పుడుతూనే పాలకోసం ఏడ్పు
అమ్మప్రక్కనేపాన్పు-
జంపాలతోపడక మార్పు-
బోసినవ్వుల ప్రపంచం-
కల్లాకపటం తెలియని చిరునవ్వు-
ఇదే జీవనయాన
మొదటి ప్రయాణం!!
బుడిబుడి అడుగులు
వడివడిగావేయాలనే తపన-
ముద్దులొలికె మాటలతో-
బడిలో కిప్రవేశం-
అమ్మ ఒడికి కాస్తవిరామం-
ఆపై విద్యార్ధిగా మరో సోపాన అధిరోహణం!!
కదలే కాలంతో- ఎదుగుదల-
పోటీ ప్రపంచాన ఎదురీత-
జీవితమెళకువల ఆకళింపయ్యే సమయం-
విద్యార్ధిగ జీవితం సమాప్తం.
ఉద్యోగ బాధ్యతలతో
సంపాదనా పరుడనే
మరో క్రొత్త బిరుదు,
అదనపు బాద్యత-
స్వీకారంతో-
జీవితంలో మూడవ దశకు ప్రవేశం!!
వివాహంతో క్రొత్త
బంధాలకు శ్రీకారం-
ఎన్నో అనుబంధాలు ఆవిష్కారం-
బాధ్యతలు కనులముందు సాక్షాత్కారం!!
సంసార బాధ్యతలతో
కుటుంబ సమస్యలతో
సతమతమయ్యే
మధ్యవయస్సుతో
కాలప్రవాహంలో
అలుపెరగని పయనం!!
బాధ్యతల నెరవేర్చి
సంతాన సౌరభాలను
సంతోష సందడి మధ్య అనుభవించి
ముదిమికి చేరిక-
జీవన యానంలో
చివరి ప్రయాణానికి
సిధ్ధమయ్యే ఆఖరిమజిలీ!!
సాగర్ రెడ్డిగారి పూర్తి పేరు పెనుబోలు విద్యాసాగర్ రెడ్డి. స్వంత ఊరు నెల్లూరు జిల్లా, నెల్లూరుపల్లి కొత్తపాళెం గ్రామము. ప్రాథమిక, ఉన్నత పాఠశాల విద్య నెల్లూరుపల్లి కొత్తపాళెంలోని ప్రాదమిక మరియు జిల్లాప్రజాపరిషిత్ పాఠశాలలో పూరి చేశారు. ఎన్ బి కె ఆర్ సైన్స్ అండ్ ఆర్ట్స్ కళాశాలలో ఇంటర్మీడియట్ నుంచి బికాం వరకు చదివారు. చెన్నై లోని విక్కీ ఇండస్ట్రీస్‌లో మార్కెటింగ్ విబాగంలో సేల్స్ ఎగ్జిక్యూటివ్‌గా పని చేస్తున్నారు. కవితా రచనలు ప్రవృత్తి. ఇప్పటి వరకు 400 కవితలు రచించడం జరిగింది.
