Site icon సంచిక – తెలుగు సాహిత్య వేదిక

నిశ్శబ్ద నిశీధి రాగం

[శ్రీ పెద్దాడ సత్యప్రసాద్ రచించిన ‘నిశ్శబ్ద నిశీధి రాగం’ అనే కవితని పాఠకులకి అందిస్తున్నాము.]

తూర్పు నుంచి పడమరకు జారుతూ
ఎన్నెన్నో అనుభవాలను తాకుతూ
తెల్ల కాగితం మీద నల్ల పూతలా
సుదీర్ఘమైన ప్రస్థానంగా జీవితం
కాలమంతా తరిగి కరిగిపోతూ
కళ్ళ ముందే ఆకులన్నీ రాలిపోతూ
వెలుగులన్నీ మలిగి వెలసిపోతూ
తెలియకుండానే చీకటి దుప్పటి పడిపోతుంది
బిగిసిన బంధం ఒక్కసారిగా సడలుతుంది
ఎన్ని ఉదయాలు పూసినా
మరెన్ని కాంతులు అద్దినా
ఆవల గట్టుకు చేరేసరికి
నిస్సందేహంగా వినిపించేది
నిశ్శబ్ద నిశీధి రాగం
రాగద్వేషం లేని భావం

Exit mobile version