జ్ఞాపకాల పందిరి-135

జ్ఞాపకాల పందిరి-135

విహార యాత్ర-వినోదహేల..!!

చిన్నప్పుడు స్కూల్ స్థాయిలోనూ, కళాశాల స్థాయిలోనూ, విశ్వవిద్యాలయ స్థాయిలోనూ విహార యాత్రలు నిర్వహించేవారు. చారిత్రిక ప్రదేశమో, కట్టడమో, బొటానికల్ గార్డెన్స్ వంటివి చూపించడానికి ఆయా యాజమాన్యాలు వీటిని ఏర్పాటు చేసేవారు. ఆర్థికపరమైన ఇబ్బందులతో కొందరు ఇష్టమున్న వెళ్లలేని పరిస్థితులు వున్నప్పుడు, తల్లిదండ్రులకు నచ్చజెప్పి ఏదో రకంగా, ఆ పిల్లలు నిరుత్సాహ పడకుండా, అందరూ వెళ్లేలా చూసేవారు. దీనివల్ల అవసరమైన ఎంతో విజ్ఞానాన్ని సముపార్జించడమేగాక, మానసిక ప్రశాంతత ఏర్పడుతుంది. పిల్లల్లో చెప్పలేని చైతన్యం వస్తుంది. కొత్త విషయాలు తెలుసుకోవాలనే తృష్ణ పెరుగుతుంది. నలుగురితోనూ కలిసిపోయే పరిసితులు ఏర్పడతాయి.

బోటు నుండి దూరంగా కనిపిస్తున్న గెస్ట్ హౌస్ లు

ప్రసిద్ధ కట్టడాలను, ప్రసిద్ధ నదులను, ప్రసిద్ధమైన ప్రాంతాల గురించి వాటి వెనుక వున్న చారిత్రాత్మక నేపథ్యం గురించి చాలా మంది చదువుకోవడమే గానీ చూసి ఎరుగరు. అలాంటి వారు ప్రసిద్ధ ప్రాంతాలను చూసినప్పుడు, అక్కడి గొప్పతనం తెలుసుకున్నప్పుడు జీవితాంతం అది మనసులో ముద్ర పడిపోతుంది. అందుకే, బాల్యంలో, యుక్త వయస్సులో విహార యాత్రలకు విజ్ఞాన యాత్రలకు ప్రాధాన్యత నివ్వాలి. ఇది ముఖ్యంగా ఆయా తల్లిదండ్రులు అర్థం చేసుకోవాలి.

గెస్ట్ హౌస్ దగ్గర

కొందరు ప్రతి సంవత్సరం ఒక కొత్త ప్రాంతాన్ని చూడడానికి కుటుంబ సమేతంగా, కార్యక్రమం రూపొందించుకుంటారు. తమ సంపాదనలో దీనికోసం కొంత తప్పక కేటాయిస్తారు. ఇది చాలా మంచి అలవాటు. ప్రతిదానిని డబ్బుతో లెక్క కట్టేవారికి ఇది వినడానికి, చదవడానికి చేదుగా ఉంటుంది. వారికి ఇలాంటివి అసలు ఇష్టం ఉండదు. ఇంట్లో కూర్చుని డబ్బులు లెక్క పెట్టుకోవడమే వారి లక్ష్యం. కూపస్థమండూకాల మాదిరిగా బయటి ప్రపంచం చూడడానికి వాళ్ళు అసలు ఇష్టపడరు.

రాష్ట్ర/కేంద్ర ప్రభుత్వాలు,ఈ విషయంలో తమ ఉద్యోగుల పట్ల ప్రత్యేక శ్రద్ధ తీసుకుంటున్నాయి. కొన్ని నిబంధనల మేరకు ప్రభుత్వం ఉద్యోగులకు విహారయాత్రలకు అనుమతి ఇస్తున్నది. ఇలా విహార యాత్రలకు వెళ్లేవారికి ముందు కొంత డబ్బు చెల్లించడం గానీ లేదా యాత్రలు ముగిసిన తర్వాత, బిల్లులు చెల్లించిన తర్వాత డబ్బులు చెల్లించడంగానీ చేస్తుంటారు. బ్యాంకులు, ఇతర కార్పొరేషన్ల సిబ్బందికి కూడా ఈ సదుపాయం ఉండడం ఆహ్వానించదగ్గ విషయం. కొన్ని ప్రాంతాలు, ప్రదేశాలు, కట్టడాలు, ఇతర నిర్మాణాలు జీవితంలో తప్పక చూడాలి. అయితే అది వారి వారి అభిరుచిపైన ఆధార పడివుంటుంది.

గెస్ట్ హౌస్ ముందు రచయిత శ్రీమతి

చార్మినార్, కుతుబ్ మినార్, తిరుపతి, నాగార్జున సాగర్, నాగార్జున కొండ, నాగార్జునసాగర్ లోని దక్షిణ విజయపురి-మాచర్ల మార్గ మధ్యంలో వుండే ‘ఎత్తిపోతల’, మెదక్ చర్చి, వేయిస్తంభాల గుడి, రామప్ప గుడి, లక్నవరం సరస్సు, సాలార్‌జంగ్ మ్యూజియం, తాజ్ మహల్, సమ్మక్క-సారక్క జాతర, బొర్రాగుహలు, రామోజీఫిల్మ్ సిటీ, అండమాన్ దీవులు, మైసూర్ ప్యాలెస్, చండీఘర్ లోని రోజ్ గార్డెన్ ఇటువంటివి ఎంతమంది చూసివుంటారు?

గెస్ట్ హౌస్ దగ్గర సుందర దృశ్యం, శ్యాం కుమార్, శ్రీమతి లీల, శ్రీమతి అరుణ

దక్షిణ రాష్ట్రాలైన కర్ణాటక, కేరళ, తమిళనాడు వంటి రాష్ట్రాలు ఆయా రాష్ట్రాలలో వున్న ముఖ్య ప్రదేశాలను చూడడానికి వెళ్లే దర్శకులను ఆకర్షించడానికి ఆయా రాష్ట్రాల ఉద్యానవన/పర్యాటక శాఖలు అనేక సదుపాయాలు కల్పిస్తున్నాయి. దురదృష్టావశాత్తు మన రెండు తెలుగు రాష్ట్రాలలోనూ ఇది లోపించిందని చెప్పక తప్పదు. ప్రచార లోపం, సదుపాయాల లోపం కొట్టవచ్చినట్టు కనిపిస్తుంది. దినపత్రికలలో పనికిరాని ప్రకటనలు పేజీలకొద్దీ ఇచ్చే ప్రభుత్వాలు, ఆయా రాష్ట్రాలలోని ముఖ్యమైన యాత్రాస్థలాల గురించి ప్రకటనలు ఇవ్వరు. ప్రజాధనంతో స్వార్ధ ప్రయోజనాలకోసం పోటీలుపడి మరీ వృథా చేస్తారు.

శ్యామ్ కుమార్ లీల దంపతులు

కేంద్ర ప్రభుత్వ అనుమతితో, రెండు తెలుగు రాష్ట్రాలలోవున్న రేడియో/దూరదర్శన్ కేంద్రాల ద్వారా, ఆయా రాష్ట్రాలలోని దర్శనీయ స్థలాల గురించి చెప్పడం ద్వారా ప్రభుత్వ ఖజానాకు లాభం చేకూరే అవకాశాలు కూడా లేకపోలేదు. విషయం తెలిసినప్పుడు, సదుపాయాలూ మెండుగా వున్నప్పుడు దర్శకులకు లోటుండదు. విశ్రాంతి గృహాల (గెస్ట్ హౌసెస్) అద్దె అందరికి అందుబాటులో ఉండడం కూడా ప్రధానం. దర్శనీయ స్థలాలు మెరుగు పరచడం లోను, సదుపాయాలూ సమకూర్చడంలోనూ ప్రభుత్వాలు, ఆయా శాఖలు వెనుక బడి ఉన్నాయని చెప్పక తప్పదు.

గత అక్టోబర్ నెల 27వ తేదీన నా ఇంటెర్మీడియేట్ సహాధ్యాయులు, శ్యామకుమార్-లీల దంపతులు (నిజామాబాద్), నేనూ-నా శ్రీమతి ములుగు జిల్లాలోని లక్నవరం సరస్సు చూడడానికి వెళ్ళాము. నా మిత్రుడు మా అందరికి ముందుగానే రెండు గెస్ట్ హౌస్‌లు బుక్ చేసాడు. నేను ఒక పట్టాన ఎక్కడికీ కదలను కనుక మిత్రుడు నన్ను కదిలించే ప్రయత్నం చేస్తుంటాడు. ఆ ప్రయత్నంలో ఈసారి అతనే నెగ్గాడు.

ఇద్దరూ కలసి 26 సాయంత్రమే మా ఇంటికి (నిజామాబాద్/హైదరాబాద్ నుండి) వచ్చారు. 27 ఉదయం బయలు దేరి శ్యామ్‌కుమార్ కారులోనే ‘లక్నవరం లేక్’కు వెళ్ళాము. హన్మకొండ నుండి లక్నవరం 73 కి. మీ.(45. 4 మైళ్లు). ప్రయాణ సమయం గంటన్నర పట్టవచ్చు. కానీ మేము మధ్యలో ఆగుతూ పదిన్నరకు గమ్యస్థానం చేరుకున్నాము. చుట్టూరా కొండలు, కొండల మధ్యలో పెద్ద చెరువు, జల కళతో చూపరులను ఆకట్టుకొంటున్నది. చెరువు మధ్యలో గెస్ట్ హౌస్‌లు. బోట్‌లో ప్రయాణం. గోదావరి జిల్లాలో పుట్టి పెరిగిన వాడిని, గోదావరితో, బోట్లతో అనుబంధం ఉన్నవాడిని, లక్నవరం చెరువు చూడగానే ప్రాణం లేచివచ్చినట్లయింది.

బోట్ లో రచయిత, శ్రీమతి అరుణ

గెస్ట్ హౌస్‌కి బోట్‌లో వెళ్లాలనే ఆత్రుత మొదలయింది కానీ సమయం ఇంకా వుంది. అందుకే ఒక గంట ఎదురు చూడక తప్పలేదు. అక్కడ అడిగితే తప్ప సమాచారం అందించేవాళ్ళు లేరు. సమయానికి అవసరమైన సిబ్బంది అందుబాటులో లేకపోవడం, ఇతర ప్రాంతాలనుండి ఎంతో ఆశగా వచ్చిన వారికి నిరుత్సాహం తప్పడం లేదు. పబ్లిక్ మైక్ సిస్టంలో ప్రకటనలు చేస్తే కాస్త వెసులుబాటుగా ఉండేది. మొబైల్‌కి ఫోన్ చేస్తే తప్ప సిబ్బంది స్పందించక పోవడం పర్యాటకులకు కాస్త ఇబ్బంది గానే అనిపించక తప్పదు, వందల కిలోమీటర్లు ప్రయాణం చేసి ఆత్రంగా వచ్చిన వారికి అక్కడి సదుపాయాలూ ఉసూరు మనిపిస్తాయి. చెరువు మధ్యలో ద్వీపకల్పంగా వున్న ఎత్తు ప్రదేశంలో గెస్ట్ హౌస్‌లు వున్నాయి (బయట కూడా వున్నాయి చెరువులోకి వెళ్లనక్కర లేకుండా). మంచి ఆహ్లాదకరమైన,ప్రశాంత మైన,పచ్చదనంతో కళకళ లాడుతున్న ప్రదేశం. ఆనందంగా గడపడానికి అనువైన ప్రదేశం.

కానీ అక్కడికి వెళితే తినడానికీ తాగడానికి ఏమీ వుండవు. ఏమి కావాలన్నా, చెరువు అవతల ప్రదేశానికి కాల్ చేసి ఆర్డర్ ఇవ్వాలి. రేట్లు ఆకాశాన్ని అంటేవిగా వున్నాయి. ఈ విషయంలో అక్కడికి వెళ్లిన వారికి తప్పక నిరుత్సాహం కలుగుతుంది. తెలంగాణా ప్రభుత్వ పర్యాటక శాఖ నిర్లక్ష్యానికి గుర్తులుగా, గెస్ట్ హౌస్‌లకు వెళ్ళడానికి కనీసం సరైన మట్టి దారి లేకపోవడం, పరిసరాల పరిశుభ్రత లేకపోవడం, గదులలో పగిలి పోయి గుంతలుగా మారిన టైల్స్‌ను రిపేర్ చేయకపోవడం, పనిచేయని పంకాలను బాగు చేయించకపోవడం, పని చేయని ఎగ్జాస్ట్ పంకాలు రిపేర్ చేయించకపోవడం మొదలైనవి కనిపిస్తాయి. వాటి అద్దెలు కూడా ఎక్కువగా వున్నాయి, సదుపాయాలు శూన్యం. ఇవన్నీ గెస్ట్ హౌస్‌లకు చేరుకున్నాక తెలిసాయి.

కొందరు చంటి బిడ్డలతో దూరప్రాంతాలనుంచి వచ్చి ఇబ్బందులు పడ్డారు. మధ్యాహ్నం ఒంటిగంటకు గెస్ట్ హౌస్ చేరుకున్న మేము, గెస్ట్ హౌస్‌లో ఒక కప్ బోర్డు కూడా లేకపోవడం చూసి ఆశ్చర్య పోయాము. అంతంత అద్దెలు వసూలు చేసి, కనీస సదుపాయాలు కల్పించక పోవడం బాధాకరం. మన తెలుగు రాష్ట్రాల్లో పర్యాటక రంగం అంతగా ఆకర్షించ లేకపోవడానికి ఇదొక ముఖ్య కారణమే!

మేము గెస్ట్ హౌస్‌లో రాత్రి బాగానే గడిపాము. మరునాడు మధ్యాహ్నం వరకు మేము అక్కడ ఉండచ్చు, కానీ త్వరగా వచ్చేయడానికి నిశ్చయించుకున్నాము. దారిలో రామప్ప గుడి చూడవచ్చన్నది దానికి ఒక కారణం.

రామప్ప గుడి దగ్గర శ్యామ్ కుమార్

కొద్దీ సంవత్సరాల క్రితం రామప్ప గుడి మిత్రులతో కలిసి చూసినప్పటికీ, ‘వరల్డ్ హెరిటేజ్ కట్టడం’ గా గుర్తించినందువల్ల పర్యాటకశాఖ కొత్త హంగులు చేర్చిందేమోనన్న దురాశతో మళ్ళీ రామప్ప గుడికి వెళ్ళాము. కానీ అక్కడ మాకు ఎలాంటి ప్రత్యేక మార్పులు కనిపించలేదు. కొద్ది నిరాశగానే తిరిగి వచ్చాము. మాలా మరెందరో..!

రామప్ప శిల్ప కళా వైభవం

రామప్ప గుడిలో శ్యామ్ కుమార్, రచయిత

అరుణ-లీల, రామప్ప గుడి బయట

ఉభయ తెలుగు రాష్ట్రాలలో వున్న దర్శనీయస్థలాలలో, యాత్రికులకు అన్నిరకాల సదుపాయాలూ కల్పించాలి. ఆహారపదార్ధాల రేట్లు సామాన్యులకు సైతం అందుబాటులో ఉండేవిధంగా చూడాలి. అక్కడ వసతుల గురించి, అందుబాటులోవుండే రకరకాల సదుపాయాల గురించి వివిధ రూపాలలో ప్రకటనలు ఇవ్వాలి. పరిసరాలు పరిశుభ్రంగా వుండే విధంగా చర్యలు తీసుకోవాలి. మంచినీటి వసతి తప్పక కల్పించాలి. అప్పుడు యాత్రికుల సంఖ్య పెరగడమే కాదు, ప్రభుత్వ ఖజానాకు కాసుల వర్షం కూడా కురుస్తుందని చెప్పడం ఏమాత్రం అతిశయోక్తి కాదనుకుంటాను!

తిరుగు ప్రయాణంలో

మొత్తం మీద ఇంటి నాలుగు గోడల మధ్యనుంచి నన్ను – నా శ్రీమతిని బయట కు తీసుకొచ్చి, మాతో ఆనందంగా గడిపి, మాకూ ఎంతో ఆనందాన్నీ, మానసిక ప్రశాంతతను, తృప్తిని అందించిన ఘనత శ్యామ్ కుమార్ -లీల దంపతులకే దక్కుతుంది. వారి సహృదయతకు, స్నేహశీలతకు కృతజ్ఞతాంజలి ఘటిస్తూ ఈ వ్యాసం ప్రత్యేకంగా మిత్రుడు శ్యామకుమార్‌కు మిత్రమణి లీలకు అంకితం ఇస్తున్నాను.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
November 6, 2022 at 7:20 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు.
—-డా కె.ఎల్.వి.ప్రసాద్
సఫిల్గుడ

Reply
2

Sagar
November 6, 2022 at 7:33 am
ముందుగా మీకు, శ్యాంకుమార్ సర్ దంపతులకు శుభాకాంక్షలు సర్. మీ రచనలో పర్యాటక స్థలాలపై పాలకుల నిర్లక్ష్యం స్పష్టంగా కనిపిస్తోంది. ఇలాగే కొన్ని రోజులు జరిగితే దర్శనీయ స్థలాలు కాస్త దయనీయ స్థలాలుగా మారుతాయేమో అనిపిస్తోంది. మీలాంటి వారి ఆవేదన పాలకుల దృష్టికి చేరాలని ఆశిస్తూ మీకు ధన్యవాదములు సర్.

Reply
1. 2.1
  
  డా కె.ఎల్.వి.ప్రసాద్
  November 6, 2022 at 10:19 am
  సాగర్
  ధన్య వాదాలు.
  
  Reply
3

Sunianu6688@gmail.com
November 6, 2022 at 8:39 am
చాలా చక్కగా వివరించారు రచయిత klv prasad గారు. నిజమే,మనం ప్రభుత్వ అతిథి గృహంలో ఉండాలి అనుకుంటాం. కానీ అక్కడకు సంబంధించిన విషయాలు, విశేషాలు చెప్పే వారు వుండరు. అతిధి గృహం కూడా నిర్వహణ సరిగా వుండదు. మధ్యతరగతి వారు ఎంతో ఆశగా వెళ్లి నిరుత్సాహంగా తిరిగి వస్తారు. మీరు మీ పర్యటన విశేషాలు అన్ని కూలంకషంగా మా లాంటి పాఠకులకు వివరించి నoదుకు చాలా ఆనందంగా ఉంది. ఇంకా ఎన్నో విశేషాలు మీ జ్ఞాపకాల పందిరి ద్వారా తెలిసుకోవాలి.రచయిత గారికి హృదయ పూర్వక అభినందనలు👌👌👌👍👍👍💐💐💐💐

Reply
1. 3.1
  
  డా కె.ఎల్.వి.ప్రసాద్
  November 6, 2022 at 10:18 am
  మీ స్పందనకు
  ధన్యవాదాలండీ.
  
  Reply
4

Bhujanga rao
November 6, 2022 at 9:07 am
జ్ఞాపకాల పందిరి 135 విహార యాత్ర వినోద హేల..!!మీ మిత్రుడు మరియు మీ దంపతుల విహార యాత్రను,యాత్రలకు వెళ్ళేటప్పుడు తీసుకోవాల్సిన జాగ్రత్తలు చక్కగా వివరించారు.కుటుంబ సంబంధాలు మెరుగుపడటమే కాకుండా, ఆనందం మరియు సెలవుల పనిభారం కారణంగా ఏర్పడే వత్తిడిని తగ్గిస్తుంది.అక్కడున్న పరిస్థితులకు అనుగుణంగా ఆహార విషయములో గాని నీళ్ల విషయంలో గాని ముందుచూపుతో వ్యవహరించటం ముదాహం.మంచి విషయాలు అందిస్తున్న మీకు హృదయపూర్వక నమస్కారములు సర్🙏

Reply
1. 4.1
  
  డా కె.ఎల్.వి.ప్రసాద్
  November 6, 2022 at 10:17 am
  భుజంగరావు గారూ
  మీ స్పందనకు ధన్యవాదాలు సర్
  -కె.ఎల్.వి.ప్రసాద్
  సఫిల్ గూడ.
  
  Reply
5

డా కె.ఎల్.వి.ప్రసాద్
November 6, 2022 at 10:23 am
Very good experience sir.
I also have that experience, I felt very happy during the trip
—కె.జె.శ్రీనివాస్
హైదరాబాద్.

Reply
1. 5.1
  
  డా కె.ఎల్.వి.ప్రసాద్
  November 6, 2022 at 10:24 am
  ధన్యవాదాలు మీకు
  
  Reply
6

డా కె.ఎల్.వి.ప్రసాద్
November 6, 2022 at 10:26 am
బాగుంది సార్
–వై.శ్రీనివాస రెడ్డి
హన్మకొండ.

Reply
1. 6.1
  
  డా కె.ఎల్.వి.ప్రసాద్
  November 6, 2022 at 10:27 am
  ధన్యవాదాలు రెడ్డి గారూ
  
  Reply
7

డా కె.ఎల్.వి.ప్రసాద్
November 6, 2022 at 10:44 am
మీరు పేర్కొన్నట్లు పర్యాటక కేంద్రాల గురించి సరైన ప్రచారం లేకపోవడం.. అలాగే అలాంటి చోట్ల సదుపాయాలు లేకపోవడం వాస్తవం.. ఈ పరిస్థితిపై మీ అనుభవాన్ని చక్కగా రాశారు 👌
—వెంకట్రామ నరసయ్య
ఈనాడు
మహబూబాబాద.

Reply
1. 7.1
  
  డా కె.ఎల్.వి.ప్రసాద్
  November 6, 2022 at 10:45 am
  ధన్యవాదాలు మిత్రమా…
  
  Reply
8

Neelima
November 6, 2022 at 11:14 am
డాక్టర్ గారు
నమస్కారములు..

జీవితంలో విహారాయత్ర ఎంత అవసరమో బాగా చెప్పారు..
స్కూల్స్ లో కూడా దగ్గర ప్రదేశానికైనా వెళ్లేలా విహారయాత్రలు చేపట్టేలా ప్రభుత్వం చర్యలు తీసుకోవాలి..
మీ అనుభవాలు చాలా చక్కగా వివరించారు..

ధన్యవాదములు..

Reply
1. 8.1
  
  డా కె.ఎల్.వి.ప్రసాద్
  November 6, 2022 at 11:52 am
  అమ్మా
  మీ సూచనకు
  ధన్యవాదాలు
  
  Reply
9

డా కె.ఎల్.వి.ప్రసాద్
November 6, 2022 at 11:50 am
పర్యటన వివరాలు చాలా చాలా చక్కగా వివరించారు. ముఖ్యంగా మనం ఇంకా మనలాంటి పర్యాటకులు ఎదుర్కొంటున్న సమస్యలు చాలా బాగా ఎత్తి చూపారు. ఈ విషయంలో ప్రభుత్వం స్పందించి తగిన చర్యలు చేపట్టాలని ఆశించుదాం
—శ్రీమతి లీల.చాగల్
నిజామాబాదు.

Reply
1. 9.1
  
  డా కె.ఎల్.వి.ప్రసాద్
  November 6, 2022 at 11:50 am
  మిత్రమణీ
  హృదయ పూర్వక కృతజ్ఞతలు
  
  Reply
10

డా కె.ఎల్.వి.ప్రసాద్
November 6, 2022 at 12:37 pm
విహారయాత్ర –వినోదహేళ అనే శీర్షికతో ఈ వారం మీరు అందించిన జ్ఞాపకాల పందిరిలోని 135 వ భాగం ఎంతో విశిష్టమైనది. కారణం ఇటువంటి విహారయాత్రలు అన్ని వర్గాలకు మరియు అన్ని తరాలకు ఎంతో అవసరం .ముఖ్యంగా నేటి యువత యాంత్రిక జీవన విధానంతో మనుష్యుల మధ్య సంబంధాలు దూరమై మానసికంగా ఎంతో ఒత్తిడికి లోనవుతుంది. కనీసము ఏడాదికి ఒక్కసారి అయినా ఇటువంటి వినోద/ విహారయాత్రలను ,కేవలము కుటుంబ సభ్యులు లేదా ఒకటి రెండు కుటుంబాలతో కాకుండా ,భావాలు కలిసే వ్యక్తులతో కూడిన అధిక కుటుంబాలతో కలసి విహరించటం వలన ఇతర వ్యక్తులతో సత్సంబంధాలు ఏర్పడటమే కాకుండా ,ఆయా ప్రదేశాల యొక్క విశేషాలను కూలంకషంగా తెలుసుకునే అవకాశం లభించుటతోపాటు ఒకరికొకరు సహకరించుకోవడం వలన వ్యయ ప్రయాసలు కూడా తగ్గుతాయి. దానితోపాటు మనం ఎంచుకున్న ప్రదేశాలను బట్టి వాటికి సంబంధించిన జ్ఞాపకాలు ,మధుర స్మృతులు జ్ఞప్తికి వచ్చినప్పుడు మనసుకు ఎంతో హాయిగా ఉంటుంది .
సుదూర ప్రాంతాలలోని ప్రకృతి అందాలను చూడాలనే ఉత్సాహంతో వెళ్ళినప్పుడు, అక్కడ లభించే అరకొర సదుపాయాలకు అనుగుణంగా మసలు కొన్నప్పుడే ,ఆ యాత్ర యొక్క ఆనందాన్ని పూర్తిగా ఆస్వాదిస్తాము.
మిగతా పాఠకులు గమనించారో!లేదో! ఇందులో పొందుపరిచిన ఛాయాచిత్రాల స్థానాలు ఖాళీగా కనిపిస్తున్నాయి. లేదా వాటిని చూడటంలో నేను విఫలమైనానేమో! తెలియటం లేదు. రచయిత గారు కూడా దీనిపై దృష్టి సారించగలరు🙏
—-బి.రామ కృష్ణారెడ్డి
సఫిల్ గూడ.

Reply
1. 10.1
  
  డా కె.ఎల్.వి.ప్రసాద్
  November 6, 2022 at 12:39 pm
  మీ సహ్రుడయ స్పందన కు ధన్యవాదాలండీ
  మీకు ఫొటో లు డౌన్ లోడ్ కాలేదు అంతె సర్
  కాసేపు వేచి చూడండి.
  
  Reply
11

పుట్టి. నాగలక్ష్మి
November 7, 2022 at 1:02 am
తెలుగు రాష్ట్రాలలోని విహారయాత్రాస్థలాలు, దర్శనీయప్రదేశాలలోని వసతుల లేమి గురించి, టూరిజంకి ప్రాధాన్యత ఇవ్వకపోవడం గురించి సవివరంగా వ్రాశారు. నెన్నటికిని క్రితం లక్నవరం సరస్సుని చూడడానికి జడివానలో వెళ్ళాం.కాళ్లు జారే బురదకి బయపడి మేము కారు దిగ లేదు. మా అబ్బాయి లు మాత్రం సరస్సు మధ్యలోని రెస్టారెంట్ లో కాఫీ తాగి వచ్చారు. అంతే!
ఇక రామప్పగుడికి అంతర్జాతీయ ప్రఖ్యాతి లభించింది కదా అని వెళితే.. కొత్త హంగులు ఏమీ లేకపోవడం బాధ కలిగించింది. ఏదిఏమైనా విహారయాత్రల ఆవశ్యకతను చక్కగా వివరించిన డాక్టర్ గారికి ధన్యవాదాలు.. 🙏🏻

Reply
1. 11.1
  
  డా కె.ఎల్.వి.ప్రసాద్
  November 7, 2022 at 7:35 am
  మీ వివరణాత్మక
  స్పందన బాగుంది మేడం.
  ధన్యవాదాలు మీకు.
  
  Reply
12

Rajendra Prasad
November 7, 2022 at 4:25 am
సమాచారం, అనుభవం, టూరిజం పై తెలుగు రాష్ట్రాల ఉదాసీనత చక్కగా, నిష్కర్షగా చెప్పారు
– Rajendra Prasad

Reply
1. 12.1
  
  డా కె.ఎల్.వి.ప్రసాద్
  November 7, 2022 at 7:33 am
  ధన్యవాదాలు
  ప్రసాద గారు.
  
  Reply
13

డా కె.ఎల్.వి.ప్రసాద్
November 7, 2022 at 8:54 am
Chala bagundhi Prasad garu.
—-శ్యామ్ ప్రసాద్
అమెరికా.

Reply
1. 13.1
  
  డా కె.ఎల్.వి.ప్రసాద్
  November 7, 2022 at 11:58 am
  ధన్యవాదములు మీకు.
  
  Reply
14

డా కె.ఎల్.వి.ప్రసాద్
November 7, 2022 at 8:59 am
ప్రసాద్ గారూ
మీ విహార యాత్రా అనుభవాలు
బాగున్నాయి.మీవ్యాసం నా బాల్యాన్ని గుర్తుకు తెచ్చింది.
నా పన్నెండో ఏట ( 8 వ తరగతి) మా స్కూల్ వాళ్లు (ఖమ్మం) విహార యాత్ర అని పేర్లు ఇవ్వమన్నారు
‘ సి రిపూర్ ‘ వెళ్తున్నామని మా నాన్న గారికి కార్డు రాసాను
వెళ్ళమ్మా అక్కడ పేపర్ మిల్స్ ఉంటావి చూసి రమ్మని ఐదు రూపాయలు మని ఆర్డరు చేసారు .
తీరా చూస్తే అది సిరిపురం అన్న చిన్న విలేజి లో ఆరోగ్య సూత్రాలు పరిసరాల పరిశుభ్రత గురించి చెప్పే ప్రోగ్రాం.
అందరి కన్న చిన్న దాన్ని అని నన్ను బడి లోనే ఉండ మన్నారు టీచర్స్ కు చెప్పకుండా వెళ్ళటం, పెద్ద చెరువు మత్తడి తెగి.. నీళ్ళల్లో మునగ కుండా ఒకతను , మమ్మల్ని కాపాడటం,టీచర్స్ తిట్టటం ,మొదటి విహార యాత్ర .
మళ్లీ మెడికో గా రామప్ప కు మా క్లాస్ మేట్స్ తో విహార యాత్ర (చాలా మంది అక్కడప్రేమికులు పేరులను ఒకరి కొకరు చెప్పుకున్నారు అనుకోండి)…
నాకు మటుకు ఆ రాతి వయ్యారాలు చాక్ పీస్ మీద చెక్కుకోటం ..
ఆ లోకం లో పడిపోయా,
ఈ రోజు వరకు అదే అలవాటు ..
—-డా.అంజనీ దేవి
కళ్యాణి నర్సింగ్ హోం
హన్మకొండ.

Reply
1. 14.1
  
  డా కె.ఎల్.వి.ప్రసాద్
  November 7, 2022 at 11:57 am
  డాక్టర్ గారూ
  ధన్య వాదాలండీ
  
  Reply
15

డా కె.ఎల్.వి.ప్రసాద్
November 7, 2022 at 11:55 am
మన ప్రభుత్వాల సంగతి
” గుమ్మిల విత్తులు గుమ్మిలనే వుండాలె పోరగాండ్లుమాత్రం దుడ్డెలోతుగ వుండాలె” అన్న చందం.గుమ్మిల గింజలు తీసి దంచి వండి వార్చి పిల్లలకు పెడ్తే తిని ఒళ్ళుచేస్తరు కాని ధాన్యం ఒడవద్దు పిల్లలు బలిష్ఠంగా వుండాలంటే ఎట్లా? నేను అమిరికా వెళ్ళినపుడు చూసినశబొర్రా గుహల వైశ్ల్యంలో పదవ వంతూకూడా లేవు ఆ గుహలు.దాన్నివచూడటానికి టిక్కటు దాన్ని ముందరే వీడియో తీసి ఆవీడియో చూసినాక నే గుహలు టిక్కట్ తీసుకొని చూడాలె.వీడియోకు టిక్కటు. గుహలకు టిక్కటు.
రామప్ప దగ్గర మంచి గైడ్ లు లేరు వి ఐ పా లు వస్తేనే వారికే వారి సర్వీసు. ఎట్ల తెలువాలె గుడిచరిత్ర. పోనీ ఒక డాక్ యుమెంటరీ తీసి అక్కడ చిన్న హాలు కట్టి దాన్లో ప్రదర్శిస్తేనన్న యాత్రికులకు విషయాలు తెలుస్తవికదా.యునెస్కో గుర్తిందని ఛాతీ విరుచుకోవటం కాదు ఆ కట్టడాల గొప్పదనం నలుగురికీ తెలువాలె అందుకువప్రభుత్వం చర్యలు తీసుకోవాలె.
ఎక్కడి చారిత్రక,పర్యాటక ప్రదేశాలలోనైనా ఇదేపరిస్థితి .మీరన్నట్టు పర్యాటకరంగం ద్వారా రెవెన్యూ కూడా సంపాదించవచ్చుగదా.
ఏమిటో?!
చెప్పుకోవటం మాసంస్కృతి గొప్పదని దాని సంఖతి ఇతరులకు తెలియజేయటానికి మనం శ్రమించం
గుమ్మిల విత్తులు గుమ్మిలనే వుండాలె పోరగాండ్లు దుడ్డెలోలె వుండాలంటే కుదురుతదా? సర్
—రామశాస్త్రి

Reply
1. 15.1
  
  డా కె.ఎల్.వి.ప్రసాద్
  November 7, 2022 at 11:56 am
  ధన్యవాదాలు
  శాస్త్రి గారు.
  
  Reply
16

డా కె.ఎల్.వి.ప్రసాద్
November 7, 2022 at 2:46 pm
👏👏👏👏బాగుంది సార్.
మీరుచెప్పింది అక్షర సత్యమే !
నిర్వాహకులకు వసూళ్ళమీద ఉన్న శ్రద్ద, నిర్వహణమీదఉండ టం లేదు… !!
విహారయాత్రలు ఉదాసీనతను తొలగించి ఉత్తేజాన్ని కలిగిస్తాయి 🙏💐🙏
–కోరాడ నరసింహారావు
విశాఖపట్నం.

Reply
1. 16.1
  
  డా కె.ఎల్.వి.ప్రసాద్
  November 7, 2022 at 2:46 pm
  ధన్య వాదాలండీ.
  
  Reply
17

డా బండి
November 7, 2022 at 5:34 pm
నమస్కారం.
ముందు రచయితను మెచ్చుకోకుండా ఉండలేను. ఉన్నది ఉన్నట్టు రాశారు. చెరువు దగ్గర అసౌకర్యం యాత్రికులకు ఎంత రసాభాసో అర్థమైంది. రామప్ప గుడి అచ్చం సినారె చెప్పినట్టే ఉంది. రెండు జంటల ఫోటోలు బాగున్నాయి.
అభినందనలు.

Reply
1. 17.1
  
  డా కె.ఎల్.వి.ప్రసాద్
  November 7, 2022 at 9:10 pm
  కవి గారి
  స్పందనకు
  ధన్య వాదాలూ.
  
  Reply
18

డా కె.ఎల్.వి.ప్రసాద్
November 7, 2022 at 10:19 pm
జీవితంలో గడపకావల ఎన్నో అద్భుతమైన దృశ్యాలు ఉంటాయి.వాటిని ఒక్క సారైనా రొటీన్ నుండి బయటపడి దర్శించితీరాలి.మనస్సుకు గొప్ప ఆహ్లాదంతో పాటు విజ్ఞానం కూడా అందించే విహార యాత్రలు చాలా మందికి తీరని కలగా కూడా ఉంటాయి.ఏదో ప్రవాహంలో కొట్టుకుపోయే లైఫ్ కి కొంత ఊరట,ఉత్తేజాన్ని ఖచ్చితంగా అందిస్తాయి సర్ విహారయాత్రలు మీరన్నట్టు. మీరు ,మీ మిత్రులూ దర్శించి వచ్చిన ప్రదేశాలు చాలా బావున్నాయి.ఒక విషయాన్ని చాలా మంది చూసే కోణానికి భిన్నంగా రచయిత చూస్తారు అని మీరు మరోమారు నిరూపించారు.విహార యాత్రల్లో ప్రభుత్వం పర్యాటకులకు కల్పించాల్సిన సౌకర్యాల గూర్చి,ఆయా స్థలాల ఘనతను నిలిపేలా ఉండాల్సిన నిర్వాహణ గూర్చి సామాజిక బాధ్యత తో తెలియపరిచారు.ఎంతో ఉషారుగా వెళ్లే పర్యాటకులకు నిరుత్సాహం కల్గించని ఏర్పాట్లు ఉంటే ప్రభుత్వ ఆదాయం కూడా పెరుగుతుంది అని చక్కగా తెలియ పరిచారు.మీ విహారయత్రకు మమ్మల్ని కూడా తీసుకెళ్లిన అనుభూతి కల్గించినందుకు ధన్యవాదాలు సర్💐🙏
—-నాగజ్యోతి శేఖర్
కాకినాడ.

Reply
1. 18.1
  
  డా కె.ఎల్.వి.ప్రసాద్
  November 7, 2022 at 10:20 pm
  అమ్మా
  మీ సవివర విశ్లేషణ బాగుంది
  మీకు ధన్యవాదాలు.
  
  Reply
19

డా కె.ఎల్.వి.ప్రసాద్
November 8, 2022 at 3:57 pm
స్థలం బాగుంది. . మంచి వ్యాసం.అందరూ మీలాగే ఫిర్యాదు చేస్తున్నారు సార్.మేము ప్లాన్ చేసుకోవాలి.
—-డా.డి.సుజాత
విజయవాడ.

Reply
1. 19.1
  
  డా కె.ఎల్.వి.ప్రసాద్
  November 8, 2022 at 3:58 pm
  అమ్మా…
  ధన్యవాదాలు.
  
  Reply
20

డా కె.ఎల్.వి.ప్రసాద్
November 9, 2022 at 7:50 am
ప్రతి వ్యాసం లో ఓ సందేశం అందరి దృష్టికి తీసుకుని రావడం చాలా గొప్ప విషయం సార్. అన్ని పరిస్థితులను సునిశిత దృష్టి తో పరిశీలించి దాని లోతు పాతులు సమాజానికి ఎంత వరకు ఉపయోగ పడుతున్నాయి అని ఆలోచించడం చాలా మంది చేయలేని పనిని మీరు చేస్తున్నారు సార్. మీ విహార యాత్ర అందమైన లొకేషన్ లు చుట్టినా సరైన సదుపాయాలు లేక పోవడం చాలా బాధాకరం సార్. ఇలాంటి వ్యాసాలు తప్పకుండా ప్రభుత్వ దృష్టికి వెళితే చాలా ఉపయుక్తంగా ఉంటుంది. అందమైన దృశ్యాలను మరింత అందమైన ఫోటోలతో మాకు కనువిందు చేశారు. హృదయపూర్వక శుభాకాంక్షలు శుభాభినంనలు సార్ మీకు 💐🙏💐🙏💐🙏💐🙏💐🙏💐🙏💐
మొహమ్మద్. అప్సర వలీషా
ద్వారపూడి (తూ. గో. జి)

Reply
1. 20.1
  
  డా కె.ఎల్.వి.ప్రసాద్
  November 9, 2022 at 7:51 am
  అమ్మా
  మీ స్పందన కు ధన్యవాదాలండీ
  
  Reply
21

డా.కె.ఎల్.వి.ప్రసాద్
November 10, 2022 at 5:18 am
విహారయాత్ర గురించి చాలా బాగా రాశారు
మంచి వివరణ అందించారు గురుజీ….

మనిషికి….
మానసిక ఉల్లాసం…
ఉత్సాహం…
ఉత్తేజం కలుగుతుంది..

నిజమే కొన్ని పర్యాటక ప్రాంతాలు సరియైన సదుపాయాలు లేక
అస్తవ్యస్తంగా ఉన్నాయని
అవి ప్రభుత్వం పట్టించుకుంటే ఇటు యాత్రికులకు… ఇబ్బందులు పడే పని ఉండదు… అటు ప్రభుత్వానికి ఆదాయం వస్తుంది… నిజమే…
మరికొందరికి జీవనోపాధి కూడా కలుగుతుంది.
కదా!
——లిక్కి
సికిందరాబాద్

Reply
1. 21.1
  
  డా.కె.ఎల్.వి.ప్రసాద్
  November 10, 2022 at 5:18 am
  ధన్యవాదాలు లిక్కూ…
  
  Reply
22

డా కె.ఎల్.వి.ప్రసాద్
November 10, 2022 at 6:46 am
జ్ఞాపకాల పందిరి-135 లో విద్యార్థి దశలో విహారయాత్రలు విజ్ఞానాన్ని కలుగచేస్తాయని తెలిపారు. మీరు చెప్పినట్టుగా, పర్యాటక రంగంలో తెలుగు రాష్ట్రాలు చాలా వెనకబడి ఉన్నాయి. పాలకులకు వాటి గురించి ఆలోచించరు.

మేము 2020 ఫిబ్రవరిలో తమిళనాడులోని ప్రసిద్ధ దేవాలయాలు మరియు కొన్ని పురాతన కట్టడాలను దర్శించుకున్నాము. రామేశ్వరంలో కలాంగారి ఇల్లు దర్శించాము. చాలా దేవాలయాలు శిథిలావస్థలో ఉన్నాయి.

మన పాలకులు పురాతన కట్టడాలను కూల్చేసి, వాటి స్థానంలో కొత్త భవనాలు నిర్మించడంలోనే శ్రద్ధ చూపిస్తున్నారు. జ్ఞాపకాల పందిరి చక్కటి కథనంతో సాగింది. అభినందనలు.
—జి.శ్రీనివాసా చారి
కాజీపేట.

Reply
1. 22.1
  
  డా కె.ఎల్.వి.ప్రసాద్
  November 10, 2022 at 6:47 am
  ధన్యవాదాలు
  చారి గారు….
  
  Reply
23

Shyam Kumar Chagal
November 14, 2022 at 6:38 am
లక్న వరం ప్రయాణం విశేషాలు డాక్టర్ కె ఎల్ వి ప్రసాద్ చాల బాగా వివరించారు. అక్కడ ఎటువంటి సౌకర్యాలు లేవు. డబ్బులు దండగ. ఎవరికెవరు లేరు. అసలు అది ప్రభుత్వం యొక్క సంస్థ అని చెప్పటం సిగ్గు చేటు. దోపిడీ అద్భుతం. పైగా గది మురికి మొత్తం గ అదే చెరువులోకి వదులుతున్నారు. కాబట్టి మొహం కూడా కడగటం భయమే.
స్నేహితుల తో గడపటమే అత్యంత ఆనంద కరం

Reply
24

Simarajn kanthipudi
November 21, 2022 at 9:25 am
ఇంతకు ముందు పంపారు సార్. చదివాను చాలా బాగుంది.

Reply