‘కరోనా వ్యథ’ను సీస పద్యాలలో వెల్లడిస్తున్నారు శ్రీమాన్ కోగంటి వీరరాఘవాచార్యులు.
అడుగులు తడబడ నాయాసమును జెందివాహనాకృష్టులై పరచువారుఅన్నదాతలు నిరతాన్న దానము సల్పఅన్నార్తులై వెస నరుగువారుఘన పిపాసను దీర్పగా చలివేంద్రాలబానల నీరు చేపట్టువారుతల్లి రొమ్ముల పాలు తనివి కూర్చగ నేడ్చుబిడ్డలనోదార్ప పెనగువారు
త్వరితగతినేగ మోదసంభరితులగుచుత్రొక్కు కుంచును లారీల నెక్కువారుదవ్వునడచిన పదముల నొవ్వునోర్చినెత్తురోడెడి పదముల నొత్తుకొనుచురోసి చనిరి కసాయి కరోన వలన!
ఇతడటే! గుర్విణి నతి కష్టమున కోర్చిసైకిలు పై తెచ్చె సాహసించిఇదియటే! జవ్వని ఇంత దూరము వచ్చిఇలు సొచ్చు గడపపై నిట్లు మడిసెవీడటే! కావడి పిల్లల ధరియించిమూపువాపుల కోర్చి ముదమునందెఈమటే! శిరసున ఈమూట బరువునుచంకను చంటితో టెంకిజేరె
ఆకలికి దప్పికకు నెంతొ అటమటించిమించు రుగ్మత కోర్చి గమించి మించుఅభిజనాపేక్షమై నిరాహారులగుచువేనవేలుగ చనిరి కరోన కతన!
భయమున జ్వరమున బాధల వ్యధలతోమార్గ మధ్యమ్మున మడిసి రకట!అధిక వేగమ్మున బధిరాంధ బుద్ధులైకాందిశీకుల మృతి గాంచి రకట!అంటురోగమ్మను తంటాను మరచి కరోన బారిన పడ్డ రోగులకట!పగిలిన పాదముల్ రగిలించు లాక్ డౌనుసదుపాయరహితులై సమసిరకట!
చూచు వారలకిది కడు చోద్యమగునుబాధనొందెడు డెందముల్ భగ్గు మనవె?యాన భార భయోద్వేగ పథమునందుజతనమొనరించి మొండిగా సాగిరచట!
ఆకటి మంటల అటమటించెడు పెద్దతల్లిదండ్రుల వెతల్ తలచి తలచివండివార్చెడి సాధ్వి నిండు గుండెను చీల్చిలేమిచూపుల సొద లాము కవియసంతాన సౌభాగ్య సంరంభమది యెల్లదారిద్య్రమున బ్రుంగ తలచి తలచితనకు సంపాదనా ద్రఢిమ పుష్కలమైనకూలి పనులు లేక కుమిలి కుమిలి
పొట్టచేత బట్టి పొలతి వెన్నంటిరాచంక చంటితోడ సాగివచ్చిజీవనమ్ము సల్పు సేవక వితతికిరొమ్ము నవయను కరోన రాగ!
ప్రధానాంధ్రాధ్యపకులుగా పదవీ విరమణ చేసిన శ్రీమాన్ కోగంటి వీరరాఘవాచార్యుల ప్రధాన వ్యాసంగం పుస్తక పఠనం, పద్య రచన. వీరు శ్రీ లక్ష్మీ నరసింహస్వామిపై అనేక శతకాలను వెలయించారు. వీరు గుంటూరులో ఉంటారు. వీరిని 888 692 8244 పై సంప్రదించ వచ్చు.
Extremely good
Thank the magazine for bringing such excellent literaray works… 💐 💐 💐
Great Sir, To remember mydays as your student. We knew you but not reach your comprehension level Great poetic views of how heart pinches,
Your email address will not be published. Required fields are marked *
Save my name, email, and website in this browser for the next time I comment.
This site uses Akismet to reduce spam. Learn how your comment data is processed.
All rights reserved - Sanchika™