38
బ్రాంచ్ టార్గెట్లన్నీ రీచ్ అవగలిగాము. మా బ్రాంచి నుండి వితరణ చేసిన వ్యవసాయ ఋణాలను కూడా తొంభై శాతం పైగా వసూలు చేయగలిగాము. అక్కడ కర్షక సేవా సహకార సంఘంలో అవలంబించిన పద్ధతులనే ఇక్కడ బ్రాంచిలో కూడా అమలు చేస్తూ అక్కడి లాగే ఇక్కడ కూడా వ్యవసాయ ఋణాల్లో తొంభై శాతం పైగా వసూలు చేయగలిగాము.
వాస్తవంగా ఎలాంటి బ్యాంకు ఋణాలనైనా వసూలు చేసేందుకు పాటించవలసిన పద్ధతులు ఒకటే!
వాతావరణ పరిస్థితులు అనుకూలించి, సకాలంలో వర్షాలు కురిసి, చాలినంత వర్షపాతం నమోదైతే, పంటల్లో ఆశించినంత దిగుబడి సాధించగలుగుతుంది మన రైతాంగం. వాటికి తోడు పండించిన పంటకు గిట్టుబాటు ధర లభిస్తే రైతుల శ్రమకుదగ్గ ఫలితం తప్పక లభిస్తుంది. అప్పుడు ఏ రైతు కూడా బ్యాంకు అప్పు కట్టకుండా వుండాలని అనుకోడు.
ఇక బ్యాంకుగా వ్యవసాయ ఋణాల్లో అత్యధిక శాతం వసూళ్ళ కొరకు, మా పాత్ర ఎలా ఉంటుందో చూద్దాం.
- మొదటిది… భూమి యాజమాన్య హక్కు పత్రాలను, పండించే పంటల వివరాలను పరిశీలించిన పిమ్మట ఆ రైతుకు ఫలాన తారీఖున అప్పు ఇస్తాము… అని చెప్తాము. ఆ తారీఖున బ్యాంకుకు వచ్చిన రైతుకు అప్పు ఇచ్చి తీరతాం. అలా చేయగలిగితే, యాభై శాతం మేర ఆ అప్పును తిరిగి వసూలు చేసినట్లే. చెప్పిన మాట ప్రకారం అప్పు ఇచ్చినప్పుడు, రైతు కూడా మనం చెప్పిన తారీకుకు ముందే అప్పు తిరిగి చెల్లించాలని మనసులోనే నిర్ణయించుకుంటాడు. అలా కాకుండా రైతు బ్యాంకుకు వచ్చినప్పుడల్లా, ఆ పత్రం కావాలని, ఈ పత్రం కావాలని కొన్నిసార్లు; సిబ్బంది లేరని మరికొన్నిసార్లు తిప్పుకుంటే, ఆ రైతు అప్పు కట్టేందుకు బ్యాంకు వాళ్ళను తన చుట్టూ పదిసార్లు తిప్పుకుంటాడు. అలా ఒక రోజులో కొత్తవారికైతేనేమి, గతంలో తీసుకున్న అప్పులు చెల్లించి, తిరిగి తీసుకునే వారికైతేనేమి… రోజుకు దాదాపు అరవై మంది రైతులకు అప్పులు ఇచ్చేవాళ్ళం.
- రెండవది… రైతుకు చెప్పిన రోజు అప్పు ఇస్తాము. తిరిగి అప్పు చెల్లించవలసిన రోజునే ఆ రైతును అప్పు కట్టాల్సిందిగా అడిగితే, ఒక వడ్డీ వ్యాపారస్తుడికి, బ్యాంకుకు తేడా వుండదు. అందుకే నేను, మా అగ్రికల్చరల్ క్లర్కు శ్రీ వరద రెడ్డి గారు, ఆ రైతులతో సంబంధ బాంధవ్యాలు పెట్టుకుంటాము. ఆ రైతు ఇంట్లో జరిగే ఏ శుభకార్యానికైనా పిలిచినప్పుడు వెళ్తాము. వాళ్లతో సంతోషాలను పంచుకుంటాము. అశుభకార్యం అయితే, పిలవకపోయినా వెళ్తాము. వాళ్లను పరామర్శించి, వాళ్ళలో మనోధైర్యాన్ని నింపుతాము. రైతుకు, మనం, తన హితులమని, సన్నిహితులమని, స్నేహితులమనే ఆత్మవిశ్వాసం కలిగిస్తాము. అంతిమంగా… రైతుకు మాకు ఉన్న సత్సంబంధాల వలన, అడగకుండానే అప్పు చెల్లించే స్థాయికి చేరుకుంటాడు ఆ రైతు.
- మూడోది… మధ్య మధ్యలో గ్రామాలను సందర్శిస్తూ రైతుల పంట పొలాలకు వెళ్ళి చూస్తాము. వీలైనప్పుడల్లా ప్రభుత్వ వ్యవసాయాధికారులను కూడా మా వెంట తీసుకుని వెళ్ళి రైతులకు ఆధునిక వ్యవసాయ పద్ధతులపై అవగాహన కల్పిస్తాము. పంటలను పట్టి పీడించే రోగాలు, తెగుళ్ళు బారి నుండి, క్రిమి కీటకాల బెడద నుండి కాపాడుకునేందుకు తగిన సూచనలు లభించేటట్లు చూస్తాము. రైతులు అధిక దిగుబడులు సాధించే దిశగా మా అడుగులు వేస్తాము.
- నాలుగోది… మహబూబాబాద్ పట్టణంలో పెద్ద ఎత్తున స్వచ్ఛంద సేవా కార్యక్రమాలు నిర్వహిస్తున్న లయన్స్ క్లబ్‍లో నేను సభ్యుడిని. ఆ సంస్థ ద్వారా మా గ్రామాల్లో సామాజిక సేవా కార్యక్రమాలను బ్యాంకు ద్వారా ఏర్పాటు చేశాము. ఉచిత వైద్య శిబిరాలు, ఉచిత పశువైద్య శిబిరాలు, ఉచిత కంటి వైద్య శిబిరాలు నిర్వహిస్తూ, మందులను, కళ్ళజోళ్ళను ఉచితంగా అందించాము. బ్యాంకు తమ గ్రామాల్లో అప్పులు ఇవ్వడమే కాదు, తమ బాగోగులు కూడా పట్టించుకుంటుందన్న భావన వాళ్లలో కలిగించాము.
- ఐదవది… దురదృష్టవశాత్తు గ్రామాల్లో జరగకూడని విపత్తు ఏదైనా సంభవించినప్పుడు, మేము త్వరితగతిన స్పందించి, సహాయక కార్యక్రమాల్లో పాల్గొనేవాళ్ళం. ప్రభుత్వ శాఖలతో సంప్రదించి, నష్టపోయిన వారికి ప్రభుత్వం ద్వారా రావలసిన సహాయం అందేట్లు ప్రయత్నించేవాళ్లం.
- ఆరవది… రైతులు తాము పండించిన పంటను మహబూబాబాద్ అగ్రికల్చరల్ మార్కెట్ యార్డులో అమ్ముకునేందుకు వచ్చినప్పుడు మేము కూడా అక్కడికి వెళ్ళేవాళ్లం. అక్కడ మా గ్రామాల రైతులు కొనుగోలుదారుల చేతుల్లో, దళారీల చేతుల్లో, మోసపోకుండా, నష్టపోకుండా చూసేవాళ్ళం. ఆ సమయంలో రైతులకు తోడుగా నిల్చున్న మమ్మల్ని తమ శ్రేయోభిలాషులుగా పరిగణించేవారు ఆ రైతులు.
- ఏడవది… గ్రామ పెద్దలను, ఆ ప్రాంత ప్రజాప్రతినిధులను తరచూ కలుస్తూ, వారి అండదండలను సంపాదించగలిగాము. తద్వారా, వారి సహకారంతో మాకు అలవిగాని, మొండి బకాయిలను సైతం వసూలు చేయగలిగాం.
- ఎనిమిదవది… వీటన్నిటికి తోడు, ఋణగ్రహీతలకు, అప్పులు తిరిగి కట్టవలసిన తేదీని గుర్తు చేస్తూ, పది రోజుల ముందుగానే, తప్పనిసరిగా ఆర్డినరీ నోటీసులు పంపేవాళ్ళం. ఆ రోజు లోపు దాదాపు యాభై శాతం పైగా అప్పులు వసూళ్ళవుతాయి. ఆ రోజు లోపు చెల్లించని వాళ్ళకు రిజిస్టర్డ్ నోటీసులు పంపించేవాళ్ళం. దాంతో మరో ఇరవై శాతం మేర వసూళ్ళు అవుతాయి. ఇక మిగతా ముప్ఫై శాతం కోసం గ్రామాలకు వెళ్ళి, రైతులను నేరుగా కలిసి, అప్పులు తిరిగి చెల్లించాల్సిన అవసరం గురించి వివరిస్తూ కౌన్సిలింగ్ చేసేవాళ్ళం. చెల్లించకపోతే బ్యాంకు వారు తీసుకోబోయే చర్యలకు ఇబ్బందుల పాలు కావలసి వస్తుందని నయానా భయానా చెప్పి అప్పు వసూళ్ళు చేసేవాళ్ళం. ఆ క్రమంలో మరో ఇరవై శాతంపైనే వసూళ్ళు జరుగుతాయి.
పైన తెలియజేయబడిన ఎనిమిది రకాల కార్యక్రమాలను ఓ ప్రణాళికాబద్ధంగా అమలుచేయబట్టే వ్యవసాయ ఋణాల్లో తొంభై శాతం పైగా వసూలు చేయగలిగాము.
ఇక్కడ ఓ విషయం గమనించాలి. ఆయా ప్రాంతాలను బట్టి, ఆయా గ్రామాల్లో ఉండే పరిస్థితులను బట్టి, పైన తెలుపబడిన వాటితో పాటు, వినూత్నమైన కార్యక్రమాలు మరేవైనా అమలు చేయవచ్చు.
39
1985 సంవత్సరం.
గత సంవత్సరం మహబూబాబాద్ లయన్స్ క్లబ్ చేపట్టిన ప్రతి సేవా కార్యక్రమంలో నేను పాల్గొన్నాను. ఆ క్రమంలో ఖమ్మం, వరంగల్ పట్టణాల్లోని లయన్స్ క్లబ్ కార్యక్రమాలకు కూడా తోటి సభ్యులతో కలిసి హాజరయ్యాను. ఈ సంవత్సరానికి గాను నన్ను మహబూబాబాద్ లయన్స్ క్లబ్ సెక్రటరీగా ఎన్నుకున్నారు.
1985-86 సంవత్సరానికి మహబూబాబాద్ లయన్స్ క్లబ్ సెక్రటరీగా ఎన్నుకొనబడిన తరువాత క్లబ్ సభ్యుల నుద్దేశించి ప్రసంగిస్తున్న రచయిత
ఆ క్లబ్‍లో అదొక బాధ్యతాయుతమైన పదవి. మొదటిగా క్లబ్ ఈ సంవత్సరం చేపట్టబోయే వివిధ సేవా కార్యక్రమాలు, వాటికి అవసరమైన ఆర్థిక వనరులను విరాళాల రూపంలో సమకూర్చుకునేందుకు ప్రణాళికలు సిద్ధం చేసుకుని ముందుకుసాగాము.
ప్రణాళికలను సిద్ధం చేసుకునేందుకు కొనసాగ్తున్న చర్చలు… ఎడమ నుండి కుడికి… 1. లయన్ డాక్టర్ జగన్మోహనరావు గారు 2. రచయిత 3. లయన్ డాక్టర్ నరసింహారెడ్డిగారు
క్లబ్ సభ్యులు విరివిగానే విరాళాలు ఇచ్చారు. పట్టణం లోని ఇతర దాతలు కూడా తమ శక్తి మేర విరాళాలు ఇచ్చారు.
బ్యాంకులో నా విధి నిర్వహణలో ఏ మాత్రం లోపం రాకుండా చూసుకుంటూ, లయన్స్ క్లబ్ సేవా కార్యక్రమాలలో నా వంతు బాధ్యతలు నేను సమర్థవంతంగా నిర్వర్తిస్తున్నాను.
మహబూబాబాద్ లోని అన్ని స్కూళ్ళు, కాలేజీలలో ఉచిత దంత వైద్య శిబిరాలు నిర్వహించి, విద్యార్థులకు దంత పరీక్షలు చేయించి, అవసరమైన మందులు ఉచితంగా అందజేశాము.
ఉచిత దంతవైద్య శిబిరంలో దంత పరీక్షలు నిర్వహిస్తున్న మహబూబాబాద్ ప్రభుత్వ ఆసుపత్రి దంతవైద్య నిపుణులు లయన్ డాక్టర్ కె.యల్.వి. ప్రసాద్ గారు… కుడి వైపు చివర రచయిత.
చుట్టుపక్కల గ్రామాల్లో ఉచిత వైద్య శిబిరాల ద్వారా పేదవారికి ఆరోగ్య పరీక్షలు నిర్వహించి, ఉచితంగా మందులు పంపిణీ చేశాము.
కురవి గ్రామంలో నిర్వహించబడిన ఉచిత వైద్యశిబిరంలో వైద్య సేవలను వినియోగించుకునేందుకు బారులు తీరిన, గుమిగూడిన కురవి మరియు పరిసర గ్రామాల ప్రజలు
కురవి గ్రామంలో, లయన్స్ క్లబ్ మహబూబాబాద్ – కాకతీయ వైద్య కళాశాల, వరంగల్, ఆంధ్రా బ్యాంకు కర్షక సేవా సహకార సంఘం, కురవి – సంయుక్తంగా నిర్వహించిన ఉచిత వైద్య శిబిరంలో వైద్య సేవలు అందించిన డాక్టర్లు, ఇతర వైద్య సిబ్బంది, మహబూబాబాద్ లయన్స్ క్లబ్ సభ్యులు, మరియు కురవి కర్షక సేవా సహకార సంఘ సిబ్బంది.
ఉచిత పశు వైద్య శిబిరాలు నిర్వహించి, పశువులకు ఆరోగ్య పరీక్షలు చేయించి, అవసరమైన మందులు ఉచితంగా అందజేశాము.
మహబూబాబాద్‍లో ఉచిత కంటి వైద్యశిబిరం నిర్వహించి, పేదవారికి కంటి ఆపరేషన్లు చేయించి, కళ్ళద్దాలను, మందులను ఉచితంగా అందజేశాము. ఆర్థిక ఇబ్బందులతో చదువులను కొనసాగించలేని పేద విద్యార్థులకు మెరిట్ స్కాలర్‍షిప్‍లు అందజేసి, వారి చదువులను నిరాటంకంగా కొనసాగించేందుకు సహాయపడ్డాము.
40
ఈ సంవత్సరం కూడా మహబూబాబాద్ బ్రాంచి టార్గెట్స్ అన్నీ చేరుకోగలిగాము.
వరంగల్ రీజియన్ లోని శాఖాధిపతుల సమావేశము భువనగిరి దగ్గర యాదగిరిగుట్టలో జరిగింది. నేను కూడా ఆ సమావేశానికి హాజరయ్యాను. ముందుగా ఎంతో ప్రాచుర్యం ఉన్న శ్రీ లక్ష్మీ నరసింహస్వామి దేవాలయానికి వెళ్ళి పూజా కార్యక్రమాలు నిర్వహించాము. హెడ్ ఆఫీస్ నుంచి వచ్చిన డిప్యూటీ జనరల్ మేనేజర్ శ్రీ డి.యన్. మూర్తి గారు, వరంగల్ రీజినల్ మేనేజర్ శ్రీ యల్. వీరభద్రరావు గారు కూడా ఆ సమావేశంలో పాల్గొన్నారు.
ఆ తరువాత రీజియన్ లోని అన్ని బ్రాంచీల పనితీరుపై సమీక్ష నిర్వహించారు. మహబూబాబాద్ బ్రాంచిని సమీక్షించిన పిమ్మట, వారు మిక్కిలిగా సంతృప్తిని వెలిబుచ్చారు. రాబోయే ఆర్థిక సంవత్సరానికి గాను, అన్ని బ్రాంచీల టార్గెట్లను బాగా పెంచారు.
సమావేశం ముగింపు కార్యక్రమంలో డిప్యూటీ జనరల్ మేనేజర్ శ్రీ డి.యన్. మూర్తి గారు, బ్రాంచి మేనేజర్లను ఉద్దేశించి ఒకింత ఆవేశంగానే ప్రసంగించారు.
“ప్రస్తుత పరిస్థితుల్లో బ్యాంకింగ్ రంగంలో వివిధ బ్యాంకుల మధ్య వ్యాపారాభివృద్ధి కొరకు, పోటీతత్వం విపరీతంగా పెరిగిపోతోంది. ఏ బ్యాంకైనా భవిష్యత్తులో నిలదొక్కుకోవాలంటే, ఇతర బ్యాంకులతో పోటీ పడాల్సిందే… నెగ్గుకు రావల్సిందే! ఆ విషయంలో మన బ్యాంకుకు ప్రత్యేకమైన మినహాయింపు ఏమీ లేదు. అందుకే ఈ సంవత్సరం బ్రాంచీలకు టార్గెట్లు, గడచిన సంవత్సరాలకు భిన్నంగా, మరింతగా పెంచాము.
మీరందరూ… అనుకోవచ్చు – ఈ టార్గెట్లు పెట్టారు గానీ, వాటిని రీచ్ అవగలమా? అని. అవలేమని తెలిసి తెలిసి, ప్రయత్నం చేయడం వృథా ప్రయాస అవుతుందేమో!… అని కూడా మీరు అనుకోవచ్చు. అలా అనుకుంటే – అది చాలా పొరపాటు. ఎందుకంటే, మనందరి భవిష్యత్తు, మన బ్యాంకు భవిష్యత్తు పైనే ఆధారపడి వుంది. అది నిజం అని మీకందరికీ తెలుసు. అందుకే, టార్గెట్స్ ఎక్కువగా ఉన్నాయని మీరెవరూ నిరుత్సాహపడకూడదు. మీ వంతు ప్రయత్నం మీరు ఖచ్చితంగా చేసి తీరాల్సిందే! మీరు అనుకోవాలే గాని, అది తప్పక సాధిస్తారు… ఎందుకంటే ‘ఆంజనేయస్వామి బలం, ఆంజనేయస్వామికి తెలియదట!’… అలాగే మీలోని శక్తి సామర్థ్యాలు మీకు తెలియవు. మీలో నిగూఢంగా దాగి వున్న ఆ శక్తి సామర్థ్యాలను వెలికి తీయండి, వాటిని ప్రయోగించండి, మీకిక ఎదురనేది ఉండదు. మీరంతా ఈ క్షణం నుండే రంగంలోకి దిగండి. ఆల్ ది బెస్ట్!”… అంటూ తన సందేశాన్ని వినిపించారు.
కళ్ళప్పగించి, చెవులు రిక్కించి ఆ ప్రసంగం విన్న మేమంతా, కరతాళ ధ్వనులతో మా సమ్మతిని తెలియజేశాము. మాలో ప్రతి ఒక్కరం రెట్టింపైన ఉత్సాహాన్ని మూటగట్టుకుని, కదనరంగంలోకి దూకే సైనికుల్లా తిరుగు ప్రయాణమయ్యాం.
(మళ్ళీ కలుద్దాం)
ఆంధ్రాబ్యాంకు లో ప్రాంతీయ అధికారి హోదా లో ఉద్యోగ విరమణ చేసిన తరువాత , తన కెంతో ఇష్టమైన రచనా వ్యాసంగాన్ని ఎంచుకొని , కథలు,నాటికలు,నవలలు వ్రాస్తూ ముందుకెళ్తున్నారు.
ప్రతి వారం ఎదురుచూస్తా కొత్త ఎపిసోడ్ కోసం. Ravi C.*
29 Comments
Sambasiva+Rao+Thota
Ee roju SANCHKA lo , nenu vraashina “NAA JEEVANA GAMANAMLO “ ..25th episode prachrinchinanduku , Editor Sri MuraliKrishna Gaariki,Sri Somashankar Gaariki , thadithara Sanchika Team Sabhylandariki , naa hrudayapoorvaka kruthajnathalu …
Mee
Sambasivarao Thota
Sagar
రుణాల వసూలు పద్దతి చాలా విశదంగా వివరించారు సర్ . నిజమే మీరన్నట్లు అన్నీ సక్రమంగా జరిగితే ఏరైతుకూడ అప్పు చెల్లించడం ఆపడు. అలాగే వారిలో ఉత్సాహాన్ని నింపేందుకు మీరు చేసే సేవా కార్యక్రమాలే కాక వారితో సత్సంబంధాలు నెలకొల్పడం ముదావహం. నేడు ఎక్కడ చూసినా అప్పులు ఎగవేసి పారిపోయే పారిశ్రామికవేత్తలే. అలాంటివారికైనా మీ రచనల ద్వారా కనువిప్పుకలిగితే సంతోషం. మంచి నిబద్దతతో కూడిన ఉద్యోగ అనుభవాలను వివరిస్తున్న మీకు ధన్యవాదములు మరియు అభినందనలు.
Sambasiva+Rao+Thota
Brother Sagar!
Mee abhimaana mariyu aathmeeya spandanaku Dhanyavaadaalu
rao_m_v@yahoo.com
As usual excellent narrative – worth waiting for! We come to know how things work. Most of the general public is unaware of the enormous effort put in by banks to help the farmers! May God bless you!
Sambasiva+Rao+Thota
Sri MV Rao !
Thank you very much for your affectionate comments which I always cherish
Sambasiva+Rao+Thota
Mi udoga parvamulo anubhavalanu chakkaga vivarimcharu miku dhanyavadalu
From
Smt.Seethakkaiah
Hyderabad
Sambasiva+Rao+Thota
Seethakkaiah!
Meeku Dhanyavaadaalu
Sambasiva+Rao+Thota
You have good analysis capacities.
From
Sri RamanaMurthy
Vizag
Sambasiva+Rao+Thota
Thank you very much RamanaMurthy Garu
RAGHU PRASAD K
మిత్రులు సాంబశివ రావు గారూ,
మీరు బ్యాంకుకు చేసిన సేవలూ, సామాజిక సేవలూ బహు శ్లాఘనీయం.
మీ అనుభవాలు అనుభవాలు వివరిస్తున్న తీరు, శైలి అభినందనీయం.
మీకు మా నమోవాకములు
– రఘు ప్రసాద్ కొడాలి
Sambasiva+Rao+Thota
RaghuPrasad Garu!
Mee abhimaana mariyu aathmeeya spandanaku Dhanyavaadaalandi
Sambasiva+Rao+Thota
సాంబశివ రావు గారికి శతకోటి వందనాలు..మీ అకుంఠిత దీక్ష కు సహస్ర కోటి వందనాలు
From
Sri RaviRamana
Hyderabad
Sambasiva+Rao+Thota
RaviRamana Garu!
Meeru nnnu maree ekkuvagaa abhimanisthunnaaru..
Mee abhimaana mariyu aathmeeya spandanaku Satha Sahasra koti vandanaalandi
Sambasiva+Rao+Thota
Anna. Excellent
From
Sri ChristaChaari
Hyderabad
Sambasiva+Rao+Thota
Thank you very much ChristaChaari Garu
Sambasiva+Rao+Thota
Nice sir
From Sri Venkateswarlu
Guntur
Sambasiva+Rao+Thota
Thank you very much Venkateswarlu Garu
K. Sreenivasa moorthy
Sambasiva Rao garu
Till now I heard about seven wonders of world but today I came to know about eight principles of credit banking. Nice one sir. Farmer is the backbone of the country. Taking care of them is very much appreciated.
Sambasiva+Rao+Thota
Avunu SreenivasaMurthy Garu!
Rythulu mariyu Graamaalu abhivrudhi chendithene , migathaa rangaalatho paatu Desham yaavathu abhivrudhi chenduthundi…
Ide Abhivrudhi Manthram …
Mee aathmeeya spandanaku Dhanyavaadaalandi
Sambasiva+Rao+Thota
9866039460 M S RAMARAO
Dear Sambasiva Rao ji
Your innovative endeavours and cherishing the golden
days of banking career is highly commendable
Regards.
M S RAMARAO
Manager (retd)
Central Bank of India
Hyderabad
Sambasiva+Rao+Thota
RamaRao Garu!
Thank you very much for your affectionate comments,which I always cherish
Bhujanga rao
జీవనగమనం 25 బాగుంది.రైతుల రుణాలు వసూలు చేయడానికి ఆయా గ్రామాల పరిస్తితులకనుగుణంగా,వారి మనస్సెరిగి 8 సూత్రాల కొత్త ప్రాణాళికతో చేసిన కార్యక్రమాలు చక్కగా వివరించారు.పవిత్ర ఆశయంతో చేసే కార్యక్రమానికి మంచి సత్పలితాలు ఇస్తాయని ఈ ఎపిసోడ్ ద్వారా తెలుసుకున్నాము.లయన్స్ క్లబ్ మెంబర్ కావటం,వారి సేవా కార్యక్రమాల్లో చురుకుగా పాల్గొని,తదుపరి క్లబ్ సెక్రెటరీ అయి,లయన్స్ క్లబ్ సహకారంతో కాకతీయ వైద్య కళాశాల, సహకార సంఘం కురవి సంయుక్తంగా నిర్వహించిన ఉచిత వైద్య శిబిరాలు ఒక అద్భుతం,ప్రధాన మైన అంశం.శిబిరంలో పాల్గొన్న డాక్టర్ ప్రసాద్ గారు మరియు మిగతా డాక్టర్స్ తో పాటు అప్పటి రోజులు గుర్తుకు వచ్చాయి.అందరికి హృదయ పూర్వక నమస్కారములు.
Sambasiva+Rao+Thota
BhujangaRao Garu!
Meeru cheppinatlu appatlo atu Bank Vishayaallo ,itu Lions Club Seva kaaryakramaala vishayallo ..,, balance chesukunnaamu. Rendoomukhyamainavi kaabatti…
Avannee mee andari sahakaaram valle jarigaayi..
Mee abhimaana mariyu aathmeeya spandanaku Dhanyavaadaalandi
Sambasiva+Rao+Thota
Very nice Sir
From
Mrs.Bhavani
Hyderabad
Sambasiva+Rao+Thota
Thank you very much Bhavani Garu
Paleti+Subba+Rao
సాంబశివరావు గారూ, మీ జీవనగమనం ప్రతి బ్యాంకు ఉద్యోగికి ఒక మార్గదర్శి గా ఉంది. మంచి సక్సెస్ఫుల్ అధికారిగా పేరు తెచ్చుకోవాలంటే మీ అనుభవాలను అమలులో పెడితే చాలు. నాకు నచ్చింది ఇంకోటి ఏమిటంటే, ఆయా సందర్భాలలో తీసిన ఫోటోలను భద్రంగా భద్రపరచి, వాటిని జతచెయ్యడం. సాధారణంగా అందరికీ అంత శ్రద్ధ ఉండదు. అందుకు మీకు నా హృదయపూర్వక అభినందనలు, సాంబశివరావు గారూ.
Sambasiva+Rao+Thota
SubbaRao Garu!
Mee aathmeeya mariyu abhimaana spandanaku hrudayapoorvaka Dhanyavaadaalandi
Sambasiva+Rao+Thota
Wonderful service through to public bank and Rotary. That shows your commitment. Thank you.
From
Sri ChandrasekharReddy
Hyderabad
Sambasiva+Rao+Thota
ChandrasekharReddy Garu!
Thank you very much for your affectionate comments