[డా. బాలాజీ దీక్షితులు పి.వి. రచించిన ‘సుఖరేఖ’ అనే కవితని పాఠకులకు అందిస్తున్నాము.]
వినీల ఆకాశపు
వెన్నెలలా
విహంగ మాలికల
తారకలా
సంధ్యా నవ్వుల
జలధారలా
పురి విప్పిన
హరివిల్లులా
లత లల్లిన
కొమ్మన వ్రాలిన విహారిలా
ప్రేమామృత ఉషస్సులా
భావామృత తపస్సులా
రసామృత మనస్సులా
విరిసిన వసంతం.. నీవు
నవ్వుల.. తరంగం నీవు
రెప్పల పతంగం నీవు
మధు పవనం నీవు
సుగంధ సుఖరేఖవు నీవు
డా. బాలాజీ దీక్షితులు పి.వి. హోమియోపతి వైద్యునిగా, కవిగా, గెస్ట్ లెక్చరర్‌గా, వ్యక్తిత్వ వికాస నిపుణినిగా, కౌన్సిలింగ్ సైకాలజీస్ట్‌గా ఇలా ఎన్నో రంగాలలో విశిష్టత చాటుకున్నారు. డా. దీక్షితులు ఇప్పటి వరకు 58 జాతీయ,అంతర జాతీయ పరిశోధనా పత్రాలు ప్రచురించారు. ఇప్పటికి 10 పరిశోధనా సమావేశాలలో పాల్గొన్నారు, దాదాపు 90 తెలుగు రచనలు వివిధ పత్రికలలో ప్రచురితం అయినాయి. వీరి సేవ మరియు ప్రతిభను గుర్తించి యూనివర్సిటీ అఫ్ సోత్ అమెరికా డాక్టరేట్ 2016లో ఇచ్చింది. ఇవిగాక అనేక అవార్డ్స్, రివార్డ్స్ అనేక సంస్థలు అందించాయి.