నా కంటి.. సంరక్షణలో…!!
సహాయం ఎలాంటిదైనా, ఆ సహాయం చేసిన వారిని అసలు మరచిపోలేము. కొంతమంది చేసిన సహాయం అయితే నిత్యం తలచుకోవలసిందే! ఆ సహాయం అలాంటిది అయి ఉంటుంది. మనసున్న మనుష్యులు, కృతజ్ఞతా భావం కలిగినవాళ్లు ఖచ్చితంగా అలాగే చేస్తారు. నేను మాత్రం అలాంటి సహాయం అందించిన వారిని అసలు మరచిపోలేను. విషయం కళ్ళది కాబట్టి మరచిపోయే ప్రసక్తే లేదు! చూడాలన్నా, చదవాలన్న, రాయాలన్నా కళ్ళు బాగుంటేనే కదా! ఇప్పటివరకూ నా కంటి విషయంలో నన్ను అప్రమత్తం చేసి,నా కంటి చూపును కాపాడుతున్న కంటి వైద్య మిత్రుల గురించి ఇక్కడ ప్రస్తావించ దలచుకున్నాను.
1983 ప్రాంతమనుకుంటాను, నేను మహబూబాబాద్ ఆసుపత్రిలో పని చేస్తున్న రోజులు. ఉదయం సమయంలో ప్రతి రోజూ, నాకు అప్పటికే పరిచయం అయివున్న ప్రైవేట్ ప్రాక్టిసు వైద్యులు డా. వి. నరసింహా రెడ్డి గారు, నా దగ్గరికి వచ్చి కాసేపు కాలక్షేపం చేసి వెళ్లేవారు. ఆయన జనరల్ ఇంజక్షన్ ప్రాక్టీసు చేసేవారు. ఎప్పుడూ చాలా బిజీగా ఉండేవారు. వైద్యులందరితో సన్నిహిత సంబంధాలు పెట్టుకునేవారు. ముఖ్యంగా నాకు ఒక పెద్దన్నలా వుండి అవసరమైన సూచనలు – సలహాలు ఇస్తూ ఉండేవారు. చిన్నప్పటినుండీ కంటి చూపు సరిగా లేని సమస్యతో బాధ పడుతుండడం వల్ల, ఆయన ఇతరులకు కళ్ళు జాగ్రత్తలు చెబుతూ అవసరమైన సహాయం అందిస్తూ వుండేవారు. లయన్స్ క్లబ్ లో అతి చురుకైన వ్యక్తిగా కార్యకర్తగా పనిచేస్తూ ముఖ్యమైన పాత్ర పోషిస్తూ, కంటి ఆపరేషన్ల విషయంలో సూచనలు, సలహాలు ఇచ్చి పేద ప్రజానీకానికి సహాయ పడుతుండేవారు.
ఆ డాక్టర్ గారు ఒక రోజు ఉదయం ఆసుపత్రిలో నా డిపార్ట్‌మెంటుకు వచ్చారు. ఆ సమయంలో పేషేంట్స్ లేకపోవడంతో, సీరియస్‌గా ఏదో రాసుకుంటున్నాను. నా కళ్ళనుండి అదే పనిగా నీళ్లు కారడం నేను గమనించుకోలేదు. ఆయన రావడమే నన్ను చూసి లేచి నిలబడమని నన్ను తన స్కూటర్ మీద ఎక్కించుకుని, మాట్లాడకుండా, సరాసరి డా. పండరినాథ్ ఆసుపత్రి కాంప్లెక్సుకు తీసుకు వెళ్లారు. అక్కడ వరంగల్ నుండి వచ్చే డా. దేవేందర్ (కంటి డాక్టర్) ప్రాక్టీసు చేస్తున్నారు. అప్పటికి ఆయనకు ప్రభుత్వ ఉద్యోగం లేదు. నా కళ్ళు టెస్ట్ చేయమని సైగ చేసారు డా. నరసింహా రెడ్డి. డా. దేవేందర్ నా కళ్ళు పరీక్షించి నాకు సైటు ఉందని తేల్చాడు. కళ్లద్దాలు వాడమని సలహా ఇచ్చాడు. అలా మొదలైంది నా కంటి రామాయణం.
1994లో నేను జనగామకు బదిలీ కావడం వల్ల, హనంకొండలో ఇల్లు తీసుకుని ఉండేవాడిని. జనగాంలో పరిచయం అయిన కంటి డాక్టరు డా. గిరిధర్ రెడ్డి, అప్పుడప్పుడు నా కళ్లు పరీక్ష చేసి తగిన సూచనలు చేస్తుండేవారు. అప్పటినుండి గిరిధర్ నాకు కుటుంబ కంటి డాక్టరు అయ్యారు. తరువాత కంటికి సంబంధించి అప్పుడప్పుడు ఆయన పిలిచి మరీ పరీక్షలు చేసేవారు. నన్ను బాగా ఇష్టపడే వ్యక్తుల్లో ఆయన ఒకరయ్యారు. ఇద్దరం మంచి స్నేహితులుగా మారాము. అలా మా ఇంట్లో అందరికీ ఆయనే కంటి డాక్టరు.
రెగ్యులర్ కంటి పరీక్ష కొంచెం అశ్రద్ధ చేస్తున్న సమయంలో డాక్టర్ గిరిధర్ నాకు ఫోన్ చేసి ఒకరోజు ఖచ్చితంగా రమ్మని చెప్పారు. నాకోసం ఆయన అంత శ్రద్ధ తీసుకుంటుంటే నేను అశ్రద్ధ చేయడం నాకే సిగ్గనిపించింది. అందుచేత ఏమాత్రం ఆలస్యం చేయకుండా ఆయన పిలిచిన రోజున ఆయన క్లినిక్‌కు, సాయంత్రం పూట నా క్లినిక్ మానుకుని కంటి పరీక్ష కోసం వెళ్లాను. కాసేపు బాతాఖానీ కబుర్లు అయిన తరువాత నా కంటి పరీక్ష చేసిన డాక్టర్ గిరిధర్ కాస్త ఖంగారుగా “సార్.. మనం రేపు హైదరాబాద్‌కు వెళ్ళాలి, అపాయింట్మెంట్ తీసుకుంటున్నాను” అన్నాడు. పరిస్థితి నాకు అర్ధం కాలేదు. “విషయం ఏమిటి?” అని అడిగాను. “కొంచెం రెటీనా ప్రాబ్లెమ్ వచ్చింది, మనం రెటీనా కంటి వైద్యురాలిని కలవాలి” అన్నారు. నిజానికి నాకు అదేమిటో అర్థం కాలేదు. తానే, మరో డాక్టర్ దగ్గరికి తీసుకువెళుతున్నారు కనుక ఆయన కూడా వస్తానన్నందుకు దైర్యంగానే వున్నాను.
మరునాడు ఇద్దరం డా.గిరిధర్ కారులోనే హైదరాబాద్ లోని అపోలో హాస్పిటల్‌కు వెళ్ళాము. అందులో కంటి విభాగం చాల పెద్దగా వుంది. రెటీనా విభాగం అధిపతి డా.మల్లికా గోయెల్. రిసెప్షన్‌లో రిజిస్టర్ చేసుకుని ఆవిడ పిలుపు కోసం విశ్రాంతి హాలులో కూర్చున్నాం. అవన్నీచూస్తే కంటి వైద్యం ఇంతగా అభివృద్ధి చెందిందా? అని ఆశ్చర్య పోయాను. అంచెలంచెలుగా, పరీక్షలు జరిగాయి. అందరూ ఎంతో మర్యాదగా, జాగ్రత్తగా పరీక్షలు చేస్తున్నారు. నాకు ఆ వాతావరణం బాగా నచ్చింది. ఆసుపత్రి అంటే భయపడేట్టు లేదు, పరీక్షలన్నీ పూర్తి అయినాక, అన్ని రిపోర్టులతోనూ నా ఫైల్ మేడం మల్లికా గోయల్ దగ్గరకు చేరాక నాకు పిలుపు వచ్చింది. ఆవిడను చూడగానే మంచి వైద్యురాలిలా నా మనస్సులో ముద్రపడింది. ఆవిడ అడిగిన ప్రశ్నలన్నింటికీ సమాధానం చెప్పాను. నా సమస్యను ‘రెటీనల్-వెయిన్ అక్లూసన్’ (Retinal vein occlusion) అని తేల్చారు. అంతమాత్రమే కాదు, గ్లకోమా (Glaucoma) కూడా ప్రారంభ దశలో ఉన్నట్టు నిర్ధారించారు. డాక్టర్ మేడం కంటిలో ఇంజక్షన్ ఇచ్చి,లేజర్ ట్రీట్మెంట్ చేశారు. బి. పి/షుగర్, ఎప్పుడూ నియంత్రణలో వుండాలని చెప్పారు.
అప్పుడప్పుడు అపాయింట్మెంట్ ఇచ్చి పరీక్ష చేసేవారు. గ్లకోమా గురించి డా. గిరిధర్ చూసుకునేవారు. అలా కొన్నాళ్ల పరీక్షల తర్వాత సంవత్సరానికి ఒకమారు రమ్మని చెప్పారు. లోకల్‌గా గిరిధర్ పర్యవేక్షణలో కంటి చుక్కల మందు వాడడం కొనసాగుతూనే వుంది, ఇది జీవితాంతం జరుగుతుండవలసిందే! సర్జరీ చేస్తే సమస్యలు వుంటాయని, అందుచేత ఎప్పటికీ చుక్కల మందు వాడాలని చెప్పారు. ఎడం కన్ను చూపు అరవైశాతం పోయింది. ఉన్నది కాపాడుకోవలసిన పరిస్థితి ఏర్పడింది. రెండు పూటల కంటిలో చుక్కలమందు వేసే బాధ్యత నా శ్రీమతి అరుణ తీసుకుంది. ఎప్పుడు మిస్ అయిన సందర్భాలు లేవు.
డా. గిరిధర్, ప్రాంతీయ కంటి వైద్య శాలలో పని చేస్తుండడం వల్ల, తర్వాత సూపరింటెండెంట్‌గా పదవీ బాధ్యతలు స్వీకరించడం, ఆయన క్లినిక్‌లో సరిపడినన్ని పరికరాలు, పరివారం లేకపోవడం, నాలాంటి వారికి సమయం కేటాయించలేక పోవడం వల్ల నేను మరో డాక్టరును వెతుక్కోక తప్పలేదు. ఈ నేపథ్యంలో నాకు అంతకుముందే కొద్దిగా పరిచయం వున్న,సమర్థుడైన కంటి వైద్యుడు డా. ప్రవీణ్‌ను ఎంచుకోక తప్పలేదు.
ఆసుపత్రి అన్ని అవసరమైన హంగులతోను, మంచి సదుపాయంగా వుంది. హనంకొండ -విజయ టాకీస్ దగ్గర అందరికీ అందుబాటులో ఉండేలా సౌకర్యంగా వుంది, కాకతీయ కంటి ఆసుపత్రి. అది నా దృష్టిలో ప్రాంతీయ అపోలో ఆసుపత్రి. అక్కడే పరీక్షలు చేయించుకుంటూ వచ్చాను. డా. ప్రవీణ్ గారి, కంటి చుక్కల మందు, రెండు పూటలకు బదులు, ఒకేపూట, అది కూడా రాత్రి పూట వేసుకునే వెసులుబాటు కల్పించారు. ఈ లోగా ఎడమకన్నుకు శుక్లాల సమస్య వచ్చింది. అన్ని పరీక్షలు చేసి, కేటరాక్టు -సర్జరీ విజయవంతంగా చేశారు. షుమారు పదిహేనువేల రూపాయల ఖర్చును ఊహించిన నేను, ఒక్క రూపాయి కూడా చెల్లించనక్కరలేని పరిస్థితి రాష్ట్ర ప్రభుత్వం కల్పించింది. అదే ‘హెల్త్ కార్డు’. దాని ఉపయోగం అంతా -ఇంతా కాదు!
అయితే ఫిబ్రవరి నెల (2020) నుండి కరోనా మహమ్మారి కోరలు చాచి విజృంభించడంతో మళ్ళీ కంటి పరీక్షలు చేయించుకునే అవకాశం కలగలేదు. అత్యవసరం అయితేనే ఆసుపత్రికి రావాలని డాక్టర్ చెప్పడంతో, ఇంటిపట్టునే కాలక్షేపం చేయవలసి వస్తుంది.
ఈ నా కథనంలో ప్రత్యేకత, డా. నరసింహ రెడ్డి, డా. గిరిధర్ (రెడ్డి) గార్ల ప్రత్యేక సహాయం. అప్పుడు నరసింహారెడ్డి గారు కలగజేసుకోకుంటే, సైట్ పెరిగిపోయి ఉండేది. గిరిధర్, ప్రత్యేక శ్రద్ధ తీసుకుని హైద్రాబాద్ తీసుకెళ్లకుంటే, గుడ్డితనమే కాదు, ప్రాణ హాని కూడా కలిగి ఉండేదేమో. అందుకే, వీరిద్దరినీ ఎన్నటికీ మరువలేను. వారికి నేను చేసిన సహాయం కంటే, వారు స్నేహానికి ఇచ్చిన విలువ బహుగొప్పది, ప్రశంసనీయమైనదీ!
నేను ఈ రోజున ఏదైనా చదవడం, రాయడం చేస్తున్నానంటే వారి చలవే మరి! మిత్రులారా మీకు వందనం!!
(మళ్ళీ కలుద్దాం)
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.
*
*
75 Comments
డా కె.ఎల్.వి.ప్రసాద్
Sanchika…సంపాదక వర్గానికీ
ఇతర సాంకేతిక నిపుణులకు
హృదయ పూర్వక ధన్యవాదములు.
sagar
సహాయం చేసిన వాళ్ళను ఎప్పటికీ మరవకూడదు అని నేటి తరానికి మీరు ఇస్తున్న సందేశం ముదావహం సర్ . మీలో ఉన్న సహాయం చేసే నరసింహారెడ్డిగారిని, మరియు గిరిదర్ గారిని దగ్గరచేసింది అనే విషయం ప్రత్యేకంగ చెప్పనవసరంలేదు. వారిద్దరూ కూడ మనకెందుకులే అనుకోకుండా సమయస్పూర్తితో వ్యవహరించడం మీకు అనుకూలాంశం అని నాఅభిప్రాయం. ఏదైనా సరే సహాయం చేసిన వాళ్ళను దాదాపు నలబై సంవత్సరాల అనంతరం కూడ తలచుకోవడం మీ గొప్పతనానికి నిదర్శనంసర్ . మీకు ధన్యవాదములు.
డా కె.ఎల్.వి.ప్రసాద్
సాగర్
మీ స్పందన కు
ధన్యవాదాలు.
Shyam
Most valuable and life saving help done by god through the doctor and friends. Always god comes to you through friends and some persons.
డా కె.ఎల్.వి.ప్రసాద్
Thank you
Shyam.
రాపాక అశోక్ కుమార్
చాలా సంతోషం మామయ్య. మన సన్నిహితులు ఇచ్చే సలహాలు తేలికగా తీసుకోకూడదు. మన దైనందిన జీవితంలో మన ఆరోగ్యం, శరీర అవయవాల పట్ల శ్రద్ధ తీసుకోము,ఏదైనా సమస్య వస్తే తప్ప. మనలో మార్పు ఎదుట వారికి క్లియర్ గా తెలుస్తుంది. మీ మిత్రులు అభినందనీయులు.
డా కె.ఎల్.వి.ప్రసాద్
అశోక్
నీ స్పందన కు
ధన్యవాదాలు..
డా కె.ఎల్.వి.ప్రసాద్
I am so grateful to you for recollecting and recollecting our friendship, SIr
—-Dr.Giridhar Reddi
Superintendent
Regional eye Hospital
Warangal.
డా కె.ఎల్.వి.ప్రసాద్
Thank you
Dr.Giridhar.
డా కె.ఎల్.వి.ప్రసాద్
అవునా…. take care of your eyes first….also control bp/diabetes….all the best…. శుభోదయం!
——శర్మ.
హైదారాబాద్.
డా కె.ఎల్.వి.ప్రసాద్
ధన్యవాదాలు
K v srinivas Rao
చాలా చక్కగా మీ కు అందించిన వైద్య సేవలు విడమరచి వివరించారు.
కాజ వెంకట శ్రీనివాస్ రావు
డా కె.ఎల్.వి.ప్రసాద్
శ్రీనివాస్
మీ స్పందన కు
ధన్యవాదాలండీ .
డా కె.ఎల్.వి.ప్రసాద్
కంటిలో ‘పాప’ గా..డాక్టర్ ల సహకారం మరువలేనిది.
మనసున్న డాక్టర్ లకు నమస్సులు.
—–డా.మల్లికార్జున్
హనంకొండ
డా కె.ఎల్.వి.ప్రసాద్
ధన్యవాదాలు
డా కె.ఎల్.వి.ప్రసాద్
బాగుంది మంచి మిత్రుల వల్ల మీకు మీ కంటి చూపు రక్షింప పడింది
—–డా.సత్యన్నారాయణ
హైదారాబాద్.
డా కె.ఎల్.వి.ప్రసాద్
ధన్యవాదాలు
POORNACHANDER
సార్ మీరు వ్రాసిన తీరు అద్భుతం , నేను మానుకోట వాసిని ప్రస్తుతం మన కాలనీ లో రోడ్ నెంబర్-2లో నా నివాసం . ఒక్కసారి మీరు నా ఊరును కళ్ళకు కట్టినట్లు చూపించారు. పూర్వపు డాక్టర్ లను గుర్తు చేశారు. ఒక్కసారి వూరంతా తిరిగినట్లు అనిపించింది. మనుషులను గుర్తుపెట్టుకో వడం మంచి మనుషులకే చేల్లు.
డా కె.ఎల్.వి.ప్రసాద్
ధన్య వాదాలండీ.
అక్కడ 12 సంవత్సరాలు
పని చేసాను కదా!
డా కె.ఎల్.వి.ప్రసాద్
Baaga unnayi sir mee paata gnapakalu. Avi anni gurthu pettukovatam mee unnatiki chihnam.
Keep it up sir
—-కె.జె.శ్రీనివాస్
హైదారాబాద్
డా కె.ఎల్.వి.ప్రసాద్
శ్రీనివాస్
మీ స్పందన కు ధన్యవాదాలండీ
చిట్టె మాధవి
మీ చుట్టూవున్నవారు ఎంత సహృదయులు..స్నేహశీలులు. వారందరినీ గుర్తుపెట్టుకొని మాకందరికీ పరిచయం చాలా సంతోషం సర్.మీ జ్ఞాపకాలు మాకు మార్గదర్శకాలు సర్.సమాజంలో ఎలా ఉండాలో..ఎలా ఉండకూడదో తెలుసుకుంటున్నాము.దానికి సర్వదా ధన్యవాదాలుతో కూడిన అభినందనలు మీకు.
డా కె.ఎల్.వి.ప్రసాద్
అమ్మా..
మీ స్పందన కు
ధన్యవాదాలండీ .
Sambasivarao Thota
Prasad Garu!
Sarvendriyaanaam Nayanam Pradaanam …annaaru Peddalu…
Aavidhamgaa meeru kalla gurinchi theesukunna jaagrathalu..amogham…
Anduku meeku sahakarinchi sahayam cheshinavaarandaru abbhnandaneeyulu
Meeku Abhinandanalu
డా కె.ఎల్.వి.ప్రసాద్
రావు గారూ
ధన్య వాదాలు
డా కె.ఎల్.వి.ప్రసాద్
మీ కంటి సమస్య గురించి వివరించి, మీకు సహాయం అందించిన ప్రతి ఒక్కరిని గురించి మరవక, చేసిన సహాయం చిన్నదైన ఎన్నటికీ మరవ కూడదు అని చెప్పారు. మీలాంటి ఉన్నత విలువలు కలిగిన వారు వుండడం అరుదు
—-ప్రొ.రవికుమార్
కాజీపేట
డా కె.ఎల్.వి.ప్రసాద్
సొదరా
మీ స్పందన కు
ధన్యవాదాలు..
డా కె.ఎల్.వి.ప్రసాద్
Good morning
Sir, the episode 37 ,is gone through just now..
a thanks giving episode…
As you rightly said at the beginning,we must NOT “forget”to” remember” the good Samaritans…
But an attitude of gratitude is rare among homo sapiens…… exceptions are very rare…. and you are a good exception too.
The photos of all the ophthalmologists connected to your Visual health at different phases in keeping your SIGHT in healthy state is an attractive presentational technique of narration…
Mrs Aruna’s role as your life partner in keeping you FIT is nicely acknowledged.
Since you are writer,poet racanteur and voracious reader you feel more obliged to acknowledge
the routine services of fellow doctors with immense value and in gratitudinal memories …speaks for your gracious personality.
The subtext of your 37 th episode is “Sarvendriyaam Nayanam Pradhanam… and attitude of gratitude… must be nurtured..”..
——-Sri Nakka Sudhakar
Hyderabad.
డా కె.ఎల్.వి.ప్రసాద్
Thank you
Sudhakar garu
For your wonderful analysis.
బి.జానిభాష
ఈ రంగుల ప్రపంచాన్ని చూడడానికి భగవంతుడు ఇచ్చిన గొప్ప వరం కళ్ళే అని నా అభిప్రాయం సర్ “సర్వేంద్రియానాం నయనం ప్రధానం” అంతటి ప్రాముఖ్యత ఉన్న కళ్ళను సంరక్షించుకోవడం మనకు చాలా ముఖ్యం సర్.
మీ కంటి సమస్య ను ప్రారంభంలోనే గుర్తించి….దగ్గర ఉండి చికిత్స చేయించిన “నరసింహా రెడ్డి గారు,గిరిధర్ గారి”లాంటి ఆత్మీయులను పొందడం మీ అదృష్టం అని చెప్పాలి సర్.
(కరోనా మహమ్మారి తగ్గుముఖం పడుతున్న ఈ సమయంలో మీరు మళ్ళీ వ్యక్తిగతంగా కరోనా జాగ్రత్తలు తీసుకుంటూనే “కంటి పరీక్షలు”చేయించుకుని మీ కళ్ళు ను సంరక్షించుకుంటూ….మీరు నిండునూరెళ్ళూ మరిన్ని జ్ఞాపకాలను,కవితలను, అనుభవాలను,దంతసంరక్షణ గురించిన జాగ్రత్తగా మా అందరికీ తెలియజేస్తూ ఉండాలని ఆశిస్తున్నా సర్…..మీ జాని
డా కె.ఎల్.వి.ప్రసాద్
జానీ బాబూ
మీ స్పందన కు
ధన్యవాదాలండీ.
Rajendra Prasad
తోటి వారి క్షేమం గురించి అలోచించి, సహాయం చేసే ఇలాంటి మంచి వ్యక్తులు సమాజంలో ఉండటం చూస్తే, చాలా సంతోషం , స్ఫూర్తి కలుగుతుంది. మంచి వాళ్లకు దేవుడు ఏదో విధంగా మేలు చేస్తాడు అనటానికిది మంచి ఉదాహరణ
రాజేంద్ర ప్రసాద్
డా కె.ఎల్.వి.ప్రసాద్
ప్రసాద్ గారూ
ధన్యవాదాలు మీకు.
డా కె.ఎల్.వి.ప్రసాద్
నీ స హృదయమే నీకు అంత గొప్ప మిత్రుని అందజేసి నీ ఆరోగ్యాన్ని కాపాడుతూ వచ్చింది.. ఎల్లకాలం జాగ్రత్తగా ఉండాలి సుమా.
—BMS
Hyderabad.
డా కె.ఎల్.వి.ప్రసాద్
మిత్రమా
నీ స్పందన కు
ధన్యవాదాలు.
డా కె.ఎల్.వి.ప్రసాద్
మనుషుల మధ్య ఉండవలసిన మానవ సంబంధాలు మసిబారిపోతున్న సందర్భం ఇవ్వాళ సమాజంలో వేళ్ళూనుకుంటుంది .. సరిగ్గా ఈ “ క్రూషియల్ టైం “ లో మీ జ్ఞాపకాలలో మళ్ళీ మానవ సంబంధాలు చిగురించినట్లనిపించింది …
ఏ సంబంధమూ , బాంధవ్యమూ లేకున్నా మనమీదున్న అభిమానమే మనల్ని అనేకవిధాలైన ప్రమాదాల్నుంచి కాపాడుతుంది … మీ కంటి విషయం లో నరసింహారెడ్డిగారూ , గిరిధర్ రెడ్డి గారూ మీకు అందించిన సహకారం ఇటువంటిదే , అభిమానంతో అయినా దాని పునాది మానవ సంబంధాల పటిష్ఠతే …
సాధారణంగా మనం మనకుసంబంధించిన విషయాల్లో ఒక్కోసారి అలసత్వం ప్రదర్శిస్తుంటాం… ఇట్లాంటి సందర్భాల్లోనే మనవాళ్ళనుకున్న మిత్రుల సలహాలే మనకు తోడ్పడుతుంటాయి .. అవి పలు ఇబ్బందుల్ని దూరం చేస్తుంటాయి … ఇక్కడ మీ కంటికి భద్రత చేకూరడమే దానికి సరైన ఉదాహరణ…
ఎన్నాళ్ళైనా , ఎన్నేళ్ళైనా అటువంటి ఆత్మీయులను మరవకపోవడం మన సంస్కారం …
మరోసారి మనకు సమయానుకూలమైన స్పందనతో కొత్త చూపు ప్రసాదించిన జ్ఞాపకాన్ని అందరికీ అందించి మరోసారి మానవ విలువల్ని పెంచి పోషించారు … ధన్యవాదాలు సర్ !!!
—–శ్రీ గన్నమరాజు గిరిజామనోహర్ బాబు
హనంకొండ.
డా కె.ఎల్.వి.ప్రసాద్
గురువు గారూ
మీ స్పందన కు
ధన్యవాదాలు.
డా కె.ఎల్.వి.ప్రసాద్
Dr. klv garu.
meeru andarito relationship chala baga maintain chestaru.
adi mee goppatanamu.
mee good nature and friendly nature
valla vachhina results ilage untai.
with frindly greetings…..
——డా.ఎ.అరుణ
హైదారాబాద్.
డా కె.ఎల్.వి.ప్రసాద్
డాక్టర్ గారూ
ధన్య వాదాలు.
డా కె.ఎల్.వి.ప్రసాద్
మనం ఈ విధంగా ఎవరికైనా కొంత మందికి సలాహ ఇవ్వవచ్చు…..మన అనుభవం కొందరికి.. మార్గదర్శకపు మెనూ కావచ్చు
——కె.నరసింగరావు
హైదారాబాద్.
డా కె.ఎల్.వి.ప్రసాద్
రావు గారూ
మీ స్పందన కు ధన్యవాదాలండీ
డా కె.ఎల్.వి.ప్రసాద్
ఎంత ఎదిగినా ఇతరులు చేసిన సహాయాన్ని గుర్తుంచుకొనే మీ వ్యక్తిత్వం మాకందరికీ ఒక విలువైన పాఠం సర్…ఆరోగ్యం అన్నిటికన్నా ఎంతో ప్రధానమైనది…అందునా నయనం…మీకు ఈ విషయంలో ఆత్మీయ సలహాలు ఇవ్వడమే కాక ,వ్యక్తిగత శ్రద్ధ చూపిన పెద్దలు ఇరువురి సహృదయతకూ ప్రణామాలు.ఇతరుల పట్ల సహానుభూతి గల వీరి లాంటి వారి వల్ల సమాజానికి ఎంతో మేలు కలుగుతుంది. మీరూ అట్టి స్వభావం ఉన్న మంచి వ్యక్తులు గనుకనే మీకు వారి ఆత్మీయత దక్కింది.చాలా మంచి జ్ఞాపకాన్ని పంచుకున్నారు సర్…ధన్యవాదాలు
——–నాగజ్యోతీ శేఖర్
కాకినాడ.
డా కె.ఎల్.వి.ప్రసాద్
అమ్మా…
మీ సహృదయ
స్పందనకు ధన్యవాదాలు .
డా కె.ఎల్.వి.ప్రసాద్
[21/12, 06:19] Devender.t.dr Eye spl.: Thank you sir for including me in your gnapakala pandiri sanchika.Many many thanks for remembering me.
[21/12, 06:21] Devender.t.dr Eye spl.: Hats up to great person Dr.Giridhar,your are lucky to have a good friend.
[21/12, 06:23] Devender.t.dr Eye spl.: Sorry to hear about your eye problem sir.please take care sir.
[21/12, 06:25] Devender.t.dr Eye spl.: I know you are a great writer, very few have such a talent, keep going sir.
[21/12, 06:30] Devender.t.dr Eye spl.: Take medication regularly, do eye exercises ,meditation and pranayam regularly. These things increases oxygen perfusion to the damaged tissues.
——-Dr.Devender
Warangal.
డా కె.ఎల్.వి.ప్రసాద్
Thank you
Doctor garu.
Jhansi koppisetty
మీ ఈ ఎపిసోడ్ చదివాక నేను నా కళ్ళను ఎంత అశ్రద్ధ చేస్తున్నానో తెలుస్తోంది… ఇకనైనా i need to take care of my eyes…. ఇందులో ఇవ్వకనే ఇచ్చిన ఆరోగ్య సందేశం అద్భుతం…. మీ స్నేహతత్పరతకు సదా నమస్సులు
డా కె.ఎల్.వి.ప్రసాద్
మిత్రమణీ
ఝాన్సీ కి
ధన్యవాదాలు.
డా కె.ఎల్.వి.ప్రసాద్
మిత్రులంటే కేవలం మనతో మాట్లాడం వరకే పరిమితం కాదు.. మన ఆరోగ్య సమస్యలు కూడా గుర్తిస్తూ సలహాలు..సహాయపడడం అవసరమే..అలాంటి మిత్రులు మీకు ఉండడం అదృష్టం..
—–వెంకట్రామ నరసయ్య
మహబూబాబాద్
డా కె.ఎల్.వి.ప్రసాద్
ధన్యవాదాలు
మిత్రమా…
డా కె.ఎల్.వి.ప్రసాద్
సర్వేంద్రియాణామ్ నయనమ్ ప్రధానమ్ అంటరుకదా.కంటిచూపు లేక పొతే జీవితం పూర్తిగా అంధకారమే.కన్ను విషయంలొ మీపట్ల అత్యంత శ్రద్ధ చూపిన మీ డాక్టర్లకు కృతజ్ఞులుగా ఉండడం లొఆశ్చర్యం ఏమీ లేదు .ఉండక పొతేనే ఆశ్చర్యం.ప్రత్యేక శ్రద్ధ చూపే మిత్రులైన వైద్యులులభించటం మీ అదృష్టం .బాగున్నది మీ ఆత్మ కథాత్మక కథనం సర్!
—-రామశాస్త్రి
డా కె.ఎల్.వి.ప్రసాద్
శాస్త్రి గారూ
మీ స్పందన కు .
ధన్యవాదాలండీ .
Ch S N Murthy
Your jnapakalu is not only your experiences they are morals and advises to many who ignore health issues and timely tratment. Second is about gratitude that we would always be grateful to the great men who help us. The timely help is more valuable
డా కె.ఎల్.వి.ప్రసాద్
Thank you
Murthy garu
డా కె.ఎల్.వి.ప్రసాద్
సర్వేంద్రియానాం నయనం ప్రధానం
అన్నది మనందరికీ తెలిసిన విషయమే అయినా నిర్లక్ష్యం ,పనుల ఒత్తిడి కారణాలు గా అశ్రద్ధ.
మీరు మీ విధ్యుక్త ధర్మంలో ఎంత
శ్రద్ధచూపించారో ,ఆపుణ్యఫలితమే
డాక్టర్ల రూపంలో ఆదుకోవడంజరిగింది
అందుకే కర్మము ,ధర్మము అన్నారు
మనం చేసే కర్మలు నిజాయితీగా
ఉంటే ధర్మం మనలను రక్షిస్తుంది
మీ విషయంలో అదేజరిగింది.మీరు
సాయంచేసినవారిని స్మరించడం
అభినందనీయం ,కృతజ్ఞతా ప్రకటనం
—–వజ్జల రంగా చార్య
హనంకొండ.
డా కె.ఎల్.వి.ప్రసాద్
మీ సహృదయ
స్పందనకు
ధన్యవాదాలు.
మొహమ్మద్. అఫ్సర వలీషా
నిజంగా మీ జ్ఞాపకశక్తి కి మనుషుల మీద మీకున్న అపార గౌరవానికి ఇతరులతోసహాయం పొంది వారిని చిరస్మరణీయులుగా గుండెల్లో గుడి కట్టడాన్ని మేము మీ నుండి నేర్చుకోవాలి సార్ . అలాంటి వారు అదృష్టవంతులు . వారు ఆనాడు మిమ్మల్ని ఎలర్ట్ చేయకపోతే చాలా ఇబ్బందులు ఎదుర్కొనే వారు. కళ్ళ కు ఇంత ప్రమాదం జరగినా ఎప్పటికప్పుడు సమాజ రహిత కవితలు కధలు వ్యాసాలు అందిస్తూ మాలాంటి వారికి స్ఫూర్తి నిస్తున్న మీరు నిజంగా అభినందనీయులు సార్. ఆ జీసస్ సదా మిమ్మల్ని మీ కుటుంబాన్ని కాపాడాలని కోరుకుంటూ మీకు నా హృదయపూర్వక శుభాకాంక్షలు శుభాభినందనలు తెలుపుకుంటూ మీ మరో జ్ఞాపకాల పందిరిలో దాగిన స్ఫూర్తి కోసం ఎదురు చూస్తుంటాం
డా కె.ఎల్.వి.ప్రసాద్
అమ్మా
మీ స్పందన కు హృదయ
పూర్వక ధన్యవాదములు .
Sangeetha
మంచి పని కోసం చేసిన సహాయం మరువలేనిది. సహాయాన్ని తీసుకోండి. సహాయం చేయండి.
డా కె.ఎల్.వి.ప్రసాద్
Thank you
Sangeetham.
Dr.Harika
Good morning sir,
We feel lucky when we have people around us who help selflessly when in need.
That’s their greatness.
But showing gratitude and having that feeling of gratitude forever towards those people is really wondering.
This is the quality, we all must learn from you sir.
Thank you very much sir for sharing all your experiences which remind us to be like you in every possible situation.
డా కె.ఎల్.వి.ప్రసాద్
Dr.Harika
Thank you
For your response.
డా కె.ఎల్.వి.ప్రసాద్
Gd Aftn Doctor garu.
A friend in need is a friend indeed.
Its your goodness doctor garu, God will certainly take care of the people who’s deeds are good.
If you happen to meet those doctors, please convey my pranamams.
——Surya narayana Rao
Hyderabad.
డా కె.ఎల్.వి.ప్రసాద్
Thank you
Rao garu.
డా కె.ఎల్.వి.ప్రసాద్
Panti pareekshalu chese waariki mevantuga Sahayam Chesea untaru adi yenduku wraya ledu sir,…..
—-ఎస్.కె.బేగ్
నాగార్జున సాగర్.
డా కె.ఎల్.వి.ప్రసాద్
థ్యాంక్స్
బ్రదర్.
డా కె.ఎల్.వి.ప్రసాద్
There will be few people who will help us always. I strongly feel that they are the messengers of God.
—-Dr.M.Manjula
Hyderabad.
డా కె.ఎల్.వి.ప్రసాద్
Thank you
Doctor.
Dr. O.NageswaraRao
Very good gratitude towards your s Eye Doctors.
Gratitude is the human nature
that’s why
peddala sametha
Kukkaku biscuit vesthe entho viswasam ga untundi ‘
Being a humanbeing be a humanity
Without humanity life is waste
Sachhina vaditho samanam.
Always every has to Feel Gratitude towards God
Parents, friends, helpers , welwishers n all people .
It’s really appreciated your gratitude
towards your doctors in writing.
You are Great Man. Having very Gratitude.
Hats off to your article.
డా కె.ఎల్.వి.ప్రసాద్
Thank you
Dr.Rao.
డా కె.ఎల్.వి.ప్రసాద్
శుభోదయం సార్
మీ ఙాపకాలపందిరి చాలా బాగుంది సార్. సర్వేంద్రియాణాం నయనం ప్రధానం,ఆపదలో ఆదుకున్నవారే నిజమైన స్నేహితులు అన్నమాటలను వాస్తవం చేశాయి. వారందరికీ నా నమస్సులు 
——–డా.విద్యా దేవి.
హనంకొండ.
డా కె.ఎల్.వి.ప్రసాద్
అమ్మా..
ధన్యవాదాలు.
ఎన్.వి.ఎన్.చారి
సర్వేంద్రియానాం నయనం ప్రధానం వాటిని కాపాడుకోవడానికి ప్రేరణ తోడ్పాటు ఇచ్చినవారిని సేవలుచేసిన వారికి అక్షర కృతజ్ఞతలుతెలిపి మీ ఉన్నత వ్యక్తిత్వం చాటుకున్నారు
డా కె.ఎల్.వి.ప్రసాద్
చారి గారూ
మీ స్పందన కు
ధన్యవాదాలండీ .
డా కె.ఎల్.వి.ప్రసాద్
మనిషికి అన్నింటికన్నా నయనం ప్రధానం..మీపై శ్రద్ధ చూపించి మీ కంటి చూపును కాపాడిన స్నేహితులు నిజంగా అభినందనీయులు. మీ కథనం బాగుంది. అభినందనలు
—-జి.శ్రీనివాసాచారి
కాజీపేట.
డా కె.ఎల్.వి.ప్రసాద్
ధన్య వాదా లు సర్