[శ్రీ పెద్దాడ సత్యప్రసాద్ రచించిన ‘నేను లేనుగా’ అనే కవితని పాఠకులకి అందిస్తున్నాము.]
నేను ఎంతకైనా తగ్గుతా
ఎంతకైనా ఒదుగుతా
మరెంతకైనా దిగుతా
నిను గెలవటం కోసం
నేనుగా లేకపోతేనేం
నీవుగా నిలిచిపోతున్నాగా
వేరుగా లేకపోతేనేం
నేరుగా కలసిపోతున్నాగా
నేను ఎంత నీ ముందు
అంతా నీవయ్యాక
నాకు ఇహం లేదు అహం లేదు
నీవు తప్ప
రేపు లేదు మాపు లేదు
నీ వలపు తప్ప ఆ పిలుపు తప్ప
పెద్దాడ సత్యప్రసాద్ విశాఖపట్నం జిల్లా వాస్తవ్యులు, కవిగా, రచయితగా దశాబ్దాల ప్రయాణం. వీరి కధలు, కవితలు వివిధ పత్రికలలో ప్రచురితమవడమే కాక, ఆకాశవాణి విశాఖపట్నం కేంద్రం ద్వారా కూడా ప్రసారం అయ్యాయి. ఇక, వృత్తిగతంగా పాత్రికేయులు. రెండున్నర దశాబ్దాలకు పైగా పాత్రికేయ వృత్తిలో అంకితభావంతో పనిచేస్తున్నారు. రాజకీయ విశ్లేషణలు వీరి ప్రత్యేకత. ప్రస్తుతం ఆకాశవాణి విశాఖపట్నం ప్రాంతీయ వార్తా విభాగంలో న్యూస్ ఎడిటర్గా పనిచేస్తున్నారు.