సౌభాగ్య భారతం

సర్వ వ్యాపి నారాయణుడిలా, ఎందెందు వెదకిన అందుండే చక్రిలా
అవినీతి చీడ గాలిలో, నీటిలో నింగి సరిహద్దుగా ఉంది వ్యాప్తిలో
జీవన వ్యాపారమంతా చెదపురుగులై, అణువణువునా అల్లుకుపోయిన
ఆ రాక్షసిని మట్టుపెట్ట పీఠమెక్కిన వీరులెందరో పడ్డారు దాని ఊబిలో
రేషన్ నుండి రాఫెల్ దాకా, పిల్లల తిండి నుండి తల్లుల మందులదాకా
శతఘ్నుల మొదలు శవపేటికలదాకా, అక్రమాల యథేచ్ఛ వెల్లువ

ప్రజాకర్షక పధకాల మత్తు మందిచ్చి, రైతుల్ని నిర్దయతో నేలకి బలిచ్చి
నిరుద్యోగ భృతంటూ యువతని మాయచేసి, జనతని యాచకుల్ని చేసి
వృద్ధుల, బాలల, స్త్రీల రక్షణ మరిచి,ప్రజాస్వామ్యపేరున వారసత్వ పరంపరై
అధికార కాంక్షతో ప్రజల్ని వర్గ,కుల,మత, ప్రాంతాలుగా విడగొట్టి
అస్మదీయుల అభివృద్దే లక్ష్యమైన అక్రమార్కుల ఆగడాలకు అడ్డేది?

ఇకనైనా వాళ్ళనీ వీళ్ళనీ నమ్మినిండా మునగడం మానేద్దాం
అవినీతి భూతం రక్తం కక్కుకుని, నేల కొరిగేదాకా విరామం మరిచి
మూల మూలాల అధర్మ జాడ్యాన్ని సమూలంగా పెకలించి వేద్దాం
పురుగు మందుతో పహారా కాస్తూ, చీడ తెగులుపై ఉద్యమం సాగిద్దాం

దుష్ట సంప్రదాయాల కులాహంకారుల్ని చట్టాల మంటల్లో మాడ్చేద్దాం
అన్యాయంపై యుద్ధంలో సైనికులమై దుర్నీతి కుత్తుకలు ఖండిద్దాం
ఆనాడే ప్రజావళి అసలైన పురోగమనం,మానవాళికి శాంతి సౌభాగ్యం
సంక్షేమరాజ్య నూతన సౌధానికి మనందరం నిర్మాతలమవుదాం

పిల్లలు ప్రశాంతంగా ఆడుకునే, అక్కచెల్లెళ్లు హాయిగా నవ్వుకునే
యువతకు భవిష్యత్ చూపించే, స్వచ్ఛత నిండిన పాలన కోసం
విద్యా,వైద్యం మన హక్కంటూ జనమే చైతన్య స్రవంతి కావాలి
అధర్మంపై సమరానికి ప్రజలంతా ఒక్క త్రాటిననిల్చి ఒట్టేసుకుని
ఓటు చక్రంతో పాలక శిశుపాలుళ్ళ కంఠాలుత్తరించే కృష్ణులైపోవాలి.

అల్లూరి గౌరీ లక్ష్మి

అల్లూరి గౌరీలక్ష్మి కథా, నవలా రచయిత్రిగా చక్కని పేరు సంపాదించారు. ఈమె మంచి కవయిత్రి, ఫెయిర్ కాలమిస్ట్ కూడా. నాలుగు కథా సంపుటాలూ, 4 నవలలూ, 3 కవిత్వ సంకలనాలూ, రెండు కాలమ్స్ బుక్ వెలువరించారు.
APIIC Ltd. లో General Manager గా పనిచేసి పదవీ విరమణ పొందారు.

1

Venu Madhav
September 12, 2021 at 7:25 am
ఆణువణువూ అవినీతి అల్లుకున్న ఈ మనుషులు మారతారు అంటారా…. ఆ రోజు కోసం ఎదురు చూస్తున్నా…. చాలా భావొద్వేగం తో రాశారు..,. మీ కోరిక ఫలించాలని ఆశిద్దాము….

Reply
2

Alivelu
September 12, 2021 at 12:49 pm
Each and every corner there is pollution. Yes no doubt in it. So we have to work without damaging society. Then it is
Possible. Well said Gowrie garu.
Alivelu.p
Balanager.

Reply
3

G. S. Lakshmi
September 12, 2021 at 2:04 pm
మీ ఆశ వాస్తవమైతే ఈ భరతభూమి స్వర్గమైపోదూ.

Reply
4

రాపాక పవన్ స్వరూప్
September 13, 2021 at 12:27 pm
ఓటు చక్రమే సరైన అస్త్రం – బాగా చెప్పారు!

Reply
5

కొల్లూరి సోమ శంకర్
September 14, 2021 at 10:47 am
Read sowbhagya bharatam it’s very nice gauri
Anuradha

Reply
6

కొల్లూరి సోమ శంకర్
September 14, 2021 at 10:48 am
Very inspiring poem.It is a clarion call to all the citizens of the country.
Waiting for the day when people really hate freebies.
Seshamma..Ahmedabad

Reply
7

కొల్లూరి సోమ శంకర్
September 14, 2021 at 10:49 am
బావుంది కవిత
Vijaya

Reply
8

కొల్లూరి సోమ శంకర్
September 14, 2021 at 10:50 am
Superb గా ఉంది
ఖాసింబి

Reply
9

కొల్లూరి సోమ శంకర్
September 15, 2021 at 10:28 am
బావుంది madam కవిత
Vishnu Reddy

Reply
10

కొల్లూరి సోమ శంకర్
September 16, 2021 at 10:10 am
అద్భుతంగా రాశారు. హ్యాట్సాప్ అక్క గారు
Seshu..Chennai

Reply
11

పుట్టి. నాగలక్ష్మి
September 16, 2021 at 9:50 pm
ఓటుచక్రం కొనుగోలు అమ్మకాల మధ్య ఛిద్రమవుతుంటే … సౌభాగ్య భారతం సాధ్యమా?

Reply
12

Prameela
September 17, 2021 at 1:30 pm
మీ కవిత చదువుతుంటే..శ్రీ శ్రీ గారు వ్రాసిన “వెలుగు నీడలు”సినిమా లోని “పాడవోయి భారతీయుడా “పాట గుర్తుకొచ్చింది గౌరీలక్ష్మీ గారూ.. అప్పటికి ఇప్పటికి అవినీతి భారతం మారటంలేదు. మీ కవిత చాలా బాగుంది మేడమ్.

Reply
13

కొల్లూరి సోమ శంకర్
September 17, 2021 at 5:58 pm
ఆనాటి నుంచి ఈనాటి వరకు…మనకు వయసు పెరిగినట్లు గా అవినీతికి కూడా బలం పెరుగుతోంది. ఎంతోమంది దీని అంతం కోసం ఏదో చేద్దాం అనుకొని రంగం లో దిగితే వారి ప్రయత్నాలు…
కొంతమందిివి గొంతులో… కొంతమందిివి మాటల్లో….కొంతమందివి ప్రయత్నాల్లో… కొంతమందిి వి…చేతుల్లోనే ఆగుతున్నాయి. అణచివేసే వీరులకు బలం, ధైర్యం,సహకారం చాలడంలేదు. గౌరీగారి సోభాగ్యభారతం ఒక కల కారాదు.అది సాకారమై మన ముందు ఉండాలని కోరుకుందాం.
V.Jaya Veni

Reply