గోలి మధు మినీ కవితలు-37

[శ్రీ గోలి మధు రచించిన నాలుగు మినీ కవితలను పాఠకులకు అందిస్తున్నాము.]

1. దేముడు

విశ్వ ప్రేమికుడు
దేముడైతే..

కొందరికే
ఆలయప్రవేశం
కల్పించిన వాడు

మనిషి పుట్టించిన
దేముడు

~

2. కుతంత్రం

ధన ప్రాప్తికి
కుబేర యంత్రం

ఇది
కాయకష్టం చేయక
కనిపెట్టిన వాడి కుతంత్రం

~

3. ముప్పు

దేశం పాలలో
మతం ఉప్పు
సమతకు ముప్పు
ప్రజాస్వామ్యానికి నిప్పు!

~

4. స్వేచ్ఛ

స్వేచ్ఛాప్రియుడా
సాగిపో..

కులం కట్లు దాటి
మతం మత్తు వీడి
మ.. కారాల సంకెళ్లు వీడి
మమతల రెక్కలు చాచి
నిర్భంధాలను వీడి
సాగిపో స్వేచ్ఛాప్రియుడా
సాగిపో..

దేనికీ బందీ కానిదే కదా
స్వేచ్ఛంటే..!