జ్ఞాపకాల పందిరి-98

”కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!”అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

మామగారైన బావగారు..!!

మనిషిని ఇప్పుడు శాసిస్తున్న అంశాలు, కులం, మతం, ప్రాంతం. మనిషి వ్యక్తిత్వం, మానవతా విలువలతో సంబంధం లేకుండానే, మనిషి మూర్ఖంగా ఆ మూడు అంశాలు నెత్తిన పెట్టుకుని ఊరేగుతున్నాడు. మంచి చెడ్డలతో పనిలేకుండా, మన కులం వాడైతే, మన మతం వాడైతే, మన ప్రాంతం వాడైతే ఏదైనా చేసెయ్యడానికి మనిషి సిద్ధపడుతున్నాడు. మనిషి సంఘ జీవి. సమాజంలో అందరితోనూ ఒకరికొకరు అవసరం వచ్చి తీరుతుంది. అలాంటప్పుడు, ఎవరికివారు గిరి గీసుకుంటే, ప్రయోజనం ఏమి ఉంటుంది. కలసి మెలసి బ్రతికే అవకాశం ఎట్లా వస్తుంది? ఆరోగ్య ప్రధానమైన సమాజం ఎట్లా ఏర్పడుతుంది. ఇది చాలా బాధాకరమైన విషయం. కులాల పేరుతో ఒకరికొకరు వైషమ్యాలు పెంచుకోవడం, మతాల తెర వెనుక, ఒకరికొకరు కుట్రలు పన్నుకోవడం ఎంత దురదృష్టకరమైన విషయం!

కులాలే కాదు, ఉపకులాల సమస్య కూడా ఇప్పుడు ఒక తలనొప్పిగా మారింది. ఒకరినొకరు దూషించుకోవదమే కాదు,శత్రుత్వం కూడా పెంచుకుంటున్నారు. ఇతరులకు ఇది ఒక హాస్య సన్నివేశంగా మారింది. విభజించి చూసేవారికి ఇదొక వినోదం అయింది. అంతర్గత విభేదాలతో వాళ్లకు వాళ్ళే విడిపోయి ఇతరుల ముందు చులకన కావడం వంటి దురదృష్టకర సందర్భాలు కూడా మొదలయ్యాయి. బంధుత్వాలకు చెల్లుచీటీ పలకడం మొదలు పెట్టారు. పెళ్లిళ్లు కులాలు – ఉపకులాల మధ్య ఆగిపోయాయి. వాళ్ళ మధ్య ఉండాల్సిన ఐక్యత కోల్పోయి, ఎదుటివారికి వేళాకోళంగా కనిపించడం మొదలైంది. ఒక కులంలోగానీ, మతంలోగానీ ఐకమత్యం కోల్పోతే, ఎదుటివాళ్ళకు అలుసుగా తయారవడం ఖాయం. ఇలాకాకుండా ఒక మతం వాళ్ళు కులాలుగా విడిపోవడం ఆశ్చర్యాన్ని కలిగిస్తుంది. నాకు తెలియని కులాలు మతాల గురించి ఇక్కడ చర్చించలేను గానీ, తెలిసిన క్రైస్తవ మతం గురించి చెప్పక తప్పదు. ఇది ఎవరినో కించ పరచడానికో, అవమాన పరచడానికో చెప్పడం కాదు, నాకు అతి సమీపంగా వున్న అంశం కనుక దీని గురించి ప్రత్యేకంగా చెప్పడానికి సాహసిస్తున్నాను. ఒక సామాన్యుడు, భారతదేశం యొక్క సామాజిక అంశాలను దృష్టిలో ఉంచుకుని క్రైస్తవ మతం గురించి ఆలోచిస్తే అది ‘దళితుల మతం’ అని బ్రాండ్ చేస్తాడు. ఎందుచేతనంటే ఒకప్పుడు బలహీన వర్గాలకు చెందిన దళితులే క్రైస్తవత్వాన్ని స్వీకరించారు కనుక!

కానీ ప్రస్తుత పరిస్థితి అలా లేదు. మనమంతా ఒక్కటే అని చెప్పే ‘పరిశుద్ధ గ్రంథం’ (ది బైబిల్) చదువుకునే క్రైస్తవ సోదరులు, కులాల వారీగా విడిపోవడం చూస్తున్నాం. దళిత (మాల/మాదిగ) క్రైస్తవులు, రెడ్డి క్రైస్తవులు, కమ్మ క్రైస్తవులు ఇలా విడిపోవడం, వారి మధ్య ఆత్మీయ సత్సంబంధాలు కరువు కావడం, వాళ్ళ మధ్య వివాహ బంధాలు, ఇతర సంబంధాలు లేకపోవడం, పరిశుద్ధ గ్రంథం బోధిస్తున్న దానికి పూర్తిగా వ్యతిరేకంగా తయారైంది. ఇది బాధాకరం. క్రైస్తవంలో వున్నరకరకాల డినామినేషన్లు, వారికి ప్రత్యేకమైన చర్చిలు, ఇది పరిస్థితి. ఎటు తిరిగి చూసినా, ప్రజల్లో ఈ వ్యత్యాసాలూ, ప్రాధాన్యతలూ తగ్గడం లేదు. ఒక క్రైస్తవ కుటుంబ సభ్యుడిగా నేను (ఎవరికైనా ఇలా రాయడం ఇబ్బంది ఐతే మన్నించాలి) ఇలా రాయడానికి, నేను ఇన్ని సమస్యల్లో చిక్కుకోకున్నా, ఇంచుమించు ఇలాంటి సమస్యను ఎదుర్కొని బయటపడ్డ వ్యక్తిగా, నా అనుభవం కొందరికి కనువిప్పు కలుగుతుందనే నమ్మకంతో మీ ముందు పెడుతున్నాను.

మాది ప్రేమ వివాహం. ప్రేమ వరకే ఆలోచించాము గానీ తర్వాతి పరిణామాలు అసలు అసలు ఆలోచిస్తోలేదు. ‘ప్రేమ’ అంటే అంతేనేమో! పెళ్లి అంశం తెర మీదికి వచ్చేసరికి అసలు సాంకేతిక సమస్య మా పెళ్ళికి స్పీడ్ బ్రేకర్‍గా తయారైంది. అది కులానికి సంబంధించింది కాదు, మతానికి సంబంధించింది. మా కుటుంబం నేపథ్యం ‘నాస్తికత్వం’. మా ఆవిడ నేపథ్యం ’క్రైస్తవత్వం’. రెండు కుటుంబాల మధ్య దగ్గరి బంధుత్వం వుంది. మా ఆవిడకి నేను మేనమామ వరుస. అయినా ఇక్కడ మతం డామినేట్ చేసే ప్రయత్నం చేసింది. నన్ను ’అన్యుడు’గా బ్రాండ్ చేసి, ఈ పెళ్లి జరిగేది కాదని తేల్చేశారు. అన్యుడు అంటే క్రైస్తవత్వం స్వీకరించని వాడని అర్థం. మా మామగారితో మొదలుపెట్టి సన్నిహిత బంధువర్గం అంతా అదే పాట పాడారు. వాళ్లకి ఇష్టం వున్నా బయటి వారికి సమాధానం చెప్పలేక, తమకు తాము సమస్యలు సృష్టించుకుని జీవితాలను విషాదంలోకి నెట్టుకున్నవారు చాలామంది. ఎన్ని ఆటంకాలు వచ్చినా,జీవితంలో సుఖపడాలంటే కొన్ని వదులుకోక తప్పదు.

రచయిత మామగారు స్వర్గీయ గిల్బర్ట్.పాండ్రాక (విజయవాడ)

ఎవరో ఒకరు త్యాగం చేయక తప్పదు. చివరికి ‘చర్చిలో పెళ్లి చేసుకుంటే చాలు’ అన్న దగ్గర వాళ్ళు దిగివస్తే (అది మా అత్తగారి సాహసమూ, ముందుచూపే) ఆ పద్ధతిలో వివాహం చేసుకోవడానికి నేను ఒప్పుకున్నాను. అనవసరమైన సమస్యలు అడ్డుపెట్టుకుని జీవితాంతం బాధపడేకంటే, కొన్ని త్యాగాల వల్ల జీవితం సుఖమయం చేసుకోవచ్చునన్న సూత్రం గట్టిగా నమ్మినవాడిని నేను, అందుకే ఒప్పుకున్నాను. మామామ గారు అయిష్టంగానే పెళ్ళికి ఒప్పుకోవడమూ, ఆ కార్యక్రమం జరిగినంత సేపూ ఆయన ముభావంగా ఉండడం నేను గమనించక పోలేదు. కానీ, పెళ్లి అయిన తర్వాత ‘నేను’ ఏమిటో ఆయన గమనించిన తర్వాత, నా జీవన శైలిని పరిశీలించిన తర్వాత, నన్ను మా మామగారు ప్రేమించిన విధానం వర్ణించడానికి మాటలు చాలవు. తన అల్లుడి గురించి గొప్పలు చెప్పుకోవడం నా చెవిన పడకపోలేదు. ఆ తర్వాత ఆ వైపు బంధువర్గం అంతా నన్ను బాగా ఇష్టపడ్డారు. నన్నొక ప్రత్యేక వ్యక్తిగా గుర్తించారు, గౌరవించారు. ఆ తర్వాత నేను మామగారైన గిల్బర్ట్ గారు, మామా-అల్లుళ్ళ మాదిరిగా కాకుండా, స్నేహితుల్లా మారిపోయాము. చాలా బాగా ఉండేవాళ్ళం.

తమ్ముళ్ళతో శ్రీ గిల్బర్ట్ గారు

అయితే ఈ సంతోషం ఎక్కువ కాలం నిలవలేదు. మా అభివృద్ధిని ఆయన పూర్తిగా చూడలేదు. సర్వీసులో ఉండగానే ఆయన హృద్రోగంతో మరణించడం మా దురదృష్టం. ఇది ఊహించనిది. మా ఇద్దరు బావమరుదుల పెళ్లిళ్లు చూడకుండానే ఆయన వెళ్ళిపోయారు. కుటుంబంలో ఒక సహృదయ ప్రేమమూర్తిని కోల్పాయాము.

రచయిత శ్రీమతి అరుణ, పిల్లలతో మామగారు (కుడి) చిన్న బావమరిది..జాషువా

ఇక్కడ ఇదంతా చెప్పడంలో నా ఉద్దేశం, మనిషిని, మనిషి వ్యక్తిత్వానికి, వారి జీవన విధానానికీ ప్రాధాన్యత నివ్వాలి గాని, తప్పని పరిస్థితిలో, కులాలకూ, ఉపకులాలకు మతాలకు, ప్రాంతాలకూ మంకుపట్టుతో ప్రాధాన్యత నిచ్చి సుఖమయ జీవితాలను దుఃఖమయం చేసుకోకూడదు. ఇష్టమైన జీవితాలను జీవించనీయకుండా మనకు మనం అడ్డుగోడలు కట్టుకోకూడదు. లేదంటే ఇలాంటి సమస్యలు ఎక్కడో ఒకచోట ఎదురవుతుంటాయి. మిగతావారికి వీటితో సంబంధం ఉండవు.

రచయిత మరదలు..హేమ(ఎడమ) రచయిత అత్తగారు..పద్మ (మధ్యలో), రచయిత శ్రీమతి అరుణ (కుడి)

నా విషయంలో అలా ప్రతికూల, అనుకూల పరిస్థితులను దాటుకొని జీవితం సుఖమయ మార్గంలో నడుస్తూనే వుంది. అర్థం చేసుకోగలిగితే, అవగాహన చేసుకోగలిగితే, కలిసి ఆనందంగా, సుఖంగా, ఆరోగ్యంగా బ్రతకడానికి ఏవీ అడ్డురావు. అక్క అత్తగారిగా మారడం, బావగారు మావగారిగా మారడం నా వైవాహిక జీవితానికి కలిసొచ్చిన అదృష్టమని చెప్పాలి.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 7:23 am
సంచిక సంపాదకులకు
ఇతర సాంకేతిక సిబ్బంది కి
హృదయపూర్వక కృతజ్ఞతలు
—–డాక్టర్ కెఎల్వి ప్రసాద్
హన్మకొండ.

Reply
2

Sagar
February 20, 2022 at 8:14 am
ఎన్ని సంవత్సరాలు గడచినా మనిషికి కులమతాల జాడ్యం వీడకపోగ ఇంకా పెరిగిందనే చెప్పాలి. మీరన్నట్లు గిరిగీసుకుని కూర్చోకుండ ఒకమెట్టు దిగడమే సమస్యల పరిష్కారం అనే విషయం స్పష్టం. అది పాటిస్తే జీవితం ఎప్పుడూ ఆనందమయమే. అన్నీ అనుకూలించి సజావుగ సాగుతున్న మీ జీవితం కలకాలం సాగాలని ఆశిస్తూ మీకు అభినందనలు మరియు ధన్యవాదములు.

Reply
1. 2.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 21, 2022 at 5:17 am
  సాగర్
  నీ స్పందనకు ధన్యవాదాలు
  
  Reply
3

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 8:22 am
Gd Mng Doctor garu,
Aite vaaru (late Gilbert garu) mee ‘MAMA’.
Mimmalni యెవరూ కాదన లేరు doctor garu. You are such a sweet person.
—–సూర్య నారాయణ రావు
హైదరాబాద్.

Reply
1. 3.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 8:22 am
  ధన్యవాదాలండీ
  
  Reply
4

Rajendra+Prasad
February 20, 2022 at 9:30 am
ఈ మధ్య ఈ కుల వివక్షను మన వాళ్ళు విదేశాలలో కూడా ప్రవేశ పెట్టారు. అభిమానం వరకూ సరే కానీ, దురభిమానం అనేది చీడ పురుగు. మీరన్నట్టు, పరిశుద్ధ బైబిల్ ను అర్థం చేసుకోని వాళ్ళు, కుల వివక్షను క్రైస్తవ సంఘాలలో కూడా తీసుకుని వచ్చారు.ఇలాంటి వారందరికీ , తీర్పు దినాన్న తెలిసి వస్తుంది. కానీ అప్పుడు ప్రయోజనం ఏమిటి?
– రాజేంద్ర ప్రసాద్

Reply
1. 4.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 11:00 am
  ధన్యోస్మి
  
  Reply
5

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 10:55 am
Sir, caste is playing main in any sector not only Christianity. In Christianity limited casts are there. In Hinduism so many casts are there. In case of marriage nobody willing to marriage other caste people in normal course.
More than 160 plus countries are declared as Christian countries. More than 40 countries declared as Muslim countries.
But in the globe only one country declared as Hindu country , that is Nepal. Not even India not declared as Hindu country.
Why?? Here politics involved.
Of course, if any person who has not giving priority to caste, creed, religion with brad mind, definitely he will be like minded person to others like me.
Sorry sir, this time I have given long opinion.🌹🌹🌹
—-srinivas.kj
Hyderabad.

Reply
1. 5.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 10:56 am
  Sir
  I already mentioned that iam taking christianity as I know something about it.my marriage related to.that concerned subject.Thankyou
  —-Dr.klv prasad
  HANAMKONDA
  
  Reply
6

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 10:58 am
Sir
I already mentioned that iam taking christianity as I know something about it.my marriage related to.that concerned subject.Thankyou
—-Dr.klv prasad
HANAMKONDA

Reply
7

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 11:02 am
👏👏👏👏కులాతీత, మతాతీత మానవసమాజం ఏర్పడ్డనాడు… ఇలాంటి సమస్యలేవీ తలెత్తవు !
మనుషులు మానవత్వమే మతంగా బ్రతికే రోజులు…
ఎప్పుడు వస్తాయొకదా !
మనుషులుగా పుట్టిన మహనీయులకు దేవుళ్ళని పేరుపెట్టి, ఆ మహనీయులు నడిచి, నడవమమన్న మార్గాలను విడిచిపెట్టి…
మారణహోమాలు సృష్టిస్తున్న ఈ మనుషుల తీరు మారె వరకూ ఈ పరిస్థితులు ఇంతే !!
మీ ఆవేదన, ఆలోచన అభినందనీయం !కోరాడ.

Reply
1. 7.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 11:02 am
  ధన్యవాదాలండీ
  
  Reply
8

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 11:05 am
Very nice Brother, explained truthful facts. We are proud of you 🙏
–Alexander.nama
Safilguda

Reply
1. 8.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 21, 2022 at 5:16 am
  Thank you brother.
  —dr.klv prasad
  HANAMKONDA.
  
  Reply
9

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 12:29 pm
Good and nice article
—-TSV Lu
Kazipet

Reply
10

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 12:56 pm
సమాజంలో పేరుకుపోయిన కుల మత జాడ్యాన్ని రచయిత గారు తమ 98వ భాగంలో చాలా విపులంగా వివరించారు. ఈ పిచ్చి భూమి పుట్టినప్పుటి నుండి ఉన్నట్లు కనిపిస్తూంది. నేటి సమాజంలో దీనికి రాజకీయ రంగు పులుముకోవటం వలన విపరీత ధోరణి లోకి వెళ్ల సాగింది. ఇటువంటి దురాచారాన్ని ఆపగలిగే సంఘ సంస్కర్తలు ఉన్న ఆరోజుల్లోనే తమ ప్రయత్నాలకు మొదటి అడుగు పడినప్పటికీ అవి కార్యరూపం దాల్చలేదు. ప్రస్తుత పరిస్థితులలో సున్నిత అంశాల పట్ల ప్రభుత్వాలు అవలంబిస్తున్న విధానాలు రాజకీయ నాయకులకు కలిసి రావటంతో ఇది ఇంకా మితిమీరి ఏ నాటికిని పరిష్కారము కాదేమో! విశాల భావాలు మరియు సమాజం పట్ల బాధ్యత కలిగిన కొందరు వ్యక్తులకు మాత్రమే ఇది పరిమితమై, వారు ఆచరిస్తూ, ఇతరులకు మార్గనిర్దేశకులటం సంతోషించదగ్గ పరిణామం.
—–బి.రామకృష్ణా రెడ్డి
సికింద్రాబాద్.

Reply
1. 10.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 4:05 pm
  ధన్యవాదాలండీ
  మీ స్పందనకు.
  
  Reply
11

శ్యామకుమార్ చాగల్
February 20, 2022 at 6:32 pm
భారత దేశం లో కుల మాత వ్యవస్థ గురించి చాలా చేదు నిజాలు వివరించారు డాక్టర్ కె ఎల్వి ప్రసాద్ గారు.
నిజానికి నేను చిన్నప్పుడు అనుకునే వాడిని నేను పెద్దగా పెరిగేటప్పటికీ ఈ కుల తారతమ్యాలు తొలగి పోతాయి అని.
ఇప్పుడు చూస్తే అవి ఇంకా బలంగా వేళ్లూనుకుంటున్నాయి. కుల గోత్రాలే కాక, శాఖా భేదాలు కూడ తోడయ్యాయి .

నా చిన్న తనమంతా క్రిస్టియన్ మతస్థుల మధ్యే సాగి పోయింది. అందులో వున్న శాఖలు నన్ను కన్ఫ్యూషన్ కు గురి చేసేవి. అంతే కాకుండా వారి పూర్వీకుల కులానికి సంబందించిన వారి తోటే వివాహాలు కుదుర్చుకుంటారు. రచయిత అన్నట్లుగా అందులో వివక్ష కూడా చోటు చేసుకుంది. ఇక ఆర్ధిక వివక్ష అన్నది మన దేశంలో అన్ని చోట్లా వున్నదే ఆనుకోండి.
తన జీవితానికి సంబందించిన నిజాలను నిర్మొహమాటం గా వ్యక్తీకరించటం ఒక సవాలే . ఆఖరున కాస్త అసంపూర్తిగా అనిపించినప్పటికీ ,ఏది ఏమైనా చెప్పవలసిన విషయాన్ని కుండా బద్దలు కొట్టినట్లుగా చెప్పేసారు. మంచితనానికి మించిన బలం ఎక్కడా ఉండదు అని నిర్ధారించారు. ప్రేమ లో వుండే అసలు లక్షణమదే కదా?
ప్రేమ వివాహాల్లో చాలా వరకూ ఇబ్బందులెదురవుతాయి అన్నది జగత్విదితం. వింత అయినా విషయం ఏమిటంటే వరుస కలిగిన అమ్మాయి తో కూడా వివాహానికి వ్యతిరేకత ఎదురవటం. బహుశా యేటి కి ఎదురీదటం రచయిత కు మొదటి నుండీ రాసి పెట్టి ఉన్నట్లుంది.

Reply
1. 11.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 21, 2022 at 5:14 am
  శ్యామ్
  నీ సుదీర్ఘ స్పందన కు
  హృదయపూర్వక ధన్యవాదాలు.
  -డాక్టర్ కె.ఎల్.వి.ప్రసాద్
  హన్మకొండ జిల్లా.
  
  Reply
12

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 20, 2022 at 6:53 pm
,నూరు సంఖ్యకు చేరువౌతున్న మీ జ్ఞాపకాలపందిరి 98 వ సంచిక ఇవాళ చదివినసర్.
ఏ విషయంలో నైనా ఒకరికంటే ఎక్కువ మందికి సంబంధించిన విషయమైనప్పుడు అందరికీ ఆమోదయోగ్యమైన cinclusion కు రావాలంటే కొందరు తగ్గకతప్పదు .అదీ జీవితానికి సంబంధించిన విషయమైనప్పుడు జీవితాన్ని పంచుకోవాలన్నప్పుడు మరీ అవసరం పట్టువిడుపులు.
—-నాగిళ్ళ రామశాస్త్రి
హన్మకొండ.

Reply
1. 12.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 20, 2022 at 6:54 pm
  ధన్యవాదాలండీ
  శాస్త్రి గారు.
  
  Reply
13

Bhujanga rao
February 21, 2022 at 10:36 am
జ్ఞాపకాల పందిరి 98 ద్వారా మన కుల మత వ్యవస్థ మరియు ప్రాంతాల గురించి బాగా చెప్పారు.మన సమాజం,కులాల సమాజం మరే దేశంలోనూ,సమాజంలోను కనిపించదు.మంచి విషయాలు అందిస్తున్న మీకు అభినందనలు మరియు ధన్యవాదములు సర్

Reply
1. 13.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 21, 2022 at 11:03 am
  ధన్యవాదాలండీ
  
  Reply
14

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 21, 2022 at 11:02 am
మతం కన్నా మమతలు గొప్పవని నిరూపించారు మీరు,మీ మామయ్యగారి కుటుంబం.మీరు చెప్పినట్టు అర్ధం చేసుకోగలిగితే, అవగాహనతో జీవితాన్ని ఎంత అందంగా మలచుకోవచ్చో మీ జీవితమే బోధిస్తున్నది. వ్యక్తిత్వమే అసలు గీటురాయి మనిషికి అది మీలో గమనించి మీ మామయ్యగారు మీ పట్ల చూపిన ప్రేమాభిమానాలు గొప్పవి.వారు తక్కువ సమయమే మీ మధ్య ఉన్న మీ హృదయంలో ఎప్పటికీ నిలిచి ఉంటారనే సత్యం ఈ రోజు మీరు పంచుకున్న జ్ఞాపకాన్ని బట్టి మా అందరికీ తెలియవచ్చింది.మంచి మనసున్న జ్ఞాపకాన్ని పంచుకున్నారు సర్.ధన్యవాదాలు🙏💐
—-దోన్డపాటి నాగజ్యోతి
కాకినాడ

Reply
1. 14.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 21, 2022 at 11:04 am
  అమ్మా
  మీ విశ్లేషణకు మీకు
  హృదయపూర్వక కృతజ్ఞతలు.
  
  Reply
15

Neelima
February 21, 2022 at 9:19 pm
డాక్టర్ గారు
నమస్కారములు..
ఒకప్పుడు కులాలను, మాటలను వారు చేసే పని పరంగా విభజించారు.
కానీ ఇప్పుడు ఆ కులాలు మతాలు మనుషులను విభజిస్తున్నాయి.
కులాతీత మతాతీత సమాజం ఎప్పటికీ చూడలేమేమో.
మీ అనుభవాల్ని చాలా చక్కగా చెప్పారు.
ఒక్కటి నాకు ఆనందం కలిగించిన విషయం ఏంటి అంటే, మీరు నాస్తికులు అని చెప్పారు.. ఈరోజుల్లో నాస్తికులు కరువయ్యారు. మా తాతగారు నాస్తికులు. నేను కూడా .. కానీ ఒక ఆడపిల్ల వల్ల, కోడలిగా కొన్ని బాధ్యతల వల్ల , నాస్తికత్వాన్ని పూర్తిగా చూపించలేను. అదృష్టం ఏంటి అంటే మా వారు పెద్దగా పట్టించుకోలేదు..

క్షమించాలి.. ఈసారి మీ శీర్షిక కన్నా, న కోసం ఎక్కువ చెప్పినట్టున్నాను..

ధన్యవాదాలు

Reply
1. 15.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 22, 2022 at 5:32 pm
  సంతోషం అమ్మా
  ఇప్పుడు నా పరిస్థితి కూడా అంతే.
  మీ స్పందనకు ధన్యవాదాలు.
  
  Reply
16

Sambasiva+Rao+Thota
February 22, 2022 at 9:35 am
Prasad Garu!
Kulaalu mathaalu Praanthaalu..
Ee chatramlo mana samaajam kottumittaaduthundi..
Ivi atu Kutumba itu samaaja abhivrudhiki prathibandhakaalu..
Yeppudu Vasudhaika kutumbam vasthundo..vechi chooddaam, Sam Poorna vishwaasamtho…chekku chedarini aashatho…

Dhanyavaadaalandi 🙏

Reply
1. 16.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 22, 2022 at 5:33 pm
  ధన్యవాదాలండీ
  రావుగారు.
  
  Reply
17

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 22, 2022 at 5:29 pm
మీ ఙాపకాల పందిరి వాస్తవానికి దర్పణం సార్. అవగాహన వలన అంతా ఆనందమే కదా!
-విద్యా దేవి.ఆకునూరు
హన్మకొండ

Reply
1. 17.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 22, 2022 at 5:34 pm
  అమ్మా
  మీ స్పందనకు ధన్యవాదాలు.
  
  Reply
18

మొహమ్మద్+అఫ్సర+వలీషా
February 23, 2022 at 4:49 am
మనిషికి మంచి వ్యక్తిత్వం, మానవత్వం కంటే మంచి కులం ఏముంది. ఎంత దేవుని కొలిచినా అవి లేకపోతే మానవ జన్మ వృధా అనిపిస్తుంది సార్. మీరు ఆ సమస్య ను ఎదుర్కొని ఆనందమయ జీవితాన్ని గడపటం , అందరి మనసులను మీ మంచితనంతో దోచుకోవడం అభినందనీయం సార్ .చాలా మందికి ఇప్పటికీ కుల పిచ్చి ఉండటం చాలా బాధాకరం .మళ్ళీ అందులో ఎక్కువ తక్కువలు .మనుషుల రక్తం ఒక్క టైనప్పుడు కుల మతాలు ఎంచడం భావ్యం కాదనే మీ వ్యాసం చాలా బాగుంది గర్వించదగినది సార్. హృదయపూర్వక శుభాభినందనలు మీకు 💐🙏💐🙏💐🙏🙏💐🙏💐🙏💐🙏💐🙏💐

Reply
1. 18.1
  
  డా. కె.ఎల్ వి ప్రసాద్
  February 23, 2022 at 7:40 am
  అమ్మా
  మీ సహృదయ స్పందనకు ధన్యవాదాలు
  
  Reply
19

డా. కె.ఎల్ వి ప్రసాద్
February 23, 2022 at 7:39 am
కులాలు మతాలు మనం సృష్టించుకున్నవే..మీరన్నట్లుగా వ్యక్తిత్వం ముఖ్యం..జీవితంలో ఎదురయ్యే ఆటుపోట్లను ఎదుర్కొని ముందుకు సాగడమే ఉత్తముల లక్షణం
—–జీ.శ్రీనివాసాచారి
కాజీపేట.

Reply
1. 19.1
  
  డా. కె.ఎల్ వి ప్రసాద్
  February 23, 2022 at 7:40 am
  చారిగారు
  ధన్యవాదాలు మీకు.
  
  Reply
20

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
February 23, 2022 at 2:30 pm
మంచి పోస్ట్ సర్ మీ పెళ్లి వెనుక చాలా ఉంది సాహసమే చేసారు .
—-డా.డి.సుజాత
విజయవాడ.

Reply
1. 20.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  February 23, 2022 at 2:30 pm
  అమ్మా
  ధన్యోస్మి.
  
  Reply