జ్ఞాపకాల పందిరి-146 | సంచిక - తెలుగు సాహిత్య వేదిక

జ్ఞాపకాల పందిరి-146

భర్తలే కాదు.. భార్యలు కూడా..!!

‘వివాహము అన్ని విషయములలోనూ ఘనమైనది’ అని బైబిల్ చెబుతున్నది.

పెళ్లి విషయంలో ఏ మత గ్రంథమైనా ఇదే అర్థం స్ఫురించేలా చెప్పి ఉండవచ్చు.

అందుచేతనే జీవితంలో ప్రతి వ్యక్తికీ వివాహానికి, వివాహ బంధానికి, వైవాహిక జీవితానికీ ఎంతో ప్రత్యేకతా, ప్రాముఖ్యతను కలిగి వున్నాయి. అందుకేనేమో ‘పెళ్లంటే నూరేళ్ళ పంట’ అంటారు. దీనికోసం ముహూర్త బలం చూసుకుంటున్నాము, మంచి రోజు ఎంచుకుంటున్నాం, మంచి సమయాన్ని కోరుకుంటున్నాం. కావలసిన బంధుమిత్ర శ్రేయోభిలాషుల మధ్య ఘనంగా వివాహం జరిపిస్తున్నాం.

ఇదంతా ఎందుకు? వారి సంతోషమయ జీవితం కోసం, అలాగే సుఖ సంసారం కోసం, ఆ తర్వాత పిల్లలు, వాళ్ళ పెంపకం, వారి భవిష్యత్తు, సమసమాజ నిర్మాణం కోసం ఈ పెళ్లి అనే భార్యాభర్తల కలయిక. ప్రేమ వివాహం అయినా, పెద్దలు కుదిర్చిన పెళ్లి అయినా, ఆ వైవాహిక జీవితం శుభప్రదంగా నిలబడాలాంటే, భార్యాభర్తల మధ్య సఖ్యత ఉండాలి, ప్రేమ ఉండాలి, సంతోషమయ సుఖ జీవనం పట్ల మంచి అవగాహన ఉండాలి. అప్పుడే ఆ సంసారాలు బ్రతికి బట్టకడతాయి. సమాజంలో మాదిరిగా నిలుస్తాయి. ఇలా వుండాలనే ప్రతివాళ్ళూ కోరుకుంటారు.

అయితే ఈ వివాహ వ్యవస్థలో అప్పటినుండి ఇప్పటివరకూ మగాడిదే పై చేయిగా చెబుతూ వచ్చింది. భార్య అంటే కేవలం వంటింటికే పరిమితం అని, పిల్లల్ని కనే యంత్రం మాత్రమే అని భావిస్తూ వచ్చారు, ఇది కాదనలేము. కొన్ని వర్గాలలో భార్య అంటే కేవలం ఒక బానిస, నాలుగు గోడల మధ్య నలిగిపోయే మానవ జంతువు. అలా స్త్రీ మానసికంగానూ, శారీరకంగానూ, మగాడి చేతిలో హింసకు గురి అవుతూ వచ్చింది. ఎన్ని హింసలకు గురి అయినా భర్త కాళ్ళ వద్ద పడి ఉండాల్సిన దౌర్భాగ్యపు పరిస్థితి అది. శరీరం సహకరించక పోయినా, స్వయంగా ఇష్టం లేకపోయినా భర్త సుఖం కోసం బలి పశువుగా, చిత్ర హింసలు లేదా గృహ హింసలు మౌనంగా భరించాల్సి వచ్చింది స్త్రీకి. పిల్లలు పుట్టకపోతే గొడ్రాలు అని ఎత్తి పొడవడం, మరో పెళ్లి చేసుకుంటానని భర్త బెదిరించడం, కట్నం తేలేదనీ, తెచ్చింది సరిపోలేదని పెట్టే హింసలకు అసలు కొదవు లేదు. ఈ చరిత్రను ఎవరూ కాదనలేరు. అందువల్లనే వీటికి చెక్ పెట్టడం కోసం, కొన్ని మహిళాసంఘాల ఉద్యమాల వల్లనైతేనేమి, మరో కారణాల వల్లనైతేనేమి, ఈ స్త్రీమూర్తుల రక్షణ కోసం ప్రభుత్వం కొన్ని చట్టాలు తెచ్చింది. ప్రాథమిక దశల్లో ఈ చట్టాలు చాలా ఉపయోగపడ్డాయి. ఎప్పుడయినా, ఎక్కడైనా, ఒక మంచి జరిగితే, దానికి సమానంగా చెడు కూడా కలసి ప్రయాణిస్తుంది. ఈ చట్టం విషయంలో కూడా అదే పని జరిగింది, క్రమంగా చట్టం దుర్వినియోగం కావడం మొదలుపెట్టింది. అయినదానికీ, కానీ దానికీ భర్తల మీద కేసులు పెట్టడమే కాదు, భర్త కుటుంబ సభ్యుల మీదా సన్నిహితుల మీదా కేసులు పెట్టి జైలుకు పంపి కసి తీర్చుకోవడం అలవాటుగా మారింది. చట్టం దుర్వినియోగానికి తలుపులు బాహాటంగా తెరుచుకున్నాయి. ఇదుగో ఇలాంటి సందర్భంలోనే ‘భార్యా బాధిత సంఘాలు’ ఆవిర్భవించడం మొదలైంది. అసలు విషయంతో పాటు, తెరచాటున ఉంటూ వచ్చిన భార్యల హింసలు కూడా బయటకు రావడం మొదలు పెట్టాయి. అయినా సమాజం స్త్రీనే వెనకేసు కొచ్చింది.

గతంలో స్త్రీ పరిస్థితి పక్కన పెడితే, నేటి మహిళల పరిస్థితి అప్పటికంటే చాలా మెరుగ్గానే ఉందని చెప్పాలి. దానికి కారణం, విద్య, తద్వారా, ఉద్యోగం, సంపాదన, తన కాళ్ళమీద తాను నిలబడగలననే గట్టి నమ్మకం. ఇది ఆహ్వానించదగ్గ విషయమే! కానీ ప్రస్తుత పరిస్థితిలో యువతులు వివాహ వ్యవస్థ పైన ఏమాత్రం గౌరవం లేకుండా ప్రవర్తించడం బాధాకరమైన విషయం. అయితే ‘యువకులకు వివాహ వ్యవస్థ పట్ల గౌరవం ఉందా?’ అని కొందరు ప్రశ్నించవచ్చు. అయితే మగాడికి ఎలాగూ చిరకాలం నుండి ప్రత్యేకమైన ముద్ర పడిపోయి వుంది కాబట్టి వాడి గురించి ఇక్కడ ప్రత్యేకంగా చెప్పవలసిన అవసరం లేదనుకుంటాను.

ఈ రోజున ఫ్యామిలీ కోర్టుల నిండా ఇలాంటి వారితోనే కిటకిట లాడడం ఆశ్చర్యాన్నీ బాధనూ కలుగజేస్తాయి. పెళ్లయిన మూన్నాళ్లకే పెటాకులు కావడం ఆహ్వానించదగ్గ విషయం కాదు కదా! ఒకప్పుడు ఈ తొందరపాటు చర్యలకు మగపిల్లలే ముందుండేవారు. ఇప్పుడీ అన్నిరంగాలలో మాదిరిగానే ఆడపిల్లలు కూడా మేము సైతం అంటున్నారు.

అమెరికాలో వున్న ప్రేమించిన అబ్బాయిని పెళ్లి చేసుకోవడం కోసం, మరో అమెరికాలో ఉంటున్న అబ్బాయిని పెళ్ళి చేసుకుని, తద్వారా విదేశాలకు వెళ్లి పెళ్లి చేసుకున్న అబ్బాయి మీద రకరకాల నిందలు మోపి, అతనితో సంసారం చేయక, చివరకు అవసరమైన విడాకులు పొంది, ప్రేమించిన వాడిని పెళ్లి చేసుకున్న సందర్భాలు ఎన్నో వింటున్నాము. అలాగే, ఒక విదేశంలో పర్మనెంట్ రెసిడెన్సీ సదుపాయం పొందడానికి, అదే దేశంలో ఉంటున్న ఒక అబ్బాయిని పెళ్ళి చేసుకుని, ఆనక పి.ఆర్. వచ్చాక అర్థం లేని గొడవలు పెట్టుకుని, విడాకులు తీసుకుని, వచ్చిన డబ్బుతో సకల భోగాలూ అనుభవిసున్న వాళ్ళు వున్నారు.

కొందరు కలిసి వున్నా బలవంతంగా సంసారం చేస్తూ భర్తలను ముప్పతిప్పలు పెట్టే ఆడపిల్లలూ తయారైనారు. ఇది చాలా బాధాకరమైన విషయం. ఆడపిల్లలైనా మగపిల్లలైనా, వారి జీవితాన్ని అంతా సుందరమయంగా ఊహిస్తారు. అందరికీ వాళ్ళు ఊహించిన జీవితం అందుబాటులోకి రాకపోవచ్చు. అలా అని నిరుత్సాహపడడం సరికాదు. కొన్ని విషయాలలో త్యాగం తప్పదు. అనుకున్నవి దక్కడం అందరికీ సాధ్యం కాదు. చిన్న చిన్న త్యాగాలతో ఆనందమయ జీవితం కోసం శ్రమించాలి గాని, క్షణికోద్రేకంతో ప్రేమలో పడ్డట్టే క్షణికమైన నిర్ణయాలతో జీవితాలు పాడు చేసుకోకూడదు. ఇది ఆడ మగ ఇద్దరికీ వర్తిస్తుంది. సుఖంగా, సంతోషంగా సాగవలసిన జీవితాలు కేవలం స్త్రీల (భార్యలు) వల్ల, ఎలా నాశనమై పోతాయో ఒక ఉదాహరణ (నాకు అతి సమీప బంధువుల ఉదంతం) ఇక్కడ వివరిస్తాను.

వాళ్లిద్దరూ దగ్గర బంధువులే! వాళ్లిద్దరూ (ఆమె భ్రమింప జేసింది అతగాడిని) ప్రేమించుకున్నారట! పేద అమ్మాయిని చేసుకుంటే జీవితం బాగుంటుందని, తల్లిదండ్రులను ఒప్పించి పెళ్లి చేసుకున్నాడు. అప్పటికి అతడు ఉద్యోగం చేస్తున్నాడు, ఆమె మాత్రం నిరుద్యోగి. ఆమెకు ఉద్యోగం వచ్చిన తర్వాత ఆమె వ్యవహారం పూర్తిగా మారిపోయింది. పనులన్నీ అతని చేతనే చేయించేది. సందర్భం లేకపోయినా చీటికీ మాటికీ రుసరుసలాడడం, అతని తల్లిదండ్రులను, తోబుట్టువులను ప్రతి దానికి దెప్పిపొడవడం, ఇక చెప్పకూడనివి బోలెడన్ని. అతను మాత్రం తమ బ్రతుకు బస్టాండ్ కాకూడదని ఇద్దరు పిల్లలూ డిగ్రీకి వచ్చేవరకూ చాలా ఓపిక పట్టాడు. ఈ లోగా ఆమె చేయవలసినంత నష్టం చేసేసింది. పిల్లలకి తండ్రి గురించి వున్నవి, లేనివి చెప్పి, అతడిని వాళ్ళ దృష్టిలో ఒక విలన్‍గా మార్చి, వాళ్ళ మస్తిష్కాలను విషతుల్యం చేసింది. పిల్లలు పెద్ద వాళ్ళయినా, తల్లి తప్పుడు ఆలోచనలకు లొంగిపోయారు, వాళ్లకి ఆలోచించే మెదడు మొద్దు బారిపోయింది.

తల్లి మాదిరిగానే, పిల్లలు కూడా తండ్రి మీద పగ పెంచుకున్నారు. అది ఎందుకో పిల్లలకి కూడా తెలియకుండానే అది జరిగిపోయింది. జరగవలిసిన దానికంటే నష్టం ఆ కుటుంబానికి జరిగిపోయింది. కేవలం ‘ఆమె’ వల్ల. ఇప్పుడు వారి జీవితాలు చెల్లాచెదురు అయ్యాయి. ఎవరికి వారే యమునాతీరే అన్న చందం అయింది. కేవలం ఆమె కసి (ఎందుకో మరి ఆమెకే తెలియదు), అహంకారం, బాధ్యతా రాహిత్యం సంసారాన్ని చెరువులో తొక్కేసినట్టయింది. సుఖంగా బ్రతకవలసిన వాళ్ళు అయోమయంలో పడ్డారు. ఇది వింటే చాలా బాధ అనిపిస్తుంది. కేవలం ఇది ఒక ఉదాహరణ మాత్రమే! మన సమాజంలో మనకు తెలియకుండా ఇంకా ఎందరో.. అన్యోన్య జీవితాలకు ఇరువైపులా నుండీ ఏంతో కొంత త్యాగం అవసరం. లేకుంటే అనవసరంగా చక్కగా సాగవలసిన సంసారాలు కుప్పకూలిపోతాయి. ఇక్కడ స్త్రీలను (భార్యలను) గురించి మాత్రమే ప్రత్యేకించి చెప్పడంలో నా ఉద్దేశం, కుటుంబంలో హింసించే భర్తలే కాదు భార్యలు కూడా వివిధ రూపాల్లో ఉన్నారని.

అవగాహన పెంచుకో

ప్రేమను పంచుకో!..

అన్యోన్య సంసారిక జీవితానికి

పునాదిని ఎంచుకో..!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
January 22, 2023 at 7:58 am
Gd Mng Doctor garu,
Family break ups are mainly because of lack of understanding from the girls side. The reasons being financial freedom and also the pamparing by parents thereby the adjusting nature is totally lacking.
Of course, this is purely my observation.
—–Suryanarayana rao
Ex.DGM…..SBI
HYDERABAD.

Reply
1. 1.1
  
  డా కె.ఎల్.వి.ప్రసాద్
  January 22, 2023 at 7:59 am
  It’s TRUE sir
  Thank you
  
  Reply
2

Sagar
January 22, 2023 at 8:12 am
నాణేనికి రెండూవైపులా ఉన్నట్లే సంసారానికి భార్య భర్త. మీరు అన్నట్లు చిన్న పాటి త్యాగాలు కచ్చితంగా అవసరం సర్. ముఖ్యం గా వీలున్నంతవరకు మూడో వ్యక్తి ప్రమేయాన్ని నివారించి భార్య భర్తలిద్దరు స్వంతం గా పరిష్కరించుకొంటే చాలావరకు వివాదాలు సద్దుమణుగుతాయి అని నా అభిప్రాయం సర్. మంచి వ్యాసం అందించిన మీకు ధన్యవాదములు.

Reply
1. 2.1
  
  డా కె.ఎల్.వి.ప్రసాద్
  January 22, 2023 at 6:54 pm
  సాగర్
  నీ స్పందనకు ధన్యవాదాలు.
  
  Reply
3

Shyam Kumar Chagal
January 22, 2023 at 8:30 am
ప్రస్తుత సమాజంలో సమకాలిన పరిస్థితుల, పరిస్థితులలో జరిగే అతి ముఖ్యమైన అంశం మీద రచయిత గారి విశ్లేషణ నూటికి నూరుపాళ్ళు నిజమే అని చెప్పాలి.
విద్యా మరియు సంపాదనతో ఆర్జించుకున్న మనోధైర్యంతో నేటి యువతీ ఈ వివాహ వ్యవస్థలో మంచి తో పాటు చెడు పాత్ర కూడా అద్భుతంగా పోషిస్తూ ఉంది అనడంలో సందేహం లేదు. చట్టంలోని లొసుగులను ప్రతి దుర్మార్గుడు తనుకు అనుగుణంగా మార్చుకుని న్యాయాన్ని తన చెప్పు చేతుల్లో పెట్టుకుంటున్నట్లుగానే ఈనాటి యువతి ప్రభుత్వాలు ఏర్పరిచిన కొత్త చట్టం పరిధిలో భర్తను వారి వారి బంధుమిత్రులను కూడా ఇబ్బందుల పాలు చేసి ఆర్థికంగా లాభం పొందుతున్నారు. నేడు డైవర్స్ అని వెళుతున్న యువతి చాలావరకు డబ్బు మీద ఆపేక్షతోనే లేదా వివాహేతర సంబంధాల పైన మక్కువతోని అని చెప్పడంలో సందేహం లేదు. మరికొందరు అవగాహన లేనందున వారి వారి బంధుమిత్రుల సలహాలతో వివాహ వ్యవస్థను చిన్నబిన్నం చేసుకుంటున్నారు. స్త్రీల గురించి ఏర్పర్చిన ప్రత్యేకమైన ఆ చట్టం అంతిమంగా మగాడి దగ్గర నుంచి డబ్బులు లాగడం తో పూర్తిగా విజయం సాధిస్తుంది. అంతవరకు భర్త మీద చేసిన ఆ బాండాలు ఆయన పెట్టిన ఆగడాలు అన్ని ఎటో కొట్టుకుపోయి ఆ తగాదా వలన విడిపోతున్న భార్యకు ఎంత మేరకు ధనం చేకూరుస్తుంది అన్నదే ముఖ్య విషయం అయిపోతుంది.
ఒకవేళ భర్త పెట్టిన బాధలు నిజం అయినట్లయితే వారికి శిక్ష పడాలి కానీ అంతిమంగా డైవర్స్ తీసుకుంటున్న యువతి కోరేది డబ్బులు మాత్రమే. ఇంతకుమించి రాక్షసుడని చెప్పిన ఆ భర్తకు ఎటువంటి శిక్ష పడటం లేదు. ఎందుకో మరి ఇది అందరూ ఆలోచించాల్సిన విషయం. మన చట్టంలో ప్రతి నేరానికి ఒక శిక్ష అంటూ ఉంది. భర్తతో బాధింపబడ్డ స్త్రీ మాత్రం మీద శిక్ష గురించి ఏమాత్రం పట్టించుకోకుండా అతని వద్ద నుండి సాధ్యమైనంత వరకు పెద్ద మొత్తంలో డబ్బులు తీసుకుని హాయిగా నవ్వుతూ కోర్టు మెట్లు దిగుతుంది. కాదంటారా?

Reply
1. 3.1
  
  డా కె.ఎల్.వి.ప్రసాద్
  January 22, 2023 at 6:55 pm
  శ్యాం
  నీ స్పందనకు ధన్యవాదాలు
  మిత్రమా..
  
  Reply
4

Rajendra Prasad
January 22, 2023 at 10:26 am
నిజమే! ఈ మధ్య భార్యా బాధితుల సంఖ్య పెరుగుతోంది. కొంతవరకు భర్త కూడా దీనికి కొంతవరకు కారణం అవ్వవచ్చు. ఏదైనా సమస్యను దూరం పొయ్యేదాకా పోనివ్వకుండా పరిష్కరించుకోవాలి. బాధాకరమైనా చర్చించుకోవాలసిన విషయమే

Reply
1. 4.1
  
  డా కె.ఎల్.వి.ప్రసాద్
  January 22, 2023 at 6:53 pm
  అవునండీ
  ధన్యవాదాలు
  ప్రసాద్ గారూ
  
  Reply
5

Bhujanga rao
January 22, 2023 at 12:44 pm
వివాహం చాలా పవిత్రమైన బంధం,గొడవపడటం, తిట్టుకోవడం ,విడిపోవడం కాదు శాశ్వత బంధం.బంధాలు శాశ్వతంగా తెగిపోకుండా ఉండాలి,కుటుంబంలో ఎన్ని కీచులాటలు ఉన్న సమాజంలో పరువును నిలబెట్టుకోవాల్సిన బాధ్యత ఇద్దరికి ఉండాలి,గొడవ పడినా విడిపోకుండా ఉండే బంధం చాలా గొప్పది. అర్ధం చేసుకునే భార్య దొరికితే(భర్త) ఏమి లేనివారు కూడా హాయిగా జీవిస్తారు.ఎన్ని చట్టాలు తెచ్చినా సమాజంలో మార్పు రావాలి.వస్తుందని ఆశిద్దాం మంచి విషయాలు అందిస్తున్న మీకు హృదయపూర్వక నమస్కారములు🙏.

Reply
1. 5.1
  
  డా కె.ఎల్.వి.ప్రసాద్
  January 22, 2023 at 6:52 pm
  భుజంగరావు గారూ
  మీ స్పందనకు ధన్యవాదాలు సర్
  
  Reply
6

డా కె.ఎల్.వి.ప్రసాద్
January 22, 2023 at 6:50 pm
146 వ సంచిక.
మీరు చెప్పినట్టు నడుస్తున్న వ్యవహారం చాలా సీరియస్గా సమాజం ఆలోచించవలసిన అవసరం వున్నది.
పాతకాలం మాట వేరు .ఆకాలం సినిమాలలో కూడా భార్యలు నేను మీపాదదాసినండీ మీపాదాలదగ్గర ఇంత చోటివ్వండి అనిబతిమిలాడేది.
ఇప్పుడు ప్రేమవివాహమంటే నే ఎన్నిరోజులు నిలుస్తుందో ఈపెండ్లి అని అనుకునే రోజులు పాతకాలంలో భార్యను ఒసే అని కొందరైథే మనిషీ అని పిలువటం నేనెరుగుదును .ఇప్పుడు భార్యలు ఏరా అనీ పిలూస్తున్నరు అంత ప్రేమ అవగాహన వుంటే మంచిదే.
మహిళకు ఆర్థికస్వాతంత్ర్యం వస్తే వాండ్ల జీవితాలు మెరుగు పడతాయని ఎందరో సామాజిక కార్య కర్తలు ,బుద్ధి జీవులు ఆశిఅఅంచినారు,ప్రోత్సహించినారు.
ఇప్పుడు మహిళలు కుటుంబానికి ఇస్తున్న నిర్వచనమే మారిపోయింది.
పెండ్లికి ముందే మీకేమైనా లగేజి వుందా ,పాతవస్తువులేమైనా వున్నయా మీఇంట్లో అని అడుగుతున్నరు అమ్మాయిలు 20/30 ఏండ్లు పెంచి పెద్ద చేసి విద్యాబుద్ధులు చెప్పించిన పిల్లలు తమను జీవితచరమాంకంలో కనిపెట్టుకొని వుండాలను కోవటం తప్పా? తను తన భర్త థమ పిల్లలు మాత్రమేకుటుంబం అనుకుంటున్న స్థితి మారాలె. ఇప్పుడు అమెరికాలో రెండు చేతులా కాదుకాదు న్ల్గుచేతుల సంపాదిస్తున్న భార్యాభర్తలకు తమ పిల్లలను శైశవంలో కనిపెట్టివుండే ఆయాలవలె పనిచేసే తలిదండ్రులు కావాలె.డెలివరీకి మా అత్తయ్య వాండ్లు వస్తున్నరు,మహా అయితే ఆరునెలలవరకుంటరు వాండ్లు వారు పొయ్యేసమయానికి మీరు వచ్చేటట్టు టికెట్లు,బుక్ చేస్తున్న అని తలిదండ్రులను కొడుకులంటున్నరు
ప్రేమవివాహ్లన్నీ అట్లనే అనటం లేదు కాని మెజారిటీ అట్లనే.డబ్బు అహం మొరటనిపిస్తదేమో ఇగో పెరిగిపోవటానికిశకారణమవుతున్నది.
పూర్వం రెండు మూడుతరాలవరకు కలిసివుండే ఉమ్మడికుటుంబాలను చూడలేదామనం.
అదంతా పాతసంఖతి అని దులిపేయవచ్చు .కాని అప్పుడు డబ్బుపాత్ర చాలాతక్కువ.ప్రేమవివాహాలూ తక్కువే.
ఏ అమ్మాయినైనా చూడగానే పెండ్లిచేసుకోవాలనుకునే వాండ్లలో లవ్కంటే లస్ట్ యే ఎక్కువ అనుకుంట.
అభ్యుదయ భావాలున్న కుటుంబాలలోవకూడా పిల్లలు ఎదిగి వాండ్ల పెండ్లిండ్లు అయినాక కూడా విడిపోయినశసంఘటనరు నేనెరుగుదును.తను ప్రేమించి పెండ్లిచేసుకున్న మగవాడు తన పిల్లలు,ఎవరితోనైనా అబ్బాయిలతో మ్ట్లాడుతున్నరో ఏమో కాలేజీలలో అని నిగా పెట్టే తండ్రులూ వున్నరు.
ఏది ఏమైనా జీవితాలలో డబ్బు పోషించే పాత్ర తగ్గితే ఏమైనా కుటుంబాలు సుఖపడతాయేమో? పెండ్లి అవగానే వేరే చోట సంసారం పెట్టిన అమ్మాయిలు కూడా భర్త మీదవకేసు సరే దూరంగా వున్న అత్త మామలపై కూడా క్రిమినల్ కేసులు పెట్టి వారికి మనశ్శాంతి లేకుండ చేస్తున్నరు.. తననుదెబ్బలు కొట్టి బజారులో కి గెంటివేసిన్రు అత్తమామలు అనితప్పుడు ఫోన్లు చేసి పరుగెత్తి భందీమారబలంతో వచ్చిన తలిదండ్రులు,సీన్ రివర్సుగా వుండటం చూసి తెల్ల మొహం వేయటమూ నేనెరుగుదును.
పెండ్లికిముందే భర్తకు ఇదివరకెవరితోనో సంబంధభున్నదనే అనుమానంతోవేధించి సంసారాన్ని నరకం చేసుకున్న మహిళలనూ చూసిన
ఏది ఏమైనా మారుతున్న అమ్మాయిల ఆలోచనలలో మార్పు రావాలె .అబ్బాయిలువకూడా ఎంపిక చేసుకుప
నేటప్పుడు చాలాజాగ్రత్తలు తీసుకోవలసిన అవసరం ఉన్నదనిపిస్తది
(ఇదివరకే అతిగా వాగినట్లున్న )
—నాగిళ్ళ రామశాస్త్రి
హన్మకొండ

Reply
1. 6.1
  
  డా కె.ఎల్.వి.ప్రసాద్
  January 22, 2023 at 6:51 pm
  అతి కాదు సర్.
  నడుస్తున్న చరిత్రను
  చక్కగా విశ్లేషించడం
  చాలా బాగుంది.
  అనుభవాల విషయంలో
  మీ తర్వాతనే మేము.
  మీ స్పందన కు ధన్యవాదాలండీ శాస్త్రి గారు
  
  Reply
7

sunianu6688@gmail.com
January 23, 2023 at 8:24 am
రచయిత గారు వ్రాసినవి అక్షరసత్యలు అనడం లో ఎటువంటి సందేహం లేదు. ఒకప్పుడు మహిళలు ఎక్కువగా వివాహ బంధం లో భర్త ల వల్ల ఎక్కువ ఇబ్బంది పడేవారు. ఇప్పుడు మహిళల్లో అక్షరాస్యత పెరిగింది అనీ అనందపడుతున్నాము. కానీ రచయిత గారు చెప్పినట్లు మహిళలే భర్తలని తమ స్వలాభం కోసం వివాహాన్ని అడ్డుపెట్టుకుని మోసం చేసేవారిని చాలామందిని చూస్తున్నాం. ఏది ఏమైనా ప్రతీ ఒక్కరు చాలా జాగ్రత్త గా నిర్ణయాలు తీసుకుని ముందడుగు వేయాల్సిందే. మంచి విషయాన్ని మన ముందుకు తీసుకువచ్చిన రచయిత Dr KLV Prasad గారికి ధన్యవాదాలు 👌👍

Reply
1. 7.1
  
  డా కె.ఎల్.వి.ప్రసాద్
  January 23, 2023 at 9:55 pm
  మీ స్పందన కు ధన్యవాదాలండీ
  
  Reply
8

డా కె.ఎల్.వి.ప్రసాద్
January 29, 2023 at 11:33 am
Idi ippude chadivaa. Sorry for the delay. Marriages viphalamavvadaniki wife n husband both r responsible ani chaala chakkaga chepparu
—-smt Leela.chagal
Hyderabad

Reply