జ్ఞాపకాల పందిరి-151

జ్ఞాపకాల పందిరి-151

మరో రజతోత్సవం..!!

మనిషి జీవితంలో అనేక విషయాలలో గుర్తుంచుకునే సమయాలు వస్తుంటాయి. రావడమే కాదు, ఆ.. ఆనందాన్నో, సంఘటననో పదుగురితో పంచుకోవాలనే ప్రేరణ కలుగుతుంది. ఆ పదిమందిలో బంధువులు, శ్రేయోభిలాషులు, స్నేహితులు వుండాలని కోరుకుంటారు. దానిని ఒక ఆనంద సమయంగా భావించి, ఆ సంతోషాన్నో, సంబరాన్నో అందరితో కలిసి సంతోషంగా ఆస్వాదించాలని కోరుకుంటారు. జీవితంలో గుర్తుండిపోయేలా సంబరాలు చేసుకుంటారు. ఇలాంటి ఆత్మీయ సమ్మేళనాలు పదిమందీ కలుసుకోవడానికి కలిసి సంతోషించడానికీ ఏర్పాటు చేసుకోబడ్డాయి.

సహృదయ.. సంస్థకు నామకరణం చేసి లోగో ను సృష్టించి ఇచ్చిన సాహితీవేత్త, అవధాని, డా. రాళ్ళబండి కవితా ప్రసాద్

దానికోసం ఏదో ఒక సంఘటన, లేదా సమయాన్ని కల్పించుకుని అందరు కలుసుకోవడానికి, మంచి చెడ్డలు మాట్లాడుకోవడానికి సమ్మేళనాలు ఏర్పరచుకుంటారు. ఇలాంటివే పాత స్నేహితుల సమ్మేళనాలు కూడాను. కొన్ని సంవత్సరాలను దృష్టిలో పెట్టుకుని, సందర్భ ప్రాముఖ్యతను బట్టీ, రజతోత్సవాలనీ, స్వర్ణోత్సవాలనీ, వజ్రోత్సవాలనీ జరుపుకుంటుంటారు.

కవితా ప్రసాద్ గారు సృష్టించిన ‘సహృదయ’ లోగో.

ఎక్కువగా సంస్థలకూ, భవనాలకూ, రజతోత్సవాల నుండి నూరు సంవత్సరాల సందడి చేసుకునే అవకాశం ఉంటుంది గానీ బ్రతికున్న మనిషి జీవితంలో అతికష్టం మీద స్వరోత్సవాలు జరుపుకునే అవకాశం ఉంటుంది, అది కూడా పెళ్లిరోజు వంటివి మాత్రమే! వంద సంవత్సరాల పుట్టినరోజు జరుపుకున్న వ్యక్తులు బహు అరుదు. గొప్ప గొప్ప వ్యక్తులకు వారి నూరవ పుట్టినరోజు, లేదా వర్ధంతి జరపడం అది వేరే విషయం అనుకోండి! ఎక్కువగా, ఏదో సందర్భాన్ని దృష్టిలో ఉంచుకుని తరచుగా వినబడే మాట ‘రజతోత్సవాలు’. నా జీవితంలో నాకు పిల్లలు ఘనంగా జరిపించింది నా ‘వివాహ రజతోత్సవం’.

ప్రతి సంవత్సరం అక్క మహానీయమ్మ జ్ఞాపకార్ధం నాటికలకు జ్ణాపికల… ప్రాయోజకుడిగా రచయిత

తర్వాత నాకై నేను దృష్టి పెట్టి, అయిదు రోజులు ఆనందంగా, ఉత్సాహంగా గడిపింది ఇటీవల హన్మకొండలో జరిగిన ‘సహృదయ’ సాహిత్య సాంస్కృతిక సంస్థ ‘రజతోత్సవాలు’. ప్రస్తుతం నేను హైదరాబాద్‌లో వున్నా, ఈ రజతోత్సవాల కోసం ప్రత్యేకంగా నేను ఒంటరిగా హన్మకొండలో ఉండడం; నేను ఈ కార్యక్రమాలకు అంత ప్రాముఖ్యత నివ్వడానికి ప్రాధాన కారణం, ఈ సంస్థకు నేను వరుసగా పదమూడు సంవత్సరాలు అధ్యక్షుడిగా పని చేయడమే! అందుచేతనే నా జీవితంలో ఇది రెండవ రజతోత్సవంగా భావిస్తాను.

1997లో, కొందరు రసహృదయుల ఆలోచనతో మొగ్గతొడిగిన సంస్థ ‘సహృదయ సాహిత్య,సాంస్కృతిక సంస్థ’. వారు శ్రీ గిరిజామనోహరబాబు (ప్రస్తుత అధ్యక్షులు), శ్రీ వనం లక్ష్మీ కాంతారావు (ప్రస్తుత సాంస్కృతిక కార్యదర్శి), డా. ఏ. వి. నరసింహ రావు (సంస్థకు ప్రస్తుత సలహాదారులలో ఒకరు), శ్రీ డి. వి. శేషాచార్య తదితరులు. సంస్థకు పేరు పెట్టింది,లోగోను సృష్టించింది, సహృదయకు మేనమామగా చెప్పబడే సాహితీవేత్త, అవధాని డా. రాళ్లబండి కవితా ప్రసాద్ (వీరు అప్పుడు వరంగల్‌లో సాంఘిక సంక్షేమ శాఖలో, డిప్యూటీ డైరెక్టర్‌గా పని చేస్తున్నారు). గణిత శాస్త్రం చదువుకుని తెలుగు సాహిత్యంలో అపారమైన పాండిత్యాన్ని ఒడిసిపట్టుకున్న మహామేధావి ఆయన.

రజతోత్సవాలలో ప్రముఖ నవల/కథా రచయిత,డా.అంపశయ్య నవీన్ గారు,సాహితీవేత్త శ్రీ నాగిళ్ళ రామశాస్త్రి గార్లతో.. రచయిత

ఈ సహృదయ సాహిత్య సంస్థలో, సాహిత్యానికి పెద్ద పీట వేసినా, సాంస్కృతిక కార్యక్రమాలకూ అంతే ప్రాధాన్యత ఉంటుంది. ముఖ్యంగా నాటకాలకు అధిక ప్రాధాన్యత వున్నది. ప్రతి సంవత్సరం మూడు (నాలుగు) రోజుల పాటు ఆహ్వాన నాటికల పోటీలు నిర్వహించి స్థానిక ప్రజలకు మంచి నాటికలు చూపించాలన్నదే సంస్థ ముఖ్యోద్దేశం. ఇది ఖర్చుతో కూడుకున్నదైనప్పటికీ, అనేకమంది సహృదయ పారితోషిక దాతల ఆర్ధిక సహకారము, ప్రభుత్వ పక్షాన చిరు ఆర్ధిక సహాయము ఈ కార్యక్రమాలకు అండగా నిలుస్తున్నాయి. నేను కూడా మా అక్కగారు స్వర్గీయ కుమారి కానేటి మహానీయమ్మ గారి స్మృతిలో, నాటక జ్ఞాపికలు కోసం ప్రతి సంవత్సరం పదివేలు ఆర్ధిక సహాయం, గత పదిహేను సంవత్సరాలుగా చేస్తూ ఆవిడ ఋణం కొంతలో కొంత తీర్చుకుంటున్నానన్న తృప్తితో బతుకుతున్నాను.

పూర్వ డిప్యూటీ డిరెక్టర్ జనరల్(ప్రసారభారతి) శ్రీ అనంత పద్మనాభరావు(మధ్యలో) నవల,నాటకం,కథా రచయిత శ్రీ రామాచంద్ర మౌళి (వరంగల్)గార్లతో రచయిత

నాకు ఈ అవకాశం కల్పించిన ‘సహృదయ’కు ధన్యవాదాలు. ఈ సంస్థ ప్రతి సంవత్సరం ఒక సాహిత్య ప్రక్రియ (కథ, వచన కవిత, పద్య కవిత, నవల, విమర్శ మొదలైనవి)కు అవార్డు ఇస్తుంది. అలా అనేకమంది రచయితలూ, కవులూ, విమర్శకులూ, ఈ సంస్థ నుండి పురస్కారాలు అందుకున్నారు. ఈ పురస్కారం ఇనుగుర్తికి చెందిన ‘ఒద్దిరాజు సోదరుల’ స్మృతిలో వారి కుటుంబ సహాయులైన వద్దిరాజు వేణుగోపాలరావు గారు (ఇప్పుడు లేరు) అందిస్తున్నారు. ఇంకా అనేక సాహిత్య ఉపన్యాసాలు, సాహిత్యపరమైన ఆధ్యాత్మిక ఉపన్యాసాలు ఈ సంస్థ అందిస్తుంది.

సహృదయ ప్రధాన కార్యదర్శి డా.ఎన్.వి.ఎన్ చారి గారితో

ఈ నేపథ్యంలో నిరాటంకంగా కార్యక్రమాలు కొనసాగుతున్నప్పటికీ, అన్ని రంగాలు మాదిరిగానే ఈ రంగాన్ని కూడా ‘కరోనా మహమ్మారి’ అతలాకుతలం చేసింది. ఎట్టకేలకు మూడు సంవత్సరాల తర్వాత తిరిగి ఈ సంవత్సరం యథావిధిగా కార్యక్రమాలు పునరుద్ధరించడం, యాదృచ్ఛికంగా ఈ సంవత్సరం సహృదయకు రజతోత్సవ సంవత్సరం కావడం, ఐదురోజుల కార్యక్రమానికి శ్రీకారం చుట్టడం, ఉదయం సాహిత్య కార్యక్రమాలు, రాత్రి నాటకాలు ప్రారంభమై విజయవంతంగా ముగిశాయి.

జ్ఞాపికల ప్రాయోజకునిగా సన్మానం పొందుతూ

సహృదయ సంస్థ నాకొక కొత్త లోకాన్ని చూపించింది. ఎందరో మహానుభావుల పరిచయాలు, వారితో వేదిక పంచుకునే అవకాశాలు మరచిపోలేని మధుర జ్ఞాపకాలు. నా జీవితానికి ఇది ఊహించని విషయం. నేను హన్మకొండలో స్థిరపడతాననిగానీ, సహృదయ సంస్థతో ఇలాంటి అనుబంధం ఏర్పడుతుందని గానీ అసలు అనుకోలేదు. ముఖ్యంగా స్థానికంగా మహామహులైన శ్రీ నేరెళ్ల వేణుమాధవ్, శ్రీ అంపశయ్య నవీన్,శ్రీ గుమ్మడి జనార్దన్, డా. లక్ష్మణ మూర్తి, ప్రొఫెసర్ లక్ష్మణ మూర్తి, శ్రీ గన్నంరాజు గిరిజామనోహర్ బాబు, దర్భశయనం శేషాచార్య వంటివారితో పరిచయాలు ఏర్పడతాయని నేను ఎప్పుడూ అనుకోలేదు. ఇదంతా సహృదయ పుణ్యమే!

ముగింపు సమావేశంలో మాట్లాడుతూ

అలా నన్ను సహృదయకు పరిచయం చేసిన మిత్రులు డి. వి. శేషాచార్యను, ఆయన్ను పరిచయం చేసిన ప్రియమిత్రుడు శ్రీ మడిపెల్లి దక్షిణామూర్తిల ఋణం తీర్చుకోలేనిది.

ముఖ్య అతిధులను సన్మానిస్తూ….

ముఖ్య అతిధులను సన్మానిస్తూ….

నేను అంతకాలం అధ్యక్షుడిగా ఉండడానికి ముఖ్య కారణం అనేక సహృదయులతో పాటు, మిత్రులు, గురుతుల్యులు శ్రీ గిరిజా మనోహర్ బాబు, శ్రీ శేషచర్య. వారి ప్రేమ ఇగిరిపోని గంధం వంటిదే. అలాగే నాకు సహకరించిన పెద్దలు శ్రీ వనం లక్ష్మీకాంతారావు, డా. ఏ వి నరసింహారావు, ఎన్ వి ఎన్ చారి, కె.కృష్ణమూర్తి, శ్రీ రాధాకృష్ణమూర్తి, శ్రీ భాస్కరరావు గారు, డా. లక్ష్మణ రావు గార్లకు నా హృదయపూర్వక ధన్యవాదాలు.

సభలో మాట్లాడుతూ

సహృదయ రజతోత్సవాలను ఈ రకంగా జరుపుకుని ఆనందంగా గడిపే అవకాశం రావడం నా అదృష్టమే! ఈ సంస్థ స్వర్ణోత్సవాలు చూడాలనుకోవడం నాకు, దురాశే అవుతుందేమో..!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: సంచిక డా. కె. ఎల్. వి. ప్రసాద్ఫీచర్కాలమ్జ్ఞాపకాల పందిరి Column Dr. K.L.V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

డా కె.ఎల్.వి.ప్రసాద్
February 26, 2023 at 8:58 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—డా కె.ఎల్.వి.ప్రసాద్
సఫిల్ గూడ
సికిందరాబాద్.

Reply
2

D. Umashanker
February 26, 2023 at 10:01 am
తెలుగు భాషకు మీరు చేస్తున్న సేవ ఎంతో అభినందనీయం డాక్టరుగారు.

Reply
1. 2.1
  
  డా కె.ఎల్.వి.ప్రసాద్
  February 26, 2023 at 4:38 pm
  సర్
  ధన్యవాదాలండీ
  
  Reply
3

Sagar
February 26, 2023 at 10:03 am
స్వర్ణోత్సవాలు చూడాలి అనుకోవడం దురాశ ఏమీకాదు లెండి సర్. మీరు సంస్థకు అన్ని సంవత్సరాలు అద్యక్షుడిగా పనిచేసి సంస్ధ సేవలో తరించినందుకు మీకు ఆ అవకాశం రావాలని కోరుకుంటూ మీకు ధన్యవాదములు.

Reply
1. 3.1
  
  డా కె.ఎల్.వి.ప్రసాద్
  February 26, 2023 at 10:28 am
  Good morning klv.happy to read gnapalala pandiri 151.conratularions and wishing you best of luck and our good wishes for your sadhrudaya society.
  –dr r k m Veluri.
  USA.
  
  Reply
  1. 3.1.1
    
    డా కె.ఎల్.వి.ప్రసాద్
    February 26, 2023 at 11:22 am
    Thank you
    Guru ji.
    
    Reply
2. 3.2
  
  డా కె.ఎల్.వి.ప్రసాద్
  February 26, 2023 at 11:23 am
  సాగర్
  నీ సహృదయ స్పందనకు ధన్యవాదాలు.
  
  Reply
4

డా కె.ఎల్.వి.ప్రసాద్
February 26, 2023 at 11:05 am
“సహృదయ” ఒక చక్కటి జ్ఞాపకం
తొలి కార్యక్రమం నుంచి
ఇటీవల ముగిసిన రజతోత్సవాల వరకు
ఎన్నో కార్యక్రమాలకు
హాజరై అనేక విధాలుగా ప్రయోజనం పొందిన వారిలో
నేను ఒకడిని
సంచిక ద్వారా జ్ఞాపకాన్ని పంచుకున్న డాక్టర్ గారికి అభినందనలు
—-శ్రీ అనీల్ ప్రసాద్
ఆకాశవాణి-వరంగల్.

Reply
1. 4.1
  
  డా కె.ఎల్.వి.ప్రసాద్
  February 26, 2023 at 11:05 am
  మీ సహృదయ స్పందనకు ధన్యవాదాలు సర్.
  
  Reply
5

డా కె.ఎల్.వి.ప్రసాద్
February 26, 2023 at 11:21 am
👏👏👏👏👏👏👏👌👍✌️స్వర్ణోత్సవాలు మీ సమక్షంలో ఘనంగా జరగాలని… మనఃపూర్వకముగా అభిలషిస్తూ…. 🙏💐🙏
—-కోరాడ నరసింహారావు
విశాఖపట్టణం.

Reply
1. 5.1
  
  డా కె.ఎల్.వి.ప్రసాద్
  February 26, 2023 at 11:22 am
  ధన్యొస్మీ జి.
  
  Reply
6

డా కె.ఎల్.వి.ప్రసాద్
February 26, 2023 at 11:32 am
మీవలెనే చాలామందికి సహృదయ కార్యక్రమాలు మధురమైన జ్ఞాపకాలే..నాకు సంస్థలో నచ్చిన విషయం సభానిర్వహణ.పూర్వం యువభారతి సంస్థలో చూచిన ,మళ్ళీ సహృదయలో చూస్తున్న .దాదాపు సహృదయ కార్యక్రమాలన్నింటికీ( వీలైనంతవరకు) హాజరైన. మహాభారత,ఉపన్యాసాలు ఒకమరపురాని విషయం.కావ్యలహరి దివాకర్ల ఉపన్యాసాలసమయంలో స్థలం లేక బయటికి లౌడ్ స్పీకర్ లు పెట్టవలసి వచ్చింది సారస్వత పరిషత్తుభవనంలోజాగాలేక.భరతోపన్యాసాలలోకూడా LED స్క్రీన్ లు పెట్టవలసివచ్చిన సంగతి నాకు గుర్తే. భారత, భాగవత , రామాయణాలేకాక భగవద్గీత,ఉపనిషత్తుల పైన కూడా ఉపన్యాసాలు ఏర్పాటు చేసినారు కదా. ఉపన్యాసాలన్నీ విజ్ఞాన వంతంగా వుండేవి. ఇక నాటకోత్సవాలగురించి చెప్పేదేలేదు . ఎన్నో మంచినాటకాలను జనాలకు చూపించింది సహృదయ. ఈసంస్థతో ఒక అభిమానిగా కలిసినడుస్తున్న. మాకే ఇట్ల వుంటే
13 ,సంవత్సరాలు ఆధ్యక్షంవహించిన మీరు …. చెప్పవలసాన పనేలేదు.
సహృదయ,కార్యక్రమాలూ చూసాన ఎవ్వరైనా సంస్థను మరవలేరు. నడుస్తున్న విజ్ఞానసర్వస్వం గిరిజామనోహరబాబు .నాటకప్రియుడు వనంవారు ,వేంకటనారాయణాచార్యులు,కుందావఝల అందరుఅందరే..
కార్యనిర్వాహకబృందమంతా అభినందనీయులే అభినందనలు మీకు మీ కార్యవర్గానికీ
—రామశాస్త్రి

Reply
1. 6.1
  
  డా కె.ఎల్.వి.ప్రసాద్
  February 26, 2023 at 11:54 am
  శాస్టిగారూ
  మీ స్పందన నాకు ఎప్పుడూ అపూర్వం/అమూల్యం.
  కృత జ్ఞత లు సర్.
  
  Reply
7

డా కె.ఎల్.వి.ప్రసాద్
February 26, 2023 at 11:56 am
డాక్టర్ కెఎల్వీ గారి వలెనే ఎంతో మంది సాహిత్యాభిమానులకు ‘ సహృదయ ‘ స్వంత సంస్థే . నా మటుకు నాకు సహృదయ మీద అమితమైన గౌరవాభిమానాలున్నాయి . సంస్థ నిర్వాహకులను మనస్ఫూర్తిగా అభినందిస్తున్నాను . ‘ సహృదయ ‘ చిరకాలం సాహిత్యసేవ తద్వారా సామాజిక సేవ చేయాలని కోరుకుంటున్నాను .
మెట్టు మురళీధర్
హన్మకొండ.

Reply
1. 7.1
  
  డా కె.ఎల్.వి.ప్రసాద్
  February 26, 2023 at 11:56 am
  మీ సహృదయ స్పందనకు ధన్యవాదాలు సర్.
  
  Reply
8

Sam sundar
February 26, 2023 at 1:24 pm
ఆధునిక కాలం లో నాటికలు కనుమరుగై పోకుండా కాపాడుతున్న వారికి ధ్యన్యవాదాలు….నా అభిప్రాయం ప్రకారం సినిమా కన్నా నాటికలు కష్టం…యువత తెలుగు భాష నేర్చుకొని సాహిత్యం లో ఉన్న ఆనందాన్ని ఆస్వాదించాలి….సహృదయం తో అందరూ ఉండాలి అని నా అభిలాష..మీరు మంచి వ్యాసాలు రాయాలని కోరుకుంటున్నాము….

Reply
1. 8.1
  
  డా కె.ఎల్.వి.ప్రసాద్
  February 26, 2023 at 2:12 pm
  శ్యామ్
  నీ స్పందనకు ధన్యవాదాలు .
  
  Reply
9

డా కె.ఎల్.వి.ప్రసాద్
February 26, 2023 at 2:10 pm
మీ జ్ఞాపకాల పందిరి చలువ పందిరిలాగ మనస్సులను సాహిత్య పిపాసను తీర్చి ఆనందపరుస్తుందని నేను భావిస్తున్నాను.
సంస్థలోని వారందరూ సుహృదయులే.
సంస్థ ప్రవర్థమానం అగుగాక.

ఆచార్య తంగెడ జనార్దనరావు

Reply
1. 9.1
  
  డా కె.ఎల్.వి.ప్రసాద్
  February 26, 2023 at 2:11 pm
  సర్
  మీ స్పందనకు ధన్యవాదాలు సర్.
  
  Reply
10

డా కె.ఎల్.వి.ప్రసాద్
February 26, 2023 at 7:03 pm
చదివాను డాక్టర్ గారు.
… ఖర్చే కాదు, చాలా శ్రమతో కూడిన పనిది.

అటువంటి గొప్ప కార్యక్రమాలు మీ సాహిత్య జిజ్ఞాసను తెలియజేస్తుంది.
అభినందనలు సార్.
—డా.బండి సత్యన్నారాయణ
విశాఖపట్టణం

Reply
1. 10.1
  
  డా కె.ఎల్.వి.ప్రసాద్
  February 26, 2023 at 7:05 pm
  ధన్య వాదాలు కవి గారు.
  
  Reply
11

Rajendra Prasad
February 26, 2023 at 10:27 pm
Happy to know about సహృదయ and your association to it. Congratulations on the occasion of SILVER JUBILEE celebrations. If God willing you will also witness Golden JUBILEE sir

Reply
1. 11.1
  
  డా కె.ఎల్.వి.ప్రసాద్
  February 27, 2023 at 5:49 am
  Thank you rajendhra prasad garu.
  
  Reply
12

డా కె.ఎల్.వి.ప్రసాద్
February 27, 2023 at 5:47 am
శుభోదయం సోదరా. మీకు హృదయపూర్వక అభినందనలు. మీరు తప్పకుండా సహృదయ వారి స్వర్ణోత్సవాలకూ సంతోషంగా హాజరుకావాలని కోరుతూ సోదరి. మంచి కార్యక్రమాలు హాజరుకాలేకపోయాను. 🙏💐😊
—-డా.విద్యాదేవి.ఆకునూరి
హన్మకొండ.

Reply
1. 12.1
  
  డా కె.ఎల్.వి.ప్రసాద్
  February 27, 2023 at 5:48 am
  అమ్మా
  మీ స్పందనకు ధన్యవాదాలు .
  
  Reply
13

డా కె.ఎల్.వి.ప్రసాద్
February 27, 2023 at 5:53 am
ఒక సంస్థ అంటే ఎన్నో హృదయాల ఆలోచనల కలయిక…మరెన్నో కలల సాకారానికి వేదిక.అటువంటి ‘సహృదయ’ కు మీవంటి సహృదయులు ఎక్కువ కాలం అధ్యక్షులు గా ఉండడం,సంస్థ రజతోత్సవం జరుపుకోవడం ఆ అనుభూతి ని మా అందరితో పంచుకోవడం చాలా ఆనందంగా ఉంది సర్.మీరు కోరినట్టు స్వర్ణోత్సవ వేడుకలు కూడా మీ ఆధ్వర్యంలో జరగాలని కోరుకుంటూ శుభాకాంక్షలు ,ధన్యవాదాలు సర్💐💐💐🙏
—-నాగ జ్యొతి శేఖర్
కాకినాడ.

Reply
1. 13.1
  
  డా కె.ఎల్.వి.ప్రసాద్
  February 27, 2023 at 5:54 am
  అమ్మా..
  మీ సహృదయ స్పందనకు ధన్యవాదాలు .
  
  Reply
14

డా కె.ఎల్.వి.ప్రసాద్
February 27, 2023 at 6:07 am
స్ఫూర్తినిచ్చే గొప్ప ఇంట్రో తో ఆనందకరమైన అంశాల్ని అపురూపంగా పంచిపెట్టారు సర్ .. ఏ సంస్థ మనుగడకైనా చిత్తశుద్ధి ఉన్న కార్యకర్తల సహకారం సంపూర్ణంగా ఉన్నప్పుడు ఆ సంస్థ పదికాలాలపాటు పచ్చగా మనగలుగుతుంది .. మన ” సహృదయ ” రజతోత్సవాలదాకా సాగిరావడానికి మన సహచర మిత్రుల తోడ్పాటును మీరు జ్ఞాపకం చెయ్యడం మీ సంస్కారానికి , మీకు మీ బాధ్యత పట్ల ఉన్న నిబద్ధత కు నిదర్శనం ……….. సంస్థ లోగో రూపకల్పన మొదలు కార్యక్రమాల వైశిష్ట్యం , కార్యక్రమాలలో వైవిధ్యం , రజతోత్సవాల నిర్వహణ వరకూ మీరందిస్తున్న సహకారానికి కూడా ఒక ప్రత్యేకత ఉంది …… 13 యేళ్ళ పాటు సంస్థ అధ్యక్ష బాధ్యతలు నిర్వహిస్తూకూడా ఒక సామాన్య కార్యకర్తగా అందరిలో ఒకరై మసలిన తీరు సహృదయ విజయాలలో ప్రధానమే …….. పైగా 2019 నుండి మిక్కిలి అనురాగమూర్తియైన మీ అక్కగారి పవిత్ర స్మృతి లో ప్రతిఏడాదీ నాటకాల్లో జ్ఞాపికలందిస్తున్న మీ సౌహృదభావన కూడా మరువరానిది …… ఇన్నేళ్లుగా పెనవేసుకున్న అనుబంధమే మిమ్మల్ని మొన్నటి ఉత్సవాలకొరకు హైదరాబాదునుండి లాక్కొచ్చింది ……. మరోసారి మంచి జ్ఞాపకాల్ని పంచి సహృదయుల హృదయాలను ఆనందతరంగాల్లో ఓలలాడించారు ,ధన్యవాదాలు సార్ !!!!!
—-గన్నమరాజు గిరిజామనోహర్ బాబు .
హైదరాబాద్.

Reply
1. 14.1
  
  డా కె.ఎల్.వి.ప్రసాద్
  February 27, 2023 at 6:09 am
  సర్,
  ఇది నా జీవితానికి పెద్ద ప్రసంశా పత్రం.
  మీతో..మీ అందరితో కలసి పనిచేయడం నా అదృష్టం అంతే!మీ వంటి సాహితీమూర్టి నా జీవితంలో తారసపడడం నా పూర్వ జన్మ సుకృతం.ఇప్పటి వరకు ఇది నా మనసులో దాచుకున అంశం.ఇప్పుడు అది బయట పెట్టవలసిన తరుణం.హృడయ పూర్వక కృతజ్ఞతలు సర్ .
  
  Reply
15

డా కె.ఎల్.వి.ప్రసాద్
February 27, 2023 at 7:20 am
సహృదయ ఒక మరపురాని జ్ఞాపకం.ఎంత ఎక్కువగా పాల్గొంటే అంత ఆనందాన్ని,గౌరవాన్ని కలిగించేది. ముందుగా నేను రేడియో కి కృతజ్ఞతలు చెప్పుకోవాలి. అందులో వ్యాఖ్యాతగా చేరిన నాకు, ముందుగా వర్ధన్నపేట,భారతీయ నాటక కళా సమితి కార్యక్రమాలపై రేడియో రిపోర్ట్ చేయడం తో నాంది పలికింది. D V శేచాచార్య గారు,దక్షిణామూర్తి గారు, నన్ను సహృదయ లో పరిచయం చేశారు. అప్పుడు డా.కే.ఎల్.వి. ప్రసాద్ గారు అధ్యక్షులు. వివిధ కార్యక్రమాలకు నా కుటుంబం తో సహా వెళ్ళి ఆనందించే వాళ్ళము. పిల్లలైతే కార్యక్రమాల కోసం ఎదురు చూసే వారు. కాకతీయ మెడికల్ కాలేజీ డాక్టర్లు, ప్రాఫెసార్లు కూడ వచ్చేవారు. కార్యక్రమాలు బాగున్నాయని చెప్పేవారు. చాలా మంది సభ్యులుగా చేరారు. 2002 నేను బదిలీ అయి,దాదాపు 5 సం.లు దూరం కావడం, వివిధ కారణాల వల్ల అప్పుడప్పుడు మాత్రమే పాల్గొనడం జరిగింది. సహృదయ వల్ల గొప్ప కవులు, రచయితలు,కళాకారులు పరిచయం ,వారితో మాట్లాడడం నా అదృష్టం.ఇది కేవలం సహృదయ వల్ల మాత్రమే. రజతోత్సవాలు జరిగి నప్పుడు వెళ్లిన నన్ను, సహృదయ లో మొదటగా పని చేసిన వ్యక్తిగా శాలువా కప్పి,మెమెంటో ఇవ్వడం,అరుదైన గౌరవం లభించింది. సహృదయ సంస్థ నిర్వాహకులు అందరికీ ఈ సందర్భంగా నమస్కారం,కృతజ్ఞతలు.
—-జనార్ధన్.ఎం.సి
హన్మకొండ.

Reply
1. 15.1
  
  డా కె.ఎల్.వి.ప్రసాద్
  February 27, 2023 at 7:20 am
  ధన్యవాదాలు సర్ మీకు .
  
  Reply
16

Bhujanga rao
February 27, 2023 at 11:04 am
25 సంవత్సరములు పూర్తి చేసుకొన్న సందర్భంలో జరుపుకునే ఉత్సవం.సంస్థ అంటే ఎన్నో హృదయాల కలియుక మరెన్నో కలలకు చక్కటి వేదిక.అటువంటి సహృదయ సంస్థకు సహృదయులైన మీరు ఎక్కువకాలం అధ్యక్షులుగా ఉండటం, సహృదయ సంస్థ రజతోత్సవాలను జరుపుకోవడం చాలా ఆనందం మరియు మీ అదృష్టం. ఇటువంటి వేడుకలు ఎన్నో మీ అద్వర్యంలో జరగాలని కోరుకుంటూ ధన్యవాదములు మరియు నమస్కారములు సర్🙏

Reply
1. 16.1
  
  డా కె.ఎల్.వి.ప్రసాద్
  March 1, 2023 at 5:25 pm
  ధన్యవాదాలండీ.
  
  Reply
17

Shyam Kumar Chagal
March 3, 2023 at 8:42 am
ఈమధ్య జరుగుతున్న ఆత్మీయ సమ్మేళనాలు ఒక మంచి మార్పు అని చెప్పాలి. ఏదో విధంగా ఏదో ఒక పేరుతో అందరం కలుద్దాం అనే భావన మాత్రం మనలో ఏర్పడింది. నేను గమనించినంతవరకు కరోనా వచ్చి పోయిన తర్వాత ఈ భావాలు ఊపందుకున్నాయి. ఒకప్పుడు ఇవన్నీ కార్యక్రమాల రూపంలో లేదా ఉత్సవాల రూపంలో జరిగేవి. కానీ ఇప్పుడు అవి స్నేహితుల మధ్య బంధువుల మధ్య ఆత్మీయ సమ్మేళనాలుగా రూపాంతరం చెందినవి. సాంస్కృతిక సాహిత్య రంగంలో ఈ సమ్మేళనాలలో పాల్గొనే వారి సంఖ్య చాలా తక్కువగా ఉన్నప్పటికీ అవి ఇప్పటికీ కార్యరూపం దాల్చడం చాలా శుభ సూచకమని చెప్పాలి. స్కూలు కాలేజీ ఉద్యోగ సంస్థలు రిటర్మెంట్ అయిన వారి గ్రూపుల మధ్య కూడా ఆత్మీయ సమ్మేళనాలు జరిగి అందులో పాల్గొన్న ప్రతి ఒక్కరికి ఎనలేని ఆనందాన్ని మిగులుస్తున్నాయి అని చెప్పడంలో సందేహం లేదు. ఇటువంటి ప్రతి ఆత్మీయ సమ్మేళనం కూడా బ్రహ్మాండమైన ఆనందంతో ముగుస్తున్నాయి. అవి ముగిసిన మరుసటి రోజు నుంచి మళ్లీ ఎప్పుడు ఎప్పుడు అని ఎదురు చూస్తూ ఉండడం కూడా జరుగుతుంది. ఇవన్నీ చూస్తుండడంతో మనిషికి మానసిక ఆనందం ఉల్లాసం తృప్తి అనేవి ఎంత ముఖ్యమైనవో అర్థమవుతుంది.
ఈసారి కూడా రచయిత డాక్టర్ కే. ఎల్ వీ ప్రసాద్ గారు మంచి శీర్షికను మన ముందుకు తెచ్చినందుకు ధన్యవాదాలు

Reply
1. 17.1
  
  డా కె.ఎల్.వి.ప్రసాద్
  March 3, 2023 at 9:39 am
  మిత్రమా
  ధన్యవాదాలు.
  
  Reply

మరో రజతోత్సవం..!!

Related

Related Articles

35 Comments

Sagar

Sam sundar

Rajendra Prasad

Bhujanga rao

Shyam Kumar Chagal

Leave a Reply Cancel Reply