రామకృష్ణ నామామృతము

సంచిక డైనమిక్ వెబ్ పత్రిక. అంటే నెల కొకసారో వారాని కొకసారో, పదిహేను రోజుల కొకసారో మాత్రమే అప్‌లోడ్ అయ్యే పత్రిక కాదు, సందర్భాన్ని బట్టి అవసరమయితే, రోజూ అప్‌లోడ్ అయ్యే డైనమిక్ పత్రిక అని భువనచంద్ర గారికి వివరిస్తూ, రామనవమి సందర్భంగా కూడా కొన్ని కథలు, కవితలు అప్‌లోడ్ అవుతున్నాయని చెప్పాను. ఆయన వెంటనే “నేను చిన్నప్పుడొక హిందీ సినిమా పాట విన్నాను. అది నాకు ఎంత నచ్చిందంటే ఆ పాట బాణీ ఆధారంగా నేనూ ఓ పాట రాసుకున్నాను. హిందీ పాటలో రామకృష్ణ హరే అని వస్తుంది” అని చెప్పి, పాట హం చేసి తాను రాసిన గేయాన్ని పాడివినిపించారు. నేను వెంటనే ‘చందా ఔర్ బిజ్లీ’ అనే సినిమాలో భువనచంద్ర గేయానికి బాణీ స్ఫూర్తినిచ్చిన ‘కాల్ క పయ్యా ఘూమే భయ్యా’ అనే పాటను వినిపించాను. ఆ పాట బాణీని అనుసరిస్తూ భువనచంద్రగారు సృజించిన గేయం రామకృష్ణ నామామృతం. – కస్తూరి మురళీకృష్ణ