[డా. కె. ఎల్. వి. ప్రసాద్ రచించిన ‘లేనితనం..!!’ అనే కవితని పాఠకులకి అందిస్తున్నాము.]
దీపావళి అంటేనే
గుర్తుకొచ్చేది బాల్యం!
అందరి ఇళ్లముందు
దీపాల వెలుతురు..
మా ఇంటి ముంగిట
ఎక్కడిదో..
మినుకు.. మినుకు
వెలుతురు నీడ..!
పిల్లలందరి ముఖాల్లో
వెలుతురు వెన్నెల..
నన్నుబంధించిన..
నా ముఖాన —
అమావాస్య ముసుగు!
కారణం అంతుబట్టని
లేలేత వయసు..
సర్దుకుపోయిన నాటి
పేదమనసు..!
ఇప్పుడు అన్నీ ఉన్నా
ఏదో లేనితనం..
నా బాల్యాన్ని గుర్తుచేస్తుంటే ,
ఇప్పుడూ సర్దుకుపోతున్నా
నన్ను నేనే కట్టడిచేసుకుంటూ,
బయటి వెలుతురును
ఆస్వాదిస్తూ…
జ్ఞాపకాల మూట విప్పుకుంటూ!!
***
[ఈ కవితకి డా. టి.రాధాకృష్ణమాచార్యులు గారి ఆంగ్ల అనువాదం.]
Haven’tness..!!
***
The row of lights, Diwali
Memoirs the childhood!
Before gates of all houses
The sparkling lights are
In front of my house
Where else..
Blinking.. blinking shadow light..!
In the faces of all the children
gittered twilight..
On my face
Encaptured me
The bloomy moon Cover!
Reason is endless
The tenderly tender age
The then adjusted poor Soul..!
All are there in present day
Yet Haven’tness whatsoever is..
On reminding my childhood,
Now adjusting
And me Controlling myself
The outer shades
By inhaling
Unwrapping the treasure of memoirs!!
Translation:
Dr.T.Radhakrishnamacharyulu
Source: A Telugu poem ‘Lenitanam’ by Dr.K.L.V Prasad
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.