దేశమ్ము నందు కడు తీవ్రసమస్య లున్న, న్నాశమ్ముఁ జేయునను నైజమెఱింగి, యందే లేశమ్ము చింతనము లేక సుఖించి, నేడా వేశమ్ముఁ బూని యిట వేషము వేయుటేలో?
తప్పెల్ల నీదనగఁ దప్పన నీదెయంచున్ ముప్పన్ని చోటులను ముంచుట చూచువారల్ నొప్పన్నదౌ యెఱుక నోచని వారె కాదే? చెప్పేటి వీరలకు చిక్కులఁ దీర్చనౌనే?
వాదమ్ము తోడుతను పంతముఁ బట్టు వీరల్ – భేదమ్ము పెంచుటయె పేర్మిగ నేటి నేతల్ ; కాదంచు నౌననుచు ఘర్షణఁ బెంచు రీతుల్! ! లేదెట్టి యత్నమిట లేవొకొ శాంతి చేతల్? ?
జన్మంబు తామెఱిగి చక్కనిదొక్కటంచున్ జన్మించి పృథ్వినొక సాధనఁజేయలేరో? తన్మాత్ర సాధనలఁ దప్పగు రీతులందీ షణ్మాత్ర చింత విడి సాగుట పాడి యౌనే! !
పంతమ్ముఁ బట్టి పలు బాధలఁబెట్టు ద్రోహుల్ హంతవ్యులై జనుల హత్యలఁ జేయునాడే యంతమ్ముఁ బొందగల యత్నము లేనిచో, యే శాంతమ్ముఁ జూడనగు సాత్వికలోకవాసుల్?
బుసిరాజు లక్ష్మీదేవి దేశాయి విమర్శకులు, అనువాదకురాలు. అత్యంత లోతైన రీతిలో విమర్శలు చేయగల అరుదైన విమర్శకులు.
Baagundi
Thank you.
Your email address will not be published. Required fields are marked *
Save my name, email, and website in this browser for the next time I comment.
This site uses Akismet to reduce spam. Learn how your comment data is processed.
All rights reserved - Sanchika™