[‘ముక్కలైన మనుషుల కోసం!’ అనే అనువాద కవితని అందిస్తున్నారు ప్రముఖ రచయిత్రి గీతాంజలి. మూలం నైజీరియన్ కవి క్వాబనే ఫోలి.]
ఒకటి చెప్పు! నువ్వు కూడా ఒక చికిత్సకుడవని ఎలా తెలిసిందేంటి నీకు?
ఎలా నయం చేస్తావసలు ఇంతమంది దుఃఖాలను?
*
ఎందుకంటే, నేను తరచూ
ముక్కలైపోయిన మనుషుల ప్రేమలో పడుతూ ఉంటాను.
వాళ్లందరితోనే కదా నేను ఉండేది?
*
ఓహో మరి నువ్వు ఒంటరిగా ఎందుకు ఉన్నట్లో?
నీకు ఎందుకు ఇంత ఒంటరితనం మరి?
*
ఎందుకంటే, నేను కూడా మిగతా వాళ్ళ లాగా,
లోలోపల ధ్వంసమై ముక్కలైపోయి ఉన్న వాణ్ణే!
అందుకే నిత్యం నాతో నేనే ప్రేమలో పడుతూ ఉంటాను!
నన్ను నేను ఎలా నయం చేసుకుంటూ ఉంటానో,
ఆ చికిత్స రుచి నేను కూడా చూడాలిగా మరి?
మూలం: క్వాబనే ఫోలి, నైజీరియన్ కవి.
అనువాదం: గీతాంజలి.
క్వాబనే ఫోలి, నైజీరియన్ కవి
శ్రీమతి గీతాంజలి (డా. భారతి దేశ్‌పాండే) వృత్తిరీత్యా సైకోథెరపిస్ట్, మారిటల్ కౌన్సిలర్. కథా, నవలా రచయిత్రి. కవయిత్రి. అనువాదకురాలు. వ్యాస రచయిత్రి. ‘ఆమె అడవిని జయించింది’, ‘పాదముద్రలు’. లక్ష్మి (నవలిక). ‘బచ్చేదాని’ (కథా సంకలనం), ‘ప‌హెచాన్‌’ (ముస్లిం స్త్రీల ప్రత్యేక కథా సంకలనం), ‘పాలమూరు వలస బతుకు చిత్రాలు’ (కథలు), ‘హస్బెండ్ స్టిచ్’ (స్త్రీల విషాద లైంగిక గాథలు) ‘అరణ్య స్వప్నం’ అనే పుస్తకాలు వెలువరించారు. ‘ఈ మోహన్రావున్నాడు చూడండీ..! (కథా సంపుటి)’ . ఫోన్: 8897791964