కలయిక

[డా.టి.రాధాకృష్ణమాచార్యులు రచించిన ‘కలయిక’ అనే కవితని పాఠకులకు అందిస్తున్నాము.]

ఉరుకుల పరుగుల బతుకులో
మనిషి కలయిక
మనసును దుగూట్లపెట్టి మాట్లాడుడే

తాళంపడ్డ నోటికి కనిపించదుగానీ
కలయిక అంటే
ఉలుకూ పలుకూలేని కట్టడే మరి

వేడి తగ్గిన రక్తం కోరేటి
కలయిక ఎండమావి కాదు
దూపతీర్చే జలతీర్థ చెలిమి చెలిమె

బతుకు కమ్మిన మబ్బుల జవసత్వం
కలయిక అంటే పాత సామాను కాదురా
అది కదల్లేని పాదాల పెదవుల సందడి బడి పదా

నింగీనేలను ఒకటి చేసిన
గొప్ప కలయిక ఆఖరి అంకంలో
వృద్ధాప్యం ఓ విస్తార జీవన కావ్యం

డా.టి.రాధాకృష్ణమాచార్యులు

డా.టి.రాధాకృష్ణమాచార్యులు సీనియర్ వైద్యులు, ప్రముఖ కవి,రచయిత, అనువాదకులు, సమీక్షకులు.
5 సంకలనాలు తెలుగు కవిత్వంలో 1999 నుండి కరీంనగర్ నుండి పబ్లిష్ చేశారు. నలిమెల భాస్కర్ ‘సాహితీ సుమాలు’ వివిధ భారతీయ భాషల్లోని సాహితీవేత్తల పరిచయ సంకలనాన్ని “The Speaking Roots” Title తో  ఆంగ్లంలోకి అనువాదం చేసినారు.