మనిషి సుఖానికి, సౌకర్యాలకు, జల్సాలకు బానిస అయితే, వాటిని సమకూర్చుకోవడానికి సరైన ఆర్ధిక వెసులుబాటు లేకపోతే, అతడు/ఆమె ఉద్యోగి అయినా, నిరుద్యోగి అయినా, డబ్బు సంపాదన కోసం పక్కదారులు తొక్కడం మామూలు అయిపొయింది. ఈ క్రమంలో ఎంతటి సాహసానికైనా, ఎంతటి దారుణానికైనా వెనుకాడని పరిస్థితులు నెలకొంటున్నాయి. ఉన్నదానితో సంతృప్తి పడకుండా, వినోదాలకూ, విలాసాలకూ అలవాటు పడిపోయి, ఆర్థికంగా బలంగా ఉన్నవారి జీవితాలతో తమ జీవితాలను పోల్చుకుని, తమ జీవితాలను తప్పు దారుల్లోకి మళ్లించడం నేడు ఒక మామూలు పరిస్థితిగా మారిపోయింది. ఉద్యోగస్థులు ఇలాంటి పరిస్థితులకు దగ్గర కావడం బాధాకరం. దీనినే మనం లంచగొండితనం అంటున్నాము. లంచాలకు అలవాటు పడిన వారు, అది లేకుండా చిన్న పని కూడా చేయని పరిస్థితి ఏర్పడింది. అది తమ హక్కుగా భావించడం మరీ బాధాకరమైన విషయం. ఉద్యోగులందరూ లంచగొండులని చెప్పడం నా ఉద్దేశం కానే కాదు! నూరు మందిలో, పదిమంది అలాంటివారు ఉంటే చాలు, ఆ మిగతా తొంబై మందికీ ఆ చెడ్డపేరు అతుక్కు పోతుంది. ఫలానా డిపార్ట్‌మెంట్‍లో అసలు లంచాలు తీసుకోరు.. అని చెప్పుకునే ధైర్యమూ సాహసమూ ఎవరికీ లేదు, ఇదీ ప్రస్తుతం మన వ్యవస్థలో నెలకొని వున్న దుర్భర పరిస్థితి. దీనికి యాభై శాతం కారణం ప్రజలే! వాళ్ళ అవసరాల కోసం డబ్బు ఎరగా పెట్టి ఎంతటి సాధ్యం కాని పనినైనా సుసాధ్యం చేయించుకునేవారు ఎంతమంది లేరు?
ఒక ఉద్యోగి విషయానికి వస్తే, ఆ ఉద్యోగి ఇంక్రిమెంటు శాంక్షన్ కావాలంటే (అందరినీ ఒకే గాట కట్టేయలేము, అది వేరే విషయం) లంచం ముట్ట చెప్పవలసిందే! పైగా అది కింది స్థాయిలోనే జరగడం ఇంకా బాధాకరం. కోరుకున్న చోటికి బదిలీ కావాలంటే అంతో ఇంతో సమర్పించు కోవలసిందే. జి.పి.ఎఫ్ అడ్వాన్సు కావాలంటే, అడిగినంత సమర్పించు కోవలసిందే! ఇన్‌కమ్ టాక్స్ విషయంలో సమర్పించు కోవలసిందే, ఏవైనా ఎరియర్స్ వస్తే ఆ.. చేతిలో పడితేనే మన చేతిలో పడతాయి. హోమ్ టౌన్ ప్రయాణ ఖర్చులు, విహార యాత్రల ఖర్చులు (ప్రభుత్వ పరంగా వచ్చేవి) మంజూరు చేయాలంటే లంచం ఇవ్వవలసిందే! ఇన్ని రకాలుగా లంచాల ప్రసహనం కొనసాగుతూనే వుంది. పై అధికారి లంచగొండి అయితే వేరే చెప్పే పనిలేదు!
ఇక భూముల రిజిస్ట్రేషన్ విషయంలో, భూముల కబ్జా విషయంలో, ట్రెజరీ ఆఫీసుల్లో, పేదపిల్లలకు అందించే స్కాలర్‍షిప్పుల విషయంలో, ఇలా చెప్పుకుంటూ పొతే బోలెడు ఉదంతాలు బయటికి వస్తాయి. ఇదే కాదు, పై అధికారుల వత్తిడి వల్ల, రాజకీయ నాయకుల వల్ల, కొందరు తప్పని పరిస్థితుల్లో ఈ దురలవాటుకు బానిసలైపోతారు. ఇది నాణానికి మరోవైపు చరిత్ర.
ఇక నేను చెప్పబోయే నా అనుభవానికి పైదంతా ఉపోద్ఘాతం. అసలు విషయానికి వస్తే, నేను ఎదుర్కొన్న నా అనుభవం నన్ను చాలా కాలం బాధ పెట్టింది. అదేమంటే –
ఉద్యోగులు స్థానికంగా వుండి పనిచేయాలని ప్రభుత్వ ఉత్తర్వులు. దీనికి ఉద్యోగులందరూ కట్టుబడి ఉండవలసిందే! ఒకప్పుడు రవాణా సదుపాయాలు అంతంత మాత్రంగా వున్న రోజుల్లో ఇది నూటికి నూరు శాతం అమలు జరిగింది. కానీ, ఇప్పుడు రవాణా సౌకర్యాలు పెరిగాయి. పని చేసే చోట ఉద్యోగికి అవసరమైన కనీస సదుపాయాలు లేక, ఇళ్లు దొరకక పిల్లల చదువుకు సరైన విద్యాసంస్థలు అందుబాటులో లేక స్థానికంగా ఉండలేని పరిస్థితులు ఏర్పడుతున్నాయ. అందుకే ఈ అప్ అండ్ డౌన్ కల్చర్ వెలుగు చూసింది. అయితే ఇక్కడ పనికి అంతరాయం కలగకుండా డ్యూటీ చేయడం ప్రధానం.
ఈ నేపథ్యంలో నేను, నాతో పాటు, చాలామంది ఆసుపత్రి ఉద్యోగులు వరంగల్ నుండి అప్ అండ్ డౌన్ చేస్తుండేవాళ్ళం. చివరకు మాకు బాస్ అనదగ్గ డిప్యూటీ సివిల్ సర్జన్ కూడా అప్ అండ్ డౌన్ చేసేవారు, లేదంటే తెల్లవారగానే బయలుదేరి జనగాం చేరుకునేవారు. ఈ స్థానికంగా ఉండకపోవడం గురించి చాలాసార్లు, ప్రత్యక్షంగానూ, పరోక్షంగానూ, నాతో కామెంట్ చేయడం జరిగింది. ఆయన కామెంట్ వెనుక వున్న దురుద్దేశం నాకు అర్థం కాలేదు. నా డ్యూటీ నేను శ్రద్ధగా చేసుకుంటూ పోయేవాడిని.
జనగాం ప్రజలనుండి గానీ, పెద్దల నుండి గానీ, నాకు ఎలాంటి ఇబ్బంది ఉండేది కాదు. అందరూ నన్ను ప్రత్యేకంగా గౌరవించేవారు.
ఎప్పటి మాదిరి గానే ఒక సోమవారం, భాగ్యనగర్ ట్రైన్ దిగి సరాసరి నా డిపార్ట్‌మెంట్‌కి వెళ్లాను. అక్కడి పరిస్థితి చూసి షాక్ అయ్యాను. అలా ఎందుకు చేసారో అర్థం కాలేదు. ఒక్కసారిగా నాలో బి.పి పెరిగిన లక్షణాలు నాకు స్వయంగా తెలుస్తున్నాయి. అప్పుడే అటుగా వచ్చిన స్వీపర్‌ని అడిగాను.
“పెద్దసార్.. తాళం వెయ్యమన్నాడు సార్” అన్నాడు.
అతని మాటకు నిర్ఘాంత పోయాను. ఆతను చేయించిన మూర్ఖపు పనికి ఆశ్చర్యపోయాను. తోటి సహోద్యోగిని, ఇంత దారుణంగా అవమానించడం నాకు బాధ కలిగించడమే కాదు, అమితమైన కోపాన్ని రప్పించింది. అప్పుడు ఆ.. కోపం నా ప్రమేయం లేకుండానే వచ్చింది. బహుశః అక్కడ అలా కోపం రాకూడదేమో. ఆసుపత్రి సిబ్బంది నాకు ఒక శాంతి స్థానం ఇచ్చారు. కానీ నాటి కట్టలు తెంచుకున్న నా కోపం సిబ్బందిని ఆశ్చర్య పరిచింది. ఏదో ఉపద్రవం జరిగితే తప్ప నేను అలా అయివుండనని వాళ్ళకీ బాగా తెలుసు!
సరాసరి మా సీనియర్ డాక్టరు, డిప్యూటీ సివిల్ సర్జన్ దగ్గరకు వెళ్లాను. ఆయన అప్పుడు ఔట్ పేషేంట్‌లో పేషేంట్స్‌ని చూస్తున్నాడు. కోపంతో మారిన నా ముఖం చూసాడు.
“ఏంటి డాక్టర్ సాబ్?’’ అన్నాడు.
“నా డిపార్ట్మెంట్కు తాళం ఉండగా దాని మీద, మరో తాళం ఎందుకు వేయించారు?” అన్నాను కాస్త కోపంగా.
“మీరు అప్ అండ్ డౌన్ చేస్తున్నారు” అన్నాడు.
“నేనొక్కడినే అలా చేస్తున్నానా? నాతోపాటు ఎంతమంది అలా రావడం లేదు? మీరు మాత్రం చేస్తున్న పని ఏమిటీ రోజూ?’’ అన్నాను
“మిగతా వాళ్ళ సంగతి మీకు అనవసరం! నేను డిప్యూటీ సివిల్ సర్జన్‌ని, నన్ను ప్రశ్నించే హక్కు ఎవరికీ లేదు” అన్నాడు తిక్కగా.
“అవసరం నాకు వుంది. మిమ్ములను ప్రశ్నించే హక్కు కూడా నాకు ఉంది!’’ అన్నాను.
ఆయన మరో మాట మాట్లాడకుండా, నా వైపు సీరియస్‍గా చూడడం మొదలు పెట్టాడు. అప్పుడు మళ్ళీ నేనే అన్నాను.
“నేను తప్పు చేసినప్పుడు ప్రశ్నించే హక్కు మీకు వుంది. కానీ ఇలా అసభ్యంగా సిబ్బంది ముందు అవమానపరచడం కాదు. మీరు నాకు మెమో ఇచ్చి వుండాలిసింది. ఏమి సమాధానం ఇచ్చేవాడినో తెలిసేది, అందరి భండారమూ బయట పడేది” అన్నాను.
“మీరు రూల్స్ బాగానే మాట్లాడుతున్నారు” అంటూ తన కుర్చీ లోనించి లేచి, చర.. చరా.. బయటికి వచ్చి, నాల్గవ తరగతి ఉద్యోగుల సంఘం అధ్యక్షుడు గది వైపు స్పీడుగా నడవడం మొదలు పెట్టాడు. నేను అతని కంటే స్పీడుగా వెంబడిస్తూ, ఆయనకు వినపడేలా బిగ్గరగా –
“సార్.. మీకు అయిదు నిముషాలు సమయం ఇస్తున్నాను. ఈ లోగా నా డిపార్ట్మెంట్ గదికి వేసిన పై తాళం తీయించకపోతే, జరిగే పరిణామాలకు నేను బాధ్యుడిని కాదు” అన్నాను.
అప్పుడు లాబ్ అసిస్టెంట్‌గా వున్న ఒక ముస్లిం సోదరుడు, నాల్గవ తరగతి యూనియన్ అధ్యక్షుడిగా ఉండేవాడు. కొన్ని సాంకేతిక కారణాల వల్ల ఇక్కడ వ్యక్తుల పేర్లు ప్రస్తావించడం లేదు. డిప్యూటీ సివిల్ సర్జన్ గారు సరాసరి యూనియన్ అధ్యక్షుడి గదిలో దూరి –
“చూడవయ్యా.. ఈ డాక్టర్ నన్ను కొట్టడానికన్నట్టు తరుముకొస్తున్నాడు” అన్నాడు. అప్పటికే అతనికి విషయం తెలిసింది. నా గురించి కూడా అతనికి బాగా తెలుసు – అప్ అండ్ డౌన్ చేసినా, ఎప్పడూ లోకల్ సిబ్బంది కంటే, నేనే ముందు డిపార్ట్మెంట్ తెరుస్తానని; రోగులకు అసౌకర్యం కలిగించనని. అందుకే అతను వెంటనే –
“ఎందుకు సార్.. నాకు చెబుతారు, ఈవాళ గొడవ జరిగినా.. రేపటి నుంచి, మీరంతా ఒకటే కదా!’’ అని డిప్యూటీ సర్జన్‌కి రెండు చేతులు జోడించి నమస్కారం పెట్టాడు.
ఆయన మారు మాట్లాడకుండా బయటికి వెళ్లి అటెండర్ చేత నా గదికి వేసిన పై తాళం తీయించాడు. తాళం తీసి ఉండకపోతే ఏమి జరిగేదో కానీ, విషయం ఇలా ముగిసినందుకు తృప్తి పడ్డాను. నా తాళంతో గది తెరచి నా డ్యూటీ నేను చేసుకుని యథా ప్రకారం గోల్కొండ ఎక్స్‌ప్రెస్‌లో ఇంటికి తిరిగి వచ్చేసాను.
మరునాడు మామూలుగానే సకాలంలో ఆసుపత్రికి వెళ్లి డిపార్ట్మెంట్ తెరుచుకుని పనిలో పడ్డాను. ఓపీ సమయం అయిపోతుందనగా, నా మరో సీనియర్ డాక్టర్ గారు నా డిపార్ట్మెంట్కు వచ్చారు. విషయం అంతా తెలుసుకున్నట్టున్నాడు. నా ఎదురుగా వున్న కుర్చీలో కూర్చుని, “ముసలాయన మీనుండి ఏదో ఆశిస్తున్నటున్నాడు, ఇచ్చేయక పోయారా?’’ అన్నాడు నవ్వుతూ.
“అతనికి లంచం ఇచ్చే ముచ్చట లేదు సార్..’’ అన్నాను.
“డబ్బులు కాదండీ, మనవాడు మందు మాష్టర్ కదా.. ఒక ఫుల్ బాటిల్ ఇచ్చేయండి,ఇక మీ జోలికి రాడు..’’ అన్నాడు.
“అది నావల్ల జరిగే పని కాదు సార్..!’’ అన్నాను.
“అది కాదు సార్.. అతను మన అధికారి. అతను ఏమి రాసినా మన పై అధికారులు నమ్ముతారు. ఎందుకు మీ ప్రశాంత జీవితాన్ని పాడు చేసుకుంటారు. మంచి రికార్డు పాడు చేసుకుంటారు?’’ అన్నాడు.
నాకు ఇష్టం లేని ఈ పని గురించి చాలా సేపు ఆలోచించాను. చివరికి ఒక నిర్ణయానికి వచ్చాను.
“సార్.. మీరు నాకు ఒక సహాయం చేయాలి’’ అన్నాను.
“చెప్పండి.. నేను చేయదగ్గది అయితే తప్పక చేస్తాను “అన్నాడు.
“మీరు చేయగలిగిందే! నేను ఎలానూ మీరు చెప్పిన పని నా చేతులతో నేను చేయలేను. అదేదో మీరు కానివ్వండి, దానికైన సొమ్ము నేను మీకు ఇచ్చేస్తాను.’’ అన్నాను.
“దానిదేముంది.. ఆ పని రేపే చేద్దాం. నేను ఆయనకు చేయూత లెండి’’ అన్నాడు నవ్వుతూ కుర్చిలోనించి లేస్తూ..
చెప్పినట్టుగానే, మరునాడు పెద్దమనిషికి బాటిల్ అందడమూ, నాకు సలహా ఇచ్చిన డాక్టరు గారికి ఖర్చు అయిన సొమ్ము నేను చెల్లించడమూ జరిగిపోయాయి. ఆయనకు థాంక్స్ చెప్పాను.
ఇక్కడ కొసమెరుపు ఏమిటంటే, మరుసటి రోజునుండీ మా డిప్యూటీ సివిల్ సర్జన్ గారు నన్ను కలిసి “డాక్టర్ సాబ్.. బాగున్నారా? పిల్లలు మేడం బాగున్నారా?” అని పలకరించడం మొదలు పెట్టారు.
చూసారా.. సమాజంలో ఇలాంటి వారు కూడా వుంటారు. మన స్వార్థం కోసం, ఇలాంటి వారిని పోషించవలసిన దుస్థితి వల్ల, ఈ లంచగొండితనం చాపక్రింద నీరులా.. నలుదిశలా పాకుతూనే ఉంటుంది. మార్పు ఆశిస్తున్నది మనమే.. లంచగొండితనం పోషిస్తున్నది మనమే!
ఇప్పటికీ నేను చేసిన పని నా సున్నిత హృదయంలో ముల్లులా గుచ్చుతూనే ఉంటుంది.
(మళ్ళీ కలుద్దాం)
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.
చాలా బాగుంది
____రావుల పాటి హైదారాబాద్
ధన్యవాదాలు సర్
పరిస్దితులు మిమ్మల్ని ఆవిదంగా ఉసిగొల్పాయిఅని ఖచ్చితంగా అర్ధం అవుతుంది సర్ . సమాజంలో ఆనాటికే అలా ఉంటే నేటి పరిస్ధితులు ఎలా ఉంటాయో అర్ధం చేసుకోవచ్చు. ఇక మీ సహోద్యోగి చెప్పినట్లుగా ప్రశాంతవాతావరణం చెడగొట్టుకోవడం మంచిధికాదు అనేది సుస్పష్టం. లంచగొండిల గురించి మీ ఙ్ఞాపకాల పందిరి జనాలకు మరో అనుభవంగా మిగులుతుంది. మీకు ధన్యవాదములు సర్
సాగర్ మీ స్పందన కు ధన్యవాదాలు
Udyogam unna Chotane undaalane rule valla vachhina samasya idi.Rule violate cheyyataanni accept chestunna kaabatti nannu please cheyyalani boss korika….ego problem….boss is always right…. Mothaaniki samasya parishkaaramaindi…mee anubhavam chaalaa mandiki lesson….
థాంక్ యు జయపాల్ రెడ్డి గారు.
మానవజీవితంలో కొన్ని సంఘటనలు ఎలా జరుగుతాయంటే , మనప్రమేయం ఏమీ లేకుండానే మనకు ఇష్టంలేని పనులే అయినా చెయ్యకుండా ఉండలేని “ కంపల్షన్ “ వచ్చితీరుతుంది .. సరిగ్గా. మీ విషయం లో జరిగింది ఇదే .. కాకపోతే ఇది మీ వ్యక్తిగతం మాత్రమేగాక సమాజానికంతా సంబంధించింది కావడం విశేషం .. అదే “ లంచం “ .. మీరు మీ ఉపోద్ఘాతపు మాటల్లో లంచం విశ్వరూపాన్నీ , లంచగొండుల తత్త్వాన్నీ విపులంగానే చెప్పి మీ అనుభవానికి చక్కని పునాది వేశారు .. లంచందగ్గరకు వచ్చేసరికి డిగ్నిటీలూ , నీ నా భేదాలూ , స్నేహాలూ , ఆత్మీయతలూ ఇలాంటివేవీ అడ్డు రావు …. వాళ్ళ కు ఈసందర్భంలో రావలిసింది తప్ప ఏదీ కనిపించదు .. అందుకే ఒక కవిమిత్రుడు … “డిగ్రీలను కట్నాలకు డిగ్నిటీని పుట్నాలకు డీసెన్సీని లంచాలకు అమ్ముకొన్న అవివేకులు అభ్యుదయానికి బ్రేకులు …” అంటూ వాపోయాడు … ఇది మొత్తం ప్రపంచంలో వైరస్ లాగా వ్యాపించిన జాడ్యం … దీని విశ్వరూపం ప్రతివానికీ తెలుసు .. కానీ చివరకు ఏదో ఒక చోట రాజీపడాల్సిన దుస్థితి … చివరకు మీకూ అదే పరిస్థితి రావటం మీరన్నట్టు ఎప్పటికీ గుచ్చుకునేముల్లే … సందేహం లేదు …
గురువు గారూ మీ విశ్లేషణ చాలా బాగుంది. ధన్యవాదాలు.
ఆరోజుల్లో dm&ho lu kooda expect చేసేవారు. Woman assistant surgeon s chaala badhagavundedi. Ala expect చేసినవాళ్లు. భుజాలు తడుము కునెట్లు రాశారు
____Dr.Anjani Devi HANAMKONDA
Thank you madam.
లంచం తీసుకోవడానికి తరతమ బేధాలుండవు.
ధన్యవాదాలు.
మీ రచన ఇదో రకం చాలా బాగుంది సార్,ప్రతీ డిపార్ట్మెంట్ లో రమా రమీ జరుగుతున్నది ఇదే దానిని మీరు కళ్ళకు కట్టినట్లు చూపించారు, అప్ అండ్ డౌన్ చేసిన ఉద్యోగులంతా ఇది ఎదుర్కొనే సమస్యే, కొందరు అవినీతిని ఆశిస్తూ ఇబ్బంది పెట్టాలని చూసినవారూ ఉన్నారు, మరొకొంతమంది మెమోలు ఇచ్చి జీతం కట్ చూసినవారూ ఉన్నారు, అలాగే తాళం మీద తాళం వేసేవారూ ఉన్నారు, మన జీవన పయనంలోఇలాంటిముళ్ళూ, రాళ్ళూ , ఎత్తుపల్లాల కూటమి లు ఎదురవుతుంటాయి, వాటిని ఎదుర్కొంటూ ముందుకు సాగడమే మనిషి చేయవలసిన పని, దానినే మీరు సున్నితమైన పదజాలంతో చక్కగా వివరించారు సార్ డా, ప్రసాద్ గార్కి నా అభినందనలు🌹
____రాయవరపు సరస్వతి విశాఖపట్నం.
సరస్వతి గారూ ధన్యవాదాలు
‘ఇదో రకం’ మీరు వ్రాసిన, జరిగిన సందర్భాలు అన్ని మామూలు ప్రక్రియ లాగా సాగిపోతుంది, ఏమీ చేయలేని దుస్థితి. ఒకవేళ ప్రశ్నించగా మనమే పరిణామాలు ఎదుర్కోవాల్సిదే. కులం, మతం, ప్రాంతం, వర్గ, విభేదాలు వాటితో పాటు లంచగొండి తనo అన్ని ఒక ఉద్యోగి ఎదురు కోక తప్పదు. ఇది నైజం, నిజం. బాధను భరించాలి, తప్పదు, మనసుకి కష్టం, తప్పదు..
____ప్రొ.రవి కుమార్ కాజీపేట
బ్రదర్ ధన్యవాదాలు
చాలా బాగుంది మామయ్య, ఫుల్ బాటిల్ పవర్ 😀
అవునుఅవునుమరి. ధన్యవాదాలు అశోక్
సర్ మీ కథ ఎప్పటిలాగా బాగుంది. అయితే నా అనుభవం ఒకటి మీతో పంచుకోవాలి, నాకు మథ్యం అలవాటు లేదు , నా చదువు, నాన్నగారి రిటైర్మెంట్ ఒకే రోజు ముగిసాయి. నాన్నగార్ని రిటైర్మెంట్ ముందు చాలా ఇబ్బందులు ఉద్యోగరీత్యా ఉండేవి , అయితే ఆయన service file లో కొన్ని papers , warangal నుంచి రావాల్సి ఉన్నది. కానీ అక్కడ ఉన్న అయన ఏదైనా చేతికి ముట్టితేకాని ఇవ్వడానికి తయారుగా లేడు. ఈ తరుణం లో ఒక పెద్దమనిషి సలహా మేర ఒక ఫుల్ బాటిల్ కొని అ ఆ పెద్దమనిషి కి సమర్పించి ఆ కాగితాలు పుచ్చుకొని వెనుకకి వచ్చాను. ఇ పని చేసినందుకు ఎంతో కాలం బాధపడ్డాను, ఎప్పుడూ వైన్ షాపు మెట్లు ఎక్కని వాడిని ఎక్కానని ఇంకో క బథ. కొన్ని రొజులకి నారాయణ రావు గారని నాన్నగారితో పని చేసిన ఒక అయిన వారి ఇంటికి పిలిచి , విషయం తెలుసుకొని నన్ను బుజ్జగించి, లక్ష రూపాయల ఇచ్చినా జరగని పని ఒక సీసా తో పోతుంది రా బాబూ అని సలహా ఇచ్చారు. వారికి విషయం ముందే తెలిసిందో ఏమొ. నేను ఆ పని చేయడానికి కారణం నాన్నగారిని కాగితం రాలేదు అని నిరుత్సాహ పరచటం ఇష్టం లేక.
___డా.డి.సత్యనారాయణ హైదారాబాద్.
ధన్యవాదాలు డాక్టర్ గారూ…
Lancham kosam arrulu chaashedi jalsaaraayullu , asamthrupthulu …. Lancham ki antham eppudo.. Mee anubhavaanni baagaa vivarinchaaru 👌👌👌 Abhinandanalu 💐💐💐 Andukondi 💐💐💐
రావు గారూ మీకు ధన్యవాదాలు
Bagundi sir . Athma vimarsa manchi lakshnam congratulations💐
____డా.డి.సుజాత విజయవాడ
డాక్టర్ గారూ మీకు ధన్యవాదాలు
పరిస్థితులకు తలవంచి, లంచాలను ప్రోత్సాహించేది మనమే..లంచం తీసుకోవద్దని గొంతెత్తేది మనమే..ఎప్పుడు మారు.మన సమాజం
____జి.శ్రీనివాసాచారి. కాజీపేట.
చారి గారూ ధన్యవాదాలు
డాక్టర్ గారు..
లంచగొండితనం గురించి బాగా చెప్పారు.. లంచం ఇవ్వడం ,తీసుకోడం అనేది జన్మ హక్కు ల అయిపోయింది.. నిజాయితీ గా వుండేవారికి ఎంత ఇబ్బందికరమో మీ అనుభవంలో వివరించారు.. ధన్యవాదాలు…
అమ్మా.. మీ స్పందన కు కృతజ్నతలు
బాగా చెప్పారు ప్రసాద్ గారూ!
____జి.వి.ప్రసాద రావు హైదారాబాద్.
ఒక్కొక్కసారి మనకు పొస గనివి మనం కోరని వి మనం ద్వేన్వేషించుకునేవి చేయవలసి వస్తుంది ఆయన ఒక విధంగా సహకరించాడు అంటే మనసు అంగీకరించక పోయినా ఆ పని చేయడం వల్ల మీరు ఎన్నో కష్టాల నుండి తప్పుకున్నట్లు అయింది తప్పదు మరి మన స్వభావానికి వ్యతిరేకమైన ప్పటికీ
_____రషీద్ హైదారాబాద్
వ్యవస్థ లో బ్రతుకు భద్ర జీవితాన్ని కోరుకున్నప్పుడు ఆ వ్యవస్థ లో ఏదోరకంగా ఎంతో కొంత భాగం కాక తప్పదు మీ మిత్రుడు చెప్పిన సలహా సారాంశం అదే, మీ అంగీకారానికి కారణం కూడ అదే. …….. దీన్ని మరోలా చెప్పడమే Life is adjustment
____బ్రహ్మచారి హనంకొండ.
నిధి గారూ ధన్యవాదాలు
లంచం ఇచ్చి లంచగొండితనాన్ని పోషించాలని ఏ వ్యక్తికీ (ఎక్కువ మంది కి) ఉండదు. విధిలేని పరిస్థితుల్లోనే ప్రజలు లంచాలు ఇస్తూ ఉంటారు( మీరు ఇచ్చినట్టుగా) ! కాబట్టి లంచగొండితనాన్ని ప్రజలు కావాలని పెంచిపోషించరు.నిజానికి ఎక్కువమంది ప్రజలకు ఈ పని అసలే నచ్చదు.అయినా వారికి తప్పదు.ఇది ఒక వ్యవస్తీకృత జాడ్యం. ఇది ఆధునిక పాలకుల వైఫల్యానికి చిహ్నం సార్
శ్రీనివాస్ మీ స్పందన కు ధన్యవాదాలు.
గొప్ప అనుభవం. జీవితంలో ఇవే కథలవుతాయి. సిగ్గు లేకుండా జీవించే..కాదు.. బతికేసే పురుగు మనుషులు మన చుట్టూ ఎప్పుడూ వుంటారు. దాన్ని వాళ్లు తమ ప్రతిభ అనుకుంటారు. నిజాయితీ వాళ్ళ దృష్టిలో చేతకానితనం.
సరసి గారూ మీకు ధన్యవాదాలు
మీరు వ్రాసింది అక్షరసత్యం.ప్రతివాడు ఏమనుకుంటున్నాడూ అంటే నేనొక్కడినీ మడికట్టుకుంటే లోకం పవిత్రమవుతుందా అని.అట్లా ప్రతి వారు జీతం కన్నా పైరాబడి ఆశిస్తు న్నారు. లేదా విందు ,ఆడవారయితే పొందు కోరుతున్నారు.ఒకవేళ మీరు సర్జన్ గారికి విందు ఏర్పాటుచేయక పోతే మీకెరీర్ కు ఇబ్బంది కల్గించే వాడు.అప్పుడు తోటివారు ఎందుకురా గోటితోపోయేదానికి గోడ్డ లిదాకా తెచ్చుకున్నాడుడాక్టరుగారు అనేవారు.మనం చేయలేనిపని ఎవడో ఒకడుచేస్తాడు.సాహసంచేయడానికి వయస్సు కుటుంబపరిస్థితులు సహ కరించాలికదా .
___డా.వజ్జల రంగాచార్య హనంకొండ
సర్ మీ స్పందన కు ధన్యవాదాలు.
మన వ్యక్తిత్వాన్ని పరిస్థితులకనుగుణంగా కాంప్రమైజ్ చేయక తప్పదు ఒక్కోసారి… నూటికో కోటికో ఒక్కరుంటారు లంచం ఇవ్వనని భీష్మించుకుని కూర్చునేవాళ్ళు…. వాళ్ళు సుఖ జీవనం సాగించిన దాఖలాలు ఏమీ లేవు… మనసును చంపుకుని నలుగురితో నారాయణ అనుకున్నప్పుడే జీవితం సాఫీగా సాగిపోతుంది.. ఇటువంటివి చదివి కూడా ఏ మనిషి మారకపోవటం విచారకరం😢😢😢
బాగా చెప్పారు ఝాన్సీ గారూ ధన్యవాదాలు
lancham mana deshaaniki pattina athi pedda dourbagyam. Lancham evvaleni nenu chaala kolpayanu. Manushulu maarali. Patya pustha kaalalo moral lessons undali.
____RAMESH.K HANAMKONDA
Thank you Ramesh For your Response
Very Dynamic n Dashing Gnapakam, some times may be experienced unexpected n unwanted things happened . At that moment for the sake of particular person or public, we have to do some nonsense things to be done otherwise we will be in soup. Now also you have dare enough to write althose things because this type of nusence, you may get another problems. Any how this Gnapakam will raise the BP in your life, I think this type of situations are very rare in your life why because you are Sooo soft n kind hearted person. Now a days officers are like that ,thats why there is no confidence on Departments.
సార్ నమస్తే!మీ “జ్ఞాపకాల పందిరి”-18ని చదివాను.మీరు రాసింది వాస్తవం.లంచం అన్నది చిన్నా పెద్దలనేకాదు చిన్న స్థాయి వుద్యోగినుంచి పెద్దస్థాయివరకూ అతి సహజంగా వుంది.మీలాంటి కొంతమంది నిజాయితీ పరులను సైతం తన వేపుకు తిప్పుకొంటుంది.అది మననుంచి దూరం కాదు.అసలు పోదు మరి.
____బొందల నాగేశ్వర రావు చెన్నై
నాగేశ్వర రావు గారు మీ స్పందన కు ధన్యవాదాలు
మన తప్పిదాలను, లోపాలను ( head quarters లో లేక పోవటం) సొమ్ము చేసుకోవటం ఆయన చేసిన పని. Compensation గా మీరు మందు బాటిల్ ఇచ్చారు. చెల్లుకు చెల్లు. కానీ మోరల్ గా మీ విధులకు మీరు ఎలాంటి అన్యాయం చేయలేదు కాబట్టి, మీకు మంచి మనసాక్షి ఉన్నట్లే. కానీ చేదు గుర్తుగా మీకు మిగిలింది
అవునండీ… మీ స్పందన కు ధన్యవాదాలు.
Good evening sir కొన్ని పనులు మనకి ఇష్టం లేకపోయిన చెయ్యవలసి వస్తుంది it is also struggle for existence ప్రస్తుతం మనం గొంగళిలొ అన్నం తింటున్నాము వెంట్రుకల గురించి బాధపడకూడదు మొత్తానికి ఒక bottle తొ కథ సుఖాంతం సంతోషం🌺💐🌹
. ____శ్రీహరి.కొణతమ్ .. హనంకొండ
శ్రీహరి గారూ మీ స్పందన కు ధన్యవాదాలు
వారం వారం ఎంతో ఆసక్తికరంగా పాఠకులలో ఉత్సాహాన్ని, స్ఫూర్తిని నింపుతున్న మీ జ్ఞాపకాల పందిరిలో ఈ సారి ఏ సందేశం మాకు అందిస్తారా అని ఎదురు చూసి చదివిన మాకు మీరు ఎదుర్కొన్న పరిస్థితి చాలా క్లిష్ట మైనది సార్. నిజంగా నీతి నియమాల మాల ధరించిన ఎవరికైనా అది అంకుశం లా మనసును తూట్లు పొడుస్తూనే ఉంటుంది. లంచానికి అలవాటు పడ్డ ఆ దేహానికి దాహం తీరింది కాబట్టి ఎన్ని ఊసరవెల్లి వేషాలైనా వేయగలనని ఋజువు చేసుకున్నాడు.మనిషికి మంచి వ్యక్తిత్వమే సరైన ఆభరణమనే మీ నీతి నిజాయితీ చూస్తేనే అర్ధం అవుతుంది నిజంగా మీ జ్ఞాపకాల పందిరిలో అన్నీ సమాజానికి సరైన సందేశ మిచ్చే తీయని జ్ఞాపకాలు సార్ మీ మంచితనానికి హృదయపూర్వక అభినందనలు మీకు 🙏🙏🙏🙏🙏🙏🙏🙏🙏🙏🙏
అమ్మా మీ ఆత్మీయ స్పందనకు ధన్యవాదాలు
ప్రభుత్వ ఉద్యోగుల లో అధికారులు కింది స్థాయి ఉద్యోగులను బాధపెట్టడం చాలా బాధాకరం
____డా.బి.ఎం.ఎస్.శంకర్ లాల్ . హైదరాబాద్
బ్రదర్ మీ స్పందనకు ధన్యవాదాలు
ముగింపు “మార్పు ఆశిస్తున్నది మనమే.. లంచగొండితనం పోషిస్తున్నది మనమే”! చాలా బాగుంది. మార్పు ప్రజల్లో నుంచి కూడా రావాలి. పెద్దలు చెప్పినట్లు కొన్ని రూల్స్ లో మార్పులు కూడా రావాలి. అంగీకరిస్తాను. కానీ ప్రజల్లో మార్పు చాలా ముఖ్యం. అనిల్
అనీల్ గారూ మీ స్పందన కు ధన్యవాదాలు
Unavoidable situation..Everybody knows.can’t help..Top to bottom are corrupt…There is remedy for cancer but not to this system.one kind of mafia..good message as usual.
____Dr.Jhansi Nirmala Hyderabad
Thank you Dr. For your response
ఈ రోజు మీ జ్ఞాపకమ్ నిజాయితీ పరుణ్ణి బలవంతాన ఒక దుస్థితి వైపుకు తోసేసే వ్యక్తిత్వాలకు చెంపపెట్టు.మన మానాన మనం నిబద్ధతతో పనిచేస్తున్నా ఇలాంటి చేదు అనుభవాలకు లోనూ కావాల్సి రావడం,లొంగాల్సి రావడం నిజంగా చాలా విచారకర స్థితి.మీరు ధైర్యంతో ఎదుర్కొన్న తీరు బావుంది.యంత ఉన్నత ఉద్యోగంలోఉన్నా వ్యక్తిత్వం లేని,వ్యసనపరులకు ఉదాహరణ మీ పై డాక్టర్ గారు.వారు మీ జీవితంలో నచ్చని పనిచేయించి మీ మనోవ్యధకు కారణం అయ్యారు.ఇలాంటి వారు సృష్టించే వాతావరణాలు ఎలా ఉంటాయో కళ్ళకు కట్టినట్లు చెప్పారు.చివరిలోముక్తాయింపు చాలా బావుంది.ఆలోచనలో పడవేస్తుంది.మంచి జ్ఞాపకాన్ని పంచుకున్నారండీ💐💐💐🙏
____నాగజ్యోతీ శేఖర్ కాకినాడ
అమ్మా మీ స్పందన కు ధన్యవాదాలు.
లంచం ఇవ్వడం తప్పు అని మనస్సులో అనిపించిన తప్పనిసరి పరిస్థితుల్లో చాలా సార్లు పని త్వరగా అవ్వడం కోసమో,లేదా పై అధికారుల అనవసరమైన గొడవలు ఎందులే అనుకుని మన మనసాక్షిని భాథపెట్టుకుని ఇలాంటివారికి లంచాలు ఇచ్చి ఒకరకంగా మనమే ఇలాంటి వారిని మనమే లంచాలు తీసుకోవడం వాళ్ల హక్కు అనేలా మనమే ప్రోత్సహిస్తున్నామో అనిపిస్తుంది సర్.
మీ మనస్సు నొప్పించిన సంఘటన ఓ చెదు జ్ఞాపకంలా మరిచిపోండి సర్.
భాషా మీ స్పందన కు ధన్యవాదాలు.
Thank you sir for sharing your experiences, they help many who are in the initial stages of career like me and gives an idea to deal such situations which we feel we can’t tolerate but end up doing them to make things go easier sometimes.
___Dr.Harika Karimnagar
Thank you Dr.Harika
జ్ఞాపకాల పందిరి-18 https://sanchika.com/gnapakala-pandiri-18/ Avunu sir Mana tappu lekapoyina elanti Lancha gondu lani baarincha valalisi vastondi. Ee anubhavam leni vaaru antu evvaru undaru. Anthala verlu paatuku poyindi vyastalo kindi stayi nundi pi stayi varaku. Echhina vaallu value based kabatti guilty, puchhukunna vaariki ee value leni vaaru kabatti guilt lekunda tirugutaaru. Prastutam A.P lo paristutulu maarutunnayi. Let us hope for the best.
____padma.ponnada. Narasapur.
Madam Gary Thank you For your Valuable response.
ఈ సమాజం నిన్ను నిన్నుగా ఉండనివ్వదు. అది తన పద్ధతికి నిన్ను మారేలా చేస్తుంది. నా సర్వీసులో కూడా నేను చేసిన పనికి జీతం తప్ప ఇంక ఏది ఆశించలేదు. కానీ నీకు గుచ్చుకున్న ముల్లు నాకు చాలా సార్లు గుచ్చుకుంది, సర్కారీ పనులు కావలసి వచ్చినప్పుడు. ఈ మార్పు, పై నుంచి రావాలి గాని, క్రిందనుంచి రాదు…
___కృష్ణ మోహన్.వై ఆస్ట్రేలియా (బెంగుళూరు)
మిత్రమా మీ స్పందన కు ధన్యవాదాలు
మీ జ్ఞాపకాల పందిరి చదివాక నాకు కలిగిన ఆలోచనలు… తన ఆర్థికస్థోమతకు సరిపడే స్థాయికి మించిన జీవితాన్ని ఊహించికుని అందుకు అవసరమైన డబ్బుకొరకు అడ్డదార్లు…తొక్కడం.వల్ల,… ఇరుగుపొరుగు వారితో పోల్చుకొని ఆడంబరాల కొరకు ఇంట్లో వాళ్ళు చేసే ఒత్తిడిని తట్టుకోలేక వాటికొరకు వక్రమార్గంలో సంపాదనకు తెరతీయడం వల్ల….. న్యాయంగా జరగని పనిని వక్రమార్గంలో జరిపించుకోవడం కోసం లేదా తొందరగా పనిని జరిపించకోవడానికి వ్యక్తులు డబ్బును ఎరగా చూపినపుడు తేరగా వస్తుందికదా అని అలవాటుపడడం వల్లనో….. ఎలాగైనా సంపన్నుడినవ్వాలనే దురాశతోనో…ఉద్యోగులు లంచగొండులుగా మారుతున్నారు….దీనికి లంచగొండిగా మారిన ఉద్యో గితో పాటు దానికి కారణమైన ఇతరులూ బాధ్యులే…ఇది ఎప్పుడంతమౌతుందో…. ఈ విషయంలో తాగుబోతు లైన అధికారులు…డబ్బుకంటే మందుకే తొందరగా వశులవు తారను మాట మీ అనుభవంతో మరోమారు నిరూపితమైంది… ఎంత ఉన్నత స్థానంలో ఉన్న అధికారి నైనా ఈ దుర్వ్యసనం ఎంతో అధమస్థాయికి దిగజారుస్తుందనడానికి మీ జ్ఞాపకాల పందిరిలోని ఈ పత్రం ఒక ఉదాహరణ..
___ప్రొ.ఎం.వి.రంగారావు హనంకొండ
రంగారావు గారూ మీ స్పందన కు ధన్యవాదాలు
In these days even though we don’t want to take or give bribe, it is not possible. We may not take but some times it is essential to give extra money. particularly in the case of registration department, and forsome essential certificates like birth, death and income. Small tips though not required to pay, we used to pay. Example hotel tips, tips to taxi drivers, and gas delivery boys. In government departments when we want to get some subsidy we don’t mind bribing also to get the benefits
____Ch.S N Murthy Hyderabad
Murthy garu Thank you somuch sir.
ఇదోరకం..అప్పటికి సరిపోయిందేమో కానీ మీ సీనియర్ వచ్చి అడగడం ఏం బాలేదనిపించింది..నిజంగా హెడ్ కన్నా ఇతనే లంచావతారం గా కనిపిస్తోంది..నిజంగా ఆనాటి మీ కోపం ఓ మార్పు కు నాంది అయ్యేది.తర్వాతి తరం ఇది మిస్ చేసుకుంది.
___డా.మల్లికార్జున్ హనంకొండ
మీ స్పందనకు ధన్యవాదాలు
మార్పు మెల్లగా వస్తుంది సర్ 👌🙏🏻
____భూమెశ్వర్ నిజామాబాద్
ధన్యవాదాలు భూమెశ్వర్
Gd Mng doctor garu. As you said, to have a peaceful career or life ahead, we need to palm certain amount of greece. Knowingly we commit certain sins for peace. Whether it’s good or bad we leave it to God.
____Surya narayana rao Hyderabad
Thank you Somuch sir
లంచము లాంచనమైనది అంటూ ఎప్పుడో పద్యము వ్రాసాను. ఇందుగలదందు లేదను సందేహమువలదు అవినీ తెందువెదికి చూచిననం దందేగలదు గాంచుమయ్య అద్వైతసిద్ధిన్ అనీ రాసాను పేరడీ ప్రసాదుగారు బాసోత్తములు కాదనర్హులు మందుకూ విందుకూ పొందుకూ పొందేందుకూ అర్థానికి స్వార్థానికీ బానిసలు బకాసురులు మీకథనంలో ఆవేదన ఉంది..ఆలోచన నిచ్చింది మహబూబాబాదులో ఒక ప్రిన్సిపాల్ ఉండేవాడు ఒకేరైలులో వెళ్ళినా గబగబా ముందు వెళ్ళి స్టాఫ్ కు లేట్ మార్కు వేసేవాడట కాని చరువాత స్టాఫ్ మార్కు రియాక్షన్ కు.మానేసాడట . బాసులందు వేరు బాసులుండరు
చాలా బాగా రాసారు ధన్యవాదాలు సర్
ప్రభుత్వ కార్యాలలొ జరిగే అరాచకాలను బాగా వివరించాను .చాలా సాధారణమైన విషయాలు.బాగుంది .
____నాగిళ్ళ రామశాస్త్రి హనంకొండ.
శాస్త్రి గారూ… మీ స్పందన కు ధన్యవాదాలు
లంచం ఇవ్వడం తీసుకోవడం తప్పే కానీ bottle ఇవ్వటం తప్పుకాదు. మరి దీపావళి కి వెరే పండగలకీ స్వీట్స్ ఇస్తాం,మరి అధి కొందరికి ఇష్టం. మరి అధి లంచం కాదా. 1998లో మా DM చాలా న మంచివాడు వచ్చారు. కాని సెరియస్ . ఎంతకూ స్నేహం గా వుండడు. తరవాత తెలుసింధి తాగిస్థె చాలని. ఒక్క సారి మాత్రమే విస్కీ బాటిల్ ప్రెసెంట్ చెసి carlo పెట్టించా. 3 years ఇంక నాతో చాలా బాగా వున్నాడు. సహాయం చేసాడు. గొప్పగా స్నేహితుడు గా మారాడు. ముఖేష్ పాటలు పాడెవాడు. నిజానికి చాలా ఇంటెలిజెంట్ అండ్ మంచివాడు. యెమి ఆశించడు. డబ్బులు తీసుకోడు.
_____శ్యాం కుమార్ నిజామాబాద్
శ్యాం… నీ స్పందన కు ధన్యవాదాలు
లంచం ఇవ్వడం తీసుకోవడం తప్పే కానీ bottle ఇవ్వటం తప్పుకాదు. మరి దీపావళి కి వెరే పండగలకీ స్వీట్స్ ఇస్తాం,మరి అధి కొందరికి ఇష్టం. మరి అధి లంచం కాదా. 1998లో మా DM చాలా న మంచివాడు వచ్చారు. కాని సెరియస్ . ఎంతకూ స్నేహం గా వుండడు. తరవాత తెలుసింధి తాగిస్థె చాలని. ఒక్క సారి మాత్రమే విస్కీ బాటిల్ ప్రెసెంట్ చెసి carlo పెట్టించా. 3 years ఇంక నాతో చాలా బాగా వున్నాడు. సహాయం చేసాడు. గొప్పగా స్నేహితుడు గా మారాడు. ముఖేష్ పాటలు పాడెవాడు. నిజానికి చాలా ఇంటెలిజెంట్ అండ్ మంచివాడు. యెమి ఆశించడు. డబ్బులు తీసుకోడు. ఒకే వొకసారి తాగిస్థే హ్యాపీ. మోసం లేదు Corrupt అసలె కాదు. : Excellent drafting మరేం చేద్దాం. కాని నాకు జీవితంలో మంచి వ్యక్తి దొరికాడు. మంచి మనసున్న మనిషి. ఆయన 3సంవస్థరాల సమయంలో ఎందరికో పదోన్నతులు కలిగించి వెళ్ళి పోయారు.
శ్యాం జి ధన్యవాదాలు
Dr.prasad gariki namaskaralu.. Doctor garu lancham anedi ekkada ledu, anni chotla lancham vundi. Luncham oka Rajakeeyam , Rajakeeyam antene mundu lancham . Prati chota lancham, prati department kuda lancham , Vidyanu kuda lanchaniki ammukune Vidya samsthalu. Lancham ledu ani cheppukune samayame lenantaga tayaraindi ee prapancham. Ika vudyogasthula vishayaniki vaste, darunanga tayaraindi. Intlo arthika ibbandhulu padutu chaduvu vundi, lancham ivvaleka chala mandi sathamatha mavthunnaru. Okapudu oka table kinda nundi ivvadame, kani ippudu chetula meeduga thiskunevallu vunnaru. Pai sthayi nunchi kindi sthayi varaku idi mamulu. Lanchanni maname brathikisthunnamu. Dairyam vundi kuda edhuru thirugudam anna kuda akkada shunyame. Mi anubhavam miku chala bhada kaliginchi vundochu. Kani ah sthayi lo oka doctor ga ala vundatam asabyam ga vuntundi. Vaidya vruthi ki adhi avamanakaram. Alanti pani cheyadam vaidyulake avamanakaram ani na vudhesham. – pushpa Rajam
మేడం మీ స్పందన కు ధన్యవాదాలండీ
డాక్టర్ గారు 18 వజ్ఞాపకాల పందిరి చదివాను.బాగుంది. “లంచం అనేది అందుగలదు ఇందులేదను సందేహం వలదు….అన్నట్లు అంతటా ఉంది.” ఏపనైనా తొందరగా కావాలంటే “లంచం,కంచం, మంచం”-ఈమూడు వుండాలి.విద్యాబుద్దులు చెప్పే విద్యాసంస్థల్లో…..” బహుజన హితార బహుజన సుఖాయ” అనిచెప్పేప్రసార మాధ్యమాల్లో …దేవాలయాల్లో కూడ ఇలాంటి నీచపు పనులు జరగటం సోచనీయం…ఇలాంటివి నాఅనుభవంలో చాలాచూసాను…10వ తరగతి నుండి వైయక్తికంగా పోరాడు తున్నాను.50%విజయం సాధించాను.మిగతాది అపజయమే…అయినా ఆత్మ తృప్తి వుంది. మొదట నాప్రవర్థనను చూసి పిచ్చి వాడు అనుకున్నావాళ్ళునా వ్యక్తిత్వాన్ని చూసి నిజాయితీపరులు గౌరవిస్తారు.స్వార్థ పరులుభయపడతారు.సానుభూతిపరులు పాపంఅమాయకుడు ఈకాలంలోపుట్టాల్సినవాడుకాదు అంటూగుసగుసలుపోతుంటారు….కృష్ణశాస్త్రీ అన్నట్లు “నవ్విపోదురు గాక నాకేటి సిగ్గు నాఇచ్చయేగాని నాకేటి వెరపు” అంటూసాగిపోతుంటాను. కానిన్యూటన్అన్నట్లు “చర్య ప్రతి చర్యసమానం వ్యతిరేకం” లంచం,కంచం,మంచం…లక్షణాలు కలిగిన వాళ్లు చాలా మంది ప్రతిఫలాన్ని ఇక్కడే ఏదో విధంగా అనుభవించినవాళ్లనుచాలామందిని చూసాను…రాస్తే ఇది ఒకభారతం అవుతుంది….ధన్యవాదాలు
___డా.వీరాచారి హనంకొండ
చాలా చక్కని జీవితానుభవాలు ఆసక్తికరమైన రచన.జీవితానికి మార్గదర్శనం చేసి స్ఫూర్తిని నింపుతూ ముందుకు నడిపించే విధంగా అందించారు
శ్రీరాం మీ స్పందన కు ధన్యవాదాలండీ
Super.. sir
థాంక్ యు కిరణ్.
Your email address will not be published. Required fields are marked *
Save my name, email, and website in this browser for the next time I comment.
This site uses Akismet to reduce spam. Learn how your comment data is processed.
All rights reserved - Sanchika™
