జ్ఞాపకాల పందిరి-100

”కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!”అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

కూతురైనా.. కోడలైనా..!!

స్త్రీమూర్తి జీవితంలో ముఖ్యంగా మూడు ముఖ్యమైన అవతారాలుంటాయి. అవి ఏమిటంటే, కూతురు, కోడలు, అత్త. ఇందులో అత్త పాత్ర ప్రత్యేకమైనది. కూతురు -కోడలు పాత్రలు ప్రధానమైనవిగా చెప్పుకోవచ్చు. సమాజంలో అత్తా-కోడళ్ల పాత్ర నిన్నమొన్నటి వరకూ శత్రువులుగా చిత్రింపబడింది. దానికి కారణం ఒకప్పుడు ఎక్కువశాతం అత్తలు కోడళ్ళమీద పెత్తనం చెలాయించే ఆనవాయితీ ఉండడం వల్ల కావచ్చు. నాటకాలలో, సినిమాలలో కథలలో, నవలల్లో, అత్త పాత్రను ఒక కఠినాత్మురాలుగా, రాక్షసిలా చిత్రించడం జరిగింది. ఏ పాత్రలైనా ఆయా కాలాలలో అనుభవాలనుంచి వచ్చిన సన్నివేశాలే, చరిత్రకెక్కడం సహజం. గత కాలం నాటి పాత తెలుగు సినిమాలలో ‘సూర్యకాంతం’ పాత్ర సృష్టి అలాంటిదేనేమో! ప్రజలలో ఆ పాత్ర,ఆ పాత్రను నటించి ఆ పాత్రకు జీవం పోసిన సూర్యకాంతం పేరు వింటేనే, ఒక గడుసు గయ్యాళి గంప అత్త మదిలో మెదులుతుంది. అంతమాత్రమే కాదు అదే అత్త,కూతురిని ఒకలా, కోడలిని మరోలా చూడడం వంటి సన్నివేశాలు నిజ జీవితంలో సైతం చూస్తుంటాం. అయితే అదే కూతురు మరొక ఇంటి కోడలిగా వెళ్ళడమూ సహజమే కదా! అయినా ఆ.. అత్త, కూతురిని ఒకలా, కోడలిని ఇంకోలా చూడడం మనం గమనిస్తూనే ఉంటాం.

పెళ్లి కూతురుగా నిహార. కానేటి

మానవ సమాజంలో మంచి-చెడు వున్నట్టే, ఈ అత్త – కోడళ్ల పాత్రలు అన్నీ ఒకేలా వుండవు. కొందరు అత్తాకోడళ్లు, తల్లీ కూతుళ్లు మాదిరిగా తమ ప్రేమలను పంచుకుంటారు. లేదంటే ఇలాంటి వారు తక్కువగా వుంటారు. మన కూతురు కూడా ఒకనాటికి మరొక ఇంటి కోడలు కాక తప్పదు కనుక కోడలు అంటే చులకనగా చూడకూడదని, స్వంత కూతురిని ప్రేమించినట్టుగా ప్రేమించాలని ప్రతి అత్తా అనుకుంటే అసలు సమస్యలే వుండవు కదా!

పెళ్లి కాకముందు నిహార. కానేటి

ఒక బ్యాంకు మేనేజర్ మిత్రుడు ఒకసారి తన ఛాంబర్ లో నేను కూర్చున్నప్పుడు ఆయన ఒక సందర్భంలో అన్నమాట ఏమిటంటే, “నేను క్లర్కుగా పని చేసి నప్పుడు, మా మేనేజరు బోలెడు పని చేయించి ఏడిపించేవాడు, ఇప్పుడు ఆ కసి నేను మా వాళ్ళ మీద తీర్చుకుంటున్నాను” అన్నాడు.

బాల్యంలో నిహార. కానేటి

అదే విధంగా కోడలు పాత్రధారి, అత్త పెట్టిన ఆరళ్ళను గుర్తు పెట్టుకుని తర్వాత అత్త పాత్రలో కోడలిని సాధించి పీడించేదన్నమాట! అయితే అందరూ ఇలాంటి ఆలోచన గలవారై ఉంటారని అనే వీలులేదు. సయోధ్యతో చక్కగా తల్లీ -కూతుళ్లు మాదిరిగా ఆనందమయ జీవితం గడిపిన వాళ్ళూ లేకపోలేదు. నాటి నటి బహుముఖ ప్రజ్ఞాశాలి (నటి, గాయని, దర్శకురాలు, రచయిత్రి) అయిన స్వర్గీయ భానుమతి రామకృష్ణ రచయిత్రి కూడా కావడం మూలాన, ‘అత్తగారి కథలు’ కొత్తకోణంలో హాస్యప్రధానంగా పాఠకులకు అందించారు.

ఇది ఇలావుంటే, టెలివిజన్ వంటి మాధ్యమాలు హనుమంతుడి తోకలాంటి సీరియళ్లను సృష్టించి అందులో అత్తాకోడళ్ళను శత్రువులుగా సృష్టించి ప్రేక్షకుల బుర్రలు చెడగొడుతున్నాయి. సినిమాలు, టివి సీరియళ్లు ప్రేక్షకులపై ఎంతటి ప్రభావం చూపిస్తాయో ప్రత్యేకంగా చెప్పనవసరం లేదు. అయితే రోజులు ఎప్పుడూ ఒకేలా వుండవు. అత్త పాత్ర తిరగబడి, కోడలి పాత్ర పైకి రావచ్చు. రావచ్చు కాదు, ఆ తరుణం ఇప్పటికే వచ్చింది కూడా. వృద్ధులైన అత్తమామలను, హింసకు గురిచేసే కోడళ్లు కూడా లేకపోలేదు.

విద్యార్ధినిగా నిహార. కానేటి

అయితే, ఈ రెండు లక్షణాలు మంచివికావు. ఆరోగ్య ప్రదమైన, ఆనందమయ జీవితానికి, అత్తలూ – కోడళ్ళూ సామరస్యంగా తల్లి – కూతుళ్లు మాదిరిగా మెలగవలసిందే. కొత్తగా కోడలు పాత్రలో ప్రవేశించిన కూతురులాంటి అమ్మాయిని, ప్రేమించి, అనురాగాన్ని పంచి, అత్త మార్గదర్శనం చేయవలసిన అవసరం వుంది. అదే విధంగా వృద్ధాప్యంలో వున్న అత్తను బ్రతికినంత కాలమూ కంటికి రెప్పలా కాపాడవలసిన బాధ్యత/అవసరం ఉండాలి. ఇలాంటి కథనాలను రచయితలు, పాఠకులకు/శ్రోతలకు అందించగలగాలి.

తల్లిదండ్రులతో-భర్త, వినోద్ కుమార్ జోషీతో నిహార కానేటి

ఇప్పుడైతే చదువుకున్న కుటుంబాలలో ఈ సమస్యలు తలెత్తే అవకాశం లేదు. పిల్లలు ఉన్నత చదువులు చదువుకోవడం, ఆ పైన ఉద్యోగం వేటలో విదేశాలకు వెళ్లిపోవడం, అక్కడి వాతావరణానికి రుచిమరిగి అక్కడే స్థిరనివాసం ఏర్పరచుకోవడం వల్ల, చివరికి మిగిలేది ఆ ఇద్దరే! తల్లి – తండ్రి లేదా అత్త -మామ. ఎందుచేతనో గానీ అత్తా -కోడళ్ళకు సృష్టించినంత శత్రుత్వం, మామ -కోడళ్ళకు, మామ – అల్లుళ్లకు (అతి కొద్దీ సందర్భాలలో తప్ప) సృష్టి జరగలేదు. ఆ విధంగా కొంతవరకూ మామలు అదృష్టవంతులే మరి!

తల్లిదండ్రులతో దివ్య

మా కుటుంబంలో ముఖ్యంగా నాకు ఈ సమస్య ఎదురుకాలేదు. మా అమ్మ తనకోడళ్ళను ఎప్పుడూ సూర్యకాంతం టైప్‌లో చూడలేదు, తన కూతుళ్లను చూసినట్టే చూసింది. నా శ్రీమతి మా అమ్మను తల్లికంటే ఎక్కువగా చూసింది. కానీ అది ఎక్కువ కాలం కొనసాగించే అవకాశం మా అమ్మ ఇవ్వలేదు. అందుచేత ఈ సమస్య ఇతరులనునుండి గమనించినదే – కానీ మా ఇంటినునుండి తీసుకున్నది కాదు. ఇక నా పిల్లల విషయం వచ్చేసరికి, అలాంటి సమస్యను నా దరికి రానియ్యలేదు. అది నా గొప్పతనమేమీ కాదు, పిల్లలు సహకరించడం వల్లనే అది నాకు సాధ్యం అయింది. ‘అత్త లేని కోడలుత్తమురాలు’ అన్న పాటలా మా అమ్మాయి పెళ్లి అయ్యేసరికి అత్త గారు లేదు. అందుచేత సమస్య అనేది ఉత్పన్నం కాలేదు.

హైస్కూల్ విద్యార్ధినిగా దివ్య. నామ

నిజానికి నాకు ఆడపిల్లలు అంటే చాలా ఇష్టం. అందుకే నా కూతురు అంటే నాకు మహా ఇష్టం. ఇంత నిష్కర్షగా చెప్పడానికి కారణం నా ఇంటికి కోడలిగా వచ్చిన అమ్మాయిని కూడా అదే రీతిలో ఇష్టపడడం. నా కోడలుకూడా అత్తగారిని ఎంత గానో ప్రేమించడం, మామగారిని (నన్ను) తండ్రిని మించి గౌరవించడం ఇవన్నీ కలిసొచ్చిన అదృష్టాలు.

రచయిత కూతురు నిహార. కానేటి(ఎడమ), రచయిత కోడలు దివ్య. నామ(కుడి)

మా అమ్మాయి కూడా ఆమెను వదినలా కాకుండా ప్రాణ స్నేహితురాలిగా చూడడం, ప్రతివిషయం లోనూ కలిసి ఆనందించడం. ఇక్కడ ఆడపడుచు పెత్తనాలు అసలు వుండవు, అంతా ప్రేమగా మసులుకోవడమే ఉంటుంది. అదృష్టమో, దురదృష్టమో మేమంతా కరోనా భారిన పడినప్పుడు, మా బాబు, మా కోడలు చేసిన సేవ మా పట్ల చూపిన ప్రేమ అక్షరాలలో అందించలేనిది.

అత్తగారు (అరుణ), మేనకోడలు(ఆన్షి) తో దివ్య. నామ

ఫస్ట్ వేవ్/సెకండ్ వేవ్ కరోనా నుండి మా అమ్మాయి మమ్ములను రక్షించింది కానీ, థర్డ్ వేవ్‌లో మా అమ్మాయే ముందు కరోనా భారిన పడడంతో ఆ స్థానాన్ని కోడలు ఆనందంగా తీసుకుని, ఆ పాత్రకు న్యాయం చేసింది. ఇలాంటి వాతావరణం వున్నప్పుడు ఎలాంటి అరమరికలు వచ్చి శత్రువులుగా మారే అవకాశమే ఉండదు. కుటుంబ ఔన్నత్యాన్ని కాపాడుకోవాలన్న,సుఖ సంతోషాలతో గడపాలన్న అంతా మనచేతిలోనే ఉంటుంది.

రచయిత కొడుకు (రాహుల్), కోడలు (దివ్య)

అలాంటి కుటుంబాలు భావితరాలకు మాదిరిగా నిలుస్తాయి. అది తరతరాలకూ కొనసాగుతుంది. ఆ.. కుటుంబాలు ఆదర్శ కుటుంబాలుగా నిలుస్తాయి. కూతురిని కోడలిని, ఒకేమాదిరిగా చూసినప్పుడు, ఒకే మాదిరిగా ప్రేమించినప్పుడు, ప్రేమను పంచినప్పుడు అత్తా -కోడళ్ల సమస్య వచ్చే అవకాశమే లేదు. అత్తా ఒకింటి కోడలే..! అన్న విషయాన్ని అవగాహన చేసుకుంటే అనవసర అర్థరహిత సమస్యలు తలెత్తవు.

కూతురు నిహార కోడలు దివ్య తో… రచయిత

అందుకే అది మంచి అయినా, చెడ్డ అయినా, దానికి మనమే కారణం. అందుచేత మనల్ని మనం చక్కదిద్దు కోగలిగితే, అవగాహనా లోపం లేకుండా బ్రతకగలిగితే, అదే మార్గంలో పిల్లలని పెంచగలిగితే ఇక కావలిసింది ఏముంటుంది? అంతా ఆనందమయమే!

అపార్థాలకు ఆనకట్ట వేయగలిగితే అత్తాకోడళ్ళగురించి సరికొత్త నిర్వచనంతో చెప్పుకునే అవకాశం కలుగుతుంది.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా. కె.ఎల్ వి ప్రసాద్
March 6, 2022 at 7:02 am
నాచేత
ఇప్పటివరకూ100 ఎపిసోడ్ లు రాయిన్చిన
‘సంచిక ‘ సంపాదకవర్గానికి, ముఖ్యంగా శ్రీ కస్తూరి మురళీకృష్ణ గారికి,శ్రీ సోమశేఖర్ గారికి
హృదయపూర్వక ధన్యవాదాలు, కృతజ్ఞతలు.

—డా కె.ఎల్.వి.ప్రసాద్
హన్మకొండ జిల్లా

Reply
1. 1.1
  
  డా. కె.ఎల్ వి ప్రసాద్
  March 6, 2022 at 7:10 am
  శ్రీ సోమశంకర్ గారు
  
  Reply
2

Sambasiva+Rao+Thota
March 6, 2022 at 7:39 am
Prasad Garu!
Hearty congratulations to you for completing 100 episodes…successfully…
💐💐💐💐💐💐

Reply
3

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 7:52 am
Prasad Garu!
Hearty congratulations to you for completing 100 episodes…successfully…
💐💐💐💐💐💐
T.sambasivarao
Hyderabad.

Reply
1. 3.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 7:53 am
  Thank you somuch sir
  
  Reply
4

Sagar
March 6, 2022 at 8:08 am
చాలా బాగ వివరించారు సర్. సూర్యకాంతం గారు పాత్రపరంగ ఆ విదంగ వ్యవహరించేదే తప్ప వ్యక్తిగతంగ చాలా మంచిది అంటారు. ఇక అత్తాకోడళ్ళ విషయంలో జీవితంలో ఏది మనం పోగొట్టుకుంటామో అప్పుడే దాని విలువ తెలిసేది. అంటే అత్త ఉంటే ఆ పెద్దరికం, కోడలు ఉంటే ఆ చలాకీతనం ఉన్న ఇల్లు ఎప్పుడూ సందడిగా ఉంటుంది. వాళ్ళిద్దరు దూరంగ ఎవరిజీవితాలు వాళ్ళు బ్రతకడం అవసరం రీత్యా తప్పులేదు కానీ, మీరన్నట్లు సీరియల్ లో లాగ వేరుకాపురాలు ఆహ్వానించతగిన పరిణామంకాదు అని నా అభిప్రాయం. ఇక మీ విషయంలో విశ్రాంత జీవితం గడుపుతున్న మీకు, ఒద్దికైన కోడలు రావడం, అందరితో కలసి మెలగడం సంతోషించతగిన విషయం. మీకు అభినందనలు.

Reply
1. 4.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 8:49 am
  బాగా రాసారు
  ధన్యవాదాలు సాగర్.
  నా వంద ఎపిసోడ్ లు చదివిన పాఠకుడిగా మీకు
  హృదయపూర్వక కృతజ్ఞతలు.
  
  Reply
5

Bhujanga rao
March 6, 2022 at 11:33 am
జ్ఞాపకాల పందిరి 100 ఎపిసోడ్స్ లోకి విజయవంతగా ఆడిగిడిన సందర్భంలో మీకు హృదయపూర్వక అభినందనలు సర్.ఆడపిల్ల పెళ్లి అయిన తదుపరి ఆమె ఇంటి పేరు మార్చుకొని వారి ఇంటినుండి మా ఇంటికి మహాలక్ష్మి కోడలు వచ్చిన సందర్భంలో పరవశించి పోయే మామగారు,అత్తగారు ఉన్న మీ కుటుంబంలోకి మంచి మనసున్న కోడలు రావడం,అందరితో కలిసి మెలగడం సంతోషించ తగిన విషయం. ఒకరు ఎక్కువా మరొకరు తక్కువా కాదు,అందరూ సమానమని మీరు అనుభవంతో మంచి విషయాలు అందిస్తున్న మీకు నమస్కారములు డాక్టర్ గారు.🙏

Reply
1. 5.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 12:59 pm
  ధన్యవాదాలండీ
  భుజంగరావు గారూ
  
  Reply
6

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 12:57 pm
సహస్రాధిక జ్ఞాపకాలతో శతాబ్ది భాగాలను పూర్తి చేసికొని ఇంకా కొనసాగించాలనే డాక్టర్ గారి దృఢ సంకల్పానికి జోహార్లు !మొదటిగా నూరు భాగాలను పూర్తి చేయగలిగిన మీకు అభినందనలు.💐💐
    ఇందులో లో ఒక సాధారణ పాఠకుడిగా నేను మీ పట్ల అసూయ చెందే విషయం…. మీ మనో ఫళకము ఎంత విశాలమైనదో కదా! లేకపోతే ఎక్కడో ,ఎప్పుడో తారసపడిన వ్యక్తిని ,వ్యక్తులను వారి నుండి పొందిన చిరు సహాయాన్ని ,సలహాలను మరువకుండా, పేరుపేరునా వారిని పదే పదే ప్రస్తావిస్తూ, వారితో కలిసిన సన్నివేశాలను, మరీ ముఖ్యంగా మీరు పుట్టకముందే ఉన్న మీ బంధువర్గ సభ్యుల ఫోటోలను సేకరించి, వాటిని పదిలపరచి , తిరిగి అవి ముద్రించ కలిగిన విధానము అనితర సాధ్యం.
   సాధారణంగా చాలామంది ఉన్నత చదువులు చదివిన వ్యక్తులు కూడా, కొన్ని కొన్ని విషయాల పట్ల ముఖ్యంగా భవిష్యత్తులో అవసరమయ్యే ముఖ్యమైన డాక్యుమెంట్లు, నగదు చెల్లించిన రసీదులు, లేదా బ్యాంకు ఫిక్స్డ్ డిపాజిట్ సర్టిఫికెట్స్ , మరెన్నో వస్తువులను సరైన స్థానంలో పదిల పరచుకొనక ,అవసరమైనప్పుడు తిరిగి వాటిని సంపాదించడంలో, ఎంతో వ్యయప్రయాసలకు గురికావాల్సి వస్తున్న సన్నివేశాలు కోకొల్లలు . కాలక్రమేణా అవి బయటపడినా వాటి అవసరాలు అప్పటికీ గతించిపోయి ఉంటాయి. ఈ అలసత్వము లో మొదటి స్థానం నాదే అని నిస్సంకోచంగా తెలియజేస్తున్నాను.
మీతో పూర్వ పరిచయం స్వల్పమే కావున మీ జ్ఞాపకాల పందిరిలోని పూర్వ సగ భాగము చదవలేకపోయాను. పూర్తిచేసుకున్న ఈ నూరు భాగాలను ఒక సంకలన రూపంలో ముద్రించ కలిగే ఆలోచన ఏమైనా ఉంటే నాలాంటి వారికి ఆ విషయాలను కూడా తెలుసుకునే అవకాశం కలుగుతుందని భావిస్తాను.
        ఈ మహోత్తర ప్రస్థానాన్ని మీకు భవిష్యత్తులో తారసపడే సన్నివేశాలతో జోడించి రమణీయంగా అందిస్తారని ఆశిస్తూ… మిత్రుడు రామకృష్ణారెడ్డి సపిల్గూడ.

Reply
1. 6.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 12:58 pm
  మీ స్పందన కు ధన్యవాదాలండీ
  
  Reply
7

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 1:03 pm
Good morning sir Motta modatiga congratulations 💐100 episode ku attha kodalla sambandam gurinchi chala baga chepparu kodalini praise cheyadam me manchi vykthithvaniki nidarshanam photos chala bagunnayi sir 💐💐💐💐
Pramod.kusuma
Hyderabad.

Reply
1. 7.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 1:03 pm
  బాబూ
  మీ స్పందనకు ధన్యవాదాలు
  
  Reply
8

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 1:08 pm
జ్ఞాపకాల పందిరిలో 100 పూర్తి చేసిన సందర్భంగా శుభాకాంక్షలు
—జి.శ్రీనివాసాచారి
కాజీపేట

Reply
1. 8.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 1:08 pm
  ధన్యోస్మి
  
  Reply
9

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 3:13 pm
Chala bagundi…ade kakunda famili members
parichayam kuda.
—— సీతాదేవి
హైదరాబాద్.

Reply
1. 9.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 3:13 pm
  ధన్యవాదాలండీ
  
  Reply
10

డా. కె.ఎల్ వి ప్రసాద్
March 6, 2022 at 4:58 pm
Firstly congratulations on 100th episode 🎉
Excellent lines Brother on mother in-law and daughter in-law, we felt so proud when you expressed your feelings on Divya and we as parents feel so great 😊
–Alexander.Nama
Secunderabad.

Reply
1. 10.1
  
  డా. కె.ఎల్ వి ప్రసాద్
  March 6, 2022 at 4:58 pm
  Thank you brother.
  
  Reply
11

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 5:31 pm
అన్నయ్య గారు మొదట గా 100 ఎపిసోడ్స్ కంప్లీట్ చేసుకున్న శుభ సందర్భం గా మీకూ హృదయ పూర్వక అభినందనలు. ఈ ఎపిసోడ్ లో మీరు రాసినా అత్త కోడళ్ల మధ్య సంబంధం ఎలా ఉండాలో చక్కగా వివరించారు. Once again meeku abhinandanalu
—jaya Alexander
Secunderabad.

Reply
1. 11.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 5:31 pm
  అమ్మా
  మీ స్పందనకు ధన్యవాదాలు
  
  Reply
12

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 6, 2022 at 6:57 pm
Mamayya.. good evening. Mom just read me today’s Sanchika.
I feel so blessed to be featured and that too on the 100th episode of Sanchika. Nothing can beat this Mamayya!

Thank you Mamayya for writing about the relationship of me and Athamma on how our understanding, love, and bonding is just like a mother and a daughter and in general how Atha and kodalu were in the past and how it is in today’s day and age.

Also, I liked the way you described my relationship with Munni, she’s has become one of my pillars of strength Mamayya.

Actually, Mamayya if I look at it in a positive way kada God gave me an opportunity to serve you, Athamma, and the whole family during covid. Not only serve, but I also learned about family and got connected on a deeper level.

God has bestowed his blessing upon me by giving You and Athamma as another set of parents who love me so much and mean well. I am forever grateful 🥰❤️
Mrs.Divya.kanety(Nama)
Secunderabad.

Reply
1. 12.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 6, 2022 at 6:59 pm
  Thank you amma.
  Your understanding is
  Greatly appreciable.
  May God bless you
  Abundantly.
  
  Reply
13

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 7, 2022 at 7:32 am
మీ వంద అద్భుత జ్ఞాపకాలకు నమస్సులు మరియు శుభాకాంక్షలు సర్.ఎన్ని అనుభవాలను ,ఎన్ని అనుభూతులను మాకు పంచారు సర్ మీకు కృతజ్ఞతలు. ఈ రోజు మీరు స్పృశించిన అంశం నిజంగా అత్తలూ,
కోడళ్ళూ కలిసి చదవవలసిన ప్రాముఖ్యత కలది. కూతురంటే అమిత ప్రేమతో పాటు కోడలంటే కొడుకును దూరం చేసేది కాదు అన్న భావన అత్తగారికి ,అత్తంటే పెత్తనం కాదు మనకు భర్త అనే విత్తనం ఇచ్చిన క్షేత్రం అని కోడలూ గుర్తుంచుకొంటే మీ వంటి అందమైన ఆదర్శమైన కుటుంబాలు ఏర్పడతాయి.ఇలాంటి కుటుంబాలే కావాలి.మీలా అవగాహనతో ,ఆత్మీయతతోమసిలితే ఎంతటి ఆనందాన్ని పొందచ్చో మీరు పొందుపరిచిన అక్షరాల్లో తేటతెల్లం అవుతుంది సర్.నేటి సమాజానికి అవసరమైన ఆలోచనను అందించిన మీ అనుభవం గొప్పది సర్.మీ దివ్య గారు ఎంతో అదృష్జవంతులు.మీరంతా కలకాలం ఇంతే హాయిగా ఉండాలని మనస్ఫూర్తిగా కోరుకుంటున్నాము.మీ కుటుంబం అందరికీ అభినందనలు సర్💐💐💐💐🙏
—-నాగజ్యోతి శేఖర్
కాకినాడ.

Reply
1. 13.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 7, 2022 at 7:33 am
  అమ్మా….
  అంతే.అదే నిజం.ఆ ఆనందం నేను అనుభవిస్తున్న. కోడలును బట్టి అత్త, అత్త ను బట్టి కోడలు.కలసి రావాలి,అంతే.మీకు ధన్యవాదాలు
  —డా కె.ఎల్.వి.ప్రసాద్
  హన్మకొండ.
  
  Reply
14

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 7, 2022 at 8:19 am
శతమానం భవతి—మీజ్ఞాపకాల పందిరి నూరవ భాగానికి చేరిన సమయంలో అభినందనలు.
అత్తా కోడండ్ల విషయం nwver ending విషయం.బిడ్డ మేలుకోకముందే లేచి కాఫీనో చాయనో పెట్టిచ్చే అల్లుడు దేవుడు,కాని కోడలు ఆలస్యంగా లేచినప్పుడు కాఫీ పెట్టిచ్చే కొడుకు ఆడంగి వెధవ,కోడలు మొగుడిని కొంగున ముడేసుకున్న చాలాకిది.అత్త హోదా రాగానే మహిళల మనస్తత్వం ఎందుకు మారిపోతుందో అస్సలు అర్థం కాదు.ఐతే మీ రన్నట్టు వందశాతం జనరలైజ్ చేయటానికి వీలు లేని విషయమైనా,తరచూ చర్చించబడుతున్న అంశమే.అత్తా ఒకప్పటి కోడలే,సాంస్ భీ కభీ బహూ థీ అనే అంశంతో జీడిపాకం వంటి సీరియల్లు టీవీ లలో నడుస్తున్నా గణనీయమైన మార్పు వచ్చినట్టనిపించదు.20/30 ఏండ్లు తను పెంచిన ,తనమీదే ఆవార పడ్డ కొడుకు తన అవసరాలకోసం పెండ్లి కాంగనే పెండ్లాం మీద ఆధార పడటంశతో తన కు కొడుకు దూరమౌతున్నడన్న భావన కారణం కావచ్చు.గతంలో విన్న ,అనుభవించిన కుటుంబ విషయాలు కావచ్చు ,కోడలికి చనువిస్తే నెత్తినెక్కి కూచుంటుంది ఇప్పటినుంచే కట్టడిలో పిట్టక పోతే తన ఆధిపత్యానికో పెత్తనానికో ముప్పు కలుగుతుందనే అభద్రతా భావమో అత్తలను ఇట్లా చేస్తున్నదనిపిస్తది.
ఐతే ఇవాళటి మాడరన్ అమ్మాయిలు పెండ్లి సంబంధ్లు చూచేటప్పుడే మీకు ఎన్ని లగేజ్ లున్నాయనో ,మీ పేరెంట్స్ మనతోనే ఉంటరా అని ఆరా తీస్తున్న సంగతులు వింటున్నం,.ఒక కోడలైతే ,భర్తతో మీఅమ్మ గారు ముందరే చనిపోతే మీనాన్నను చూట్టానికి నాకభ్యంతరం లేదు కాని మినాన్న ముందరపోతే మీఅమ్మను మాత్రం నేను చూడనని భర్తతో అంటున్న సంగతి విన్నా నీమధ్య.అత్తలు కిచెన్ మీద పెత్తనం కోడలుకివ్వటానికి సుతరామూ ఇష్టపడరు .తన రాజ్యం పోతున్నంత ఫిలింగ్

మీరన్నట్టు సమరసంతో నడుస్తున్న కుటుంబాలు లేవా అంటే వాటి శాతం తక్కువ. ఇక్కడ ఒక్క విషయం.కొడుకు తల్లినీ భార్యనూ సమంగా మేన్ టేన్ లేదాఏనేజ్ చేయలేకపోత్న్నడు.వయసులో ఉండే సహజమైన కోరికలతో భార్య వైపు మొగ్గు తొలినాళ్ళలో ఎక్కువ ఉండటంతో తల్లి అనవసర తొందర పాటు,కొడుకు తల్లికి నచ్చ చెప్పలేకలేదా ప్రయత్నమే చేయక పోవటంతో సమస్య ఆరంభమై తొందరగా ముదురుతుంది.
ఏది ఏమైనా ఆసమస్యలు రాని కుటుంబాలు అదృష్టవంతమైనవి .
అనవసరంగా ఇంత సాగదీసినానేమో కదా డాక్టరు గారూ! శతదినోత్సవం చేసిన్రు,తర్వాత …ఇది ఇట్లా కొనసాగుతునే వుంటదిగదా .! ఏమైనా అధిఈప్రసంఖం చేస్తే పెద్ద మనసువచేసుకుని మన్నించండి.
నమస్కారం.—–
మీ రామశాస్త్రి

Reply
1. 14.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 7, 2022 at 8:20 am
  అధిక ప్రసంగం కానేకాదు శాస్త్రి గారు. ఇది అవసరమైన చర్చ.నా వ్యాసానికి మరింత వన్నె వచ్చింది మీ వ్యాఖ్యానంతో.కృతజ్ఞతలు మీకు.
  
  Reply
15

డి. వి. శేషాచార్య
March 7, 2022 at 10:09 am
వంద ఎపిసోడ్స్ పూర్తి చేసుకున్న సందర్భంగా అభినందనలు.
టి. వీ. సీరియళ్ళ గురించి చాలా తక్కువ గా స్పృషించారు. నిజానికి ఈ సీరియళ్ళు చేస్తున్న మహాపకారం ఇంతా అంతా కాదు. సాయంత్రం ఆరింటి నుండి తొమ్మిదిన్నర వరకు నానా గత్తర. అదేంటో ఏ సీరియల్ చూసినా లేడీ విలనిజమే.మరికొన్ని సీరియల్స్ లో అయితే భార్యతో పాటు ప్రియురాలిని ఏకంగా ఇంట్లోనే తెచ్చిపెట్టుకోవడం ఛ. ఛ. దరిద్రం. డబ్బిచ్చి తద్దినం కొనుక్కోవడం అంటే ఇదేనేమో.
మీరన్నట్లు అత్తల మనస్తత్వం మారాలి. ఆ సుదినం ఎప్పుడో!

Reply
1. 15.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 7, 2022 at 2:53 pm
  ధన్యవాదాలండీ
  మిత్రమా….
  
  Reply
16

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 7, 2022 at 2:51 pm
అందరి అత్తగార్లు అలావుండరు అందరి కోడళ్లు కుడాఅలావుండక పోవచ్చు మా అత్తగారైతే కొడళ్లతో తరచు గొడవ పడేదిమా అమ్మ కోడలు ఐతే ముందు కొంతకాలం గొడవపడే వారు .. రాను రాను చాలాబాగావుండేవారు ..ఇక రాబోయే కాలంలో అలాటివి చూడలేమే మో అనిపిస్తుంది అన్నయ్య..నువ్వు రచయిత వు కాబట్టి అలాచెప్పగలిగావు అందరూ నీలా ఆలోచిస్తే కుటుంబాలలో సమస్యలే ఉండవు 👍🙏🙏🙏
–కృష్ణ మూర్తి. కానేటి
హైదరాబాద్

Reply
1. 16.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 7, 2022 at 2:52 pm
  తమ్ముడూ
  ధన్యవాదాలు.
  
  Reply
17

Rajendra+Prasad
March 8, 2022 at 8:19 am
Yes sir. What you have written is happening in the society. If we have loving heart we can avoid the conflicts between daughter in law and Mother in law
– Rajendra Prasad

Reply
1. 17.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 8, 2022 at 9:40 pm
  Thank you
  Prasad garu.
  
  Reply
18

మొహమ్మద్+అఫ్సర+వలీషా
March 8, 2022 at 9:34 pm
హృదయపూర్వక శుభాకాంక్షలు శుభాభినందనలు సార్ మీకు 100 ఎపిసోడ్ ల జర్నీ విజయ వంతంగా పూర్తి చేశారు. చాలా సంతోషంగా ఉంది. మీ ప్రతి ఎపిసోడ్ మాకొక ఆదర్శం ,స్ఫూర్తి. చాలా విషయాలు తెలుసు కున్నాము , నేర్చుకున్నాము.ఒక గురువు గా మీ జ్ఞాపకాల పందిరిలో దాగిన ఎందరినో గుర్తు చేసుకుని వారిని మాకు పరిచయం చేయడం చాలా గర్వించదగిన విషయం. ఈ 100వ ఎపిసోడ్ అందరికీ ఓ మంచి స్ఫూర్తి దాయకం సార్ .మీ మంచి తనం మేడమ్ గారి మంచితనంతో చక్కని అర్థం చేసుకునే కోడలు అల్లుడు దొరకడం చాలా అదృష్టం సార్. ఒకరినొకరు అర్థం చేసుకుని స్నేహితులు గా మెలిగితే ఆ జీవితం లో అన్నీ సుఖసంతోషాలే అనే జీవిత సత్యాన్ని చాలా చక్కగా వివరించారు సార్ హృదయపూర్వక శుభాకాంక్షలు శుభాభినందనలు మీకు 💐🙏💐🙏💐🙏💐🙏💐🙏💐🙏💐🙏💐🙏💐🙏💐🙏💐

Reply
19

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 8, 2022 at 9:39 pm
హృదయపూర్వక శుభాకాంక్షలు శుభాభినందనలు సార్ మీకు 100 ఎపిసోడ్ ల జర్నీ విజయ వంతంగా పూర్తి చేశారు. చాలా సంతోషంగా ఉంది. మీ ప్రతి ఎపిసోడ్ మాకొక ఆదర్శం ,స్ఫూర్తి. చాలా విషయాలు తెలుసు కున్నాము , నేర్చుకున్నాము.ఒక గురువు గా మీ జ్ఞాపకాల పందిరిలో దాగిన ఎందరినో గుర్తు చేసుకుని వారిని మాకు పరిచయం చేయడం చాలా గర్వించదగిన విషయం. ఈ 100వ ఎపిసోడ్ అందరికీ ఓ మంచి స్ఫూర్తి దాయకం సార్ .మీ మంచి తనం మేడమ్ గారి మంచితనంతో చక్కని అర్థం చేసుకునే కోడలు అల్లుడు దొరకడం చాలా అదృష్టం సార్. ఒకరినొకరు అర్థం చేసుకుని స్నేహితులు గా మెలిగితే ఆ జీవితం లో అన్నీ సుఖసంతోషాలే అనే జీవిత సత్యాన్ని చాలా చక్కగా వివరించారు సార్ హృదయపూర్వక శుభాకాంక్షలు శుభాభినందనలు మీకు 💐🙏💐🙏💐🙏💐🙏💐🙏💐🙏💐🙏💐🙏💐🙏💐🙏💐

మొహమ్మద్ .అఫ్సర వలీషా
ద్వారపూడి (తూ గో జి )

Reply
1. 19.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 8, 2022 at 9:39 pm
  అమ్మా
  ధన్యవాదాలు.
  
  Reply
20

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 9, 2022 at 6:36 am
ఆడవారి మధ్య పరస్పర అవగాహన, ప్రేమాభిమానాలు ఉన్నపుడు వారు బాగుంటారు సార్. ఈ అవగాహన ముఖ్యంగా అత్తాకోడళ్ళు, ఆడబిడ్డ వదిన/మరదళ్ళ మధ్య అవసరం. మీ/మా ఇంట్లో కూడ ఉన్నందున సంతోషదాయకంగా,ప్రశాంతంగా గడపగలుగుతున్నాం.👌🙏😊
–డా. విద్యా దేవి ఆకునూరు
హన్మకొండ జిల్లా

Reply
1. 20.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 9, 2022 at 6:37 am
  అమ్మా
  ధన్యవాదాలు
  
  Reply
21

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 9, 2022 at 8:52 am
చాలా బాగుంది… మంచి విశ్లేషణ👏👏👏
—-డా. జి.ఎన్. రావు
హైదరాబాద్

Reply
1. 21.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 9, 2022 at 8:52 am
  ధన్యోస్మి.
  
  Reply
22

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 12, 2022 at 6:19 am
జ్ఞాపకాల పందిరి 100 లో అత్తాకోడళ్ళ వంటి సున్నితమైన అంశాన్ని చాలా అర్థవంతంగా చెప్పారు. పాతతరంలో అత్త కోడలిని రాచిరంపాన పెట్టిన సంఘటనలు కోకొల్లలు. ఈ తరంలో అటువంటి అత్తలు ఉండటం నిజంగా బాధాకరం. మానవత్వానికే మచ్చ. ఇక ఈతరం కోడళ్ల విషయానికి వస్తే, అత్తలకు సేవచేసే వాళ్ళు అరుదే. చాలా సందర్భాల్లో వృద్ధాశ్రమాలకు పంపుతున్నారు. ఇప్పుడు బంధాలు అనుబంధాలకు విలువేలేదు. కాలంతో పాటు పెను మార్పులు చోటుచేసుకుంటున్నాయి.
— జి.శ్రీనివాసాచారి
కాజీపేట.

Reply
1. 22.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 12, 2022 at 6:19 am
  చారిగారు
  ధన్యవాదాలు సర్.
  
  Reply
23

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 4:42 pm
From the olden days mother in law and daughter in law relationship is different. Because of that normal relationship between them looks abnormal and is very rare. It all depends on the luck of the family to get a good daughter in law. But it also depends on the behavior of the family towards her.
—–Dr.Manjula
Hyderabad.

Reply
1. 23.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:43 pm
  Thank you doctor.
  
  Reply