జ్ఞాపకాల పందిరి-102

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

మోసానికి మోసం సమాధానమా!!

మోసం – ఎవరూ ఆహ్వానించదగ్గ అంశం కాదు! మోసం చేయడం, మోసపోవడం ఈ మధ్యకాలంలో అధికంగా వినవస్తున్న మాటలు. నీతి – నిజాయితీ అనేవి పూర్తిగా కోల్పోయిన మనిషి మోసం చేయడానికి ప్రయత్నం చేస్తున్నాడు. కేవలం స్వలాభం మాత్రం చూసుకుంటున్న వ్యక్తి, సమాజ శ్రేయస్సును విస్మరిస్తున్నాడు. ఇప్పుడు మనం నివసిస్తున్న సమాజంలో మోసం లేని విభాగం అంటూ లేదు. మోసం నుండి తప్పించుకుని స్వచ్ఛమైన జీవితాన్నీ గడపడం ఇప్పుడు గగనం అయిపొయింది. మోసానికి ఎక్కడా హద్దులు లేవు. భార్యాభర్తల మధ్య, అన్నదమ్ముల మధ్య, కుటుంబ సభ్యుల మధ్య, బంధువర్గం మధ్య, వర్తకుడికి -వినియోగదారుడు, నాయకులు – ప్రజలు, మోసం సంచరించని ప్రదేశమంటూ లేదు. నిత్య పెళ్లికొడుకులా చలామణి అవుతూ అనేక పెళ్ళిళ్ళు చేసుకుని కట్నం కూడగట్టుకుని ఉడాయించే మోసగాళ్ల గురించి మనం వింటూనే వున్నాము. అమాయకపు ఆడపిల్లలను పెళ్లి చేసుకుంటామని చెప్పి అన్ని రకాల ఆమెను దోచుకుని ఆనక కనిపించకుండా అదృశ్యమై పోయేవాళ్లు ఎంతమందో!

మెరుగుపెడతామని బంగారం బాహాటంగా తీసుకుపోయే సంఘటనలు వింటూనే ఉంటాం. గల్ఫ్ దేశాల్లో ఉద్యోగాలు ఇప్పిస్తామని, అక్కడికి వెళ్ళాక బిచ్చగాళ్లుగా తయారు చేసిన ఉదంతాలు ఎన్నో.. ఎన్నెన్నో! ఇలా చెప్పుకుంటూ పొతే లెక్కలేనన్ని మోసాలు గురించి వింటుంటాం. ధనాశ గలవారు, దొంగనోట్ల మార్పిడిలోనూ, నమ్మించి చిట్టీలు వేయించి మొత్తం సొమ్ముతో కాలికి బుద్ధికి చెప్పిన సంఘటనలు రోజుకు ఒకటైనా వార్తాపత్రికల్లో చూస్తుంటాం. యెంత అప్రమత్తంగా ఉన్నా ఏదో విషయంలో మనం ఎక్కడో ఒకచోట మోసపోతూనే ఉంటాం. విద్యారంగము, వైద్యరంగము దీనికి ఏమాత్రం అతీతం కాదు. మోసం వెనుక వున్నది ఒకటే అంశం, ‘అత్యాశ‘. ఒకడు బాధపడుతుంటే (మోసపోయినవాడు), ఇంకొకడు ఆనంద పడుతుంటాడు (మోసం చేసినవాడు). కానీ అలంటి ఆనందం కేవలం తాత్కాలికం అన్న విషయం ఎప్పటికో కానీ తెలుసుకోరు.

అయితే మోసానికి మోసం సమాధానం అవుతుందా? అలా అయితే ఇద్దరికీ తేడా ఎక్కడ ఉంటుంది? మోసగాడిని సంస్కరించే దిశగా ప్రయత్నం చేయాలి గానీ, మరో మోసానికి తెర తీయకూడదు. మోసగాళ్లను గుర్తిస్తే, తక్షణం అధికారుల దృష్టికి తీసుకు రావాలి. ఆ అలవాటు అక్కడితో అంతం కావాలి. చాలామంది ఎంతో కస్టపడి సంపాదించుకున్న సొమ్ము అత్యాశతో, ప్రైవేట్ చిట్ ఫండ్స్‌లో పెట్టి, మోసపోయిన వారు ఎందరో! అందుచేత మోసగాళ్లను గుర్తించేదీ, వాళ్లకు సరైన గుణపాఠం చెప్పవలసింది ప్రజలు, సమాజమే. మరి చిన్న చేపల్ని పెద్ద చేపలు తిన్నట్టే, చిన్నవాళ్ళని పెద్దవాళ్ళు ఎలా మోసం చేసి రాక్షసానందం పొందుతారో తెలిస్తే బాధ కలుగుతుంది. అలాంటి వాళ్ళు మన లోనే వుంటే, మన బంధువులలోనే ఉంటే, మన కుటుంబంలోనే ఉంటే అది ఎంతటి దౌర్భాగ్యమో చెప్పడానికి మాటలు దొరకవు.

అలాంటి సంఘటన ఒకటి నా దృష్టికి వచ్చింది. అది నేను కలలో కూడా ఊహించనిది. ఆ వ్యక్తి ఎవరో కాదు నాకు అత్యంత సమీప బంధువు. ఇంతకు మించి చెప్పలేను ఆయన గురించి. పైగా ఆయన ప్రస్తుతం జీవించి లేరు. గమ్మత్తు ఏమిటంటే, ఆయన పరమ భక్తుడు, దేవుడంటే భయము, భక్తి వున్నవాడు. బంధువుల పట్ల ఆత్మీయత, అభిమానం, ప్రేమ, అమితంగా చూపించే వ్యక్తి. మామూలుగా చెప్పాలంటే, సహృదయుడు, మంచివాడు. కానీ ఒక్క విషయంలో ఆయన అసలు నచ్చలేదు సరికదా ఆయనంటే అసహ్యం పుట్టింది. ఆయన మంచితనం అంతా నా మనసులోనుండి తుడిచిపెట్టుకు పోయింది, ఒక సంఘటన వల్ల. మనుష్యుల అసలైన వ్యక్తిత్వాలు, మనస్తత్వాలు అలాంటప్పుడే బయట పడతాయనుకుంటాను.

మనిషి అసలు రూపం, స్వరూపం బయట పడితే అంతకు ముందు ఆ వ్యక్తి మీద వున్న అభిమానం, గౌరవం హరించుకుపోతాయి. ఇక్కడ, ఆ పేరు ఉచ్ఛరించలేని వ్యక్తి కొన్ని సంవత్సరాల క్రితం, కుటుంబ సమేతంగా మా ఇంటికి వచ్చారు. ఎప్పుడు వచ్చినా మా దగ్గర చాలా ఆనందంగా గడిపి వెళుతుంటారు. అలా వచ్చి నాలుగు రోజులు మా దగ్గర గడిపి తిరిగి వెళ్లిపోతున్న క్రమంలో, వారికి వీడ్కోలు పలికే నిమిత్తం నేను కూడ ఖాజీపేట రైల్వే స్టేషన్‌కు వెళ్లడం జరిగింది. విజయవాడకు రిజర్వేషన్ చేసుకొనక పోవడంతో, జనరల్ టికెట్లు కొనుక్కున్నారు. నేను కూడా వారితో పాటు ఫ్లాట్‌ఫామ్ నం. 3 కు వెళ్లాను. మధ్యలో ఆయన టిక్కెట్లు సరి చూసుకుని తనలో తాను నవ్వుకోవడం మొదలు పెట్టాడు. అది గమనించిన నేను “ఏమిటి మీలో మీరే నవ్వుకుంటున్నారు?” అని అడిగాను. ఆయన నవ్వుతూనే – “పిచ్చి బుకింగ్ క్లార్క్, ఇవ్వవలసిన దానికంటే ఎక్కువ డబ్బులు ఇచ్చాడు” అని అదేదో హాస్యానికి సంబందించిన విషయంలా ఆపకుండా నవ్వుతూనే వున్నాడు. అప్పుడు ఆయనను ముందుకు కదలకుండా ఆపి “మరి అతడు ఎక్కువ ఇచ్చిన సొమ్ము వాపస్ చేద్దాం పదండి, లేకుంటే అతని జీతంలో కోత పడుతుంది పాపం” అన్నాను. దానికి ఆయన కాస్త వెటకారంగా నవ్వుతూ – “మీరు భలేవారే, వాళ్ళు మనలాంటి వాళ్ళ దగ్గర డబ్బులు ఎలా కొట్టేస్తారో మీకు తెలుసా?” అన్నాడు.

“ఎవరో ఎక్కడో ఒకరు అలంటి వారు ఉంటారని అందరూ అలాంటివారి అనుకుంటే ఎలా?” అన్నాను.

“మీకు తెలీదు లెండి వాళ్ళ సంగతి” అని నన్నొక చేతకాని వ్యక్తిలా ఎగాదిగా చూస్తూ నోట్లు జేబులో కుక్కుకున్నాడాయన. నాకు ఆశ్చర్యమూ బాధ కూడా కలిగినాయి. నా బంధువుల్లోనే అలాంటి మనస్తత్వం వున్న వ్యక్తులు వున్నప్పుడు బయటి వారికి నేను ఏమి చెప్పగలను? ఎలా చెప్పగలను. నేనే నోరుమూసుకోవలసి వచ్చింది. రైలు రాగానే, ఎక్కి ఆనందంగా వెళ్లిపోయాడాయన. అప్పటినుండీ ఆయనంటే ఒకవిధమైన ఏహ్యభావం నాకు కలిగేది.

విద్యావంతులైన వారు సమాజ శ్రేయస్సుకోరి తప్పుచేసిన వారిని ప్రశ్నించవలసింది పోయి, వారు కూడా అదే తప్పు చేస్తే ఇక ఇద్దరికీ తేడా ఏముంటుంది? ఆరోగ్య ప్రదమైన సమాజం యెట్లా ఏర్పడుతుంది? ఇలాంటి వారు మన మధ్యనే ఎంతోమంది వుంటారు. బాధ్యతగల పౌరులుగా మోసం ఏ రూపంలో వున్నా దానిని ప్రతిఘటించవలసిందే! అది తిరిగి పునరావృతం కాకుండా చూడవలసిందే. దేశ పౌరులుగా ఇది అందరి బాధ్యతానూ. ఆ రోజు మా బంధువు చేత ఎక్కువ వచ్చిన సొమ్మును తిరిగి బుకింగ్ క్లార్క్‌కు ఇప్పించలేకపోయినందుకు ఇప్పటికీ నేను సిగ్గుపడుతూనే వున్నాను. ఆయన మాత్రం చచ్చి స్వర్గాన వున్నాడో, మరి ఎక్కడ వున్నాడో..!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 8:46 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—-డా కె.ఎల్.వి.ప్రసాద్
హన్మకొండ జిల్లా.

Reply
2

Sagar
March 20, 2022 at 8:55 am
మీరన్నట్లు అది తాత్కాలిక ఆనందమే సర్. అలాగే మోసానికి మోసం పరిష్కారం కాదు కానీ సంస్కరించడం అవసరం. ఇక మీ విషయంలో మీరు ప్రయత్నంచేశారు. కానీ ఆయన వినిపించుకోనందుకు మీరేమి చేయగలరు? ఇలాంటి సంఘటనలు తెలియచేసి మార్పుతేవాలనే మీ సంకల్పం ముదావహం. మీకు ధన్యవాదములు మరియు అభినందనలు సర్.

Reply
1. 2.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 9:33 am
  ధన్యవాదాలు సాగర్
  
  Reply
3

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 1:14 pm
మీమాటల్లోభావముచదువుతుంటే పెదనాయన గుర్తుకొచ్చారు…. ఒకసారికొబ్బరికాయలు (దొంగ తనంగాతీసినవి)మనషాపుకి తీసుకెళ్తే (నాయన కాయలుకొనేవారు కదా)అప్పుడేమన్నారోతెలుసాఅన్నయ్యా ఒరిచిన్నోడా ఇది మంచిపనికాదుర… ఇంకెప్పుడు ఇలాచేయకు అన్నారు. అదిప్పుడు నీలోకనిపించినది💐💐💐💐🙏
—–కృష్ణ మూర్తి. కానేటి
హైదరాబాద్ (దిన్టి)

Reply
1. 3.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 1:14 pm
  ధన్యవాదాలు తమ్ముడు.
  
  Reply
4

Bhujanga rao
March 20, 2022 at 2:48 pm
జ్ఞాపకాల పందిరి 102 మోసానికి మోసం పరిష్కారం కాదు,ఆ అనుభూతి చాలా పరిమితమైనది.వ్యక్తిగా మాననంత కాలం వ్యవస్థలో మార్పులు రావు.సృష్టి మారదు కానీ మన దృష్టి(బుద్ది) మారాలి.మీరు అతని భాధ్యతను గుర్తు చేసిన తరువాత కూడా స్పందించకపోగా తక్కువ చేసి మాట్లాడటం చాలా బాధాకరం. మంచి విషయాలు అందిస్తున్న మీకు అభినందనలు మరియు ధన్యవాదములు సర్.🙏

Reply
1. 4.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:04 pm
  భుజంగరావు గారూ
  మీ స్పందనకు ధన్యవాదాలు సర్.
  
  Reply
5

Shyamkumar chagal
March 20, 2022 at 3:11 pm
కాదె ది మోసానికి అనర్హం. కొత్త సామెత. కావాలని చేయక పోయినా, దాంతో ఇతరులకు నష్టం కలిగించే విధంగా పనులు చేయడం తప్పు. మన దైనందిన జీవితంలో యెన్నో రకాల మోసాలు. Dr.KLV ప్రసాద్ గారు చక్కగా వివరించారు.

ధన్యవాదాలు

Reply
1. 5.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:03 pm
  ధన్యవాదాలు మిత్రమా.
  
  Reply
6

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 4:02 pm
Konchem badha kaliginchindindi.sir.
—శ్రీమతి సుజనపంత్
హన్మకొండ.

Reply
1. 6.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:03 pm
  ధన్యవాదాలు మేడం.
  
  Reply
7

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 4:16 pm
సమాజం మంచి దారిలో నడ్స్వలనే మీ వ్యక్తీకరణ చాలా బాగుంది. అభినందనలు సార్💐
—-డా. డి.సుజాత
విజయవాడ.

Reply
1. 7.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:16 pm
  అమ్మా
  మీ స్పందనకు ధన్యవాదాలు.
  
  Reply
8

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 4:46 pm
Majority of the people does not bother about others. They see their own benefit and doesn’t think about others problem because of their behavior and don’t mind harming others.
—-Dr.M.Manjula
Hyderabad.

Reply
1. 8.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 4:46 pm
  Thank you
  Dr.Manjula.
  
  Reply
9

Rama Reddy Ganta
March 20, 2022 at 6:12 pm
చిన్న విషయాల లో కనిపించే నిజాయితీ మనిషి వ్యక్తిత్వనికి చిహ్నం. మంచి కి దారి వేయడానికి చెడు ను చూపక తప్పదు. మీ మాటల ధార ఆకట్టుకుంటుంది.
రామ రెడ్డి గంటా

Reply
1. 9.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 7:50 pm
  ధన్యవాదాలు సర్ మీకు
  
  Reply
10

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 7:48 pm
సార్… అతనుచేసింది మోసం కాదు, పాపం !ఒకరిసొమ్మును తెలిసి అపహరిస్తే అంతకు అంతా… వడ్డీతోసహా తీర్చవలసిందే ! కోరి పరాధనాన్ని మోసంచేసి అపహరించకపోయినా తనది కానిదాన్నితీసుకుపోయినందుకు,ఆ బాకీ తీర్చవలసిందే !
ఆ బుకింగ్ క్లర్క్ ఎప్పుడో ఎక్కడో తనదికానిదానిని తీసుకున్న ఫలితమిది !
ఇప్పుడు మీ బంధువుకూడా తస్కరించినదానికి బదిలీ తీర్చక తప్పదు !
అందుకే తెలిసినవాళ్ళు తమది కానిదాన్ని తాకటానికి కూడా ఇష్టపడరు ! మనం విచారించాల్సిన పని లేదు !
కార్య, కారణాలు వాటికవి అదృష్ట, దురదృష్టాల రూపంలో జరిగిపోతూనే ఉంటాయి. 🙏💐🙏
—కోరాడ నరసింహారావు
విశాఖపట్నం.

Reply
1. 10.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 7:49 pm
  కోరాడ వారూ
  మీ స్పందనకు ధన్యవాదాలు సర్.
  
  Reply
11

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 7:57 pm
Samaajam lo mosaniki chotu ivvakuda dani maarpu raavalani manchi message ni ee sanchikalo vivarinchaaru . Meeku dhanyavaadaalu annayya gaaru
–శ్రీమతి జయ అలెగ్జాండర్
అమెరికా.

Reply
1. 11.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 7:57 pm
  అమ్మా
  మీ స్పందనకు ధన్యవాదాలు.
  
  Reply
12

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 20, 2022 at 9:01 pm
Mosaniki mosamu parshikaramukaadu well said Brother 👍
–Sri Alexander. NAMA
USA

Reply
1. 12.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 20, 2022 at 9:01 pm
  Thank you brother.
  
  Reply
13

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 21, 2022 at 6:51 am
అప్పుడెప్పుడో ఆంధ్రజ్యోతి లో గురజాడ వారి కవితకు సంబంధించిన ఒక ప్యారడీ కవిత గుర్తొచ్చింది ..
సొంతలాభం
మానుకొనుటకు
అంతరాత్మలు
ఒప్పుకొనవోయ్ …
పాపం గురజాడ వారు సొంత లాభం కొంతనే మానుకోమన్నాడు కానీ సాంతం మానుకొమ్మన్లేదు … మీరు తెలిపిన మీ బంధువు ఆ క్లర్క్ జీతం లో కొంతే కదా మానుకునేది అనుకున్నాడేమో !! కాబట్టి అది మోసం కాదనుకుని ఉండొచ్చు , పైగా అది తనకు పూర్తి లాభం వచ్చిందన్న ఆనందమేమో పట్టనంత నవ్వు నవ్వుకున్నాడు … అట్లాంటి వ్యక్తులకు మనం ఏం చెప్పినా , ఎంత చెప్పినా తలకెక్కదు … మనమే అమాయకులమనుకుంటుంటారు … ఒక్కోసారి మనం పిచ్చివాళ్ళమని కూడా భావిస్తుంటారు ..
మీ స్వభావాన్ననుసరించి వారెంత ఆత్మీయులైనా వారిపట్ల ఒక నిరాదరణ కలగడం సహజం …
ఇవ్వాళ మారిన ప్రపంచానికీ , మనషుల మనస్తత్వానికీ ఆయనొక మోడల్ … పెరుగుతున్న అవినీతికి పునాదులు ఇట్లాంటి వాళ్ళే …
లోకంపోకడకు , మనం పెద్ద మనుషులనుకునే వాళ్ళ లోని చిన్నబుద్ధులకు ఈ కథనం ఒక చక్కని ఉదాహరణ…
–గన్నమరాజు గిరిజామనోహర్ బాబు
అమెరికా (హన్మకొండ)

Reply
1. 13.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 21, 2022 at 6:51 am
  మీ సహృదయ స్పందనకు ధన్యవాదాలు సర్
  
  Reply
14

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 21, 2022 at 2:06 pm
సంచిక 102
___________
మోసం గురించిన మీ అభిప్రాయాలతో పూర్తిజా ఏకీభవిస్తున్న.
వచ్చిన అవకాశంద్వారా మోసం చేసేవాండ్లు కొందరైతే,తామే అవకాశం తీసుకొని మోసానికి ఒక పథకంద్వారా పాల్పడేది కొందరు. చిట్టీలకు గ్యారంటర్ గా సంతకం పెట్టించుకొని చిట్టీలు డిఫాల్ట్ ఐ కోర్ట్ అటాచ్మెంట్కు గురై బాధపడ్డవారిని నే నెరుగుదును.ప్లాట్ నుచవగ్గా ఇప్పిస్తానని అడ్వాన్స్ తీసుకొని మళ్ళీ కనుపడకుండా పోయి కలిసినప్పుడు ఏదో సాకులు చెప్పి తప్పించుకునేది కొందరు.ఇట్ల మోస శాస్త్రం అంటూ ఒకటుంటదేమో.యండమూరి లాంటి వారెవరన్న మోసం చేయటం ఎలా అనే పుస్తకమూ రాస్తరేమో కూడా! శతకోటి దరిద్రానికి అనంతోటి ఉపాయాల వలె కొత్త కొత్త పద్ధతులు కనుక్కుంటున్నరు.
ఇటువంటి వాపి ముందర మీరు ఉదహరించినది చాలా తక్కువ తరగతికి చెందింది అన్నమాట.
లంచం తప్పనే అవగాహన ఉండాలె కాని లక్ష అయితే నే లంచం.ఒక పది రూపాయలకే పట్టుకుంటరా అని కొందరంటుంటరు.దీనికి కాళోజీ ఏమనేవాడంటే వ్యభిచారం అనైతికము .కాని ఫలానా సామాజిక వర్గంవారితో చేస్తే తప్పు గాదనేది అర్థం లేనిమాట.గా దాని తోటి పోతవా నీకింకెవరు దొరుక లేదా అని కొంతమంది అంటుంటరు.ఇది మనిషి అవగాహన లోనే లోపమున్నదన్న మాట.
మీరు చెప్పిన ఉదాహరణలో ఇచ్చే ఆయన పొరపాటున ఇచ్చిండు నేను కావాల్నని ఎక్కువ తీసుకోలేదుగదా.ఆయన ఎంతంది దగ్గర తక్కువ ఇచ్చో చిల్లర లేదనో ఎంత నొక్కుతున్నడో అనేది తను సమర్థించుకుంటున్నడుకాని అట్ల తీసుకోవటం అనైతికం అనుకోవటం లేదు. మనం చేస్తే లౌక్యం అవుతలి వాడు చేస్తేమోసం అన్న మధుర,వాణి మాటలు గుర్తు,చేసుకోవటం అవసరం.
నమస్తే. —రామశాస్త్రి

Reply
1. 14.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 21, 2022 at 2:07 pm
  ధన్యవాదాలండీ
  శాస్త్రి గారు.
  
  Reply
15

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 21, 2022 at 6:36 pm
మన జీవనగమనంలో, ఎందరో వ్యక్తులు తారసపడుతుంటారు. కొందరి నిజ స్వరూపం నిశిత పరిశీలనలో బయటపడుతుంది.

మన చుట్టూ ఉన్న మిత్రులు, బంధువులు, ఆత్మీయులు మనల్ని మోసం చేస్తుంటారు. అవసరాలకు వాడుకుంటారు. ఇటువంటి మనుషులు ఇతరులను మోసంచేయడానికి వెనుకాడరు. ఈరోజుల్లో, నీతినియమాలకు తావులేదు.
—–జి.శ్రీనివాసాచారి
కాజీపేట

Reply
1. 15.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 21, 2022 at 6:37 pm
  చారిగారూ
  ధన్యవాదాలండీ.
  
  Reply
16

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 22, 2022 at 11:29 am
నిజమే సర్ ఎంత గొప్ప భావనైనా గౌరవం అయిన కొందరి సంకుచితత్వం చూసినప్పుడు కరిగిపోతుంది. మానసిక లోపాల్ని సవరించడం అంత తేలిక విషయం కాకపోయినా మన వంతు ప్రయత్నం చేయక మానకూడదు అని చెప్పే ఈ అనుభవం ఒక పాఠమే సర్.మీ వంతు బాధ్యతగా మీరు యత్నించిన విషయం మీ నిజాయితీని ప్రతిబింబిస్తుంది.ఇలాంటి వ్యక్తుల పట్ల చిన్న ప్రయత్నమైనా చేసి తీరాల్సిందే. మనల్ని మనం చెక్ కోవాలనే అంతర్లీన సందేశం కూడా కనిపించింది నాకైతే.ఆవశ్యకమైన విషయం చెప్పారు సర్ ధన్యవాదాలు.🙏🙏💐
—-నాగజ్యోతి శేఖర్
కాకినాడ.

Reply
1. 16.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 22, 2022 at 11:30 am
  మీ స్పందన కు ధన్యవాదాలండీ
  
  Reply
17

Rajendra+Prasad
March 22, 2022 at 6:22 pm
I agree with you about such ones. I travelled in train with unconfirmed wait listed ticket in unreserved compartment along with my friend from Delhi to Hyd. Later we came to know the ticket is not valid even to travel in ordinary compartment.
Later on my friend insistence who is God fearing man, we bought two unreserved tickets from HYD- Delhi and didn’t use them. One should have clean concious to adhere to values and moralities.
– Rajendra Prasad

Reply
1. 17.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 23, 2022 at 11:42 am
  Yes,sir
  Thank you.
  
  Reply
18

Sambasiva+Rao+Thota
March 22, 2022 at 9:42 pm
Prasad Garu!
Naamatuku nenu chaalaa saarlu mosapoyaanu..
Adi naa amaayakathvam vallano..
athi manchi thanam vallano..
Yevarainaa neninthavaraku mosapoledu annaarante,adi patchi abadham..🤣🤣🤣
Sorry,if I heart anyone’s feelings 🙏

Reply
1. 18.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 23, 2022 at 11:41 am
  ధన్యవాదాలండీ.
  
  Reply
19

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
March 23, 2022 at 11:40 am
డాక్టర్ గారు నమస్కారం💐💐

                  మీరు అందించిన జ్ఞాపకాల పందిరిలోని 102వ ఎపిసోడ్ లో తెలియజేసినట్లు ఇటువంటి వ్యక్తులు కొంత శాతం ఉంటారు …అనటంలో ఎటువంటి అనుమానం లేదు. కానీ వారు తెలుసుకోలేని విషయం… ఆ విధంగా సమకూరిన ధనమైన, వస్తువైనా తన దగ్గర నిలవదు. ఏదో ఒక రూపంలో అంతకుమించి పోగొట్టుకోవడం జరుగుంతుంది.
    రైల్వే డిపార్ట్మెంట్లో ముఖ్యంగా రిజర్వేషన్ కౌంటర్ లో పనిచేసిన మాలాంటి వారికి ఇలాంటి సంఘటనలు నిత్యము అనుభవంలోకి వస్తూ ఉంటాయి. డబ్బులు పోగొట్టుకున్న బుకింగ్ సిబ్బంది ఏదో విధంగా అడ్రస్ సంపాదించి ,పాసింజర్ని కలిసి తిరిగి రాబట్టుకో కలుగుతారు. మీరు ఉదహరించిన మనస్తత్వం ఉన్న వ్యక్తి నుండి తిరిగి పొందలేక తన జేబు నుండి వేయవలసి వస్తుంది .
     ఇందులో మరో విషయం క్యాష్ ట్రాన్సాక్షన్స్ చేస్తున్న ప్రతి ఉద్యోగి ఎన్నో సందర్భాలలో క్యాష్ పోగొట్టుకోవటమే కాకుండా తెలిసో తెలియకో అధిక మొత్తంలో కూడా వసూలు చేస్తూ ఉంటారు .నిజాయితీ గల ఉద్యోగి తిరిగి అవతల వ్యక్తికి అందించడం జరుగుతోంది .అలా కాకుండా మీ బంధువులా ఆలోచించే వ్యక్తి “.. నేను పోగొట్టుకున్నప్పుడు తిరిగి వారు ఇవ్వలేదు కదా “అని సర్దిచెప్పుకొని జేబులో వేసుకోవడం జరుగుతుంది . కానీ అటువంటి సొమ్ము మన దగ్గర శాశ్వతంగా ఉండదు. మరో రూపంలో అది మనకు నష్టాన్ని కలిగిస్తుంది… అనే నగ్న సత్యాన్ని చాలాకాలం క్రితమే అనుభవపూర్వకంగా తెలుసుకోగలిగిన వ్యక్తులలో నేనూ ఒకడినే.. అని నిస్సంకోచంగా తెలియజేస్తున్నాను
–బి.రామకృష్ణా రెడ్డి
సికింద్రాబాద్.

Reply
1. 19.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 23, 2022 at 11:40 am
  ధన్యవాదాలు
  రెడ్డి గారు.
  
  Reply
20

మొహమ్మద్+అఫ్సర+వలీషా
March 24, 2022 at 1:17 pm
మీ ప్రతి మాట లో సందేశం లో మీ నడవడికలో నిజాయితీ ప్రస్ఫుటంగా కనిపిస్తుంది సార్. మీరు నడిచే నిజాయితీ అయిన ఆదర్శాల బాటలో మమ్మల్ని పయనించేలా స్ఫూర్తి దాయక వ్యాసాలతో వారం వారం మమ్మల్ని ఉత్తేజితుల్ని చేస్తున్న మీకు హృదయపూర్వక ధన్యవాదాలు సార్ .మీ అమూల్యమైన 102 వ జ్ఞాపకాల పందిరిలో దాచిన జ్ఞాపకానికి హృదయపూర్వక శుభాకాంక్షలు శుభాభినందనలు సార్ మీకు 💐💐💐💐💐💐💐💐💐💐💐💐💐💐💐🙏🙏🙏🙏🙏

Reply
1. 20.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  March 24, 2022 at 1:44 pm
  అమ్మా
  మీ సహృదయ స్పందనకు
  ధన్యవాదాలు.
  
  Reply