[శ్రీ రాచకుళ్ల విశ్వరూప చారి రచించిన ‘తందనాలు’ అనే చిన్న కవితలని పాఠకులకు అందిస్తున్నాము.]
31
అంధత్వములో పాపము పసివాడు
భాంధవ్యములో సహాయ నిరాకరణ
ఆ ధనం లేకనే వైద్య సదుపాయం లేదు
అంధత్వంతోనే శేష జీవితము
32
కవి సమ్మేళన సభ ప్రారంభమయ్యె
కవులందరూ ఉత్సహముతో పాల్గొనిరి
కవయిత్రులకు ప్రవేశము లేని కారణం?
చేవ లేదనే భావనా?
33
వంశోద్ధారకులంటే పుత్రులే?
సంశయం లేదు పుత్రుడే పున్నామ నరకం నుండి రక్షించేవాడు
లేశమంతైనా సందేహం లేదు
దేశోద్ధారకులూ ఔతారు
34
కానమే మంచి లక్షణాలు దుర్గుణినందు
చానా మంచి లక్షణాలే సద్గుణినందు
అన్యులందు రెండు లక్షణాలు
కాన మంచి చెడులు నిర్ణయించ లేము
35
కానలోని జంతువులన్నీ క్రూర జంతువులు కావు
కొన్నిటికి ఇతర జంతువులే ఆహారం
వనాలలోవి సాధువులే
కనుక జంతువులు మిశ్రమం
36
మట్టి కుండలో నీళ్లు అతి చల్లన
చట్టి పిడతతో కూరలు చాలా ఆరోగ్యం
గట్టి ఆరోగ్యం పై రెండింటితో
వొట్టి మాటలెందుకు రెండూ వాడితే సరి
37
మండపంలో మంత్రి గారు విచ్చేసియున్నారు
కుండ బద్దలు కొట్టినట్లు మాట్లాడారు
దండలు వేసి సత్కరించిరి నిజాయితీకి
కొండంత ఆశతో జనం
38
రసకందాయంగా సభ సాగుచున్నది
నస పెట్టకుండా వివరించలేక పోయాడు వక్త
గుస గుసలు మొదలైనవి ప్రేక్షకులలో
పస లేదని
39
కసి కసిగా కావ్యం వ్రాశాడు
వ్రాసి వ్రాసి అవలోకనం చేసుకున్నాడు
పసి కట్టగలరు గదా పస లేదని
రసికులు మెచ్చునాయనే చింతలో
40
తగినన్ని సమిధలు వేసి భోగి మంటలు
రాగి సమిధలు కూడా జోడించి
భోగి మంటల్లో చలి కాచుకున్న జనం
కాగి కాగి ఆనందించిరి జనం
శ్రీ రాచకుళ్ల విశ్వరూప చారి (ఆర్.వి. చారి) గారిది తెనాలి. ప్రసుతం హైద్రాబాదులో సెటిల్ అయినారు.
చారి గారు ఈ.ఎస్.ఐ. కార్పొరేషన్‌లో సూపరింటెండెంట్‌గా పనిచేసి రిటైర్ అయినారు. వారి మేనమామ గారు కీ.శే. పూసపాటి నాగేశ్వర రావు. అయన వీరబ్రహ్మేంద్ర చరిత్ర పద్య కావ్యం రచించి యున్నారు. కాగా అయన అష్టావధాని కూడా. వారి స్వగ్రామము రావెల్, గుంటూరు జిల్లా. చారి గారికి తమ మామయ్య మాదిరి పద్యాలు వ్రాయాలని కోరిక. కానీ ఛందస్సు తెలిసుండాలిగా. అందుచే వ్రాయలేక పోయారు.
కానీ నానీలు వ్రాయుటకు వారి కుమార్తె శ్రీమతి ప్రత్తిపాటి సుభాషిణి కారణం. ఆమెది బాపట్ల, గుంటూరు జిల్లా. టీచర్‌గా పని చేస్తున్నారు. వారు ఈ మధ్యనే ఒకానొక సంధర్బములో హైదరాబాద్ వొచ్చి తాను రచించిన ‘నిశ్శబ్ద పర్జన్యాలు’ చారిగారికి ఇచ్చారు. అవి చాలా బాగున్నాయి. అవి చదివిన తరువాత, ఆ స్పూర్తితో, నానీలు వ్రాయాలని కోరికతో చారిగారు నానీలు వ్రాసారు. పద్యాలు వ్రాయాలనే వారి కోరిక ఈ విధంగా తీరుచున్నది.
- Venu…