సంచిక-సాహితీ ప్రచురణలు సంయుక్తంగా వెలువరించే మూడవ కథల సంకలనం కోసం రచయితలనుంచి కథలకు ఆహ్వానిస్తున్నాము.
దీపావళికి విడుదలయ్యే ఈ సంకలనంలోని కథల కేంద్రబిందువు కులం. అంటే కులం కేంద్ర బిందువుగా సృజించిన కథలకు ఆహ్వానం. కులం ప్రాతిపదికగా రచించిన ఈ కథలు ఇంతకు ముందే ప్రచురితమయినవి కావచ్చు, లేదా, సంకలనం కోసం ప్రత్యేకంగా సృజించిన కథలయినా ఫరవాలేదు. తాము స్వయంగా రచించకున్నా కులం ఆధారంగా సృజించిన ఇతర రచయితల కథల వివరాలు అందచేస్తే ఆయా రచయితల నుంచి అనుమతి తీసుకుని రచనలను సంకలనంలో ప్రచురిస్తాము.
ఒకవేళ ఈ సంకలనం కోసం ప్రత్యేకంగా కథ రాసి పంపితే, వాటినీ పరిశీలిస్తాము. ఒకవేళ ఆ కథ మేము అనుకున్న పరిథిలో ఇమడకపోతే, దాన్ని సంచిక పత్రికలో ప్రచురిస్తాము. కథను పరిశీలనకు పంపటమే, వాటి ప్రచురణకు అనుమతిగా భావిస్తాము.
కథలు పంపవలసిన ఆఖరు తేదీ- 25 సెప్టెంబర్ 2019.
కథలను ఈమెయిల్ ద్వారా అయితే kmkp2025@gmail.com కు లేదా mmkodihalli@gmail.com కు, వాట్సప్ ద్వారా అయితే- 9849617392 కు,
కొరియర్/పోస్ట్ ద్వారా అయితే,
కస్తూరి మురళీకృష్ణ
ప్లాట్ నెం: 32, ఇంటినెంబరు: 8-48,.
రఘురామ్ నగర్ కాలనీ,
ఆదిత్య హాస్పటల్ లేన్,
దమ్మాయిగూడ,
హైదరాబాద్ 500083
అనే చిరునామాకు పంపించండి.
వివరాలకు సంప్రతించాల్సిన ఫోనునంబరు: 9849617392.
ఇతర కథా సంకలనాలను విజయవంతం చేసినట్టే, ఈ సంకలనం కూడా విజయవంతమవటంలో తోడ్పడండి.
కస్తూరి మురళీకృష్ణ ప్రసిద్ధ తెలుగు రచయిత. విస్తృతమైన రచనా సంవిధానాల్లో, విస్తారమైన సాహిత్యాన్ని అందిస్తున్నారు. కథ, నవల, వ్యాసాలు మొదలైన ప్రక్రియల్లో, చారిత్రిక కల్పన, కాల్పనిక, సాహిత్యవిమర్శ, వైజ్ఞానిక, వ్యక్తిత్వ వికాస, హారర్, క్రైమ్ తదితర పలు విభాగాలలో రచనలు చేస్తున్నారు. కాల్పనిక, కాల్పనికేతర విభాగాల్లో ఆయన రచించిన రచనలకు పాఠకుల ఆదరణ లభిస్తోంది.
కథాసంపుటాలు: 4 x 5, ఆ అరగంట చాలు, భారతీయ ప్రేమ కథామాలిక, ఉజ్జ్వల భారత మహోజ్జ్వల గాథలు, సైన్స్ ఫిక్షన్ కథలు, జాతక కథలు, థ్రిల్లింగ్ చిల్లింగ్ కథలు, ప్రపంచ ప్రేమ కథామాలిక,
నవలలు: ముస్సోలిని, పునఃసృష్టికి పురిటి నొప్పులు, సౌశీల్య ద్రౌపది, రోషనార, శ్రీకృష్ణదేవరాయలు, అసిధార, అంతర్మథనం, మర్మయోగం, అంతర్యాగం, ఆపరేషన్ బద్ర్, జగమే మారినదీ..,
అనువాద రచనలు: కల్హణ కశ్మీర రాజతరంగిణి కథలు, జోనరాజ రాజతరంగిణి, నీలమత పురాణం, నిజాం పాలన చివరి రోజులు,
వ్యాస సంపుటాలు: తీవ్రవాదం, శైశవ గీతి, అక్షరాంజలి, మనం మరువకూడని మహాయుద్ధం 1857, ప్రాచీన విజ్ఞానం, భారతీయ తత్త్వచింతన, భారతీయ వ్యక్తిత్వ వికాసం, రియల్ స్టోరీస్, క్రైమ్ స్టోరీస్-1, మన ప్రధానమంత్రులు, మన తెలుగు ముఖ్యమంత్రులు,
బయోగ్రఫీలు: మైకేల్ జాన్సన్, సంగీత సరస్వతి లతామంగేష్కర్,
సినిమా పుస్తకాలు: పాడుతా తీయగా, కమర్షియల్ క్లాసిక్స్, నవల నుంచి సినిమాకు,
సంపాదకత్వం/సంకలనాలు: తెలుగు కథల్లో గాంధీ మహాత్ముడు, కులం కథ, రైలు కథలు, క్రీడా కథ, దేశభక్తి కథలు, రామకథాసుధ
పురస్కారాలు/బహుమతులు: 1995లో ఆంధ్రప్రభ ‘దీపావళి’ నవలల పోటీలో ‘అంతర్యాగం‘ నవలకు ద్వితీయ బహుమతి. 1999 లో ఆంధ్రభూమి సస్పెన్స్ నవలల పోటీలో ‘ఆపరేషన్ బద్ర్ ‘ నవలకు ప్రత్యేక బహుమతి లభించాయి. 2017 సంవత్సరానికి తెలుగు విశ్వవిద్యాలయం వారి కీర్తి పురస్కారం గ్రహీత.
~
కల్హణ కశ్మీర రాజతరంగిణి కథలు కన్నడంలోకి; థ్రిల్లింగ్ చిల్లింగ్ కథలు ఒడియాలోకి, మరాఠీలోకి అనువాదమయ్యాయి. ‘పాడుగా తీయగా’ హిందీలోకి అనువాదమవుతోంది.