జ్ఞాపకాల పందిరి-51

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

జన్మభూమికి వందనం..!!

ఉమ్మడి కుటుంబాల వ్యవస్థ కనుమరుగైపోయిన తరువాత కుటుంబాలలో సందడి తగ్గి ఒంటరితనం మొదలైంది. దీనితో పిల్లలు పలు చోట్ల, తల్లిదండ్రులు మరో చోట ఒంటరి జీవితంతో వెళ్ళబుచ్చవలసి వస్తున్నది. దీనితో పెద్దవాళ్లలో ఒకరకమైన నిర్లిప్తత ఏర్పడి మానసిక వ్యథలకు దగ్గరయ్యే పరిస్థిలు మొదలయ్యాయి. ఏదో కోల్పోయిన భావన తల్లిదండ్రులలో ఏర్పడుతున్నది. పొరుగు జిల్లాలకో, పొరుగు రాష్ట్రాలకో, పొరుగు దేశాలకు పొట్ట చేత పట్టుకుని పిల్లలు వలస వెళ్ళిపోతే, పిల్లలను వారితో ఉండమనలేక, ఉద్యోగ నిమిత్తం దూరప్రదేశాలకు వెళ్ళమనలేక, వాళ్ళల్లో వాళ్ళు కుమిలిపోయే తల్లిదండ్రులు ఎందరో!

ఉమ్మడి కుటుంబాల కాలంలో పరిస్థితి ఇలా వుండేది కాదు. కుటుంబంలో కొందరు విద్యావంతులు ఉద్యోగాల వేటలో ఇతర ప్రాంతాలకు వెళితే, మరి కొంత మంది వ్యవసాయం చేసుకుంటూ ఇంటిపట్టున ఉంటూ పెద్దవాళ్లకు సహాయకారులుగా ఉండేవారు. అలా ప్రతి ఇల్లూ ఎంతో సందడిగా ఉండేది ఎప్పుడూ. ఉమ్మడి కుటుంబాల వ్యవస్థ విచ్చిన్నం కావడానికి కారణాలు ఏమైనా ఇప్పుడు ప్రతి ఇల్లూ నిశ్శబ్ద సంగీతమే పాడుతున్నది. వృద్ధులైన తల్లిదండ్రులు/పెద్దలు, వృద్దాప్యాన్ని వెళ్లదీయలేక ,చావలేక బ్రతకలేక అన్నట్టు కాలం వెళ్ళబుచ్చడం చాలా బాధాకరం. ఇక్కడ నిరుద్యోగ సమస్య, కష్టానికి సరిపడా ఫలితం దక్కక పోవడం, విదేశాల్లో మంచి ఉద్యోగ అవకాశాలు మెండుగా ఉండడం, కుటుంబాలలో స్వార్ధం పెరిగిపోవడం, డబ్బు మాత్రమే సర్వస్వం అనుకోవడం, ఇలా మనకు మనమే సమస్యలను సృష్టించుకుంటున్నాము. వాటికి పరిష్కారాలు వెతుక్కోలేక ఎంతగానో సతమతమైపోతున్నాం. కాలచక్ర గమనంలో ఇదొక మలుపు అనుకుంటూ అనుభవించక తప్పదన్నమాట! ఒకప్పుడు క్షయ, కలరా, అనుభవించ లేదా? ఇప్పుడు కరోనాను భరించడం లేదా? ఇదీ అలాంటిదే అనుకుని భరించాలి అంతే!

ఈ నేపథ్యంలో మా కుటుంబం గురించి చెప్పక తప్పదు. మా అమ్మనాన్నలకు ఇద్దరు కూతుళ్లు, ముగ్గురు కొడుకులం. అందరం ఉద్యోగాలు వేత్తుకుని తలో చోటా సెటిల్ అయిపోయాం. మా భవిష్యత్తును దృష్టిలో ఉంచుకుని, మా నిర్ణయాలను వాళ్ళు ఎప్పుడూ వ్యతిరేకించలేదు. కానీ ఒంటరితనంలో వాళ్లలో వాళ్ళు కుమిలిపోయారు. తర్వాత వివిధ రకాల మార్పులతో, సమస్యలతో మా అమ్మ ఇంటి దగ్గర (దిండి గ్రామం), మా నాయన నా దగ్గర (మహబూబాబాద్) చనిపోయారు. దానితో మా గ్రామంలో ఉన్న కొద్దీ మా ఆస్తిని, దగ్గరి బందువులకు అప్పగించి అప్పుడప్పుడు మా వూరికి వెళ్తుండేవాళ్ళం. అందులో నా పాత్ర ఎక్కువగా ఉండేది. ఆ తర్వాత పెద్దన్నయ్య (కె. కె. మీనన్) నేను ఒక నిర్ణయానికి వచ్చాము.

ప్రతి వేసవిలో స్వంత వూరికి వెళ్లాలని, అలా వెళ్లాలంటే, ఏదో పని పెట్టుకుని మాత్రమే వెళ్లగలమని, అందుచేత, ‘ఉచిత దంత వైద్య శిబిరం’ ప్రతి సంవత్సరం నిర్వహించాలని అనుకున్నాము. దంత వైద్య శిబిరం విషయంలో పెద్దన్నయ్య చాలా ప్లానింగ్ చేసాడు. దానికి మా వూళ్ళో ఉన్న మా పెదనాన్న గారి మనవడు బొండాడ వెంకటేశ్వర రావు (ఇప్పుడు లేడు) ఎంతగానో సహకరించేవాడు. అక్కడ లోకల్‌గా చేయవలసిన పనులన్నీ అతను చూసుకునేవాడు. దానికి అవసరమైన డబ్బు, అన్నయ్య – నేనూ సర్దుబాటు చేసేవాళ్ళం. నేను మందులు,అవసరమైన డెంటల్ పనిముట్లు సరఫరా చేసేవాడిని.

అమ్మ – నాయనల సమాధుల దగ్గర ముందుగా చిన్న సమావేశం ఏర్పాటు చేసేవాళ్ళం. ఉచిత దంత వైద్య శిబిరం అవసరం గురించి మాట్లాడేవాళ్ళం. నాయనకు సమకాలికులను పిలిచి వారిని గౌరవించి సన్మానం చేసేవాళ్ళం. అలా సన్మానం పొందిన వాళ్ళల్లో సర్వశ్రీ నున్న సత్యం (రాజోలు), దేవ గెద్దయ్య (దిండి), దేవ ముసలయ్య (దిండి), చెరుకూరి సత్యం (దిండి), చింతా నరసింహ స్వామి (దిండి), దేవ చంద్రం (దిండి) మొదలైన వారు వున్నారు. కొన్ని జ్ఞాపకాలను అక్కడి ప్రజలతో పంచుకున్నాక, భోజనం ఏర్పాట్లు చేసేవాళ్ళం.

మేము మొత్తం మూడు సంవత్సరాలు వైద్య శిబిరాలు నడిపాం. రెండు సార్లు మా కజిన్ బ్రదర్ శ్రీ కానేటి మోహన రావు గారు (రాజమండ్రి-మొదటి పార్లమెంటు సభ్యుడు -కమ్యూనిస్ట్ పార్టీ పక్షాన), ఆయన ఏకైక పుత్రుడు డా. సూర్య మోహన్ కుమార్ (జోషి) ఒకసారి వైద్య శిబిరానికి కాకినాడ నుండి వచ్చి మాలో అత్యంత ఉత్సాహాన్ని కలిగించారు. మా చిన్నాన్న కుమారుడు, దిండిలో స్థిరపడిన శ్రీ కానేటి అప్పారావు, మాకు కొంత సహకారం అందించేవాడు. దిండిలో వైద్య శిబిరం కోసం వరంగల్ ఆకాశవాణి మిత్రుడు, (అనౌన్సర్) ప్రత్యేకంగా శిబిరం ప్రకటనను కేసెట్‌లో రికార్డు చేసి ఇవ్వడం, అది ఎందరినో ఆకర్షించడం మరచిపోలేని మధుర ఘట్టం. మొదటి సంవత్సరం చేసిన కార్యక్రమాలను, చక్కగా ఒక చోట బ్రోచర్‌లా తయారు చేసి ఇచ్చారు ప్రముఖ కవి, రచయిత, చిత్రకారులు శ్రీ శీలా వీర్రాజు గారు. వారికి మా కుటుంబం ఎప్పుడూ రుణపడి ఉంటుంది. గ్రామ పరంగా చింతా నాగభూషణం వంటి వారు శిబిరం దిగ్విజయం కావడానికి ఎంతగానో సహకరించారు.

ఇక వైద్య శిబిరానికి గుండెకాయ వంటివారు వైద్యులే కదా!మా అభ్యర్థనను మన్నించి, కొత్తపేటలో నివసిస్తున్న తమ్ముడు డా. పార్ధసారధి, రాజోలుకు చెందిన డా. జి. రమేష్ (సర్జన్), లక్కవరంకు చెందిన డా. కత్తిమండ శివాజీ (ఫిజీషియన్), డా. సుబ్రహ్మణ్యం (పాలకొల్లు. డా. పార్ధసారధి కి సహాధ్యాయి) వంటి సహృదయ వైద్యులతో కలసి, గ్రామస్తులకు తృప్తి కలిగేలా శిబిరం నిర్వహించాం, అవసరమైన మందులను ఉచితంగా సరఫరా చేసాము. అలా గ్రామస్థుల మన్ననలను పొందగలిగాము. ధవళేశ్వరంలో ఇంజనీరుగా పనిచేస్తున్న కజిన్ బ్రదర్ నల్లి భగవాన్ దాస్ (డా.పార్ధసారధి, చిన్నన్న) ప్రత్యేకంగా మాకు సహాకరించడానికి వచ్చేవాడు. ఆయన ఇప్పుడు లేక పోయినా ఆయన సహకారాన్నీ- సేవలను,ఎప్పటికీ మరచిపోలేను.

అలా అందరి సహకారంతో మూడు సంవత్సరాలు వైద్య శిబిరాలు దిగ్విజయంగా నిర్వహించాము. అయితే 1998లో హన్మకొండలో ఇల్లు కట్టే ప్రయత్నం చేయడం వల్ల, తర్వాత అది కొనసాగలేదు. ఈలోగా అనేక మార్పులు జరగడం, అన్నయ్య అనారోగ్యం పాలుకావడం; నాకు సహకరించడానికి అన్నయ్య లాంటి పెద్ద దిక్కు ఎవరూ లేకపోవడం వంటి విషయాల వల్ల వైద్య శిబిరాలకు స్వస్తి పలక వలసివచ్చింది.

వైద్య శిబిరానికి, శివకోడు, గుడిమెల్లంక, కొత్తపేట, రామరాజులంక గ్రామ ప్రజలు, దూరాభారాలను లెక్క చేయకుండా వచ్చి చికిత్స పొందడం ఆశ్చర్యాన్నీ, ఆనందాన్నీకలిగిస్తుంది. జన్మ నిచ్చిన ఊరిని ఇలా ప్రతి సంవత్సరమూ దర్శించ వచ్చునన్న ఆలోచన తర్వాత కల గానే మిగిలిపోయింది. వీటి గురించిన ఆలోచనలతో నిద్ర కోల్పోయిన రాత్రులు ఎన్నో..!!

రాజమండ్రి మొదటి పార్లమెంట్ సభ్యులు మా అన్నయ్య శ్రీ కానేటి మోహనరావు గారు వైద్య శిబిరం ప్రారంభిస్తున్న దృశ్యం

పెద్దన్నయ్య శ్రీ కె.కె.మీనన్, శిబిరం ఉద్దేశాలు వివరిస్తున్న దృశ్యం. ఎడమ శ్రీ దేవ ముసలయ్య గారు.

పెద్దలు శ్రీ శీలా వీర్రాజు గారు తయారు చేసి ఇచ్చిన వైద్య శిబిరం బ్రోచర్.

సభను ప్రారంభిస్తున్న ప్రముఖ కమ్యూనిస్టు-అంబేద్కరిష్ట్, శ్రీ భూపతి నారాయణ మూర్తి గారు ( మల్కీపురం)

మా తల్లిదండ్రులకు ఆత్మీయ బంధువు శ్రీ చింతా రాజేంద్ర ప్రసాద్ (మీరయ్య)పుష్పాంజలి.

మా నాయనకు ఆత్మీయ మిత్రులు శ్రీ దేవ గెద్దయ్య గారి కుసుమాంజలి.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
March 28, 2021 at 7:25 am
నా..జ్ఞాపకాల పందిరి వ్యాసాలను
ప్రోత్సహిస్తూ న్న,
సంచిక సంపాదక వర్గానికి
ఇతర సాంకేతిక నిపుణుల కు
నా హృదయపూర్వక కృతజ్ఞతలు.

Reply
2

sagar
March 28, 2021 at 7:37 am
ఉన్న ఊరిని గుర్తుచేసుకోవడంకొరకు మీరు ఎన్నుకున్న మార్గం వినూత్నమైనదీ సర్ . ఏదో సెలవులకు వెళ్ళామా, నాలుగురోజులు ఉన్నామా, అని కాకుండా నలుగురికి ఉపయోగపడే ఆరోగ్య పరమైన సహాయం చేయడం అభినందనీయం. ఆరోజుల్లో వైద్య సదుపాయాలు తక్కువగాఉన్న పల్లెటూర్లకు మీ సోదరుల మరియు ఆత్మీయులసహాయం ఆ గ్రామాలవాళ్ళు ఎప్పటికీ మరచిపోరు అని నాఅభిప్రాయం. మీకు అభినందనలు మరియు ధన్యవాదములు సర్

Reply
1. 2.1
  
  డా కె.ఎల్.వి.ప్రసాద్
  March 28, 2021 at 8:05 am
  కామెంట్ పెట్ట డంలో
  ఎప్పుడూ ప్రధమ స్థానం నీదే సాగర్.
  నీ స్పందన కు ధన్యవాదాలు.
  
  Reply
3

Dr.Harika
March 28, 2021 at 8:07 am
Good morning sir,
The way you wanted to have connection with your village is really motivating. Hope we, the upcoming generations follow it to keep our roots strong.
Nice to see you never forget the roots.
Thank you sir for sharing as they always inspire us to think better.

Reply
1. 3.1
  
  డా కె.ఎల్.వి.ప్రసాద్
  March 28, 2021 at 8:21 am
  Thank you
  Dr.Harika
  For your wonderful response.
  
  Reply
4

డా కె.ఎల్.వి.ప్రసాద్
March 28, 2021 at 8:35 am
అన్నగారితో, బంధుమిత్రులతో సొంత ఊరిలో చేసిన సేవా కార్యక్రమాలు… భేష్.

——-డా.సి.హెచ్.సుశీల.
హైదరాబాద్(Guntur)

Reply
1. 4.1
  
  డా కె.ఎల్.వి.ప్రసాద్
  March 28, 2021 at 8:36 am
  ధన్యవాదాలండీ.
  
  Reply
5

బి.జానిభాష
March 28, 2021 at 8:47 am
ఈ వ్యాసం లో ముందు పేరాలో రాసిన ప్రతి మాట అక్షర సత్యం సర్.
కారణాలు ఏవైనా ఉమ్మడి కుటుంబాలు అంతరించిపోవడం చాలా విచారకరం సర్,ఈరోజుల్లో మానవ సంబంధాలు అన్ని మనీ తో ముడిపడిపోతుండడం కూడా దురదృష్టకరం సర్.
మనం ఎంత ఎదిగిన సొంత ఊరిని మరిచిపోకుడదు అని ఉద్దేశ్యం తో పల్లెల్లో వైద్య సేవలు అంతగా అందుబాటులో లేని రోజుల్లోనే మీరు మీ ఊరిలో మూడు సంవత్సరాల పాటు వైద్య శిబిరాలు నిర్వహించడం చాలా గొప్ప విషయం సర్.

Reply
1. 5.1
  
  డా కె.ఎల్.వి.ప్రసాద్
  March 28, 2021 at 9:04 am
  జానీ బాబూ
  ధన్యవాదాలు.
  
  Reply
6

Srinivas
March 28, 2021 at 10:51 am
శుభోదయం,

తల్లి తండ్రుల కు పిల్లలే ఆలంబన, ఒక నాటి పరిస్థితులు వేరు నేటి పరిస్థితులు వేరు.

దూరపు కొండలు నునుపు అన్నట్లు అక్కడ ఏదో ఉంది అని వెళ్ళే వారు నిజంగా చివరకు లెక్క బేరీజు వేసుకుంటే వాళ్ళు కోల్పోయింది ఎక్కువ.

మీ వూరి మీద అభిమానం మీ ఊరికి ఉపకారం చేసింది.

మీరు చేసిన సేవలు శ్లాఘనీయం.

మీరు ఫేస్బుక్ లో డైరెక్ట్ గా అందిస్తే ఇంకా బాగుంటుంది…

Reply
1. 6.1
  
  డా కె.ఎల్.వి.ప్రసాద్
  March 28, 2021 at 12:08 pm
  శ్రీనివాస్
  మీ స్పందన కు ధన్యవాదాలండీ.
  
  Reply
7

Ch S N Murthy
March 28, 2021 at 11:38 am
కుటుంబసభ్యులు అందరు కాలసుకోవడానికి ఒక కారణం ఉండాలి. దానికి ప్రయోజన్మకూడా ఉండేలాగా ఏర్పాటు చేసుకొని ప్రజా సేవ చేయడం అనే ఆలోచన అమోఘం. మీ తపనకు, కృషికి ధన్యవాదములు.

Reply
1. 7.1
  
  డా కె.ఎల్.వి.ప్రసాద్
  March 28, 2021 at 12:09 pm
  మూర్తి గారూ
  మీ స్పందన కు ధన్యవాదాలండీ.
  
  Reply
8

డా కె.ఎల్.వి.ప్రసాద్
March 28, 2021 at 12:06 pm
Glad to see you all chinnannagaru. Really it’s a wonderful experience. It would have been good if you had continued. Though you arranged medical camp for three years you are filled with lot of satisfaction and unforgettable memories.

—–Mrs.Lakme Nandana
Rajahmundry.

Reply
1. 8.1
  
  డా కె.ఎల్.వి.ప్రసాద్
  March 28, 2021 at 12:07 pm
  Thank you bulli
  For your wonderful
  Response.
  
  Reply
9

డా కె.ఎల్.వి.ప్రసాద్
March 28, 2021 at 12:13 pm
వైద్యశిబిరాలు కొనసాగిస్తేబాగుండేది…. ఇప్పుడైనా చేయవచ్చు….yearly once alongwith general health check ups….take sponsorers locally also…. it’s a good service….all the best….

—–Svln శర్మ
హైదరాబాద్.

Reply
1. 9.1
  
  డా కె.ఎల్.వి.ప్రసాద్
  March 28, 2021 at 12:13 pm
  ధన్యవాదాలండీ
  
  Reply
10

డా కె.ఎల్.వి.ప్రసాద్
March 28, 2021 at 1:17 pm
Manchi article.Good activity for mother land.Inspiration to juniors.Medical camps continue chesthe bagintundi sir..Manam antha anukoni plan cheddam.

—–Dr.D.Sujatha.
Vijayawada.

Reply
1. 10.1
  
  డా కె.ఎల్.వి.ప్రసాద్
  March 28, 2021 at 1:17 pm
  డాక్టర్ గారూ
  మీ స్పందన కు ధన్యవాదాలండీ
  
  Reply
11

Bhujanga rao
March 28, 2021 at 1:20 pm
జ్ఞాపకాల పందిరి 51 ఎపిసోడ్ బాగుంది.ఆనాటి ఉమ్మడి కుటుంబ పరిస్థితులు గుర్తుకు వచ్చాయి. ఆ రోజుల్లో పల్లె టూళ్ళో వైద్య సదుపాయాలు ఉండేవి కావు. ఒక మంచి కార్యక్రమంతో స్వంత ఊరిని గుర్తుంచుకొని, బంధువులు, స్నేహితుల సహకారంతో మీరు అందించిన సేవా కార్యక్రమాలు బాగున్నాయి.అభినందనలు సర్.

Reply
1. 11.1
  
  డా కె.ఎల్.వి.ప్రసాద్
  March 28, 2021 at 5:22 pm
  రావు గారూ
  మీ స్పందన కు ధన్యవాదాలండీ.
  
  Reply
12

Sambasivarao Thota
March 28, 2021 at 1:23 pm
Prasad Garu!
Putti perigina mee sonthoorlo Samaja Seva kaaryakramaalu nirvahinchadam Meeku aa devuditchina varam…
Meeku Abhivandanalu 🙏

Reply
1. 12.1
  
  డా కె.ఎల్.వి.ప్రసాద్
  March 28, 2021 at 5:21 pm
  రావు గారూ
  ధన్యవాదాలు.
  
  Reply
13

డి.వి.శేషాచార్య
March 28, 2021 at 2:53 pm
ఒక గొప్ప ఆలోచన. ఆచరణలో కేవలం మూడు సంవత్సరాలు మాత్రమే కొనసాకొనసాగడం బాధాకరమే కానీ ఇలాంటి ఉదాత్త మైన కార్యక్రమం మళ్ళీ ప్రారంభించడం అవసరమే.
మీ వంటి సహృదయులకు అసాధ్యమేమీ కాదనుకుంటాను. మరో సారి ప్రయత్నించి విజయం సాధించాలని కోరుకుంటున్నాను

Reply
1. 13.1
  
  డా కె.ఎల్.వి.ప్రసాద్
  March 28, 2021 at 4:24 pm
  మిత్రమా
  మీ సూచనను
  ఆలోచిస్తానండి
  
  Reply
14

డా కె.ఎల్.వి.ప్రసాద్
March 28, 2021 at 4:22 pm
[28/03, 16:13] Aruna.dr A/M: Hello Klv garu.

Gnapakala – pandiri

chala sangatulu
telustunnai.

David Raju gurinchi
naku emi telavadu.

Even though we were classmates.

felt very happy to know David raju ‘ s nature.
Iam feeling proud

you cunducted health camps in your villege.

Sreemantudu cinema gurtu vachhindi.

……..Dr.Anne Aruna
Hyderabad

Reply
1. 14.1
  
  డా కె.ఎల్.వి.ప్రసాద్
  March 28, 2021 at 4:22 pm
  Thank you
  Dr.Aruna.
  
  Reply
15

డా కె.ఎల్.వి.ప్రసాద్
March 28, 2021 at 5:20 pm
భారతీయత యొక్క విలువైన మూల్యాల్లో కుటుంబ వ్యవస్థ ఒకటి… దానికి పునాది దాంపత్య ధర్మం సరైన రీతిలో సాగించడం …
పలు కాలాల్లో దానికి విఘాతంకలిగినా , మూఢత్వంతో కొన్ని సార్లు దాన్ని కరడుకట్టించినా తట్టుకొని నిలబడ్డ వ్యవస్థ కనుక ఇవ్వాళ ప్రపంచం ఈ విషయం లో భారతదేశం దిశగా చూస్…..
కొంత కాలంగా అనేక కారణలవల్ల మన కుటుంబవ్యవస్థ అనివార్యంగా ముక్కలై పోవడం , దానికారణంగా వయసుమళ్ళిన పెద్దలు పడే మానసికవేదనను చక్కగావివరించారు …
కాలానుగుణంగా నడవటం తప్పదు , కాని దాని ప్రభావం పెద్దలమీద పడకుండా కాపాడిన ఘనత ఖచ్చితంగా ఉమ్మడికుటుంబ వ్యవస్థదే ఇందులో సందేహమే లేదు ..
కాకపోతే నేటి జీవితపు పరుగు పందెం లో ప్రతి వాడికీ విధిగా పాల్గొనాల్సిన అవసరం ఉందికనుక ఈ బాధలు తప్పవు .. అందుకే మీరు చెప్పిన ఉమ్మడి కుటుంబ ప్రయోజనం తెలపడానికి మీరు తలపెట్టిన పనులు మంచి దృష్టాంతాలు సత్కార్య నిర్వహణ అంటే ఏంటో దీనివల్ల మనకు తెలుస్తూ ఉంది … పరిస్థితులేమో కాలప్రభావంవల్లా , అనివార్యత వల్లా తప్పడం లేదు … ఇప్పుడు తిరిగి ఆ వ్యవస్థకు పోవడం సాధ్యం కాదు కనుక , మరచిపోతున్న మీ ఊరిని ప్రతియేడూ ఎలా చూచే అవకాశం ఉందో ఆ విధంగా ఒక కార్యాచరణ రూపొందించుకోవడం ప్రశంసనీయం …అదీ మీకు సాధ్యమయ్యేది కావడం , ప్రజోపయోగకరమైనదీ కావడం మరింత అభినందనీయమైన అంశం … మీ స్వగ్రామంలో వైద్య శిబిరం ఏర్పరచి
మీరందించిన వైద్య సహకారం ఎంతో అవసరమైన కార్యక్రమం ..
మనం పుట్టిన ఊరు పైన మనకు వల్లమాలిన అభిమానం ఉండొచ్చు , కాని అది ప్రజోపకరమైన కార్యక్రమంగా రూపుదాల్చాలంటే దానికి మన పట్టుదల , మన కార్యదక్షత చాలా అవసరం … దాన్ని మీరు సాధించారు .. అందరికీ ఇదివీలుకాకపోవచ్చు కాని వాళ్ళవాళ్ళ పరిధిలో , వాళ్ళకున్న వనరులతో చేయదగిన పనులు ఎన్నో చేయొచ్చు , ఆలోచనా
ఆచరణలే ఇక్కడముఖ్యం ..కారణాంతరాలవల్ల అది ఆగిపోయి ఉండవచ్చు కాని సాగినంతకాలం చక్కగాసాగి ఇతరులకు స్ఫూర్తినిచ్చిన కార్యక్రమంగా నిలిచిపోతుంది ..
మీ ప్రణాళికకు తోడ్పడ్డ మీ అన్నగారు , ఇతరసహృదయులు కూడా అభినందనీయులు ..
ఇటువంటి పనులకు పునాది అయిన ఉమ్మడి కుటుంబ వ్యవస్థను గురించిన మీ ‘ ఇంట్రో ‘చాలా బాగుంది సర్ , అభినందనలు …

—–జి.గిరిజామనోహర్ బాబు
హన్మకొండ.

Reply
1. 15.1
  
  డా కె.ఎల్.వి.ప్రసాద్
  March 28, 2021 at 8:44 pm
  గురువుగారు
  మీ స్పందన కు ధన్యవాదాలండీ.
  
  Reply
16

డా కె.ఎల్.వి.ప్రసాద్
March 28, 2021 at 7:42 pm
Full ga chadhivanu Uncle..
puttina prantham payina meekunna abimanam naaku chala nachindhi.

Meeku appatlone alanti aalochanalu ravatam great.

👍👍👍👍👏👏👏👏🙏🙏🙏🙏

.—-Er. Nalli Sujatha
Doweleswaram.

Reply
1. 16.1
  
  డా కె.ఎల్.వి.ప్రసాద్
  March 28, 2021 at 7:43 pm
  Thank you amma
  For your response.
  
  Reply
17

డా కె.ఎల్.వి.ప్రసాద్
March 28, 2021 at 8:42 pm
ఉమ్మడి కుటుంబంలో ఆనందాన్ని చవి చూసిన మీరు ఊరినే కుటుంబంగా భావించి తల్లిదండ్రుల పేరు పదికాలాలు నిలిచిపోయేలా మీరు ఆనాడు చేసిన వైద్య శిబిర సేవ ఎంతైనా శ్లాఘనీయం సర్.ఉద్యోగాల వల్ల ఆవాసాన్నైతే వదిల్లెళ్లగలం గానీ జీవిత సావాసాన్ని ఎలా వదులుకోగలం.ఆనాడు మీరు సేవా కార్యక్రమాలు నిర్వహించిన తీరు,పెద్దల్ని సన్మానించడం ఈనాటి యువతకు బంధాల విలువను తెలిపేలా…సమాజం పట్ల,పుట్టిన ఊరు పట్ల మన బాధ్యతను తెలిపేలా ఉన్నాయి సర్.మీరు తలంచినట్టు కొనసాగింపు కుదరక పోయినా ఇప్పటికీ మీ మనసులో చేయాలి అని భావనను నింపుకోవడం మీ సహృదయకు నిదర్శనం.ఉన్నత స్థాయి కి ఎదిగి ఉన్న ఊరును తలంచుకోవడం గొప్ప భాగ్యం అని చెప్పే ఈనాటి మీ మీటి జ్ఞాపకం మాతో పంచుకున్నందుకు ధన్యవాదాలు సర్.🙏💐💐

—-నాగజ్యోతి శేఖర్
కాకినాడ.

Reply
1. 17.1
  
  డా కె.ఎల్.వి.ప్రసాద్
  March 28, 2021 at 8:43 pm
  అమ్మా
  మీ స్పందన కు ధన్యవాదాలండీ.
  
  Reply
18

డా కె.ఎల్.వి.ప్రసాద్
March 29, 2021 at 6:25 am
మీ సేవా తత్పరతకూ…
మీకు అండగా నిలిచిన బంధు మిత్ర బృందం ఔన్నత్యానికీ….
అతి ముఖ్యంగా మిము గన్నవారికీ
నమోన్నమః.
మీలోని సంకల్పబలమే ఆకాంక్షలను
తీర్చే సులువైన మార్గం చూపుతుందని *ఘాఠ్ఠిగా* నమ్ముతున్నాను.🎉🙏🏽

———ఎ.అనంతు
ముంబయి.

Reply
1. 18.1
  
  డా కె.ఎల్.వి.ప్రసాద్
  March 29, 2021 at 6:26 am
  మీ స్పందన కు ధన్యవాదాలండీ
  
  Reply
19

డా కె.ఎల్.వి.ప్రసాద్
March 29, 2021 at 8:23 am
మీ తల్లి తండ్రులకి మీ స్వగ్రామం కి మీరు మంచి సేవ చేశారు సర్. 🙏🏻💐😀

——‘డా.డి.సత్యనారాయణ
హైదరాబాద్.

Reply
1. 19.1
  
  డా కె.ఎల్.వి.ప్రసాద్
  March 29, 2021 at 8:24 am
  ధన్యవాదాలండీ.
  
  Reply
20

డా కె.ఎల్.వి.ప్రసాద్
March 29, 2021 at 10:15 am
ఉమ్మడి కుటుంబ వ్యవస్థ, మరియు దాని అనుభవం ఒక మధురమైన జీవన ప్రయాణం. అనుభవించిన వారికే తెలుస్తుంది దాని మాధుర్యం. సొంతంవూరుకి, ప్రజలకు కొంత సేవ చేయడం మహాభాగ్యం. మీకు ధన్యవాదాలు 🙏

—ప్రొ.రవికుమార్
కాజీపేట.

Reply
1. 20.1
  
  డా కె.ఎల్.వి.ప్రసాద్
  March 29, 2021 at 10:16 am
  మీ స్పందన కు ధన్యవాదాలు
  సోదరా.
  
  Reply
21

Shyam
March 29, 2021 at 10:58 am
ఈసారి మీ జ్ఞాపకాల యొక్క రచనలో మీ ఉమ్మడి కుటుంబం గురించి ఉన్న ప్రాముఖ్యత నే కాకుండా మీకు తోచిన సహాయం చేయడం మీ గ్రామం గురించి అన్నది రెండు కలిపి చెప్పిన విధానం చాలా బాగుంది.

.మీ కుటుంబ సభ్యులందరూ మళ్లీ మళ్లీ ఇలాగే సెలవుల్లో కలుసుకోవడానికి చేసే సందర్భాలు లేదా అంటే ఆ కార్యక్రమం కొనసాగిస్తే బాగుంటుంది అవే కాకుండా సంఘసేవా కార్యక్రమాలు కొనసాగించండి. కాకపోతే ఎండాకాలం పెట్టుకుంటే మా లాంటి వాళ్ళు అందరూ లేదా మీ స్నేహితులు కలిసి రావడానికి చాలా అవకాశాలు ఉంటాయి అక్కడ ఉన్న వేడిని మరీ ముఖ్యంగా, వుక్క ను దృష్టిలో పెట్టుకుని చెప్తున్నాను .
ఇక పోతే మీరు కథనం చెప్పే విధానం, రచనా శైలి బాగుంటుంది.

Reply
1. 21.1
  
  డా కె.ఎల్.వి.ప్రసాద్
  March 29, 2021 at 1:08 pm
  మిత్రమా..శ్యామ్
  నీ స్పందన కు ధన్యవాదాలు.
  
  Reply
22

డా కె.ఎల్.వి.ప్రసాద్
March 29, 2021 at 1:03 pm
జన్మనిచ్చిన తల్లిదండ్రుల జ్ఞాపకార్థం అలాగే చిన్నతనంలో విద్యాబుద్ధులు ,నడవడికను నేర్పించిన సొంత ఊరి రుణం కొంతైనా తీర్చుకోవాలని మీరు సంకల్పించిన సేవా కార్యక్రమం మహోన్నతమైనది .మీరన్నట్లు మన తరువాత తరం వారికి వివిద కారణాల వల్ల తమ స్వస్థలము మరియు రక్త సంబంధీకులను తరచుగా కలుసుకొనే అవకాశం లేకపోవడం ఎలాగు ఉండదు కనుక మన తరం వారమైన అవకాశం వచ్చినప్పుడు తరచుగా కలుసుకోవటం ఎంతో తృప్తినిస్తుంది.
వ్యయ ప్రయాసలకోర్చి మీరు నిర్వహించిన వైద్య శిబిరము వలన అవసరమైనవారికి వైద్య సేవలు అందటంతోపాటు వారితో ఆత్మీయంగా మెలిగే అవకాశం కలగటం ఎంతో తృప్తినిస్తుంది.
ఈ కార్యక్రమము మీ సొంత ఊరిలో మీ బంధువర్గం సమక్షంలో నిర్వహించినా నిస్వార్ధంగా మీకు సహకరించిన వైద్య బృందం అంతా అభినందనీయులు. కానీ ఈ రోజుల్లో అక్కడక్కడా కనిపిస్తున్న వైద్య శిబిరాలు ఎవరో డయాగ్నస్టిక్ సెంటర్ వారు లేదా మెడికల్ షాప్ యజమానులు వైద్యులకు డబ్బులు ఇచ్చి స్పాన్సర్ చేస్తున్నట్లుగా కనిపిస్తున్నాయి. ఎందుకంటే ఇటువంటి వైద్యులు చిన్నపాటి సమస్యలు ఉన్నా ఫలానా డయాగ్నస్టిక్ సెంటర్ లో పరీక్షలు చేయించుకోండి అని అలాగే ఫలానా మెడికల్ షాప్ లో ఈ మందులు కొని వాడండి అని చెప్పడం జరుగుతుంది .క్షమించాలి అందరూ డాక్టర్స్ ఈ విధంగా చేస్తున్నారని చెప్పటం నా ఉద్దేశం కాదు .మెజారిటీ వారు ఈ పద్ధతి అవలంబిస్తున్నారనిపిస్తుంది.
ధన్యవాదములు🙏

—–బి.ఎన్. కృష్ణా రెడ్డి
సికింద్రాబాద్.

Reply
1. 22.1
  
  డా కె.ఎల్.వి.ప్రసాద్
  March 29, 2021 at 1:03 pm
  రెడ్డి గారూ
  మీ స్పందన కు ధన్యవాదాలండీ.
  
  Reply
23

డా కె.ఎల్.వి.ప్రసాద్
March 29, 2021 at 2:54 pm
A great past…. the disappearance of joint family, the family background, migration to different places, efforts to keep the umbilical bonds intact with the parental village, felicitation to the elders in connection with the memorial services, medical camps, publicity, and free medical check ups in cooperation and co ordination of nearby Medical doctors…. and the unfortunate discontinuity in the practice, and the feeling of helplessness in continuing the great tradition of visiting village and paying back to the society in the form of medical camps and felicitation s….are great mile stones of your gracious and cultured public spirited life….

The concept of paying back to the Society in your attitude and implementation…is a great feather in your career . Dr ji, thank you for your gracious services.🙏

—–Nakka sudhakar
Hyderabad.

Reply
24

డా కె.ఎల్.వి.ప్రసాద్
March 29, 2021 at 2:55 pm
Very good analysis sir.
Thank you somuch.

Reply
25

డా కె.ఎల్.వి.ప్రసాద్
March 29, 2021 at 7:15 pm
డాక్టర్ గారూ
చక్కటి జ్ఞాపకాలను రాసి మమ్మల్ని కూడా గతంలోకి తీసుకుని పోతున్నారు.

కొన్నాళ్ళు ఆ జ్ఞాపకాల పందిరి కిందే ఉండిపోతే బాగుండును అనిపించేలా !!

ధన్యవాదాలు సార్ !!
🙏🙏🙏

—–బుద్దవరపు కామేశ్వరరావు
హైదరాబాద్.

Reply
1. 25.1
  
  డా కె.ఎల్.వి.ప్రసాద్
  March 29, 2021 at 7:15 pm
  మీ స్పందన కు ధన్యవాదాలండీ.
  
  Reply
26

డా కె.ఎల్.వి.ప్రసాద్
March 29, 2021 at 8:10 pm
ఈ సంచిక బాగున్నది సర్.ఎవరినైనా తల్చుకుంటున్నామంటే, కాళొజి తల్చుకొవటం కాదు ఆయన గురించి తెల్సుకొవాలె అనే వాడు.తల్చుకునే క్రమంలో, వైద్య శిబిరాలు పెట్టి రొగులకు వైద్య సేవలు చేయటం నాన్న గారిగురించి తరువాత తరాలకు గుర్తువున్డే విధంగా,చేయటమే కదా..! సమష్టినకుటుంబాలు విచ్ఛిన్నమైనాక—కారణాలేమైనా కానీండి—-కుటుంబాలలో, మానవతా -ఆత్మీయత వంటి మాటలకునఅర్థాలే మారిపొయినయ్.అర్థాలు మారటం కాదు అర్ధాలే,ఎగిరి పొయినయ్ .పూర్వం మాచిన్న తనంలో’దేశం పొయిండు ‘అనేవారు. ముఖ్యంగా నేతవృత్తి వారు బొంబై ,షొలాపూర్- భివండి పొయ్యే వారు. కుటుంబ సభ్యులంతా కన్నీరు మున్నీరుగా విలపిస్తూ సాగనంపేవారు.మంథని ప్రాన్తం నుండి,రాజస్థాన్, వరకు ప్రవాసం –వలస–పొయ్యేవారు. వంటలుచేయటానికి. మనిషి బతుకుతెరువు వెతుక్కుంటూ పొవటం కొత్త కాదు ,కాని -పాతకాలం నాటి ప్రేమలు చచ్చి పొయి అన్నింటినీ డబ్బు డామినేట్ చేస్తున్నది.ఇప్పుడు ప్రతి ఇంట్లొనూ,వయసు మీదపడ్డదంపతులే ,ఉంటున్నరు. పిల్లలు ఎగరటానికి రెక్కలు సమకూర్చి న తల్లిదండ్రుల పరిస్థితి దీనంగానేఉందనటానికి సందేహించక్కర లేదు .
ఏది ఏమైనా పెద్దవాళ్ళ యాదిలొ సేవా శిబిరాలు నడిపి వారి పేరును నాల్గు కాలాల పాటు జనం మనసులలొ ఉండేటట్లు,చేయటం గొప్ప విషయమే!అభినందనలు సర్.
రామాయణం లొ పిడకల వేట ఎక్కువైనట్లున్నది మన్నించండి.

——రామశాస్త్రి
హన్మకొండ

Reply
1. 26.1
  
  డా కె.ఎల్.వి.ప్రసాద్
  March 29, 2021 at 8:10 pm
  శాస్త్రి గారు
  మీ స్పందన కు ధన్యవాదాలండీ.
  
  Reply
27

డా కె.ఎల్.వి.ప్రసాద్
March 31, 2021 at 7:55 am
Gd Mng doctor garu,
Now that you have completed your social responsibilities, you can as well start your clinic/practice in your native or some nearby town to fulfill your desire/dream of serving poor people of your village. Such act will certainly enhance the image of your parents/family.

——-suryanarayana rao
Hyderabad.

Reply
1. 27.1
  
  డా కె.ఎల్.వి.ప్రసాద్
  March 31, 2021 at 7:56 am
  Thank you
  Somuch sir.
  
  Reply
28

మొహమ్మద్. అఫ్సర వలీషా
April 1, 2021 at 8:45 am
అభినందనీయం సార్ మీ సేవా కార్యక్రమాలు అందరికీ స్ఫూర్తి దాయకం జన్మ నిచ్చిన ఊరికి మీ సహోదరుల సేవ గర్వించదగినది ఈ సందర్భంగా అందరి సేవలను గుర్తు చేసుకోవడం మరింత ఆనంద దాయకం సార్ మీ జీవితంలో జరిగే ప్రతి ఙ్ఞాపకం ఓ సందేశాత్మక స్ఫూర్తి దాయకం, ఆదర్శ పూరిత మీ ఙ్ఞాపకాల పందిరికి హృదయపూర్వక శుభాకాంక్షలు శుభాభినందనలు మీకు 🙏🙏🙏🙏🙏🙏

Reply
1. 28.1
  
  డా కె.ఎల్.వి.ప్రసాద్
  April 5, 2021 at 6:23 am
  అమ్మా
  నీ స్పందన కు ధన్యవాదాలు.
  
  Reply
29

డా కె.ఎల్.వి.ప్రసాద్
April 5, 2021 at 6:24 am
ఉమ్మడి కుటుంబాలు కనుమరుగై, ఎంతమంది పిల్లలున్నా, వృద్ధ దంపతులే ఒంటరిగా జీవితం గడపవలసిన రోజులివి. పుట్టిన గ్రామానికి ఏదో చేయాలనే తపన, వైద్య శిబిరం నిర్వహించడం అందరిని గుర్తుచేసుకోవడం బాగుంది. అభినందనలు.

——జి.శ్రీనివా సా చారి
కాజీపేట.

Reply