‘సరిగ పదమని’ (మన రెక్కలు) అనే శీర్షికతో సంచిక పాఠకులకు రెక్కలని అందిస్తున్నారు పురాణం శ్రీనివాస శాస్త్రి.
~ ~
పరిగెడుతూ తాగే పాలు
ఒలకకుంటే చాలు
చేసే పనికి చూడాలి
వీలూ సాలూ!
గతి తప్పించే ఘోస్టులు!
~ ~
ఉత్పత్తి గొలుసులో
పని ఒక నలుసు
కానీ – విశ్వం మనుగడకు
అదే ఇరుసు
అవనికి అశాంతి.
~ ~
చేతు లారంగ
పనిని పూజించడేని
నోరు నొవ్వంగ
శ్రమ కీర్తి నుడువనేని
ఇరుసు కుదురుటెట్లు?
~ ~
ఊహ తోనే
ఉత్పత్తి సాగుతుండు
యోచన లేని చోట
లోచన కొరతతేలు
తోడైతే సాధన.
