జ్ఞాపకాల పందిరి-64

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

చెన్నై టు హన్మకొండ..!

కొన్ని పరిచయాలు అనుకోని రీతిలో కలిసి వస్తుంటాయి. అలాంటి పరిచయాలు ఆయా వ్యక్తుల మనస్తత్వము, వ్యక్తిత్వమును బట్టి, తాత్కాలికంగా ఉంటాయా లేక శాశ్వతంగా కొనసాగుతాయా? అన్నది ఆధారపడి ఉంటుంది. అనుభవాలను బట్టి ఆలోచిస్తే పరిచయాలు స్నేహంగా మారి శాశ్వతంగా కొనసాగేవి బహు అరుదుగా ఉంటాయి. ఎందుచేతనంటే ఎక్కువమంది తాత్కాలిక ప్రయోజనాలను మాత్రమే దృష్టిలో ఉంచుకుని తమ అవసరాలు కాస్తా తీరిపోయాక వదిలించుకునే ప్రయత్నం లోనే వుంటారు. ప్రయోజనాలు మాత్రమే కాకుండా ఎదుటి వారి మనస్సును స్నేహాన్ని ఇష్టపడేవారు తమ పరిచయాలను శాశ్వతంగా నిలబెట్టుకుంటారు. దీనికి ఓర్పు సహనం, అవగాహన, సహృదయత అవసరం. ఇవి చాలా తక్కువమందిలో కనిపిస్తాయి. అందుకే అలాంటి పరిచయాలు – స్నేహాలు కొద్దికాలమే నిలుస్తాయి. ఇలాంటి పరిచయాలను స్నేహాలను చూసి కొంతమంది ఈర్ష్యపడడమూ, లేకుంటే వారి స్నేహాన్ని చెడగొట్టే ప్రయత్నంలో విశేష కృషి చేసేవారు కూడా వుంటారు. వీరికి స్నేహం చెయ్యడమూ, దానిని నిలబెట్టుకోవడమూ అసలు చేత కాదు, కానీ ఇతరులు స్నేహంగా ఉంటే కుళ్ళుకుంటారు. ఇది లోకరీతి, అంతే ప్రత్యేకంగా చెప్పడానికి ఏమీ ఉండదు.

ఇలాంటి వారికి భిన్నంగా, కొంతమంది అనేక కారణాల వల్ల దూరమై పోయి చిరునామా, ఫోన్ నంబర్లు పోగొట్టుకొని కూడా, విసుగు లేకుండా ప్రయత్నించి వారి వివరాలు సేకరించి తిరిగి అదే స్థాయిలో స్నేహాన్ని కొనసాగించేవారు కూడా వున్నారు. వారి ఎడం పది సంవత్సరాలు కావచ్చు, పాతిక సంవత్సరాలు కావచ్చు, ముప్పై సంవత్సరాలు కూడా కావచ్చు. అది వారి వ్యక్తిత్వ లక్షణం అంతే! ఇలాంటి జాబితాలో ఈ రచయిత కూడా వున్నాడు, అందులో ఎలాంటి సందేహమూ లేదు.

నేను చిన్నప్పటినుండీ కొంతకాలం హైదరాబాద్‌లో పెద్దన్నయ్య మీనన్ గారి దగ్గర పెరగడం, ఆయన కథా/నవలా రచయిత కావడం, అందుచేత ఇంట్లో సాహిత్య వాతావరణం నెలకొని ఉండడం వల్ల చిన్నప్పుడే కథలు, నవలలూ బాగా చదివేవాడిని. వివిధ రచయితల రచనలు ఈ విధంగా చదవడం అలవాటు అయింది. నేను ఇలా చదువుతుంటే, అన్నయ్యాగానీ, వదిన గానీ ఏమీ అనేవారు కాదు, పైగా పరోక్షంగా చదవమని ప్రోత్సహించేవారు. నా విద్యాభ్యాసానికి ఇది ఏవిధంగానూ ఆటంకం కలిగించలేదు. కొద్దికాలం తర్వాత కథలు చదివి ఆ కథ గురించి నా అభిప్రాయం ఆయా పత్రికలకు ఉత్తరాలు (ఇప్పుడు మెయిల్స్) రాయడం అలవాటు అయింది, అంతమాత్రమే కాదు అవి తప్పనిసరిగా అచ్చు కావడం వల్ల మరింత ఉత్సాహం పెరిగి, ఆ అలవాటు మరింత వేగం పుంజుకుంది, పైగా మామూలుగానే నాకు ఉత్తరాలు రాయడం చాలా ఇష్టం. ఈ స్థాయికి చేరుకునే సరికి, నాకు ఉద్యోగం రావడం, పెళ్లి – పిల్లలు ఇవన్నీనా జీవితంలో చోటు చేసుకున్నాయి. కథలు రాయడమూ పుస్తకాలు ప్రచురించడమూ జరిగింది. ఇలాంటి వాతావరణంలో విశాలాంధ్ర వారి మాసపత్రిక ‘సాహిత్య ప్రస్థానం’లో ఒక కథ చదివాను. కథ పేరు గుర్తులేదు. కథ చదివిన వెంటనే రచయితను మెచ్చుకుంటూ పత్రికకు లేఖ రాయడమేకాక, ఆయన మొబైల్‌కు ఫోన్ చేసి మాట్లాడాను. ఆయన చెన్నైలో తమిళుల మధ్య జీవిస్తున్న తెలుగు కథారచయిత శ్రీ బొందల నాగేశ్వరరావు గారు. అలా మా ఇద్దరి మధ్య పరిచయం మొదలై, అది మంచి స్నేహంగా మారి ఇప్పటికీ కొనసాగుతుండడం ప్రత్యేకంగా నాకు ఆనందాన్ని కలిగిస్తుంది.

నాగేశ్వరరావు గారు, చాలా సంవత్సరాలుగా మంచి రచయితగా తెలుగు పాఠక లోకానికి పరిచితులు. నాకే కాస్త ఆలస్యంగా పరిచయం అయ్యారు. ఆయన కథ ప్రచురించని పత్రిక అంటూ లేదు, యేవో కొద్దీ బడా పత్రికలు తప్ప. ఆయన ఒక్క కథలే కాదు, పిల్లల కథలు, పాటలు, నాటికలు, తమిళ సినిమాలకు అనువాద సంభాషణలు, టి.వి సీరియల్స్, ఒక్కటేమిటి సాహిత్యంలో అనేక ప్రక్రియలను ఈయన కలం అందించింది/అందిస్తున్నది. ఈయన నాటక రచయిత మాత్రమే కాదు, నటుడు – దర్శకుడు కూడాను. వీరి నాటకాలు మద్రాసు కేంద్రం ద్వారా అనేకం ప్రసారం అయినాయి. గొల్లపూడి మారుతీరావు గారి నిర్వహణలో అప్పట్లో నాగేశ్వరరావు గారి నాటకం ప్రసారం కావడం ప్రత్యేకంగా చెప్పుకోవలసిన విషయం. ‘మొహమాటం’ ఈయనకు జన్యుపరంగా అబ్బిన గొప్ప లక్షణం.

రచయిత శ్రీ బొందల నాగేశ్వరరావు, చెన్నై.

నిజానికి నాగేశ్వరరావు గారు తెలుగువారు. వారి పూర్వీకులది (తండ్రి) అప్పటి ఒంగోలు జిల్లా, దర్శి తాలూకా, రామచంద్రాపురం అనే వూరు. రావు గారి తండ్రి ఉద్యోగరీత్యా మద్రాసుకు 1948లో వలసపోవడం వల్ల, ఈయన బాల్యము, చదువు, ఉద్యోగము, మిగతా జీవితమంతా చెన్నైకి అంకితమై అక్కడే స్థిరపడ్డారు. తమిళదేశంలో స్థిరపడినా, నాగేశ్వరరావు గారివి తెలుగు మూలాలు కావడం వల్ల ఆయన తమిళంను గౌరవిస్తూనే, తెలుగురచనా వ్యాసంగంలో పట్టు సాధించగలిగారు.

నాగేశ్వరరావు గారు నాకు పరిచయం అయ్యేనాటికి వందల సంఖ్యలో కథలు రాశారు. కానీ, ఒక్క కథా సంపుటి కూడా ఆయన పేరుతో రికార్డు కాలేదు. ఆ విషయం చర్చకు వచ్చినప్పుడు పుస్తకం వేయలేనందుకు చాలా బాధపడ్డాడు. ఆ రంగంలో తనకు తగినంత అనుభవం లేదని, అయితే కథల పుస్తకం వేసుకోవాలనే కోరికను ఆయన వెల్లడించారు. మరి ఆయన కోరిక తీరేదెలా?

నేను హన్మకొండలో, ఆయన చెన్నైలో. నేను ఏదైనా సాయం చేయాలన్నా ఎలా సాధ్యం? అయితే నేనొక ఉపాయం ఆలోచించి, అదే విషయం ఆయన చెవిన పడేసాను, పైగా అప్పటికే స్వంతంగా నేను కొన్ని పుస్తకాలు ప్రచురించడం జరిగింది, అదే ఆయనకు చెప్పాను. కథలు హన్మకొండలో పుస్తకంగా వేసి, అవసరమైతే ఇక్కడే పుస్తకావిష్కరణ చేయడానికి సహకరిస్తానని, పుస్తకానికి ముందుమాట ప్రఖ్యాత రచయిత అంపశయ్య నవీన్ గారితో రాయిస్తానని హామీ ఇచ్చాను. ఆయనకు నా మీద నమ్మకం కుదిరింది. చాలా సంతోషించారు. తప్పక కథాసంపుటి తీసుకురావాలనే నిర్ణయానికి వచ్చారు.

ఒక శుభ ముహూర్తాన నాగేశ్వరరావు గారు, చార్మినార్ ఎక్స్‌ప్రెస్‌లో ఖాజీపేట చేరుకున్నారు. తెల్లవారుఝాము సమయంలో నేను ఆయన కోసం స్టేషన్‌కు వెళ్లడం ఆయనకు చాలా సంతోషం అనిపించింది. ఇద్దరమూ శాంత్రో కారులో ఇంటికి వచ్చాము. ఆయనకు ప్రత్యేకంగా మా ఇంట్లో ఒక గది కేటాయించాను.

ఈ విషయాన్ని సందర్భం వచ్చినప్పుడల్లా చాలా గొప్పగా ప్రస్తావిస్తుంటారు. ఆయనను, రచయిత నవీన్ గారికి పరిచయం చేసాను. ముందుమాట తప్పక రాస్తానని చెప్పారు. తర్వాత, శ్రీ దీప్తి ప్రింటింగ్ ప్రెస్ అధినేత కృష్ణ గారికి పరిచయం చేసి కథల పుస్తకం ముద్రణకు సంబంధించిన అన్ని విషయాలూ మాట్లాడుకోమన్నాను. ఆర్థికపరమైన విషయాలు కూడా ఇద్దరూ మాట్లాడుకున్నారు. నాగేశ్వరరావు గారు ఎంతో తృప్తిగా తన పని ముగించుకుని చెన్నైకి సంతోషంగా తిరిగి వెళ్లారు.

కార్యక్రమం ఆహ్వాన పత్రిక

వేదిక, సభ నిర్వాహణ విషయాలు మిత్రులు కుందా వజ్జుల కృష్ణమూర్తిగారికి అప్పగించాను. వేదికగా వందేళ్లకు పైగా చరిత్ర వున్న గ్రంథాలయం ఖాయం అయింది. తేదీని నిర్ణయించి ముందుగానే నాగేశ్వరరావు గారికి తెలియజేశాము.

చెన్నై మిత్రులు

హన్మకొండ లోని రాజరాజ నరేంద్రాంధ్ర భాషానిలయంలో 12-06-2016, ఆదివారం, పదిగంటలకు నిర్ణయించాము. ఓరుగల్లు సాహితీ మిత్రుల నిర్వహణ అని ప్రకటించాం. అనుకున్న సమయం రానేవచ్చింది. చెన్నైనుండి ఆదివారం ఉదయం బొందల నాగేశ్వర రావు గారు, ఆయనతో పాటు మరో ఇద్దరు మిత్రులు శ్రీ గుడిమెట్ల చెన్నయ్య, శ్రీ బెల్లంకొండ నాగేశ్వరరావులు చార్మినార్ ఎక్స్‌ప్రెస్‌లో వచ్చి కాజీపేట స్టేషన్లో దిగారు. నేను వాళ్ళని నా కారులో ఇంటికి తీసుకువచ్చి అల్పాహారం అదీ ముగిసిన తర్వాత సభావేదిక దగ్గరకు తీసుకు వెళ్లాను. ఇంచుమించు నేను పిలిచిన వాళ్ళు అందరూ వచ్చారు. గ్రంథాలయం కిటకిటలాడింది. చాలా సంతోషం అనిపించింది. సహృదయ ముఖ్యులందరూ ఎంతగానో సహకరించారు.

ఆవిష్కరణ కు నోచుకున్న కథాసంకలనం

ఆనాటి పుస్తకావిష్కరణ సభకి ప్రియ మిత్రులు సాహితీవేత్త శ్రీ గన్నమరాజు గిరిజామనోహరబాబు అధ్యక్షత వహించారు. డా. అంపశయ్య నవీన్ గారు పుస్తకాన్ని ఆవిష్కరించారు. ముఖ్య అతిథిగా శ్రీ పొత్తూరి సుబ్బారావు గారు హైదరాబాద్ నుండి విచ్చేసారు. పుస్తక సమీక్ష,ఆకాశవాణి అనీల్ ప్రసాద్ చేశారు. కార్యక్రమం కన్నులపండుగగా బ్రహ్మానందంగా ముగిసింది. ‘నిర్ణయం’ కధాసంపుటి రచయిత శ్రీ బొందల నాగేశ్వరరావు గారు నాకు సన్మానం చేశారు, నేను ఆయనకు చిరు సన్మానం చేసాను. ఈ కార్యక్రమం నా జీవితంలోనూ, నాగేశ్వరరావు గారి జీవితంలోనూ, వరంగల్ సాహిత్య చరిత్రలోనూ గుర్తు పెట్టుకోదగ్గ అంశం. నాగేశ్వరరావు గారి ఆనందానికి అవధులు లేకుండా పోయినాయి.

రచయితని సన్మానిస్తున్న శ్రీ బొందల నాగేశ్వరరావు

నాగేశ్వరరావు గారి చిన్న నాటి ప్రియ స్నేహితుడు శ్రీ చెన్నయ్య.జి.

అలా ఇప్పటికీ మా స్నేహం కొనసాగుతూనే వుంది. 71 సంవత్సరాల వయస్సులో కూడా, ఆయన రచనా వ్యాసంగం వేగం ఇతరులు అందుకోలేనంతగానే ఉండడం విశేషం. ఎంత ఎదిగినా ఒదిగివుండే సుగుణం ఆయనది. నా కథ నొక దానిని నాటకీకరణ చేసి ఢిల్లీలో ప్రదర్శించిన సహృదయత ఆయనది. మొదటి పుస్తకం పాఠకలోకానికి చేరిన కొద్దిరోజుల్లోనే మరో రెండు పుస్తకాలు ఆయన ఖాతాలో చేరాయి. ఇంకా చాలా పుస్తకాలుగా తీసుకురాదగ్గ కథలు ఆయన దగ్గర వున్నాయి. త్వరలో అవి కూడా పుస్తకరూపం దాలుస్తాయని నా నమ్మకం. స్నేహానికి, సహృదయతకు సరైన నిర్వచనం శ్రీ బొందల నాగేశ్వరరావు.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: సంచిక డా. కె. ఎల్. వి. ప్రసాద్ఫీచర్కాలమ్జ్ఞాపకాల పందిరి Column Dr. K.L.V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

డా.కె.ఎల్.వి.ప్రసాద్
June 27, 2021 at 7:16 am
సంచక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు

Reply
2

డా.కె.ఎల్.వి.ప్రసాద్
June 27, 2021 at 8:09 am
Goppa rachayithalu vyakthulanu gurthinchi gworavinchadam chalaa bagundi sir .🌷❤️
—–డా.డి.సుజాత
రేడియోలజిష్ట్
విజయవాడ.

Reply
1. 2.1
  
  డా.కె.ఎల్.వి.ప్రసాద్
  June 27, 2021 at 8:10 am
  డాక్టర్ గారూ
  మీ స్పందనకు ధన్యవాదాలు.
  
  Reply
3

డా.కె.ఎల్.వి.ప్రసాద్
June 27, 2021 at 8:19 am
Gd Mng doctor garu,
Your initiative in getting Sri Nageswara Rao gari kathala printing is highly appreciable.
Sri Nageswsra Rao gariki naa pranamamulu telapandi.
—–Surya narayana Rao
Ex.DGM-SBI
HYDERABAD.

Reply
1. 3.1
  
  డా.కె.ఎల్.వి.ప్రసాద్
  June 27, 2021 at 8:19 am
  Thank you rao garu.
  
  Reply
4

Sagar
June 27, 2021 at 8:21 am
వారు ఈ వయసులో కూడ రచనలు చేయడం చాలా గొప్ప విషయం సర్ . వారి కోరిక తీర్చేందుకు మీరు శ్రమతీసుకుని కార్యక్రమం నిర్వహించడం కవులపట్ల సాహితీ మిత్రులపట్ల మీకున్న అభిమానానికి నిదర్శనం. మీ ద్వారా నాకు వారి పరిచయ బాగ్యం కలగడం నా అదృష్టం.నన్ను కూడ వారు ఆహ్వానించారు వచ్చి కలుసుకోమని. కానీ ఈ కరోనా అడ్డు వలన సంవత్సర కాలంగా చెన్నైలో ఉన్నా వారిని కలుసుకోలేక పోయాను. త్వరలో కలవాలని ఆశిస్తూ మంచి అనుభవాలను అందించిన మీకు ధన్యవాదములు మరియు నాగేశ్వర రావుగారికి నమస్సులు.

Reply
1. 4.1
  
  డా.కె.ఎల్.వి.ప్రసాద్
  June 27, 2021 at 8:32 am
  నీ స్పందన కు ధన్యవాదాలు
  సాగర్.
  
  Reply
5

డా.కె.ఎల్.వి.ప్రసాద్
June 27, 2021 at 8:35 am
Mee gnapakala pandiri chala adbuthanha unnadi sir.
Keep it up.
Chala andamga Rasaru.

—-prof.Ashok kumar.
Hyderabad.

Reply
1. 5.1
  
  డా.కె.ఎల్.వి.ప్రసాద్
  June 27, 2021 at 8:44 am
  Thank you
  Doctor garu.
  
  Reply
6

Shyam
June 27, 2021 at 8:51 am
డాక్టర్ కె . ఎల్.వి ప్రసాద్ గారి గతకాలపు స్మృతులను బట్టి మరియు వారికి కలిగిన అనుభవాలు, పరిచయాలు సాహిత్య లోకానికి సంబంధించినవి. అందులో నిష్ణాతులైన వారిని ఎందరినో గుర్తించి వారితో స్నేహం పెంపొందించుకుని తన వంతు ఇతోధికంగా సహాయం చేసి, వారికి తగిన గుర్తింపు వచ్చేలా నిస్వార్థంగా కార్యక్రమాలను నిర్వహించిన డాక్టర్ కె. ఎల్.వి అభినందనీయులు. సరైన గుర్తింపు, ప్రోత్సాహం, ఆదరణ కరువై ఎన్నో కళలు కళాకారులు మరుగునపడి పోతుంటారు. రచయిత శ్రీ నాగేశ్వర రావు గారి రచనలు నేను ఇంకా ఏమి చదవలేకపోయాను. భగవంతుడు మంచి ఆరోగ్యాన్ని ఇచ్చి ఇంకా నాగేశ్వరరావు గారితో మంచి రచనలు చేయించాలని కోరుకుంటున్నాను

Reply
1. 6.1
  
  డా.కె.ఎల్.వి.ప్రసాద్
  June 27, 2021 at 9:04 am
  మిత్రమా
  నీ స్పందన కు ధన్యవాదాలు
  
  Reply
7

డా.కె.ఎల్.వి.ప్రసాద్
June 27, 2021 at 9:01 am
కొన్ని పరిచయాలు అంతే,
అవి శాశ్వత మిత్రుత్వంలోకి ఎలా రూపాంతరం చెందుతాయి అనేదానిక కొలమానం లేదేమో.
—–మోహన్. వేడంగి
హైదరాబాద్.

Reply
1. 7.1
  
  డా.కె.ఎల్.వి.ప్రసాద్
  June 27, 2021 at 9:02 am
  అబ్బా య్
  ధన్యవాదాలు.
  
  Reply
8

ఎన్.వి.ఎన్.చారి
June 27, 2021 at 9:43 am
ఒక్కొక్కసారి అద్భుతాలు జరుగాతాయి అందుకే కాగలకార్యం గంధర్వులే తీర్చారంటారు. మీ మధ్య
మైత్రీబంధం ఒక సాహితీ పుష్పాన్ని వికసింప జేసింది
ఋణానుబంధరూపేనా పశుపత్నీ సుతాలయా
ఏదో కర్మబంధం దానంతటదే సమయానుబద్ధంగా ముడివేసుకుంటుంది. ఇలాంటివే మధురస్మృతులు
వీటిని నెమరువేసుకుంటే నూతనోత్సాహం పుట్టుకొస్తుంది. నేను అసోసియేషన్ బాధ్యతల్లో వ్యస్తుడనైనందున పాల్గొన లేకపోయాను
మంచి నేపధ్యం ధన్యతలు

Reply
1. 8.1
  
  డా.కె.ఎల్.వి.ప్రసాద్
  June 27, 2021 at 9:52 am
  చారిగారూ
  ధన్యవాదాలు సర్ మీకు.
  
  Reply
9

డా.కె.ఎల్.వి.ప్రసాద్
June 27, 2021 at 10:03 am
“మంచి మిత్రులు” డా.కెల్వీ. 👌
——డాక్టర్. సి.హెచ్. సుశీల
హైదరాబాద్.

Reply
1. 9.1
  
  డా.కె.ఎల్.వి.ప్రసాద్
  June 27, 2021 at 10:03 am
  ధన్యవాదాలు
  ప్రొఫెసర్ గారు.
  
  Reply
10

Sarasi
June 27, 2021 at 10:26 am
మంచి మిత్రులు దొరకడం అదృష్టం. మంచి సాహితీ మిత్రులు లభించడం ఇంకా అదృష్టం.

Reply
11

డా.కె.ఎల్.వి.ప్రసాద్
June 27, 2021 at 10:34 am
ఈ వారం బొందల నాగేశ్వరరావు గారి అధ్యాయం బాగుంది.వారిని నాకూ పరిచయం చేసారు కదా.వారి కథలు నేను కొన్ని వినిపించాను. ఆయన down to earth మనిషి.. నిగర్వి..
బాగుంటోంది మీ జ్ఞాపకాల పందిరి. ఇన్నేసి,ఇందరేసి ఫోటోలు మీరు పదిలపరచడం కూడా గ్రేట్.
—వెంపటి కామేశ్వరరావు
హైదరాబాద్.

Reply
1. 11.1
  
  డా.కె.ఎల్.వి.ప్రసాద్
  June 27, 2021 at 10:35 am
  మీస్పందనకు ధన్యవాదాలండీ.
  
  Reply
12

డా.కె.ఎల్.వి.ప్రసాద్
June 27, 2021 at 11:42 am
Good morning sir 🙏 me rachanalo sneham gurinchi chakkaga vivarincharu anthe kaka acharinchi chupincharu me rachana shaili chala unnathabga purthi parinithi chendi adbuthanga vundi sir pogadadam kadu gani presentation chala bagundi sir 🙏
——ప్రమోద్. కుసుమ
హైదరాబాద్.

Reply
1. 12.1
  
  డా.కె.ఎల్.వి.ప్రసాద్
  June 27, 2021 at 11:42 am
  బాబూ
  మీ స్పందనకు ధన్యవాదాలు.
  
  Reply
13

డా.కె.ఎల్.వి.ప్రసాద్
June 27, 2021 at 11:57 am
Art is the gift given by God which will be cherished till we are alive and emit the fragrance.
—–Dr.M.Manjula
Hyderabad.

Reply
1. 13.1
  
  డా.కె.ఎల్.వి.ప్రసాద్
  June 27, 2021 at 11:58 am
  Thank you Dr.
  
  Reply
14

డా.కె.ఎల్.వి.ప్రసాద్
June 27, 2021 at 12:00 pm
డాక్టర్ గారు నమస్కారం🙏

మనకు ప్రతి నిత్యము తారస పడుతున్న వ్యక్తుల యొక్క మనోభావాన్ని వారిలో నున్న విశిష్ట లక్షణాలను గుర్తించడం సులభ తరమే కానీ… అసలు పరిచయము లేని ఎక్కడో ఉన్న వ్యక్తి యొక్క నైపుణ్యాన్ని గుర్తించి ,వారి యొక్క రచనలను పదిమందికి పరిచయం చేయాలనే సత్సంకల్పంతో , వ్యయప్రయాసలకోర్చి మీరు ప్రోత్సహించిన విధానము బహు ప్రశంసనీయం. “యద్భావం తద్భవతి “అన్న శ్రీకృష్ణభగవానుని సందేశా నుసారము ,సద్భావముతో ఆలోచించే సహృదయులైన మీ లాంటి వారే ఎదుటివారి సద్గుణాలను పసిగట్ట గలరు.🙏
—బి.రామకృష్ణా రెడ్డి
సఫిల్ గూడ
సికింద్రాబాద్.

Reply
15

డా.కె.ఎల్.వి.ప్రసాద్
June 27, 2021 at 12:01 pm
రెడ్డి గారూ
మీ.స్పందనకు ధన్యవాదాలు

Reply
16

Bhujanga rao
June 27, 2021 at 1:00 pm
జ్ఞాపకాల పందిరి 64 ఎపిసోడ్ బాగుంది. మీరు రచయితగా తొలి అడుగు ప్రస్థానంలో, అప్పటి పరిస్థితులు మరియు పరోక్షంగా మీ అన్నయ్య వదిన ల సహకారం మరువలేనిది. గొప్పరచయిత శ్రీ బి నాగేశ్వర్ రావు గారి పరిచయం,నిర్ణయం పుస్తక ఆవిష్కరణ చాలా బాగా జరిగింది.పని చేయటం ముఖ్యం కాదు,దాని వెనుకాల ఉన్న ఆలోచనా విధానం గుర్తించి,హనుమకొండలో పుస్తకంగా వేసి,ఆ కార్యక్రమాన్ని మీ కర్తవ్యంగా భావించి ఉన్న పరిస్థితులకు అనుగుణంగా సహకరించి, సాహితీ మిత్రుల పట్ల మీకున్న గౌరవానికి నిదర్శనం. మీ ద్వారా ఆ కార్యక్రమానికి నేను రావడం వారి పరిచయ భాగ్యం కలిగింది ధన్యవాదములు సర్.వారికి,మీకు హృదయపూర్వక నమస్కారములు.

Reply
1. 16.1
  
  డా.కె.ఎల్.వి.ప్రసాద్
  June 27, 2021 at 1:14 pm
  చాలా
  మంచిగా స్పందించారు.
  భుజంగరావు గారూ
  మీకు ధన్యవాదాలండీ.
  
  Reply
17

డా.కె.ఎల్.వి.ప్రసాద్
June 27, 2021 at 1:07 pm
“స్నేహం” ఉత్తమ మానవధర్మం , మానవసంబంధాల పటిష్ఠతకు మంచిమార్గం .. ఇవ్వాళ మీరు అందించిన మీ జ్ఞాపకాల్లో స్నేహపరిమళాన్ని ఆఘ్రాణింజేశారు ……………“ స్నేహం “ అంటే జిడ్డు అనే అర్థం కూడా ఒకటుంది , దాన్ని వదిలించుకోవటం కష్టమే , కానీ దానికి మకిలి పట్టించుకోరాదు , అట్లని వదిలించుకోరాదు … స్నేహధర్మాన్ని పాటించి పదికాలాలపాటు నిలుపుకోవటమనేది మనమీదే ఆధారపడిన విషయమే మీరు ఆచరణ లో చూపించారు , దానివల్ల ఒకమంచి పుస్తకం వెలుగులోకి రావడమే గాక , నిరాసక్తత ఉన్న రచయితను పదిమందికి పరిచయంచేశారు … ఇది సత్కార్యం … ఇదొక బాధ్యత తో పూనుకొని చెయ్యడంలో గొప్ప స్నేహ ధర్మాన్ని పాటించిన తీరు కనిపిస్తున్నది … మీరు పేర్కొన్నట్టు అవసరాల కొరకు మైత్రి పాటించేది నాదృష్టి లో అసలు మైత్రే కాదు … దాన్ని స్నేహంగా పరిగణించరాదన్నది నా నమ్మకం …
మీ స్నేహ బాంధవ్యం లో మాకూ భాగస్వామ్యం కలిగించారు .. కృతజ్ఞతలు సర్ !!!
—-గ.గిరిజా మనోహర్ బాబు
హనంకొండ.

Reply
1. 17.1
  
  డా.కె.ఎల్.వి.ప్రసాద్
  June 27, 2021 at 1:08 pm
  గురువు గారూ
  మీ స్పందనకు ధన్యవాదాలు.
  
  Reply
18

డా.కె.ఎల్.వి.ప్రసాద్
June 27, 2021 at 1:11 pm
మీ సహాయం అభినందనీయం సార్
పుష్ చేసేవారు లేక చాల మంది సీనియర్ లు పుస్తకాలు తేరు సార్.
—-నిధి(బ్రహ్మచారి)
హన్మకొండ

Reply
1. 18.1
  
  డా.కె.ఎల్.వి.ప్రసాద్
  June 27, 2021 at 1:12 pm
  ధన్యవాదాలండీ.
  
  Reply
19

డా.కె.ఎల్.వి.ప్రసాద్
June 27, 2021 at 3:33 pm
స్నేహం ఎంత బలీయమైనది.దూరాలు దానికి భారం కాదు.సాహితీ స్నేహం మరింత బలమైనది.ఆ బంధమే గొప్ప కథా రచయిత కథల్ని పుస్తక రూపం దాల్చేలా చేసింది.ఇక్కడ సాహితీ మిత్రుల పట్ల మీ ఆత్మీయతా,వారి రచనల్ని గౌరవించే విధానం, ప్రోత్సహించే గుణం ఎంతైనా ఆరాధ్యనీయం డాక్టర్ గారు.మంచి స్నేహం మంచి పుస్తకాన్ని కానుకిచ్చింది సాహితీ లోకానికి.మీరెందరినో ప్రోత్సహిస్తూ ఉంటారు.అందుకు మీకు కవులు,రచయితలతో పాటు సాహితీ జగతి కూడా మీకు రుణపడి ఉంటుంది.విలువైన కథా రచయిత శ్రీ నాగేశ్వరరావు గారి గూర్చి ఈనాటి మీ జ్ఞాపకాల పందిరిలో చదవడం ఎంతో ఆనందాన్ని ఇచ్చింది సర్.మీ అద్భుత స్నేహానికి నమస్సులు🙏💐💐💐
—–నాగజ్యోతీ శేఖర్
కాకినాడ.

Reply
1. 19.1
  
  డా.కె.ఎల్.వి.ప్రసాద్
  June 27, 2021 at 3:34 pm
  అమ్మా
  మీ స్పందన బాగుంది
  మీకు ధన్యవాదాలండీ.
  
  Reply
20

డా.కె.ఎల్.వి.ప్రసాద్
June 27, 2021 at 3:41 pm
Sir.jnapajala pandiri lo e maroka jnapakam kuda chala bagundi.
Sri nageswera rao gari gurinchi meeru rasina vishayalu ,vari kathala prachurana ki mee spandana, mammula ni kuda spandinpa chesindi.

Rachanalo ne kaka thoti rachayithala sadhaka badhakalu,telusukuni spandinchina teeru abhinandaneeyam.sir🙏
—–సుజనా పంత్
భీమారం
హనంకొండ.

Reply
1. 20.1
  
  డా.కె.ఎల్.వి.ప్రసాద్
  June 27, 2021 at 3:42 pm
  మేడం శ్రద్ధగా చదివి
  అభిప్రాయం రాసినందుకు
  ధన్యవాదాలండీ.
  
  Reply
21

Jhansi koppisetty
June 27, 2021 at 7:59 pm
నాగేశ్వరరావు గారిని నాకూ పరిచయం చేసారు మీరు. మీ స్నేహగుణం, సహృదయం ఎంతైనా అభినందనీయం… ఇరువురికీ అభినందనలు💐💐

Reply
1. 21.1
  
  డా.కె.ఎల్.వి.ప్రసాద్
  June 28, 2021 at 8:37 am
  ఝాన్సీ గారూ
  ధన్యవాదాలండీ.
  
  Reply
22

Sambasiva+Rao+Thota
June 27, 2021 at 8:41 pm
Dr.Prasad Garu!
Sri Bondala NageswaraRao Garitho mee parichayam , adi snehamgaa maaradam ,aa snehabandhamtho saahithya Sahaya kaaryakramaalanu nirvahinchukovadam…annintinee adbhthamgaa vivarinchaaru…
Meeru NaageswaraRao gaarini naakuu parichayam cheyadam , naa adrushtam gaa bhaavisthaanu…
Dhanyavaadaalandi 🙏

Reply
1. 22.1
  
  డా.కె.ఎల్.వి.ప్రసాద్
  June 28, 2021 at 8:36 am
  ధన్యవాదాలండీ
  రావు గారూ.
  
  Reply
23

అశోక్ కుమార్ రాపాకరా
June 28, 2021 at 7:27 am
మామయ్య, నాగేశ్వరరావు గారి రచనలకు మీ కృషి అభినందీయం. మీ స్నేహం మరింత ఆనందదాయకంగా కొనసాగాలని కోరుకుంటున్నాను.

Reply
1. 23.1
  
  డా.కె.ఎల్.వి.ప్రసాద్
  June 28, 2021 at 8:35 am
  అశోక్
  ధన్యవాదాలు.
  
  Reply
24

డా.కె.ఎల్.వి.ప్రసాద్
June 28, 2021 at 8:34 am
మీరు ధన్యులు ఒక గొప్ప రచయిత చేత ఆయన రచనల పుస్తకం అచ్చు వేయించారు.
ఇంగ్లీష్ భాష లో
Who finds a friend, finds treausre.
అన్న సామెత కి అద్దం లాగా ఉంది మీ వ్యాసం.
—-డా. డి.సత్యనారాయణ
హైదరాబాద్.

Reply
1. 24.1
  
  డా.కె.ఎల్.వి.ప్రసాద్
  June 28, 2021 at 8:34 am
  ధన్యవాదాలండీ.
  
  Reply
25

డా.కె.ఎల్.వి.ప్రసాద్
June 28, 2021 at 11:24 am
🙏🙏🙏సార్ !మీ జ్ఞాపకాల పందిరి 64 ను చదివాను.అందులో మన పరిచయం,స్నేహం ,తద్వారా మన మధ్య ఏర్పడిన స్నేహ బంధాన్ని, చోటు చేసుకున్న కొన్ని సంతోషకరమైన సంఘటనలను జ్ఞాపకంగా(నేనుకొన్ని మరచిపోయాను.మట్టి తల నాది)గొప్పగా రాశారు.అందుకు సర్వదా మీకు కృతజ్ఞతలు.మీతో నా స్నేహం గొప్పది.ఆ స్నేహం జీవిత పర్యంతం కొన సాగాలని భగవంతుణ్ణి వేడుకొంటాను.మీకు అభిమానంతో కూడికొన్న ధన్యవాదాలు.🙏🙏🙏💐💐💐
—-శ్రీ బొన్దల నాగేశ్వరరావు
చెన్నై.

Reply
1. 25.1
  
  డా.కె.ఎల్.వి.ప్రసాద్
  June 28, 2021 at 11:25 am
  నాగేశ్వరరావు గారు
  మీకు కృతజ్ఞతలు.
  
  Reply
26

Dr.Harika
June 29, 2021 at 7:48 am
Good morning sir,
Great to see that your suggestions,help and efforts to make that happen had given lifetime memory for sri. B.Nageshwara rao garu & Hearty congratulations to sir.
There is always a best thing to learn from your stories sir.
Thank you sir.

Reply
1. 26.1
  
  డా.కె.ఎల్.వి.ప్రసాద్
  June 29, 2021 at 9:02 am
  Amma thank you somuch.
  
  Reply
27

డా.కె.ఎల్.వి.ప్రసాద్
June 29, 2021 at 10:19 am
మీజ్ఞాపకాల పందిరి64 వ సంచికచదివినాను.కొన్ని స్నేహాలు అనుకోకుండా వృద్ధిచందుతూనే ఉంటాయి.ఇద్దరూ సహృదయులైతేచెప్పేదేముంది. మీ మిత్రునికి మీరు సాయం చేయటం చాలా గొప్ప విషయం..అట్లా బాధ్యతవహించేవారు తక్కువ. మీరు అభినందనీయులు..
—–నాగిళ్ళ రామశాస్త్రి
హనంకొండ.

Reply
1. 27.1
  
  డా.కె.ఎల్.వి.ప్రసాద్
  June 29, 2021 at 10:20 am
  కృతజ్ఞతలు
  శాస్త్రి గారు.
  
  Reply
28

డా.కె.ఎల్.వి.ప్రసాద్
June 29, 2021 at 11:41 am
చాలా చాలా బావుంది.. స్నేహానికి మీరిచ్చిన ప్రాధాన్యత అనిర్వచనీయం!హృదయానికి హత్తుకునేలా ఉంది..అందుకే అంటారు పెద్దలు సృష్టిలో తీయనిది స్నేహమని.అంతపెద్ద రచయిత ఐనా ఏభేషజం లేకుండా మీతో స్నేహం..మీరు అంత సాయం చేసినా ,చిన్నసాయం చేస్తేనే పెద్ద ప్రచారం చేసుకునే ఈరోజుల్లో ఎప్పుడో 2016 చేసినా అదేదో మామూలు విషయంలా చెప్పారు. You are so great!👌👌👌👌👌👍👍👍👍👏👏👏👏💐💐💐💐💐
పెబ్బిలి హైమవతి
విశాఖపట్నం.

Reply
1. 28.1
  
  డా.కె.ఎల్.వి.ప్రసాద్
  June 29, 2021 at 11:41 am
  ధన్యవాదాలండీ.
  
  Reply
29

డా.కె.ఎల్.వి.ప్రసాద్
June 30, 2021 at 8:44 am
నిజమైన స్నేహ మంటే ఇదే సార్. ఒకరికి ఒకరు ఆపదలో సాయం చేసుకోవటం తెలుసు కానీ ఒక స్నేహితుని మది గదిని పరిశీలించి దాన్ని సంతోషంతో నింపడం చాలా అరుదైన విషయం సార్ మీ నిండైన సహృదయ సద్భావం మాకెంతో ఆదర్శ పూరితం సార్. ఎంత అపురూపం అద్భుతం మీ స్నేహ బంధం.ఒ
ఒక ఊరి నుండి ఇంకో ఊరికి పయనం మీ ఆదరణ అభిమానం మహోన్నతం సార్ ఈ ఎపిసోడ్ ద్వారా ఓ గొప్ప కవి బొందల నాగేశ్వరరావు గారి గురించి తెలుసు కునే అవకాశం కల్పించారు. స్నహ మంటే ఇదే అనే మీ గొప్ప తనాన్ని గ్రహిచాము.నిరాడంబరంగా కనిపించే మీలో ఆడంబరమనే ఓ చేయూత శక్తి కి శత కోటి వందనాలు సార్. మీలాంటి గురువు లభించడం నా అదృష్టం గా భావిస్తున్నాను .మీ జ్ఞాపకాల పందిరిలో సుమధుర భరితాల ఙ్ఞాపకాల పుటలన్నీ అద్వితీయమైనవే.హృదయపూర్వక శుభాకాంక్షలు శుభాభినందనలు సార్ మీకు నాగేశ్వరరావు సార్ గారికి 💐🙏🎊💐🙏🎊💐🙏🎊💐🙏🎊💐🙏🎊💐🙏🎊💐🙏🎊💐🙏
అఫ్సర్ వలీషా
ద్వారపూడి…తూ.గో.జి.

Reply
1. 29.1
  
  డా.కె.ఎల్.వి.ప్రసాద్
  June 30, 2021 at 8:45 am
  అఫ్సరా
  ధన్యవాదాలు నీకు
  
  Reply
30

డా.కె.ఎల్.వి.ప్రసాద్
July 2, 2021 at 7:20 am
నాగేశ్వరరావు గారి కథా సంపుటి ప్రచురణ, ఆవిష్కరణలో ఉండే సాధక బాధకాలను చక్కగా వివరించారు. చెన్నైలో ఉండే మిత్రునికి మీరు సాయం చేయడం మీరు స్నేహానికి ఇచ్చే విలువను తెలిపింది. అభినందనలు.
—–జి.శ్రీనివాసాచారి
కాజీపేట.

Reply
1. 30.1
  
  డా.కె.ఎల్.వి.ప్రసాద్
  July 2, 2021 at 7:21 am
  ధన్యవాదాలండీ.
  
  Reply