జ్ఞాపకాల పందిరి-12 Gnapakala Pandiri 12 | సంచిక - తెలుగు సాహిత్య వేదిక

జ్ఞాపకాల పందిరి-12

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

పేరులో ఏముంది?

పేరులో ఏముంది? అని ప్రశ్నించుకుంటే, పేరులోనే అంతా వుంది! అని సమాధానం చెప్పుకోవలసి వస్తుంది. పేరులోనే వున్నది పెన్నిధి.. అన్న నానుడి కూడా వింటుంటాం. ఒకప్పుడు పిల్లలకు పేరుపెట్టడానికి ఇప్పుడు జరుగుతున్నంత రభస,తతంగం వుండేవి కాదు. పూర్వీకుల పేర్లో, బ్రతికి వున్న పెద్దల పేర్లో, వారిమీద వుండే గౌరవానికీ, ప్రేమకు గుర్తుగా పెట్టుకునేవారు.

కొందరు వారికి ఇష్టమైన దేవుళ్ళ పేర్లో, దేవతల పేర్లో పెట్టుకునేవారు. అందుకే మన సమాజంలో రామారావులు, వెంకటేశ్వరరావులు, యాదగిరి వంటి పేరున్న పెద్దలు తారసపడుతుంటారు. శివరావులు, శంకర్ రావు, యేసయ్యలు కూడా ఇలా వాడుకలోనికి వచ్చినవే.

సీత, శారద, సరస్వతి, పార్వతి, యంకమ్మ, ఎల్లమ్మ, మరియమ్మ, గ్రేసమ్మ వంటి పేర్లు కూడా ఇలా పుట్టుకొచ్చినవే! కొన్నిచోట్ల నదుల పేర్లను తమ పిల్లలకు పెట్టుకునే ఆచారం కూడా వుంది. ఆధునిక యుగంలో ఆధునికంగా వుండాలని ఆకర్షణీయమైన పొట్టి పేర్లు పెట్టుకున్నప్పటికీ, ఇష్టదైవాల పేర్లు పెట్టుకునే ఆచారం పూర్తిగా సమసిపోలేదు. నదుల పేర్లకు సంబంధించి క్రిష్ణయ్య, కృష్ణారావు, కృష్ణకుమారి, కృష్ణవేణి, గోదావరమ్మ, నర్మద, కావేరి, గంగ, గంగయ్య, గంగాధర్ వంటి పేర్లు కూడా బాగా వాడుకలోనే ఉండేవి.

ఇకపోతే రాజకీయ నాయకుల పేర్ల గురించి చెప్పనక్కరలేదు. దేవుళ్ళు దేవతలకు ఇంచుమించు సమానంగా ఈ పేర్లు ఉంటాయి. గాంధీ, రాజేంద్ర ప్రసాద్, అంబేద్కర్, రాధాకృష్ణ, రాజగోపాల్, ఇందిర, సరోజిని, ఝాన్సీ, నెహ్రు, సుభాష్ చంద్రబోస్, నానాజీ, మీనన్ ఇలా ఎన్నో, మరెన్నో పేర్లు ఎక్కడ చూసినా దర్శనం ఇస్తాయ్.

ప్రేమతో, అభిమానంతో, గౌరవంతో, గొప్ప వ్యక్తుల పేర్లు పెట్టుకోవడంలో తప్పు లేదు గానీ, అరేయ్, ఒరేయ్ వంటి పదాలు తగిలించి పిలుస్తుంటే ఆ యా వ్యక్తులను అవమానపరచినట్టు అవుతుంది. అలా వింటున్నప్పుడు, ఎంతో బాధ కూడా కలుగుతుంది. కొంచెం మోతాదు ఎక్కువైనవాళ్లు పేర్లకు బూతులు తగిలించి మరీ పిలుస్తారు. ఇది ప్రేమ, కోపం పరాకాష్టకు చేరుకున్నప్పుడు ఊపందుకుంటుంది.

కొంతమంది షాపులకు మహాత్ముల పేర్లు పెడతారు. తప్పులేదు. కానీ వ్యక్తిని బట్టి ఆయా షాపులకు ఆ పేర్లు పెట్టొచ్చా లేదా అన్నది ఆలోచించుకోవాలి. ఉదాహరణకు ఒక మద్యం షాపుకు గాంధీ గారి పేరు పెడితే ఎలా ఉంటుంది? అది యెంత అవమానకరం? ఎంత దుర్మార్గం? అందుకే దేనికైనా పేర్లు పెట్టేటప్పుడు చాలా జాగ్రత్తగా ఆలోచించి పెట్టాలి. మనుష్యులకే కాదు కథలకు, కవితలకు పేర్లు పెట్టడము కూడా కత్తిమీద సాము లాంటిదే మరి. పేరు చూడగానే చదవాలనిపించాలి. తరువాతి స్థానమే రచయితది.

మతపరంగా కొందరు పెట్టే పేర్లు అతిక్లిష్టంగా కొరకరాని కొయ్యలుగా, పలకడానికీ, రాయడానికి, ఉచ్చరించడానికి వీలుకానంత కష్టమైన పేర్లు పెడతారు. మతపరంగానో, మతగ్రంథం పరంగానో, అర్థం పరంగానో ఆ యా పేర్లకు ప్రాముఖ్యం వుండొచ్చుగానీ, అన్ని విధాలా సులభతరంగా, సరళంగా కూడా ఉండాలి.

ఈ మధ్య నా మిత్రుడొకాయన ఫోన్ చేసి, ఒక వూర్లో నా బంధువొకాయన ఒక శుభకార్యంలో కలిసినట్టు చెప్పారు. ఏమి పేరని అడిగాను. ‘పేరు నాకు పలకడానికి రావడం లేదు’ అని స్పెల్లింగ్ చదివి వినిపించారు. అలాంటి పరిస్థితి రాకూడదు. నా పేరు, నా ఇష్టం అంటే, ఇలానే ఉంటుంది. పెద్దల పేర్లు కలసి రావాలని, అందులో ఇష్టమైన దేవతల పేర్లు, తల్లిదండ్రుల పేర్లు కూడా కలసి వచ్చేట్టుగా వుండాలని కోరుకునేవాళ్ళు కూడా లేకపోలేదు! పేరు పెట్టేవాళ్ళకి సమస్య లేదు గానీ, పేరు గల వాళ్ళు పెద్దయ్యాక చాల సాంకేతిక ఇబ్బందులకు గురి అవుతారు. అలాంటి వారి పేర్ల జాబితాలో నా పేరు కూడా వుంది!

నా పేరు లక్ష్మీ వర ప్రసాద్. నిజానికి ప్రసాద్ అంటే సరిపోయేది. కానీ నా పేరులో మా కజిన్ సిస్టర్ పేరు (మా పెదనాన్న గారి అమ్మాయి) కలిసేలా, మా పెద్దన్నయ్య (పెదనాన్నగారి అబ్బాయి) పెట్టారట! దీనితో నాకు పెద్ద ఇబ్బంది లేదు కానీ, ఎవ్వరూ నన్ను నా పూర్తి పేరుతో పిలవరు. పైగా ఏదైనా అప్లికేషన్ పూర్తి చేసేటప్పుడు వాళ్ళు కల్పించిన గడి సరిపోదు! ఇలాకొన్ని సాంకేతిక పరమైన ఇబ్బందులు అప్పుడప్పుడు ఎదురవుతుంటాయి. ఇంతే కాదు, ఆచరించే మతానికీ, వాళ్ళు పెట్టుకున్న పేర్లకీ లింకు కుదరదు.

నిజానికి, మా అమ్మ క్రైస్తవ కుటుంబ నేపథ్యం నుండి వచ్చింది, కానీ అమ్మ పేరు వెంకమ్మ. అలాగే, నా శ్రీమతి పూర్వీకులు అందరు క్రైస్తవాన్ని పాటిస్తూ వస్తున్న వాళ్ళే! కానీ, మా ఆవిడ పేరు అరుణ. ఇలా ఎన్నో ఉదాహరణలు చెప్పుకోవచ్చు.

నాకు మొదటి నుండీ చిన్నపేర్లు అంటే ఇష్టం. అర్ధవంతమైన చిన్నపేర్లకు నేను ఫిదా అయిపోతాను.

పెద్దన్నయ్య కె.కె. మీనన్‌తో రాహుల్

నాకు మొదటి సంతానం అబ్బాయి. అబ్బాయి పుట్టగానే మా వాళ్లకి, ముఖ్యంగా మా అత్తగారి పక్షం వారికి ముందే చెప్పేసాను. పిల్లల పేర్లు పెట్టే విషయంలో ఎవరి జోక్యం ఉండకూడదని. దానికి అందరూ సహృదయంతో అంగీకరించారు. మత పరమైన పేర్లు సూచిస్తారని నా భయం!

అమెరికా వెడుతూ, బేగంపేట్ ఎయిర్‍పోర్టులో రాహుల్

ఆ స్వేచ్ఛతో, శ్రీమతి అంగీకారంతో, నా పుత్రరత్నానికి ‘రాహుల్’ అని నామకరణం చేసాను. అందరికీ ఈ మూడక్షరాల పేరు బాగా నచ్చింది. అయితే, అందరూ అనుకున్నది, రాహుల్ అంటే ఇందిరమ్మ కుటుంబానికి చెందిన పేరు అనుకున్నారు. కానీ, అది కాదు, గొప్ప సాహితీవేత్త, సంస్కృత పండితుడు, మహా మేధావి అయిన రాహుల్ సాంకృత్యాయన్ నుండి ‘రాహుల్’ తీసుకున్నాను. ఆయన చరిత్ర చదివినవాడిని నేను, అందుకే నచ్చిన ఆ పేరు పెట్టుకున్నాను. అలా మామూలు పేరు, ముద్దు పేరు రాహుల్ గానే కొనసాగుతున్నది. ముప్పై ఏళ్ళు దాటిన రాహుల్ ఇప్పుడు, అమెరికాలో (బోస్టన్) క్వాలిటీ ఇంజనీర్‌గా పని చేస్తున్నాడు.

ఇకపోతే, నా రెండవ సంతానం అమ్మాయి. అమ్మాయి పేరుకు కాస్త ప్రత్యక్ష చరిత్ర వుంది. నాకు పెళ్లి కాకముందే ఈ పేరును డైరీలో రాసుకుని దాచుకోవడం ఇక్కడ ప్రత్యేకత! ఒకవేళ నాకు ఆడపిల్ల పుడితే గనుక ఈ పేరే పెట్టుకోవాలని అప్పుడే అనుకున్నాను.

ప్రొ. పి. రామచంద్రారెడ్డి

నేను 1980లో హైదరాబాద్ లోని ప్రభుత్వ దంత వైద్య కళాశాలలో బి.డి.ఎస్. ఉత్తీర్ణత పొంది, హౌస్ సర్జన్‌గా పని చేస్తున్న రోజుల్లో, నా గురువు, నా శ్రేయోభిలాషి, ఓరల్ మెడిసిన్ అండ్ రేడియాలజీ ప్రొఫెసర్, డా. పి. రామచంద్రారెడ్డి గారు పిలిచి, పంజాగుట్టలో (ఇప్పుడు జూబిలీ హిల్స్) ఉన్న తన క్లినిక్‍లో పనిచేయమని, తద్వారా మంచి అనుభవం వస్తుందని ఒక ఆఫర్ ఇచ్చారు. అంత మాత్రమే కాదు నెలకు 750/-ఇచ్చేవారు. అక్కడకు అంతా ఉన్నత కుటుంబాలకు చెందిన వాళ్ళు చికిత్స కోసం వచ్చేవారు

పెద్దన్నయ్య కె.కె. మీనన్‌తో నిహార

ఆ క్లినిక్‌కి ఒక రోజు అందమైన ఒక అమ్మాయి, ఆర్థోడాంటిక్ చికిత్స కోసం వచ్చింది. నేను గురువు గారికి అసిస్ట్ చేస్తున్నాను. అంత అందమైన అమ్మాయిని, అప్పటివరకూ చూసి ఎరుగను. అప్పుడే అనుకున్నాను – పెళ్ళైన తర్వాత నాకు ఆడపిల్ల పుడితే, ఈ అమ్మాయి పేరే పెట్టుకోవాలని గట్టి నిర్ణయం తీసుకున్నాను. ఆ అమ్మాయి పేరు ‘నిహార’. అదే పేరు నా కూతురికి ఖాయం అయింది. అమ్మాయి పేరు కూడా మూడు అక్షరాల పేరు కావడం యాదృచ్ఛికమే!

అమ్మాయి ‘నిహార కానేటి’గా ప్రసిద్ధురాలు. చదువుకున్నది ఎం.ఎస్.సి (జెనిటిక్స్) అయినప్పటికీ, ఆకాశవాణి (ప్రసార భారతి)లో, ప్రోగ్రాం ఆఫీసర్‍గా పని చేస్తున్నది. ఆ రకంగా నా ఇద్దరు పిల్లల పేర్లు విషయంలో నేను అనుకున్నట్లుగానే చేయగలిగాను. ఆ తృప్తి నాకు మిగిలింది. ఇదండీ పేర్ల పురాణం!

***

ఇక ఆ మహా పండితుడు రాహుల్ సాంకృత్యాయన్ గురించి:

మరుగున పడ్డ మహా పండితుడు!!

అయన పుట్టింది
ఆఖరి శ్వాస విడిచింది
ఏప్రిల్ మాసం లోనే…!
1893, ఏప్రిల్ 9న పుట్టి,
1963 ఏప్రిల్ 14న స్వర్గస్తులైనారు.
ముప్పై భాషలు తెలిసిన,
బహుభాషా కోవిదుడు,
అందులో అరడజను భాషలు,
చడవడం,రాయడం,మాట్లాడడం,
తెలిసిన మహా జ్ఞాని!,
మన దేశం మొత్తమే కాదు,
ఇంచుమించు
యావత్ ప్రపంచాన్ని
చుట్టి వచ్చిన,
మహా యాత్రికుడాయన!
చదువుకున్నది,
మిడిల్ స్కూలు,
ఆర్జించిన జ్ఞానం
అపారం…!!
70 ఏళ్ళ వయసులో
అయన మృతిచెందిన
సమయానికి,
140 పుస్తకాలు రాసిన,
గొప్ప రచయిత అయన!
ఎన్ని భాషలు
అయన గుప్పిట్లో ఉన్నా,
రచనలు చేసింది అన్నీ….
హిందీ లోనే!!
‘మద్య ఆసియా కా ఇతిహాస్’
గ్రంధానికి 1958 లో,
సాహిత్య అకాడెమీ అవార్డు పొందిన
ఈ ఉద్దండ పండిత పిండం,
ఉత్తరప్రదేశ్ ఆణిముత్యం!
అసలు పేరు కేదార్ పాండే…
ప్రసిద్ధ నామం….
రాహుల్ సాంకృత్యాయన్!!
(‘ది హిందూ’ దిన పత్రిక సౌజన్యంతో)

***

మా అబ్బాయి ‘రాహుల్ కానేటి’కి పేరు పెట్టడంలో స్ఫూర్తిదాత ఈయనే!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: సంచిక డా. కె.ఎల్.వి. ప్రసాద్ఫీచర్కాలమ్జ్ఞాపకాల పందిరి Column Dr. K. L. V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

డా.కె.ఎల్.వి.ప్రసాద్
June 28, 2020 at 7:45 am
సంచిక
సంపాదక వర్గానికి
ఇతర సాంకేతిక సిబ్బందికి
ధన్య వాదాలు

Reply
2

sagar
June 28, 2020 at 7:50 am
అందరినీ ఒప్పించి పిల్లలకు మీ ఇష్టప్రకారమే పేర్లు పెట్టుకోవడం మీకు ఆనందమే కదా సర్ ? పిల్లలు పుట్టకమునుపే వారికి ఎలాంటి పేర్లు పెట్టాలో నిర్ణయించుకోవడంలో మీ దూరదృష్టి తెలుస్తుంది. మీకు అభినందనలు. వారం వారం మీరు అందించే ఈ పందిరికింద ఙ్ఞాపకాలు వారవారానికి మరింత మధురంగా వచ్చే వారం బాగం కోసం ఎదురుచూసేవిలా వ్రాస్తున్నందుకు మీకు కృతఙ్ఞతలు సర్ .

Reply
1. 2.1
  
  డా.కె.ఎల్.వి.ప్రసాద్
  June 28, 2020 at 8:11 am
  సాగర్
  మీ స్పందనకు
  కృతజ్నతలు.
  
  Reply
3

Jayapal Reddy Challa
June 28, 2020 at 8:30 am
Perulo….Nemundi….

Reply
1. 3.1
  
  డా.కె.ఎల్.వి.ప్రసాద్
  June 28, 2020 at 9:50 am
  థాంక్ష
  జయపాల్ రెడ్డి గారూ.
  
  Reply
4

డా.కె.ఎల్.వి.ప్రసాద్
June 28, 2020 at 8:35 am
పేర్ల గురించి మీ కథనం ఆసక్తిగా ఉంది. అందరూ పిలిచేందుకు చాలా సులువుగా.. రాసేందుకు అనువుగా..ఉండే రెండు లేదా మూడు అక్షరాల పేర్లు ..సరళ అక్షరాలతో ఉండే పేర్లు..అన్నివిధాలా సౌకర్యంగా ఉంటాయి. పేర్లు అందరికి అర్థం అయ్యేలా
కూడా ఉండాలి. ఈమధ్య కొందరు తమ పిల్లలకు పెడుతున్న పేర్ల అర్థం ఏమిటో విద్యావంతులకు
కూడా తెలియడం లేదు. ఐతే తమ పిల్లలకు ఏమి పేరు పెట్టాలనిది వ్యక్తిగత విషయం.. ఏమైనా పేర్ల గురించి చక్కటి అనుభవం రాశారు.

___వెంకట్రామ నర్సయ్య
సీనియర్ జర్నలిష్ట్
మహబూబాబాద్

Reply
1. 4.1
  
  డా.కె.ఎల్.వి.ప్రసాద్
  June 28, 2020 at 8:36 am
  నర్సయ్య గారూ
  మీ స్పందన కు
  కృతజ్నత లు
  
  Reply
5

వాసిలి
June 28, 2020 at 8:39 am
పేరు అంటే అందమైందే కాదు … విన సొంపుగా ఉండేదే కాదు … ఒక జీవితాన్ని, అభిరుచుల్ని ప్రతిబింబించేది. తల్లిదండ్రుల తత్వాన్ని మరో తరానికి అందించేది. ఈ విషయంలో మీరు ఆచితూచి అడుగులేసి విజయులయ్యారు ప్రసాద్ గారూ. అభినందనలు.

Reply
1. 5.1
  
  డా.కె.ఎల్.వి.ప్రసాద్
  June 28, 2020 at 9:51 am
  సార్
  ధన్యవాదాలు
  
  Reply
6

డా.కె.ఎల్.వి.ప్రసాద్
June 28, 2020 at 8:44 am
పేరు అంటే అందమైందే కాదు … విన సొంపుగా ఉండేదే కాదు … ఒక జీవితాన్ని, అభిరుచుల్ని ప్రతిబింబించేది. తల్లిదండ్రుల తత్వాన్ని మరో తరానికి అందించేది. ఈ విషయంలో మీరు ఆచితూచి అడుగులేసి విజయులయ్యారు ప్రసాద్ గారూ. అభినందనలు.

_____డా.వాసిలి వసంత కుమార్
హైదారాబాద్.

Reply
1. 6.1
  
  డా.కె.ఎల్.వి.ప్రసాద్
  June 28, 2020 at 8:45 am
  మీ.. చక్కని
  స్పందనకు
  ధన్యవాదాలు.
  
  Reply
7

Rajendra Prasad
June 28, 2020 at 8:53 am
ప్రసాద్ గారూ!
ఎప్పటి లాగానే మీ 12 వ మధుర స్మృతి ఆసక్తిగా కొన సాగింది. పేర్లు పెట్టడం వెనుక వాస్తవికతను, మన సెంటిమెంట్స్ చెప్తూ, మీ పేరు ఎలా పెట్టారో చెప్పి, ఉపోద్ఘాతానికి ముగింపు పలికారు.
ఇక మీ పిల్లలకు పేర్లు పెట్టడం లో మీరు ఎంచుకున్న పద్దతి హర్షణీయం. మీకు నచ్చిన మెచ్చిన వారి జ్ఞాప కార్థం , సరళత దృష్టిలో ఉంచుకొని పెట్టటం అర్థవంతంగా నాకు అన్పించింది. నా వరకు, నోరు తిరగని, తింగర పేర్లు అస్సలు ఇష్టపడను. రెండు నెలల క్రితం ఒక ఫ్యామిలీ ఫ్రెండ్ ఒంగోలు నుండి ఫోన్ చేసి , వాళ్ళ అమ్మాయికి పేరు సజెస్ట్ చేయమని అడిగితే, నోరు తిరిగే పేరు ఏదైనా పరవా లేదు అని చెప్పాను. మా పిల్ల కైతే భారతీయతను+ బైబిల్ లోని పేరును ప్రతి బింబించే సరళ మైన పేరు పెట్టు కున్నాము.

రాజేంద్ర ప్రసాద్ , శ్రేయోభలాషి

Reply
1. 7.1
  
  డా.కె.ఎల్.వి.ప్రసాద్
  June 28, 2020 at 6:10 pm
  ప్రసాద్ గారూ
  మీ స్పందనకు
  కృతజ్నతలు.
  
  Reply
8

Sam sundar.. Hyderabad
June 28, 2020 at 9:16 am
చదువుతున్నంత సేపు సమయం తెలియలేదు…ఇది నాకు అనిపించిన విషయం. దాపరికం లేకుండా తన స్వీయ జీవిత అనుభవాలను జోడించిన తీరు చాలా బాగుంది…మీ రచనలు ఎప్పుడు మాకు ఆహ్లాదంగా ఉంటాయని తెలుపుతూ…మరిన్ని మంచి రచనలు చేయాలని మా ఆశ….

Reply
9

Sam sundar.. Hyderabad
June 28, 2020 at 9:19 am
ఒకప్పుడు మూఢ నమ్మకాలతో పెంటయ్య సుబ్బారావు అలాంటి పేర్లు పెట్టేవారు…ఇపుడు ప్రజలు కొంచెం మారినట్టు అనిపిస్తుంది…

Reply
1. 9.1
  
  డా.కె.ఎల్.వి.ప్రసాద్
  June 28, 2020 at 4:52 pm
  Thank you
  Sam.for your
  Good words
  
  Reply
10

R V Ashokkumar
June 28, 2020 at 9:20 am
రాహుల్ అనే పేరు వెనుక ఇంత చరిత్ర వుందని నాకు ఇపుడే తెలిసింది మామయ్య. ఇంతవరకు నేను అందరి లాగానే అనుకున్నా ను. ఏది ఏమయినప్పటికీ మీరు చేసే పనిలో ఏదో ఒక లోతైన ఆలోచన వుంటుందని తెలిసింది.

Reply
1. 10.1
  
  డా.కె.ఎల్.వి.ప్రసాద్
  June 28, 2020 at 4:53 pm
  అశోక్
  నీ స్పందనకు
  ధన్య వాదాలు.
  
  Reply
11

డా.కె.ఎల్.వి.ప్రసాద్
June 28, 2020 at 9:46 am
ప్రేమ కోపం పరాకాష్ట చెందినపుడు
ఊపందుకుంటుంది అనకుండా
నాలుక అదుపుతప్పుతుంది అంటే
బాగు.
కొందరికి పిల్లలు పుట్టిపోతుంటే,విసిగి
వీడు బతికి బట్టకడతాడా అని
పుల్లయ్య అని పేరు పెడతారు.
మరొక విశ్వాసం ఏమంటే ,ఒకే పేర్లు
గల ఆలుమగలుంటే ,కనకమ్మ ,కనకయ్య
సీతమ్మ సీతయ్య లాంటివి వాళ్ళ
కాలిమట్టి తీసి తేలు ,జెర్రి కుట్టినచోట
రాస్తే తగ్గిపోతుందని
మొత్తంమీద మీపేర్ల పురాణం బాగుం
ది.మీసంతానానికి పేర్లు పెట్టినతీరు
ఇంకా బాగుంది నమస్తే

_____డా.వజ్జల రంగా చార్య
హనంకొండ

Reply
1. 11.1
  
  డా.కె.ఎల్.వి.ప్రసాద్
  June 28, 2020 at 9:47 am
  మీ స్పందనకు
  ధన్య వాదాలు
  
  Reply
12

డా.కె.ఎల్.వి.ప్రసాద్
June 28, 2020 at 9:56 am
పేర్లు పెట్టే వషయం లొ పెద్ద కథే రాయ వచ్చు ( మీరు కథకులు గనుక)ఈ విషయం లొ మీఅభిప్రాయాలకు దగ్గరగా ఉన్నవి నా అభిప్రాయాలు .పేరు కట్చేసి పిలిచేటట్టుండకూడదని నా అభిప్రాయం .పద్మిని పేరుపెట్టి పప్పీ అనటం. వంటివి కట్ చేసినా విపరీతంగా ఉండకూడదనేది నాఅభిప్రాయం .మా పెద్దవాని పేరు శిరీష్ రెండవ వాని పేరు రాకేశ్.అమ్మాయి ప్రణుతి. మీ అమ్మాయి పేరు మొదటి సారి నాతొ ఇంటర్ వ్యూకొసం వచ్చినపుడు మల్లికార్జున్ చెప్పిండు నేను వినగానే నీహార అంటే మంచు. స్వచ్ఛతకు చిహ్నం అన్నాను .ఈ పేర్ల ప్రహసనంపైన గతంలొ ఎక్కడొ ఒక స్కెచ్ చదివిన గుర్తు.ఈచాప్టర్ కూడాబాగుంది సర్
మన అభిప్రాయాలకుకలిసిన వారు కలిస్తే సంతొషం అనిపిస్తుంది ..
—రామశాస్త్రి

Reply
1. 12.1
  
  డా.కె.ఎల్.వి.ప్రసాద్
  June 28, 2020 at 9:57 am
  శాస్త్రి గారూ
  కృతజ్నతలు
  
  Reply
13

Sambasiva Rao Thota
June 28, 2020 at 9:58 am
ప్రసాద్ గారూ!
ఈ రోజుల్లో పుట్టిన రోజు వారం తిథి నక్షత్రాలను బట్టి , సంఖ్యాశాస్త్రం ప్రకారం కూడా పేర్లు పెడుతున్నారు !

Reply
1. 13.1
  
  డా.కె.ఎల్.వి.ప్రసాద్
  June 28, 2020 at 4:54 pm
  రావు గారు
  ధన్యవాదాలు.
  
  Reply
14

sarasi
June 28, 2020 at 10:29 am
ఆదర్శాలు , సిద్ధాంతాలు ఉన్న మీ లాంటి వ్యక్తులు, మీ అనుభవాలు చూసి నేర్చుకోవాలి ఈ తరం వాళ్ళు. కేవలం పేర్లు పెట్టడం వరకే కాదు మీ పిల్లలని కూడా మీరు ఆదర్శవంతంగా పెంచి బాధ్యతని కూడా ఒక పాఠంగా చెప్పారు. చాల ఏళ్ల క్రితం నిహార నన్ను రేడియో స్టేషన్ లో ఇంటర్వ్యూ చేసినపుడే ఆమె మాటలు, హావభావాలు చూసి, మీ పెంపకం యొక్క పరిమళం నేను గ్రహించాను. విలువలు పడిపోతున్న ఈ రోజుల్లో మీవంటి వారి అనుభవాలు ఎక్కువమందికి చేరాలి. ఎవరో ఎక్కడో ఒక్కరు మారినా ఈ శీర్షిక ప్రయోజనం సిద్దించినట్లే.

Reply
1. 14.1
  
  డా.కె.ఎల్.వి.ప్రసాద్
  June 28, 2020 at 6:09 pm
  సరసి గారూ
  మీ సహృదయ
  స్పందనకు
  ధన్యవాదాలు
  
  Reply
15

dr.v.veerachary
June 28, 2020 at 11:00 am
మీరన్నట్లు పేరులో ఏముంది అనేవాళ్లు వున్నారు.అది ఇంగ్లీషువాళ్ల గోడు.కానీ మనకు పేరులోనే పెన్నిది ఉంది.ఈసందర్భంగా జంధ్యాల పాపయ్యశాస్త్రిగారి జోక్ ఒకటి గుర్తు కొస్తుంది. ఒక సోకాల్డ్ అభ్యు దయకవి సమాజంలోని వ్యక్తులంతాచైతన్యరహితులని తానేచైతన్య వంతునని భావించి కవితలురాసి పుస్తకంగా ప్రచురించి దానికి శవం అని పేరు పెట్టాడట .ఆయనఉద్దేశంలో ఈసమాజం శవప్రాయమైందని….అనుకున్నదొక్కటైతే జరిగింది ఇంకొకటి…ఏదోపత్రికలో ఆపుస్తకంపై సమీక్ష వచ్చింది.నాలాంటి ఒకచదువరి ఆసమీక్షను చదివిసమీక్షచివరవున్న చిరునామాకు ..ఇలాఉత్తరంరాసాడట..ఏమండి మీరురాసిన శవం పుస్తకంపై వచ్చిన సమీక్ష చదివాను.అందులో ప్రకటించినమూల్యాన్ని మీకు మం.ఓ. చేసాను. అదిచేరానవెంటనే మీ శవాన్ని పంపండి అని ఉత్తరంరాసాడట….ఇదీ సంగతి.ఈతరం వాళ్లకు ఇది తెలియక పిచ్చి పిచ్చి పేర్లను పెట్టుకుంటున్నారు…మీపిల్లల పేర్ల పట్ల శ్రద్ధ వహించినందుకు ధన్యవాదాలు.మీ జ్ఞాపకాలు చదినవినవారిలో కోందరిలోనైనా కనువిప్పు కలిగిస్తుందని ఆశిస్తున్నాను.ఇంతకు మీరు నోట్ బుక్కులోరాసుకున్న పేరును ఏమిచేసారు….

Reply
1. 15.1
  
  డా.కె.ఎల్.వి.ప్రసాద్
  June 28, 2020 at 6:08 pm
  వీరాచారి గారూ
  మీ స్పందనకు
  ధన్యవాదాలు
  
  Reply
16

డా.కె.ఎల్.వి.ప్రసాద్
June 28, 2020 at 11:36 am
పేర్ల పురాణం చాలా బాగుంది డాక్టర్ గారు నాకు ఒక మాట ఇప్పటికీ గుచ్చుకుంటూ ఉంది అదేమిటంటే మద్యం దుకాణాలపై మహనీయుల పేర్లు దాంతోపాటు దేవతల పేర్లు కూడా పెడతారు అది నాకు నచ్చేది కాదు మీరు ఇలాగే ఆలోచిస్తున్నారని నాకు సంతోషం అయింది మొత్తం మీద చాలా ఆసక్తిగా సాగింది ముబారక్ బహుత్ బహుత్ ముబారక్.

_____అబ్దుల్ రబ్బానీ
హైదరబాద్.

Reply
1. 16.1
  
  డా.కె.ఎల్.వి.ప్రసాద్
  June 28, 2020 at 6:06 pm
  రబ్బానీ గారూ
  మీ స్పందనకు
  కృతజ్నతలు
  
  Reply
17

డా.కె.ఎల్.వి.ప్రసాద్
June 28, 2020 at 11:42 am
నమస్తే, జ్ఞాపకాల పందిరి-12 చదివాను
పేర్లకు సంబంధిన మీ వ్యాసం అంత ప్రాధాన్యత కలిగింది కాకపోయినా(నేడు సమాజములో జరిగే ఎన్నో సమస్యలతో పోలిస్తే) మీరు సోదాహరణలతో మలచిన తీరు అది వుపయుక్తంగా మారింది.
వృత్తి రీత్యా వైద్యులైనా మీరూ సాహితీవేత్తలు కదా. మీ ప్రతిభ కనబరచారు.

పేర్లకు సంబంధించి మీరు ప్రస్తావించిన పేర్లు వాటి పూర్వాపరాలు చక్కగా వివరించారు.పలు పేర్లతో ప్రారంభించి మీ ఇంటిలోని పేర్లతో ముగించారు,బాగుంది.
పేర్లనుబట్టి వారి వారి వ్యక్తిత్వాలు తెలుస్తాయి,తలరాతలూ మారుతాయంటారు.

ఉదా:1972లో పి.వి.నరసింహారావు మంత్రివర్గములో, పశ్చిమ గోదావరి జిల్లాకు చెందిన చింతలపాటి సీతా రామచంద్ర వరప్రసాద మూర్తి రాజు దేవాదాయ,ధర్మాదాయ శాఖ మంత్రిగా అయ్యారు. వారు అభ్యుదయ సారధిగా పేరు పొందారు కూడా. మా ప్రసాదు గారూ ప్రముఖ వైద్యులు, సాహితీవేత్త అయ్యారు.

ఇక కొన్ని పేర్లు దేవుళ్ళు, దేవతలకు ఇంచుమించు సమానంగా వుంటాయన్నారు. అంటూ గాంధీ, అంబేద్కర్ ,నెహూృ పేర్లను ప్రస్తావించారు.

మోహన్ దాస్ కరంచంద్ గాంధీయని,భీమారావు రాంజీ అంబేద్కరని,జవహర్ లాల్ నెహూృయని ప్రస్తావించి వుంటే పై మీ మాట అర్ధవంతమయ్యేది.

ఇక చివరగా మీరు ప్రస్తావించిన పేర్లలో ముస్లిం సోదరుల పేర్లు లేవు.

సమతా మమతల సంస్కృతి మనది.

_____చెన్నయ్య
చెన్నై

Reply
1. 17.1
  
  డా.కె.ఎల్.వి.ప్రసాద్
  June 28, 2020 at 6:05 pm
  చెన్నయ్య గారూ
  మీ స్పందనకు
  ధన్య వాదాలు.
  
  Reply
18

డా.కె.ఎల్.వి.ప్రసాద్
June 28, 2020 at 11:44 am
[28/06, 11:36] Padmaja reader: Gud memories.. Sir
[28/06, 11:39] Padmaja reader: మీ పేర్ల రామాయణం.. నాకు నచ్చింది..Ad gud names of ur children.. Convey regards to them..😊
[28/06, 11:39] Padmaja reader: చాలా బాగా రాస్తున్నారు సర్..
[28/06, 11:40] Padmaja reader: Convey my regards*

_____పద్మజ
హైదారాబాద్.

Reply
1. 18.1
  
  డా.కె.ఎల్.వి.ప్రసాద్
  June 28, 2020 at 6:04 pm
  పద్మజ గారూ
  మీ స్పందన కు
  ధన్యవాదాలు
  
  Reply
19

డా.కె.ఎల్.వి.ప్రసాద్
June 28, 2020 at 11:47 am
బాగుంది సర్ మీ పిల్లల పేర్ల వెనుక కధనం. నాకు తెలిసి బెంగాలీ పేర్లు చాలా చక్కగా ఉంటాయి . ఒక ఆడపిల్లకి షర్మిలా అన్న పేరు, లేదా మగవాళ్ళకి జగదీష్ చంద్ర అని పఎడతారు. ఆ పేరుని మనవాళ్ళు శివా అని పెడతారు. అలాగే మీకు కమ్యునిష్టు నేపద్యం ఉంది కనుక *చారూ మజందార్* లోని చారూ మన మగవాళ్ళకి పెట్టనే పెట్టరు.

_____డా.డి.సత్యనారాయణ
హైదారాబాద్.

Reply
1. 19.1
  
  డా.కె.ఎల్.వి.ప్రసాద్
  June 28, 2020 at 6:03 pm
  డాక్టర్ గారూ
  మీ స్పందన కు
  ధన్య వాదాలు
  
  Reply
20

డా.కె.ఎల్.వి.ప్రసాద్
June 28, 2020 at 11:50 am
మిత్రమా సీరియల్ లా వస్తున్న నీ జ్ఞాపకాల పందిరి కోసం ఎదురు చూసేలా చేస్తున్నావు

____డా.శంకర్ లాల్
హైదారాబాద్.

Reply
1. 20.1
  
  డా.కె.ఎల్.వి.ప్రసాద్
  June 28, 2020 at 6:02 pm
  మిత్రమా
  నీ స్పందన కు
  ధన్య వాదాలు
  
  Reply
21

డా.కె.ఎల్.వి.ప్రసాద్
June 28, 2020 at 11:52 am
Excellent….మన బాస్….డా. రామచంద్రారెడ్డి గారిని చూడగలిగాను…. ధన్యవాదములు!

_____ఎస్.వి.ఎల్.ఎన్.శర్మ
హైదారాబాద్.

Reply
1. 21.1
  
  డా.కె.ఎల్.వి.ప్రసాద్
  June 28, 2020 at 6:01 pm
  శర్మ గారూ
  మీ స్పందనకు
  ధన్య వాదాలు
  
  Reply
22

మొహమ్మద్ అఫ్సర వలీషా
June 28, 2020 at 12:02 pm
మీ జ్ఞాపకాల పందిరిలో దాగిన ప్రతి జ్ఞాపకాన్ని అపురూపంగా మలచి మా ముందుకు తెస్తున్న మీరు ఈ సారి పేరు లో కూడా పరమార్ధాన్ని సృజిస్తూ ఓ మహా మనిషి పేరు ను బాబుకు పెట్టడం లోని ఆంతర్యాన్ని ఆయన పరిచయాన్ని మాకు కలిగించారు. అద్భుతమైన శైలి తో ఆద్యంతం చదివించిన మీకు నా హృదయపూర్వక అభినందనలు సార్. మీ కవితా పొది నుండి మరో జ్ఞాపకాల సృజన కై ఎదురు చూస్తుంటాం 🎍🙏🙏🎍🙏🎍🙏🎍

Reply
1. 22.1
  
  డా.కె.ఎల్.వి.ప్రసాద్
  June 28, 2020 at 12:21 pm
  అమ్మా..
  మీ స్పందనకు
  ధన్యవాదాలు.
  
  Reply
23

Dr.Harika
June 28, 2020 at 1:09 pm
Good afternoon sir,
One can give a child a name that is full of meaning and tradition, has historical importance, or embodies a free-spirit. But, you’ll also want to try to choose a name that will fit your baby through infancy, childhood, and adulthood. And choosing the baby’s name is a memorable time and a special decision, I feel.
And personally I used to love my name during my school days as very few people had that name.
And thankfully my parents kept me a short and simple name that no one can mispronounce it.
For fun, I often think I must keep few names to my children when I listen different names any where and funnily they always change if I listen any other new name.
And happy to know about your ideas and memories about naming sir.
Thank you for sharing them.

Reply
1. 23.1
  
  డా.కె.ఎల్.వి.ప్రసాద్
  June 28, 2020 at 1:58 pm
  డా.హారిక
  మీ స్పందనకు
  ధన్య వాదాలు
  
  Reply
24

డా.కె.ఎల్.వి.ప్రసాద్
June 28, 2020 at 1:55 pm
Chaala bagundi sir nijanga Peru lo prathyekatha vundi prathi manishi baga ishtapadedi thana perune oka prashna sir Inthaki andamaina Niharika Evaru sir tharvatha malli eppudu ayina kalisara me papaku Ame Peru pettarani cheppara sir

____pramod.kusuma
Hyderabad.

Reply
1. 24.1
  
  డా.కె.ఎల్.వి.ప్రసాద్
  June 28, 2020 at 1:56 pm
  ప్రమోద్,
  మీ స్పందనకు
  కృతజ్నతలు
  
  Reply
25

కుందావజ్ఝల
June 28, 2020 at 2:16 pm
డాక్టర్ గారికి నమస్కారం.
మీ జీవిత అనుభవాలను ప్రతిదీ ఒక మధురమైన విషయంగా రాయడం మీరు చేస్తున్న గొప్ప పని.
పిల్లల పేర్ల విషయం లో మీ యొక్క నిశ్చితాభిప్రాయం అభినందించ తగ్గది.చాలా సందర్భాల్లో మనం నిర్ణయించుకున్న అర్థవంతమైన పేర్లు కొనసాగక పొవచ్చు.పేర్లు నిర్ణయించుకోవడం వెనుక మీ కోరిక మూడక్షరాలతో కుదిరిన విధం బాగుంది.నా మటుకు నేను మిమ్మల్ని పూర్తి పేరు తోనే పిలవడానికి ఇష్టపడతాను.ఇంకోటి నాకు ఒంటి పేరు కంటే ఇంటి పేరంటేనే ఇష్ఠం.
–కుందావజ్ఝల.

Reply
1. 25.1
  
  డా.కె.ఎల్.వి.ప్రసాద్
  June 28, 2020 at 5:54 pm
  మూర్తి గారూ
  మీ స్పందనకు
  ధన్యవాదాలు
  
  Reply
26

Jhansi koppisetty
June 28, 2020 at 5:17 pm
పేరుల గురించిన మీ అనుభవాలు బావున్నాయి. సరిగ్గా నేనూ ఇలాగే ఆలోచించి మావారిని ఒప్పించి దేవుళ్ళను పెద్దలను పేరుల్లో కలపకుండా మా అమ్మాయిలకు ముచ్చటగా రెంక్షరాల పేర్లు కీర్తి స్వాతి అని పెట్టుకున్నాను. ఈ విషయంలో అమ్మ ఇప్పటికీ నన్ను దెప్పుతూనే వుంటారు తన పేరు ఒక్కరికీ పెట్టలేదని…
మీరన్నట్టు కథకైనా కవితకైనా శీర్షిక చాలా ప్రాధాన్యం వహిస్తుంది. ఒక్కోసారి వాటి విజయానికి కారణమౌతుంది కూడా. అందుకు ఉదాహరణ నా కథలు కొన్నింటికి మీరు పెట్టిన పేర్లే… ఆ కథల విజయానికి కారణమైన మీకు నేనెప్పటికీ ఋణపడి వుంటాను…

Reply
1. 26.1
  
  డా.కె.ఎల్.వి.ప్రసాద్
  June 28, 2020 at 5:52 pm
  ఝాన్సీ గారూ
  మీ సహృదయ
  స్పందనకు
  ధన్య వాదాలు.
  
  Reply
27

డా.కె.ఎల్.వి.ప్రసాద్
June 28, 2020 at 5:50 pm
పిల్లల పేర్ల మీద మీరు రాసిన కథ బాగుంది. అభినందనలు. చాలా రోజుల తర్వాత మీ కథను చదివాను. గజవెళ్ళి శ్రీనివాసాచారి
___కాజీపేట *

Reply
1. 27.1
  
  డా.కె.ఎల్.వి.ప్రసాద్
  June 28, 2020 at 5:53 pm
  చారి గారూ
  మీ స్పందనకు
  ధన్య వాదాలు.
  
  Reply
28

డా.కె.ఎల్.వి.ప్రసాద్
June 28, 2020 at 5:59 pm
[28/06, 17:25] G.V.Prasada rao@Rtd SBH Hyderabad: Thank to educate about a writer .Actually I was not aware of this writer
Thanks 🙏
Regarding the kids name I will support your sentiment.If somebody calling my grandson with
[28/06, 17:28] G.V.Prasada rao@Rtd SBH Hyderabad: What u mentioned my son use to get anger with that person whatever position he or she holding.This is generally with Brahman community

____జి.వి.ప్రసాద రావు
హైదారాబాద్.

Reply
1. 28.1
  
  డా.కె.ఎల్.వి.ప్రసాద్
  June 28, 2020 at 6:00 pm
  ప్రసాద రావు గారూ
  మీ స్పందనకు
  ధన్యవాదాలు
  
  Reply
29

డా.కె.ఎల్.వి.ప్రసాద్
June 28, 2020 at 6:14 pm
బాగుంది మిత్రమా👏👏👏

____డా.జి.ఎన్.రావు
హైదారాబాద్.

Reply
1. 29.1
  
  డా.కె.ఎల్.వి.ప్రసాద్
  June 28, 2020 at 7:44 pm
  డా.రావ్
  ధన్య వాదాలు.
  
  Reply
30

G.Girijamanoharababu
June 28, 2020 at 8:40 pm
బలే మంచి టాపిక్ ఈ రోజు మా ముందుకు తెచ్చారు .. ఒక రోజుల్లో పేర్ల విషయంలో ఇప్పుడున్నంత క్రేజ్ ఉండకపోయేది .. మీరన్నట్టు తాత పేరే , ముత్తాతపేరో , ఇష్టదైవాల పేర్లో , ఇలవేల్పుల పేర్లో , తమకు దగ్గర్లో ఉన్న పుణ్యక్షేత్రాల పేర్లో , అక్కడి దేవీ దేవతల పేర్లో , పురాణ ప్రసిద్ధ పాత్రల పేర్లో పెట్టకున్నా వాళ్ళు .. అక్కడి తో కథ ముగిసేది ..
ఈ రోజుల్లో పేర్లపిచ్చి ఎక్కువైంది .. దానికొరకు పుస్తకాలే వచ్చేశాయి … గూగుల్ ఉండనే ఉంది .. అర్థం పర్థం లేని పేర్లు మరీ ఎక్కువై పోయాయి ..
మనకు శ్రీనాథ మహాకవి కాలం వరకూ కేవలం తెలుగు పేర్లున్న కవులే కనిపిస్తారు నన్నయ , తిక్కన , ఎఱ్ఱన , కేతన , జక్కన , పోతన ….ఇలా .. శ్రీనాథుని తో పేర్ల సంస్కృతీకరణపెరిగి అచ్చమైన తెలుగుపేర్లు అవుటాఫ్ ఫ్యాషన్ అయిపోయాయి ..
మీరు మీ పిల్లలిద్దరికీ మంచి పేర్లు పెట్టారు .. రాహుల్ సాంకృత్యాయన్ గొప్ప తాత్త్వికుడు , త్రిపిటకాలను సింహళ భాష లో రాసి సింహళీయులకు ఆరాధ్యుడయ్యాడు … చాలా ప్రపంచదేశాలును దర్శించి అక్కడి ధర్మాలను పూర్తి స్థాయి లో అవగాహన చేసుకొని తన రచనల్లో తానాచరించే బౌద్ధ ధర్మం తో బాటు ఇతర విషయాలను కూడాచర్చకు పెట్టాడు..
ఒక్క “ ఓల్గా స గంగా “ చాలు ఆయన ప్రతిభను అంచనావెయ్యడానికి ..
మీ పిల్లల పేర్లను బలే సెలక్ట్ చేసుకున్నారు .. పలికితే మొత్తం పేరు పలకాలి తప్ప అడ్డ పేర్లకు ఆస్కారం లేదు … ఎంత పెద్ద పేర్లకైనా అడ్డపేర్లు తప్పవు ..
ఆరుద్ర గారు “ ఇంటింటి పజ్యాలు “ అనే ఒక కవితాసంకలనం లో “ కరణం గారి అబ్బాయి “ అనే ఒక కవిత రాశారు .. అది పిల్లలకు పేర్లు పెట్టటం గురించిన సెటైర్ ..
మొత్తానికి మంచి టాపిక్ .. ప్రతి మనిషికీ వర్తించేదే చర్చించారు..

Reply
1. 30.1
  
  డా.కె.ఎల్.వి.ప్రసాద్
  June 28, 2020 at 9:28 pm
  గురువు గారూ
  మంచి విషయాలు
  చెప్పారు.
  మీ స్పందనకు
  కృతజ్నతలు.
  
  Reply
31

గుండెబోయిన శ్రీనివాస్
June 28, 2020 at 9:34 pm
చాలా ఆసక్తికరంగా ఉంది సార్ !

Reply
1. 31.1
  
  డా.కె.ఎల్.వి.ప్రసాద్
  June 28, 2020 at 11:10 pm
  థాంక్స్
  శ్రీనివాస్
  
  Reply
32

డా.కె.ఎల్.వి.ప్రసాద్
June 28, 2020 at 9:51 pm
నమస్కారం సార్ 👏👏👏గత వారం జ్ఞాపకాల పందిరి 11 గురించి నా స్పందనను అనివార్య కారణాల వలన రాయలేక పోయాను. అన్యాదా బావించ కూడదని మనవి. ఏది ఏమైనా ప్రతి వారం మీ కలం నుంచి జాలువారుతున్న జ్ఞాపకాలు మా చిన్నతనం లో జరిగిన సంఘటనతో సరి పోల్చుకునెందుకు అవకాశం కల్పించిన మీకు ధన్యవాదాలు. ఈవారం మీరు రాసిన జ్ఞాపకాల పందిరి చాలా ఆసక్తిగా సాగింది.వ్యక్తుల పేర్లు పెట్టడంలో గల ఔచిత్యాన్ని చాలా చక్కగా వర్ణించారు. గ్రామ నామాలు ,వ్యక్తుల పేర్లు, ఇంటి పేర్లు మీద వివిధ విశ్వ విద్యాలయాల్లో ఎన్నో పరిశోధనలు జరిగాయి అనే విషయం మీకు సుపరిచితమే.ఐతే ప్రస్తుత కాలంలో తల్లిదండ్రులు తమ పిల్లలకు పేర్లు పెట్టడంలో ఎంతో ఆసక్తిని కనబరుస్తున్నారని అనడంలో ఎలాంటి అతిశయోక్తి లేదు. పాపా లేదా బాబు పుట్టకముందే పేర్లను వెతుక్కోవడం చాలా మంది తల్లిదండ్రుల్లో కనిపిస్తుంది . ఏ రోజు పుట్టాలి, ఏ సమయంలో పుట్టాలి అనే విషయాలపై నా నా తర్జన భర్జనలు పడుతూ బ్రాహ్మణోత్తములు దగ్గరికి వెళుతూ పేరు నిర్ధారించుకోవడంలోఅనేక కష్టాలు పడుతున్నారనే విషయం అందరికి తెలిసిందే. పూర్వకాలంలో అయితే ఇలాంటివి ఏమీ పాటించకుండా తమ తల్లిదండ్రుల పేరు, ముత్తాతల పేర్లు, దేవతల పేర్లు లేదా పుట్టిన రోజును బట్టి పేర్లు పెట్టుకోవడం ఆనవాయితీగా ఉండేది. మీరన్నట్లు ఇప్పుడు ఇలాంటివి ఏమి పాటించకుండా నోరు తిరగని, అర్థం కాని,ఎప్పుడు వినని ఎన్నో పేర్లు పెట్టుకుంటున్నారని మీరు ఎంతో బాగా చెప్పారు.
మీరు మీ బాబుకు రాహుల్ అనే పేరు పెట్టడంలో ఎంతో ఔచిత్యం కనిపిస్తుంది.మీకు రాహుల్ సాంకృత్యాయన్ పై ఉన్న అభిమానం చెప్పకనే అర్థమవుతుంది .ఇదే క్రమంలో పాపకు కూడా మీరు చూసిన,పరిచయమైన అందమైన అమ్మాయి పేరు ను పెట్టుకోవడంలో మీ అభిరుచి, ప్రేమ కనపడటం గొప్ప విషయం . మీ మనోభావాలు, ఇష్టాలు మీ పిల్లలకు పేర్లు పెట్టడంలోనే అర్థం అవుతున్నాయి. గతంలో మాదిరిగా కాకుండా అందరూ ఉచ్చరించే పేర్లు, అర్థవంతమైన పేర్లు మీ పిల్లలకు పెట్టడానికి గల కారణాలను చాలా ఆసక్తిగా, ఆకట్టుకునే విధంగా విశ్లేషించారు.ఈ తరం, భవిష్యత్తు తరం కూడా పిల్లలకు ఎలాంటి పేర్లు పెట్టాలోఅనే విషయం మీ జ్ఞాపకాల పందిరి చదివితే అర్థం అవుతుంది. ఈ వారం పాఠకుకులకు మంచి కథనాన్ని అందించిన మీకు ధన్యవాదాలు. వచ్చేవారం మీరు రాసే జ్ఞాపకాల పందిరి కోసం ఎదురుచూసే …………

మీ శ్రేయోభిలాషి డా. గడ్డం వెంకన్న.💐💐💐💐💐💐

Reply
1. 32.1
  
  డా.కె.ఎల్.వి.ప్రసాద్
  June 28, 2020 at 9:52 pm
  డా.వెంకన్న గారూ
  మీ సహృదయ స్పందనకు
  ధన్యవాదాలు .
  
  Reply
33

డా.కె.ఎల్.వి.ప్రసాద్
June 28, 2020 at 11:08 pm
మన జీవితాలకు కొనసాగింపు జీవనజ్యోతులు పిల్లలు.మనదంటూ ఒక సొంత సొత్తు ఈ లోకంలో వారే మనకు అనిపిస్తుంది. వారికి సంభందించిన ప్రతీదీ మనకు అపురూపంగా, అత్యద్భుతంగా అనిపిస్తుంది. మన చేతులతో వేసుకున్న అద్భుత పెయింటింగ్ లా అనిపిస్తారు.వారి ఆహార్యం,సమస్తం మన అభిరుచులకు వారిని వారసులు గా చేసుకొనేందుకు మన మనస్సును తెరిచి కొన్ని కార్యాలు చేస్తాము.వాటిలో మొట్ట మొదటిది.ఈ రోజు మీరు ప్రస్తావించిన నామకరణం.మీ పిల్లల ఇద్దరి పేర్ల వెనకా ఉన్న అర్ధవంతమైన,ఆహ్లాద కర నేపధ్యం గూర్చీ చెప్పగానే చదివిన ప్రతి వారిలో వారి పిల్లల పేర్లు పెట్టిన మధుర ఘట్టపు మాధుర్యాన్ని ఖచ్చితంగా పునః అనుభూతి చెంది ఉంటారు.అందులో నేను కూడా ఉన్నాను.నాకున్న ఏకైక కూతురికి నాకు అత్యంత ఇష్టమైన పేరు పెట్టుకోగలిగాను.ఈ రోజు ఇంత మంచి అనుభూతిని అందించిన మీ జ్ఞాపకానికి చాలా ధన్యవాదాలు అండీ💐💐🙏

____నాగ జ్యోతి.శేఖర్
కాకినాడ

Reply
1. 33.1
  
  డా.కె.ఎల్.వి.ప్రసాద్
  June 28, 2020 at 11:09 pm
  అమ్మా జ్యొతీ
  మీ స్పందన కు
  ధన్యవాదాలు.
  
  Reply
34

డా.కె.ఎల్.వి.ప్రసాద్
June 29, 2020 at 5:24 am
Gyaapakaala pandhiri- 12
Peru lo emundi

Saahitya parichayam tho prapanchamantha andamaindhi, manushulantha manchi vaallu ane bhaavana erpadatam sahajam. Kavithaanubhuthi ni kaliginche padhaalu, prakruthi andaalanu sphurimpa chese padhaalu manasu lo nilichi poyevi. Deeniki thodu ga naa vidyaarthi dasha lo Bengali saahityam Telugu lo virivi ga labhinchedhi. Sharat, Tagore rachanallo paatra la perlu chadavagaane avi kavitvam vinnattu, andamaina drushyaanni chusi mugdhulamainattu anipinchedhi. Atlaa saahitya lokaallo viharinchatame goppa adrushtam ga bhaavinchaanu. (Naa iddharu abbaayila perlu Hemanth, Shishir ani ruthuvula perlu pettaanu. )
Meeru entho mundhugaa enchukunna peru Niharika prakruthi andhaala nu talapinchi oohaa lokam lo ki koni poye padam.
Thaathalu ammamma naanamma la perlu, devathalu ďevulla perlu pettukovaalani purvam oka mitrudu suchinchaaduu. Kaani manushula aalochanala paridhulu vistarinchaayi. Sahityam, kalalu (arts), saamaajika shastraalu, science modalaina vaati vistrutha prabhaavam lo manishi oohalu aalochanalu marintha vishaalam ayinaayi.
Prastutha kaalam lo arthavantha maina padaalane kaaka, inthavaraku e artham suchinchani chitramaina shabdaalu kuda perlu ayi piluvumantunnaayi.
Mee lo svatahaa ga kavi manasu tholi nunde undhi. Anduke niharika padham vinnappude mee hrudayam lo tishta vesindhi.
Mee jeevitha anubhavaalanu kathalu kathalu ga vinipinchatam aasakti karam ga saagutunnadhi.

.____Ghanta Ramireddy
Bheemaram
HANAMKONDA

Reply
1. 34.1
  
  డా.కె.ఎల్.వి.ప్రసాద్
  June 29, 2020 at 5:26 am
  Thank you
  So much for your
  Good words
  Regarding my daughter ‘ name
  Nihara…sir.
  
  Reply
35

Eluzai
June 29, 2020 at 6:36 am
పేరులోని పెన్నిధిని ప్రకటిస్తున్న మీ పందిరిలోని పదబంధాలు ప్రేరణ కలిగిస్తున్నాయి. కష్టమైన పేరుతో ఇబ్బందులు ఎదురైన సందర్భాలను జ్ఞాపకం చేస్తున్నాయి. మీ జ్ఞాపకాలు ఎన్నో మంచి ఆలోచనలు పెంచుతున్నాయి.

Really it’s a wonderful article. Thank you Anna

Reply
1. 35.1
  
  డా.కె.ఎల్.వి.ప్రసాద్
  June 29, 2020 at 8:49 am
  బ్రదర్
  మీ స్పందన కు
  ధన్య వాదాలు
  
  Reply
36

డా.కె.ఎల్.వి.ప్రసాద్
June 29, 2020 at 7:06 am
సార్ నమస్తె!మీ పిల్లలకు పెట్టిన పేర్లకు చెప్పుకోదగ్గ చరిత్ర వుంది,వాళ్ళూ పేర్లకు తగ్గట్టు గొప్పగా రాణించటం అందరికి సంతోషమే! ,మీకున్న స్వేఛ్ఛను అభినందించక తప్పదు, అలా నాకు కుదరలేదు మరి,💐💐💐

_______బొందల నాగేశ్వర రావు
చెన్నై*

Reply
1. 36.1
  
  డా.కె.ఎల్.వి.ప్రసాద్
  June 29, 2020 at 7:07 am
  రావు గారూ
  మీ ..స్పందనకు
  ధన్య వాదాలు
  
  Reply
37

డా.కె.ఎల్.వి.ప్రసాద్
June 29, 2020 at 8:22 am
జ్ఞాపకాల పందిరి -12 లో పేర్ల గురించి వాటి ప్రాముఖ్యత గురించి వివరించిన విధం బాగా నచ్చింది. అప్పటి పెద్ద వారి ఆలోచనలు గురించి చెప్పారు. మీ పూర్తి పేరు కాసేటి లక్ష్మి వర ప్రసాద్ అని తెలుసు కున్నాను. రాహుల్ సాంకృత్యాయన్ గారు మీద మీకు ఉన్న గౌరవం, అందు వల్ల బాబు పేరు పెట్టారని, చక్కగా వివరించారు. మధ్యం షాప్ మీద అర్థ రహితంగా పెట్టే పేర్లను కొంత సుతి మెత్తగా చెప్పారు. గురువు గారిని గుర్తు చేసుకున్నారు, అప్పటి నిహారతో సహ…. 🙏

__ప్రొఫెసర్.రవి కుమార్.పి
నిట్ _వరంగల్

Reply
1. 37.1
  
  డా.కె.ఎల్.వి.ప్రసాద్
  June 29, 2020 at 8:23 am
  బ్రదర్
  మీ స్పందన కు
  కృతజ్నతలు.
  
  Reply
38

డా.కె.ఎల్.వి.ప్రసాద్
June 29, 2020 at 8:47 am
👌శుభోదయం సార్ 🙏మీ పిల్లల పేర్లు బాగున్నాయి. మీ ఆశయాలకు తగ్గట్టే ఇద్దరు కూడా ఎదిగినందుకు చాలా సంతోషం. ఈ సందర్భంగా నా పేరు గురించి మీతో పంచుకోవాలన్పించింది.
మా పెద్దన్నయ్య 1963 లో వచ్చిన డా. విద్య సినిమా చూసి అదే సంవత్సరంలో పుట్టిన నాకు విద్యాదేవి అని పేరు పెట్టాడు. తన కోరిక నేను డా.విద్యాదేవి కావాలని.తెలుగులో Ph.D చేసి అన్నయ్య కోరిక తీర్చగలిగాను. కానీ నన్ను ప్రోత్సహించి Ph.D లో చేరినప్పుడు ఉన్న అన్నయ్య పట్టా తీసుకునే సమయానికి మరణించాడు.డా.విద్యాదేవిగా ఆశీర్వాదం అన్నయ్య నుండి పొందలేకపోయానన్న బాధ జీవితాంతం నన్ను వెంటాడుతూనే ఉంటుంది. మీ లాంటి సోదరులలో మా అన్నయ్యను చూసుకుని తృప్తిగా జీవిస్తున్నాను సార్. నా ఙాపకాలపందిరికీ అవకాశం కల్పించిన మీకు సదా కృతజ్ఞురాలిని.

____డా.విద్యా దేవి
హనంకొండ.

Reply
1. 38.1
  
  డా.కె.ఎల్.వి.ప్రసాద్
  June 29, 2020 at 8:48 am
  ఆమ్మా
  మీ..స్పందనకు
  ధన్య వాదాలు.
  
  Reply
39

డా.కె.ఎల్.వి.ప్రసాద్
June 29, 2020 at 9:18 am
Very beautiful narration. I congratulate you for selecting the names for children in meaningful way. Children are God given gifts.Thank god the way they are flourishing in their respective duties..keep going.💐💐👏👍

.____Dr.Jhansi Nirmala
Hyderabad

Reply
1. 39.1
  
  డా.కె.ఎల్.వి.ప్రసాద్
  June 29, 2020 at 9:19 am
  Dr.Jhansi
  Thank you
  For your
  Good words.
  
  Reply
40

Nihara Kanety
June 29, 2020 at 9:23 am
Chala baaga chepperu daddy.specially shops ki Pette perlu gurinchi.
And thinks for giving us unique and meaningful names.More love to you

Reply
1. 40.1
  
  డా.కె.ఎల్.వి.ప్రసాద్
  June 29, 2020 at 10:20 am
  Amma
  Thank you
  For your
  Good words
  
  Reply
41

డా.కె.ఎల్.వి.ప్రసాద్
June 29, 2020 at 10:18 am
పేరు ఇబ్బందులు చక్కగా వివరించారు సర్, రాహుల్ పండితులు గురించి తెలియ పరిచారు నిహార నామకరణం పుట్టక ముందే జరగడం గొప్ప గా ఉంది 👌🙏🏻

___భూమెశ్వర్
ఆకాశవాణి
నిజామాబాద్

Reply
1. 41.1
  
  డా.కె.ఎల్.వి.ప్రసాద్
  June 29, 2020 at 10:19 am
  భూమెశ్వర్
  మీ స్పందనకు
  ధన్యవాదాలు.
  
  Reply
42

డా.కె.ఎల్.వి.ప్రసాద్
June 29, 2020 at 10:50 am
Chala aalochinchi names pettaru chinnannagaru. Maa names kuda Daddy e pettaru.Meeru Niharaki pettinatte naa kuthuriki kuda nenu pettanu.Degree lo college mate name Reena.Naaku baga nachindi.Naaku kuthuru pudithe Reena ani pettalanukunnanu.Pettesanu.Maa husband kuda naaku nachina peru pettukomannaru.Naapillaliki nene names pettanu.Daddy name Das lo ‘D’ tho Dilon pettanu naa koduku ki.

____Lakme Nandana
Rajahmundry

Reply
1. 42.1
  
  డా.కె.ఎల్.వి.ప్రసాద్
  June 29, 2020 at 10:52 am
  బుల్లీ
  నీ చక్కని స్పందనకు
  కృతజ్నతలు
  
  Reply
43

నీలిమ
June 29, 2020 at 10:53 am
డాక్టర్ గారు…
పేరు పెట్టడం కోసం కూడా ఇంత అందంగా వ్రాయచ్చా అనే విధంగా విశదీకరించారు..
మీరన్నట్టు ప్రతి ఒక్కరికి ఒక్కో అభిలాష, అభిరుచి ఉంటుంది..
తమ పేరు తాము ఎలానూ పెట్టుకోలేరు కాబట్టి, తమ సంతానానికి మంచి పేరు పెట్టాలి అనుకోడం అందరి ఆకాంక్ష..
కానీ అందరికీ వీలు కాదు. కొందరికి జాతకాల ప్రకారం పెట్టాలని, కొందరికి వల్ల తాత, మామ్మ, తలిదండ్రుల పేర్లు పెట్టాలని.. ఇలా రకరకాలు.. పెద్దల బలవంతమే కావచ్చు, వాళ్ళ అభిలాషే కావచ్చు.. అలా అలా జరిగిపోతుంది.
స్వభీష్టం మేరకు పిల్లల పేర్లు పెట్టుకున్నవారు నిజంగా అదృష్టవంతులే..
నాకు కూతురు పుడితే ‘ప్రార్ధన ‘ పేరు పెట్టాలని అనుకునే దాన్ని.. కానీ మా అత్తగారు వాళ్ళు జాతక ప్రకారం పెట్టాలని.. పెద్దలను గౌరవించడం మామా సంప్రదాయం.. తలవంచక తప్పలేదు..
ఈ విషయంలో మీరు అదృష్టవంతులే…..

Reply
1. 43.1
  
  డా.కె.ఎల్.వి.ప్రసాద్
  June 29, 2020 at 1:23 pm
  నీలిమగారూ
  మీ స్పందన కు
  కృతజ్నతలు
  
  Reply
44

డా.కె.ఎల్.వి.ప్రసాద్
June 29, 2020 at 11:03 am
నేములో ఏముంది..!!
అనుకుంటారంతా.నిజంచెప్పాలంటే ఆ వ్యక్తి గుణగణాలు దాగి ఉంటాయి.తాత ముత్తాతల పేర్లు,చరిత్రలో నిలిచిన మహోన్నత వ్యక్తిగత్వాలు కలిగి ఉంటాయి.
ఇక నా వరకు చెప్పాల్సివస్తే..మా నాన్న శ్రీశైలంలో త్రిఫల వృక్షం కింద జప పారాయణాలు పూర్తి చేసి లేస్తుంటే మేడి పండు టక్కున ముందు పడిందట.అక్కడున్న ఆ సాధువు ఆ పండు తినాలని సూచించిన మేరకు తినడం అనంతరం మా అమ్మ కడుపులో నేను పడడంతో నా పేరు మల్లికార్జున్ గా పెట్టేసారు.
ఊరిలో వారంతా మల్లయ్య గారు అని మా తాత పేరుతో పిలుస్తారు.
నేను చరిత్ర పై ఆసక్తితో చదివి పరిశోధన చేరడం వల్ల ఆ వాసనతో నా సంతానానికి కనిష్క,హర్షవర్ధన్ అని పెట్టుకున్న.

___డా.మల్లిఖార్జున్
హనంకొండ

Reply
1. 44.1
  
  డా.కె.ఎల్.వి.ప్రసాద్
  June 29, 2020 at 11:04 am
  మల్లిఖార్జున్ గారూ
  ధన్యవాదాలు.
  
  Reply
45

డా.కె.ఎల్.వి.ప్రసాద్
June 29, 2020 at 1:20 pm
మీ అనుభవాలు ఎందరికో జీవితాన్ని ఎలా మలుచుకోవాలో చెప్పే గుణపాఠాలు..మీ కూతురు మీకు అండగా నిలవడం..ఆమెను మీరు పెంచిన తీరు..మీ నమ్మకం వమ్ము చేయని వారి సంస్కారం..ఒక చలన చిత్రంగా తలపించినా.. నిజమని మీ జ్ఞాపకాలు సాక్ష్యం పలుకుతున్నాయి..నిజమే ఒక మంచి జీవితం ఒక్క రోజులో నిర్మించబడదు..ఎన్నో అంశాలపై తల్లిదండ్రులు పిల్లలకు చూపిన ప్రేమ అందుకు నాంది.. చాలా బాగుంది సర్🙏

_____ఉదయశ్రీ ప్రభాకర్
హనంకొండ

Reply
1. 45.1
  
  డా.కె.ఎల్.వి.ప్రసాద్
  June 29, 2020 at 1:21 pm
  అమ్మా
  మీ స్పందన కు
  ధన్య వాదాలు
  
  Reply
46

డా.కె.ఎల్.వి.ప్రసాద్
June 29, 2020 at 5:07 pm
Name has to be unique. Some may go with numerology, birthstar,etc.
But now a days the parents are searching in google to give name to their new born. Parents will get to know the meaning of the name they have chosen for their child.

_____surya narayana rao
Hyderabad.

Reply
1. 46.1
  
  డా.కె.ఎల్.వి.ప్రసాద్
  June 29, 2020 at 5:08 pm
  Rao garu,
  Thank you sir.
  
  Reply
47

డా.కె.ఎల్.వి.ప్రసాద్
June 29, 2020 at 5:48 pm
లక్ష్మీ వర ప్రసాద్ గారికి నమస్కారం!
మీరు “నామకరణం”గురించి రాసింది ప్రతి వారిని ఆలోచింప చేసేదిగా వుంది.భక్తి తో నిండుగా దేవుని పేరు పెట్టుకుని వక్రంగా సంభోదిం
చడం,విక్రయ దుకాణాలకు అసందర్భ పేర్లు పెట్టడం అసహ్యంగా కనిపిస్తుంది. స్కూలు లో చేర్చేటపుడు
బొమ్మయ్య,వీరసాములు అని
నిరక్షరాయులైన తండ్రులు చెప్పినప్పుడు,బ్రహ్మయ్య,
వీరసోములు అని రాయించ
వలసి వచ్చేది భవిష్యత్తు లో
వారి “నేమ్ బోర్డ్” అందంగా వుంటుందని.
డాక్టర్ గారు! పేర్ల గురించి మీరు
ఇచ్చిన విష్లేషణ చాలా ఆలోచింప చేసేదిగా వుంది. నాగరిక సమాజము లో అనుసరించ దగినదిగా భా విస్తూ,”పందిరి”ని
విస్తరించుటకు భగవంతుడు తగిన శక్తిని ప్రసాదించవలెనని
ఆకాంక్షిస్తున్నాను.

____కట్ల చంద్రయ్య
(హైదారాబాద్/మహబూబాబాద్)

Reply
1. 47.1
  
  డా.కె.ఎల్.వి.ప్రసాద్
  June 29, 2020 at 5:49 pm
  చంద్రయ్య గారూ
  మీ స్పందన కు
  కృతజ్నతలు.
  
  Reply
48

డా.కె.ఎల్.వి.ప్రసాద్
June 29, 2020 at 10:44 pm
Very nice Experience in selecting the children names.
You are Great Man
So according to your interest you have named to your children.
Abbai ki Sahitya sidhahasthudu Peru Rahul pettaru.
Ammai ki Andaniki ditta Ayina Nihara Peru pettaru.
Manasu rendu abduthamayina Chinna naati vanchalu theerakunda migilipoyayi vatini Eppudu korika Pillala dwara upasamanam cherukunnarannamata.
Every one has his own mind setup.
Any you are the luckiest guy.
Yours Blessed family.
God bless you n all your family members.

____Dr.O.Nageswara Rao
Hyderabad

Reply
1. 48.1
  
  డా.కె.ఎల్.వి.ప్రసాద్
  June 29, 2020 at 10:44 pm
  Thank you
  Dr.Rao.
  
  Reply
49

డా.కె.ఎల్.వి.ప్రసాద్
June 30, 2020 at 8:02 am
[30/06, 07:56] Rev. Ch Michael: Adbhutam sir 👌💐💐💐
[30/06, 07:57] Rev. Ch Michael: Mee Sahityaniki joharlu

____Rev.CH.Machael
Paster..CBS
HANAMKONDA.

Reply
1. 49.1
  
  డా.కె.ఎల్.వి.ప్రసాద్
  June 30, 2020 at 8:03 am
  ధన్యవాదాలు
  పాస్టర్ గారూ
  
  Reply
50

డా.కె.ఎల్.వి.ప్రసాద్
June 30, 2020 at 8:11 am
Doctor saab…
Good morning.
Already read it.
It is really great on your part
To make every important event of life as a sweet memory.
It’s a pleasure to read on every Sunday.
A compilation of this can be published as your autobiography …Part-I
on 13th Jan 2021

_____Anil prasad
All India Radio
Warangal.

Reply