సంస్కృతీ, సంప్రదాయాలను దృష్టిలో ఉంచుకుని ఆలోచిస్తే, మనదేశం ఇతర దేశాలకు భిన్నంగా ఉంటుంది. మనలో కొన్ని ఎవరూ ఆచరించని ప్రత్యేకతలు వున్నాయి. ఇతర ప్రపంచ దేశాలు, కొన్ని తప్ప, మిగతా అన్ని దేశాలూ, మిశ్రమ సంస్కృతిని, ఆచార వ్యవహారాలనూ మూటగట్టుకుని వున్నాయి. మనదేశంలో మరిన్ని ప్రత్యేకతలు ఏమంటే, మన సంస్కృతీ సంప్రదాయాలు, ఆచార వ్యవహారాలూ, కులాలకు, మతాలకూ ప్రాంతాలకూ ముడిపెట్టబడ్డాయి. అందుచేత ఒకే దేశంలో భిన్న రూపాల్లో సంస్కృతీ సంప్రదాయాలు, ఆచార వ్యవహారాలూ మనకు కనిపిస్తాయి. వీటిలో వేషధారణను,ముఖ్యమైన అంశంగా చెప్పుకోవచ్చు. పండుగల విషయం వేరే చెప్పనక్కరలేదు. పెళ్లిళ్ల విషయానికి వస్తే, ఈ అంశం కూడా ఒక్కొకరిలో ఒకోలా భిన్నంగా ఉంటాయి. అయితే ఈ మధ్య కాలంలో ఆధునికత పేరుతో, మనం కూడా, ఇప్పటివరకూ మనల్ని అంటిపెట్టుకుని మనతో పయనిస్తున్న సంప్రదాయాలూ విడిచి, సంస్కృతిని విదేశాలనుండి దిగుమతి చేసుకుని,మనం ఏమిటో తెలియకుండా పోతున్నాం. నూతన పోకడలకు దాసోహం అయిపోతున్నాం.
చీర.. పురాతన కాలంనుండి మన స్త్రీమూర్తుల వెంట నడిచి వస్తున్న కట్టుబడి ఆచారం. అది మన సంస్కృతితో, సంప్రదాయంతో, ముడిపడి వున్న అంశం. నిజానికి చీర అందంగా కట్టుకోవడం ఒక కళ. అది ఇతర మహిళామణులకు అబ్బని విద్య. మనదేశ స్త్రీలు అమెరికా వంటి పాశాత్య దేశాల్లో చీర కట్టుకుని తిరుగుతుంటే, అక్కడి వనితలు వింతగా చూడడం నేను గమనించాను. అంత మాత్రమేకాదు, చిన్నగా పరిచయం చేసుకుని, చీరకట్టే విధానాన్ని అక్కడి మహిళలు ఆసక్తిగా అడిగి తెలుసుకున్న సందర్భాలూ నేను గమనించక పోలేదు. దేవతా స్త్రీ మూర్తులకు కూడా చీరకట్టి సింగారించడం మన సాంప్రదాయాల్లో ముఖ్యమైనది. సరే.. దేవతలు కాబట్టి ఆ సంప్రదాయమేదో గుడ్డిలో మెల్లలా ఇప్పటికీ కొనసాగుతూ వున్నది. మరి చీరలు కట్టేవారి సంఖ్య తగ్గిపోవడం లేదా? మహా అయితే పెళ్లిళ్లకు, పండగలకూ, అతి బలవంతం మీద ఇప్పటి ఆధునిక ఆడపిల్లలు చీరలు కడుతున్నారు తప్ప మిగతా రోజుల్లో అంతా డ్రెస్సులే! చీరలు కట్టే సంప్రదాయం క్రమంగా తగ్గుముఖం పడుతున్నది. దీనికి భిన్నంగా విదేశీ స్త్రీలు మన ఆచారాలను దిగుమతి చేసుకోవడానికి ఆసక్తి చూపిస్తున్నారు. మనం మాత్రం జీన్ పేంట్లు, మిడ్డీలు, చుడీలు, ఇతర ఫ్యాషన్లు ఆహ్వానిస్తున్నాం. మగాళ్లు పంచ కట్టడం ఎప్పుడో మరచిపోయారు, లుంగీలు మాయమైపోతున్నాయి. పల్లెల్లో సైతం షార్టులు వివిధ రూపాల్లో వెలుస్తున్నాయి. సరే, అలంకారం – ఆహార్యం గురించి మాట్లాడవలసిన సమయం కాదేమో.. అతి సున్నితమైన అంశం అయిపొయింది. ఎవరి ఇష్టం వారిది. కాలంతో పాటు కదలి పోవలసిందేనేమో!
కట్టుతో పాటు బొట్టు ఒకటి మన సంస్కృతీ సంప్రదాయాలతో ముడిపడి వుంది. ఇది కూడా, కులం -మతంతో కలసి ప్రయాణం చేస్తున్నది! అంటే కొంతమందికి, బొట్టు తప్పనిసరి. బొట్టు లేకుండా ఇంట్లో కనపడరు, బయటకు కదలబోరు. హిందూ సంప్రదాయానికి, సంస్కృతికి, ఇది పెద్ద గీటురాయి. ఎందుచేతనంటే, హిందూ సంప్రదాయం ప్రకారం ప్రతి ఆడపిల్లకు, మహిళకు బొట్టు అవసరం. నుదుట బొట్టు లేకుంటే, ఎదుటి వారి ఆలోచనలు పరి పరి విధాలా పరిభ్రమిస్తుంటాయి మరి!
దీనికి భిన్నంగా కొన్ని మతాలలో, వర్గాలలో బొట్టు పెట్టుకోవడం నిషేధం! అది వారి సంస్కృతి. అంతే!! ఈ కోవకు చెందినవారిలో, నాకు తెలిసినంత వరకూ మూడు వర్గాలున్నాయి. వారిలో క్రైస్తవులు వున్నారు (ఇందులో మళ్ళీ ఒక ఉప వర్గం వారు బొట్టు పెట్టుకుంటారు, విగ్రహ పూజలు కూడా చేస్తారు). అలాగే, ముస్లింలు కూడా బొట్టు పెట్టుకోరు! తరువాత నాస్తికులు సైతం బొట్టు పెట్టుకోరు. అయితే ఆధునిక నాస్తికులు కొందరు ఇప్పుడిప్పుడే ఆ సంప్రదాయానికి గుడ్ బై చెప్పేసి, చక్కగా బొట్టుపెట్టుకుని ‘జస్ట్ ఫర్ చేంజ్..!!’ అంటున్నారు. సరే ఇలాంటి అతి సున్నితమైన విషయాలు ఇంతకు మించి చర్చించడం కూడా సబబు కాదు. ఈ వ్యాస రచయితకు మాత్రం బొట్టు పెట్టుకున్న ఆడపిల్లలు, మహిళామణులు అంటే ఇష్టం. అది వేరే విషయం.
ఇక సంస్కృతి – బొట్టు అనే అంశాలు ఇంతగా చర్చించడానికి గల ముఖ్య కారణం, బొట్టుతో నాకున్న గత అనుభవం గురించే!నా జీవన మూలాలు పూర్తిగా నాస్తిక జీవన విధానంతో సహవాసం చేసినవి. మా నాయన కమ్యూనిస్ట్ సిద్ధాంతాలను (అప్పటివి) నూటికి నూరు శతం నమ్మి ఆకళింపు చేసుకుని ఆచరించిన వ్యక్తి. అందుకే ఇంట్లో పొరపాటున కూడా ‘దేవుడు’ అనే పదం వినపడేది కాదు. మా అమ్మమూలాలు పూర్తిగా క్రైస్తవత్వానికి చెందినవే! అయినప్పటికీ, మా కుటుంబం వల్ల ఆవిడ కూడా నాస్తికత్వానికి తలవొగ్గక తప్పలేదు.
ఇక నా శ్రీమతి కుటుంబం మూలాలు వాళ్ళతాత ముత్తాతల నుండీ కూడా క్రైస్తవమే! మా మధ్య బంధుత్వం కూడా వుంది. కానీ మతం అన్నింటి కంటే పవర్‌ఫుల్. అయినా పెళ్ళికి, ‘బొట్టు’ సమస్య కాకూడదని నా మనస్సులో వున్నా.. పెళ్ళైన తర్వాత తప్పకుండా బొట్టుపెట్టుకోవాలనే నిబంధన పెట్టాను. కాదు.. మంకుపట్టు పట్టాను, కారణం నాకు బొట్టు ఇష్టం కనుక! కానీ.. నా శ్రీమతి మాత్రం అవునని కానీ, కాదని కానీ అనకుండా నిశ్శబ్దంగా ఉండిపోయింది. దీని వల్ల పెళ్ళికి ఎక్కడ అంతరాయం వస్తుందో అన్నది ఆమె భయం కావచ్చు. పెళ్లి తతంగం అయిపోయిన తర్వాతనే అసలు సమస్య ఉత్పన్నం అయింది ఆమెకు.
మహబూబాబాద్‌లో కాపురం పెట్టాక మాకు ఎలాంటి ఇబ్బందులు ఎదురు కాలేదు, ఒక్క బొట్టు విషయం తప్ప. బయటికి వెళితే తప్పక బొట్టు పెట్టుకోమని హింసించేవాడిని. ఆమెకు సుతారమూ బొట్టు పెట్టుకోవడం ఇష్టం లేకపోయినా, నా భయానికో భక్తికో, తప్పక పెట్టుకునేది. తర్వాత వాళ్లకు ప్రతి ఆదివారం చర్చికి వెళ్లడం తప్పనిసరి అలవాటు. నేను వెళ్లనిచ్చేవాడిని కాదు. అయినా ఆమె ఎప్పుడూ దాని గురించి ఎదురు తిరిగిన సందర్భాలు లేవు. అయితే, కొన్ని నెలల తర్వాత నేనే ఆలోచనలో పడ్డాను. మానసికంగా ఆమె ఎంత బాధ పడుతున్నదో కదా! ఆమె కనీస స్వేచ్ఛను నేను ఎందుకు అడ్డుకోవాలి? అన్న ఆలోచనలతో చాలా రోజులు బాగా అలోచించి సకాలంలోనే ఒక నిర్ణయానికి వచ్చేసాను. చర్చి విషయంలో గానీ, ఆమె బొట్టు విషయంలో గానీ నేను ఎలాంటి ఆంక్షలూ విధించ కూడదని అనుకున్నాను. ఒక శుభోదయాన ఇదే విషయం ఆమె చెవిన వేసాను. అది విన్న ఆమె ఆనందానికి అవధులు లేకుండా పోయింది. పంతాలకూ పట్టింపులు జోలికి పోకుండా నిశ్శబ్ద యుద్ధం చేసి ఆమెనే గెలిచింది. గెలిచామన్న అహంభావం కూడా ఆమె ఎప్పుడూ చూపించలేదు. అంతేకాదు నన్నుకూడా చర్చి వైపు మళ్లించింది.
కొంత కాలం నా శ్రీమతి ఒక్కతే చర్చికి వెళ్ళేది. తర్వాత ఆమెను తీసుకుని నేను కూడా వెళుతుండేవాడిని. ఇప్పటికీ అదే కొనసాగుతోంది. నేను చర్చికి వెళితే శ్రద్ధగా కూర్చుని ప్రసంగం వింటాను. మంచిని కాదనే దమ్ము ఎవరికుంటుంది?
పెళ్ళైన కొత్తలో నా శ్రీమతి ఫోటోలు చాలా మట్టుకు బొట్టుతోనే ఉంటాయి. ఇప్పుడు ఇలాంటి విషయాలు ప్రస్తావనకు వచ్చే అవకాశంలేదు – పిల్లలు పెద్దవాళ్ళు అయ్యారు కదా!
(మళ్ళీ కలుద్దాం)
వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.
సంచిక…సంపాదకులకు ఇతర సాంకేతిక నిపుణులకు హృదయ పూర్వక ధన్యవాదములు.
సంస్కృతి సంప్రదాయాలపై చక్కగా వివరించారు.. భిన్న మత విశ్వాసాలపై చక్కటి వివరణ..అభినందనలు ______జి.శ్రీనివాసాచారి ఖాజీపేట
చారి గారూ మీ స్పందన కు ధన్యవాదాలండీ .
బొట్టు గురించిన అభిప్రాయాల్లో పట్టింపుల మాట ఉన్నా..పల్లె మా ఊరి పరిసరం.నా చిన్నతనంలో క్రైస్తవం తో ఉన్న మేరీ సిస్టర్ తదితర వాళ్ళంటే ఓ గౌరవంకూడా.వాళ్ళు ఆరోగ్య విద్యా విషయంలో సోయి మరియు శిక్షణ. ఇచ్చేవారు.సంప్రదాయ కుటుంబమైన మా యింటిలో తాత,నాన్నలు చూపే గౌరవం నాకూ ఉండింది.!
—— డా.మల్లికార్జున్ హనంకొండ
ధన్యవాదాలండీ
మీ యొక్క అనుభవాలు చాలా చాలా బాగా గుర్తొస్తున్నాయి ఎందుకంటే నేను చిన్నతనంలో ఉన్నప్పుడు ఆంటీ గారు బొట్టు ధరించడం చూసిన దాన్ని నేను కానీ చాలా ఏళ్ల తర్వాత ధరించకపోవడం చూసి, ఏంటమ్మా ఆంటీ బొట్టు పెట్టుకోవడం లేదు అని మా అమ్మని అడగడం జరిగింది అప్పుడు అమ్మ చెప్పింది వాళ్ళు క్రైస్తవులు అని అంటే నాది చిన్నతనం కదా అప్పుడు కులం మతం నాకు తెలియదు.
మీ సంచికలో చీరకున్న విలువ చాలా బాగా తెలియజేశారు ఆడతనం అనేది మహిళకు చీర ధరించడం వల్ల వస్తుంది ఎదుటివారి నుంచి ఒక గౌరవాన్ని తెచ్చి పెట్టే విధంగా అది మనని మారుస్తుంది. ఈ రోజులలో ఉద్యోగరీత్యా చాలామంది ప్రొద్దుట లేసి వెళ్లాల్సి వస్తుంది కనుక ఒక సాంప్రదాయ ప్రకారం లేదా ఏదైనా పండుగ గాని పబ్బం గాని ఏదైనా ముఖ్యమైన సందర్భాల్లో మాత్రమే చీర ధరించడం జరుగుతుంది. ముందుగా చెప్పాలంటే చీర ధరించమని తల్లిదండ్రుల ప్రోత్సాహం చాలా తగ్గిపోయింది.
ఈ రోజుల్లో సాంప్రదాయ దుస్తులు ధరించమని చిన్నప్పటి నుంచే తల్లిదండ్రులు పిల్లలకు అలవాటు చేయడం మానేశారు మాడ్రన్ డ్రెస్సులు మీదే ఎక్కువ ఉత్సాహం కనబరుస్తుంది.దినీ వల్ల చెరకున్న ప్రాధాన్యత తగ్గుమోకం పడుతుంది. సింగారించుకునే సమయం వృత్తి లో బిజీ గా ఉండడం మూలన డ్రెస్సులకు ఎక్కువ ప్రాధాన్యత ఇవ్వడం జరుగుతుంది.
ఒకప్పుడు ఉమ్మడి కుటుంబాలు అత్తగారు మామగారు అందరూ కలిసి ఒక దగ్గర జీవించేవారు అప్పుడు ఇంట్లో గౌరవం కోసం చీరలు కట్టే వారు కానీ ఇప్పుడు అన్ని కూడా చిన్న చిన్న కుటుంబాలుగా విడిపోయాక ఎవరి ఇష్టానికి వారు, వారు మనసుకు తగ్గట్టుగా వారు వాళ్ళ వేషధారణ ఆహారం అలవాట్లు అన్నీ కూడా మారిపోయాయి పిల్లలని కష్టపెట్టడం ఇష్టంలేక పెద్దవారు కూడా వారికి ఎదురు చెప్పటం లేదు.
మీ సంచికకి ధన్యవాదాలు మరికొన్ని సంచికల కోసం ఎదురు చూస్తూ…..
మీ శిల్ప
శిల్పా చాలా బాగా రాసావు… నీ స్పందన కు ధన్యవాదాలు.
మానవ శరీరము మొత్తము ప్రత్యేకించి కనుబొమ్మల మధ్యనున్న సూక్ష్మమైన స్థానమును విద్యుదయస్కాంత తరంగ రూపాలలో శక్తిని ప్రసరింపజేస్తుంది.భారతీయులకు ఈ ఆచారము చాలా ప్రాచీనమైనది. తిలకం అనేది హిందూ మతంలో ఒక సంప్రదాయ సంస్కృతిగా నడుస్తు వస్తున్నది.నుదుటి యందు సూర్య కిరణాలు సోకరాదు,ఇది ఆరోగ్య సూత్రం. మనలోని జీవాత్మ జ్యోతి స్వరూపుడిగా మధ్యమంలోని ఆజ్ఞాచక్రంలో సుషుప్త దశలో హృదయస్థానంలో అనగా అనాహత చక్రంలో ఉంటాడు.ఈ బొట్టు(తిలకం) ధరించడం వలన మనిషి భక్తి, ముక్తి కలిగి నిజాయతీగా ఉండడానికి ఉపయోగపడుతుంది.
అంతే కాదు నుదుటి పైన బొట్టు ధరించిన వారిని చూస్తే ఎదుటి వారిలోనూ పవిత్ర భావనను కలుగ చేస్తుంది, గౌరవాన్ని కూడా పొందుతారు.హిందు సాంప్రదాయ ప్రకారంగ బొట్టుకు ఎంతో ప్రాముఖ్యత ఉన్నది, ఇది దైవ చిహ్నముగా గుర్తించబడుతుంది. మన దేహంలోని ప్రతి ఒక్క శరీర అవయవానికి ఒక్కొక్క అధిదేవతలు ఉన్నారు. నుదుటకు బ్రహ్మదేవుడు అధిదేవత. నుదురు బ్రహ్మస్థానం. కనుక బ్రహ్మస్థానమైన నుదుట తిలకం(బెట్టు) పెట్టుకుంటారు. అయితే ఎవరివిశ్వాసాలు వారివి వాటిని అవహేళ పరచకుండా వాటిలో మంచిని గ్రహించి స్వీకరించడం ముదావహం. మతం వ్యక్తిగత మైనది ఆ వ్యక్తి ఆలవాట్లకు ఆచరణలకు అంతరాయం కలిగించరాదు భార్యాభర్తలైనా ఒకరికొకరు ఇచ్చిపుచ్చుకునే ధోరణితో జీవిత రథాన్ని గమ్యానికి చేర్చాలి వ్యాసకర్తకు అభినందనలు డా.ఎన్.వి.ఎన్.చారి
చారి గారూ మీ శాస్త్రీయ వివరణ కు ధన్య వాదాలు
దాంపత్యంలో దైవత్వం ____అనీల్ ప్రసాద్ హనంకొండ
అనీల్ గారూ మీ స్పందన కు ధన్యవాదాలండీ .
Thought provoking article 👏
______Ravulapati Sitarama rao Hyderabad
Thank you Sir.
Good morning sir, basic values never change with time. These always remain same. We, the human beings, try to follow these basic values, Sometimes we can,sometimes can’t. However, the culture or custom changes with time. We should not get confused to distinguish between values and culture/custom. And, We must learn to appreciate someone’s values as you have done to maintain a healthy relation as you have done. Every story of you will always give us some insight on many things sir. Thank you sir for Sharing all your experiences.
Dr.Harika Thank you Somuch.
సంస్కృతి సంప్రదాయాలు మరియు మీ అభిరుచులను కుండబద్దలుకొట్టినట్లుగా చెప్పారు సర్ . మీకు ధన్యవాదములు
సాగర్ ధన్యవాదాలు
“మీరు రాసిన ప్రతి అంశం అక్షర సత్యం సర్.” మన భారతదేశం సంస్కృతి, సంప్రదాయలకు,చీరకట్టుకు,పండగలకు ప్రపంచ వ్యాప్తంగా గుర్తింపు ఉంది సర్…కానీ నేడు మనం మన సంస్కృతి, సాంప్రదాయాలు ను మరిచి పాశ్చాత్య సంస్కృతి కి అలవాటు పడుతున్నాము సర్. ఇది నిజంగా భాథపడవలసిన అంశం సర్….అదే సమయంలో ఇది చాలా సున్నితమైన అంశం సర్…వస్త్రధారణ,కట్టుబొట్టు విషయంలో మన వాళ్ల మనోభావాలను గౌరవించడం కూడా ముఖ్యమే సర్. “నా వరకు ఆడవారికి చీరకట్టు లో ఉండే అందం ఏ ఫ్యాషన్ దుస్తులలో ఉండదు సర్.” మీ జాని
జానీబాషా మీ స్పందన కు ధన్యవాదాలండీ
ప్రసాద్ గారూ! మీరు బొట్టు అలంకారంగా ఉంటుంది అని పెట్టుకో మన్నారు. కానీ హిందూ సమాజం బొట్టును symbolic గా , అంటే పెళ్లి అయిన ఆడది పెట్టుకుంటే భర్త ఉన్నట్టు , పెట్టుకోక పోతే ముండమోసినట్లు మతం పేరుతో ముడి పెట్టటం మనకు తెలిసిందే. మహిళలు ఇప్పుడు ఎదురు తిరగడంతో పరిస్థితి మారిన విషయం కూడా మనకు తెలుసు. ఈ కారణమే భారత క్రైస్తవులను బొట్టుకు దూరం చేసింది. ఇక మీ విషయానికి వస్తె, ఆలస్యంగా అయినా వ్యక్తి స్వాతంత్య్రానికి చోటివ్వటం హర్షణీయం.
ఇక చర్చ్ కు వెళ్ళటానికి మీ కారణం మంచిని వినటం. దేవుని భయం మనలను చెడు నుంచి దూరంగా ఉంచుతుంది, ఒక్కో సారి మన మనస్సాక్షి తప్పు గా నడిపించి నప్పుడు కూడా.
ఒక మంచి జ్ఞాపకానికి పందిరి వేశారు. అభినందనలు
రాజేంద్ర ప్రసాద్ శ్రేయోభిలాషి
ప్రసాద్ గారూ మీ స్పందన కు ధన్యవాదాలండీ .
Good morning sir బొట్టు అనేది scientific గా కూడ మంచిది అని తేల్చారు కాని మత ఆచారాలు సాంప్రదాయాల ప్రకారం వాళ్ళు పాటిస్తారు కాని బంధం ఏర్పడిన తర్వాత తోటివారి అభిప్రాయాలను గౌరవించడం గొప్పవిషయం బొట్టుపెట్టుకో అని మంకుపట్టు పట్టకుండ మంచిపని చేశారు😀🌺💐
______కె.శ్రీహరి హనంకొండ
శ్రీహరి గారు మీ స్పందన కు ధన్యవాదాలండీ .
Prasad Garu! Kattu Bottu Matham Nammakaalu Sampradaayalu Kattubaatlu …. laanti athyantha sunnithamaina amshaalanu kooda,avasaram mera cheppi ,,vishaya vishleshanalo mee chaakachakyaanni , nerparithannaanni abhinandinchakundaa vundalenu.. Meeku naa Abhinandanalu mariyu Abhivandanalu..🙏🙏🙏
ధన్యవాదాలండీ రావు గారూ.
[27/09, 10:42] Niveditha(Titu): Good to know about you Chinnanagaru Actually when you send me prayer messages I’m trying to remember that you follow Christianity or not. As always I saw aunty with bottu
_______Nivedita Abudubai.
Thank you Bulli
డాక్టర్ గారు.. సంస్కృతి సంప్రదాయాలను చాలా చక్కగా వివరించారు.. ఒక విధంగా చెప్పాలి అంటే నేను నాస్తికులు కుటుంబంలోంచి వచ్చాను.. కానీ సంస్కృతి సంప్రదాయాలకు అడ్డు చెప్పను.. భక్తి కి సంస్కృతి సంప్రదాయాలకు సంబంధం లేదని న ఉద్దేశ్యం.. కానీ బొట్టు అనేది ఆడవాళ్లకు అందం తెచ్చిపెడుతుంది అని నా నమ్మకం. మీకు బొట్టు అంటే అంటే ఇష్టం వున్నా , ఎదుటి వారి మనసుకి విలువ ఇచ్చి మీ భార్య ఇష్టానికి వదిలేసిన విధం అభినందనీయం..
అమ్మా నీలిమ గారు మీ స్పందన కు ధన్యవాదాలండీ .
కట్టూ బొట్టూ వంటి కట్టుబాట్ల వెనక ఉన్న శాస్త్రీయ కారాణాలన్నీ మరుగున పడిపోయి పూర్తి పడికట్టు ఆచారంగా మిగిలిపోయిన రోజుల్లో దానికి సంబంధించిన అంశాల్నీ ఆచార వ్యవహారాల్నీ చాలా balencing గా చెప్పారు .. ఇంత సున్నితమైన అంశాన్ని ఎంత నేర్పుగా చెప్పారు సర్ !!! ప్రతి మనిషికీ తన జీవితంలో ఎప్పుడో ఒకసారి కొన్ని ఇరకాటం లో పెట్టే సందర్భాలు ఎదురౌతుంటాయి … అప్పటి మీ పట్టుదలలను మేడమ్ చాలా సహనంతో సమాధానంచెప్పినట్లైంది . సమాధానం ఎప్పుడూ మాటల్తోనే చెప్పాల్సిన అవసరంలేదు మౌనంతోనూ , సహనంతోనూ చెప్పొచ్చని మేడమ్ నిరూపించారనడనడానికి మీ ఆలోచనలోని మార్పేగొప్పనిదర్శనం… మీరన్నట్టు తనే గెలిచారు , సహనం అనేది మనిషి జీవితం లో జీవితాంతం గుర్తుండే , గుర్తుంచుకునే విజయాలనందిస్తుందనడానికి ఇదొక మంచి ఉదాహరణ … విషయాన్ని వివరించే సందర్భం లోని నేటితరపు పోకడలనీ , ఇతరుల విశ్వాసాలను గౌరవించాల్సిన అంశాల్నీ , మరెన్నో అవసరమయ్యే విషయాలనూ చెప్పడం చెప్పిన విషయానికి మంచి బలాన్నిచ్చింది … జ్ఞాపకాలు విశేషవిషయాలను పంచుతున్నాయి .. అభినందనలు సర్ !!
గురువు గారూ మీ స్పందన కు ధన్యవాదాలండీ .
బాగుంది సార్ !
ఎంత చక్కగా చెప్పారు సర్ సంస్కృతి..సాంప్రదాయాల గురించి…మీ ఇష్టం మేడం వారికి కష్టం కాకూడదు..అంటూనే వేరొకరి స్వేచ్ఛను హరించడం ఎంత తప్పో తెలియచేశారు..ధన్యవాదాలు సర్
అమ్మా మీ స్పందన కు ధన్యవాదాలండీ
బాగుంది సార్ సంస్కృతి సంప్రదాయాలు గురించి బాగా వివరించారు, ఇక చీరకట్టు విషయానికొస్తే పాశ్చాత్య దేశాలు వాళ్లే మన మీద బెటర్, వాళ్ళ డ్రెస్సులు మనవాళ్ళు దిగుమతి చేసుకుని మన చీర కట్టు విధానం వాళ్లకు ఎగుమతి చేశారు, మీరు చెప్పిందినూటికినూరుపాళ్లూ నిజం సార్, ఇక కులమతాల ప్రసక్తికి వస్తే అది వారి వారి వారసత్వాన్ని బట్టి, ఇష్టాన్ని బట్టి ఉంటుంది, మీరు వ్రాసే విధానం బాగుంది , అభినందనలు సార్🌹
______రాయవరపు సరస్వతి విశాఖపట్నం
మేడం మీ స్పందన కు ధన్యవాదాలండీ
కట్టు బొట్టు పై మీ అభిప్రాయం కొంత వరకు సమంజసమే
భార్యాభర్తలమధ్య అవగాహన ఉండటం అవసరం .బొట్టు విషయంలొ మీదంపతులిద్దరూ ఒకరిఅభిప్రాయాలను ఒకరు గౌరవించుకున్నట్టే. మా డిపార్ట్ మెంట్లొ ఒక ముస్లిం మిత్రుడుండే వాడు ఆయన మతాందర వివాహం చేసుకున్నాడు.ఆవిడ బ్రాహ్మణకుటుంబం నించి వచ్చింది .ఐతే ఆమె ఇంట్లొ తులసి కొటపెట్టుకున్నది ఆయన ఇంట్లొనే నమాజు చదువుకునెే వాడు. కలిసివజీవించదలచుకున్నాక ఒకరిఅభిప్రాయాలనుగౌరవించజమనేది ప్రాథమిక సూత్రం అనుకుంటా నేను. సున్నితమైన అంశాలను చాలా సున్నితంగా. గిరిజ అన్నట్లు బ్యాలెన్సింగ్ గా చెప్పినారు. పందిరి చూచిఇల్లు చూడమన్నారు. అనేది సామెత మీ పందిరిచూస్తే మీ ఇల్లెట్లా ఉంటుందొ చెప్పనక్కర లేదు .బాగా నడుస్తున్నది మీ ఆత్మ కథ —రామశాస్త్రి
శాస్త్రి గారికి ధన్యవాదాలు.
ఎవరి నమ్మకాలు వారివి. వాటిని గౌరవించాలి. వాటిని పక్కన పెడితే ఒక చిత్రకారుడిగా నాకు అనిపించేది ఆడవారికి బొట్టు, ముక్కుపుడక, కాటుక అందాన్ని ఇస్తాయి. అలాగే కాళ్లకు పట్టాలు, చుట్లు కూడా. నేను బాపు శిష్యుడిని.
సరసిగారు మీ స్పందన కు ధన్యవాదాలండీ
Nice that you have given freedom to your wife.
_____Dr.Manjula Hyderabad
Thank you
చీరకట్టు, బొట్టు అనేవి ఆడతనానికి ప్రతీకల్లా వుంటాయి.. వాటిని మగాడు ఇష్టపడటంలో ఆశ్చర్యం లేదు. సరసి గారన్నట్టు నాక్కూడా వాటితో పాటు ముక్కుపుడక, కాళ్ళకు పట్టీలు నచ్చుతాయి. కొంతకాలం మీ ఇష్టం పెత్తనం చేసినా తరువాత మీలో మంచితనం ఆవిడకు స్వేచ్చనీయటం అభినందనీయం.. నిజాయితీతో కూడిన వ్యాసం చదివిన తృప్తి కలిగింది👍👍
ఝాన్సీ గారూ మీ స్పందన కు ధన్యవాదాలండీ .
Very terrific symbolic Controversial issue between wife and husband. Love is Great, Love is God, God is Love If you have Love everything will be Lovely. Love gives Life, In front of love Bottu is very small. Love Sacrifice everything. Love is endless. Any how great hurdle was subsided between lovely couple. Enthati Varaina KanthaDasule. Love is very Bonding between wife and husband. Love is loves you for ever. It’s a very good understanding n realising article for So many couples. Thanks for for good Gnapakam.
Dr.Rao Thank you For your Comment
Nice sir. బాగా చెప్పారు. కానీ అందరికీ చెవికి ఎక్కదు
____తంగెళ్ల శ్రీదేవి రెడ్డి మహబూబ్ నగర్.
అమ్మా.. ధన్య వాదాలు
నిజంగా ఒక్కోసారి కట్టుబాట్లు మనిషి ఇష్టాలను హరిస్తుందనడానికి మీ జ్ఞాపకం ఒక ఉదాహరణ అయినా అందులో చక్కని అంశాలు చదివే మాకు స్ఫూర్తి నిచ్చాయి.ముఖ్యంగా భార్యా భర్తలు అణుకువతో ఒకరి అభిప్రాయాలను ఒకరు గౌరవించుకోవడం, ఒకరు నెగ్గినా ఇంకొకరు ఒగ్గడం అప్పుడే కదా సంసార బండి గతుకుల్లో పడకుండా సాగేది .చివరికి మీ మంచి మనస్తత్వమే మిమ్మల్ని మార్చింది.మేడమ్ గారికి మీరు రెండు కాదు మూడు ఫేవర్స్ ఇచ్చారు. ఒకటి బొట్టు, రెండు చర్చ్, మూడవది నాస్తిక వాతావరణంలో మీరు పెరిగినా మేడమ్ గారి మంచితనంతో తనతో చర్చ్ కు వెళ్ళడం .జీవితంలో ఏ స్త్రీ అయినా కోరుకునేది, భర్త తన సుఖసంతోషాలలో వెన్నంటి ఉండటం.మేడ్ ఫర్ ఈచ్ అదర్ మీరిద్దరు. చక్కని సంప్రదాయ కట్టూబొట్టూ గురించి చక్కని అదమైన ఫోటోలతో చిక్కని మీ అందమైన వ్యాసం అద్భుతంగా ఉంది సార్ హృదయపూర్వక శుభాకాంక్షలు శుభాభినందనలు మీ జ్ఞాపకాల పందిరిలో దాగిన ప్రతి జ్ఞాపకం ఓ సుమధుర పరిమళమే సార్ 💐💐💐💐💐🙏🙏🙏🙏
ఆమ్మా చక్కని విశ్లేషణ మీ స్పందన కు ధన్యవాదాలు తల్లీ.
[28/09, 05:37] Ravi kumar-PD nit-warangal: కట్టు బొట్టు గురించి కొన్ని సున్నితమైన విషయాలు, మీ కుటుంబంలో జరిగిన విషయాలు అవి సహజంగా సమాజం లో జరిగే ప్రతిబింబమును అని, కుల, మత, సంస్కృతి, సంప్రదాయాలను, సున్నితం గా వర్ణించారు. మీరు వదినమ్మ పడిన ,వ్యధ క్షోభ, సహనం, ఓర్పు, దాని పరిణామాలు, అనుబంధ బాంధవ్యాలు, అన్ని మేళవిoచి చక్కగా విపుకలిoచి తెలియ పరిచారు. మీకు ధన్యవాదాలు. 🙏 [28/09, 05:38] Ravi kumar-PD nit-warangal: ప్రతిబింబాలు*
______ప్రొ.పి.రవికుమార్ ఖాజీపేట
సొదరా మీ స్పందన కు ధన్యవాదాలు.
Well explained about our tradition and culture.By valuing aunty ‘s feeling my respect towards you has increased.I love wearing saree.
____mrs.Lakme Nandana Rajahmundry.
Bulli… Thank you.
ఎంతో సున్నితమైన అంశాన్ని ఎంతో నేర్పుగా స్పృశించిన మీ వ్యాసం చాలా బావుంది సర్.మీ అభిరుచిని వదులుకొని మీ శ్రీమతి గారి విశ్వాసానికి విలువిచ్చి అందులో కూడా మీరు ఆనందం పొందడం అనేది చాలా మంచి విషయం సర్….వ్యక్తిగత స్వేచ్ఛ చాలా ముఖ్యం…దాన్ని గౌరవించిన మీరు చాలా సహృదయులు.భిన్న అంశాల మధ్య దాంపత్యాన్ని అన్యోన్యంగా ఎలా గడపాలో మీ ఈ జ్ఞాపకం పంచింది సర్.మౌనంగానే సహనంతో మిమ్మల్ని గెలుచుకున్న అమ్మ గారికి కూడా వందనాలు. మంచి అంశాన్ని పంచుకున్న మీకు ధన్యవాదాలు సర్💐💐🙏
______నాగ జ్యొతి కాకినాడ.
అమ్మా.. మీ స్పందన కు ధన్యవాదాలండీ .
[28/09, 12:50] Chandrasekhar_ Jogam: బొటుపెట్టుకొన్నా లేకపోయిన,ఆది ఎదుటి. వాళ్ళ మనస్సు పై ఆధారపడి ఉంటుంది. ఎదుటివాల్లు-చూసేవాళ్ళు. Paristhulubatti sarduku pother automatic ga time vachinapudu,manaki favour yeduti vallu Mari potharu. Ade mounaporatam.
_____డి.చంద్ర శేఖర్ హైదారాబాద్
జొగం నీ స్పందన కు ధన్యవాదాలు
బాగుంది మీ కథ , ఈ కథ లో మీ ఇద్దరూ ఎలా ఒకరి కో ఒకరు అర్థం చేసుకొని , సంసారిక జీవనం గడిపారు అన్నది బాగా రాశారు, ఈ కథ ప్రతిఒక్క భార్య భర్త లకి ఒక మంచి ఉదాహరణ అని నాకు అనిపించింది. ఒకటి నాలుగు సార్లు చదవాలనిపించింది.
____డా.డి.సత్యనారాయణ హైదారాబాద్.
డాక్టర్ గారూ మీ స్పందన కు ధన్యవాదాలండీ .
జ్ఞాపకాల పందిరి 25లోని అంశం చాలా క్రైస్తవ కుటుంబాలలో తరుచూ కనిపిస్తూ ఉంటుంది..సమాజపు సంప్రదాయాలకు భిన్నంగా ఉన్నందువల్ల కాస్త ప్రత్యేకంగా కనిపిస్తున్నామని భావించే వారు..కొందరైతే.. అందానికి అదో అలంకారమే కదా అని సర్ది చెప్పే వారు మరికొందరు.. మీ విషయంలో కుటుంబాల్లో ఇలాంటి ఒక గొప్ప అవగాహనకు తెర తీస్తే..ఆనందాల కొలనులో మీనాలే కనులై మెరుస్తాయి.ఇలాంటి సున్నిత విషయాలలోని లోతును గ్రహించితే ఆలుమగల అనురాగం రాగరంజితమే..మీ అనుభవాల పందిరి ఎందరికో ఆలోచన కిరణమై దారి చూపుతూ స్ఫూర్తి నిస్తుంది.చాలా చాలా బాగుంది సర్💐
_____ఉదయశ్రీ ప్రభాకర్ హనంకొండ
Chakkani vivarana.. mana samsruthi… Kattubatlu gurinchi. Chala manchi subject..sorry I couldn’t respond faster Iam at sakhinetipalli..when we come to our native place ..forget every thing.. good narration asusual. 👏💐
____Dr.Jhansi Nirmala Sakhinetipalli.
Thank you Dr.garu
కట్టు ,బొట్టు గూర్చిన మీ అభిప్రాయాలు చదివాను. వచనరచన ఈసారి నన్ను బాగా ఆకట్టుకున్నది అలంకరణలు అంత‌ర్జాతీయతను ప్రదర్శిస్తున్న ఈ రోజులలో ,మీరు మీ స్వంత అభిప్రాయాలకన్నా మీ శ్రీమతి నష్టం కలిగించని ఇష్టాలకు కలసి నడవడం సమైక్యతకు . మీసహృదయతకు నిదర్శనం అందరూ కలసి ప్రార్థించే కట్టుబాటు నాకిష్టమే.పరమతద్వేషాన్ని ప్రదర్శించ నంతవరకు. మీజీవితానుభవాలు కొందరికైనా మార్గదర్శనం కావాలని కోరుతున్నాను వజ్జలరంగాచార్య
______వజ్జల రంగాచార్య హనంకొండ.
రంగా చార్య గారూ మీ స్పందన కు ధన్యవాదాలండీ .
చాలా బాగా చెప్పారు మన సంస్కృతి సాంప్రదాయాలు అయిన కట్టు బొట్టు గూర్చి..ఒకోవారం ఒకోలా..చాలా భిన్నంగా..అన్ని అంశాలను చక్కగా ఆవిష్కరిస్తున్నారు.. అభినందనలు!👏👏👏👏💐💐💐💐💐💐💐
______పెబ్బిలి.హైమవతి హనంకొండ.
అక్కా ధన్యవాదాలు
Idi chala sunnitamaina amsam mitrama
_______డా.శంకర్ లాల్ హైదారాబాద్.
థాంక్ యూ బ్రదర్.
శుభోదయం సార్. షరా మామూలే. ఆలస్యానికి మన్నించండి. నాకిష్టమైన బొట్టు పెట్టుకోవడం, చర్చికి వెళ్ళడం విషయంలో హింసించానని గ్రహించడం, ఆ తర్వాత ఆ విషయాల్లో మీ పట్టు సడలించడమే కాదు మీరు తనతో పాటు పోతూ ఆవిడను చాలా సంతోషపెట్టడం మీ వినయానికి,సంస్కారానికి, బాధ్యతకు నిదర్శనం.మీ ఙాపకాలపందిరి బాగుంది సార్. గాంధీ జయంతి సందర్భంగా శుభాకాంక్షలు, హింసకు వ్యతిరేకంగా (మీరనుకున్నది) ప్రవర్తించిన మీ తీరుకు వందనాలు. ఇన్ని రోజులు కాకుండా ఈ రోజు చదివి నా అభిప్రాయం రాయడం విచిత్రంగా కాకతాళీయం. మీకు మరోసారి వందనం. 🙏💐
——— డా.విద్యాదేవి.ఆకునూరు హనంకొండ.
అమ్మా… మీ స్పందన కు ధన్యవాదాలండీ .
సంస్కృతి సంప్రదాయం లనూ, అలాగే ఎదుటి వారి మనసును గౌర0వించే, మీ గొప్ప హృదయ నికి నమస్కారం లు.
______కె.రమేశ్ హనంకొండ
ధన్యవాదాలు
Your email address will not be published. Required fields are marked *
Save my name, email, and website in this browser for the next time I comment.
This site uses Akismet to reduce spam. Learn how your comment data is processed.
All rights reserved - Sanchika™
