పేరులో ఏముంది?
పేరులో ఏముంది? అని ప్రశ్నించుకుంటే, పేరులోనే అంతా వుంది! అని సమాధానం చెప్పుకోవలసి వస్తుంది. పేరులోనే వున్నది పెన్నిధి.. అన్న నానుడి కూడా వింటుంటాం. ఒకప్పుడు పిల్లలకు పేరుపెట్టడానికి ఇప్పుడు జరుగుతున్నంత రభస,తతంగం వుండేవి కాదు. పూర్వీకుల పేర్లో, బ్రతికి వున్న పెద్దల పేర్లో, వారిమీద వుండే గౌరవానికీ, ప్రేమకు గుర్తుగా పెట్టుకునేవారు.
కొందరు వారికి ఇష్టమైన దేవుళ్ళ పేర్లో, దేవతల పేర్లో పెట్టుకునేవారు. అందుకే మన సమాజంలో రామారావులు, వెంకటేశ్వరరావులు, యాదగిరి వంటి పేరున్న పెద్దలు తారసపడుతుంటారు. శివరావులు, శంకర్ రావు, యేసయ్యలు కూడా ఇలా వాడుకలోనికి వచ్చినవే.
సీత, శారద, సరస్వతి, పార్వతి, యంకమ్మ, ఎల్లమ్మ, మరియమ్మ, గ్రేసమ్మ వంటి పేర్లు కూడా ఇలా పుట్టుకొచ్చినవే! కొన్నిచోట్ల నదుల పేర్లను తమ పిల్లలకు పెట్టుకునే ఆచారం కూడా వుంది. ఆధునిక యుగంలో ఆధునికంగా వుండాలని ఆకర్షణీయమైన పొట్టి పేర్లు పెట్టుకున్నప్పటికీ, ఇష్టదైవాల పేర్లు పెట్టుకునే ఆచారం పూర్తిగా సమసిపోలేదు. నదుల పేర్లకు సంబంధించి క్రిష్ణయ్య, కృష్ణారావు, కృష్ణకుమారి, కృష్ణవేణి, గోదావరమ్మ, నర్మద, కావేరి, గంగ, గంగయ్య, గంగాధర్ వంటి పేర్లు కూడా బాగా వాడుకలోనే ఉండేవి.
ఇకపోతే రాజకీయ నాయకుల పేర్ల గురించి చెప్పనక్కరలేదు. దేవుళ్ళు దేవతలకు ఇంచుమించు సమానంగా ఈ పేర్లు ఉంటాయి. గాంధీ, రాజేంద్ర ప్రసాద్, అంబేద్కర్, రాధాకృష్ణ, రాజగోపాల్, ఇందిర, సరోజిని, ఝాన్సీ, నెహ్రు, సుభాష్ చంద్రబోస్, నానాజీ, మీనన్ ఇలా ఎన్నో, మరెన్నో పేర్లు ఎక్కడ చూసినా దర్శనం ఇస్తాయ్.
ప్రేమతో, అభిమానంతో, గౌరవంతో, గొప్ప వ్యక్తుల పేర్లు పెట్టుకోవడంలో తప్పు లేదు గానీ, అరేయ్, ఒరేయ్ వంటి పదాలు తగిలించి పిలుస్తుంటే ఆ యా వ్యక్తులను అవమానపరచినట్టు అవుతుంది. అలా వింటున్నప్పుడు, ఎంతో బాధ కూడా కలుగుతుంది. కొంచెం మోతాదు ఎక్కువైనవాళ్లు పేర్లకు బూతులు తగిలించి మరీ పిలుస్తారు. ఇది ప్రేమ, కోపం పరాకాష్టకు చేరుకున్నప్పుడు ఊపందుకుంటుంది.
కొంతమంది షాపులకు మహాత్ముల పేర్లు పెడతారు. తప్పులేదు. కానీ వ్యక్తిని బట్టి ఆయా షాపులకు ఆ పేర్లు పెట్టొచ్చా లేదా అన్నది ఆలోచించుకోవాలి. ఉదాహరణకు ఒక మద్యం షాపుకు గాంధీ గారి పేరు పెడితే ఎలా ఉంటుంది? అది యెంత అవమానకరం? ఎంత దుర్మార్గం? అందుకే దేనికైనా పేర్లు పెట్టేటప్పుడు చాలా జాగ్రత్తగా ఆలోచించి పెట్టాలి. మనుష్యులకే కాదు కథలకు, కవితలకు పేర్లు పెట్టడము కూడా కత్తిమీద సాము లాంటిదే మరి. పేరు చూడగానే చదవాలనిపించాలి. తరువాతి స్థానమే రచయితది.
మతపరంగా కొందరు పెట్టే పేర్లు అతిక్లిష్టంగా కొరకరాని కొయ్యలుగా, పలకడానికీ, రాయడానికి, ఉచ్చరించడానికి వీలుకానంత కష్టమైన పేర్లు పెడతారు. మతపరంగానో, మతగ్రంథం పరంగానో, అర్థం పరంగానో ఆ యా పేర్లకు ప్రాముఖ్యం వుండొచ్చుగానీ, అన్ని విధాలా సులభతరంగా, సరళంగా కూడా ఉండాలి.
ఈ మధ్య నా మిత్రుడొకాయన ఫోన్ చేసి, ఒక వూర్లో నా బంధువొకాయన ఒక శుభకార్యంలో కలిసినట్టు చెప్పారు. ఏమి పేరని అడిగాను. ‘పేరు నాకు పలకడానికి రావడం లేదు’ అని స్పెల్లింగ్ చదివి వినిపించారు. అలాంటి పరిస్థితి రాకూడదు. నా పేరు, నా ఇష్టం అంటే, ఇలానే ఉంటుంది. పెద్దల పేర్లు కలసి రావాలని, అందులో ఇష్టమైన దేవతల పేర్లు, తల్లిదండ్రుల పేర్లు కూడా కలసి వచ్చేట్టుగా వుండాలని కోరుకునేవాళ్ళు కూడా లేకపోలేదు! పేరు పెట్టేవాళ్ళకి సమస్య లేదు గానీ, పేరు గల వాళ్ళు పెద్దయ్యాక చాల సాంకేతిక ఇబ్బందులకు గురి అవుతారు. అలాంటి వారి పేర్ల జాబితాలో నా పేరు కూడా వుంది!
నా పేరు లక్ష్మీ వర ప్రసాద్. నిజానికి ప్రసాద్ అంటే సరిపోయేది. కానీ నా పేరులో మా కజిన్ సిస్టర్ పేరు (మా పెదనాన్న గారి అమ్మాయి) కలిసేలా, మా పెద్దన్నయ్య (పెదనాన్నగారి అబ్బాయి) పెట్టారట! దీనితో నాకు పెద్ద ఇబ్బంది లేదు కానీ, ఎవ్వరూ నన్ను నా పూర్తి పేరుతో పిలవరు. పైగా ఏదైనా అప్లికేషన్ పూర్తి చేసేటప్పుడు వాళ్ళు కల్పించిన గడి సరిపోదు! ఇలాకొన్ని సాంకేతిక పరమైన ఇబ్బందులు అప్పుడప్పుడు ఎదురవుతుంటాయి. ఇంతే కాదు, ఆచరించే మతానికీ, వాళ్ళు పెట్టుకున్న పేర్లకీ లింకు కుదరదు.
నిజానికి, మా అమ్మ క్రైస్తవ కుటుంబ నేపథ్యం నుండి వచ్చింది, కానీ అమ్మ పేరు వెంకమ్మ. అలాగే, నా శ్రీమతి పూర్వీకులు అందరు క్రైస్తవాన్ని పాటిస్తూ వస్తున్న వాళ్ళే! కానీ, మా ఆవిడ పేరు అరుణ. ఇలా ఎన్నో ఉదాహరణలు చెప్పుకోవచ్చు.
నాకు మొదటి నుండీ చిన్నపేర్లు అంటే ఇష్టం. అర్ధవంతమైన చిన్నపేర్లకు నేను ఫిదా అయిపోతాను.
పెద్దన్నయ్య కె.కె. మీనన్‌తో రాహుల్
నాకు మొదటి సంతానం అబ్బాయి. అబ్బాయి పుట్టగానే మా వాళ్లకి, ముఖ్యంగా మా అత్తగారి పక్షం వారికి ముందే చెప్పేసాను. పిల్లల పేర్లు పెట్టే విషయంలో ఎవరి జోక్యం ఉండకూడదని. దానికి అందరూ సహృదయంతో అంగీకరించారు. మత పరమైన పేర్లు సూచిస్తారని నా భయం!
అమెరికా వెడుతూ, బేగంపేట్ ఎయిర్‍పోర్టులో రాహుల్
ఆ స్వేచ్ఛతో, శ్రీమతి అంగీకారంతో, నా పుత్రరత్నానికి ‘రాహుల్’ అని నామకరణం చేసాను. అందరికీ ఈ మూడక్షరాల పేరు బాగా నచ్చింది. అయితే, అందరూ అనుకున్నది, రాహుల్ అంటే ఇందిరమ్మ కుటుంబానికి చెందిన పేరు అనుకున్నారు. కానీ, అది కాదు, గొప్ప సాహితీవేత్త, సంస్కృత పండితుడు, మహా మేధావి అయిన రాహుల్ సాంకృత్యాయన్ నుండి ‘రాహుల్’ తీసుకున్నాను. ఆయన చరిత్ర చదివినవాడిని నేను, అందుకే నచ్చిన ఆ పేరు పెట్టుకున్నాను. అలా మామూలు పేరు, ముద్దు పేరు రాహుల్ గానే కొనసాగుతున్నది. ముప్పై ఏళ్ళు దాటిన రాహుల్ ఇప్పుడు, అమెరికాలో (బోస్టన్) క్వాలిటీ ఇంజనీర్‌గా పని చేస్తున్నాడు.
ఇకపోతే, నా రెండవ సంతానం అమ్మాయి. అమ్మాయి పేరుకు కాస్త ప్రత్యక్ష చరిత్ర వుంది. నాకు పెళ్లి కాకముందే ఈ పేరును డైరీలో రాసుకుని దాచుకోవడం ఇక్కడ ప్రత్యేకత! ఒకవేళ నాకు ఆడపిల్ల పుడితే గనుక ఈ పేరే పెట్టుకోవాలని అప్పుడే అనుకున్నాను.
ప్రొ. పి. రామచంద్రారెడ్డి
నేను 1980లో హైదరాబాద్ లోని ప్రభుత్వ దంత వైద్య కళాశాలలో బి.డి.ఎస్. ఉత్తీర్ణత పొంది, హౌస్ సర్జన్‌గా పని చేస్తున్న రోజుల్లో, నా గురువు, నా శ్రేయోభిలాషి, ఓరల్ మెడిసిన్ అండ్ రేడియాలజీ ప్రొఫెసర్, డా. పి. రామచంద్రారెడ్డి గారు పిలిచి, పంజాగుట్టలో (ఇప్పుడు జూబిలీ హిల్స్) ఉన్న తన క్లినిక్‍లో పనిచేయమని, తద్వారా మంచి అనుభవం వస్తుందని ఒక ఆఫర్ ఇచ్చారు. అంత మాత్రమే కాదు నెలకు 750/-ఇచ్చేవారు. అక్కడకు అంతా ఉన్నత కుటుంబాలకు చెందిన వాళ్ళు చికిత్స కోసం వచ్చేవారు
పెద్దన్నయ్య కె.కె. మీనన్‌తో నిహార
ఆ క్లినిక్‌కి ఒక రోజు అందమైన ఒక అమ్మాయి, ఆర్థోడాంటిక్ చికిత్స కోసం వచ్చింది. నేను గురువు గారికి అసిస్ట్ చేస్తున్నాను. అంత అందమైన అమ్మాయిని, అప్పటివరకూ చూసి ఎరుగను. అప్పుడే అనుకున్నాను – పెళ్ళైన తర్వాత నాకు ఆడపిల్ల పుడితే, ఈ అమ్మాయి పేరే పెట్టుకోవాలని గట్టి నిర్ణయం తీసుకున్నాను. ఆ అమ్మాయి పేరు ‘నిహార’. అదే పేరు నా కూతురికి ఖాయం అయింది. అమ్మాయి పేరు కూడా మూడు అక్షరాల పేరు కావడం యాదృచ్ఛికమే!
***
ఇక ఆ మహా పండితుడు రాహుల్ సాంకృత్యాయన్ గురించి:
మరుగున పడ్డ మహా పండితుడు!!
అయన పుట్టింది
ఆఖరి శ్వాస విడిచింది
ఏప్రిల్ మాసం లోనే…!
1893, ఏప్రిల్ 9న పుట్టి,
1963 ఏప్రిల్ 14న స్వర్గస్తులైనారు.
ముప్పై భాషలు తెలిసిన,
బహుభాషా కోవిదుడు,
అందులో అరడజను భాషలు,
చడవడం,రాయడం,మాట్లాడడం,
తెలిసిన మహా జ్ఞాని!,
మన దేశం మొత్తమే కాదు,
ఇంచుమించు
యావత్ ప్రపంచాన్ని
చుట్టి వచ్చిన,
మహా యాత్రికుడాయన!
చదువుకున్నది,
మిడిల్ స్కూలు,
ఆర్జించిన జ్ఞానం
అపారం…!!
70 ఏళ్ళ వయసులో
అయన మృతిచెందిన
సమయానికి,
గొప్ప రచయిత అయన!
ఎన్ని భాషలు
అయన గుప్పిట్లో ఉన్నా,
రచనలు చేసింది అన్నీ….
హిందీ లోనే!!
‘మద్య ఆసియా కా ఇతిహాస్’
గ్రంధానికి 1958 లో,
సాహిత్య అకాడెమీ అవార్డు పొందిన
ఈ ఉద్దండ పండిత పిండం,
ఉత్తరప్రదేశ్ ఆణిముత్యం!
అసలు పేరు కేదార్ పాండే…
ప్రసిద్ధ నామం….
రాహుల్ సాంకృత్యాయన్!!
(‘ది హిందూ’ దిన పత్రిక సౌజన్యంతో)
***
మా అబ్బాయి ‘రాహుల్ కానేటి’కి పేరు పెట్టడంలో స్ఫూర్తిదాత ఈయనే!
(మళ్ళీ కలుద్దాం)
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.
ప్రతి వారం ఎదురుచూస్తా కొత్త ఎపిసోడ్ కోసం. Ravi C.*
141 Comments
డా.కె.ఎల్.వి.ప్రసాద్
Thank you
For your good words
Anil garu.
డా.కె.ఎల్.వి.ప్రసాద్
Pillalaku perlu pettadamlo inta charitra undannamata anyhow muchataga mudu aksharala perlu bagunnayi sir
_______Srihari.k.
All India Radio
Warangal.
డా.కె.ఎల్.వి.ప్రసాద్
శ్రీహరి గారూ
మీ స్పందన కు
ధన్యవాదాలు.
రమాదేవి బాలబోయిన..మృదువిరి
మీ జ్ఞాపకాలు బాగున్నాయి సర్ …పేర్లు పెట్టడం వెనుక అనేకానేక కారణాలు…మనసుకు నచ్చిన పేరు పిల్లలకు పెట్టి ఆనందిస్తాము…పిల్లలు తమ పేరు నిలబెట్టుకున్నప్పుడు మరింత ఆనందిస్తాం…మీ జ్ఞాపకాల పందిరిలో మరో మంచి విషయాన్ని చెప్పి మా జ్ఞాపకాల తుట్టెను కదిలించారు
డా.కె.ఎల్.వి.ప్రసాద్
అమ్మా
మీ సహృదయ
స్పందనకు
ధన్యవాదాలు
డా.కె.ఎల్.వి.ప్రసాద్
చాలా బాగుంది సర్ …పేర్లతో అనుబంధం…నచ్చిన పేర్లు పెట్టడం వెనుక ఆనందం
__రమా దేవి.బాల బోయిన
హనంకొండ
డా.కె.ఎల్.వి.ప్రసాద్
అమ్మా
మీ స్పందనకు
ధన్యవాదాలు.
డా.కె.ఎల్.వి.ప్రసాద్
Jnapakala pandiri
Chadivanu. Voka
Peru Kosam parents
Yenta kasta padataru rachiyeta
Baga chepparu.
kallaku
___D.chandra sekhar
Hyderabad
డా.కె.ఎల్.వి.ప్రసాద్
శేఖర్
నీ స్పందన కు
ధన్యవాదాలు.
డా.కె.ఎల్.వి.ప్రసాద్
J P-12 పేరు లో ఏముంది? తో సాగిన మీ మధుర జ్ఞాపకాల “పేర్ల సంపుటి”
మా జ్ఞాపకాలలోకి మమ్మును నడిపింది అన్నగారు…
ధన్యవాదాలు.!
మా పేర్లు పెట్టే విషయంలో మా నాన్నగారు ఒక ప్రత్యేకత పాటిస్తే…
నాకు అది అలవడిందో ఏమో!
పేర్లు పెట్టడానికి నన్ను చాలామంది ఎంచుకుంటారు.
ముద్దు పేర్లు, అసలు పేర్లు…
ఇలా ఎవరికి వారు స్పెషల్ అనుకోండి.
ఈ మధ్య ప్రభుత్వాలు కూడా చిన్న పేర్లు పెట్టండోయ్ అని సూచిస్తున్నట్టు విన్నాను.
మీ ఈ సంపుటి ద్వారా నలుగురు ప్రముఖుల పేర్లు గుర్తుచేశారు…
_____బంగారు బాబు.
కువైట్.*
డా.కె.ఎల్.వి.ప్రసాద్
బ్రదర్,
మీ స్పందనకు
ధన్యవాదాలు.
nallanvnc9@gmail.com
డా. కానేటి లక్ష్మివరప్రసాద్ గారు సారస్వత వరప్రసాదంతో పెరిగినవారు ఎరిగిన వారు
ఆ సాహిత్యపు వాసనలు ఔపోసన పట్టిన సామాజిక సాంస్కృతిక గుభాలింపులు
ఆయన పిల్లకు పెట్టిన పేర్లు స్పష్టం చేస్తున్నాయి
పేరులో”నేముంది” పెన్నిధి అని ఒక వ్యాసం చదివాను చాలా కాలం క్రితం. వ్యక్తిని గుర్తుపట్టడానికి సంభోదించడానికి ఉపయోగ
పడే పేరు అర్థవంతంగా సరళ సుందరంగా ఉంటే రాణిస్తుంది. లేకపోతే.అరిగి పోయి విరిగి పోయి ముక్కలై కురచగా అవుతుంది.
పేరు పెట్టడంలో తనదైన అభివ్యక్తిని.ఆశయాన్ని నిక్షిప్తం చేసి సార్థక నామధేయంగా మ‌చిన ప్రసాద్ గారు అభినంనీయులు.
డా.కె.ఎల్.వి.ప్రసాద్
చారి గారూ
మీ స్పందన కు
కృత జ్ఞ త లు.
డా.కె.ఎల్.వి.ప్రసాద్
KLV your story is really interesting and nice.
. ___Dr.J.Kranthi
Hyderabad.
డా.కె.ఎల్.వి.ప్రసాద్
Thank you
Dr.Kranthi.
BILLA JANIBASHA
పిల్లలకు పేర్లు పెట్టడం వెనుక తల్లిదండ్రులకు ,ఆ కుటుంబ పెద్దల కు ఉన్న ఇష్టాలను బట్టి,జాతకాలను బట్టి,ఇంకా మీరు చెప్పిన విధంగా అనేక అంశాలు ముడిపడి ఉంటాయి సర్…మీరు చక్కగా విశ్లేషించారు.
మీ పిల్లలకు మీకు నచ్చిన పేర్లు “రాహుల్” & “నిహార” పెట్టడం వెనుక ఉన్న మీకు ఉన్న అభిలాష చాలా బాగుంది సర్.
రాహుల్ & నిహార పేర్లు చాలా బాగున్నాయి సర్….మీ జాని
డా.కె.ఎల్.వి.ప్రసాద్
జానీ…
మీ స్పందన కు
ధన్యవాదాలు.
డా.కె.ఎల్.వి.ప్రసాద్
పిల్లలకు పేర్లు పెట్టడం వెనుక తల్లిదండ్రులకు ,ఆ కుటుంబ పెద్దల కు ఉన్న ఇష్టాలను బట్టి,జాతకాలను బట్టి,ఇంకా మీరు చెప్పిన విధంగా అనేక అంశాలు ముడిపడి ఉంటాయి సర్…మీరు చక్కగా విశ్లేషించారు.
మీ పిల్లలకు మీకు నచ్చిన పేర్లు “రాహుల్” & “నిహార” పెట్టడం వెనుక ఉన్న మీకు ఉన్న అభిలాష చాలా బాగుంది సర్.
రాహుల్ & నిహార పేర్లు చాలా బాగున్నాయి సర్.
_____బి.జానీ భాష
కడప.
డా.కె.ఎల్.వి.ప్రసాద్
బాబూ…
మీ స్పందనకు
ధన్య వాదాలు.
శ్రీధర్ రెడ్డి తుమ్మల
మీ పిల్లల పేర్లతో మీ జ్ఞాపకాలు చాలా బాగున్నాయి …..
పేర్లపై మీ విశ్లేషణ చాలా బావుంది ..
నేను టీచర్ ని కాబట్టి గమనిస్తూ ఉంటాను ఎక్కువగా సౌందర్య , అర్జున్, చిరంజీవి, పవన్ కళ్యాణ్,
అని పెడుతూ ఉంటారు.
కానీ ఒక స్టూడెంట్ కి గాంధీ అని పేరు, అతడు నాకు జీవితాంతం గుర్తుంటాడు …
డా.కె.ఎల్.వి.ప్రసాద్
శ్రీధర్ రెడ్డి
మీ స్పందనకు
ధన్యవాదాలు.
డా.కె.ఎల్.వి.ప్రసాద్
మీ పిల్లల పేర్లతో మీ జ్ఞాపకాలు చాలా బాగున్నాయి సర్ ….
పేర్ల పై మీ విశ్లేషణ చాలా బాగుంది ..
నేను టీచర్ ని కాబట్టి గమనిస్తూ ఉంటాను, చాలా పేర్లు సౌందర్య, అర్జున్,చిరంజీవి,పవన్ కళ్యాణ్, అని పెడతారు ..
నాకు గాంధీ అని స్టూడెంట్ ఉండే, అతన్ని మాత్రం మరచిపోను ….
____శ్రీధర్ రెడ్డి
హనంకొండ.
డా.కె.ఎల్.వి.ప్రసాద్
రెడ్డి గారూ
మీ స్పందన కు
ధన్యవాదాలు
డా.కె.ఎల్.వి.ప్రసాద్
You have fulfilled what you wanted.
______డా.మంజుల
హైదారాబాద్
డా.కె.ఎల్.వి.ప్రసాద్
డా.మంజుల
ధన్య వాదాలు.
డా.కె.ఎల్.వి.ప్రసాద్
Good evening sir, పేరు లో ఏ ముంది వ్యాసం ద్వారా మీ పై ప్రతి ఒక్కరికి ఉన్న సందేహం లను తొలగించారు. మీ కుటుంబ నేపథ్యం, సంప్రదయా మత విధానాలను, మీ కుటుంబం సభ్యు ల names, మీ వృత్తి ప్రారంభం ఏ లా జరిగింది ,చక్కగా వివరించారు, అందరి సందేహాలు, వారు అడగకుండా నే తొలగించారు……
____k.ramesh
HANAMKONDA.
డా.కె.ఎల్.వి.ప్రసాద్
Thank you Ramesh
For your
Good words.
డా.కె.ఎల్.వి.ప్రసాద్
Another problem with names difficult to pronounce like mokshajna, people will write in different ways in English. Simple names like Murthy, veena are also written in different ways. Veena or Vina
Murty, Moorty, Murthy like that. Now a days during computerisation the names typed in English are not translated into Telugu properly. In such cases it will be problem in future. We have to check our name is correctly typed in all documents
____CHSN Murthy
Hyderabad.
డా.కె.ఎల్.వి.ప్రసాద్
Murthy garu,
Thank you
For your
Good words
Jayapal Reddy Challa
Perulone….nemundi…..good article….
డా.కె.ఎల్.వి.ప్రసాద్
Thank you
Jayapal Reddy garu.
Uma
Chaalaa bagundi Rahul Peru pettadam lo me gurubhakti telustundi. Alage andamyna ammayi Peru munduga select chesukovatam inka great.Hatsoff doctor.
డా.కె.ఎల్.వి.ప్రసాద్
ఉమ గారూ
మీ స్పందనకు
ధన్యవాదాలు
డా.కె.ఎల్.వి.ప్రసాద్
శుభోదయం డాక్టరు గారు.
మీ జ్ఞాపకాల పందిరిలో మారోసారి సేద తీరడానికి కొంత ఆలస్యమైంది..ఏమీ అనుకోరని నా నమ్మకం…
పేర్లు పెట్టడం గురించి ఇలా చిన్న వ్యాసం రాయొచ్చని మీ వ్యాసం చూశాకే అర్థమైంది.
ఇక మీరన్నట్టు..ఇష్టదైవాల, ఇష్టమైనమనుషుల,నదుల పేర్లు పిల్లలకు పెట్టటం జరుగుతుంది…
దీని వల్ల చిన్నప్పటి నుండి ఆపేరు గల వ్యక్తులను, దైవాలను గురించి తెలుసుకుని ఆదర్శంగా తీసుకొని అతను/ఆమె మంచి వ్యక్తిగా రూపుదిద్ధుకునే అవకాశముంది….
అలాగే పెరిగిన తర్వాత అతని పేరుకు పూర్తిగా భిన్నంగా తయారై వ్యసనాల పాలై..చెడ్డవాడిగా మారితే..ఆ మహనీయుని పెరెందుకు పెట్టామా అని బాధకలుగుతుంది……
కొన్ని సార్లు వినడానికి బావుంది కదా అని పెట్టిన పేర్లు నెగెటివ్ మీనింగ్ ఉండే సందర్భాలు కూడా ఉంటాయి..
ఇక వ్యపారాలకు అసంబద్దమైన పేర్లు..(బ్రాండి షాప్ కు లేదా మటన్ షాప్ కు గాంధి పేరు లాంటివి) ఈ పేరు తన షాప్ కు అనుకూలమైంది కాదని తెలిసి ఆ పేరు పెట్టడం గర్హించాల్సిన విషయము..
మీరు యాదృచ్చికంగా అందమైన అమ్మాయిని చూసి మా పాప కూడా ఇలా అందంగా ఉండాలని..ఆ అమ్మాయిపేరు ‘నిహార’అని పెట్టినా..ఆ పేరు అర్థం ‘జలపాతం’ కదా..అందరూ చూసి అనందించే ప్రకృతిలోని అందం.అలాగే..’రాహుల్’ అనే పేరు కూడా అర్థవంతమైనదే… ‘విజేత’ (కష్టాలను జయించిన వాడు అని) & ‘బంధం’ అని కదా…..ఇదేంటి..కామెంట్ చేయమంటే …నేను మళ్ళీ ఒక రైటప్ రాస్తున్నట్టున్నాను..ఇక ఆపేస్తాను…
____ఎం.వి.రంగా రావు
హనంకొండ.
డా.కె.ఎల్.వి.ప్రసాద్
రంగారావు గారూ
మీ స్పందనకు
ధన్య వాదాలు
డా.కె.ఎల్.వి.ప్రసాద్
చాలా బాగుంది సర్ మీ జ్ఞాపకాల పందిరి.పేర్లు పెట్టడంలో తల్లిదండ్రుల ఆశలు,ఆశయాలు చాలా బాగా వివరించారు.నిజమే మనసు లోతుల్లో దాగిన ఇష్టాలు పెనవేసుకునే పదాల తో..తమ చిన్నారులకు చిరునామా చేసి మురియడం ..వారు పేర్లకు అర్ధాలు వెతుక్కొని గొప్పగా చెప్పుకొని మురియడం గుర్తుచేసి.. మరోసారి జ్ఞాపకాల తోటలో విహరింప చేసారు..
____ఉదయశ్రీ ప్రభాకర్
కవయిత్రి
హనంకొండ
డా.కె.ఎల్.వి.ప్రసాద్
అమ్మా
మీ స్పందనకు
ధన్యవాదాలు.
డా.కె.ఎల్.వి.ప్రసాద్
Doctor gariki namaskaralu..
Doctor garu.. pillala perlu pettadam lo manchi nirnayam thiskunnatu vunnaru. Pillala perla vishayam lo chala kutumbala lo tarjana bharjanalu jarugutu vuntayi.
Meeru cheppinattu ga pillala perlu pette vishayam lo chala kutumbala lo devatala perlu .. peddala perlu ..pette sampradayam inka vundi. Inka kuda intlo pedda vallu eh perlu nirnayiste ade nirnayam jarugutundi. Konni chotla putte thedi ni batti kuda niryanam jarugutundi. Ipatiki kuda ah sampradayam nadustune undi. Na vishayam aite pillala kanna thalli tandrula ke vadhileyadam manchidi anipistundi.kani endaro mahanubhavula perlu.. devatala perlu petti varini durbashaladadam manchi dhi kadu.. ah perlu pettinanta matrana.. vadu daivamu kadu.. anthati mahanubhavudu kadu. Valla perla nu petti vanilo vallanu chusukuntunna ah pedda vallu papam amayakulu ee vishayam lo.
Skhira samudram lo oka neeti binduvu lechi prakashisthu vunte ade “Munni” lo goppa tanam. “Nihara” ane peru tho vunna Munni ki, ah Chinnari jeevitha samudram lo velugu nimpaalani aashistunnanu. Meeru ‘Nihara’ ani ah peru pettinanduku ,Thanu thana vantu sardhakathanu chekurchukovalani korukuntunnanu.
T.Pushpa Rajam.
Hyderabad
డా.కె.ఎల్.వి.ప్రసాద్
Madam
Thank you for your
Good words.
డా.కె.ఎల్.వి.ప్రసాద్
శుభోదయం గురువు గారు
పేరులో నేమున్నది? అనుకునే వారందరికి పేరులోని పెన్నిధి గురించి చక్కగా వివరించారు. పేరు పెట్టే వాళ్ళ ఉద్దేశ్యం మారి వ్యవహారికం లో వేరే విధంగా ఊహించుకోవడం చక్కగా విడమరిచి చెప్పారు. పేరు కే గొప్పదనం తెచ్చేలా ఎదిగిన వారి గురించి, మన మదిలో చెరగని ముద్ర వేసి మన జీవితంలో భాగమై మనల్ని ఆహ్లాదపరిచే పరచే పేర్ల పుట్టు పుర్వోత్తారాలను చక్కగా విశ్లేషించారు. పేరు పెట్టిన పెద్దల ఉద్దేశ్యాన్ని తారుమారు చేసిన ఉధ్దండులు ఎందరో ! పెట్టిన పేరు నచ్చక మార్చుకున్న మహానుభావులెందరో ! పేరు నచ్చక పేరు మార్చుకోలేక గిల గిల గింజుకునేవాళ్ళు ఎంత మందో ! బొడ్డు కోసి పేరు పెట్టావా అని గిల్లి కజ్జాలు పెట్టుకునే వాళ్ళెంతమందో ! మా పిల్లలు నాకు పేరు తెచ్చారు అని గర్వపడే మీలాంటి తల్లిదండ్రుల పేర్లు కూడా చరిత్రలో లిఖించదగినవి.
____డా.స్వామి
సిద్దిపేట
డా.కె.ఎల్.వి.ప్రసాద్
డాక్టర్ గారూ
మీ స్పందన కు
ధన్యవాదాలు.
చిట్టె మాధవి
నిజమే సర్ పేర్లు పెట్టడం ఒక ప్రహసనమే.భలే చెప్పారు.నేటి ట్రెండ్ ప్రకారం ఎంత నోరు తిరగకుండా వుంటే అంత మంచి పేరు అన్నట్లు….ఏంటో జనాలు తిక్క ముదిరింది రోకలి తలకు చుట్టండి అన్నట్లు వున్నారు.
మీ పిల్లల పేర్లు చాలా బాగున్నాయి సర్…ప్రత్యేకంగా మీ అమ్మాయి పేరు.నకి ఆడపిల్ల పుడితే నివేదిత అని పెట్టాలనుకున్నా…కానీ అబ్బాయి పుట్టాడు…అతని పేరు రవి తేజ్.
పేర్ల వెనుక తంటాలు…నిజమే సర్..బాగా చెప్పారు.
డా.కె.ఎల్.వి.ప్రసాద్
నేను మా మనవడి పేరు పెట్టేందుకు ఐదుగురి దేవుళ్ళ సహస్ర నామాల బుక్స్ చదివాను. అందులోంచి వర్చస్ పేరు సెలక్ట్ చేసాను. మీ అబ్బాయి పేరు సరే , అమ్మాయి పేరు పెట్టడం లో లాజిక్ నా కర్థం కాలేదు. ఒకవేళ ఆమె పేరు ఏ సుబ్బలక్ష్మి నో , అప్పలమ్మ నో ఉంటే అది కూడా పెట్టేవారా !
. _____శ్రీమతి పువ్వాడ
హైదారాబాద్.
డా.కె.ఎల్.వి.ప్రసాద్
మేడం
మీ స్పందన కు
కృతజ్నతలు.