[డా. బి. హేమావతి రచించిన ‘నుదిటిన నా జీవనధారవై’ అనే కవితని పాఠకులకు అందిస్తున్నాము.]
అనురాగంతో
నా పెదవులు నిన్ను పిలుస్తున్నాయి
ఊపిరిలో ఊపిరిగా
నీ దరికి చేరాలని
అమృతం కురిసిన రాత్రి
నక్షత్ర లోకాన్నే మథించాలని
నా కన్నులలో నిన్నే నిలుపుకోవాలని
నీ పై నా హృదయాన్ని నిలిపి
అమృతాన్ని గ్రోలాలని
ఓ అమృతపు చినుకై నీవు..
నా నుదిటిన నా జీవనధారవై
రావా నా ప్రియతమా
డా. హేమావతి బొబ్బు తిరుపతి వాసి.
వీరి ప్రాథమిక విద్య తిరుమలలో, ఉన్నత విద్య తిరుపతిలో జరిగింది.
పద్మావతి మహిళా విశ్వవిద్యాలయం నుండి డాక్టరేట్ పొందారు. ఆర్ జి యు కె టి ఇడుపులపాయలో అధ్యాపకురాలిగా పనిచేసారు.