[డా. బాలాజీ దీక్షితులు పి.వి. రచించిన ‘స్మిత చంద్రిక’ అనే కవితని పాఠకులకు అందిస్తున్నాము.]
మనిద్దరం
ఒకరి ఆలోచనల్లో
మరొకరమై గడుపుతుంటే
మనసు ఒక ఆకాశమై
అనురాగమే నీలి మేఘమై
తొలకరి వలపుల జల్లులలో
తడిసే
సిందూర సంధ్యలా ఉంది
నీవు నేను
ఒకరికొకరమై పులకిస్తుంటే
భావావేశం
మధుర కావ్యంగా
అక్షర పరవశంగా
ప్రేమ ప్రబంధమై అల్లుకుంటుంది
తీగ వసతంలా
నీవు నేను
ఒకరికొకరం ఊహలలో లయిస్తుంటే
ప్రణయం
మన్మథ శరమై గుచ్చుకుంటుంది
స్మిత చంద్రికలా
డా. బాలాజీ దీక్షితులు పి.వి. హోమియోపతి వైద్యునిగా, కవిగా, గెస్ట్ లెక్చరర్‌గా, వ్యక్తిత్వ వికాస నిపుణినిగా, కౌన్సిలింగ్ సైకాలజీస్ట్‌గా ఇలా ఎన్నో రంగాలలో విశిష్టత చాటుకున్నారు. డా. దీక్షితులు ఇప్పటి వరకు 58 జాతీయ,అంతర జాతీయ పరిశోధనా పత్రాలు ప్రచురించారు. ఇప్పటికి 10 పరిశోధనా సమావేశాలలో పాల్గొన్నారు, దాదాపు 90 తెలుగు రచనలు వివిధ పత్రికలలో ప్రచురితం అయినాయి. వీరి సేవ మరియు ప్రతిభను గుర్తించి యూనివర్సిటీ అఫ్ సోత్ అమెరికా డాక్టరేట్ 2016లో ఇచ్చింది. ఇవిగాక అనేక అవార్డ్స్, రివార్డ్స్ అనేక సంస్థలు అందించాయి.