తెలుగులో ‘మంకుతిమ్మన కగ్గ’-86

[కన్నడంలో శ్రీ డి.వి.జి. రచించిన ‘మంకుతిమ్మన కగ్గ’ను తెలుగులోకి అనువదించి అందిస్తున్నారు శ్రీ కల్లూరు జానకిరామరావు.]

~

861.
దివ్యపురుషుల దివ్యచరితల ప్రతిరూపమే మానవ చరిత్ర
కావ్య జ్ఞానంబులున్ నిగమంబుల ప్రతిరూపంబులే
నవ్య జ్ఞాన సంపదయు ఆర్ష సంపదావిర్భావమే, యుభయంబులున్
సవ్యంబులే యపేక్షనీయంబులే – మంకుతిమ్మ!

862.
పరమాత్ముని యావరణంబున ఇహంబునకున్ గల స్థానంబు దెలిసి
పరమాత్ముని లెక్కల తోడ ఇహంపు లెక్కల బేరీజు వేసి, లెక్కగట్టి;
నరులు తృప్తి జెందవలె ఉన్న వనరుల తోడన్, అపుడ
సరిపోవు లోకపు బాంధవ్యము – మంకుతిమ్మ!

863.
కానుగ విత్తనమున్ జూపి ‘బాదామికో’యని ఓ గ్రుడ్డి ముసలి
మనుమడికి కూరిమి దినిపించిన యది తీపియగునే!
మనసెంత మంచిగ నున్ననేమి? తెల్వియు జాణతనము కావలె
సునాయాసంబుగ లభించెనే సుధ – మంకుతిమ్మ!

864.
ఫల మదేమి సుఖాన్వేషణకై పరుగులిడ! ఫలము కలహమే!
కలహించు నరుడు వన్యమృగంబల పగిది ఆవేశంబున
అల కార్చిచ్చు కాల్చి బూడిద సేయదే యరణ్యంబుల
వలదు పగబూన – మంకుతిమ్మ!

865.
వేసవి తాపంబుపశమించిన తరి, వర్షింప చిగురించు
సస్యంబులు; పుటము వెట్టి కాగిన కనకమే కలకలలాడు
వేసట ననుభవించిన తరి శాంతిత్వంబు నొందు నరుడు
తోషంబగు జీవనము – మంకుతిమ్మ!

866.
ఆత్మసంతుష్టికిన్ గావలె దైహికారోగ్యంబు
భౌతిక విజ్ఞాన మందించు సౌకర్యంబు లనేకంబులు
నూతన ప్రయోగంబుల జేయ ప్రభుత్వంబులు సహకరించు
హితకరంబది జగమునకు – మంకుతిమ్మ!

867.
యత్నించుట కర్తవ్యము; సుశిక్షిత విద్య యది,
యతనముల ఫలితమే హిత పరిజ్ఞాన మరయ
సతత యతనంబుల చేత వర్ధిలు యాత్మశక్తి;
యతనమది నిను సుశిక్షితు జేయు – మంకుతిమ్మ!

868.
అర కొఱ యత్నమే మనదని నిరాశ చెందనేల?
చిరు ప్రయత్నంబులే జత గూడి సిరినించు జీవనంబున
పరిపోషించవే బాటసారుల దారి పొడవునన్ గల మానుల ఫలంబులు
చిరు సిరిజాజిమల్లె వెదజల్లదే పరిమళంబు – మంకుతిమ్మ!

869.
జీవికి సతతాన్వేషణమే ముఖ్యము, ఫలితంబటుండనిమ్ము,
దివిని భువికి దింపగల సమర్థుడెవడు; ఎడనెడ అడ్డగింపులు లేక
నందరు భువి సంపద సమముగ యనుభవించిననే శ్రేష్ఠము;
దివ్యతత్త్వ మిదియ – మంకుతిమ్మ!

870.
దేవామృత మది కేవలము మధువో లేక క్షార, ఆమ్ల మిశ్రణమో!
అవనిన్, నరుని ఆహారంబునన్ పడ్రుచులు తప్పవు గదా,
లవలేశమైన చేదు లేకుండిన, నరుండు సుఖంబున
పవళింపడే – మంకుతిమ్మ!

(ఇంకా ఉంది)