[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]
1. సంతకం
కొవ్వొత్తిలా
కరిగే కాలం వెలుగులో
కనిపించే చీకటి
తరిమే అక్షరాన్నై
అడుగులు వేసే ప్రతిసారీ
అలజడి ఒడిలో
అక్షరం చెంగు పట్టి
సమిధల గాథలు
వెదుకుతూ సాగిపోతూ
రాలిపోయే
చైతన్యపు సంతకాన్ని
~
2. ఊసరవెల్లులు
కుల మతాల గోడలకు
ఊసరవెల్లి
రంగులు వేస్తూనే ఉంటారు
దేశం కప్పుకు
బూజు అలాగే ఉంచి
~
3. లడ్డు లడ్డు
గడ్డు పరిస్థితులు
కానరాని గుడ్డి స్థితిలో
లడ్డు ప్రదక్షణ!
~
4. అరిష్టం
తక్కువగా తినమనే
తిండి ధరలు
ఎక్కువగా తాగమనే
మద్యం ధరలు!
