కాలమే తుది తీర్పు

[శిరీష పద్మ యర్రంశెట్టి గారు రచించిన ‘కాలమే తుది తీర్పు’ అనే కవితని పాఠకులకి అందిస్తున్నాము.]

నిజం నెమ్మదిగా నడుస్తుంది,
అబద్ధం ఆతురతలో తానే కూలుతుంది.

ముసుగులు వెన్నెలలో మెరిసినా,
వెలుగులో వాస్తవం దాగదు.

శబ్దం చేసే మాటలు క్షణికం,
నిశ్శబ్దంగా నిలిచే విలువలే స్థిరం.

ఈ రోజు వక్రీకరించిన సత్యం
రేపు కాలమే సరిచేస్తుంది.

ఓర్పు దీపంలా వెలిగితే,
అన్యాయం నీడలా కరుగుతుంది.

న్యాయం ఆలస్యమవుతుంది గాని
అన్యాయం నిలబడదు..

ఎందుకంటే
కాలమే తుది తీర్పు.