[అంతర్జాతీయ మహిళా దినోత్సవం సందర్భంగా శ్రీమతి తోడేటి దేవి రచించిన ‘మహిళా మూర్తి’ అనే కవితని పాఠకులకు అందిస్తున్నాము.]
కాటుక దిద్దిన..
అందమైన నీ కనురెప్పల క్రింద దాచుకున్న భావమేమో..
సంపెంగ పువ్వు లాంటి..
కొనదేరిన నీ నాసిక..
తుమ్మెదలకు ఆటవిడుపు ఏమో..
చిరునవ్వులు చిందించే..
నీ పెదవి విరుపులు..
సుగంధాల విరజాజులు ఏమో..
సిగ్గు పడే నీ బుగ్గలు..
కాశ్మీర కుంకుమ అద్దిన..
జిలిబిలి సొగసులేమో..
కారుమబ్బు లాంటి..
నీ కురులు చూసి..
కటిక చీకటి కుళ్లుకుంటుందేమో…
చందన లేపనాన్ని..
స్మరించే లాంటి చుబుకం..
నెలవంక లాంటి చంద్రమేమో
తామరతూళ్లు లాంటి..
నీ లేత కరములు
అభినందన మందారమాలలేమో.
మందగమనంగా సాగే
నీ నడక హొయలు..
మయురాలకు.. పోటీనేమో..
ఎన్నెన్నో సుగందభరిత..
ప్రేమపూరిత.. సుకుమారి వైన
నీవు..
ఆపత్కాలంలో.. అపరచండివి
దుర్మార్గులతో.. దుర్గా దేవివి
విజ్ఞానంలో.. సరస్వతివి
కరుణ చూపించే.. సహోదరివి
బాధ్యత భరించే.. భార్యవి
ప్రేమని పంచే.. ప్రాణాన్ని ఇచ్చే
అమృత మూర్తివి.
అమ్మలగన్న అమ్మవి
మాతృమూర్తి నీకు వందనం 
తోడేటి సునీలా దేవి గారు ప్రస్తుతం ఆంధ్ర ప్రగతి గ్రామీణ బ్యాంకులో మేనేజర్‍గా సేవలందిస్తున్నారు. జన్మస్థలం విజయవాడ. సిద్ధార్థ ఉమెన్స్ డిగ్రీ కాలేజీలో పట్టభద్రులైనారు.
*
*
5 Comments
sunianu6688@gmail.com
నా ఈ కవిత ” మహిళా మూర్తి” ప్రచురించిన “సంచిక” యాజమాన్యానికి , సాంకేతిక సిబ్బందికి మరియు నన్ను వెన్నుతట్టి ప్రోత్సహించే Dr KLV prasad గారికి నా హృదయపూర్వక ధన్యవాదాలు
Shyam kumar chagal
మంచి భావ వ్యక్తీకరణ, సొగసైన భాషా ప్రయోగం, అందమైన ముగింపు. సున్నితమైన పదాల తో స్త్రీ శక్తి ని కవితా రూపంలో అందించారు.
sunianu6688@gmail.com
ధన్యవాదాలు శ్యామ్ గారు
సత్తి పద్మ
ఎంత అందం ,సుకుమారం కలిగి ఉన్నా, అవసరమైనప్పుడు కఠినంగా కూడా మారాలి, మారుతుంది అని మహిళ గురించి రాసిన ఈ కవిత చాలా బాగుంది దేవిగారూ.అభినందనలు
sunianu6688@gmail.com
మీ స్పందనకు ధన్యవాదాలు పద్మ గారు
