జ్ఞాపకాల పందిరి-72

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

మిత్రలాభం..!!

స్వచ్ఛమైన స్నేహానికి కులం తోనూ, మతంతోనూ, ప్రాంతం తోనూ, భాషతోనూ స్టేటస్ తోనూ సంబంధం ఉండదని నేను అనుకుంటాను. అది నిజమేనని నా అనుభవాలు ఎన్నో నిరూపించాయి కూడా! నిజమైన స్నేహాన్ని కాంక్షించేవారు ఇతర విషయాలు అసలు పట్టించుకోరు. వారి దృష్టి ఎప్పుడూ మానసిక వికాసం, మానసిక ఉల్లాసం, మానసిక చైతన్యం మీదనే ఆధార పడివుంటుంది. వారి జీవనశైలి, తల్లిదండ్రుల పెంపకమూ బంధువుల -పరిసరాల ప్రభావం తోనే మలచబడుతుంది. వారి చర్చల్లో కులం, మతం అన్నవి ప్రస్తావనకు రావు. వచ్చినా దానికి చెప్పుకోదగ్గ ప్రాధాన్యత ఉండదు. ‘మనమంతా ఒక్కటే.. మన ధ్యేయం ఒక్కటే..’ అన్న మూలసూత్రం మీద వారి ప్రవర్తన ఆధారపడి వుంటుంది. వీటికి భిన్నంగా ప్రవర్తించిన నాడు స్నేహానికి అసలు అర్ధమే ఉండదు.

కొంతమంది మనతో స్నేహంతో వున్నట్టే నటిస్తారు కానీ లోలోపల ఉండవలసిన అవలక్షణాలన్నీ ఉంటాయి, అవి సందర్భాన్ని బట్టి ఎప్పుడో బయట పడతాయి. మరి కొంతమందైతే, వారి అవసరాలు తీర్చుకునేవరకూ మనతో స్నేహం చేస్తారు తర్వాత ఏదో ఒక పేచీ సృష్టించి శత్రువుగా మారతారు. సాధారణంగా ఇలాంటివి పాఠశాలల్లో, కళాశాలల్లో, విశ్వవిద్యాలయాల్లో, వివిధ కార్యాలయాల్లో ఎదురవుతుంటాయి. జీవితంలో ఎంతోమంది రకరకాలైన మనస్తత్వం కలిగిన స్నేహితులు లాంటి వ్యక్తులు తారసపడుతుంటారు. కానీ చివరికి ఏ కొద్దిమందో లేదా ఒకరిద్దరో అసలైన స్నేహితులుగా మిగులుతారు. ఇంచుమించు చాలామందికి ఈ అనుభవాలు సర్వసాధారణమే!

నేను నా జీవితంలో ఇప్పటి వరకూ స్నేహానికి ఎక్కువ విలువ ఇచ్చాను. అదొక వర్ణించలేని అనుబంధం. ఒకసారి పరిచయం అయితే నేను మరచిపోవడం అనేది ఇంచుమించు ఉండదు. మనస్తత్వాలు కలిస్తే ఆ స్నేహబంధం మరింత బలంగా చుట్టుకుంటుంది. నా హైస్కూల్ మిత్రులనుండీ ఇప్పటి మిత్రులవరకూ మా మధ్య పెనవేసుకున్న బంధం ఇలాంటిదే! నా పిల్లల పెళ్ళిళ్ళకి నా హైస్కూల్ మిత్రులూ వచ్చారు, నాకు బి.డి.ఎస్.లో బోధించిన ప్రొఫెసర్లూ వచ్చారు. అలాంటి నా స్నేహితుల్లో ముందువరుసలో నిలబెట్టదగ్గ మిత్రుడు, బి.డి.ఎస్.లో నా సహాధ్యాయి కెప్టెన్ డా. హనుమాన్ ప్రసాద్ సింగ్. స్నేహితుల మధ్య ‘హనుమాన్’గా ప్రసిద్ధుడు. మేమిద్దరం బిడిఎస్ -1975 బ్యాచ్‌కు సంబంధించిన వాళ్ళం. ఇంటర్‌మీడియేట్ వరకూ తెలుగు మీడియంలో చదివిన నాకు ఆంగ్లం అంతంత మాత్రంగానే వచ్చేది. ఆంగ్లంలో మాట్లాడాలంటే చెమటలు పట్టేవి. దీనికి తోడు మాకు బి.డి.ఎస్.లో ఇతర రాష్ట్రాల/దేశాల విద్యార్థులకు ప్రత్యేక కోటా ఉండడం వల్ల వివిధ భాషలవాళ్ళు వుండేవాళ్ళు. వాళ్ళు అందరితో స్నేహంగా ఉండాలని వున్నా భాష పెద్ద అవరోధంగా ఉండేది. ఆంగ్లం, హిందీ, తెలుగు ప్రధానంగా మాట్లాడుకోవడం అమలులో ఉండేది. హైదరాబాద్‌లో ఉండడం వల్ల హిందీ (కూరగాయల మార్కెట్ భాష) కొద్దిగా అర్థం చేసుకోవడానికి, మాట్లాడడానికి వీలుగా ఉండేది.

కెప్టెన్ హనుమాన్ ప్రసాద్ సింగ్, ఢిల్లీ.

అందుచేత ఉత్తర భారతదేశం నుండి వచ్చిన హిందీ మాతృభాష గల సహాధ్యాయులతో మాటలు కలిపే ప్రయత్నం చేసేవాడిని. అలా బాగా దగ్గర మిత్రుడైనవాడు డా. హనుమాన్ ప్రసాద్ సింగ్. ఇతను రాజపుట్ వంశానికి చెందినవాడు. అలా అని కులాన్ని అడ్డుపెట్టుకుని ఆతను ఎన్నడూ ఎబ్బెట్టుగా ప్రవర్తించలేదు. హనుమాన్ మెడికల్ కాలేజీ హాస్టల్‌లో ఉండేవాడు. నేను మరికొంతమంది మిత్రులతో గౌలిగూడాలో అద్దె ఇంట్లో ఉండేవాడిని. ఆతను అప్పుడప్పుడు తీరిక సమయాల్లో మా రూమ్‌కి వచ్చేవాడు. నేను అతని రూమ్‌కి వెళ్ళేవాడిని. అలా ఒక ఆదివారం హనుమాన్ మా రూమ్‌కి వచ్చాడు.

1975.బి.డిఎస్. బ్యాచ్, ప్రభుత్వ దంత వైద్య కళాశాల, హైదరాబాద్. ఎడమవైపు నిలుచున్నవారిలో చివరి వ్యక్తి డా. హనుమాన్ సింగ్

అప్పటికి మా రూమ్ దగ్గర పెద్ద గొడవ జరుగుతున్నది. ఈ గొడవకు నేపథ్యం కొంత ఇక్కడ వివరించాలి. మేము అద్దెకుంటున్న ఇంటికి పక్కన వేరేవాళ్ళ ఇల్లు వాళ్ళ ఇంటిముందు కొంచెం ఖాళీస్థలం, సాయంత్రం కాసేపు సరదాగా బయట కూర్చోవడానికి అనుకూలంగా ఉండేది. మేము మిద్దె మీదకు వెళితే వాళ్ళందరూ కనిపిస్తారు. ఆ యింట్లో వాళ్లకి ముగ్గురమ్మాయిలు వుండేవాళ్ళు. పెద్దమ్మాయి పదవతరగతి గాని డిగ్రీ చదువుతున్న అమ్మాయిలా ఉండేది. చాలా అందంగా ఆకర్షణీయంగా ఉండేది. మిగతా ఇద్దరూ ఆమెకంటే చిన్న. మేము బయట బట్టలు ఉతుకుతుంటే వేరే ఇంటి మిద్దె మీది నుండి కాగితం ఉండలు చుట్టి విసురుతుండేవారు. మేము చూసేసరికి పక్కకు తప్పుకునేవారు. వీళ్ళను చూడ్డానికి నా రూమ్‌మేట్స్ సాయంత్రాలు పైకి మిద్దె మీదకు వెళ్లేవారు. అప్పుడప్పుడూ నేనూ వెళ్ళేవాడిని. ఒక రోజు ఇలాంటి సమయంలో ఆ ఆడపిల్లల తండ్రి మమ్మల్ని ఉద్దేశించి ఏమి మాట్లాడాలో తెలియక “మీరంతా ఇలా ఎందుకు చూస్తున్నారు?” అన్నాడు.

వెంటనే నేను అందుకుని, “మీరెందుకు చూస్తున్నారు మావంక?” అన్నాను. “ఆ.. అదేంటి?” అన్నాడు ఆ పెద్దమనిషి. “అవునండీ.. మీరు మా వంక చూస్తేనే కదా, మేము మీకు కనిపించేది!” అన్నాను. “లాజిక్కు మాట్లాడుతున్నావా?” అన్నాడు. “మీరు ఏదైనా అనుకోండి, మా ఇంటి మిద్దె మీద మేము వున్నాము. ఎటువైపు అయినా చూసే హక్కు మాకు వుంది. కావాలంటే కనపడకుండా తెరలు కట్టుకోండి, మీ అమ్మాయిలకు బురఖాలు వేయండి” అన్నాను. అతను మా అందరివంకా సీరియస్‌గా చూసాడు. దాని ప్రభావం వారం రోజుల తర్వాత మాకు తెలిసింది. పక్కింటి పెద్దమనిషి మా ఇంటి యజమాని తాగుబోతు కొడుక్కి ఏమి చెప్పాడో ఏమో.. ఒక ఆదివారం మేము హాస్టల్ లంచ్ ముగించుకుని వచ్చిన కాసేపటికి మా ఇంటి యజమాని కొడుకు పీకలదాకా తాగి ప్రముఖంగా నన్ను అటాక్ చేయబోయాడు. అదుగో.. అదే సమయంలో నా మిత్రుడు హనుమాన్ ప్రసాద్ సింగ్ వచ్చాడు. పరిస్థితి గమనించాడు. ఇక వివరాలలోనికి పోకుండానే, మా ఇంటి యజమాని కొడుకు మీద పిడిగుద్దుల వర్షం కురిపించాడు. అది తట్టుకోలేక అతగాడు తిట్టుకుంటూ వాళ్ళ ఇంట్లోకి పారిపోయాడు.

మిత్రుడు హనుమాన్ వెంటనే నన్ను అక్కడినుండి ఉస్మానియా మెడికల్ కాలేజీ హాస్టల్‌కి తీసుకుని వెళ్ళాడు,అతని రూంలో నన్ను గెస్టుగా పెట్టుకున్నాడు. నా డిగ్రీ కోర్సు పూర్తి అయ్యేవరకూ అక్కడే కొనసాగాను. అప్పుడు హనుమాన్ రూమ్‌మేట్ ఇప్పుడు, నిజాం ఇన్‌స్టిట్యూట్ ఆఫ్ మెడికల్ సైన్సెస్ డైరెక్టర్, ప్రొఫెసర్ మనోహర్ గారు. ఆయన కూడా తమ్ముడిని గెస్ట్‌గా వుంచుకుని ఉండడం వల్ల, హనుమాన్‌ని ప్రశ్నించలేదు. అంతమాత్రమే కాదు డా. మనోహర్ నాకు మంచి మిత్రులు అయ్యారు కూడా. హన్మకొండకు వచ్చిన మొదటి రోజుల్లో ఆయనే మాకు ఫిజీషియన్. కాకతీయ మెడికల్ కళాశాలకు అనుబంధంగా వున్న మహాత్మగాంధీ మెమోరియల్ (ఎం.జి.ఎం)ఆసుపత్రికి సూపరింటెండెంట్‌గా పనిచేసి పదవీ విరమణ చేసిన తర్వాత ‘నిమ్స్ – డైరెక్టర్’ అయ్యారు. ఈ వ్యాసం రాసే సమయానికి ఆయన ఇంకా పదవిలో రెండవసారి కొనసాగుతూనే వున్నారు.

హైదరాబాద్ బొటానికల్ గార్డెన్ లో, సహాధ్యాయులతో కెప్టెన్ హనుమాన్ ప్రసాద్ సింగ్

నా మిత్రుడు డా. హనుమాన్ ప్రసాద్ సింగ్ రాష్ట్రేతరుడు. మేము చదువుకునేటప్పుడు నాటి ఉమ్మడి ఆంధ్రప్రదేశ్ రాష్ట్రంలో ఒకే ఒక్క ప్రభుత్వ దంతవైద్య కళాశాల (డెంటల్ వింగ్) ఉస్మానియా వైద్య కళాశాలకు అనుబంధంగా ఉండేది. అప్పటికి ఇంకా ప్రత్యేక దంతవైద్య కళాశాలగా ఏర్పడలేదు. ప్రైవేట్ దంతవైద్య కళాశాలలు కూడా ఆంధ్రప్రదేశ్‌లో అప్పటికి లేవు. అలా మొత్తం నలభై సీట్లు ఉండేవి. అందులో కొంతశాతం కేంద్రప్రభుత్వం ప్రతిపాదించిన విద్యార్థులు వుండేవారు. వీరిని ‘సెంట్రల్ నామినీస్’ అనేవారు. అలా మా క్లాసులో ఢిల్లీ, ఉత్తర్ ప్రదేశ్, కేరళ, అండమాన్, మలేషియా, మణిపూర్ వంటి ప్రదేశాలనుండి నాకు సహాధ్యాయులు ఉండేవారు. అటువంటి వారిలో ఉత్తర్ ప్రదేశ్‌కు చెంది అండమాన్ నుండి నామినేట్ చేయబద్ద విద్యార్థి డా. హనుమాన్ ప్రసాద్ సింగ్. తండ్రి గారు శ్రీ రామ్ దూలార్ సింగ్ అసిస్టెంట్ కమీషనర్‌గా అండమాన్‌లో పనిచేస్తుండడం మూలాన హనుమాన్ అక్కడినుండి నామినేట్ చేయబడ్డాడు. మంచి స్నేహశీలుడైన డా. హనుమాన్, స్నేహితుడిగా మాత్రమే గాక, ఒక శ్రేయోభిలాషిగా, స్వంత సోదరుడికి మించి ప్రేమించేవాడు. అలాంటి మా మైత్రి హనుమాన్ కొద్దిగా తెలుగు నేర్చుకునే అవకాశాన్ని కలిగించింది. కొన్ని తెలుగు లలిత గీతాలు నేర్చుకున్నా డు. సందర్భం వచ్చినప్పుడు తనకు తాను స్వేచ్ఛగా ఆలపిస్తూ ఉండేవాడు. ఇప్పటికీ అతనికి ఈ పాటలు గుర్తుండడం విశేషం!

పెద్దక్క ఉపాధ్యాయురాలిగా నాగార్జున సాగర్‌లో (దక్షిణ విజయపురి) పని చేస్తుండడం మూలాన, మిత్రుడు హనుమాన్‌ని ఒకసారి అక్కడకు తీసుకు వెళ్లాను. అక్కను ‘అక్కా..’ అని ఆప్యాయంగా పిలిస్తే అక్క మురిసిపోయేది. స్వంత కుటుంబం లోని వ్యక్తిగా స్వేచ్ఛగా ఉండేవాడు. అలా అక్క ప్రేమకు,ఆత్మీయతాను రాగాలకు పాత్రుడయ్యాడు. అంతమాత్రమే కాదు ఒకసారి మా అత్తగారి ఇంటికి (విజయవాడ) తీసుకు వెళ్లాను. అప్పటికి నేను ఆ ఇంటి అల్లుడినవుతానని నాకే తెలీదు. అలా జరిగినట్టు హనుమాన్‌కి ఇప్పటికీ తెలియదు. వాళ్ళు నా బంధువులు అని మాత్రమే తెలుసు. అయితే నా పెళ్ళికి అతను, అతని పెళ్ళికి నేను వెళ్లే అనుకూలతలు అప్పుడు ఏర్పడలేదు. 1975లో బి.డి.ఎస్.లో చేరిన మేము 1980లో పూర్తి చేసుకుని ఎవరి మార్గం వాళ్ళం ఎంచుకున్నాం. నేను ఆరు నెలల పాటు బెల్లంపల్లి ఏరియా ఆసుపత్రి (సింగరేణి కాలరీస్) లో డెంటల్ అసిస్టెంట్ సర్జన్‌గా పనిచేసి, ఆ తర్వాత అప్పటి ఉమ్మడి రాష్ట్ర ఆంధ్రప్రదేశ్ సర్వీస్ కమీషన్ ద్వారా డెంటల్ అసిస్టెంట్ సర్జన్‌గా మహబూబాబాద్ (అప్పుడు తాలూకా, ఇప్పుడు జిల్లా) ప్రభుత్వ ఆసుపత్రిలో చేరాను. తర్వాత జనగాం, కరీంనగర్ జిల్లా ఆసుపత్రులలో, డిప్యూటీ సివిల్ సర్జన్, సివిల్ సర్జన్‌గా పనిచేసి 2011లో పదవీ విరమణ చేసాను.

కెప్టెన్ హనుమాన్ ప్రసాద్ సింగ్

నా మిత్రుడు దంతవైద్యుడిగా ఆర్మీకి (ఇక్కడ సెలెక్ట్ కావడం చాలా కష్టం) సెలెక్ట్ అయ్యాడు. హనుమాన్ ఆర్మీలో పదవీ విరమణ చేసే సమయానికి కెప్టెన్ ర్యాంకులో వున్నాడు. తర్వాత యూనియన్ పబ్లిక్ సర్వీస్ కమీషన్ ద్వారా 1996లో ఢిల్లీ లోని డా. రామ్ మనోహర్ లోహియా ఆసుపత్రిలో దంతవైద్యుడిగా చేరి అంచెలంచెలుగా ఎదిగి అక్కడి దంతవైద్య విభాగానికి అధిపతి అయినాడు. ఈ సంవత్సరం 30-సెప్టెంబరు నాడు పదవీ విరమణ చేయనున్నాడు.

మూడు సంవత్సరాల క్రితం పూర్వ విద్యార్థుల సమ్మేళనంలో హైదరాబాద్‌లో కలుసుకునే అవకాశం కలిగింది. ఎంతగానో ఆనందించాము, గతాన్ని ఒకసారి సింహావలోకనం చేసుకుని మురిసిపోయాము. కెప్టెన్ (డా). హనుమాన్ ప్రసాద్ సింగ్ లాంటి స్నేహితులు బహు అరుదు. ఈ రోజుల్లో మరీ అరుదు!

పూర్వ విద్యార్ధుల ఆత్మీయ సమ్మేళనం. కూర్చున్న వారిలో కుడి నుండి రెండవ వ్యక్తి డాక్టర్ హనుమాన్

బ్రతికినంత కాలం మా స్నేహం ఇలానే కొనసాగుతుందనడంలో ఎలాంటి సందేహములేదు. అయితే అతను ఢిల్లీ -నేను హన్మకొండ, అంతే తేడా…!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా. కె.ఎల్ వి ప్రసాద్
August 22, 2021 at 8:15 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—డా కె.ఎల్.వి.ప్రసాద్
హన్మకొండ.

Reply
2

Shyam kumar chagal . MA astrology. Hyd
August 22, 2021 at 8:48 am
అసలు డాక్టర్ కే ఎల్ వి ప్రసాద్ గారికి ఎంత మంది స్నేహితులు ఉండవచ్చు ఎవరికీ అర్థం కాదు. తను రాసిన రచనలు చదువుతున్నకొద్దీ స్నేహితుల విషయంలో తను చెప్తున్న విశేషాలు చాలా ఆసక్తి కరం గా ఉంటున్నాయి. గమనించి చూస్తే జీవితమంతా స్నేహితుల మధ్య నడిచినట్టుగా అనిపిస్తుంది. అందరికీ ఎంతో మంది తో పరిచయాలు అవుతుంటాయి. పరిచయం అవుతూ ఉంటారు కానీ ఆ వ్యక్తులు స్నేహితులుగా మారడం ,నిలబెట్టుకోవడం అన్నది మన గొప్పతనం. హనుమాన్ లాంటి స్నేహితుడు అందరికీ ఉండాలని అనిపిస్తుంది. హనుమాన్ సింగ్ గారిని చూస్తూ ఉంటే పేరుకు తగ్గట్టుగా హనుమంతుడు లాగా బలంగా దృఢంగా ఉన్నాడు సుమ. ఇది చదివిన తర్వాత డాక్టర్ klv.ప్రసాద్ గారు యుద్ధం లో కూడా ముందు ఉండేవారని తెలిసిపోయింది. స్నేహమేరా జీవితం స్నేహమేరా శాశ్వతం అన్నది అక్షరాల నిజం.

Reply
1. 2.1
  
  డా కె.ఎల్.వి.ప్రసాద్
  August 22, 2021 at 9:03 am
  మిత్రమా
  ధన్యవాదాలు.
  నీ అభిమానం గొప్పది.
  
  Reply
3

Sagar
August 22, 2021 at 8:48 am
అధ్బుతం సర్ మీ స్నేహబంధం. మన ప్రాంతం కాకున్నా అంతలా మీకు స్నేహితుడైన హనుమాన్ గారు నిజంగా అభినందనీయులు. ఇన్ని దశాభ్ఢాలుగా కొనసాగుతూన్న మీ స్నేహపరిమళాలు కూడ అనిర్వచనీయం. మీ ఇద్దరికీ అభినందనలు మరియు మంచి అనుభవాన్ని అందించిన మీకు ధన్యవాదముబు.

Reply
1. 3.1
  
  డా కె.ఎల్.వి.ప్రసాద్
  August 22, 2021 at 9:24 am
  సాగర్
  కృతజ్ఞతలు.
  
  Reply
4

ఎన్.వి.ఎన్.చారి
August 22, 2021 at 8:59 am
అవధులులేని స్నేహ మృదు యానమునందు ప్రసాదు
గణ్యులై
యువతకు స్పూర్తి నిచ్చెడు ప్రయోగ్య ప్రమోద ప్రదీప్త
శక్తియై
నవతరమందు స్పూర్తిమయ నాదమువోలె రచించె
వ్యాసముల్
అవిమల స్నేహ బంధ రసనామృత కాంతలు పంచియిచ్చుచున్
డా.ఎన్.వి.ఎన్.చారి

Reply
1. 4.1
  
  డా కె.ఎల్.వి.ప్రసాద్
  August 22, 2021 at 9:25 am
  పద్య కవి గారికి
  ధన్యవాదాలు.
  
  Reply
5

డా కె.ఎల్.వి.ప్రసాద్
August 22, 2021 at 10:55 am
డాక్టర్ గారు నమస్కారం.
మీలో కవి హృదయమే కాకుండా, కులమతాలకు ,హోదాకు,ఆర్థిక స్తోమతకు, వయస్సుకు సంబంధం లేకుండా స్నేహ బంధాన్ని బలోపేతం చేసుకునే సుగుణం బహు ప్రశంసనీయం .
మన వైపునుండి ఎటువంటి తప్పిదం లేదని తెలిసిన తర్వాత ఎదుటివారు వయసులో పెద్దవారు అయినా ఎదిరించి మాట్లాడగలిగిన విధానం చూస్తూ ఉంటే బహుసౌమ్యుడు ,అమాయకులు అయిన డాక్టర్ గారేనా ఇలా ఎదిరించి సమాధానం చెప్పింది !అనిపిస్తుంది . బహుశా అది ఆ వయసులో, ఆ సందర్భానుసారంగా కలిగిన ప్రతి చర్య కావచ్చు. నేటి సమాజంలో మనుగడ సాగించాలంటే ఇటువంటి తెగింపు కూడా ఎంతో అవసరం. స్నేహ బంధాన్ని గురించి ఎంతో విపులంగా వివరించారు. ధన్యవాదములు.
———బి.రామకృష్ణా రెడ్డి
సికింద్రాబాద్

Reply
1. 5.1
  
  డా కె.ఎల్.వి.ప్రసాద్
  August 22, 2021 at 11:04 am
  రెడ్డి గారూ ధన్యవాదాలండీ
  
  Reply
6

Sambasiva+Rao+Thota
August 22, 2021 at 11:00 am
Prasad Garu!
You are so efficient in studying friends and dealing with them appropriately and naturally you will have number of friends but highly selective..
Dhanyavaadaalandi 🙏

Reply
1. 6.1
  
  డా కె.ఎల్.వి.ప్రసాద్
  August 22, 2021 at 11:05 am
  Thank you Rao garu
  
  Reply
7

డి.వి.శేషాచార్య
August 22, 2021 at 11:01 am
“జీవనయానంలో స్నేహం శ్వాస వంటింది”
అన్న మాటలు గుర్తొచ్చాయి.

Reply
1. 7.1
  
  డా కె.ఎల్.వి.ప్రసాద్
  August 22, 2021 at 11:15 am
  ధన్యొష్మీ
  
  Reply
8

డా కె.ఎల్.వి.ప్రసాద్
August 22, 2021 at 11:14 am
Hello Dr. Klv garu.

Happy to read about Hp singh.

He doesn’t know to read tulugu kadandi..

enta goppaga baga cheppina sangatulu tanaki ela telustai ?

konni rojula kritamu
ma babu ki DNB pediatrics clinical exam center Delhi Safdarjung hospital lo center padindi.

Hp singh ki call chesi cheppanu.

Delhi lo evaru teleedu ani.

konchamu chusukomani.

Very happy to tell that

ma babu exam pass ayyadani

munduga telusukoni cheppadu.

Chala chala santhoshapaddamu Hp singh kaburu vini.

Call chesinapudu

bagunnara ani telugu lo adugutadu.

meeru nerpinchina telugu ani

to day only i came to know.
—-Dr.Aruna.Anne
Hyderabad

Reply
9

డా కె.ఎల్.వి.ప్రసాద్
August 22, 2021 at 11:14 am
Thank you aruna

Reply
10

డా కె.ఎల్.వి.ప్రసాద్
August 22, 2021 at 11:17 am
72 వ సంచిక చదివినాను సర్.
స్నేహం గురించి కాళోజి దేవతలెరుగని దివ్యానుభవం అని ఒక కవిత రాసినాడు వీలైతే చదవండి అక్షరార్చనలో పరిచయం చేసినానొకసారి.మీ మిత్రులందరూ ఆ లక్షణాలన్నీ ఉన్న వారు వారికీ మీకూ అభినందనలు.
—రామశాస్త్రి

Reply
1. 10.1
  
  డా కె.ఎల్.వి.ప్రసాద్
  August 22, 2021 at 11:17 am
  శాస్త్రి గారు ధన్యవాదాలండీ
  
  Reply
11

Bhujanga rao
August 22, 2021 at 12:09 pm
జ్ఞాపకాల పందిరి చదివాము.స్నేహ బంధాలు మరియు వాటి ప్రాముఖ్యత, విలువలు బాగా రాసారు.అందరికి ఏంతో మంది పరిచయం అవుతుంటారు వెళ్లిపోతుంటారు కానీ మీ విషయంలో పరిచయాలు అయిన వ్యక్తులు స్నేహితులు గా మారడం,వారి స్నేహాన్ని నిలబెట్టుకోవడం అన్నది మీ గొప్పతనానికి నిదర్శనం. మీరు వ్రాసిన ఈ ఎపిసోడ్స్ చదువుతుంటే స్నేహితుల గురించి మీరు చెబుతున్న విషయాలు చాలా బాగున్నాయి.డాక్టర్ హనుమాన్ ప్రసాద్ సింగ్ లాంటి ఎందరో మహానుభావులు వారి పరిచయాలు మరియు వారి ఫొటోలు అందిస్తున్న మీకు హృదయపూర్వక నమస్కారములు సర్.

Reply
1. 11.1
  
  డా కె.ఎల్.వి.ప్రసాద్
  August 22, 2021 at 5:02 pm
  ధన్యవాదాలండీ
  
  Reply
12

డా కె.ఎల్.వి.ప్రసాద్
August 22, 2021 at 12:29 pm
మీ స్నేహ పరిమళాలు…
గుభాలిస్తున్నాయి… 👏👏👏👏👏👏👌👍✌️🙏💐🙏కోరాడ నరసింహారావు
విశాఖపట్నం.

Reply
1. 12.1
  
  డా కె.ఎల్.వి.ప్రసాద్
  August 22, 2021 at 12:29 pm
  ధన్యవాదాలండీ
  
  Reply
13

Rajendra+Prasad
August 22, 2021 at 1:42 pm
A true friend defends and protects in critical situations. And Mr. Hanuman is one such person. Appreciate your attitude to continue to maintain such a long time friendship sir. And let such relationship abide throughout your life

-Rajendra Prasad

Reply
1. 13.1
  
  డా కె.ఎల్.వి.ప్రసాద్
  August 22, 2021 at 5:04 pm
  Prasad garu
  Sure andi.
  Thank you somuch.
  
  Reply
14

Sarasi
August 22, 2021 at 4:40 pm
మీతో స్నేహం చేసినవారికెవరికైనా స్నేహ మాధుర్యం అవగతమవుతుంది. అందుకే మీకు స్నెహితులెక్కువ. (24న లండన్ ప్రయాణం. సర్దుళ్లు తెమలడం లేదు.)

Reply
1. 14.1
  
  డా కె.ఎల్.వి.ప్రసాద్
  August 22, 2021 at 5:05 pm
  అవునా…
  ధన్యవాదాలు సరసి గారు.
  
  Reply
15

డా కె.ఎల్.వి.ప్రసాద్
August 22, 2021 at 6:51 pm
చాలా చక్కగా మీ మిత్రుడు, తోటి విద్యార్థి అయిన హనుమాన్ ప్రసాద్ సింగ్ గారి గురించి రాశారు.
వారు మీ ఇంటికి రావడం మీ అక్క ను అక్క అని పిలవడం , చక్క గా వర్ణించారు.
మన వర్జోత్సవాల సందర్భం గా వారు వచ్చురు, వారి దర్శనం కలిగింది, కానీ , వారి తో ముఖా ముఖి మాట్లాడం జరగలేదు.
నా పనులు లో నేను నిమగ్నమై ఉండడం చేత.
మీరు ఇలాగ రాసినట్లు మరి వారికి తెలపండి
——-డా.డి.సత్యనారాయణ
హైదరాబాద్.

Reply
1. 15.1
  
  డా కె.ఎల్.వి.ప్రసాద్
  August 22, 2021 at 6:51 pm
  ధన్యవాదాలండీ.
  
  Reply
16

డా కె.ఎల్.వి.ప్రసాద్
August 22, 2021 at 7:18 pm
Very well written. Happy to know more about your student life

——-Dr.J.Kranthi.
Hyderabad.

Reply
1. 16.1
  
  డా కె.ఎల్.వి.ప్రసాద్
  August 22, 2021 at 7:18 pm
  Thank you.
  
  Reply
17

డా కె.ఎల్.వి.ప్రసాద్
August 22, 2021 at 8:03 pm
స్నేహం ఎప్పటికీ నిలిచి ఉండే పరిమళం !!! దాన్ని కాలుష్యపరచకుండా ఎల్లకాలం ఆఘ్రాణించాల్సిన బాధ్యత మనదే … ఆ పనిని చిత్తశుద్ధితో మీరు చేస్తున్నారు కనుకనే ప్రాంతేతరులైనా హనుమాన్ గారు ఆ బంధాన్ని హృదయపూర్వకంగా గౌరవించారు …
స్నేహాన్ని గురించి రామాయణమే ఒక చక్కని మాట చెప్పింది …
“ ఆఢ్యోవాఽపి దరిద్రోవా దుఃఖితః సుఖితోఽపివా !
నిర్దోషశ్చ సదోషశ్చ వయస్యఃపరమా గతిః !!
( స్నేహితుడు ధనవంతుడైనా , దరిద్రుడైనా , దుఃఖంలో ఉన్నా , సుఖంలో ఉన్నా, నిర్దోషి ఐనా , దోషైనా అతడు మిక్కిలి సహాయకుడౌతాడు , కాబట్టి మిత్రునితో ఎప్పుడూ ఉత్తమంగానే వ్యవహరించాలి ..) ఇది అక్షరాలా మీ పట్లా , మీ స్నేహితుల పట్లా వర్తిస్తుందనడానికి మీరు అందించిన కథనమే సాక్ష్యం…
–గిరిజా మనోహర్ బాబు
హన్మకొండ.

Reply
1. 17.1
  
  డా కె.ఎల్.వి.ప్రసాద్
  August 22, 2021 at 8:52 pm
  గురువుగారు
  ధన్యవాదాలు మీకు.
  
  Reply
18

డా కె.ఎల్.వి.ప్రసాద్
August 22, 2021 at 10:50 pm
ఎంత గొప్పది స్నేహం.ప్రాంతాలూ,బాషలూ,వయస్సు,హోదా ఏమీ చూడదు. మీ జీవితంలో గొప్ప గొప్ప స్నేహితులు దొరికారు.వారికీ మీవంటి గొప్ప మనసున్న స్నేహితులు దొరికారు.మీ స్నేహితులు అంతా సమాజానికి ఎంతో ఉపయోగకర స్థానాల్లో ఉన్నవారే కావడం ప్రశంసించదగిన అంశం.శ్రీ హనుమాన్ గారితో,మనోహర్ గారితో మీ అనుబంధాన్ని తెలియ చేసే ఈ జ్ఞాపకం స్నేహం ఇచ్చే తృప్తినీ,మానసిక ఆనందాన్నీ అందరికీ మరోసారి తెలియ చేసింది. చాలా సంతోషం వేసింది సర్.ధన్యవాదాలు💐🙏
——నాగజ్యోతి శేఖర్
కాకినాడ.

Reply
1. 18.1
  
  డా కె.ఎల్.వి.ప్రసాద్
  August 22, 2021 at 10:51 pm
  అమ్మా మీ స్పందన కు ధన్యవాదాలండీ.
  
  Reply
19

మొహమ్మద్+అఫ్సర+వలీషా
August 23, 2021 at 6:09 am
మీ జీవితం లో జరిగిన ప్రతి పాత జ్ఞాపకాలను ప్రతి సంఘటనలను ఒక అఫురూపంగా గుండెల్లో భద్ర పరుచుకుని అప్పుడప్పుడు దానిని తిరిగి తాజా చేసుకుంటున్న మీరు అభినందనీయులు సార్. 👏👏👏👏👏మీ స్నేహం పొందిన వారు అదృష్టవంతులు .ఎప్పటికీ చెరగని జ్ఞాపకాల ముద్రను వేసి జ్ఞాపకాల పందిరిలో దాచి దాన్ని ఎంతో మధురానుభూతి తో మీరు మాకు తెలియపరచే విధానం సో….గ్రేట్ సార్ సెప్టెంబర్ లో పదవీవిరమణ పొందే హనుమాన్ సార్ గారికి హృదయపూర్వక శుభాకాంక్షలు శుభాభినందనలు. ఇంత చక్కని స్ఫూర్తి దాయక ఆదర్శ పూరిత సందేశాత్మక వ్యాసాన్ని అందించినందుకు హృదయపూర్వక ధన్యవాదాలు మీకు శుభాభినందనలు సార్. మీ మరో జ్ఞాపకాల పందిరిలో దాగిన మధురానుభూతి కై ఎదురు చూస్తూ శెలవు సార్ 🙏💐🙏💐🙏💐🙏💐🙏💐🙏💐🙏💐🙏

Reply
1. 19.1
  
  డా కె.ఎల్.వి.ప్రసాద్
  August 23, 2021 at 7:54 am
  అమ్మా
  మీ స్పందన కు ధన్యవాదాలండీ.
  
  Reply
20

డా కె.ఎల్.వి.ప్రసాద్
August 23, 2021 at 6:57 am
జ్ఞాపకాల పందిరి 72 లో స్నేహం గురించి చక్కగా చెప్పారు. శ్రీ హనుమాన్ ప్రసాద్ సింగ్ గారు మీరు కష్టాలలో ఉన్న సమయంలో మీకు ఆశ్రయమిచ్చిన గొప్ప మనసున్న స్నేహితుడు. మనం కష్టాల్లో ఉన్నప్పుడు ఆదుకునే స్నేహితుడే మనకు కావాలి. చక్కటి కథనం.

——జి.శ్రీ నివాసాచారి
కాజీపేట.

Reply
1. 20.1
  
  డా కె.ఎల్.వి.ప్రసాద్
  August 23, 2021 at 6:58 am
  ధన్యవాదాలండీ
  
  Reply
21

డా కె.ఎల్.వి.ప్రసాద్
August 23, 2021 at 9:51 am
పిడి గుద్దులు సంఘటన బాగుంది. మామూలు ప్రేమకంటే, నిశ్శబ్ద ప్రేమలో చిక్కదనం వుంటుంది. అటువంటి చిక్కదనాన్ని అందించాడు మీ మిత్రుడు హనుమాన్ ప్రసాద్ సింగ్ గారు. పేరులోనే హనుమ వుంది. హనుమ, మితృత్వానికి, ప్రేమకు, స్నేహానికి, సహాయానికి నిదర్శనం. Mee మిత్రుడికి నా సంతోషాన్నికూడా తెలియపరచండి….
—–మారుతీ కిరణ్
హైదరాబాద్.

Reply
1. 21.1
  
  డా కె.ఎల్.వి.ప్రసాద్
  August 23, 2021 at 9:52 am
  ధన్యవాదాలండీ
  
  Reply
22

సి యస్ యన్ మూర్తి
August 23, 2021 at 10:05 am
కుల, మత, జాతి, వర్గ భేదాలు లేకుండా అందరితో స్నేహం చేయడం చాలా గొప్ప విషయం. ఆ స్నేహాన్ని కొనసాగించడం, తరచూ మాట్లాడడం, వీలైనప్పుడల్లా కలుస్తూ ఉండడం, ఇంత కాలం పాత స్నేహితులను గుర్తుంచుకోవడం, ఆ అనుభవల్ని అందరితో పనాచుకోవడం మరింత మందికి ప్రేరణగా ఉంటుంది. ఈ విషయంలో మీకు మీరే సాటి.

Reply
1. 22.1
  
  డా కె.ఎల్.వి.ప్రసాద్
  August 23, 2021 at 11:48 am
  మూర్తి గారూ
  మీకు ధన్యవాదాలండీ.
  
  Reply
23

డా కె.ఎల్.వి.ప్రసాద్
August 23, 2021 at 4:38 pm
చదివేటప్పుడు చలాఅమాయకంగా వినయంగా వుండేవారు మీరు అలా మాట్లాడారంటే నమ్మలేకపోతున్నాను

—-విజయలక్ష్మి. కస్తూరి
హైదరాబాద్.

Reply
1. 23.1
  
  డా కె.ఎల్.వి.ప్రసాద్
  August 23, 2021 at 4:39 pm
  ధన్యవాదాలండీ.
  
  Reply
24

డా కె.ఎల్.వి.ప్రసాద్
August 26, 2021 at 8:24 am
మీ ఙాపకాలపందిరి చక్కని స్నేహబంధంతో కొనసాగడం అపూర్వం సార్. సృష్టిలో అనిర్వచనీయమైనది స్నేహబంధమే.మనకు ఆస్తులు పుస్తకాలు, స్నేహితులే కదా! కష్టసుఖాలు, కలిమిలేముల్లో నిలిచిఉండేది నిజమైన స్నేహం.👌👏🙏😊✊
——డా.విద్యాదేవి. ఆకునూరు
హన్మకొండ.

Reply
1. 24.1
  
  డా కె.ఎల్.వి.ప్రసాద్
  August 26, 2021 at 8:24 am
  అమ్మా
  మీ స్పందన కు ధన్యవాదాలండీ.
  
  Reply
25

డా కె.ఎల్.వి.ప్రసాద్
August 27, 2021 at 6:43 pm
మిత్రమా హనుమాన్ గురించి నాకు కొన్ని తెలియని విషయాలు మీ వ్యాసం ద్వారా తెలుసుకున్నందుకు ఆనందంగా ఉంది
——-డా.బి.ఎమ్.ఎస్. శంకర్ లాల్
చందానగర్
హైదరాబాద్.

Reply
1. 25.1
  
  డా కె.ఎల్.వి.ప్రసాద్
  August 27, 2021 at 6:43 pm
  మిత్రమా
  ధన్యోస్మి.
  
  Reply