గోలి మధు మినీ కవితలు-34

[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]

1. ప్రతిబింబం

గంతలు విప్పిన
న్యాయ దేవత
కంటి పాపలో
నిరపరాధుల
చిత్రాలు ప్రతిబింబించేనా!

~

2. అనిత్యం

ఈరోజు రేపయ్యే క్షణాన
తీసుకున్న
ఉచ్ఛ్వాస నిశ్వాసగా పిల్లనగ్రోవిలో
నీ నామామృతాన్ని
గానం చేస్తుంది
వినిపిస్తుందా!

~

3. సవరం

దేశం నెత్తికి
అప్పుల సవరం
ప్రశ్నల సమరంతో
సవరించేదెందరో!

~

4. మనిషి

మనో సంకెళ్ళపై
స్వేచ్చా సంతకం చేసుకుని
పెంచుకున్న
రెక్కల్ని తుంచుకుని
తుంచుకున్న రెక్కల్ని
మొలిపించుకునే విహంగం