స్వాతి కవితలు-7- డోల

అంతే లేని కడలికి
ఆ వైపు నువ్వుంటే
ఈ వైపు నేను.

అలల తాకిడి ఓసారి
పెను తుఫాను ఓసారీ
విరహాన్ని విదిలిస్తూనే వున్నాయి.

నీ పిలుపులోని ఆప్యాయత
నీ తలపు రేపిన ప్రేమ
నా మనసుని అలరిస్తునే వున్నాయి.
అలజడి కలిగిస్తూనే వున్నాయి.
ఆనందపు డోల లూగాలని ఆశ
ఆశల నావ నన్ను నీ దరి చేరుస్తుందా
అశ్రువై నిన్ను నా దరికి చేరుస్తుందా?

భువన చంద్ర

భువన చంద్ర సుప్రసిద్ధ సినీ గేయ రచయిత. కథకులు. పలు హిట్ పాటలు రచించారు. “భువనచంద్ర కథలు”, “వాళ్ళు” అనే పుస్తకాలు వెలువరించారు.