జ్ఞాపకాల పందిరి-150

జ్ఞాపకాల పందిరి-150

అపురూప రంగస్థలి..! రవీంద్ర భారతి..!!

మా బాల్యంలో హైదరాబాద్ లోని చూడదగ్గ, మరియు అత్యంత ప్రాచుర్యం పొందిన భవనాలలో ‘రవీంద్ర భారతి’ ఒకటి. ఇప్పుడంటే హైదరాబాద్, ఫ్లైఓవర్ లతో, జనసాంధ్రతతో మూసుకుపోయింది గానీ ఒకప్పుడు నగరం నడిబొడ్డున రవీంద్ర భారతి, నిత్య కళ్యాణం పచ్చతోరణంలా, నిత్యం అనేక కార్యక్రమాలతో కళకళ లాడుతూ ఉండేది. ప్రేక్షక జనంతో కిటకిటలాడుతుండేది. నాటకాలు, నృత్యాలు, సంగీత కార్యక్రమాలు, పుస్తకావిష్కరణలు, సన్మానాలు, ఒకటేమిటి, నిత్యం సాహిత్య సాంస్కృతిక కార్యక్రమాలతో, గొప్ప కళాకేంద్రంగా విలసిల్లేది.

హైదరాబాద్ లోని రవీంద్ర భారతి సమావేశ మందిరం

సాధారణ ప్రజలు రవీంద్ర భారతి లోపలికి వెళ్ళడానికి తటపటాయించేవారు. ఒక్కోసారి నాటక పోటీలు (టికెట్టుతో, టిక్కెట్టు లేకుండా కూడా) ప్రజల అత్యంత ఆదరణ పొందేవి. నెలల తరబడి కొన్ని హిందీ నాటక ప్రదర్శనలు జరుగుతుండేవి. మిమిక్రీ, మైమ్, మాయాజాలం వంటి కార్యక్రమాలు సంవత్సరం పొడవునా ఏదోకటి జరుగుతూనే ఉండేది. ఏ రోజూ కూడా రవీంద్ర భారతి ఖాళీగా ఉన్నట్లు కనపడేది కాదు. హాలు బుక్ చేసుకోడం అంటే పెద్ద కసరత్తు క్రింద లెక్క.

2019 లో రవీంద్ర భారతి మెయిన్ హాల్ లో అప్పటి ఆరోగ్య శాఖామంత్రి గారిచే ‘వైద్య రత్న’ బిరుదు ప్రధానం.

ఎందుకోగానీ పెళ్లిళ్లకు మాత్రం అప్పట్లో ఈ హాలు అనుమతించేవారు కాదు. ఏ కార్యక్రమానికైనా, అతిథులుగా, ముఖ్య అతిథులుగా, రాజకీయ నాయకులతో పాటు, సినిమా హీరోలు, హీరోయిన్లు ఇతర ప్రముఖులు, పేరుపడ్డ కవులూ కళాకారులూ వస్తుండడం వల్ల ప్రేక్షకులకు ఏమాత్రం లోటుండేది కాదు. నగరంలో దేనితో పాటు ఒకటి రెండు వేదికలువున్నా, రవీంద్ర భారతికి ప్రత్యేకత ఉండేది. అందులో నాటకం ప్రదర్శించాలన్నా, నృత్యంలో ఆరంగేట్రం చేయాలన్నా, పుస్తకావిష్కరణ చేసుకోవాలన్నా, ఒక ఆత్మీయ సమావేశం ఏర్పాటు చేసుకోవాలన్నా గర్వంగా ఫీల్ అయ్యేవారు. అయితే అది బుక్ చేసుకోవడం అంట సులభంగా ఉండేది కాదు. చిన్న చిన్న రచయితల పుస్తకావిష్కరణలకు, సంగీతకార్యక్రమాలకు, అంత సులభంగా అది దొరికేది కాదు. అందులో ప్రవేశిస్తేనే ఏదో ఒకరకమైన గొప్ప అనుభూతి కలిగేది.

రవీంద్ర భారతి ముఖద్వారం వద్ద సాగర్ మిత్రులతో

బాల్యంలోనే, నాకు రవీంద్ర భారతిలో అనేక రకాల కార్యక్రమాలు చూసే అవకాశం కలిగింది. అందులో నాటకాలు, నృత్యాలు, కవిసమ్మేళనాలు పుస్తకావిష్కరణల్లో, బాలానందం కార్యక్రమాలు వున్నాయి. వీటితోపాటు మా గురువు గారు డా. సి. డి. రెడ్డి గారి అమ్మాయి భరతనాట్యం ఆరంగేట్రం, పాలగుమ్మి విశ్వనాథం గారు రచించి ట్యూన్ చేసి విడుదల చేసిన ‘అమ్మ దొంగా..’ పాట, ఈలపాట రఘురామయ్య గారి ‘ఈలపాట’ కచేరి – ఇలా ఎన్నో, ఎన్నెన్నో. దీనంతటికి ప్రధాన కారణం, మా పెద్దన్నయ్య కె. కె. మీనన్. ఆయన స్వయంగా రచయిత కావడం, ఆయన పనిచేసిన ఏ.జీ. ఆఫీసులోని ‘రంజని’ అనే సాహిత్య సంస్థకు అధ్యక్షుడుగా ఉండడం మూలాన, ఆయనకు వచ్చిన ‘ఫ్రీ -పాస్‌లు’ అన్నీ నా జేబులోకి చేరేవి. అన్నయ్య విజయనగర్ కాలనీ, మాసాబ్ ట్యాంక్ వంటి ప్రదేశాలలో అద్దె ఇంట్లో ఉండడం మూలాన, (నా బాల్యం ఎక్కువశాతం పెద్దన్నయ్య దగ్గరే గడిచింది) నేను అక్కడినుండి కాలినడకన కార్యక్రమాలు చూడడానికి రవీంద్ర భారతికి వెళ్లి చూసి అలాగే తిరిగి వచ్చేవాడిని. అలా చూసిన నేరెళ్ల వేణుమాధవ్ గారి మిమిక్రీ ‘బెన్‌హర్’ ఎప్పటికీ మరచిపోలేను. తర్వాతి కాలంలో ఆయన నివసిస్తున్న ప్రాంతంలోనే, నేను స్థిరనివాసం ఏర్పరచుకుంటాననీ, ఆయనతో నాకు స్నేహం ఏర్పడుతుందనీ, ఇద్దరం ఎన్నోసార్లు వేదిక పంచుకుంటామనీ కలలో కూడా ఊహించలేదు. ఉద్యోగ రీత్యా అది అలా కలిసొచ్చింది. అలాగే ఒక ఉగాదికి విశ్వనాథ సత్యనారాయణ గారు అధ్యక్షతన జరిగిన కవిసమ్మేళనం కూడా బాగా గుర్తుంది. దివాకర్ల వెంకటావధాని గారి అవధానం చూసే భాగ్యం కూడా రవీంద్ర భారతి లోనే కలిగింది నాకు. సినారె, జి వి. సుబ్రహ్మణ్యం, యశోధర రెడ్డి వంటి పెద్దలు పృచ్ఛకులుగా పాల్గొనడం నేను ఎరుగుదును. అలా రవీంద్రభారతిలో ఎన్నో కార్యక్రమాలు చూసే అదృష్టం నాకు చిన్నతనంలోనే కలిగింది.

తెలుగు ఉమ్మడి రాష్ట్రం రెండుగా విడిపోయాక, తెలంగాణా రాష్ట్ర ప్రభుత్వం ఒక చక్కటి నిర్ణయం తీసుకుంది. రవీంద్ర భారతిలో ముఖ్యంగా పై అంతస్తులోని మినీహాల్, సాహిత్య కార్యక్రమాలు చేసుకోవడానికి ఉచితంగా అనుమతిని ఇచ్చింది (మెయిన్ హాల్ విషయంలో నాకు అంతగా అవగాహన లేదు). దీనితో చాలామంది చిన్న/పెద్ద రచయితలు, గ్రూపులు, సంస్థలు, దీనిని చక్కగా సద్వినియోగం చేసుకుంటున్నట్లుగా తెలుస్తున్నది. నేను ప్రస్తుతం హైదరాబాద్‌లో ఉండడం వల్ల ఇప్పటికే చాలాసార్లు రవీంద్ర భారతిని దర్శించే అవకాశం ఏర్పడింది.

రవీంద్ర భారతి మినీ హాల్ లో మిత్రమణీ ఝాన్సీ కొప్పిశెట్టికి సన్మా నం చేస్తూ రచయిత

అయితే, ఈ మధ్య ఒక వింత అనుభవం, నాతో పాటు చాలామంది చవిచూచారు. అదేమిటంటే, ఫిబ్రవరి 9, 2023న శ్రీమతి పుట్ల హేమలత గారి స్మారక పురస్కారాల కార్యక్రమము, ‘మనోజ్ఞ సాంస్కృతిక సాహిత్య –వేదిక’ పక్షాన, ‘ముళ్ళ చినుకులు’ (సంపాదకులు, శ్రీమతి గోగులమండ అరుణ, శ్రీమతి మానస ఎండ్లూరి) కథా సంకలనం ఆవిష్కరణల కోసం రవీంద్ర భారతి మినీ హాల్ బుక్ చేశారు నిర్వాహకులు.

రచయిత్రి,కవయిత్రి,గాయని,సామాజిక,మహిళా,దళిత హక్కుల కోసం, తన కలం ద్వారా, వుపన్యాసాల ద్వారా ఆయావర్గాలను జాగృతి పరుస్తున్న మహిళామణి శ్రీమతి అరుణా గోగులమండ.(హైదరాబాద్ /ఏలూరు)

నాలాంటి అభిమానులు కొంతమందిమి సకాలంలోనే అక్కడికి చేరుకున్నాం. అయితే అప్పటికి నిర్వాహకులు ఇంకా రాలేదు. రవీంద్ర భారతి ముఖద్వారం దగ్గర నిలబడ్డ సెక్యూరిటీ వ్యక్తి ఎవరినీ పోనీయడం లేదు. శాసనసభ కార్యక్రమాలు జరుగుతుండడం మూలాన కార్యక్రమాలు అన్నీ రద్దు చేశారని చావుకబురు చెప్పినట్టు చెప్పాడు. మరి ఆ విషయం నిర్వాహకులకు కూడా తెలిసి ఉండాలి కదా! వారు ఏ మాధ్యమం ద్వారాను సమావేశం రద్దు అయిన ప్రకటన చేయలేదు. మేమంతా ఆశ్చర్యానికి, ఆవేదనకూ గురి అయ్యాము. ఎందుకైనా మంచిదని కాసేపు అక్కడే నిలబడ్డాము. కాసేపటికి నిర్వాహకులు వచ్చారు. విషయం తెలిసి వాళ్ళు కూడా అయోమయ స్థితిలో పడ్డారు.

కథకురాలిగా, సంపాదకురాలిగా, పుస్తకావిష్కరణ సందర్భంగా మాట్లాడుతున్న శ్రీమతి అరుణ గోగులమండ

లోపలికి అనుమతించకపోతే వరండాలోనైనా కార్యక్రమం నిర్వహించడానికి నిర్ణయం తీసుకున్నారు (కరెక్ట్‌గా ఆంక్షలు విధిస్తే అక్కడ కూడా కార్యక్రమం చేయనివ్వరు, అది వేరే విషయం). ఈ నేపథ్యంలో ఎందుకైనా మంచిదని, కార్యక్రమ ముఖ్య నిర్వాహకురాలు, శ్రీమతి మానస ఎండ్లూరి మరో ప్రయత్నం చేయడానికి, బుకింగ్ కార్యాలయానికి వెళ్ళింది. నవ్వుతున్న ముఖంతో తిరిగి వచ్చింది. అందరికీ సంతోషం అనిపించింది.

ఎందుకంటే అది వాయిదా వేసే కార్యక్రమం కాదు కాబట్టి (పుట్ల హేమలత గారి పుట్టిన రోజు). అందరం సంతోషించాం. నాకు పుట్ల హేమలత గారి గురించి తెలుసు కానీ, ముఖాముఖి పరిచయం లేదు, కానీ వారి భర్త గొప్ప రచయిత, కవి గేయ రచయిత ఎండ్లూరి సుధాకరగారూ, వీరి కుమార్తె శ్రీమతి మానస ఎండ్లూరి నాకు బాగా పరిచయం. అయితే ఆ రోజు నేను ఆ కార్యక్రమాలకు హాజరుకావడానికి రెండు ముఖ్య కారణాలు వున్నాయి. అవి -1) ఎండ్లూరి కుటుంబంతో పరిచయం ఉండడం, 2) పుట్ల హేమలత గారి స్మారక పురస్కారం, నాకు ఫేస్‌బుక్‌లో పరిచయం అయి ఇప్పటివరకూ చూడని శ్రీమతి అరుణ గోగులమండకు ప్రకటించడం; తప్పక హాజరుకావాలని అరుణ ఆహ్వానించడమూను. మొత్తం మీద ఆరోజు కార్యక్రమాన్ని తృప్తిగా ఎంజాయ్ చేయడమే కాక, అరుణను సన్మానించే అవకాశం కూడా రావడంతో, అన్ని రకాలుగా ఆ రోజు అనుభవం ప్రత్యేకతను సంతరించుకుంది.

పుట్ల హేమలత గారి స్మారక పురస్కారం అందుకున్న అరుణ గోగులమండకు, రచయిత పక్షాన చిరు సత్కారం

ఎప్పుడు ఎలాంటి సమస్యలు ఎదురవుతాయో ఎవరూ చెప్పలేరు. కానీ మంచి జరిగినా, చేదు అనుభవం ఎదురొచ్చినా, అది మర్చిపోలేని అనుభవంగా మిగిలిపోతుంది. ఆ రోజు నేను ఎదుర్కొన్న అనుభవం అలాంటిదే మరి!

అనుభవాలు ఎలాంటివైనా, మన రవీంద్ర భారతి సమావేశమందిరం (రంగస్థలి) మనమంతా గర్వించదగ్గ మంచి కట్టడం. గర్వంగా చెప్పుకోదగ్గ స్థలం. అక్కడ రవీంద్ర భారతి కట్టాలనే ఆలోచన అప్పట్లో ఎవరికీ వచ్చిందోగాని, వారు అభినందనీయులు, ప్రత్యేకంగా ఎప్పటికీ గుర్తు పెట్టుకోదగ్గవారు.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
February 19, 2023 at 7:08 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—-డా కె.ఎల్.వి.ప్రసాద్
సఫిల్ గూడ
సికిందరాబాద్.

Reply
2

Sagar
February 19, 2023 at 7:19 am
రవీంద్రభారతి పేరు వినడమే తప్ప చూడడం నాకు కూడా మొదటి సారే సర్. అది కూడా మిమ్మలను మొదటి సారి కలిసే కార్యక్రమం ఉన్నందున సాధ్యాపడింది. ఆరోజు అలాంటి సమస్య ఉందని నాకు కూడా ఇప్పటివరకు తెలియదు. కార్యక్రమం విజయవంతం గా జరిపినందుకు మీ ద్వారా నిర్వాహకులకు అభినందనలు. మరియు మీకు ధన్యవాదములు సర్

Reply
1. 2.1
  
  డా కె.ఎల్.వి.ప్రసాద్
  February 19, 2023 at 9:04 am
  సాగర్
  నీ స్పందనకు ధన్యవాదాలు .
  
  Reply
2. 2.2
  
  డా కె.ఎల్.వి.ప్రసాద్
  February 21, 2023 at 8:19 am
  జ్ఞాపకాల పందిరి 150 లో రవీంద్ర భారతి గురించి రాశారు. రవీంద్ర భారతిని అపురూప రంగస్థలియని వర్ణించారు. రవీంద్ర భారతిలో జరిగే సాహిత్య మరియు సాంస్కృతిక కార్యక్రమాల గురించి తెలిపారు. రవీంద్ర భారతిలో మీకు వైద్యరత్న బిరుదు ప్రదానం చేసిన సందర్భంగా మీకు అభినందనలు. రవీంద్ర భారతితో మీకున్న అనుభవాలను చక్కగా తెలిపారు.
  —-జి.శ్రీనివాసాచారి
  కాజీపేట.
  
  Reply
  1. 2.2.1
    
    డా కె.ఎల్.వి.ప్రసాద్
    February 21, 2023 at 8:20 am
    చారి గారూ ధన్యవాదాలు సర్ మీకు .
    
    Reply
3

డా కె.ఎల్.వి.ప్రసాద్
February 19, 2023 at 9:10 am
Ravi drabharathi is a గొప్ప స్మారక చిహ్నం . You are lucky to have a great attachment with Ravindra Bharathi. Nice write-up. Congratulations sir.మీరు హైదరాబాద్‌లో మరొక అధ్యాయాన్ని అనుభవిస్తున్నారు. Sekend ఇన్నింగ్స్.
DR D.Sujatha
Vijayawada.

Reply
1. 3.1
  
  డా కె.ఎల్.వి.ప్రసాద్
  February 19, 2023 at 9:11 am
  అమ్మా
  ధన్యవాదాలు.
  
  Reply
4

డా కె.ఎల్.వి.ప్రసాద్
February 19, 2023 at 10:06 am
రవీంద్రభారతి లో ప్రదర్శన,ఏదైనా కార్యక్రమం లో పాల్గొనడం ప్రతి కళాకారుని కల. బాల్యం నుండి మీకు ఆ అదృష్టం రావడం,ప్రతిభావంతులు అయిన మీరు వివిధ కార్యక్రమాల్లో పాల్గొని అలరించడం ముదావహం.రవీంద్ర భారతి కార్యక్రమాలు తిలకించడం చాలాసార్లు జరిగినా పాల్గొనే అవకాశం,మామిడి హరికృష్ణ గారితో మేమొంటో తీసుకునే అదృష్టం ఈ మధ్యనే జరగడం ఒక గొప్ప జ్ఞాపకం. రవీంద్ర భారతి గూర్చి మీ జ్ఞాపకాల పందిరి లో చాలా విషయాలు తెలియచేశారు. ధన్యవాదాలు.
–జనార్ధన్.ఎం.సి
హన్మకొండ.

Reply
1. 4.1
  
  డా కె.ఎల్.వి.ప్రసాద్
  February 19, 2023 at 5:43 pm
  జనార్ధన్ గారూ
  ధన్యవాదాలు.
  
  Reply
5

డా కె.ఎల్.వి.ప్రసాద్
February 19, 2023 at 10:09 am
మీ జ్ఞాపకం రవీంద్రభారతితో మరిచిపోరానది. కొందరికి జీవితాల్లో చాలా కలిసి వస్తవి. మీరు భాగ్యవంతులు వైద్యవర్య!
–ప్రొఫెసర్ జనార్ధన రావు.తంగేడ
హన్మకొండ.

Reply
1. 5.1
  
  డా కె.ఎల్.వి.ప్రసాద్
  February 19, 2023 at 5:41 pm
  మీ స్పందన కు ధన్యవాదాలండీ.
  
  Reply
6

డా కె.ఎల్.వి.ప్రసాద్
February 19, 2023 at 2:14 pm
సాహితీ వేదికైనా రవీంద్ర భారతి గురించిన విశేషాలు రచయిత గారు ఈ సంచికలో చాలా విపులంగా వివరించారు. ఒక సాధారణ ప్రేక్షకుడిగా, కళాభిమానిగా, ఆ కళాక్షేత్రములోనికి ప్రవేశము పొందగలిగిన ఒక సాధారణ వ్యక్తి , ఎందరో కవులతో, కళాకారులతో పరిచయ భాగ్యము కలగటం, ఆ గౌరవప్రదమైన వేదికను తోటి కళాకారులతో పంచుకొని ప్రసంగించ గలిగే స్థాయికి ఎదగటం ,తోటి కళాకారులను ప్రోత్సహించే క్రమములో ముఖ్య అతిథిగా పాల్గొనడం ,ఆనాటి ఆరోగ్యశాఖ మంత్రితో “వైద్యరత్న “అనే బిరుదును అందుకోవటం …మొదలగు పరిణామాలు వారి యొక్క నిబద్ధతకు, ఆ ప్రవృత్తి పైన డాక్టర్ గారికి ఉన్న జిజ్ఞాసకు నిదర్శనం . మీరు వెలిబుచ్చిన మీ అనుభవం నాలాంటి ప్రేక్షకులు ,అప్పుడప్పుడు ఆ ప్రాంగణములో వీక్షించిన సందర్భాలను ,సన్నివేశాలను గుర్తుకు తెస్తున్నాయి.
—-బి.రామకృష్ణా రెడ్డి
సఫిల్ గూడ
సికిందరాబాద్.

Reply
1. 6.1
  
  డా కె.ఎల్.వి.ప్రసాద్
  February 19, 2023 at 2:16 pm
  రెద్దిగారూ
  ధన్యవాదాలండీ.
  
  Reply
7

Shyamkumar chagal
February 19, 2023 at 2:52 pm
ఒకప్పుడు గొప్పగా వెలుగు వెలిగిన రవీంద్ర భారతి గురించి చెప్పిన విషయాలు దాని స్వర్ణ యుగం అనే చెప్పాలి.అందులో కార్యక్రమం బాగా పేరు లేదా డబ్బు వున్న వాళ్ల అందుబాటులో వుండేది.
అదొక, సంఘంలో పరపతి చూపించు సాధనంగా ఉండేది.
యెప్పుడు చూసినా అది జనాలతో కిటకిట లాడుతూఉండేది.
టీవీ..మొబైల్ ఫోన్లు లేనప్పుడు అదొక అద్భుతమైన వినోదా లకు మంచి సెంటర్ గా ఉండేది.
1960 ..23rd మార్చి నాడు
బెజవాడ గోపాల్ రెడ్డి గారు, అప్పటి ఉత్తరప్రదేశ్ గవర్నర్ గా ఉన్నప్పుడు దీనికి శంకుస్థాపన చేశారు. ఈ బంగాళా యొక్క డిజైన్ మొత్తం అప్పటి గొప్ప ఆర్కిటెక్ట్ మహమ్మద్ ఫయాజ్ ఉద్దీన్ చే చేయబడింది. ఆ సమయంలో రవీంద్రనాథ్ ఠాగూర్ గారి శతాబ్ది ఉత్సవాలు జరుగుతూ ఉన్నాయి.
దీని ప్రారంభోత్సవం ఉస్మానియా యూనివర్సిటీ యొక్క. డ్రామటిస్ట్ క్లబ్ ద్వారా చేశారు.
ఈ ఈ మధ్యన మళ్లీ రవీంద్ర భారతికి పూర్వ కళా వైభవం వస్తుండడం కనిపిస్తోంది.
మన హైదరాబాద్ కి గర్వించదగిన కళావైభవాల్లో రవీంద్ర భారతి కూడా ఒకటి అని చెప్పొచ్చు.
మన కళ్ళముందే ఎప్పుడూ కనిపిస్తూ ఉన్నప్పటికీ మనం సరిగ్గా గమనించని రవీంద్ర భారతి గురించి మరొక్కసారి మన దృష్టికి తేవడానికి ప్రయత్నించి న రచయిత గారికి నా అభినందనలు

Reply
1. 7.1
  
  డా కె.ఎల్.వి.ప్రసాద్
  February 19, 2023 at 5:40 pm
  ధన్యవాదములు.
  
  Reply
8

Rajendra Prasad
February 19, 2023 at 3:37 pm
Ravindra Bharthi is affordable and location wise very approachable. We are Happy and relieved to know you were not disappointed since your last program is not cancelled.

Reply
1. 8.1
  
  డా కె.ఎల్.వి.ప్రసాద్
  February 19, 2023 at 5:38 pm
  Yes
  Thank you prasad garu
  
  Reply
9

డా కె.ఎల్.వి.ప్రసాద్
February 19, 2023 at 5:35 pm
డా . కెఎల్వీ ప్రసాద్ గారి జ్ఞాపకాల పందిరి నిజంగా చలువ పందిరే . వారి జ్ఞపకాలు చల్లగా , చక్కగా ఉంటాయి . వారు ‘ వైద్య రత్న ‘ అవార్డు రవీంద్ర భారతి లో అందుకోవడం నిజంగా గొప్ప అనుభవమే . డాక్టర్ గారు అదృష్టవంతులు . వారికి అభినందనలు .
మెట్టు మురళీధర్
హన్మకొండ.

Reply
1. 9.1
  
  డా కె.ఎల్.వి.ప్రసాద్
  February 19, 2023 at 5:36 pm
  మురళీ ధర్ గారు
  ధన్యవాదాలండీ.
  
  Reply
10

డా కె.ఎల్.వి.ప్రసాద్
February 19, 2023 at 5:56 pm
రవీంద్రభారతి గురించి చెప్పినారు.రవీంద్రభాతే కాదు ఏ ప్రభుత్వ మందిరం అయినా జిల్లాపరిషత్ సమావేశమందిరాలైనా ప్రభుత్వ హోటల్లు అయినా మనం బుక్ చేసినాంక ప్రభుత్వ కార్యక్రమాలకేవైనా అదే మందిరమో హాలో కావలసివస్తే ప్రభుత్వేతర కార్యక్రమాలకు ఇచ్చిన అనుమతిని నిర్దాక్షిణ్యంగా రద్దూ చేస్తరు. మనకు సమాచారంకూడా ఇవ్వరు.బహుశా ఆఅనుమతి పత్రం లోనే ఈ షరతూ ఉంటుందనుకుంట..
మీరన్నట్టు ఇప్పుడు సాహిత్య కార్యక్రమాలకు రవీంద్ర భారతి మినీహాల్ ను ఉచితంగా ఇవ్వటంగొప్పవిషయమే.అందుకు ప్రభుత్వాన్ని అభినందించవలసిందే.
ఒకరోజుల్లో రవీంద్రభారతి మెట్లెక్కాలన్నాభయమయ్యేది.ఇప్పుడు అట్లకాదు.
అసలు హైదరాబాద్ లో సమావేశాల మందిరాలు గమ్మత్గా వుంటవి.
వెనుకట సినారె పాల్గోనే కార్యక్రమాలెక్కువగా త్యాగరాయగానసభలో జరిగేవి.కొద్దిగా అభ్యుదయ భావాలున్న వారి సమావేశాలైతే సుందరయ్యవిజ్ఞానభవన్ లో జరిగేవి .ప్రభుత్వానికి దగ్గరివారి సభలు రవీంద్రభారతిలో జరిగేవి
కొద్దిగాప్రజాసంస్థల కార్యక్రమాలైతే ప్రెస్క్లబ్లో
ఇట్లా రిజర్వేషనన్నమాట..
ఏది ఏమైనా ప్రభుత్వంవారు అనుమతులిచ్చి రద్దుచేరటం సరైందికాదనేది కాదనలేని నిజం.
రవీఅంద్రభారతి వేదిక మీద నేను మాట్లాడుతానని ఎన్నడూ అనుకోలేదు.కాళోజీ శథజయంతి సభలో ప్రభుత్వ కార్యక్రమం కనుక మాట్లాడగలిగిన తరువాత కూడా అంతే.
సామాన్య జనానికి కొంతవరకు అందుబాటులోనికి వచ్చినట్లేనేమో.
—-నాగిళ్ళ రామశాస్త్రి
హన్మకొండ.

Reply
1. 10.1
  
  డా కె.ఎల్.వి.ప్రసాద్
  February 19, 2023 at 10:19 pm
  శాస్త్రి గారూ
  హృద య పూర్వక
  కృతజ్ఞతలు.
  
  Reply
11

డా కె.ఎల్.వి.ప్రసాద్
February 19, 2023 at 9:39 pm
నిజమే సర్.రవీంద్ర భారతి అంటేనే సంగీత,నృత్య సాహితీ కార్యక్రమాల పుట్టింటి వేదిక అనిపిస్తుంది.కొన్ని స్థలాలు,కట్టడాలు ఎంతో సార్ధకతను సంతరించుకుంటాయి. ఎన్నో సజీవ స్మృతులకు నెలవౌతాయి.వాటి ప్రతి గోడా ఎన్నో మధుర అనుభూతుల వర్ణాలను పూసుకుంటాయి! ఆ నేల ఎందరో మహనీయుల పాదముద్రల్ని భద్రపరుస్తుంది! ఆ ద్వారాలు ఎన్నో వసంతాలకు స్వాగతం పలుకుతాయి! పునాది వేసిన మనస్సుది ఎన్ని తరాల సుదూర స్వప్నమో గాని అది సజీవమై అలరారితుంది!అజరామరమై నిలుస్తుంది! అది నాలుగు గదుల నడుమ నవలోకాలనూ నింపుకున్న ఒక దివ్య కట్టడమే! దాన్ని నిర్మించిన ,దర్శించిన హృదయాలు పులకిత వనాలే! నిత్య వికసిత కళారామమ్ రవీంద్ర భారతి!మంచి అనుబంధాన్ని పంచుకున్నారు రవీంద్ర భారతితో ధన్యవాదాలు సర్🙏💐💐💐
నాగజ్యోతి శేఖర్
కాకినాడ.

Reply
1. 11.1
  
  డా కె.ఎల్.వి.ప్రసాద్
  February 19, 2023 at 9:42 pm
  అమ్మా..ధన్యవాదాలు.
  
  Reply
12

డా కె.ఎల్.వి.ప్రసాద్
February 19, 2023 at 10:17 pm
Nice writeup. Ravindra Bharati to na jnapakalu madi lo medilayi.1960s nundi Telugu vari samskruti jeevita purogatiki RB entagano upayogapadindi.
——S.Hanmantarao
Visakhapatnam.

Reply
1. 12.1
  
  డా కె.ఎల్.వి.ప్రసాద్
  February 19, 2023 at 10:17 pm
  Dhanyavadalandee
  
  Reply
13

Bhujanga rao
February 20, 2023 at 11:32 am
జ్ఞాపకాల పందిరి 150 సంచికలో అడు గిడి అపురూప రంగస్థలి..రవీంద్రభారతి..!!రవీంద్రభారతి గురించి మీరు చాలా విషయాలు తెలియచేసిన మీకు ధన్యవాదములు సర్.నేను చాలా సంవత్సరాల క్రితం రవీంద్రభారతిలో ఒక భరత నాట్యం చూశాను. రవీంద్రభారతి ఒక సాంస్కృతిక కళా భవనం. నిత్యం ఏదో ఒక సాంస్కృతిక కార్యక్రమాలు జరుగుతూ ఎప్పుడూ రద్దీగా ఉంటుంది.అక్కడ మీరు2019 సంవత్సరంలో ఆర్ధిక శాఖ మంత్రి గారిచే ఆరోగ్య రత్న అవార్డు అందుకోవడం మీకు గొప్ప అనుభవం. ఏది ఏమైనా మీరు చాలా అదృష్టవంతులు సర్🙏

Reply
1. 13.1
  
  డా కె.ఎల్.వి.ప్రసాద్
  February 20, 2023 at 4:04 pm
  అవునండీ
  మీకు ధన్యవాదాలు
  భుజంగరావు గారూ…
  
  Reply
14

డా కె.ఎల్.వి.ప్రసాద్
February 21, 2023 at 11:51 am
రవీంద్రభారతి లో జరిగే కార్యక్రమాలను గురించి బాల్యం నుండి చాలా కథలు, నవలలలో చదివాను.. మా అబ్బాయి ఉమ్మడి ఆంధ్రప్రదేశ్ లో 2000 సంవత్సరంలో ఈ ఆడిటోరియంలో ..విశ్వభారతి ఫౌండేషన్ వారి టాలెంట్ టెస్ట్ లో రాష్ట స్థాయి బహుమతిని అందుకోవడం ,,

నేను 2020 మార్చి 12 న.. రవీంద్రభారతి వేదిక మీద ‘ లేఖిని రచయిత్రుల వేదిక.. వారి.. మాతృదేవోభవ పురస్కారాన్ని’ అందుకోవడం

2023 ఫిబ్రవరి 16 న ‘లేఖిని కథాకార్యశాల ‘లో రచయితలు, రచయిత్రులను కలవడం.. ముఖ్యంగా సంచిక ఎడిటర్ శ్రీ కస్తూరి మురళీకృష్ణ గారిని కలవడం.. నాకు సంబంధించిన జ్ఞాపకాలు.

తెలుగు రచయితలకి, రవీంద్రభారతికి గల అనుబంధం ఎనలేనిది. ఈ వేదికను గురించిన మీ జ్ఞాపకాలను అందించారు.. అభినందనలు ప్రసాద్ గారికి, సంచిక వారికి👍🏻🙏🏻
—–పుట్టి నాగలక్ష్మి
రచయిత్రి
హైదరాబాద్.

Reply
1. 14.1
  
  డా కె.ఎల్.వి.ప్రసాద్
  February 21, 2023 at 11:51 am
  మీ స్పందన కు ధన్యవాదాలండీ
  
  Reply
15

డా కె.ఎల్.వి.ప్రసాద్
February 22, 2023 at 8:17 am
మంచి… తీపిజ్ఞాపకాలు !
రవీంద్రభారతి కి అనుకోకుండా చాలాకాలంక్రితం
1976-7 లో అనుకుంటా… నేను మిత్రుడు ధర్మరాజు పుణ్యక్షేత్రాల సందర్శనకు బయలు దేరాం… ఆ క్రమంలో హైదరాబాద్ సంద ర్సించటం !పబ్లిక్ గార్డెన్హ్స్ చూస్తూపక్కనున్న .. రవీంద్ర భారతిలో ప్రోగ్రామ్ జరుగుతుందని తెలిసి వెళ్ళటం ఆ కార్యక్రమంలో కాసేపు గడిపి బిర్లామందిర్ కు వెళ్ళటం బాగాగుర్తు !👏👏👏🙏💐🙏చాలాబాగుంది జ్ఞాపకాల పందిరిలో మీ ఈ జ్ఞాపకం
—
కోరాడ నరసింహారావు
విశాఖపట్టణం.

Reply
1. 15.1
  
  డా కె.ఎల్.వి.ప్రసాద్
  February 22, 2023 at 8:18 am
  కోరాడ వారి స్పందనకు
  హృదయ పూర్వక కృతజ్ఞతలు.
  
  Reply
16

డా కె.ఎల్.వి.ప్రసాద్
February 22, 2023 at 8:21 am
శుభోదయం 🙏 మీ ఙాపకాల పందిరి రవీంద్రభారతిని కళ్ళకు కట్టిస్తూ బాగుందండి. అదొక మంచి ఙాపకాల ఒరవడి స్ధలంలా అన్పిస్తుంది. అభినందనలతో 💐👏
—విద్యా డేవి.ఆకునూరు
హనంకొండ.

Reply
1. 16.1
  
  డా కె.ఎల్.వి.ప్రసాద్
  February 22, 2023 at 8:22 am
  అమ్మా
  ధన్యవాదాలు.
  
  Reply

అపురూప రంగస్థలి..! రవీంద్ర భారతి..!!

Related

Related Articles

33 Comments

Sagar

Shyamkumar chagal

Rajendra Prasad

Bhujanga rao

Leave a Reply Cancel Reply