జ్ఞాపకాల పందిరి-73

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

చెన్నై బాలాజీ…

మన మిత్రులు మనకు సహాయం చేయడంలో ప్రత్యేకత లేదనుకుంటాను. అది ఎలాగూ జరిగే పని కాబట్టి ప్రత్యేకంగా దాని గురించి చెప్పవలసిన అవసరం ఉండదు. సహాయం చేయలేని వారి గురించి ఇక్కడ ప్రస్తావించడడం ప్రస్తుతం అప్రస్తుతం కావచ్చు. నిస్సహాయతను తప్పుపట్టలేము. సహాయం చేయాలని వున్నా చేయలేని పరిస్థితి అన్నమాట. అటువంటి మిత్రుల నుండి సహాయము ఆశించడం కూడా తప్పే. అది వారిని మానసికంగా హింసించడమే అవుతుంది. మనకు అత్యంత ప్రీతిపాత్రులైన స్నేహితులు అవసరమైన సహాయం చేయగల సమర్థులై వుండి,మన సమస్యను అవగాహన చేసుకుని మనం అడగక ముందే సహాయయం చేయడానికి ముందుకు వస్తే అంతటి గొప్ప విషయం థ్రిల్లింగ్ మరోటి ఉండదు. అవి అరుదుగా జరిగే సంఘటనలు. ఏదీ కూడ మనం సీరియస్‌గా తీసుకోవలసిన అంశం కాదు. కలిసి వస్తే అంతకు మించిన తృప్తి, సంతోషం మరోటి ఉండదు. స్నేహితుల ద్వారా అనేక సందర్భాలలో అనేక రూపాలలో సహాయం పొందిన జీవితం నాది. ఒకసారి స్నేహం ఏర్పడితే నా మనసులోనుంచి అది చెదిరిపోవడం బహు అరుదు. నాలానే ఎందరో ఇలాంటి స్నేహమయ జీవితంతో తృప్తిగా ఆనందంగా బ్రతక గలుగుతున్నారు. అలాగే సహాయం పొందడంలోనే కాక చాతనయినంత సహాయం చెయ్యడంలోనూ నేను ఏంతో మానసిక తృప్తితో బ్రతక గలుగుతున్నాను.

అయితే దీనికి భిన్నంగా మరో వ్యక్తి ద్వారా పరిచయమై, ఆ పరిచయం తర్వాత మంచి స్నేహంగా మారి పరిచయం చేసిన వారికి మించి స్నేహితులుగా మారడం, అవసరానికి వారు ఎంతగానో సహాయపడడం వంటి సన్నివేశాలు అరుదుగా కనిపించినా, అక్కడక్కడా ఇలాంటి వారు కూడా కనిపించక పోరు. ఆ స్నేహం, ఆ ఇద్దరి వ్యక్తుల మనస్తత్వం మీద, అభిరుచుల మీద తప్పక ఆధారపడి ఉంటుంది. ఇలాంటి స్నేహాలు కూడా స్థిరంగా నిలిచిపోతాయి. ఇలాంటి వారితో అప్పుడప్పుడు పలకరింపులు, గొప్ప మానసిక శక్తిని పుష్టిని అందిస్తాయి. ఇలాంటి స్నేహాలు అందులోని మజా అనుభవించిన వారికే అర్థం అవుతుంది.

శ్రీ బాలాజీ…. చెన్నై

నా జీవితంలో ఈ రెండో రకం స్నేహాలు కూడా పుష్కలంగా వున్నాయి. ఎవరితోనైనా స్నేహం స్నేహమే! నా పెద్ద బావమరిది రాజబాబు పాండ్రాక (ఏ.ఓ. – జీవిత భీమా సంస్థ, విజయవాడ) తన చిన్ననాటి మిత్రుడిని పరిచయం చేసాడు. వాళ్ళు 5-6 గురు మిత్రులు ప్రాథమిక విద్య నుండి డిగ్రీ వరకూ చదువుకున్నవాళ్ళు. పెళ్లిళ్లు అయి పిల్లలు పుట్టినా వాళ్ళ స్నేహం ఇప్పటికీ చెరిగి పోలేదు. వాళ్ళ ఇళ్ళలో/వాళ్ళ బంధువుల ఇళ్ళలో జరిగే మంచి – చెడు కార్యక్రమాలకు సైతం అందరూ కలిసి పాల్గోవడం ఆశ్చర్యం అనిపిస్తుంది. ఎందు చేతనంటే. కలిసి చదువుకున్నది విజయవాడ అయినా, పెళ్లిళ్లు అయిన తర్వాత ఉద్యోగ రీత్యా తలా ఒకచోట స్థిరపడినవారు. ఆ మిత్రబృందంలో శ్రీ బాలాజీ (చెన్నై) రాజబాబు (విజయవాడ), చంద్రశేఖర్ (విజయవాడ), వెంకట్ (విజయవాడ), రంగనాథ్ (విజయవాడ) సభ్యులు. ప్రస్తుతం ఒక్క బాలాజీ (ఏ. జి. ఆఫీసు, చెన్నై)మాత్రమే వేరే రాష్ట్రంలో వున్నాడు, మిగతా అందరూ విజయవాడ చేరుకున్నారు. వీళ్ళందరూ మా బావమరిది పిలిచినట్టే ‘బావగారూ’ అని పిలవడం ఆనందం గానూ ఉంటుంది. ఇప్పుడు నేను ప్రత్యేకంగా చెప్పబోతున్నది శ్రీ బాలాజీ గురించి.

మిత్ర బృందంలో బాలాజీ, రాజబాబు తదితరులు

బాలాజీ జన్మస్థలం చెన్నై. తండ్రి రైల్వేలో పనిచేయడం మూలాన ఆయన విద్యాభ్యాసం విజయవాడలో జరిగినట్టున్నది. అందుచేత బాలాజీ తమిళుడు. తెలుగు మాట్లాడగలడు (తమిళుడుగా గుర్తించ లేనంతగా) కానీ చదవడం, రాయడం తెలీదు. స్నేహశీలుడు, మంచి మనసు కలవాడు. అలాంటి మిత్రుడు శ్రీ బాలాజీ నాకు రెండు సందర్భాలలో ఎంతగానో సహాయం చేసాడు. ఆయన స్థానంలో నేను వుండి ఉంటే అంత సహాయం నేను చేయలేక పోయేవాడిని కాదేమో అని నాకే అనిపిస్తుంటుంది. ఆ రెండు సందర్భాలూ చెన్నైలోనే కావడం మూలాన బాలాజీ సహాయం కోరాను. ఆయనతో వున్న సాన్నిహిత్యం, చనువు, బాలాజీ సహకారం అర్థించడానికి ఉపయోగపడ్డాయని చెప్పక తప్పదు.

క్రికెట్ ఆటగాళ్లు శ్రీ బాలాజీ. శ్రీ రాజబాబు (బావమరిది..విజయవాడ)

అది 2006వ సంవత్సరం. నా సుపుత్రుడు రాహుల్ కానేటి చెన్నై వెళ్ళవలసిన అవసరం ఏర్పడింది. అమెరికాలో చదువుకోవడానికి వీసాకు దరఖాస్తు చేసుకుంటే రాహుల్‌కి ఇంటర్వ్యూ కి చెన్నైకి పిలుపు వచ్చింది. అమెరికన్ కాన్సులేట్ అప్పుడు హైదరాబాద్‌లో ఇంకా ఏర్పాటు కాలేదు. కాబట్టి అప్పటి ఉమ్మడి ఆంధ్రప్రదేశ్ ప్రజలకు కూడా వీసా మంజూరు చేసే వెసులుబాటు చెన్నై లోనే ఉండేది. అబ్బాయిని ఒక్కడినే పంపడం నాకు అసలు ఇష్టం లేదు. అందుచేత నేను కూడా అబ్బాయితో కలసి వెళ్ళవలసిన అవసరం ఏర్పడింది.

ఇద్దరికీ చెన్నై తెలియదు. నేను ఒకసారి విద్యార్థి దశలో చెన్నై వెళ్లాను కానీ పెద్దగా ఆ ప్రాంతాలు గుర్తులేవు. కొత్త ప్రదేశం ఎలా? అని మాలోమేము తర్జనభర్జన పడుతున్న సమయంలో, మా పెద్ద బావమరిది పరిచయం చేసిన తన మిత్రుడు శ్రీ బాలాజీ గుర్తుకు వచ్చాడు. ఆయన అకౌంటెంట్ జనరల్ ఆఫీస్ చెన్నైలో పనిచేస్తున్నాడు.

అప్పుడు ఆయనకే ఫోన్ చేసి విషయం వివరించాను. దానికి వెంటనే బాలాజీ స్పందించి, తప్పక సహాయం చేస్తానని, నిర్భయంగా చెన్నైకి రమ్మని ఆహ్వనించాడు. అన్నట్టుగానే మాట నిలబెట్టుకున్నాడు. రైల్వే స్టేషన్‌కు వచ్చి మమ్ములను రిసీవ్ చేసుకున్నాడు. ఇంటర్వ్యూ ప్రదేశానికి దగ్గరలో హోటల్ రూమ్ బుక్ చేసినందువల్ల అక్కడకు తీసుకు పోయాడు. తర్వాత వీసా ఇంటర్వ్యూ జరిగే ప్రదేశానికి తీసుకుపోయాడు. ఆ ప్రదేశం మెయిన్ రోడ్డులోనే ఉంది.

చెన్నై హొటల్ లో రచయితతో శ్రీ బాలాజీ.

కూర్చోవడానికి అక్కడ ఎలాంటి సదుపాయము లేదు కూడా వెళ్లిన వారికి. కూర్చోవడానికి ఫుట్‍పాత్ మాత్రమే దిక్కు. అక్కడ స్థలం దొరకడం కూడా చాలా కష్టం. ఒకసారి కూర్చొని లేస్తే మళ్ళీ అది కూడా దొరకదు. ఎండలో అలా నిలబడవలసిందే! రాహుల్ లోపలికి వెళ్లిన తర్వాత ఇదంతా బయట నేను అనుభవించాను. నాకు ఇబ్బంది కలగ కూడదని, ఆఫీసునుంచి మధ్య మధ్యలో వచ్చి చూసి వెళ్ళేవాడు బాలాజీ. వీసా వచ్చిందని తెలిసాక నాకంటే ఎక్కువ బాలాజీ సంతోషించాడు. రాహుల్‌కి అనేక విషయాలు బోధించాడు.

ఎలా వుండాలో, తల్లిదండ్రుల పట్ల, బంధువుల పట్ల ఎలా సత్సంబంధాలు కలిగి ఉండాలో, అమెరికాలో స్నేహితులతో ఎలా మెలగాలో, ఇలాంటి విషయాలెన్నో మా వాడికి హితబోధ చేసాడు. సాయంత్రం మమ్ములను తిరుగు ప్రయాణంలో రైలు ఎక్కించేవరకూ మాతోనే వున్నాడు. మా బావమరిదికి అతనికి మధ్య వున్న స్నేహం ఎలాంటిదో అప్పుడు కాని నాకు పూర్తిగా తెలిసి రాలేదు.

2013 తర్వాత సంవత్సరం అనుకుంటాను, మా అమ్మాయి ప్రసారభారతిలో ప్రోగ్రాం ఎగ్జిక్యుటివ్ పరీక్ష పాస్ అయిన తర్వాత ఇంటర్వ్యూ కోసం చెన్నైకి పిలిచారు. అప్పటికి మా అమ్మాయికి పెళ్లి అయింది. భర్తను తీసుకుని చెన్నైకి వెళుతుందని నేను భావించాను. ఇక్కడ మళ్ళీ సెంటిమెంటు అడ్డువచ్చి మా అమ్మాయి నన్నే రమ్మంది. నేను తిరిగి బాలాజీ సహాయం అర్థించక తప్పలేదు,ఆయన సంతోషంగా ఒప్పుకొనక తప్పలేదు. మళ్ళీ షరా మామూలే!

మాకు ఎలాంటి ఇబ్బంది కల్గకుండా అన్ని ఏర్పాట్లూ చేసాడు బాలాజీ. మా పిల్లలకి చిన్నప్పటినుంఛీ ఈ బృందం తెలుసు. వాళ్ళ మేనమామను పిలిచినట్టే, అతని మిత్ర బృందం సభ్యులందరినీ ‘మామా’ అని పిలుస్తారు ఇప్పటికీ అలా బాలాజీ సహాయం ఎన్నటికీ మరువరానిది. ఈ ట్రిప్పులోనే చెన్నై సాహితీ మిత్రులు శ్రీ బొందల నాగేశ్వరరావు, శ్రీ చెన్నయ్య గార్లను కలవడం; కొద్దీ గంటలు ముచ్చటించుకునే అవకాశం కలగడం నా అదృష్టంగా భావిస్తాను.

ఇంటర్వ్యూలో మా అమ్మాయి సెలెక్ట్ అయి సంవత్సరం తర్వాత నిజామాబాద్ ఎఫ్.ఎం రేడియో స్టేషన్‌లో జాయిన్ కావడం, తదుపరి సంవత్సరం వరంగల్ రేడియో స్టేషన్‌కు బదిలీ కావడం ఇదంతా ఐదు సంవత్సరాల క్రితం మాట! జీవితంలో కొన్ని సందర్భాలు ఎప్పుడూ మనల్ని వెన్నంటి ప్రయాణం చేస్తుంటాయి. నాకు ఈ సంఘటన అలాంటిదే మరి!

ఇప్పటికీ బాలాజీతో నాకు స్నేహసంబంధాలు, పలకరింపులూ వున్నాయి. మా ఇద్దరి పిల్లల పెళ్ళిళ్ళకీ, మా బావమరిదితో పాటు అతని మిత్రబృందం భార్యామణులతో హాజరుకావడం ఎంతో సంతోషం కలిగించే విషయం. ఇలాంటి స్నేహాలు బ్రతికినంత కాలం వుండాలని నేను కోరుకుంటాను. అందరిలో నాకు బాలాజీ ప్రత్యేకం, అతని హృదయం విశాలం!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
August 29, 2021 at 7:06 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—–డాక్టర్ కె.ఎల్.వి.ప్రసాద్
హన్మకొండ.

Reply
2

Sagar
August 29, 2021 at 7:18 am
జీవితంలో సహాయం పొందడమే కాదు అలాంటి సహాయానికి కారణభూతులైన వారిని గుర్తుపెట్టుకోవడమూ గొప్ప విషయమే .అందుకు సరైన ఉదాహరణ మీ రచనలు. అలాంటి స్నేహితులను పొందిన మీకు అభినందనలు మరియు మంచి విషయాలను అందిస్తున్నందుకు ధన్యవాదములు సర్

Reply
1. 2.1
  
  డా కె.ఎల్.వి.ప్రసాద్
  August 29, 2021 at 7:57 am
  సాగర్
  నీ స్పందన కు ధన్యవాదాలు.
  
  Reply
3

డా కె.ఎల్.వి.ప్రసాద్
August 29, 2021 at 7:48 am
Meeru chaalaa lucky. Atuvanti snehithulu chaalaa arudu. Avassram lanappudu chese goppa sahayam కంటే avasarsmainsppudu chese chinna melu entho goppadi.. Eesari maa tharapuna kuda athaniki best wishes cheppandi. Manchi experiencetho mng prarambhinpachesaru
. Thank you
Mrs.Leela shyam kumar
Nizamabad.

Reply
4

డా కె.ఎల్.వి.ప్రసాద్
August 29, 2021 at 7:49 am
లీల గారు
మీ స్పందన కు ధన్యవాదాలండీ.

Reply
5

డా కె.ఎల్.వి.ప్రసాద్
August 29, 2021 at 7:55 am
👌 …….

బాలాజీ గారికి 👏 ….

Friendship పై జ్ఞాపకాలు కాబట్టి వెంటనే connect అయిపోయాను …

స్కూల్ ఫ్రెండ్స్ …
డిగ్రీ ఫ్రెండ్స్ …
D.ed ఫ్రెండ్స్ …
లోకల్ ఫ్రెండ్స్ ….

ఫామిలీ తో సహా గట్టి అనుబంధం ఉన్నవారు 10 మంది ….
నా బలం , బలహీనత వారే ….

ఒక సినీ కవి చెప్పినట్టు

*స్నేహానికన్న మిన్న లోకాన లేదురా ….*
—-శ్రీ ధర్ రెడ్డి
హన్మకొండ.

Reply
1. 5.1
  
  డా కె.ఎల్.వి.ప్రసాద్
  August 29, 2021 at 7:56 am
  బాబూ
  మీ స్పందన కు ధన్యవాదాలండీ.
  
  Reply
6

డా కె.ఎల్.వి.ప్రసాద్
August 29, 2021 at 8:02 am
బాలాజీ లాంటి వ్యక్తులు అరుదు. కానీ, అటువంటి వ్యక్తులవల్లనే “మంచి” సువాసనను ఇంకా ఆఘ్రాణించ గలుగుతున్నాము. అది వారి DNA. ఒక వాక్యం గుర్తుకొస్తున్నది….”ఎవరన్నారు ఈ సమాజం బాగుపడదని…..చచ్చు దద్దమ్మలు తప్ప”. అవతలివారు ఎవరన్నది చూడకుండా సహాయం చేస్తూ పోతే, అది బూమ్ రాంగ్ అయ్యి అవసరమైన టైములో మనకి అక్కరకు వస్తుంది. ఈ విషయం చాలా మందికి తెలీదు….
—మారుతీ కిరణ్
హైదరాబాద్.

Reply
1. 6.1
  
  డా కె.ఎల్.వి.ప్రసాద్
  August 29, 2021 at 8:03 am
  మారుతీ గారు
  మీ స్పందన కు ధన్యవాదాలండీ.
  
  Reply
7

Bhujanga rao
August 29, 2021 at 8:51 am
జ్ఞాపకాల పందిరి చదువుతుంటే మీకు ఎంతమంది స్నేహితులు ఉన్నారో అర్థం కావడంలేదు.వారి గురించి చెబుతున్న విషయాలు చాలా ఆసక్తిగా ఉన్నాయి.రాజబాబు గారి ద్వారా పరిచయం అయిన బాలాజీ చెన్నై గారు అభినందనీయుడు.ప్రాంతాలకు అతీతంగా పరిచయమైన వ్యక్తులు అంతలా స్నేహితులైన వారిని గుర్తు చేసుకోవడం,ఇరుగు పొరుగు వారితో స్నేహం,ఏ సమయంలో దేనికి ఇవ్వాల్సిన ప్రాముఖ్యాన్ని దానికి ఇస్తారు.ఏదైనా సమస్య వచ్చినపుడు మద్దతుగా నిలవడానికి ఎంతో మంది స్నేహితులుగా ఉన్నారు మీరు చాలా అదృష్టవంతులు సర్.మంచి అనుభవాలు అందిస్తున్న మీకు ధన్యవాదములు.

Reply
1. 7.1
  
  డా కె.ఎల్.వి.ప్రసాద్
  August 29, 2021 at 12:12 pm
  రావు గారూ
  మీ స్పందన కు ధన్యవాదాలండీ.
  
  Reply
8

డి. వి. శేషాచార్య
August 29, 2021 at 11:12 am
మైత్రి లోని మాధుర్యం చెప్పడానికి మాటలు చాలవు. ఎలాంటి ప్రతిఫలం ఆశించకుండా మన హితం కోరేవాడే స్నేహితుడు.. సంతోషాన్నయినా, విషాదాన్నయినా పంచుకునేది స్నేహితుల దగ్గరే. అందుకే శత్రువు ఒక్కడైనా ఎక్కువే… స్నేహితులు వందమంది అయినా తక్కువే అని స్వామి వివేకానంద అంటారు.. మానవ సంబంధాలన్నీ ఆర్థిక బంధాలుగా మారిపోయి, మనిషన్నవాడు మాయమైపోతున్న తరుణంలోనూ ఇంకా ఆత్మీయమైన స్నేహాలు, ఉన్నతమైన మానవతా విలువలు వెలుగు రేఖలుగా దారి చూపుతున్నాయి.

Reply
1. 8.1
  
  డా కె.ఎల్.వి.ప్రసాద్
  August 29, 2021 at 12:11 pm
  మిత్రమా
  మీ స్పందన కు ధన్యవాదాలండీ.
  
  Reply
9

డా కె.ఎల్.వి.ప్రసాద్
August 29, 2021 at 12:08 pm
ఇతరుల నుండి పొందిన సహాయాన్ని మరువకుండా …వారివారి ఔన్నత్యాన్ని
స్మరించుకుంటూ పది మందితో పంచుకొనే మీయొక్క సహృదయానికి జోహార్లు. పొందినది చిన్న సహాయమే అయినా.. అటువంటి కొత్త ప్రదేశంలో మనకు పూర్తిగా విభిన్నమైన నిబంధనలు కలిగిన అమెరికన్ కౌన్సెలేట్ కు సంబంధించిన వ్యవహారంలో, అక్కడే లోకల్గా ఉంటూ ఆ పరిసరాలకు అలవాటుపడిన వ్యక్తి యొక్క సహాయం గొప్పదే.
2006వ సంవత్సరంలో రాహుల్ స్టూడెంట్ వీసా గురించి చెన్నై కి వెళ్ళారు అని వ్రాసారు .అదే సంవత్సరం డిసెంబర్లో మా అబ్బాయి సాయి కృష్ణ రెడ్డి ని కూడా చెన్నైకి నేను ఇంటర్వ్యూ కి తీసుకువచ్చాను. అంతకుమునుపు నేను చెన్నైకి ఎప్పుడు వెళ్ళలేదు .ఒక రోజు ముందుగానే వెళ్లి రైల్వే స్టేషన్ లో రిటైరింగ్ రూమ్ తీసుకున్నాము. అక్కడి రైల్వే స్టాఫ్ ద్వారా ఆ ఆఫీస్ అడ్రస్ కనుక్కొని, ఆ రోజు సాయంత్రమే లొకేషన్ చూసి వచ్చాము. మరుసటి రోజు లోకల్ బస్సులో ఒక గంట ముందుగానే కౌన్సిలేట్ఆఫీస్కి వెళ్లడం జరిగింది. మీరు వ్రాసిన జ్ఞాపకాన్ని చదువుతూ ఉంటే ఆ ఆఫీసు బయట ఉన్న పరిసరాలు ఇప్పటికీ నాకు కళ్ళకు కనిపిస్తున్నాయి .అది జెమిని ఫ్లైఓవర్ ప్రక్కనే ఉన్న ఆఫీసు. తిరిగి 2008వ సంవత్సరంలో మా అమ్మాయిని కూడా డిపెండెంట్ వీసా ఇంటర్వ్యూకి చెన్నైకి తీసుకు రావడం జరిగింది. ఇక్కడ కో- ఇన్సిడెంట్ ఏమిటంటే …2006లో అలాట్ చేసిన 7వ నెంబర్ రిటైరింగ్ రూమ్ ,అదే రైల్వే వ్యక్తి ఈరోజు కూడా అలాట్ చేశారు. మరో సారూప్యము 1982లో మా అమ్మాయి సికింద్రాబాద్ రైల్వే హాస్పిటల్ లో పుట్టినప్పుడు 7వ నంబరు టోకెన్ నడుముకి కట్టారు .అదే హాస్పిటల్లో 1985లో మా అబ్బాయి పుట్టినప్పుడు కూడా అదే 7వ నెంబర్ టోకెన్ వచ్చింది. ఇటువంటి అప్రయత్న సంఘటనలు చాలా గమ్మత్తుగా ఉంటాయి కదా !
——బి.రామకృష్ణా రెడ్డి
సఫిల్ గూడ
సికింద్రాబాద్.

Reply
1. 9.1
  
  డా కె.ఎల్.వి.ప్రసాద్
  August 29, 2021 at 12:09 pm
  రెడ్డి గారూ
  మీ స్పందన కు ధన్యవాదాలండీ.
  
  Reply
10

డా కె.ఎల్.వి.ప్రసాద్
August 29, 2021 at 12:21 pm
స్నేహమే జీవితం!👏

—-శ్రీ రావులపాటి సీతారామారావు
హైదరాబాద్.

Reply
1. 10.1
  
  డా కె.ఎల్.వి.ప్రసాద్
  August 29, 2021 at 12:21 pm
  సర్
  మీ స్పందనకు ధన్యవాదాలు.
  
  Reply
11

Sambasiva+Rao+Thota
August 29, 2021 at 1:09 pm
Prasad Garu!
Sneha bandhaala gurinchi,maadhuryaala gurinchi chaalaa chakkagaa vivarinchaaru..
Dhanyavaadaalandi 🙏

Reply
1. 11.1
  
  డా కె.ఎల్.వి.ప్రసాద్
  August 29, 2021 at 3:55 pm
  ధన్యవాదాలండీ.
  
  Reply
12

Rajendra+Prasad
August 29, 2021 at 4:23 pm
Remembering the help from close or connected friends shows your goodness. This will motivate us to help others in need. God has given you a good circle as you have the gift of making friends quickly
– Rajendra Prasad

Reply
1. 12.1
  
  డా కె.ఎల్.వి.ప్రసాద్
  August 29, 2021 at 4:26 pm
  Thank you prasad garu.
  
  Reply
13

Shyam kumar chagal . MA astrology. Hyd
August 29, 2021 at 4:34 pm
అందరికీ చాలా ముఖ్యమైన సన్నిహితులైన స్నేహితులు వేళ్ళ మీద లెక్క పెట్టగలిగే అంతే ఉంటారు డాక్టర్ కె.వి ప్రసాద్ గారికి చేతివేళ్లు కాలివేళ్లు అయినా సరిపోదు అనుకుంటాను ఆయన తన జీవితంలో అంతా కూడా స్నేహితుల సాంగత్యంలో నే గెలిచినట్లుగా అనిపిస్తున్నది. ఒకరినిమించి ఒక మంచి స్నేహితుడు ఆయనకు కలిశారు ఇంతమంది ఇంత మంచి స్నేహితులు ఆయనకు కలవడం చూస్తుంటే నాకు కాస్త గా ఉంది . ప్రేమ ఉంటె మనసుకి జగమంత ప్రేమ మయం అని ఒక సామెత విన్నాను. అలాగే స్నేహపూర్వకమైన హృదయం ఉన్న కె ఎల్ వి ప్రసాద్ కు ప్రపంచమంతా స్నేహితులే . ఏది ఏమైనా ఇలా స్నేహం కొనసాగిస్తూ సంతోషంగా ఉండాలని కోరుకుంటున్నాను

Reply
1. 13.1
  
  డా కె.ఎల్.వి.ప్రసాద్
  August 29, 2021 at 7:21 pm
  మీ త్రమా
  నీ స్పందన కు ధన్యవాదాలు.
  
  Reply
14

డా కె.ఎల్.వి.ప్రసాద్
August 29, 2021 at 4:40 pm
సాధారణంగా తమిళనాడు వాళ్ళు తెలుగు వారితో అంత సత్సబంధాలు కలిగివుండటం జ రగదు బాలాజీ గారు చలామంచివారులా వున్నారు అలాంటి స్నేహితులు అరుదు అది మెయింటైన్ చెయ్యడం కూడా మీ దక్షతకు తార్కాణం

—-విజయ లక్ష్మి. కస్తూరి
హైదరాబాద్.

Reply
1. 14.1
  
  డా కె.ఎల్.వి.ప్రసాద్
  August 29, 2021 at 4:40 pm
  ధన్యవాదాలండీ
  
  Reply
15

మొహమ్మద్+అఫ్సర+వలీషా
August 29, 2021 at 6:29 pm
ఇలాంటి సంఘటనలు స్నేహితులు జీవితంలో మరపురాని మధురమైన ఘట్టాలు సార్. చాలా సంతోషం అనిపించింది చదువు తుంటే. ఇలాంటి వ్యాసాలు చదువు తున్నప్పుడల్లా మనసు ఓ అనిర్వచనీయ భావనకు గురవుతూ ఉంటుంది. స్నేహమంటే అలా ఉండాలి, అవసరానికి ఆదుకునే వారే నిజమైన మిత్రులు ఆ అదృష్టం మీ స్నేహానికి లభించి నందుకు చాలా సంతోషం గా ఉంది సార్. వారం వారం మంచి మంచి స్ఫూర్తి దాయక ఆదర్శ పూరిత వ్యాసాలను అందిస్తున్న మీకు హృదయపూర్వక శుభాకాంక్షలు శుభాభినందనలు సార్ 💐💐💐💐💐💐💐💐💐💐💐💐
మొహమ్మద్. అఫ్సర వలీషా
ద్వారపూడి( తూ గో జి )

Reply
1. 15.1
  
  డా కె.ఎల్.వి.ప్రసాద్
  August 29, 2021 at 7:22 pm
  అఫ్సరా
  నీ స్పందన కు ధన్యవాదాలమ్మా.
  
  Reply
16

D. Umashanker
August 29, 2021 at 6:39 pm
ప్రతిఫలం ఆశించకుండా కేవలం స్నేహమే జీవితంగా భావించే మిత్రులు దొరకటం మీలాంటి సహృదయులకి గొప్ప విశేషం కాదు. మీ వ్యక్తిత్వం అలాంటిది. అంత గొప్ప మిత్రులు వుండటం అదృష్టమే మరి.

Reply
1. 16.1
  
  డా కె.ఎల్.వి.ప్రసాద్
  August 29, 2021 at 7:22 pm
  ధన్యవాదాలండీ.
  
  Reply
17

డా కె.ఎల్.వి.ప్రసాద్
August 29, 2021 at 7:43 pm
👏👏👏👏మీరు చాలా అదృష్ట వంతులు !స్వచ్ఛమైన స్నేహానుభవపు ఆనందాలను పొందగలుగుతున్నారు !
బహుశా… దూరంగా ఉంటూ
ప్రత్యేక సందర్భాలలో… కలుసుకోవడం మూలాన మీ స్నేహాలన్నీ తీపి జ్ఞాపకాలవు తున్నాయి !నా అనుభవంలో
నాకు ఎక్కువమందిస్నేహితులు లేరు ! 6,7 తరగతులు చదువుతున్నపుడు ఒక ముస్లిం స్నేహితుడు… తరువాత నాకు చదువుకునే అవకాశంలేక ఆ స్నేహం అక్కడితో ఆగిపో యింది ! తరువాత… నా 7వ తరగతి సహాధ్యాయినని ఇంకోమిత్రుడు… మితత్వాన్ని కలిపాడు !మామిత్రత్వం ఓ ఆరేళ్ళు సజావుగానే సాగింది !
తరువాత… జీవనోపాధి కోసం అతడు నేను పనిచేసే ఫోటో స్టూడియో లో చేరి నన్నేఅంటిపె ట్టు కునుండడం… ఆతరువాత నేను సొంతంగా స్టూడియో పెట్టి… అతడ్నిహెల్పరుగా తీసుకోవటం… ! ఆతరువాత పార్ట్నరుగా చేసుకోవటం….
మనుషులమెంతదగ్గరయ్యామో…మనసు లంత దూర మ యాయి !
ఆఖరికి వాడితో విసిగిపోయి ఆస్టూడియోను వాడికే విడిచి పెట్టేసి నేను బయటికి వచ్చేసాను !
స్నేహం వీలైనంత దూరంగా ఉంటేనే ఎక్కువకాలం ఉంటుందని… స్నేహానికి ఆర్ధిక లావాదేవీలను ముడిపెడితే
ఆ స్నేహం దెబ్బతింటుందని
నాకు అనుభవ పూర్వకంగా రుజువైంది !ఆర్ధిక పరిపుష్టి స్నేహాలను బలపరుస్తాయన్నది సత్యం !
ఏదిఏమైనామీరుకొనసాగిస్తున్న స్నేహ సత్సంబంధాలుముచ్చట
గొలుపుతున్నాయి !అభినందనలు… 👏👏👏👏👏కోరాడ./విశాఖపట్నం.

Reply
1. 17.1
  
  డా కె.ఎల్.వి.ప్రసాద్
  August 29, 2021 at 7:43 pm
  నరసింహారావు గారు
  మీ స్పందన కు ధన్యవాదాలండీ.
  
  Reply
18

డా కె.ఎల్.వి.ప్రసాద్
August 29, 2021 at 8:57 pm
ప్రసాద్ గారూ! 73వ సంచిక చదివినాను.సంస్కృతంలో ఒక సామెతవంటిది ( సామెత అంటరో లేదోతెలువదు).అదేమిటంటే
“సతాం సిద్ధిస్సంగః కథమపి పుణ్యేన భవతి”. సిద్ధులైన వారిసాంగత్యముఎంతో పుణ్యము చేసుకుంటే తప్ప లభించదు.అని అట.మీరు ఇట్లాటి స్నేహితులను పొందగలిగారంటే అది మీ పుణ్యఫలమేనని చెప్పక తప్పదు.
నిజమైన స్నేహానికి వావి వర్ణ వర్గ,ధనిక పేద,వయసు లతో పనిలేదు.స్నేహంలో సాయం చేయమని అడగటంలో తప్పులేదు.అసలు అడగకుండానేమన అవసరాలు తెల్సుకొని సాయం చేసే మిత్రులూ ఉంటరు.అడగటం ఎట్లావఅనే సంకోచమే తప్పు.మనం సాయం తీసుకుంటే మన చేయి కిందై ఆతని చేయి మీదైతుందనే భావన స్నేహం లో ఉండదు.( ఈ అభిప్రాయాలన్నీ కాళోజీ రాసిన కవితలోనివి) మీస్నేహితులు,మీరూ బహుధా అభినందనీయులు డాక్టరుగారూ.
——రామశాస్త్రి

Reply
1. 18.1
  
  డా కె.ఎల్.వి.ప్రసాద్
  August 29, 2021 at 8:58 pm
  శాస్త్రి గారు
  మీ స్పందన కు ధన్యవాదాలండీ.
  
  Reply
19

డా కె.ఎల్.వి.ప్రసాద్
August 30, 2021 at 8:54 am
మనం కష్టాల్లో ఉన్నప్పుడు మనల్ని ఆదుకునే వాళ్ళే నిజమైన స్నేహితులు. చెన్నైలో మీకు ముఖ్యమైన రెండు సందర్భాలలో బాలాజీ గారు సాయంచేయడం వారి స్నేహశీలతకు నిదర్శనం. 2003 జులైలో మా కోడలి వీసా స్టాంపింగ్ కోసం నేను కూడా చెన్నై వెళ్ళాను. మీరు చెప్పినట్టుగా ఆమెరికన్ కాన్సులేట్ ఆఫీసు వద్ద నిలబడటానికి చోటు ఉండదు. మధ్యలో పోలీసు జీపుల హడావుడి. నిజంగా చాలా బాధపడ్డాను.
—జి.శ్రీ నివాసాచారి
కాజీపేట.

Reply
1. 19.1
  
  డా కె.ఎల్.వి.ప్రసాద్
  August 30, 2021 at 8:55 am
  చారి గారూ
  ధన్యవాదాలండీ.
  
  Reply
20

డా కె.ఎల్.వి.ప్రసాద్
August 30, 2021 at 8:58 am
సహాయం చేసిన వారిని ఇంత ఇదిగా గుర్తుపెట్టుకోవడం మీ తరువాతే ఎవరైనా అనిపిస్తుంది మీ ఆత్మీయ జ్ఞాపకాలు చూస్తుంటే. మీరు చాలా స్నేహ సంపన్నులు.మీరే ఎందరికో సాయం చేసినా మీరు పొందిన ప్రతి చిన్న సాహాయానికి కృతజ్ఞతలు తెలపడం నేటి సమాజంలో కొరవడుతున్న ఒక మానవీయ విలువని గుర్తుచేసిన విలువైన జ్ఞాపకాన్ని పంచుకున్న మీకు ప్రణామాలు💐💐💐🙏
—–నాగజ్యోతి శేఖర్
కాకినాడ.

Reply
1. 20.1
  
  డా కె.ఎల్.వి.ప్రసాద్
  August 30, 2021 at 8:59 am
  అమ్మా
  మీ ఆత్మీయ స్పందనకు ధన్యవాదాలు.
  
  Reply
21

డా కె.ఎల్.వి.ప్రసాద్
August 30, 2021 at 12:00 pm
Thank you sir for your love and affection towards me I don’t know wether iam fitt person for your appreciation, thank you 👃🌺💐
—–Balaji
Chennai.

Reply
22

డా కె.ఎల్.వి.ప్రసాద్
August 30, 2021 at 12:00 pm
Thank you somuch
Once again Balaji.

Reply
23

డా కె.ఎల్.వి.ప్రసాద్
August 30, 2021 at 2:25 pm
చదివాను మాయ్యా..చాలా బాగుంది…బాలాజీ కి పంపారా
–రాజబాబు
విజయవాడ

Reply
1. 23.1
  
  డా కె.ఎల్.వి.ప్రసాద్
  August 30, 2021 at 2:26 pm
  ధన్యోస్మి.
  
  Reply
24

రావుల కిరణ్మయి
August 31, 2021 at 9:57 am
స్నేహం ను గురించి మంచి భావాలు తెలియజేశారు.రక్తసంబంధీకుల కన్నా మిన్నయైన ఆప్తమిత్రులు దొరకటం నిజంగా అదృష్టమే సర్.

Reply
25

డా కె.ఎల్.వి.ప్రసాద్
August 31, 2021 at 9:36 pm
మీ ఙాపకాలపందిరి అపూర్వంగా ఉంది మీ స్నేహంలాగే సార్. స్నేహమాధుర్యాన్ని మీరన్నట్టు అనుభవపూర్వకంగానే తెలుసుకోగలం. అది అనిర్వచనీయం, అద్భుతమైనది. 👌🙏👏
—-డా.విద్యాదేవి. ఆకునూరు
హన్మకొండ.

Reply
1. 25.1
  
  డా కె.ఎల్.వి.ప్రసాద్
  August 31, 2021 at 9:36 pm
  అమ్మా
  మీ స్పందన కు ధన్యవాదాలండీ.
  
  Reply
26

శ్రీదేవిరమేష్ లేళ్ళపల్లి
September 1, 2021 at 9:21 am
ప్రసాద్ గారు మీ జ్ఞాపకాల పందిరి ఎందరికో స్ఫూర్తిదాయకం. ఎందుకంటే మానవతా విలువలు తగ్గుతున్న ఈ తరుణంలో మీ ఈ అమూల్యం అయిన జ్ఞాపకం ద్వారా స్నేహం విలువ, అతిథికి సహాయం చేయడం అన్నా పూర్వపు మన సాంప్రదాయ విలువలు పలువురికి గుర్తుచేస్తాయి. మీ బావమరిది గారి స్నేహితులందరికి నమస్సులు🙏 బాలాజీ గారికి హృదయపూర్వక అభినందనలతో నమస్సులు🙏మీ సహజ సిద్ధమైన జ్ఞాపకానికి అనేక నెనర్లు🙏 హృదయపూర్వక అభినందనలతో లేళ్ళపల్లి శ్రీదేవిరమేష్, చెన్నై

Reply
27

డా కె.ఎల్.వి.ప్రసాద్
September 1, 2021 at 9:53 am
ప్రసాద్ గారు మీ జ్ఞాపకాల పందిరి ఎందరికో స్ఫూర్తిదాయకం. ఎందుకంటే మానవతా విలువలు తగ్గుతున్న ఈ తరుణంలో మీ ఈ అమూల్యం అయిన జ్ఞాపకం ద్వారా స్నేహం విలువ, అతిథికి సహాయం చేయడం అన్నా పూర్వపు మన సాంప్రదాయ విలువలు పలువురికి గుర్తుచేస్తాయి. మీ బావమరిది గారి స్నేహితులందరికి నమస్సులు🙏 బాలాజీ గారికి హృదయపూర్వక అభినందనలతో నమస్సులు🙏మీ సహజ సిద్ధమైన జ్ఞాపకానికి అనేక నెనర్లు🙏 హృదయపూర్వక అభినందనలతో లేళ్ళపల్లి శ్రీదేవిరమేష్, చెన్నై

Reply
1. 27.1
  
  డా కె.ఎల్.వి.ప్రసాద్
  September 1, 2021 at 9:54 am
  శ్రీ దేవి గారు
  మీ స్పందనకు ధన్యవాదాలు.
  
  Reply