[శ్రీ పెద్దాడ సత్యప్రసాద్ రచించిన ‘కనులకు బహుమానం’ అనే కవితని పాఠకులకి అందిస్తున్నాము.]
అందానికి కొలమానం
నా కనులకు బహుమానం
నా చూపులకు నీ సోయగం
దొరకడం ఓ వరం
నా కంటి పాపలలో
నీ ప్రతిబింబం నిలవడం
నేను చేసుకున్న పుణ్యం
ఇంతటి సొగసును అనువదించిన
నా రెండు కనులకూ నేను
ఎప్పుడూ వుంటాను రుణం
ఈ సౌందర్యాన్ని చూసిన
నా జన్మ ధన్యం
కళ్ళున్న మనసును
మనసున్న కళ్ళను
నాకు ఇచ్చిన ఆ దేవుడికి వందనం
ప్రకృతిని కళ్ళెదుట వుంచినందుకు
మరో మారు అభివందనం
పెద్దాడ సత్యప్రసాద్ విశాఖపట్నం జిల్లా వాస్తవ్యులు, కవిగా, రచయితగా దశాబ్దాల ప్రయాణం. వీరి కధలు, కవితలు వివిధ పత్రికలలో ప్రచురితమవడమే కాక, ఆకాశవాణి విశాఖపట్నం కేంద్రం ద్వారా కూడా ప్రసారం అయ్యాయి. ఇక, వృత్తిగతంగా పాత్రికేయులు. రెండున్నర దశాబ్దాలకు పైగా పాత్రికేయ వృత్తిలో అంకితభావంతో పనిచేస్తున్నారు. రాజకీయ విశ్లేషణలు వీరి ప్రత్యేకత. ప్రస్తుతం ఆకాశవాణి విశాఖపట్నం ప్రాంతీయ వార్తా విభాగంలో న్యూస్ ఎడిటర్‌గా పనిచేస్తున్నారు.