో ఉన్న నీవు
నాతో ఉన్నావని నీకే తెలియట్లేదు