గొంతు విప్పిన గువ్వ

గొంతు విప్పిన గువ్వ – 22

ఒక స్త్రీ సంపూర్ణ జీవన సంఘర్షణలను, ఆమె జీవనయానంలో ఎదురైన విభిన్న సంఘటనలను నేపథ్యంగా చిట్టి పొట్టి కథల సమాహారాన్ని ధారావాహికగా అందిస్తున్నారు ఝాన్సీ కొప్పిశెట్టి. ఉత్తమ పురుషలో సాగే ఈ ‘గొంతు విప్పిన గువ్వ’ పాఠకుని దృష్టికోణాన్ని అంచనాలను తారుమారు చేస్తూ విభ్రాంతికి లోను చేస్తుంది.

మనసున కాచిన వెన్నెల-2

మహా శూన్యానికి మారు రూపంలా వుంది రాధమ్మ.

అప్పటికి మూడు రోజులయ్యింది అతడు కనిపించక.

ఉదయానే పొగమంచులో దిగంతాల పరిమళాన్ని ఆస్వాదిస్తూ వెన్నెల గానాన్ని ఆలాపిస్తూ అతని స్మరణలో బాల్కనీలో కూర్చునే రాధమ్మ అస్తమించే శశిని, ఉదయించే రవిని ఒకేసారి చూడటం జరుగుతోంది కాని నులి వెచ్చని ఊహలతో తన మనసులో వెన్నెల కురిపించే ఆమె చెలికాడి జాడే లేదు.

అయినా ప్రేమ కనిపించనక్కర లేదు… వినిపించనక్కరలేదు.

అదొక హృదయానుభూతి.

ఆ అనుభూతికి ఊహల రెక్కలు చాలు. హృదయ విహంగాన్ని గగన విహారం చేయించటానికి.

వున్నట్టుండి రాధమ్మ ఏదో గుర్తొచ్చి స్మిత వదనంతో కాసేపు నవ్వుకుంటుంది.

అంతలోనే ఎందుకో నొచ్చుకుని దిగాలు పడుతుంది.

లోపల చిత్తడి చేసే అలజడికి తడబడి అమాంతం ఎవరిగానో భ్రమిస్తున్న అతనికి ఫోను కలుపుతుంది.

శ్వేతకు మాటిచ్చిన పాలవాడు రాధమ్మ పిలుపుకి స్పందించడు.

ఫోను కలవక తన హృదయాలాపనను అతనికి చేరవేయలేక దిగులుతో కుంగి పోతుంది రాధమ్మ. అతను లేకుండా ఎలాగని కొంత ఆందోళనకు గురవుతుంది. అసలు అతను తనకింకా మిగిలే వున్నాడాని ఒకింత అస్థిమితం అవుతుంది. అంతలోనే అతని గోరువెచ్చని ఆలింగన స్పర్శను అనుభూతించి ఆవాహన చేస్తుంది. అనిర్వచనీయమైన తాదాత్మ్యంలో ఏ మహాకవి ఊహలకు అందనంత సమ్మోహనంగా ఇంద్రియాతీత ఆనందాన్ని ఆస్వాదిస్తుంది.

చిత్రవిచిత్ర భావోద్వేగాలతో రాధమ్మ ఏ క్షణం ఎలా ప్రవర్తిస్తుందో తెలియదు.

శ్వేత పాలవాడిని మానిపించటమే కాకుండా కాశీకి, పనిమనిషి యాదమ్మకి, వంట మనిషికి గట్టిగా వార్నింగు ఇచ్చింది. పాలవాడికి అమ్మమ్మకి మధ్య రాయబారం నడప వద్దని.

వాళ్ళంతా శ్వేత మాటను శిరసా ఆచరిస్తారు.

ఆ రోజు రాధమ్మ పుట్టినరోజు. తన తలపుల్లో ఇప్పటికీ పరిమళిస్తున్న ఏవేవో పురా స్మృతుల్లో రాధమ్మ మంచు పల్లకీలో తూగుతోంది. ఆమె మనసు మనసులో లేదు. ఆమె పరిస్థితి అగమ్యగోచరంగా వుంది. తిండి సయించదు. నిద్ర పట్టదు. తన ప్రేమను అర్థం చేసుకోలేని ప్రపంచం పైన విరక్తిగా వుంది రాధమ్మకు. ఆమె గుండె సవ్వడిని వినే వారెవరూ లేరు. ఆమె బాధను పంచుకునే తన వారెవరూ లేరు.

యాదమ్మ ఒక్కర్తీ తన మనసును ఎంతో కొంత అర్థం చేసుకుని ఆమె వ్యథను వింటుంది. శ్వేతకు ఆమె విషయాలు చేరవేయటానికే వింటుందని రాధమ్మకు తెలియదు.

అతడిని భార్యా సమేతంగా భోజనానికి ఆహ్వానించి దంపతులిద్దరికీ బట్టలు పెట్టాలి. ముందు రోజు కాశీతో చర్చించింది వాళ్ళకు బట్టలతో పాటు డబ్బు ఇస్తే బావుంటుందా లేక ఏమయినా నగ ఇస్తే బావుంటుందా అని.

కాశీ కంగారు పడి శ్వేతకు కాల్ చేసాడు. రాధమ్మ దగ్గర ఆ వయసులో బంగారం ఎందుకు వుంచారంటూ రాధమ్మ బుర్ర సరిగ్గా పని చేయటం లేదంటూ వాపోయాడు.

పాలవాడు ఇంటి దరిదాపులకు రాడని, రాధమ్మ ఫోను తీయడని, కంగారు పడవద్దని శ్వేత కాశీని సముదాయించింది.

రాధమ్మ పుట్టినరోజని బంధువులంతా వచ్చారు. భోజనాలు చేసారు. రాధమ్మకు చీరలు కూడా తెచ్చారు. కాని రాధమ్మ అస్థిమితంగా అశాంతిగా వుంది. ఎందరు వచ్చినా తన మనసుకి నచ్చిన తను కోరుకుంటున్న అతను లేడు. రాధమ్మ ఫోను చేస్తే అతను రెస్పాండ్ అవటం లేదు. చాలా నిస్సహాయంగా వుంది.

ఎలా అయితే పిచ్చివాళ్ళు ఒక్కోసారి అఖండమైన తెలివిని ప్రదర్శిస్తారో అలాగే అమ్నేషియా వ్యాధిగ్రస్తుల మెదడు ఒక్కోసారి చురుగ్గా అతి తెలివిగా పని చేస్తుంది. ఆతిథ్యానికి వచ్చిన అక్క మనుమరాలి ఫోనుతో అతడికి ఫోను చేసింది. తెలియని నంబరు అవటంతో అతను బదులిచ్చాడు.

రాధమ్మ మొహంలో కోటి కాంతులు. ముడతలతో ముకుళించిన ఆ పసిడి మోము కెంజాయ ఛాయలో విప్పారింది. అది ఏ చిత్రకారుని కుంచెకూ అందని ఆనందోద్వేగం.

“నువ్వు నీ భార్యతో సాయంత్రం భోజనానికి తప్పకుండా రావాలి. ఇవాళ నా పుట్టినరోజు. నీ కోసం ఎదురు చూస్తుంటాను…” ఆనందంతో వెలిగిపోతున్న ఆ పిచ్చి తల్లి మొహం చూస్తే ఎంతటి శత్రువుకైనా ఆమె సంతోషం కోసం ఏం చేసినా తప్పు లేదనిపిస్తుంది.

తెలియని నంబరు నుండి వచ్చిన అనుకోని రాధమ్మ కాల్ కి పాలవాడు ఖంగు తిన్నాడు. కొంత శ్వేతకు భయపడ్డాడు కూడా.

“అట్నే వస్తనమ్మా..” అని వెంటనే ఫోను డిస్ కనెక్ట్ చేసేసాడు.

ఆ కురు వృద్ధురాలి ఆనందానికి అవధులు లేవు.

వచ్చిన బంధువులు ఎప్పుడెప్పుడు వెళ్ళి పోతారా అని ఎదురు చూసింది.

కాశీ కలవరానికి అంతు లేదు. ఎక్కడ సాయంత్రం పాలవాడు వస్తే రాధమ్మ ఏమేమి ఇచ్చేస్తుందోనని కాశీ ఆందోళన.

పాలవాడు నిజానికి రాలేదు. కాని రాధమ్మ ఊహల్లో వచ్చాడు. రాధమ్మ చేతి విందు ఆరగించాడు. ఆ సమయంలో రాధమ్మ ఇంటి లోపలికి అందరి ప్రవేశం నిషేధించింది. ఆ సమయంలో పుట్టినరోజు శుభాకాంక్షలు చెబుదామని చేసిన శ్వేత ఫోను కూడా తీయలేదు.

మళ్ళీ రాధమ్మ మరెవరి ఫోను నుండైనా పాలవాడికి ఫోను చేయవచ్చని అనుమానించిన కాశీ రాధమ్మ డైరీలో పాలవాడి నంబరులో ఒక అంకెను దిద్ది మార్చేసాడు.

తనను చూడటానికి ఇంటికి ఎవరు వచ్చినా, వారి ఫోను నుండి ప్రయత్నించే రాధమ్మకు తెలియదు తన డైరీలో వున్నది తన గుండె చప్పుడుని అతనికి చేరవేయలేని ఒక కలవని రాంగు నంబరని…

రాధమ్మ పాలవాడు పాలు వేయటం మానేయటానికి కారణాలు ఆలోచిస్తోంది.

ఇప్పుడు రాధమ్మ దృష్టిలో శ్వేత, కాశీలతో సహా అందరూ అనుమానాస్పదులే…అందరూ శత్రువులే. రాధమ్మకు చురకత్తుల్లాంటి కెమెరాల నిఘాలో తను శత్రు కూటమిలో చిక్కుకుపోయిన భావన.

పిచ్చివాళ్ళకు తెలివెక్కువంటారు. పాలవాడు రాకపోవటానికి కారణం ఇంట్లో పెట్టిన కెమెరాలని రాధమ్మకి అనుమానం రాజుకుంది.

శ్వేతకు పాలవాడు రావటం మానేసాడని ఫిర్యాదు చేసింది.

“అతనికి కరోనా వచ్చిందట. అందుకే మానేసాడు. ఈ వయసులో నీకు కరోనా సోకితే కోలుకోవటం కష్టం. పది ఇళ్ళల్లో పాలు వేసే వాళ్ళకి, పైగా కరోనా సోకిన వాళ్ళకి ఎంత దూరంగా వుంటే అంత మంచిది..” అంది శ్వేత పాపం పాలవాడికి లేని కరోనాను అంటగట్టి.

ఆ మాట విన్న రాధమ్మ దుఃఖం అంతకంతకూ పెరిగిపోయింది.

అతనికి కరోనా వచ్చిందన్న కఠోరమైన మాటను తట్టుకోలేక రాధమ్మ చెప్పలేనంత మానసికోద్వేగానికి లోనయ్యింది.

కరోనాతో ఇబ్బంది పడుతూ అతను చికిత్స కోసం డబ్బుకి ఎంత అవస్థ పడుతున్నాడోనన్న దిగులు ఆమెకు అంతకంతకూ ఎక్కువయ్యింది.

ఏదో విధంగా పాలవాడికి అందచేయాలని పాతిక వేలు కట్ట కట్టి పెట్టింది. తెలివిగా ఎవరికో వడ్డీకి అడిగాడు ఈ డబ్బు అతనికి అందచేయాలంటూ యాదమ్మని, వంటమనిషిని సాయం అడిగింది.

వారెవరూ ఆమె కోరికను మన్నించక పోవటంతో రాను రాను రాధమ్మకి అందరూ కలిసి తనను అతనికి దూరం చేయటానికి ఏదో కుట్ర పన్నుతున్నారన్న అనుమానం బలపడింది.

కాశీని కెమెరాలు తీయించేయమని వేధించసాగింది.

తనను చూడటానికి తరచూ వచ్చే మనుమలను కెమెరాలు తీసేయమని ప్రాధేయపడింది.

“కెమెరాలు తీయించకపోతే నేను ఇల్లు మారిపోతాను. చుట్టూ గురి పెట్టిన తుపాకుల్లా ఈ కెమెరాల మధ్య నాకు స్వేచ్ఛ లేని ఈ ఇంట్లో నేనుండలేను. ఈ ఇల్లు నాకు జైలులా వుంది” అంటూ రాద్దాంతం చేయటం మొదలు పెట్టింది.

ఎవ్వరూ తన మనసును అర్థం చేసుకోవటం లేదని, తన గోడును వినిపించుకోవటం లేదని తను ఆ ఇంట్లో నుండి వెళ్ళిపోవటమొక్కటే మార్గమని నిర్ణయించుకుంది.

కాశీ “మీ కజిన్ ను పిలిపించండి. ఏదోటి మాటాడుతూ ఒక మనిషి తోడుగా వుంటే రాధమ్మకి మైండ్ కొంచం డైవర్ట్ అవుతుంది” అని శ్వేతకు సలహా ఇచ్చాడు.

ఎన్ని విధాలుగా సముదాయించినా ససేమిరా రాధమ్మ అందుకు ఒప్పుకోలేదు.

పైగా రాధమ్మ “నీకు తెలియదయ్యా, ఆ పిల్ల అతను వచ్చినప్పుడు గుడ్లప్పగించి చూస్తుంది. అతను చాలా ఇబ్బంది పడి ఇంటికి రావటానికి మొహమాట పడుతున్నాడు. అందుకే పంపేసాను. మళ్ళీ ఈ మాట ఎవరి దగ్గరా అనకు” అని నమ్మిన బంటు కాశీకి రహస్యంగా చెప్పింది.

ఇంట్లో వున్న అమ్మాయిని రాధమ్మ వద్దని పంపించేశాక శ్వేత మాట మీద కాశీ రాధమ్మ ఇంట్లోనే హాలులో పడుకుంటున్నాడు.

రాధమ్మ ఆత్మ బంధువు తరచూ రావటం, తన కజిన్ గుడ్లప్పగించి చూడటం, అతను ఇబ్బంది పడటం…. అన్నీ విన్న శ్వేత చలించి పోయింది.

ఎప్పుడెప్పుడు అమ్మమ్మ దగ్గర వాలిపోదామా అని విశ్వ ప్రయత్నం చేస్తోంది.

అతను రాకపోవటంలో శ్వేత హస్తం కూడా వుందని కొంత కాలం శ్వేతతో మాటాడటం మానేసింది రాధమ్మ. ఆమె ఫోనుకి పలికేది కాదు. రాధమ్మతో మాటాడకపోతే శ్వేతకు మహా నరకంలా వుండేది. శ్వేత రోజూ వంటమనిషితో, యాదమ్మతో, కాశీతో, మాటాడి రాధమ్మ బాగోగులు తెలుసుకుంటూ, కెమెరాల్లో చూస్తూ వుండిపోయేది.

ఈ మధ్య వంటమనిషితో తరచూ ఒక అతిథి భోజనానికి వస్తున్నాడంటూ ఇద్దరికి వంట చేయించటం మొదలెట్టింది రాధమ్మ. ఒక్క మనిషని మాటాడినంక ఇద్దరికి నేను వంట చేయనని వంటమనిషి మొరాయించింది. దానితో రాధమ్మ తన కోసం చేసిన పప్పు, కూరలు దాచి వుంచి తను పచ్చడి, పెరుగుతో భోజనం ముగిస్తోంది.

ఒక రోజున రాధమ్మను చూడటానికి వచ్చిన శ్వేత కజిన్ ఫ్రిడ్జిలో వున్న వారం రోజుల కూరలు చూసి వంట మనిషిని ఏమిటని ఆరా తీస్తే, “ఎవరో దోస్తు వస్తాడని అమ్మ తినుడు బంద్ చేసి కూరలన్నీ ఫ్రిడ్జిల దాపెడుతుంది” అని చెప్పింది.

కాశీ రాధమ్మ భోజనం తినడం తగ్గించేసారని మనిషి మనోవ్యాధితో శుష్కించిపోతున్నారని శ్వేత త్వరగా వచ్చేస్తే బావుంటుందని శ్వేతతో అన్నాడు.

ఆ ఉదయాన్నే రాధమ్మ కాశీతో “కాశీ, క్రితం రాత్రి, అర్ధరాత్రి వేళ మూడింటికి అతడు వచ్చాడు. నువ్వు హాలులో పడుకుని వుండటం కిటికీలో నుండి చూసి సిగ్గుపడి వెనక్కి వెళ్ళిపోయాడు” ముగ్గ పండిన పసుపు పచ్చని మొహాన్ని నల్లగా మాడ్చుకుని బుంగ మూతితో చెప్పింది.

ఆ మాటలు విన్న కాశీకి రాధమ్మ ముందు ముందు తనను ఇంట్లో పడుకోవద్దంటుందేమోనని అనుమానం వచ్చింది.

“అంతా మీ భ్రమేనమ్మా. లోపల దళసరి కిటికీ తెరలుండగా కిటికీ అద్దాల్లో నుండి నేనెలా కనిపిస్తానమ్మా అతనికి…” అన్నాడు కాశీ.

“అవును కదూ..” అంటూ సాలోచనగా గందరగోళంలో పడిపోయింది రాధమ్మ.

శ్వేత ఇండియాకి టిక్కెట్లు బుక్ చేసుకుంది. శ్వేత వస్తోందని తెలియగానే రాధమ్మకి అతనితో తన ఏకాంతానికి భంగం వాటిల్లుతుందని చాలా ఉద్వేగానికి లోనయ్యింది.

యాదమ్మతో శ్వేత వచ్చే లోపు తనకు వేరే ఇల్లు చూడమని రోజూ హడావుడి చేయసాగింది.

యాదమ్మ “నీ మన్మరాలు నీ కోసం వస్తంటే నువ్వు పోతానంటవేందమ్మా. సొంత ఇల్లు ఇడిసి పెట్టి యాడికి పోతవు. ఒక్కదానివే ఎట్టుంటవు” అని అడిగింది.

“ఎవరి స్వేచ్ఛ వాళ్ళకు వుండాలి యాదీ” అని ఖచ్చితంగా బదులు చెప్పింది రాధమ్మ.

“నువ్వు వేరే ఇంటికి పోతే నేను పనికి రాను” అంది యాదమ్మ అంతే ఖచ్చితంగా.

తన గోడు వినే, తన గురించి ఆలోచించే ఒక్క ప్రాణి యాదమ్మ పని మానేస్తే ఎలాగని చెప్పలేనంత వేదనకు గురయ్యింది రాధమ్మ.

రాధమ్మ ఒక రసాత్మక ఊహల పందిరి అల్లుకుని భ్రమల లోకంలో ఒక ట్రాన్స్‌లో జీవిస్తోంది. ఆమె ఊహా సౌధానికి అంతరాయం కలిగించే మనుమరాలు శ్వేత రాక రాధమ్మకు ఇప్పుడు ఇష్టం లేదు.

శ్వేత త్వరలో వచ్చేస్తుందని తెలిసిన రాధమ్మ మనసు ప్రస్తుతం చాలా అలజడిగా అల్లకల్లోలంగా వుంది.

ఆమె ఇల్లు మారిపోయే ప్రయత్నాలు ముమ్మరంగా చేస్తోంది…

(The end of never ending love)

(మళ్ళీ కలుద్దాం)

ఝాన్సీ కొప్పిశెట్టి

ఈ రోజుల్లో హైటెక్ వేగంతో నవలలు, కథలు, కవిత్వం, సమీక్షలు రాస్తున్న రచయితల్లో శ్రీమతి ఝాన్సీ కొప్పిశెట్టి ముందు వరుసలో ఉంటారు. ఇప్పటి పాఠకులకు ఝాన్సీగారు కొత్త రచయిత్రి కానీ ఆవిడ యుక్త వయసులోనే రచించిన కథలు, కవితలు వివిధ పత్రికలలో వెలువడ్డాయి. కొన్ని వ్యక్తిగత కారణాల వలన మధ్యలో వారి రచనా వ్యాసంగానికి గండి పడింది. తిరిగి గత రెండేళ్ళుగా మళ్ళీ కలం పట్టిన ఝాన్సీగారి అనేక కథలు కవితలు వివిధ పత్రికల్లో అచ్చయ్యాయి. వీరి కథలు, కవితలు ప్రతిలిపిలో అనేక బహుమతులు గెలుచుకున్నాయి. వీరు హైదరాబాదుకు చెందిన వారైనప్పటికీ ప్రస్తుత నివాసం ఆస్ట్రేలియా. తెలుగు సాహిత్యం పట్ల అమిత ప్రేమ ఉన్న ఝాన్సీగారు ఆంగ్లంలో కూడా పట్టభద్రులు. 2019లో ముద్రితమైన ‘అనాచ్చాదిత కథ’ అనే వీరి తొలినవల అసంఖ్యాక పాఠకుల అభిమానం చూరగొని అంపశయ్య నవీన్ గారి ప్రత్యేక బహుమతిని పొందినది. వీరి రెండో నవల ‘విరోధాభాస’.

1

డా కె.ఎల్.వి.ప్రసాద్
January 3, 2021 at 8:41 am
ఒక వృద్దురాలు రాధ మ్మ
మానసిక పరిస్టితిని,చుట్టూ అల్లుకునె సమస్యలు
రక్త సంబంధీకుల ఆందోళన, కళ్లకు కట్టినట్టు
రచించారు ఝాన్సీ గారు.
రచయిత్రికి
అభినందనలు.

Reply
1. 1.1
  
  Jhansi koppisetty
  January 3, 2021 at 9:31 am
  ధన్యవాదాలు డాక్టరుగారూ🙏🏻🙏🏻🙏🏻
  
  Reply
2

Navneethkumar Narisetty
January 3, 2021 at 8:50 am
I can understand it is really happened.
I feel pain of understanding the situation.
Old age psychology definition.

Reply
1. 2.1
  
  Jhansi koppisetty
  January 3, 2021 at 9:34 am
  Thank you Navneeth brother, you are the pulse reader of my pen… The pen which you have gifted on release of my first novel wishing to explore literature😀😀😍😍
  
  Reply
  1. 2.1.1
    
    Sagar
    January 3, 2021 at 10:37 am
    మనిషి వయసు మీరితే వచ్చే మానసిక సమస్యలు ఇంత దారుణంగ ఉంటాయా? తలచుకుంటే మరీ భయం వేస్తుంది. కానీ విదాత వ్రాతకు తిరుగు లేదు అని సరిపెట్టుకోవాలి. ఒక వృద్దురాలి సమస్యను అక్షరీకరించిన జాన్సీ మేడమ్ కు అక్షరాభినందనలు.
    
    Reply
    1. 2.1.1.1
      
      Jhansi koppisetty
      January 3, 2021 at 11:00 am
      ధన్యవాదాలు సాగర్ గారూ, వృద్దాప్యం ఒక్కొక్కరిని ఒక్కో విధంగా పరీక్షిస్తుంది. వైచిత్ర్యాలు మనసును కదిలిస్తాయి😢😢😢
      
      Reply
3

Jhansi koppisetty
January 3, 2021 at 9:13 am
Vov excellent story. description regarding love is superb.ur narrative style is heart touching.emotionally soul burning.

చాలా బాగుంది.కొనసాగించండి.చివరికి పుస్తకంగా వేస్తే బాగుంటుంది.all the best madam.

….Krishna Bikki

Reply
4

Jhansi koppisetty
January 3, 2021 at 9:37 am
నా గొంతును సహృదయంతో ధారావాహికంగా వినిపిస్తున్న సంచిక సంపాదకులకు ఇతర సాంకేతిక సిబ్బందికి నా హృదయ పూర్వక ధన్యవాదాలు🙏🏻🙏🏻🙏🏻

Reply
5

Lalitha
January 3, 2021 at 10:24 am
చక్కటి మనో విశ్లేషణ.
భావ వ్యక్తీకరణ….
కథ.. కథనం ఆసక్తికరం ఝాన్సీ గారూ..

Reply
1. 5.1
  
  Jhansi koppisetty
  January 3, 2021 at 10:42 am
  ధన్యవాదాలు లలిత గారూ💖💖
  
  Reply
6

Jhansi koppisetty
January 3, 2021 at 10:42 am
ఊపిరి బిగబట్టి చదివించేలా వుంది ” the end of never ending love story”. ప్చ్.

…..Ch. Susheela

Reply
1. 6.1
  
  చిట్టె మాధవి
  January 6, 2021 at 2:58 pm
  చాలా బాగా వ్రాస్తున్నారు…మనిషి యొక్క మనోవిశ్లేషణను డియర్.మరో ఎపిసోడ్ కోసం ఎదురుచూసేలా సాగుతోంది.👌👌👌
  
  Reply
7

Jhansi koppisetty
January 3, 2021 at 10:50 am
Feelings from heart from continents away.

…. Narisetty Navneeth

Reply
8

Chatrapathi
January 3, 2021 at 10:51 am
సొంత మనమరాలికి.. అందరికీ దూరంగా వెళ్ళి పోయి.. అతనికి దగ్గర అవ్వాలి అని ఆ స్త్రీ హృదయం వాంచిస్తోంది అంటే ఆమె ప్రేమలో ఘాడత ఎంతో తెలుస్తోంది.. దీన్ని ఓ జబ్బుగా చూసే సమాజానికే నిజమైన రోగాలు ఉన్నాయి.. ఆమె ప్రేమ కల్మషం లేనిదే.. అంతటి ప్రేమ పొందిన వాడు పాల వాడైనా కోటీశ్వరుడు.. అందరికన్నా ఐశ్వర్యవంత మైన వాడే

Reply
9

Jhansi koppisetty
January 3, 2021 at 10:51 am
నిజంగా చాలా బాగా రాధమ్మ మనసుని చాలా కన్విన్సింగ్ గా వివరించారు ఝాన్సీ గారూ 💐💐.

…Neelima VS Rao

Reply
10

Jhansi koppisetty
January 3, 2021 at 10:52 am
తమరి రచనా విధానము ఎంచుకున్న విషయము మహా అద్భుతం.

రాధమ్మ జీవితం అనంత అద్భుత విషయాల వాస్తవ జీవన సమాహారం.

ఏ మహా రచయితలకో సాధ్యపడే విషయం అలవోకగా రాసుకుంటూ పోతున్నారు.
అద్భుత మీ సృజనా మేధస్సు కు వందనం. మేడం.

…..Saleem Mohammad

Reply
11

Jhansi koppisetty
January 3, 2021 at 10:54 am
Ma’am 👍!

…..Padma padmapv

Reply
12

Jhansi koppisetty
January 3, 2021 at 11:30 am
సొంత మనమరాలికి.. అందరికీ దూరంగా వెళ్ళి పోయి.. అతనికి దగ్గర అవ్వాలి అని ఆ స్త్రీ హృదయం వాంచిస్తోంది అంటే ఆమె ప్రేమలో ఘాడత ఎంతో తెలుస్తోంది.. దీన్ని ఓ జబ్బుగా చూసే సమాజానికే నిజమైన రోగాలు ఉన్నాయి.. ఆమె ప్రేమ కల్మషం లేనిదే.. అంతటి ప్రేమ పొందిన వాడు పాల వాడైనా కోటీశ్వరుడు.. అందరికన్నా ఐశ్వర్యవంత మైన వాడే

…… Chatrapati Yaddanapudi

Reply
13

Jhansi koppisetty
January 3, 2021 at 12:19 pm
Radhhamma story is aesthetic beautiful love oriented story.what a wonderfull narrative stayle?what a poetic sentence formation?remember tilak story form.nobody can write like this unless having sentimental poetic,artistic,aesthetic, heart .congratulation madam.

…..Krishna Bikki

Reply
14

Sambasivarao Thota
January 3, 2021 at 12:45 pm
Jhansi Garu!
Mee rachanallo edo prathyekatha vundi..
Vishayaanni ardhavamthangaa cheppadamlo Meeku meere saati..
Dhanyavaadaalandi..
🙏🙏🙏

Reply
1. 14.1
  
  Jhansi koppisetty
  January 3, 2021 at 2:27 pm
  సాంబశివరావు గారూ, మీ అభిమానానికి సదా కృతజ్ఞురాలిని🙏🏻🙏🏻🙏🏻
  
  Reply
15

Jhansi koppisetty
January 3, 2021 at 2:26 pm
రాధమ్మ అసంపూర్ణ ప్రణయగాధ…
తరువాయి వచ్చే సంచికలో…
The way the flow of thoughts and its narration in the story is mind blowing and awe struck.
It is just like “Radhika Santhwanamu” depicting the Divine love of Radha towards Lord Sri Krishna.
Now Radhamma has advanced one step ahead replacing milkman with Satya, her original lover, to make the disease into Divinity.
Kudos to you Madam for your wonderful penman(woman)ship.

….Lakshmi Narayana Rao Bitra

Reply
16

Jhansi koppisetty
January 3, 2021 at 6:05 pm
చాలా విచిత్రమైన మానసిక స్థితిని , ఎంతో సున్నితమైన విషయాన్ని అద్భుతం గా మలుస్తున్నావ్ ఝాన్సీ అభినందనలు 😍💐

…..మన్నెం శారద

Reply
17

Jhansi koppisetty
January 3, 2021 at 6:06 pm
దయనీయమైన కథనం అద్భుతంగా రాసి వెలుగులోకి తెచ్చారు. ధన్యవాదాలు. 👏

….Padmakar Daggumati

Reply
1. 17.1
  
  Padmapadmapv
  January 3, 2021 at 7:23 pm
  మనసున కాచిన వెన్నెల,.. కథ, బాగుంది.. ma’am! మా అమ్మ పోయిన కొత్త లో, కొన్ని నెలల కు. , ఇలాంటి పరిస్థితే మా, నాన్న గారి, దగ్గర చూశాము!. మీ రచన చదువు తుంటె..కొన్ని బాధాకరమైన,సంఘటనలు.. గుర్తుకి వస్తున్నాయి!
  
  Reply
  1. 17.1.1
    
    Jhansi koppisetty
    January 3, 2021 at 8:59 pm
    నిజమా పద్మా, నేను చూసిన ఈ సంఘటన చాలా అరుదనుకున్నాను. అయితే ఇలా జరుగుతుంటాయన్న మాట. చాలా దయనీయం కదూ😢😢😢
    
    Reply
18

Jhansi koppisetty
January 3, 2021 at 8:57 pm
నిజం బంధూ..
మాటల కందని హృదయానుభూతి ని..
చక చకా..
అక్షరీకరించడం..
చదువరులకూ..
సాక్షాత్కరించడం..
మీ కలానికిమే చెల్లు..
అభినందనలు..💐

…. Rasaputra Singh

Reply
19

Jhansi koppisetty
January 4, 2021 at 7:00 am
హృదయం ద్రవించిపోయేలా ఉంది అమెనేషియా వృద్ధుల మానసిక స్థితి చదువుతుంటే…ఇలాంటి రాధమ్మలు ఇంకెందరో🙏

……నాగజ్యోతి

Reply
20

Jhansi koppisetty
January 4, 2021 at 7:02 am
ఒక వయసైపోయిన అతివ నిష్కల్మష భ్రమ జీవితాన్ని ఎంతో హుందాగా హృద్యంగా అక్షరీకరిస్తున్న మీకు హ్యాట్సాఫ్ మేడం. ఎంత సున్నితమైన విషయం…

…..బంగారు కల్పగురి

Reply
21

Jhansi koppisetty
January 5, 2021 at 9:54 pm
అంతకన్నా ఆమెకు నచ్చినట్లే ఆమెను ఉండవివ్వొచ్చు కదా.పాపం రాధమ్మను చూస్తే జాలేస్తుంది.

… Satti Padma

Reply
22

మొహమ్మద్. అఫ్సర వలీషా
January 8, 2021 at 1:44 am
50+ దాటిన వారికి సరియైన సూచన కు తెరలేపారు ఝాన్సీ గారు వ్యాధి లక్షణాలు కనిపించగానే ఆత్మీయులు దగ్గరుండి వైద్యం చేయిస్తే ఆ జన్మ ధన్యమే .ఓల్డేజ్ లో హృదయ స్పందన అద్భుతంగా తీర్చి దిద్దారు ఝాన్సీ గారు.
ఆ అక్షరాలు తేనెలొలుకే తియ్యందనాలు .అందరికీ ఒక మేలుకొలుపు మీ మలి మలుపు హృదయపూర్వక శుభాకాంక్షలు శుభాభినందనలు ఝాన్సీ గారు 💐👏💐👏💐👏💐💐💐💐

Reply
1. 22.1
  
  Jhansi koppisetty
  January 8, 2021 at 9:54 am
  ఆలస్యమైనా అమృతం కురిపించే మీ వాక్కులకు నా హృదయపూర్వక ధన్యవాదాలు వలీషా💖💖
  
  Reply