అనకాపల్లిలోని ‘తెలుగు భాషా పరిరక్షణ’ సమితి మూడు వసంతాలు పూర్తి చేసుకున్న సందర్భంగా యువతీ, యువకులకు కథల పోటీ నిర్వహించదలచింది.
వివరాలు:
- వయోపరిమితి: 13 – 25 సంవత్సరాలు
- అంశం: ఏదయినా
- పదాల పరిమితి: 600 నుంచి 1000 పదాల లోపు.
బహుమతుల వివరాలు:
- ప్రథమ: ₹ 2000/-
- ద్వితీయ: ₹ 1500/-
- తృతీయ: ₹ 1000/-
- ప్రోత్సాహక: ₹ 500 (ఐదుగురికి)
నిబంధనలు:
ఒక్కొక్కరు ఒక్కొక్క కథనే పంపాలి. కథ పైన రచయిత పేరు ఉండకూడదు. హామీ పత్రంలో వివరాలు పొందుపరచవచ్చు. తాము పంపే కథ తమ స్వంతమేనని, దేనికీ అనువాదం గానీ, అనుసరణగానీ కాదని, ఇదివరకు ప్రచురింపబడలేదని, అంతర్జాల మాధ్యమాలలో పెట్టలేదని, ఏ పత్రిక పరిశీలనలో లేదని హామీ ఇవ్వాలి. వయో నిర్ధారణ పత్రం కూడా జతచేయాలి.
ఆఖరు తేదీ: 20 అక్టోబర్ 2025.
పంపవలసిన మెయిల్ ఐడి: krmohan230@gmail.com
వాట్సప్ నంబర్: 9849345060
బహుమతి పొందినవారు స్వయంగా వచ్చి తీసుకోవాల్సి ఉంటుంది. సర్వహక్కులు నిర్వాహకులవే.
బహుమతి ప్రదానోత్సవం, ఈ నెల 24 నవంబర్ 2 మధ్య జరిగే అనకాపల్లి పుస్తక మహోత్సవంలో జరుగును.
ఇతర వివరాలకు 9704811444 9182873598, 9493641584 లలో సంప్రదించవచ్చు.
ముఖ్య గమనిక:
ఈ ఏడాది అనకాపల్లిలో డిసెంబరు నెలలో యువ కథకులకు తర్ఫీదు నిచ్చే, ‘సాహితీ కార్యశాల’ను నిర్వహించే యోచన ఉన్నది.
సమన్వయకర్త: కె. రామ్మోహన్ రావు
రచనా వ్యాసంగం 2015 నుంచి ప్రారంభం అయింది. మొదటి కథ ‘చిరునామా చేరని ఉత్తరం’ స్వాతి మాసపత్రిక లో ప్రచురించబడింది. అదే ఏడాది ఒక కథకు మూడో బహుమతిగా రంజనీ అవార్డ్, 2016 లో ‘డాక్టర్ సాబ్’ కథకు స్వాతి వారపత్రిక పోటీలో 10 వేల రూపాయల బహుమతి, తర్వాత సుకథ కథల పోటీలో మొదటి బహుమతి 15000 రూపాయలు, ఆ తర్వాత రమ్యభారతి కథల పోటీలో ప్రథమ బహుమతి.. ఇలా అనేక బహుమతులు లభించడమే కాక స్వాతి, ఈనాడు ఆదివారం అనుబంధం లో అనేక కథలు ప్రచురించబడ్డాయి. ఇప్పటివరకు 110 కి పైగా కథలు వివిధ ప్రముఖ పత్రికలలో ప్రచురించబడ్డాయి.
2024లో నా కథ ‘Women’s Era’ అనే ప్రముఖ ఇంగ్లీష్ మేగజైన్ లో పబ్లిష్ అయినది.
నా నవల ‘ఎదురు లేని ఏడు’ కు ఆన్వీక్షికి సంస్థ ద్వారా 10 వేల రూపాయల బహుమతి లభించింది.
నా కథలు రెండు కన్నడంలో కి అనువాదం అయ్యాయి. వీటితో పాటు ఈనాడు లో ప్రచురితమైన ఏడు కథలు, బహుమతుల కన్నా ఎక్కువ ఆనందాన్ని ఇచ్చాయి.
నా విద్యార్హతలు – MSc, M.Phil.. Anakapalle AMAL. కాలేజీలో కెమిస్ట్రీ HOD గా 2011లో రిటైర్ అయినా స్థానిక డా. హిమశేఖర్ డిగ్రీ కాలేజీలో గెస్ట్ ఫేకల్టీ గా పనిచేస్తూ, ఇప్పటివరకు కెమిస్ట్రీ పరిజ్ఞానం తో 251 కేన్సర్ అవగాహన సదస్సులు నిర్వహించాను. ఆ అవగాహన విస్తృత పరచడానికి కర్కాటకం నవల రాసాను.
3 ఏళ్ల క్రితం అనకాపల్లి తెలుగు భాషా పరిరక్షణ సమితి ఏర్పాటు చేసి, ఇప్పటివరకు 135 కార్యక్రమాలు చేసాను.

