జ్ఞాపకాల పందిరి-10

జ్ఞాపకాల పందిరి-10

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

నాన్నా… మీతోటే వుంటాను!!

జీవితంలో అనుకున్నవన్నీ లిస్టు ప్రకారం జరిగిపోవు. అలా జరగకుండా అనుకున్నవన్నీ జరిగితే అంతకు మించిన జీవితం మరోటి వుండదనుకుంటా! అదే స్వర్గం అనుకోవడంలో తప్పులేదు. అంతకుమించిన జీవితం మనిషికి మరేమీ అక్కరలేదు. అయితే మనిషిది సంతృప్తి లేని బ్రతుకు!

ఎన్ని వున్నా ఇంకా ఏదో కావాలనుకునే అసంతృప్తి జీవితం మనిషిది. ఒకవేళ సమాజంలో అలాంటి మనిషి ఎవరైనా ఉంటే అంతకు మించిన ఆదర్శమూర్తి మనకు వుండరు. ఇలాంటివి ఊహాలోకంలో పంచరంగుల వర్ణ చిత్రంలా కనిపించవచ్చుగానీ, నిజ జీవితంలో బహు అరుదు! అనుకున్నవన్నీ కాకపోయినా, అనుకున్నవి కొన్నైనా జరగాలంటే ఎంతో శ్రమించాలి. మనిషికి ఒక ధ్యేయం అంటూ ఉండాలి. కష్టపడడంతో పాటు ఓర్పు, సహనం పుష్కలంగా ఉండాలి, ముఖ్యంగా తాను చేసే పనిమీద తనకు నమ్మకం ఉండాలి. ఇన్ని చేసినా… అనుకున్నవన్నీ సాధించడం బహు కష్టమైన పనే మరి!

అనుకున్నవన్నీ జరగనప్పుడు, జరగనందుకు బాధపడాలా? బెంగ పెట్టుకోవాలా? అనవసరమైన ఆలోచనలతో క్రుంగి కృశించి పోయి, వున్న జీవితాన్ని పాడుచేసుకోవాలా? లేక అనుకున్న లక్ష్యాల్లో అందిన వాటితో సంతృప్తి పడి, సుఖమయ జీవితానికి పునాదులు వేసుకోవాలా? అని ఆలోచించినప్పుడు, ఒక స్థాయిలో మనిషికి సంతృప్తి అవసరం. దేనికైనా తృప్తి అనేది మనిషికి మానసిక ఆరోగ్యాన్ని, ఆనందాన్ని ఇస్తుంది. ఇందులో ఎలాంటి సందేహమూ లేదు. అయితే ఎక్కడో ఒకచోట తృప్తిపడి అవకాశమున్న భవితను దూరం చేసుకోమని చెప్పడం నా ఉద్దేశం కాదు.

ప్రయత్నం ఎప్పుడూ ఆహ్వానించదగ్గదే, కానీ విఫలమైన ప్రయత్నాల గురించి, ఆలోచిస్తూ మన పరిధిలోవున్న ఆనందాన్నీ, సుఖాన్నీ ఆస్వాదించ లేకపోతే అది పొరపాటు అవుతుంది. జరగనిదాని గురించి వ్యథ చెందుతూ, వున్న జీవితాన్ని ఆనందమయం చేసుకోవడంలో జాగ్రత్త పడక పోవడం ఎక్కువ శాతం అనుసరిస్తున్న పొరపాటు పని. ప్రతి స్థాయిలోను తృప్తిని ఆభరణంగా చేసుకున్నవాడే అనుకున్నవి కొన్నైనా సాధించగలుగుతాడు. ప్రతి వాళ్ళ జీవితంలోనూ కష్టసుఖాలు, గోతులు, గొప్పులు తప్పక ఉంటాయి. వాటిని ఛేదించుకుని నిలకడగా, ధైర్యంగా ముందుకు పోయేవాడు, చక్కని తృప్తికరమైన జీవితాన్ని ఆస్వాదించగలుగుతాడు. ఈ నేపథ్యంలో, నా జీవితంలోనించే ఒక అంశాన్ని తీసుకుని విపులీకరించడం సబబు అని నా భావన. “మీ స్వంత గొడవ మాకెందుకు?” అన్న ప్రశ్న కూడా కొంతమంది మనస్సులో తలెత్తవచ్చు! కానీ… కొందరి అనుభవాలు చాలా మందికి, జీవితం తీర్చిదిద్దుకునే గుణపాఠాలుగా ఉంటాయి. అందుచేత ప్రతి వాళ్ళ జీవితంలోని ఒక్కో అనుభవం కొందరికి, వారి భవిష్యత్ జీవితాన్ని తీర్చిదిద్దుకునే అవకాశం కలగవచ్చు.

నేను అతిసాధారణ దిగువ మధ్యతరగతి కుటుంబం నుండి వచ్చిన వాడిని, చదువే జీవనాధార అంశంగా ఎంచుకుని, కష్టపడి చదువుకుని, ఎన్నో ఆరోగ్యపరమైన అవాంతరాలు అడ్డుపడినా, వాటిని దైర్యంగా ఎదుర్కొని, సామాజికపరంగా, మహోన్నత మనీషి డా. బాబాసాహెబ్ అంబేద్కర్ రాజ్యాంగపరంగా అందించిన అవకాశాలను అందిపుచ్చుకుని మా ఇంట్లోనే మొదటి ‘గజిటెడ్ అధికారి’ని (డెంటల్ సర్జన్) అయినాను.

అదే విధంగా, నా పిల్లలని కూడా అతి సాధారణంగా, అత్యాశలు కోరుకొని పిల్లలుగా పెంచడానికే విశ్వ ప్రయత్నం చేసాను. ఈ సూత్రాన్ని పిల్లలు కూడా అవగాహన చేసుకుని నాకు అన్నివిధాలా సహకరించడం నా అదృష్టం గానే భావిస్తాను.

ఇక అసలు విషయానికొస్తే, మా అమ్మాయి నాకు రెండవ సంతానం. మెహిదీపట్నం సెయింట్ ఆన్స్ డిగ్రీ కళాశాలలో, ‘జెనెటిక్స్’ (జన్యు శాస్త్రం) ప్రధాన అంశంగా డిగ్రీ చేస్తున్న కాలంలో, ఒక రోజున నా దగ్గరికి వచ్చి “డాడీ… నేను పి.జి. చేసిన తర్వాత అమెరికాలో రీసెర్చ్ చేస్తాను” అంది. ఆ మాట విన్న నాకు గుండె ఝల్లుమంది. కారణం అప్పటికే నా కొడుకు ఎం.ఎస్. చేయడానికి అమెరికా వెళ్ళిపోయాడు. అబ్బాయి వెళ్ళడం, నాకు అసలు ఇష్టం లేదని ఆమెకు బాగా తెలుసు. నా పుత్ర రత్నం అమెరికా వెళ్ళడానికి విమానం ఎక్కేముందు, అంటే విమానాశ్రయం లోనికి ప్రవేశించే ముందు బేగంపేటలో నేను వెక్కి… వెక్కి… ఏడ్చిన సన్నివేశం అంత త్వరగా మరచిపోతుందని నేను అనుకోను. అంటే అమ్మాయి మానసికంగా దేనికైనా గట్టిగా సిద్దపడిపోయినట్టుగా నేను గ్రహించాను. ఇద్దరు పిల్లలు నాకు చాలా ఇష్టం. వాళ్లెప్పుడూ నా కనుసన్నల్లోనే ఉండాలనేది నా ప్రగాఢ కోరిక. ఇది స్వార్థము, పిల్లల అభివృద్ధికి ఆటంకం పరిచే ఆలోచనే కావచ్చు, కానీ తండ్రిగా అది నా పేరాశ!

అందుకే… క్షణం సేపు మాటరాక, ఆ తర్వాత –

“అదేంటమ్మా… అన్న అక్కడికి వెళ్లిన బాధ ఇంకా నా మనసు నుండి చెదరనే లేదు, ఇప్పుడు మళ్ళీ… నువ్వు అమెరికా వెళతానంటావా? మరి, నువ్వు కూడా వెళ్ళిపోతే మా పరిస్థితి ఏమిటి?” అన్నాను ఎంత గానో బాధపడుతూ.

“అదేంటి డాడీ… అలా అంటారు? మీ కూతురు పి. హెచ్.డి. చేసి డాక్టర్ అని పిలిపించుకోవడం మీకు ఇష్టం లేదా?” అంది.

“ఎందుకు ఇష్టం వుండదమ్మా? తన కంటే… తన పిల్లలు మరింతగా ప్రయోజకులు కావాలని ప్రతి తండ్రి, ప్రతి తల్లి అనుకుంటారు. అందులో ఎలాంటి సందేహమూ లేదు… కానీ, నా పిల్లలు దూరంగా వెళ్ళిపోడం ఈ తండ్రి భరించగలడని నువ్వు అనుకుంటున్నావా” అన్నాను కాస్త బాధగా.

“అలా… ఎందుకు డాడీ? నా పరిశోధన పూర్తయ్యాక నాకు ఎట్లాగూ నాకు అక్కడే వుద్యోగం వస్తుంది. అప్పుడు మనమందరం ఒకే చోట ఉంటాం, ఎలాంటి ఇబ్బందీ ఉండదు” అని చాలా కూల్‌గా వెళ్లిపోయింది.

నేను కూడా ఆ విషయాన్ని మళ్ళీ… మళ్ళీ… ఎప్పుడూ ప్రస్తావించలేదు. అమ్మాయి కూడా దాని గురించి ఎప్పుడూ చర్చించే ప్రయత్నం చేయలేదు.

పిల్లల మనసులు ఎందుకు ఇలా మారిపోతున్నాయొకదా! అలా అని పిల్లలకు తల్లిదండ్రుల పైన ప్రేమ పోయిందని అనుకునేటట్లు లేదు. అలాగే పిల్లలను నిరాశపరిచి వాళ్ళ బంగారు భవిష్యత్తుకు అడ్డు పెట్టాలని ఏ తల్లిదండ్రులూ అనుకోరు. నా మానసిక సున్నితత్వం నా పిల్లలిద్దరికీ బాగా తెలుసు. అందుచేత కావాలని వాళ్ళు మమ్మల్ని ఇబ్బంది పెడతారని కూడా మేము ఎప్పుడూ అనుకోలేదు. మా పిల్లల మీద నాకు అంత ప్రగాఢ విశ్వాసం.

అమ్మాయి హాస్టల్‌లో హైదరాబాద్‌లో వుండేది. మేము కోనసీమ వాళ్ళమైనప్పటికీ స్థిరపడింది హనంకొండలో (వరంగల్). ఉద్యోగ రీత్యా నేను వరంగల్, కరీంనగర్ జిల్లాలలో పనిచేయడం వల్ల, నా పిల్లలు పుట్టి పెరిగింది వరంగల్ జిల్లాలోనే. ఒక శుభోదయాన, అమ్మాయి ఫోన్ చేసింది.

తాను డిగ్రీ ఫస్టు క్లాస్‌లో పాస్ అయినట్టు చెప్పి, “నేను ఇంటికి వస్తున్నాను” అని, “ఇంటికి వచ్చాక, ఒక శుభవార్త చెబుతాను” అని చెప్పి ఫోన్ పెట్టేసింది.

అమ్మాయి శుభవార్త అని చెప్పినప్పటికీ, నా మనసెందుకో కీడు తలంచింది. ఎందుకంటే వయసొచ్చిన పిల్ల ఎవరినైనా ప్రేమించానని చెబుతుందేమోనని తండ్రిగా నా భయం! మరో ప్రక్క నా కూతురు నాకు ముందు చెప్పకుండా ఎలాంటి నిర్ణయాలు తీసుకోదని గట్టి నమ్మకం!

ఇళ్ల రకరకాల ఆలోచనలతో సతమతమౌతున్న నేపథ్యంలో ఫోను చేసిన మర్నాడు ఇంటికి వచ్చిన అమ్మాయి బాగ్ సోఫాలో పడేసి, వెనక నుంచి వచ్చి వాటేసుకుని “డాడీ… నాకు కంగ్రాట్స్ చెప్పండి…” అంది.

“నిన్నే కదమ్మా చెప్పాను… మళ్ళీ చెప్పనా…?” అన్నాను.

“ఇప్పుడు… ఇంకో దాని గురించి” అంది ముందుకు తిరిగి నుదుటిమీద ముద్దు పెట్టుకుంటూ.

“ముందు సంగతేమిటో చెప్పు!” అన్నాను మనసులో ఆందోళన పడుతూ.

“ఎందుకు డాడీ అంత టెన్షన్ పడతారు? నేను మిమ్మల్ని కాదని మీకు ఇష్టం లేని పని ఏమీ చేయనని మీకు తెలుసుకదా!” అంది నవ్వుతూ.

“అమ్మా… ఆ నమ్మకం నాకు వుంది. కానీ ఎలాగైనా ఆడపిల్ల తండ్రిని కదా తల్లీ!” అన్నాను.

“అయ్యో… మీరప్పుడే చాలా దూరం ఆలోచిస్తున్నారు, అలాంటిదేమీ లేదు కానీ, నేను ఒక నిర్ణయానికి వచ్చాను డాడీ…” అంది నా పక్కన ఇరుక్కుని కూర్చుంటూ.

“ఏంటమ్మా అది?” అది అన్నాను, నా కూతురు కళ్ళల్లోకి ఆదుర్ధాగా చూస్తూ.

“ఏమీ లేదు డాడీ… మీకు ఇంతకుముందు, నేను అమెరికా వెళతానని చెప్పాను కదా!”

“అవును!”

“నేను వెళ్లకూడదని నిర్ణయించుకున్నాను డాడీ!” అంది సీరియస్‌గా.

“అదేంటమ్మా… నా గురించా ఈ నిర్ణయం?” అన్నాను ఆశ్చర్యంగా.

“మీ గురించి కాదు డాడీ… మన గురించి! మీ ఇద్దరినీ వదిలి నేను ఎక్కడికీ పొదలచుకోలేదు. ఉద్యోగం చేసినా, మీరు పెళ్లి చేసి బయటికి పంపినా మీకు అందుబాటులో వుండేలా నా జీవితాన్ని మలుచుకుంటాను. ఇందులో ఇక రెండో ఆలోచన ఉండదు. మీరు నిశ్చింతగా వుండండి” అంది.

“అది కాదమ్మా… నా గురించి నీ భవిష్యత్తు…?” అన్నాను బాధగా.

“లేదు డాడీ… ఇక్కడే వుండి మంచి ఉద్యోగం సంపాదించుకుంటా. ఈ విషయంలో మిమ్మల్ని అసలు నిరాశ పరచను. ఇది నా నిర్ణయం అంతే” అంది.

తరువాత మా అమ్మాయి పి.జి. చేయడం, ఉద్యోగం సంపాదించుకోవడం, పెళ్లి చేసుకోవడం, వరంగల్ ఆకాశవాణికి బదిలీ అయి, నా దగ్గరే వుండే అవకాశం రావడం, అనుకూలుడైన అల్లుడు దొరకడం, తర్వాత మా మధ్యకి మనవరాలు ‘ఆన్షి’ రావడం వరసగా జరిగిపోయాయి.

నా కొడుకు మాకు దూరంగా అమెరికాలో ఉన్నప్పటికీ, ఆ అన్నా చెల్లెళ్లు మా సుఖమయ జీవితానికి అన్ని జాగ్రత్తలు తీసుకుంటున్నారు. ఈ కరోనా – కల్లోలంలో గృహబందీ అయినప్పటికీ సర్వం తానై చూసుకుంటున్నది నా కూతురు. ఇంతకు మించిన జీవితం నాకు అవసరమా? అదే తృప్తి అంటే! నాకు దగ్గరగా వున్నానన్నదే, నా కూతురి తృప్తి. చెల్లెలు మాకు దగ్గరగా వున్నదన్న తృప్తి నా కొడుకుది.

తృప్తికర జీవితం ఏర్పాటు చేసుకునే సూత్రం మన చేతిలోనే ఉంటుంది. అది అనుభవించే అదృష్టం మనకుండాలి, అంతే…!!

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: సంచిక డా. కె.ఎల్.వి. ప్రసాద్ఫీచర్కాలమ్జ్ఞాపకాల పందిరి Column Dr. K. L. V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

sagar
June 14, 2020 at 8:10 am
సర్ విధిని మనం మార్చలేకపోవచ్చు కానీ, తృప్తి అనేది మనిషికి ఎంతో ముఖ్యం. మీ రచన చూసిన తరువాత నాకు స్పురించిన విషయం ఏమిటంటే మీ అమ్మాయి తన నిర్ణయం పై పునఃపరిశీలన తనే స్వంతంగా చేసుకుని మీకు దగ్గరలోనే స్ధిరపడాలని నిర్ణయించుకున్నట్లు అనిపిస్తుంది. మీ అబ్బాయి మీకు దూరంగా ఉన్నందున తనుకూడ దూరమైతే మీకు ఇబ్బంది అవుతుందని, మీ అబ్బాయి విదేశీ ప్రయాణంలో మీ అవస్ధ గమనించింది కాబట్టి తను ఆ నిర్ణయం తీసుకుని ఉంటుంది అని నా అభిప్రాయం. ఏది ఏమైనా మీరుఆశించిన పలితమే రావడం మీకు ఆనందమే కదా? మీ అనుభవాలు ఒకరకంగా కొందరికీ పాఠాలు గా కూడ ఉపకరిస్తున్నాయి. మీకు హార్ధిక అభినందనలు సర్ .

Reply
1. 1.1
  
  డా.కె.ఎల్.వి.ప్రసాద్
  June 14, 2020 at 9:41 am
  సాగర్
  మీ విశ్లేషణ స్పందన బాగున్నాయి
  కృత జ్ణత లు.
  
  Reply
2. 1.2
  
  గుండెబోయిన శ్రీనివాస్
  June 14, 2020 at 5:29 pm
  (1) ప్రయత్నం ఎప్పుడూ ఆహ్వానించదగ్గదే, కానీ విఫలమైన ప్రయత్నాల గురించి, ఆలోచిస్తూ మన పరిధిలోవున్న ఆనందాన్నీ, సుఖాన్నీ ఆస్వాదించ లేకపోతే అది పొరపాటు అవుతుంది.
  (2) ప్రతి స్థాయిలోను తృప్తిని ఆభరణంగా చేసుకున్నవాడే అనుకున్నవి కొన్నైనా సాధించగలుగుతాడు.
  (3)కొందరి అనుభవాలు చాలా మందికి, జీవితం తీర్చిదిద్దుకునే గుణపాఠాలుగా ఉంటాయి.
  (4)
  తృప్తికర జీవితం ఏర్పాటు చేసుకునే సూత్రం మన చేతిలోనే ఉంటుంది. అది అనుభవించే అదృష్టం మనకుండాలి, అంతే…!! ఈవారం లో ఈ వాక్యాలు బాగున్నాయి సార్
  
  Reply
  1. 1.2.1
    
    డా.కె.ఎల్.వి.ప్రసాద్
    June 15, 2020 at 8:22 am
    శ్రీనివాస్,
    మీ స్పందనకు
    ధన్య వాదాలు.
    
    Reply
2

డా.కె.ఎల్.వి.ప్రసాద్
June 14, 2020 at 8:52 am
The presence of children with us at the age of 60+ will definitely give great comfort.
After B.Tech, my (only)(I have one daughter also who is staying in USA now) Son wanted to persue M S in USA. Heart in heart, I did not want my Son to be away from me, but did not want to come in the way of his desire… Both of us went to Chennai for US visa, he couldnt get the visa in first attempt. Although, I was happy for myself but still I condoled him. Second time he went to Chennai with his mother (sentiment) but I have my prayers (not to get visa) God was great, he could not get visa 2nd time also, annoyed on not getting visa for second time, he said that I will not visit USA. I was happy that my Son will be with me. Later, he got an appointment in Wipro at Mumbai and thereafter joined us at B’lore when I was working there. Now he & his family (wife & 2 sons) are with us at Hyd. Great time pass for me with 2 grand children after my retirement.

_____surya narayana Rao
RTD.DGM….SBI
HYDERABAD

Reply
1. 2.1
  
  డా.కె.ఎల్.వి.ప్రసాద్
  June 14, 2020 at 8:56 am
  సర్…
  మనిద్దరి అనుభవాలు
  దగ్గర..దగ్గరగా వున్నాయ్.
  మీ..అమూల్యమైన స్పందనకు
  ధన్యవాదాలు.
  
  Reply
3

డా.కె.ఎల్.వి.ప్రసాద్
June 14, 2020 at 8:58 am
Good morning sir
You are most fortunate sir. You loves all the people. Your children loves you.
It is your’s Life Pandiri
Parimalala prema pandiri
Rameshwaram
Professor
Kakatiya university
Warangal.

Reply
1. 3.1
  
  డా.కె.ఎల్.వి.ప్రసాద్
  June 14, 2020 at 8:59 am
  రామేశ్వరం గారూ
  మీ స్పందనకు
  ధన్యవాదాలు
  
  Reply
4

Rajendra Prasad
June 14, 2020 at 9:04 am
ఇద్దరిలో ఒకరిని అయినా మీ దగ్గర ఉండాలని అనుకోవటం , మా పిల్లలందరూ, US లో ఉన్నారన్న ఫాల్స్ ప్రిస్టేజి కి వెళ్ల కుండా , అమ్మాయిని ఆప గలిగారు. నా దృష్టిలో, అబ్బాయిని పంపించటం, ఇద్దరిలో ఒకరిని ఇక్కడ ఉండటానికి ఇష్ట పడటం రెండూ సరైన నిర్ణయాలు.

రాజేంద్ర ప్రసాద్ , శ్రేయోభిలాషి

Reply
1. 4.1
  
  డా.కె.ఎల్.వి.ప్రసాద్
  June 14, 2020 at 9:43 am
  ప్రసాద్ గారూ
  మీరన్నది నిజమే.
  మీ స్పందనకు
  ధన్య వాదాలు.
  
  Reply
5

డా.కె.ఎల్.వి.ప్రసాద్
June 14, 2020 at 10:01 am
జీవితంలో అనుకున్నవన్నీ లిస్టు ప్రకారం జరిగిపోవు. అలా జరగకుండా అనుకున్నవన్నీ జరిగితే అంతకు మించిన జీవితం మరోటి వుండదనుకుంటా! అదే స్వర్గం అనుకోవడంలో తప్పులేదు.

____డా.డి.సత్యనారాయణ
పెరియొ…స్పెషలిస్ట్
హైదారాబాద్.

Reply
1. 5.1
  
  డా.కె.ఎల్.వి.ప్రసాద్
  June 14, 2020 at 10:02 am
  డాక్టర్ గారూ
  మీ స్పందనకు
  ధన్యవాదాలు.
  
  Reply
  1. 5.1.1
    
    డా.కె.ఎల్.వి.ప్రసాద్
    June 15, 2020 at 5:20 pm
    నమస్తే సార్! ఈ సారి మీ పూర్తి వ్యక్తిగత ఙాపకాలపందిరి బాగుంది. మనసులోని బలీయమైన కోరిక మంచిదైనపుడు దానికి ఎటువంటి ఆటంకం ఉండదన్నది నా ప్రగాఢ నమ్మకం. మీ జీవితంలో అది జరిగింది అనుకుంటున్నాను.సదా మీరు సుఖసంతోషాలతో గడపాలని మనసారా కోరుకుంటున్నాను. మీ శ్రేయోభిలాషి. 🙏👌✊
    
    ____ఆకునూరు.విద్యా దేవి.
    రచయిత్రి
    హనంకొండ.
    
    Reply
    1. 5.1.1.1
      
      డా.కె.ఎల్.వి.ప్రసాద్
      June 15, 2020 at 5:26 pm
      అమ్మా….
      మీ ఆత్మీయ
      స్పందన కు
      ధన్య వాదాలు.
      
      Reply
6

డా.కె.ఎల్.వి.ప్రసాద్
June 14, 2020 at 10:10 am
మీరెంత అదృష్టవంతులో
పిల్లలెంత బాగ్యవంతులో

____కె.కుమార స్వామి
సీనియర్ జర్నలిష్ట్
వరంగల్.

Reply
1. 6.1
  
  డా.కె.ఎల్.వి.ప్రసాద్
  June 14, 2020 at 10:11 am
  స్వామి గారూ
  మీ స్పందనకు
  ధన్యవాదాలు.
  
  Reply
7

Jayapal Reddy Challa
June 14, 2020 at 10:13 am
Mee anubhavam baagundi….meeru chaalaa adrushtavantulu…..jeevithamlo meeru 100% success ayyaru….intha paripoornamaina jeevitham andariki labhinchadu….

Reply
1. 7.1
  
  డా.కె.ఎల్.వి.ప్రసాద్
  June 14, 2020 at 10:45 am
  రెడ్డి గారు
  మీ స్పందనకు
  ధన్య వాదాలు సర్
  
  Reply
8

మొహమ్మద్ అఫ్సర వలీషా
June 14, 2020 at 10:42 am
చాలా బాగుంది సార్ అద్భుతంగా ఉంది మీ జ్ఞాపకాల పందిరిలో ప్రతి పేజీ ఆసక్తికరంగా చదివించి స్ఫూర్తి దాయక ఆదర్శ పూరిత సందేశాలు అందిస్తున్నది.
నిజం గా చాలా అదృష్టం అనుకున్న ప్రశాంతమైన జీవితం నా అనుకునేవారితో ఉల్లాసంగా గడపడం ఆ అదృష్టాల మాల కొందరికే లభిస్తుంది ఆ కొందరిలో మీరుండి మాకు జీవితాన్ని ఎలా మలుచుకోవాలో చిక్కని మీ అనుబంధాల ద్వారా చూడ చక్కని మీ పిల్లలతో కలిసి దిగిన ఙ్ఞాపకాలతో మా అందరితో పంచుకోవడం చాలా చాలా సంతోషం సార్ చక్కని అనుభూతికి లోనైన మీ సజీవ జ్ఞాపకానికి హృదయపూర్వక అభినందనలు ధన్యవాదాలు సార్ మరో చిక్కని జ్ఞాపకాల స్ఫూర్తి కోసం ఎదురు చూస్తుంటాం 🙏🙏🙏🙏

మొహమ్మద్ .అఫ్సర వలీషా
ద్వారపూడి (తూ గో జి )

Reply
1. 8.1
  
  డా.కె.ఎల్.వి.ప్రసాద్
  June 14, 2020 at 10:47 am
  అమ్మా
  మీ స్పందనకు
  ధన్యవాదాలు
  
  Reply
9

డా.కె.ఎల్.వి.ప్రసాద్
June 14, 2020 at 10:43 am
సర్ ఈ మొదటి లైన్ చాలా నచ్చింది . మీ రచనల్లో ఖలీల్ జిబ్రాన్ పోకడలు కనిపిస్తాయి అని నేను మీతో ప్రస్థావన చేసాను.
ఆ మాటకి మీ వ్యాసంలో మొదటి లైన్ నిర్దశనం.

____Dr.DS Narayana.
Hyderabad

Reply
1. 9.1
  
  డా.కె.ఎల్.వి.ప్రసాద్
  June 14, 2020 at 10:52 am
  నారాయణ గారూ
  మీ స్పందనకు
  ధన్యవాదాలు
  
  Reply
10

డా.కె.ఎల్.వి.ప్రసాద్
June 14, 2020 at 10:51 am
Good morning sir Mee 10th episode chadivi okkasari kallu chamadchinayi antakante nenu emi expresses cheyyalenu okkati matram cheppagalanu you are so lucky to have such amazing children

_______శ్రీహరి
ఆకాశవాణి
వరంగల్

Reply
1. 10.1
  
  డా.కె.ఎల్.వి.ప్రసాద్
  June 14, 2020 at 10:54 am
  శ్రీ హరి గారూ
  మీ స్పందనకు
  ధన్యవాదాలు
  
  Reply
11

డా.కె.ఎల్.వి.ప్రసాద్
June 14, 2020 at 11:31 am
మీకు ముందుగా అభినందనలు
మీరు కోరుకున్న విధంగా విశ్రాంత జీవితం లో పాప దగ్గరగా ఉన్నందుకు.
మీ జ్ఞాపకాలలో ఇంతకు ముందు లాగే మనస్తత్వ చిత్రణ, సంఘర్షణ బాగుంది. అలాగే జ్ఞాపకాలు చెప్పాల్సిన అవసరం వివరణ కూడ బాగుంది
అయితే ఏ సందర్భంలో, ఏ సంఘటన,ఏ ఆలోచన నిర్ణయం మార్పు దోహదం చేసింది తెలుపు తే ఆ దారి లో యువతను ఆలోచించ వలసినదిగా కోరిన వాళ్ళం అవుతాం అంటే ఒక మంచి మార్పు, పరివర్తన జరిగిన సందర్భం బలాన్ని చేపట్టకుండా ఆ మార్పు ను కలిగించలేము కదా, ఇవి మీ జ్ఞాపకాలు కాబట్టి మీ సంఘర్షణను మాత్రమే చిత్రించి ఉంటారు. అయితే సామాజిక ప్రయోజనం ఆశిస్తూ సృజనాత్మక సాహిత్యం స్థాయిలో మీ జ్ఞాపకాలు రాస్తున్నారు కాబట్టి సాహిత్య విమర్శ తెలిసిన వ్యక్తిగా ఆ సూచన చేసాను. ఆలోచించండి

____బ్రహ్మ చారి(నిధి
పొఎట్
హనంకొండ

Reply
1. 11.1
  
  డా.కె.ఎల్.వి.ప్రసాద్
  June 14, 2020 at 11:41 am
  నిధి గారూ
  మీ..స్పందనకు
  
  Reply
12

Sambasiva Rao Thota
June 14, 2020 at 11:31 am
ప్రసాద్ గారు !
ప్రతి ఒక్కరి జీవితంలో ఆనందానికి , సంతోషానికి మూలం “తృప్తి” మాత్రమే ….
అదే లేకపోతే ఎన్నున్నా నిరుపయోగమే !

ఇకపోతే ….పిల్లల్ని కనగలం కాని వారి తల రాతలు రాయగలమా !!!

అనే నానుడి వుంది !!

అది కూడా నిజమే కదా !!

ఏదేమైనప్పటికి ,,
అంతటి ప్రేమాభిమానాలు చూపించే పిల్లలు ఉంటే వేరేంకావాలి. ….

గాడ్ ఈజ్ అల్వేస్ గ్రేట్ !!!! 🙏🙏🙏

Reply
1. 12.1
  
  డా.కె.ఎల్.వి.ప్రసాద్
  June 14, 2020 at 12:33 pm
  రావు గారూ
  మీ అమూల్యమైన
  స్పందనకు
  కృతజ్నతలు
  
  Reply
13

Sarasi
June 14, 2020 at 11:52 am
పిల్లల కోసం మనం, మన కోసం పిల్లలు. మన కోసం వాళ్ల భవిష్యత్తు ఎందుకు పాడు చెయ్యాలని ఒక వాదం. చివరి రోజుల్లో తల్లిదండ్రుల్ని దగ్గరుండి చూసుకోవాల్సిన బాధ్యత పిల్లలది. ఈ రెండు వాదనలు లో ఏ ది సబబు అనేది తేలదు. ఇద్దరూ పిల్లల్లో ఒకరు అక్కడ మరొకరు ఇక్కడ ఉండి సమస్యని బ్యాలన్స్ చేశారు మీ విషయంలో. అందరికీ అలాక్కాదు. ఏదైనా అటు ఆర్థికంగా ఇటు భౌతికంగా పిల్లల సహాయాన్ని ఆశించకుండా బ్రతకడానికి తల్లిదండ్రులు సిద్ధపడాలి. అందుకు సంసిద్ధం కావాలి.

Reply
1. 13.1
  
  డా.కె.ఎల్.వి.ప్రసాద్
  June 14, 2020 at 12:30 pm
  సరసి గారూ
  మీ స్పందనకు
  ధన్య వాదాలు
  
  Reply
14

G.Girijamanoharababu
June 14, 2020 at 11:58 am
జీవితం విచిత్రమైంది … మీరు ఎపిసోడ్ కు చెప్పిన మాటలే ఈ మాటకు బలం
ఒకరోజుల్లో “ తాసిల్దారుగారమ్మాయి” అనే సినిమా వచ్చింది .. దాంట్లో కెబికె మోహన్ రాజు గారు పాడిన ఆత్రేయగారిసపాటగుర్తొచ్చింది …
“ తలచింది జరిగిందంటే
నా గొప్పే నంటావు
తలచింది జరగకపోతే
విధి పై నెడతావు .. “
ఈ పాటలో లాగా కాకుండా ఏవి ఎట్లాజరిగినా దాన్ని సహించి మనోనిబ్బరం తో అధిగమించాలన్న నిర్ణయం తీసుకోవడం మీ విజ్ఞత. జరగకపోతే బాధపడటం మానవనైజం , మన విజ్ఞత ఆ బాధనుండి బయటపడేస్తుందని నిరూపించారు .. పరిస్థితులు మనకనుకూలంగా మారటం మన అదృష్టం … అదివరక విషయం … పిల్లల విషయం వచ్చేసరికి దాదాపుగా చాలామంది ఎప్పుడో ఒకప్పుడు ఈ పరిస్థితిని ఎదుర్కోవలసి వస్తుంది .. పిల్లల ఉజ్జ్వల భవిష్యత్తును , ఆకాంక్షలనూ దృష్టిలో ఉంచుకొని ఆ బాధను అధిగమించిన మీ స్థిర చిత్తత అభినందనీయం …
అయితే కాలంకలిసిరావటం , అమ్మాయి మీరన్న ఒక్కమాటకు స్పందించి లోతుగా ఆలోచించి తననిర్ణయాన్ని స్థిరనిర్ణయంగా మార్చుకొని మీకు అందుబాటులోనే ఉండాలనుకోవడం తన వివేచనాశక్తి పెరిగినదానికి ఉదాహరణ .. మూర్ఖత్వంతో మంకుపట్టుపట్టి తన ఆలోచనలనే నెగ్గించుకోవాలన్నదానికి దూరమై తలిదండ్రులకు ఆనందంకలిగించాలనుకోవటం ఆమె విజ్ఞత ..
మరో విషయమేమంటే ఇక్కడే ఉద్యోగంతెచ్చుకుంటానన్న ఆమె లోని గొప్ప ఆత్మవిశ్వాసానికి నిదర్శనం … తనుసాధించుకుంది కూడా .. వివాహానంతరంకూడా అల్లుడుగారు ఎటువంటి సంకుచిత భావాలకు చోటివ్సవకుండా విశాల భావంతో మీకూ తనకూ సహకరించడం అతని సహృదయత …
జీవితాన్ని మరింత ఆనందమయం చేసే
“ ఆన్షి “ రాక అంతా కలిసిమెలసి ఉండగలగడం జీవితం సఫలమైందనడానికి సంకేతం ..
జ్ఞాపకాల పందిరి ద్వారా మీరు పంచుతున్న ఈ ఆనంద ఫలాలు అందుకుని ఆస్వాదిస్తున్నాము .. ధన్యవాదాలు ..

Reply
1. 14.1
  
  డా.కె.ఎల్.వి.ప్రసాద్
  June 14, 2020 at 12:29 pm
  చాలా బాగా రాసారు గురువు గారూ.నే ను రాసిన దాని కంటే మీ స్పందన బాగుంది.మీకు హృదయపూర్వక కృతజ్ఞతలు.
  
  Reply
15

డా.కె.ఎల్.వి.ప్రసాద్
June 14, 2020 at 12:26 pm
గుడ్ morning sir, మీ రు వ్రాసిన అన్ని రచన లలో నన్ను అతిగా impress చేసిన రచన ఇది. మీ కోరిక లకు తగినట్లుగా మీ పిల్లలు ఉండడం ( మిమ్మల్ని ప్రేమ గా చూసుకోవడం, గౌరవి చడం, అనుసరించండ0 ), మీ అదృష్టం.. మీరు నా న్న గా లభించడం వారు అంతకన్నా చేసుకొన్న గొప్ప అదృష్టం. మీ పిల్లల ఇద్దరికి నా అభిన0దనలు. Great ఫ్యామిలీ…….💐💐💐💐💐💐💐💐💐💐💐💐💐💐💐💐💐

_____కె.రమేశ్
కౌన్సిలర్…ఎయిడ్స్
మహబూబాబాద్.

Reply
1. 15.1
  
  డా.కె.ఎల్.వి.ప్రసాద్
  June 14, 2020 at 12:27 pm
  రమేశ్
  బాగా స్పందించావు.
  అభినందనలు.
  
  Reply
16

R V Ashokkumar
June 14, 2020 at 12:29 pm
మామయ్య ముందుగా మీకు శుభాకాంక్షలు. మీరు కోరుకున్న తృప్తి కరమైన జీవితం మీరు పొంది నందుకు. మీమనసెరిగిన పిల్లలు మీరు సంతోషముగా వుండాలని చూస్తున్నారు. ఇంతకంటె ఏమి కావాలి. చక్కగా మనుమరాలితో ఆడుకోవడమే.

Reply
1. 16.1
  
  డా.కె.ఎల్.వి.ప్రసాద్
  June 14, 2020 at 12:42 pm
  నీ స్పందన
  బాగుంది
  అశోక్…
  ధన్యవాదాలు
  
  Reply
17

డా.కె.ఎల్.వి.ప్రసాద్
June 14, 2020 at 12:40 pm
మీ జ్ఞాపకా
లు మాతో పంచుకుంటున్నందుకు
కృతజ్ఞతలు సర్…

____తంగెళ్ల శ్రీదేవి రెడ్డి
మహబూబ్ నగర్

Reply
1. 17.1
  
  డా.కె.ఎల్.వి.ప్రసాద్
  June 14, 2020 at 12:43 pm
  శ్రీ దేవి రెడ్డి గారు
  మీ స్పందనకు
  అభినందనలు.
  
  Reply
18

డా.కె.ఎల్.వి.ప్రసాద్
June 14, 2020 at 12:48 pm
ముందుగామీకు🙏🏽🙏🏽🙏🏽🙏🏽🙏🏽 అసలు గతంలోకివెళితే…నీకు కాలికి ఏదోతెలియనివ్యాధి వచ్చిందని ఊర్లోచెప్పుకోడం నాకుతెలుసు తరువాత నీగురించి ఏమితెలియదు తరువాత మనఊరిలో మెడికల్ క్యాంపు అప్పుడు తెలిసింది… ఇప్పుడిప్పుడే అన్నీ తెలుసుకుంటున్నాను ఇక పిల్లలు వారి భవిష్యత్తు … పెదనాయన ఏవిధంగామిమ్మల్నిచదివించాడో ఊర్లో అందరూ చెప్పుకునేవారు అలాగేమీరు పిల్లల్ని పెద్దచదువులు చదివించారు…..పెదనాయనకిరణాసరుకులకు లక్ష్మయ్య గారికాలవగట్టుదగ్గరకు వెళ్ళేటప్పుడు నాదగ్గరఆగి వెళ్ళేవాడు నాతో అనేవాడు రోజుకు ఒకపావలాదాయి కొడుకు చదువుకుఉపయోగపడుతుంది
అనేవాడు నేనుఏమీ దాయలేదుకాని ఆయన ఇలాఅనేవాడని అందరికి చెప్పే వాడిని పెద్దలంటే అప్పటినుండే నాకుగౌరవం ఏర్పడింది ఆయనే నాకుపెద్ద. ఆదర్శం.🙏🏽🙏🏽🙏🏽ఇలాటివన్నిచెప్పుకోవాలంటే కలుసుకొని మాట్లాడుకోవాలి ఎంటచెప్పుకున్నా తరగవు ఫోన్లలో ఎంతైనావ్రాయగలమా?
ఏది ఏమైనా నిన్ను ప్రేరణగాతీసుకుంటాను 🙏🏽🙏🏽🙏🏽🙏🏽🙏🏽🙏🏽నమస్కారములతో తమ్ముడు….చిన్ని

….____కృష్ణ మూర్తి.కానేటి
.. హైదరాబాద్

Reply
1. 18.1
  
  డా.కె.ఎల్.వి.ప్రసాద్
  June 14, 2020 at 12:50 pm
  తమ్ముడూ
  నీకూ చాల గుర్తున్నాయి
  నీ స్పందనకు
  కృతజ్నత లు.
  
  Reply
19

డా.కె.ఎల్.వి.ప్రసాద్
June 14, 2020 at 2:50 pm
మీరు అదృష్ట వoతులు చక్కటి బిడ్డను పొందారు తండ్రి కి తగిన తనయ 💐🙏🏻

…..______భూమెశ్వర్.కె
ఆకాశవాణి
నిజామాబాద్.

Reply
1. 19.1
  
  డా.కె.ఎల్.వి.ప్రసాద్
  June 14, 2020 at 2:51 pm
  భూమెశ్వర్
  మీ స్పందన కు
  ధన్యవాదాలు
  
  Reply
20

డా.కె.ఎల్.వి.ప్రసాద్
June 14, 2020 at 2:55 pm
Human relationships are always a good subject.when narrated by father,a real happening it always touchesyour heart.while it comes from a writer it is all the more heart rendering.congrats.

____Ravulapati sitarama rao
Ex.DIG
HYDERABAD

Reply
1. 20.1
  
  డా.కె.ఎల్.వి.ప్రసాద్
  June 14, 2020 at 2:56 pm
  Rao garu,
  Thank you somuch sir.
  
  Reply
21

డా.కె.ఎల్.వి.ప్రసాద్
June 14, 2020 at 3:00 pm
ఒక ఐడియా జీవితాన్ని మార్చేస్తుంది అనడం
నిజమో కాదో తెలియదు.
కానీ
‘ఒక నిర్ణయం
కొందరి జీవితాలని
ప్రభావితం చేస్తుంది”
ఇది వాస్తవం అని నిరూపితమైంది.
డాక్టర్ గారూ … మీరే కాదు
నేనూ బెనిఫిట్ అయ్యాను.
ముఖ స్తుతి కాదు…నిజం

_____అనీల్ ప్రసాద్
ఆకాశవాణి
వరంగల్

Reply
1. 21.1
  
  డా.కె.ఎల్.వి.ప్రసాద్
  June 14, 2020 at 3:01 pm
  అనీల్ గారూ
  మీ స్పందనకు
  ధన్యవాదాలు.
  
  Reply
22

డా.కె.ఎల్.వి.ప్రసాద్
June 14, 2020 at 3:11 pm
నేటి సమాజంలో మనిషికి సంతృప్తి అనేదే లేదు సర్.
సాధారణంగా తల్లిదండ్రులుల తో కలిసి ఉండే అవకాశం అబ్బాయిలకే ఉంటుంది.ఎందుకంటే పెళ్లి తర్వాత అమ్మాయి అత్తారింటికి వెళ్ళే సంప్రదాయం కాబట్టి…..కానీ మీ అమ్మాయి(సిస్టర్) తీసుకున్నా మంచి నిర్ణయం వల్ల పెళ్లి తర్వాత కూడా తల్లిదండ్రులు లో కలిసి జీవించే అవకాశం కలిగింది.
తను చాలా అదృష్టవంతురాలు ఈ విషయంలో……మీ జ్ఞాపకం వల్ల తల్లిదండ్రులు తమ పిల్లలను ఎంతగా ప్రేమిస్తారో ,వారు తమ దగ్గర ఉంటే ఎంతో సంతోష పడతారో అనేది తెలియజేస్తుంది సర్.
మీ జ్ఞాపకాలను మాతో పంచుకొంటూ,ఈకాలం పిల్లలకు మంచి మేసేజ్ ఇచ్చారు… ధన్యవాదాలు సర్.

_______బి.జానీ పాషా
కడప

Reply
1. 22.1
  
  డా.కె.ఎల్.వి.ప్రసాద్
  June 14, 2020 at 3:12 pm
  జానీ బాబూ
  మీ స్పందన బాగుంది
  ధన్యవాదాలు
  
  Reply
23

డా.కె.ఎల్.వి.ప్రసాద్
June 14, 2020 at 3:43 pm
Sir chala bagundi.. naku ma father gurthocharu.. 3 months nundi nanna ni kalavaleni situation because of corona.. you n your daughter both are so lucky.. inka elantavi meru yellapudu rasthune undali sir..

______Dr. Swathi.
Physio therapist
Hyderabad

Reply
1. 23.1
  
  డా.కె.ఎల్.వి.ప్రసాద్
  June 14, 2020 at 3:45 pm
  Dr.swathi
  Thank you somuch
  For responding
  With your
  Valuable words.
  
  Reply
24

nallanvnc9@gmail.com
June 14, 2020 at 5:06 pm
జీవితం వడ్డించిన విస్తరి కావడానికీ జీవితాన్ని వడ్డించిన విస్తరిగా మార్చుకోవడానికి ఎంతోవ్యత్యాసం ఉంది.
Born with silver spoon అంటే మన తల్లిదండ్రులు
మనకు వారసత్వ భౌతిక సంపదలు బంగారు పల్లెంలో అందించడం వడ్డించిన విస్తరి.కాని వారందించిన సదాచార
వారసత్వంగా స్వయంకృషితో జీవితంలో కావలిసినవన్నీ సమకూర్చుకోవడం రెండో కోవకు చెందుతుంది. మన కుటుంబంలోని మొదటి తరం ఉద్యోగులు ఈ వర్గంలో ఉంటారు. మీరూ నేనూ ఇలా.చాలామంది తమ కుటుంబంలో first generation employeesఅవుతారు.
పిల్ల పట్ల ప్రేమాభిమానాలు వారెప్పుడూ మన వద్ద ఉండాలనే కోరుకుంటాయి. అందరికీ ఇది సాధ్యం కాకపోవచ్చు. పిల్లల
ఆలోచనా ధోరణి సింక్రనైజ్ అయితేనే సాధ్యమవుతుంది చిరంజీవి శ్రీమతి నిహార తన కోణం నుండి కాక మీకోణంనుండి ఆలోచించింది కాబట్టే మీ సమస్య తీరింది
కృష్ణుడు చెపుతాడు. ఏసమస్య అయినా నీ దృష్టినుండి కాక
ఇతరుల దృష్టినుండి ఆలోచిస్తే పరిష్కారం లభిస్తుంది
మీ అనుభవ పాఠం నేర్పేది ఇదే

Reply
1. 24.1
  
  డా.కె.ఎల్.వి.ప్రసాద్
  June 14, 2020 at 6:20 pm
  మిత్రమా…
  భలే వుంది
  మీ స్పందన.
  మీకు ధన్యవాదాలు.
  
  Reply
25

డా.కె.ఎల్.వి.ప్రసాద్
June 14, 2020 at 5:12 pm
Santruptikara jeevanaaniki chakkani udaaharana👌

…………డా.శంకర్ లాల్
చందా నగర్
హైదారాబాద్

Reply
1. 25.1
  
  డా.కె.ఎల్.వి.ప్రసాద్
  June 14, 2020 at 5:13 pm
  డాక్టర్ గారూ
  ధన్య వాదాలు.
  
  Reply
26

కుందావజ్ఝల
June 14, 2020 at 5:30 pm
సర్ మీరు విషయాన్ని వివరించిన తీరు అద్భుతంగా ఉంది.
జీవితంలో అన్నీ మనమనుకున్నట్లుగా జరగాలని ఏమీ లేదు. సంతృప్తి కరంగా జరగడం అదృష్ఠమే.తల్లిదండ్రులకు అనుకూలంగా ఉంటూ,వారు వృద్ధి లోకి రావడం కంటే కావల్సింది ఇంకేముంటుంది.జీవితం సుఖం,దుఃఖం,సుఖం లేకపోవడం,కష్ఠం ఇట్లా అనేక స్థితులతో కూడుకున్నది. ఆధ్యాత్మికంగా ఆలోచించే వారు,జీవితంలో ఏ స్థితినైనా సమానంగా తీసుకోవాలంటారు.పిల్లలు దూరంగా ఉన్న తల్లి తండ్రులను అయ్యో ఒంటరిగా ఉన్నారే అంటరు. ఇక్కడే ఉండి పట్టించుకోని సంతానం సంగతేమిటి? ఈ విషయంలో మీరదృష్ఠవంతులు.అంతే కాదు, అర్థం చేసుకొని ఆదరించి గౌరవించే అల్లుడు అదనపు గౌరవం.అభినందనలు. ఆడ పిల్లలెప్పుడూ అమ్మలే. అమ్మ లేని లోటు తీర్చే దేవతలు.

Reply
1. 26.1
  
  డా.కె.ఎల్.వి.ప్రసాద్
  June 15, 2020 at 8:26 am
  కృష్ణ మూర్తి గారు
  మీ స్పందన అద్భుతం.
  విశ్లేషణ బాగుంది.
  మీకు ధన్య వాదాలు.
  
  Reply
27

డా.కె.ఎల్.వి.ప్రసాద్
June 14, 2020 at 7:54 pm
మీ జ్ఞాపకాలపందిర తెరచిన పుస్తకం..అభినందనలు ధన్యవాదాలు…

_____డా.వీరాచారి
రచయిత
వరంగల్.

Reply
1. 27.1
  
  డా.కె.ఎల్.వి.ప్రసాద్
  June 14, 2020 at 7:55 pm
  మీ
  స్పందనకు
  ధన్య వాదాలు
  
  Reply
28

CH SREENIVASA MURTHY
June 14, 2020 at 8:28 pm
డియర్ డాక్టర్ ప్రసాద్ గారు,
మా జ్ఞాపకాల పందిరి ని follow అవుతున్నాను. తాజాగా వచ్చిన 10 (పది) వ భాగంలో కూతురితో ఆత్మీయ అనుభవం బాగా వ్రాశారు. Please keep Continuing.
సిహెచ్. శ్రీనివాస మూర్తి

Reply
1. 28.1
  
  డా.కె.ఎల్.వి.ప్రసాద్
  June 14, 2020 at 8:56 pm
  మూర్తి గారూ
  మీ స్పందన కు
  ధన్యవాదాలు.
  
  Reply
29

డా.కె.ఎల్.వి.ప్రసాద్
June 14, 2020 at 8:55 pm
Me andamaina anubhavalanu chakkani shylilo rastunnaru Dhanyavadalu

_______కె.గోపాల కృష్ణ
హనంకొండ.4

Reply
1. 29.1
  
  డా.కె.ఎల్.వి.ప్రసాద్
  June 14, 2020 at 8:57 pm
  బాబూ…
  నీ స్పందనకు
  అభినందనలు.
  
  Reply
30

డా.కె.ఎల్.వి.ప్రసాద్
June 14, 2020 at 9:02 pm
జ్ఞాపకాల పందిరి-10 https://sanchika.com/gnapakala-pandiri-10/ It is quiet common that children should go n settle at different places after their marriage. In your case you r so fortunate that your daughter n son in law are willing to stay with you n taking care of you.

_____padma.ponnada
Narasapur
What.

Reply
1. 30.1
  
  డా.కె.ఎల్.వి.ప్రసాద్
  June 14, 2020 at 9:03 pm
  Thank you
  So much
  Madam.
  
  Reply
31

Jhansi koppisetty
June 15, 2020 at 4:23 am
ఈ భాగం చదివాక నా మనసంతా కూతురిపై ప్రేమభావనతో ఆర్దృమై పోయింది. మమకారపు విలువలు నేర్పుతూ పెంచిన మీ పెంపకం గొప్పతనమో మీకు వృద్దాప్యంలో తోడునీడగా వుందామని నిర్ణయించుకున్న అమ్మాయి ప్రేమ గొప్పతనమో నిర్ణయించుకోలేక పోతున్నాను. నిజానికి ఈ కాలంలో ఇద్దరు సంతానం వుండి ఒకరు విదేశాలకు వెళ్ళి మరొకరు ఇండియాలో వుండిపోతే వారిద్దరి మధ్య ఆర్థిక సామాజిక వ్యత్యాసాలు వస్తాయని ఆలోచించే పేరెంట్స్ ఎక్కువ.. అటువంటిది మీరు ఒకింత స్వార్ధపుటాలోచన చేసినా అమ్మాయి రూపంలో భగవంతుడు మీ కోరికను మన్నించాడు. పిల్లల మధ్య సామరస్యం వాళ్ళకు మీరు వారికి మొక్కగా వుండగానే పోసి పెంచిన మమతానురాగాల మానవ విలువల ఫలం. ఆన్షి రూపంలో ఫలాన్ని ఆస్వాదిస్తూ ఆనందంగా కాలం గడుపుతున్నారు.. అదృష్టవంతులు. మీ కుటుంబ సమేత చిత్రం, అమ్మాయితో మీ చిత్రాలు అద్భుతంగా వున్నాయి.

Reply
1. 31.1
  
  డా.కె.ఎల్.వి.ప్రసాద్
  June 15, 2020 at 8:29 am
  ఝాన్సీ గారూ
  మీ.. స్పందన
  అద్భుతంగా వుంది.
  మీకు ధన్య వాదాలు.
  
  Reply
32

డా.కె.ఎల్.వి.ప్రసాద్
June 15, 2020 at 5:51 am
Its really emotional..children are our assets. You are very blessed to have such caring children.what ever… life goes differently to each individual.stay happy with aanshi and paapa. Take care. 👍🙏

______Dr.Jhansi Nirmala.
Hyderabad

Reply
1. 32.1
  
  డా.కె.ఎల్.వి.ప్రసాద్
  June 15, 2020 at 5:52 am
  Amma
  Thank you so much
  For your.Good words.
  
  Reply
33

డా.కె.ఎల్.వి.ప్రసాద్
June 15, 2020 at 5:55 am
🙏శుభోదయం డాక్టరు గారు…
ఫలాపేక్షతో ‘సకామ కర్మ’ లను ఆచరించడం వల్ల..ఆశించిన ఫలితం రానపుడు,అనుకున్నది జరగనప్పుడు అసహనం,క్రోధం,బాధ కలుగుతాయి..అందుకే ఎలాంటి ఫలాపేక్ష లేకుండా ‘నిష్కామకర్మ లను ఆచరించాలి..అప్పడు ఫలితం ఏదైనా…అది మనల్ని ప్రభావితం చేయదు….అంటాడు జగద్గురువు భగవధ్గీతలో……
సరిగ్గా ఇదే విషయాన్ని..మీ జ్ఞాపకాల పందిరి లోని ఈ సంఘటన మరోసారి గుర్తుచేస్తుంది…
‘ఆశించడం..ఆపేస్తే….ఆనందించడం మొదలవుతుంది..అంతా మన మంచికే జరుగుతుంది’అనడానికి మీ ఈ అనుభవం ఒక తార్కాణం.

____ప్రొ.రంగారావు
హనంకొండ.

Reply
1. 33.1
  
  డా.కె.ఎల్.వి.ప్రసాద్
  June 15, 2020 at 5:56 am
  సర్,
  మీ అమూల్య
  స్పందన కు
  ధన్యవాదాలు.
  
  Reply
34

డా.కె.ఎల్.వి.ప్రసాద్
June 15, 2020 at 9:14 am
మీ జ్ఞాపకాల పందిరి లోని ఈ ఘట్టం…అన్నా చెల్లెల్ల బంధానికి,తండ్రీ కూతుళ్ళ అనుబంధానికి ఒక ఉదాహరణ.తల్లి తండ్రుల మనసెరిగి మసలుకునే పిల్లలు ఉండడం తల్లితండ్రుల అధృష్టం..అలాంటి అధృష్టవంతుల్లో…మీరొకరు…

___ఎం.రంగా రావు,
హనంకొండ

Reply
35

డా.కె.ఎల్.వి.ప్రసాద్
June 15, 2020 at 9:15 am
సర్…
మీ..సహృదయ స్పందనకు
కృత జ్ణత లండీ.

Reply
36

Sam Chintha
June 15, 2020 at 9:40 am
మీ జ్జపకాల దొంతరుల నుండి వెలువడిన ఈ సంఘటన మరియు అనుభవము చాలా చక్కగ సరళమైన భాషా పరిజ్జానముతొ మాకు తెలియచేసినందుకు మీకు వందనములు.

Reply
1. 36.1
  
  డా.కె.ఎల్.వి.ప్రసాద్
  June 15, 2020 at 11:39 am
  సామ్…
  నీ స్పందన కు
  ధన్య వాదాలు
  
  Reply
37

చిట్టె మాధవి
June 15, 2020 at 10:43 am
ఈ ఎపిసోడ్ నాకు కంటి తడి పెట్టించింది సర్…నేనూ నాన్న కూచినే…ఎంత ఇష్టమంటే చెప్పలేను…మీ అమ్మాయి మంచి నిర్ణయం తీసుకుంది సర్.అదృష్టవంతులు అన్నివిధాల అనుకూల కుటుంబ సభ్యులు.
ఇంత కన్నా ఇంకేమి కావాలి సర్.
అభినందనలు💐

Reply
1. 37.1
  
  డా.కె.ఎల్.వి.ప్రసాద్
  June 15, 2020 at 11:38 am
  అమ్మా…
  మీ స్పందనకు
  కృతజ్నతలు.
  
  Reply
38

డా.కె.ఎల్.వి.ప్రసాద్
June 15, 2020 at 11:36 am
You are lucky to have such children who are taking your care. We should not be disappointed even if we don’t get all we want. Be satisfied with what we have so that we will be happy and healthy

______ch.s n murthy
Hyderabad

Reply
1. 38.1
  
  డా.కె.ఎల్.వి.ప్రసాద్
  June 15, 2020 at 11:37 am
  Thank you
  Murthy garu
  For your
  Wonderful words.
  
  Reply
39

డా.కె.ఎల్.వి.ప్రసాద్
June 15, 2020 at 12:00 pm
Sir chala bagundi America ane mojulo padi pillalu parents ki dooramouthunnaru papa nirnayam nijanga harshincha thaginadi God bless her 🙏America velthe premalu thagguthayani kadugani parents nu chuse avakasham vundadukada pillala thaggaranunchi parents korukonedi prema,apyayathale kada sir 👌👌👌👍🙏

_______pramod.kusuma.
Teacher
Hyderabad.

Reply
1. 39.1
  
  డా.కె.ఎల్.వి.ప్రసాద్
  June 15, 2020 at 12:01 pm
  Pramod
  Thank you
  For your
  Good words.
  
  Reply
40

Aruna
June 15, 2020 at 12:39 pm
Very nice.chala manchi decision theesukundi.

Reply
1. 40.1
  
  డా.కె.ఎల్.వి.ప్రసాద్
  June 15, 2020 at 12:50 pm
  అరుణా….
  నీ చిట్టి స్పందన కు
  ధన్య వాదాలు.
  మన పిల్లలు కదా!
  
  Reply
41

డా.కె.ఎల్.వి.ప్రసాద్
June 15, 2020 at 3:46 pm
[15/06, 15:26] G.V.Prasada rao@Rtd SBH Hyderabad: 👌👌 super Analysis
Worth reading👏👏
[15/06, 15:39] G.V.Prasada rao@Rtd SBH Hyderabad: Sir during our days we use to discuss with our family members ie elder brother or younger brother or even with our sister’s husband about our kids future what to be done after completing school education.
Now kids are taking the future plans and telling us .We are not having choice to discuss with our elders
We are not able to judge their decision as they are familiar prospects ete with google searching.We are not familiar with the present technology
Both are sailing in the same boat.We both are fortunate that kid is taking care for us on this present situation.Most of our other elders are not enjoying this with a Only happiness that their kids are in USA or Australia ets
At this old age we are spending our lovely time with grandchildren that is a grate gift by God
Enjoy u time with kids who are very intelligent and knows more than us
Have a nice time
Convey my enquirer to madam

______GV Prasada Rao
RTD.Bank Manager_SBI
Hyderabad

Reply
1. 41.1
  
  డా.కె.ఎల్.వి.ప్రసాద్
  June 15, 2020 at 3:47 pm
  Thank you
  For your
  Wonderful
  Words.sir.
  
  Reply
42

డా.కె.ఎల్.వి.ప్రసాద్
June 15, 2020 at 3:53 pm
ఎంత అద్భుతమైన అనుభూతి.తృప్తికరమైన జీవనం గడుపుతుంటే.పెద్దలు అందరి బాధా పిల్లల గూర్చే అనుక్షణం…వారి కలలన్నీ పిల్లలే.పెద్దల మనస్సుని అర్ధం చేసుకునే పిల్లలు దొరకడం కన్నా గొప్ప అదృష్టం మరికేం ఉండదేమో పిల్లలకు కావాల్సింది మాత్రమే చేసే త్యాగం గల తల్లిదండ్రులకు.మీ మంచి మనస్సుకు తగ్గట్టు ….మీరు కోరుకున్నట్టు పిల్లల చెంత ఉండడం చాలా సంతోషాన్నీ,మరెందరికో మార్గదర్శనం నీ ఇస్తుంది.ఈ జ్ఞాపకంలో నాకు అద్భుతంగా నచ్చింది,సగర్వంగా అనిపించిదీ ఏమిటంటే…ఆడపిల్లంటే ఏడనో ఇచ్చే పిల్లని అనుకునే సందర్భాన్ని చెరిపి వేసి…ఒక కూతురు కొడుకులా తల్లితండ్రులకు తగిన విధంగా జీవనాన్ని మల్చుకోవడం నిజంగా గొప్ప ఇన్స్పిరేషన్…మా సోదరికీ, వారికి చక్కని జతగా తోడొచ్చిన సహృదయ మీ అల్లుడుగారికి…ఇంత మంచి పిల్లల్ని కన్న మీకు నిజంగా శుభాభినందనలు… ఇన్ని రోజుల జ్ఞాపకాల పందిరిలో ఇది సువర్ణ పందిరి.👌👌👌👌👌👌💐💐💐💐💐💐💐

____డి.నాగ జ్యోతి.శేఖర్
కాకినాడ.

Reply
1. 42.1
  
  డా.కె.ఎల్.వి.ప్రసాద్
  June 15, 2020 at 3:54 pm
  అమ్మా…
  మీ విశ్లేషణ
  అద్భుతం!
  మీకు
  ధన్య వాదాలు.
  
  Reply
43

డా.కె.ఎల్.వి.ప్రసాద్
June 15, 2020 at 3:58 pm
పదవ ఎపిసోడ్ చదివాను.మీ అనుభవాలు బాగున్నాయి.అవి ఏదో ఓ రకంగా ఇతరులకు మార్గదర్శకాలు అవుతాయని నమ్ముతాను.
పోతే…మీ పాప తీసుకున్న నిర్ణయం చాలా కరక్టు.తనూ దూరదేశాలకు వెళ్ళిపోతే మిమ్మల్ని దిగులు,బాధ వెంటాడేవి.నాకు ఆ అనుభవముంది.అందుకే ఫీలవుతూ రాస్తున్నాను.

_______బొందల నాగేశ్వర రావు
రచయిత
చెన్నై.

Reply
1. 43.1
  
  డా.కె.ఎల్.వి.ప్రసాద్
  June 15, 2020 at 3:59 pm
  నాగేశ్వర రావు గారు
  మీ స్పందనకు
  ధన్య వాదాలు.
  
  Reply
44

డా.కె.ఎల్.వి.ప్రసాద్
June 15, 2020 at 4:27 pm
వాక్యమూ జీవితమే
కావ్యమూ జీవితమే
వాక్యానికీ కావ్యానికీ మధ్యన జీవితం
ఆశను పెంచుతూనే వుంటుంది…..

______వాసి లి వసంత కుమార్
హైదారాబాద్.

Reply
45

డా.కె.ఎల్.వి.ప్రసాద్
June 15, 2020 at 4:28 pm
మీ…
చోటీ ద్వారా
స్పందించిన మీకు
ధన్యవాదాలు.

Reply
46

డా.కె.ఎల్.వి.ప్రసాద్
June 15, 2020 at 6:24 pm
జ్ఞాపకాల పందిరి, నిజంగా swayam anu ththula
Yentho prematohti penchukonna kalalapandiri. Parents ni oldage homes

lo vidachi peduthunna yerojullo thalli thandrulaku atuvanti paristiti rakudadani
tana bhavishattne panamu ga mpettina,rachayeta daughter ni mechu kokunda undaleka pothunnanu. Ativan ti
Biddalni kaligina
Parents. nijanga Dhanyulu.

_____డి.చంద్ర శేఖర్.
పంజాబ్ నేషనల్ బ్యాంకు
హైదారాబాద్.

Reply
1. 46.1
  
  డా.కె.ఎల్.వి.ప్రసాద్
  June 15, 2020 at 6:25 pm
  శేఖర్
  నీ స్పందన కు
  ధన్య వాదాలు.
  
  Reply
47

కె.ఎల్.వి.ప్రసాద్
June 15, 2020 at 9:20 pm
Hearty 🎊 Congrats Brother KLV Kavi garu.
You’re the Luckiest person since 43 years,
I was witnessed in all your activities , once you step in that will become Gold.
So today’s Gnapakalu is not Gnapakala Pandiri it’s a great Concrete two stored Prema Mandiram.
These are all by the Grace of God.
Now the generation became Changed, children’s dreams like highfly n they won’t compromise, luckily Nihara changed her opinion, thank God for that.
That’s why now you are Maha Raju n spending in your own World of prema Mandiram n, writing Lots of kavithalu.
Nowadays parents has to change according to their children, that is the present status.
Your Gnapakalu will always ideal to so many children and parents .
Thank you very much n God bless you for long life with Health, happiness n more stories.

_____Dr.ONRRao
Sr.Dental surgeon
Hyderabad.

Reply
1. 47.1
  
  కె.ఎల్.వి.ప్రసాద్
  June 15, 2020 at 9:21 pm
  Thank you somuch
  Dr.Rao
  For your
  Wonderful words&good wishes
  
  Reply
48

డా.కె.ఎల్.వి.ప్రసాద్
June 16, 2020 at 9:08 am
నాన్నతో ఉండాలని కోరుకునే సగటు తండ్రి ఆలోచనను కూతురు అర్ధం చేసుకోవడం.
కంటే కూతుర్నే కనాలనే ఓ డైలాగ్ గుర్తు చేసినా..
సమాజంలో బిడ్డే తల్లిదండ్రుల బాధ్యతలో పాలుపంచుకునే సంఘటనలే ఎక్కువ.కొడుకు గురించి ఓ అడ్జస్ట్ అవుతుంది మనస్సు.ఇది నిజం.
మీ విషయంలో కూడా…సగటు సమాజంలో కూడా.

_____డా.మల్లి కార్జున్
హనంకొండ

Reply
1. 48.1
  
  డా.కె.ఎల్.వి.ప్రసాద్
  June 16, 2020 at 9:24 am
  మల్లి కార్జున్ గారూ…
  మీ స్పందనకు
  హృదయ పూర్వక
  ధన్య వాదాలు.
  
  Reply
49

డా.కె.ఎల్.వి.ప్రసాద్
June 16, 2020 at 9:29 am
భారతీయ సమాజంలో వయస్సు కు వచ్చిన బిడ్డను ఓ అయ్యకు ఇచ్చి తండ్రి గా బాధ్యత తీర్చుకుంటాడు..ఇక ఆ రోజునుండి ఆ బిడ్డ ఆలోచన పుట్టింటి పైనే.
అదే కొడుకు విషయంలో ఐతే వాడికీ పెళ్లి చేయగానే వేరే కాపురం చూసుకుంటాడు..ఇదీ ఓ విధంగా సమాజ రీతే..!
ఐతే, బిడ్డ చూపే మమకారం కనిపించదు.
ఆదివాసీ గిరిజనుల్లో ఇవీ కనిపిస్తాయి.పుట్టింట ఏదేనా కార్యం ఐతే సుదూరాల్లో ఉన్న బిడ్డ తనకు ఉన్నదాన్లో ఏదోకొంత తీసుకొని పోయే ఆచారం నేటికీ ఉంది.

_____డా.మల్లికార్జున్
గిరిజన విజ్ణాన పీటం
వరంగల్.

Reply
1. 49.1
  
  డా.కె.ఎల్.వి.ప్రసాద్
  June 16, 2020 at 9:30 am
  మిత్రమా
  మీ..అపూర్వ స్పందనకు
  ధన్య వాదాలు.
  
  Reply
50

Neelima
June 16, 2020 at 10:00 am
డాక్టర్ గారు..
జీవితం గురించిన విశ్లేషణ చాలా బావుంది..
మీరు అదృష్టవంతులు..
అందరికీ కూతురు లేదా కొడుకు ఉన్న ఊర్లో వుండే అదృష్టం ఉండదు..
You are very lucky…

Reply
1. 50.1
  
  డా.కె.ఎల్.వి.ప్రసాద్
  June 16, 2020 at 11:02 am
  నీలిమ గారూ
  మీరన్నది
  నూరు శాతం
  నిజం.
  మీకు కృతజ్నతలు.
  
  Reply